قصة اليوم: #السر_العميق
.............
قراءة ممتعة🦋💙"
#ⴅÂÐЄĦÂ

القصة مو رعب.. بس اكشن.. اذا بدك تقرأيها لازم تشغلي كل حواسك مع فنجان قهوة لتروقي
Telegram:@rwayate
____________________

#السر_العميق
الجزء الأول – الثاني
Telegram:@rwayate
مشيت ببطئ وهي عم تطلع لتحت عالأرض.. كان مطر غزير كتير والشارع فاضي ومو مبين شو نهايته غير رجال بعيييد واقف بآخر الشارع.. لابس جاكيت أسود بيوصل لتحت الركبة وقبعة غريبة سودة.. مع نضارات شمسية سودة.. يعني كان كله اسود بأسود.. حاولت تحلل لبسه.. شكله غامض لأبعد الحدود.. فكرت انه لازم تتدخل لأنه مواصفاته مطابقة ليلي قرأته
طالعت سلاحها من خصرها ومشيت لأقرب شجرة ووقفت وراها وقعدت تراقب.. طالعت اللاسلكي وحكت مع منير
نورا: منير لقينا الرجال.. ابعتلي دورية بسرعة
منير: متأكدة منه
نورا: لك نفس المواصفات يلي شفتا بالصورة
منير: حاضر مدام
Telegram:@rwayate
سكرت اللاسلكي وقربت شوي شوي لقدام بين الشجر.. شافت بأول الشارع الفرقة عم تقرب منهم.. انتبهت انه هاد الرجال ما تحرك أبدا.. وحست انه شوي ورح يلف عليهم.. بسرعة بدون تفكير قالت باللاسلكي: وقفوا
كل الفرقة وقفت ولف الرجال شوي شوي بطريقة بطيئة.. .. طلعت لبرا قبل ما يكمل اللفة ووقفت قدامة.. كمل اللفة.. كان رجال مغطى وجهه بالكامل.. والغطا خوفها لأنه كان على وجهه بطريقة غريبة.. بس هي حافظت على هدوءا
مجهول ( الرجل): ههههه ليش عم تلحقيني
وركز النظر على السلاح يلي بإيدا
نورا: انت ليش واقف بهيك وقت ومكان؟!
مجهول: ممممم هيك
نورا: الطريق مجهول وليش ماشي فيه ؟!
Telegram:@rwayate
قبل ما تكمل جملتها كانت عم تغمض عيونها مع محاولتها بالمقاومة يلي باءت بالفشل
فتحت عيونها على ضو قوي كتيير.. حاولت تسترجع شي..ماقدرت تتذكر غير صوت الرصاص يلي سمعته.. كلشي كان مسحوب منها.. موبايلها.. اللاسلكي..وغيرها من الاجهزة
اطلعت عإيدها عجنب لقت ايدها محفورة بشكل عشوائي.. كانت عم تنزف دم بشكل غزير لأنهم طالعوا جهاز التعقب يلي بإيدها بدون عملية جراحية.. شقت طرف جاكيتا وربطت فيه ايدها.. هي ما كانت حاسة بألم بس خايفة انها تفقد طاقتها ويغمى عليها.. كانت حاسة حالها جوا نفق بس مبني بطريقة كتيير محترفة من تحت.. انفتح الباب ودخل منه نفس هداك الرجل..
مجهول بصوت حاد: ليش عم تلعبي بالنار حضرة المدعية نورا
نورا: انا مدعية عامة وعم قوم بواجبي
مجهول: واجبك هو انك تقعدي ورا مكتبك وتشتغلي بالقضايا هنيك
نورا: اذا قعدت هنيك وانا قاعدة ورا مكتبي مارح يستفاد حدا مني.. لأنه الفرقة بدها تدريب ومارح يعرفوا يشتغلوا منيح.. الفرقة حاليا بتحتاج قلب قوي يدعمها وكلام عذب يسبق هالقلب القوي.. لازم يتعلموا عالإخلاص.. مستحيل حط هيك قضية كبيرة بإيدهم
مجهول: لازم تتفلفسي؟؟!
نورا: هي مو فلسفة .. هي حقيقة.. وبدك اثبتلك ؟
مجهول: تفضلي
نورا: انت بتحس حالك غامض؟!
Telegram:@rwayate
مجهول: مع انه ما دخلك بس رح قلك.. اي وكتيير
نورا: كذاب.. انت مانك غامض
مجهول: شو الدليل ؟!
نورا: عمرك بين ال 30 وال 35 سنة.. عندك مشكلة بضهرك.. من وانت وصغير مافيك تمشي بضهر مستقيم.. انت مغطي وجهك لسببين.. اما انت ميت من زمان قدام العالم ومحدا بيعرف بوجودك.. او وجهك محروق بحرق كبيير وعم تخبيه
اجا ليحكي سكتته بحركة من ايدها
نورا: لسا ماخلصت.. بتوقع انك.. لا مو بتوقع.. متأكدة انك بتشتغل تاجر مخدرات.. مع انه ماهيك مكتوب بالقضية يلي استلمتا.. انت بتخبي عيونك بالنضارات لأنك اما خايف حدا يكشفك من عيونك الفريدة من نوعها او حوالي عينك في حرق.. بتحب التسلط.. بتظن نفسك غامض وانت مو هيك ابدا.. كل حركة فيك بتكشف شغلة جديدة وبكل سهولة.. غني كتييير وفيك بحركة من ايدك تجيب حدا من اخر الدنيا..
Telegram:@rwayate
مجهول: انتي عنجد خطيرة.. ما لازم نتركك تروحي من بين ايدنا
نورا: أي حدا فينه يكشف كل هاد
مجهول: طيب كيف توقعتي عمري
نورا: بهالعمر أحيانًا بيكون الانسان عديم الحيلة وحالته النفسية صعبة كتيير.. وحتى ممكن يكون معقد نفسيًا
مجهول: مممممم انت مكتبة عنجد..
مجهول: ليش دخلتي فرع الشرطة؟!
نورا: من انا وصغيرة كنت حب هالشغلة.. كنت امسك أسلحة لما كان عمري 9 سنين لأنه بابا كان ضابط بالجيش
مجهول: عمر
دخل الشب يلي هو عالأساس عمر
عمر: نعم سيدي
Telegram:@rwayate
مجهول:طالعوها لبرا وخدوها لعند الشايب
استغربت نورا
اخدها عمر على غرفة معتمة.. وفجأة فتح الضو بقوة خلاها تغمض عيونها بقوة وتفتحهم وتتفاجأ بيلي بتشوفه
يتبع..

#السر_العميق
الجزء الثاني
Telegram:@rwayate
رجعت لورا من اثر الضو بس بلش يخف.. فتحت عيونا على رجل شايب مع قبعة مايلة على راسه وطقم اسود مع بلوز أبيض وفيونكة سودة وبإيده ملف وعم يطلع فيه بكل اهتمام
الشايب: نورا السيد.. 23 سنة.. مدعية عامة.. عندك رفيقة مقربة اسما تالا.. ابوك وامك توفوا من لما كان عمرك سنتين .. لونك المفضل الأسود.. انتي أفضل وحدة بالنسبة للمدير.. قبل ما تدخلي فرعك كنتي بفرع فنون جميلة بس نقلتي.. عيونك زرق فاتحين.. وشعرك بني فاتح... أغلب الأوقات بتعملي شعرك على شكل ديل الحصان
نورا: وصلت معك تعرف كيف بعمل شعري ؟!
وضحكت.. سكر الملف واطلع فيها بعيون بتحثها على التكملة
نورا: طيب دوري
Telegram:@rwayate
الشايب: لنشوف اذا عنجد متل ماعم يحكوا الناس عنك
نورا: عمرك بين ال 55 وال 60.. بتفضل تلبس القبعة المايلة لأنها بتعطي هيبة.. طولك يا 179 يا 180.. انت كنت سمين وبعدين نحفت.. في عندك 3 شامات حوالي اذنيك وشامتين بإيدك اليمين.. لونك المفضل الرمادي.. انطوائي وبتحب العزلة.. عندك اضطراب بالتنفس.. بس ما شكلك متزوج.. وانت مو رئيس هي المنظمة.. في واحد أعظم منك بالمقام.. أفضل رجل عندك هو الرجل يلي جابني لعندك
الشايب: ممممم عنجد متل ما بيحكوا عنك.. انا بإيدي ملف حتى حكيت عنك.. بس انتي شو بإيدك ؟!
نورا: انا عندي ملاحظة.. ماعندي ملفات
الشايب: كيف عرفتي اني مو متزوج
نورا: حسب ما لاحظت انه هي المنظمة تبعيتكن ممنوع الزواج فيها الا عظيم المقام
الشايب: طيب كيف عرفتي انه في واحد أعلى مني بالمقام
Telegram:@rwayate
نورا: حتى اكتر من واحد.. لأنه بكل بساطة لو كنت انت صاحب أعظم مقام.. ما كانوا جابوني لعندك بسرعة.. كانوا جابوني للأقل منك مقام
الشايب: انتي فظيعة
نورا: شو بدك مني ؟
الشايب: بدي تقابلي رئيس هي المنظمة
نورا: طيب ممكن اعرف شو اسم منظمتكم ؟
الشايب: ههه.. اسما السر العميق
واجوا الحرس اخدوني.. بعد 3 ساعات حسيتن رح يطالعوني لبرا.. اجا الشايب لعندي
الشايب: رح تروحي لعند صاحب أعظم مقام عنا.. بس رح ترجعي لهون بعدين
نورا:.........
Telegram:@rwayate
اجوا شبين واخدوني وحطوا قماش على عيوني وحسيت انه شوي وعم نطلع عالسلم.. وصلنا بعد نص ساعة.. كنت عم استشعر كل الاصوات عالطريق واحفظا.. منن أصوات بائع العصير وأصوات النجار وأصوات كتيييرة حفظتا وحفظت ترتيبا.. وصلنا ونزلوني ودخلوني عغرفة وحطوني عكرسي وشالوا القماش من عيوني... وبكل أدب طلعوا لبرا.. اطلعت بالغرفة ولقيت في رجال واقف بعيد قدام الشباك وعاطيني ضهره
يتبع..

#السر_العميق
الجزء الثالث – الرابع
Telegram:@rwayate
كان المكان من أفخم الأثاث ومتعوب عليه.. الكراسي الجلد والأضوية الكريستال.. يعني بتحس هاد مكتب ملك
انكسر الهدوء لما التفت هاد الرجل وقال: أهلين نورا
ردت: أهلا فيك
الرجل: انا رئيش منظمة السر العميق بس مو يلي أسسها.. وانتي بتلزميني
نورا: اسفة بس ما بخدم ناس ما بيعرفوا الحق من الباطل.. ما بخدم ناس بيحسوا بالمتعة وقت بيظلموا.. مابخدم ناس أسهل شي عندن هو قتل نفس بريئة
Telegram:@rwayate
الرجل: اسمعي انسة نورا.. كل الجرايد وصفحات الانترنت بيحكوا عنك انه بعمرك الصغير قدرتي تحققي حلمك بسرعة.. يعني وقفتي عرجلك بعد ما امك ماتت وأبوكي مات بالحرب بالجيش وانتي وحيدة.. كبرتي بسرعة وصرتي تعرفي حقوقك و واجباتك.. عملتي جمعيات خيرية كتيير.. وكنتي بارعة بمهماتك ومافي قضية الا وبتحليها
نورا: شو بدكن مني ؟!
الرجل: بس بدنا تنضمي النا.. ولو انتي طلعتي من هالمكان وقلتي لا.. اعرفي انه رح تكوني اصدرتي قرار اعدامك بإيدك.. ولو قلتي اي.. رح تحصلي على أفضل شي عنا من تنقنيات وأجهزة وامكانيات
نورا: انا ماني بحاجة لشي منكن.. امكانياتي بتكفيني 😏😒
الرجل: جوابك هو ؟!
نورا: أكيد لا
كبس زر من مكتبه واجوا شابين وسحبوني لبرا.. ما حطوا القماش على عيني وهيك فهمت انن رح يقتلوني لهيك رح شوف المكان.. لما طلعنا ما كان فيTelegram:@rwayate غير تنين ماسكيني من جهة وايدي عليها كلبشات.. وعم نمشي بطريق غابة.. خلوني احفر قبري بايدي بالغابة.. لما خلصت حفر كانوا عم يحكوا شوي.. ضربت واحد منن بالمجرفة على ضهره.. ونطيت من جوا القبر وتضاربت مع التاني.. آخر شي حطيت التنين بالقبر وسكرته
اخدت سلاحين منهم وهاتف واحد.. واتصلت على منير
نورا: منير جيب معك 100 واحد من فرقتنا المدربة وتعالوا لمكان اشارة هاد الموبايل
منير: وينك مدام ماقدرنا ناخدك منهم
نورا: اعميل متل ما قلتلك مافي وقت
Telegram:@rwayate
انا هلأ بكون رجعت للصفر مكان النفق.. اتذكرت الأصوات يلي سمعتا لما كانوا عم ياخدوني.. اجت الفرقة وبدأت امشي على نفس الأصوات.. أول شي بياع العصير.. بعدين النجار.. بعدين صوت مكان فيه عصافير كتير وبعدين صوت لحام عم يسن السكين.. وهيك استدليت عالمكان.. كان أشبه بمكان عام حديقة فيها العاب.. طبعا كان معي بس منير أما الفرقة كانت بسيارة كبيرة ورانا.. دخلت عالحديقة وانا كنت متأكدة انه هون في مكان لننزل لعنده لأنه نزلنا نحن لتحت وقت رحت لعنده.. لقيت في مكان بعيد واقف عنده رجال عادي وعم يمشي حواليه.. اتأكدت انه هاد مرافقة.. فورا ضبيت شعري على شكل كعكة وحطيت قبعة وشلحت جاكيتي مشان ما يعرفني.. قربت لعنده وهون اتأكدت من ظني
يتبع..

#السر_العميق
الجزء الرابع
Telegram:@rwayate
قربت لعنده ولقيت في دائرة باللون الاحمر واللون باهت وقديم كتيير.. غمزت لمنير يلي لف من ورا المرافق وقربت منه..
نورا: عفوا بس انا ضيعت ابني هون.. شفتلي اياه
المرافق: ما شفت حدا.. امشي من هون
نورا: الله يخليك
المرافق: لك حلي عني
نورا: رح تندم ها
المرافق: ههه وكيف
قبل ما يكمل جملتو منير طق رقبتو وقتلو.. سحبوه لورا مرجيحة محدا عليها ومشيو لمكان الدائرة.. طالعت نورا سلاحها وضربت طلقتين بالهوا قاموا كل يلي بالحديقة هربوا
قعدت تتلمس مكان الدائرة اخر شي لقت في حفرة بمكان جزء من الدائرة.. فتحت الجزء ولقت تحته كيبورد ( لوحة مفاتيح ) سألت منيرTelegram:@rwayate
نورا: ايمت تأسست هي المنظمة ؟؟
منير: 15/4/ 1997
كتبت هالرقم بس ما مشي الحال
نورا: مممم طيب شو هو اول انجاز الهن
منير: منظمة الدر كانت أول منظمة قضت عليها بتاريخ 20/4/2001
كتبت 20/4/2001 ونزلت الدائرة لتحت الأرض... دخلوا لجوا.. صاروا يمشوا بين الممرات لحتى وصلت لغرفته
وكان مليان رجال.. قتلوهم ودخلوا على غرفته
الرجل: هههههههههه
Telegram:@rwayate
قبل ما ترد نورا طلعوا رجال بالغرفة وعملوا حواليها دائرة وهي بالنص وموجهين سلاحهم عليها ومنير اخدوه برا الغرفة
الرجل: ما بصير مرافقا ينأذى بسبب غبائا زتوه برا وتركوه
منير: لك انتوا رجال ! الرجال بيتفاهم مع رجال مو مع مرة يا نسوان انتوا.. لك اتركوني
نورا: خلص منير امشي انت.. عالأقل خلي حدا عايش فينا
منير: بس يا خانوم
نورا: خلص منير.. انا ماعم اخد رأيك.. هاد أمر
اخدوه لبرا وضلوا حواليها المرافقة.. قربوا منها واخدوا سلاحها
الرجل: كيف عرفتي المكان بعد مارجعتي لمكانك الأصلي.. معقول حفظتيه وانتوا راجعين ؟!
نورا: حفظته وبمساعدة من حفظي للأصوات يلي سمعتا وانا جاية
الرجل: مممم.. يعني انكشفنا هيك. حدا معك حدا غير منير
نورا: لا
الرجل: لا تكذبي
يتبع..

#السر_العميق
Telegram:@rwayate
الجزء العاشر
ما كان عنده فرصة يطالع سلاحه.. ركض بسرعة ودفشا واجت الرصاصة بكتفه.. طالع سلاحه وقتله وهون عمّت الضجة.. نسي انه نورا عالأرض.. كان راسها عم ينزف دم
مراد: نورا.. نورا اصحي
فتحت عيونها بصعوبة وهي عم تقول : الملف.. الملف يلي عالطاولة
وغمضت عيونا مع محاولات المقاومة يلي باءت بالفشل.. حملا واخد الملف وحطا بالسيارة والتغت العملية.. كان مراد عم يسوق وفي مجموعة من السر العميق عم تلحقه
Telegram:@rwayate
مراد: الو علي.. في شباب عم يلحقوني.. انتوا الحقوهن مشان ننصبلن كمين..
صف مراد سيارته عند مكان مهجور ونزل.. وبنفس الوقت وصل علي وجماعته
وجه علي سلاحه عالشب يلي اطلق رصاصة بالهوا
الرجل: خلونا نطلع احسن ما اقتل مراد
علي: اذا قتلته رح تموت
Telegram:@rwayate
ما كان مراد معه وقت.. تركن عم يحكوا وحمل نورا ودخل لجوا المكان.. ما وقفته غير رصاصة اجت بضهره اضافة للرصاصة يلي بكتفه.. وقع عالأرض وكان مقاوم مشان ما توقع نورا.. قتل علي الرجل وركض.. حمل نورا وحطها عالسرير يلي بالمكان.. رجع لعند مراد وسمعه عم يقول
مراد بصعوبة: علي.. بدي تخبر نورا انه نحن اخوتها.. وبدي.. وبدي
علي: لا تتعب حالك اخي
غمض عيونه باستسلام اجا رامز وساعده لعلي وحطوه عالسرير التاني
نزلوا عالمستشفى يلي تحت الارض
علي: حضرة الطبيب البنت ما منعرف شو صار معا بالضبط بس راسها عم ينزف من شي نص ساعة.. والرجال في اصابة بكتفه واصابة بضهره وخسر دم كتيير
Telegram:@rwayate
في الخارج
فادي: أحمد شو لازم نعمل بهدول
أحمد: خلينا نربطهن ونستنى لحتى يصحى المعلم
يتبع..

#السر_العميق
Telegram:@rwayate
الجزء الحادي - عشر الثاني عشر
صحيت ولقت جنبا علي .. حطت ايدا عراسها
نورا: علي.. مراد تصاوب.. شو اخباره
علي: مراد حالته حرجة شوي
جلست قعدتها وقالت : كيف هيك صار
علي: اثناء انقاذه الك حكاني كلمتين ولازم خبرك ياهن
نورا: تفضل
علي: انا ومراد.. بنكون.. بنكون اخوتك
اطلعت فيه نورا وضحكت بشكل هستيري وقالت: ليكون رامز ابي كمان
اطلع فيها علي بحزم وقال: نورا ماعم امزح.. واثناء فترة نومك عملنا تحليل وثبت انه بيجمعنا رابط أخوة
اخدت منه الورق وقرأته بكل اهتمام
طلعت من غرفتا وسألت عن غرفته.. دخلت لعنده وقعدت تتأمله
نورا: معقول انتوا اخوتي يلي صرلي سنين عم دور عليهن
الشيب يلي غزا شعره عطاه هيبة فظيعة.. دقنه الخفيفة.. كلها عاطيتو هيبة.. عنجد ما شافته من قبل هيك
نورا: معقول انت أخي
Telegram:@rwayate
فتح عيونه شوي شوي وبدأ لون عيونه البني الفاتح يظهر
مسحت نورا دموعا و وقفت
نورا: كيف صرت
عدل مراد جلسته وقال: انتي كيفك
نورا: انا منيحة كتير ياا.. يا اخي
اطلع مراد عليها باستغراب وبدأ يسترجع شوي من يلي صار
صار يسعل بقوة وبدأ جهاز القلب يصير خط مستقيم وبلمح البصر كان في 4 أطباء بالغرفة.. وقعت عالكرسي وانا عم اطلع عمراد يلي سكر عيونه شوي شوي.. مابعرف اديه ضلوا.. بس آخر كلمة سمعتا كانت العمر الك
يتبع..

#السر_العميق
الجزء الثاني عشر
Telegram:@rwayate
صحيت من الكابوس و وفتحت عيونا بسرعة.. لقت جنبا تالا
حطت ايدا على راسها ما لقت اثار الوقعة سألت تالا
نورا: شو صار
تالا: انتي بغيبوبة صرلك اسبوعين.. كنتي عم تشتغلي بالمطبخ و وقعتي وكانت درجة حرارتك 39.. فاتصلت بعادل وطلع معه مراد.. فاجا مراد حملك واخدك
نورا: لك مو مراد متصاوب رصاصة بضهره ورصاصة بكتفه!؟
تالا: لك شو عم تخبصي.. مراد هلأ بالكافتيريا عم يجيب اكل وكله تمام
نورا: لك بدك تجنيني.. يعني كلشي صار كان مجرد حلم
ماعادت تعرف شو الواقع وشو الحلم.. اجا مراد
نورا: معلش تتركينا لحالنا
تالا: طيب
Telegram:@rwayate
طلعت تالا وبقيوا عم يتطلعوا ببعض
نورا: انت مو متصاوب بضهرك وكتفتك ؟!
مراد: لا ابدا
نورا: طيب لف لورا
لف مراد ولقت انه ضهره سليم
نورا: طيب شو آخر شي عملناه مع بعض
مراد: كنا عند المدير وعم نتناقش بخصوص البورصا وقلتي انك تعبانة ورحتي
نورا: بتعرف شي التعذيب الصيني
مراد: لا ما سمعت فيه
نورا: رح جن.. كم يوم صرلي
مراد: صرلك اسبوعين.. ومبارح عم تقولي مات بسببي طول الوقت.. خير مين قتلتي بالحلم 😂
نورا: رح اسألك سؤال أخير بس جاوبني بصراحة
مراد: تفضلي
نورا: انت وعلي بتكونوا اخواتي ؟
تلبك شوي مراد وقال: ااا اي اكيد .. يعني كلنا بالمخفر اخوة
نورا: انتوا اخواتي من ابي وامي ؟!
سكت شوي وقال: اي
نورا: يعني انت اخي اخي ؟
Telegram:@rwayate
مراد: اي
تسطحت عالتخت وشعرها الحرير متناثر وراها
نورا: معناها جزء من الحلم صح
حطت ايدا عراسها وهي عم تحاول تستنتج شي
قامت بسرعة وحضنت اخوها وصارت تبكي
نورا: اخي انا محتاجتك كتييير.. كتيير 😭
صار يمسح عشعرا وهو عم يهديها
مراد: خلص ماعاد نفترق..
حب يلطف جو فقال: شيبتيلي شعري على قد ما دورت عليكي 😂
ضحكت نورا وقالت: اصلا الشيب عاطيك جمال
مراد: طبعا طبعا 😎
حكتله الحلم وشو صار
Telegram:@rwayate
مراد: بتعرفي.. انتي فدتينا.. ممكن عنجد يكونوا بفيلل بيكوز
نورا: عنجد !
مراد: علي.. جهزوا العملية
نورا: لك علي انت كمان اخي ؟ 😭
حضنت علي وهي عم تقول: ماعاد نفترق
مراد: اقعدي مشان ما تتعبي
نورا: جاية معكن
مراد: لساتك تعبانة
نورا: بوعدك مارح اعمل متل الحلم ورح امشي جنبكن😂
مراد: امري لله امشي
_______________________
مراد: انتوا محاصرين من كل الجهات.. سلموا حالكن
اشتبكوا مع بعض
نورا: مراد لازم تحط بالحسبان انه محمد كوزونبيق بيكون ابوها لرفيقتي
مراد: لك اي أي
Telegram:@rwayate
مراد ونورا وعلي كانوا مع بعض من ورا.. وصلوا لعند محمد كوزونبيق
نورا: لك لعما هاد بيشبه تالا كتييير
يتبع..

#السر_العميق
الجزء الثالث عشر - الرابع عشر
Telegram:@rwayate
القاضي: تم الحكم على المجرم (( محمد كوزونبيق )) بالسجن مؤبد إضافة الى الأعمال الشاقّة
تالا:اصلا بيستهل.. تركني بدون ما يسأل 😏
نورا: حبيبتي خلص
________________________
مراد: كنا انا وانتي لما كنتي صغيرة نجي على هالجبل واحكيلك قصص وجبلك اكلات.. كنتي كتيير بريئة.. يعني انا كنت تقريبا عمري 23 وانتي طفلة.. كنت أعشق شعرك.. من لما كنتي صغيرة وهو ناعم.. دائما بمشطلك شعرك بإيدي
نورا: هلأ قلبتلي ياها دراما 😂
مراد: تضربي انتي ويلي بيعمل معك هيك جو😒
علي: على فكرة .. كنت أحن عليكي منه 😉 وكنت لاعبك اما هو دائما مشغول 😜
نورا: معقول مراد صار عمرك 43 ولهلأ ما تزوجت
مراد: تزوجت وعندي بنت
نورا: لك عنجد.. يعني انا صرت عمتو 😍
مراد: عمرا 10.. بس امها ماتت
نورا: كيف هيك ؟
Telegram:@rwayate
مراد: انا تزوجت وحدة وقتلوها أعدائي فورا.. استنيت كتير وتزوجت وحدة تانية بس خبرتا انها ممكن تكون بخطر.. الحمدلله طولت شوي وجابتلي بنتي صوفي .. بس بعدين اول ما ولدتها قتلوا مرتي وحاولوا يقتلوا بنتي بس ماقدروا.. وخلص ماعاد اتزوج واظلم حدا معي..
نورا: ممممممم.. طيب وين صوفي هلأ
علي: صوفي عندي
نورا: ليش
مراد: علي هو ضمن مجموعة سرية ما حدا بيعرفها.. اما انا مشهور كتيير .. فانا بزورها عنده بشكل سري
نورا: خدني لعند صوفي
علي: انتوا اقعدوا هون شوي وانا رح
________________________
دخلوا لجوا بيت علي
مراد: بتكون نايمة بغرفة علي.. روحي شوفيها
دخلت بكل هدوء عالغرفة يلي قلها عليها.. ولحقا علي
اطلعت عصوفي.. ملامح وجها كتيير بريئة.. شعرا طويل ناعم كتيير.. انتبهت على علي يلي كان عم يتأملا
نورا بصوت واطي : شوفي
Telegram:@rwayate
علي: تعالي شوي.. طالع ورقة وكتب فيها: في رجال بالبيت هددوني انه رح يخطفوا صوفي من عندي.. هني بالبيت ومامعي سلاح.. عطيني سلاحك.. وفي جهاز تنصت هون ما تحكي شي
نورا: كيف هيك
قبل ما تكمل جملتها علي حط ايده على تما وأشرلا انه ما تحكي شي.. سمعوا صوت حركة برا.. اخد سلاحها من خصرا.. شال ايده بهدوء وفتح الباب
يتبع..

#السر_العميق
Telegram:@rwayate
الجزء الرابع عشر
طالعت نورا سلاحها التاني وطلعت وراه.. رجع عاكف واطلع فيها وكتب: نورا ..صوفي برقبتك.. مراد عالأرض ومتصاوب.. انتبهي على صوفي.. انا رح حاول الهيهم وانتوا اهربوا من الشباك
قرب من صوفي وباسها من جبينها.. مسك ايد نورا وسلم عليها وكتب.. سامحيني
اطلعت عليه نورا بعيون دامعة
Telegram:@rwayate
ماسمحلا تكتب شي.. طلع لبرا وصار يقتل بالرجال.. فيقت صوفي وطلعوا من الشباك.. حطتها بالسيارة واخدت سلاح من هنيك كمان وقفلت عليها ورجعت.. دخلت من الباب الرئيسي وهيك صارت ورا الرجال.. مسكت السلاحين وصارت تصيبن من الجهتين.. قتلتن كلن واطلعت عالأرض.. كان مراد متصاوب بقلبه وعلي بكتفه
علي: لك ليش رجعتي.. خطر عليكي وعلى صوفي
ماردت نورا.. قطعت طرف جاكيتها ولفتله ايده بسرعة
نورا: ساعدني نحمل مراد
لما قربوا يوصلوا
نورا: صوفي بالسيارة.. مابدي اياها تشوف ابوها هيك
راحت نورا وحملت صوفي وحطتها بالمقعد يلي ورا وسكرتلا عيونا.. وعلي جاب مراد وحطه قدام.. وصلوا عالمشفى
وعلي نسي جرح كتفه.. لما كان مراد عالنقالة كان مفتح عيونه شوي.. قال بصعوبة: نوراا.. اذا متت ضلي مع علي
نورا: خلص مراد.. مارح تموت.. رح تضلوا انتوا التنين سندي
Telegram:@rwayate
غمض مراد عيونه باستسلام وهو عم يقول : أشهد أن لا اله الا الله وأشهد أن محمدًا رسول الله ودخلوه العمليات .. قرب علي وحط ايده على كتف نورا
علي: نورا .. اخونا مراد قوي.. وان شاء الله رح يتجاوزها
نورا: لك مبارح عرفته.. مو معقول يموت هيك😭
اطلعت بعلي بعدين اطلعت بكتفه
نورا: علي كتفك عم ينزف
علي: لك والله ما حسيت عليه..
نادت للمرضة وحطوه عالنقالة.. قبل ما يدخلوه قال: نورا.. هاد موبايلي.. خليه معك.. اذا اتصل الاستاذ او الاكساشلي قوليلن انك اختي واخت مراد وانه مراد متصاوب
نورا: علي ما تتعب حالك
دخلوه عالعمليات.. ما عرفت وين تروح.. عند علي ولا عند مراد.. عم تروح وتجي بالمكانين..
طلع مراد وهو عالنقالة..ركضت لعند الدكتور
Telegram:@rwayate
نورا: دكتور طمني
الدكتور: ما تجاوز الخطر.. لأنه الرصاصة دخلت بعضمة من القفص الصدري وعاملة مشكلة فيها.. بس طالعناها.. وضعه مو مستقر ولازمه راحة..
نورا: طيب
________________
نورا: علي كيف صرت ؟
علي: تمام.. كلها رصاصة بالكتف مافيها شي..
نورا: مراد حالته مو مستقرة
علي: وصوفي؟
نورا: صوفي عند تالا
__________________
نورا: مراد كيف صرت
مراد: احسن
علي: خوفتنا عليك كتيير
نورا: انا بدي آخد اجازة مشان نطلع نصيف
مراد: والله شكلك انتي يلي صيفتي 😂.. يا هبلة كيف بدي اطلع وانا هيك
نورا: منتبه عليك انا وعلي.. عادي..
علي: حجزت فيلا بمنطقة بعيدة ومافيها ناس.. مشان نرتاح شوي
مراد: لسا عندي شغلة ما خلصتا