لكنها أمي 💔
لكنها أمي !! ..
و أنا عم أصرخ من آلام الطلق كان شريط حياتي مع أمي عم يمر قدام عيوني متل صور الفلاش ... الاصوات بترن بأذاني و صورة وجهها قدامي ... كان الألم شديد حسيت عظامي بالأسفل عم يتكسرو عظمة عظمة ... و النفس الي باخدو كأنو خنجر ينغرس و يطلع مع كل صرخة ... و الذكريات عم تمر متل نبع المي الي بيسيل بين الصخور و الغابات بيشق طريقو و بيتدفق بدون توقف ...
انا البنت الي عشت صراع طول عمري مع امي الي ولدتني ، ظلمتني و انا ظلمتها ..
عذبتني و انا عذبتها ...
كبرت و رديت الصاع صاعين .. عشت عقوق الوالدين و عيشتها عقوق الأبناء
بس ليش و كيف؟ وشو كانت النهاية ! هاد الي بدي خبركم ياه ..
@rwayate
لكنها أمي !! .. #تم_التعديل
_______________________________
اسمي عبير البنت الكبيرة وراي اربع صبيان و بنت اخر العنقود ..
من وانا طفلة كبرت على تصرفات عدائية و قاسية من أمي ، كانت تعاملني بقسوة كبيرة وغير مفهومة
عكس كل الاطفال مابتذكر انها بيوم حضنتني او نيمتني بحضنها او مسحت على شعري .. كل ذكريات الطفولة معها كيف كانت تضربني و تهيني على اي غلط ..
غير عن المقارنه و التميز بيني و بين اخواني ، كنت حس حالي مجرد جارية او خدامة لراحتهم و بس ..
علمتني الجلي و الغسيل و التنظيف من عمر ٧ سنين انا الطفلة الي كان يوجعني ضهري من شغل البيت .. انا الطفلة الي كنت حط دلو و اطلع اجلي لاقدر اوصل المجلى .. انا الطفلة الي صار معي تبول لا ارادي و لما كانت تشوف امي تصحيني وتضربني تضربني تضربني و تخليني اغسل الفرشة و الغطا لحالي عقاب الي مشان ما عيدها ... بس كنت ارجع عيدها و اصحى ابكي لان رح اكل قتلة...
انا الطفلة الي كبرت قبل اوانها وكانت تغار من اخوانها و اختها الصغيرة و من ولاد الجيران ..
هلأ ابي كان موجود و هو كان احن منها علي و حس بحبو تجاهي بس بنفس الوقت كان يفضل اخواني علي لانو هم اولاد وانا بنت ... ف دايما حس حالي ناقصة و حقي رايح ..
@rwayate
تجاوزت كل هي اللحظات ويمكن براءة الطفولة ساعدتني اتجاوزها و ضل حب امي رغم كل شي .. لوقت ما فتت المدرسة كانت شخصيتي شبه ممسوحة ..
منزوية و خايفه و عدوانية تجاه رفقاتي و كل ما اكبر تتفتح عيوني اكتر على انو علاقتب بامي علاقة غير طبيعيه وما بتشبه علاقات بقية البنات بامهن ... هي بتكرهني!! اي اي بتكرهني !! و انا بكرهها ..
مساحة تعاملي معها مقتصرة على نظفي اجلي اكنسي امسحي حطي الاكل شوفي اخوانك ديري بالك على اختك قهوة شاي تنظيف شغل شغل شغل شغل و بسسسسسس ..
هي صحيح كانت تخاف علي ، تجيبلي تياب .. بس هي الشغلات بعملها الواحد لحيوان مربيه انا كنت بحاجة احساس الحنان و الرعاية من امي .
@rwayate
بالصف السابع كبرت و بلشت اتفتح على شغلات غلط ، الحب و الحكي مع شباب بلشت بخجل و خوف لما اخو رفيقتي حبني و صار يبعتلي رسائل مع اختو .. تجاوبت معو عالسريع كانت البداية خوف كبير تكتشف امي! بس بالتدريج صرت اعرف اكذب و خبي منيح وهي كانت بعيده عني ماقدرت تحس على بنتها انها عم تغلط ..
ضليت على علاقة معو لمدة سنة اقتصرت علاقتنا على الرسائل و الحب و النظرات و وصلت للمست الايد وبعد السنة بلشت المشاكل بيناتنا كنت شوفو بيلحق البنات و اسمع حكي عنو انو من بنت لبنت وبحاول مع الكل لشفتو اخيرا مع وحده و بس واجهتو ما انكر استخف فيني وتمسخر علي وكسر قلبي ... وبلشت ايام الذل و البهدلة انا بنت صغيرة لقيت فيه الاهتمام و الحنية و حرك فيني مشاعر غريبة ، صرت انا اركض وراه و ابكي ليضل معي ومايخوني وهو بلش يستخدمني ليشبع رغباتو و @rwayate ياخدني بالحكي الحلو ...
صرنا نتخبى باماكن معينه و تصير بينا شغلات سيئة و انا ارجع عالبيت ابكي قرفانه و مخنوقة بس المهم ارضيه و يضل معي و يتجوزني متل ما حكالي ..
مرت سنه تانيه على هالحالة و امي مو حاسة على شي نهاااائيااااا كنت نضي ايام عم ابكي و خايفه و محتارة وهي بس همها انو عم اشتغل شغل البيت و اخدمها متل مابدها .. و بعدين حبيب القلب خطب و قلعني ..
وصرت انا اذبل و دوب متل الشمعه مرضت وما حدا عرف علتي شو ما اكل استفرغ و اصرخ من وجعي و كل الليل ما نام و انا عم اتوجع من امعائي و معدتي و اخدوني على الدكتور مرتين و عملولي تحاليل كنت اول مرة بشوف امي خايفه علي و مهتمة بأمري
@rwayate ..
شي حكى زايدة شي التهاب كبد ...الخ
اخر شي شفيت لحالي على حمية غذائية و اعشاب من العطار يبدو كان شي نفسي ..
بعدها حاولت انتحار بس كانت محاولات انتحار غبية شطبت ايدي و جسمي و بعدين امسح الدم و لزق الجروح و اشرب مواد تنظيف كنت عم عذب حالي و عايشة مرض نفسي وما حدا شايفني مابعرف كيف بنت ممكن تمر بكل هالتفاصيل و امها ما تحس ابدا ! ..
لكنها أمي !! ..
و أنا عم أصرخ من آلام الطلق كان شريط حياتي مع أمي عم يمر قدام عيوني متل صور الفلاش ... الاصوات بترن بأذاني و صورة وجهها قدامي ... كان الألم شديد حسيت عظامي بالأسفل عم يتكسرو عظمة عظمة ... و النفس الي باخدو كأنو خنجر ينغرس و يطلع مع كل صرخة ... و الذكريات عم تمر متل نبع المي الي بيسيل بين الصخور و الغابات بيشق طريقو و بيتدفق بدون توقف ...
انا البنت الي عشت صراع طول عمري مع امي الي ولدتني ، ظلمتني و انا ظلمتها ..
عذبتني و انا عذبتها ...
كبرت و رديت الصاع صاعين .. عشت عقوق الوالدين و عيشتها عقوق الأبناء
بس ليش و كيف؟ وشو كانت النهاية ! هاد الي بدي خبركم ياه ..
@rwayate
لكنها أمي !! .. #تم_التعديل
_______________________________
اسمي عبير البنت الكبيرة وراي اربع صبيان و بنت اخر العنقود ..
من وانا طفلة كبرت على تصرفات عدائية و قاسية من أمي ، كانت تعاملني بقسوة كبيرة وغير مفهومة
عكس كل الاطفال مابتذكر انها بيوم حضنتني او نيمتني بحضنها او مسحت على شعري .. كل ذكريات الطفولة معها كيف كانت تضربني و تهيني على اي غلط ..
غير عن المقارنه و التميز بيني و بين اخواني ، كنت حس حالي مجرد جارية او خدامة لراحتهم و بس ..
علمتني الجلي و الغسيل و التنظيف من عمر ٧ سنين انا الطفلة الي كان يوجعني ضهري من شغل البيت .. انا الطفلة الي كنت حط دلو و اطلع اجلي لاقدر اوصل المجلى .. انا الطفلة الي صار معي تبول لا ارادي و لما كانت تشوف امي تصحيني وتضربني تضربني تضربني و تخليني اغسل الفرشة و الغطا لحالي عقاب الي مشان ما عيدها ... بس كنت ارجع عيدها و اصحى ابكي لان رح اكل قتلة...
انا الطفلة الي كبرت قبل اوانها وكانت تغار من اخوانها و اختها الصغيرة و من ولاد الجيران ..
هلأ ابي كان موجود و هو كان احن منها علي و حس بحبو تجاهي بس بنفس الوقت كان يفضل اخواني علي لانو هم اولاد وانا بنت ... ف دايما حس حالي ناقصة و حقي رايح ..
@rwayate
تجاوزت كل هي اللحظات ويمكن براءة الطفولة ساعدتني اتجاوزها و ضل حب امي رغم كل شي .. لوقت ما فتت المدرسة كانت شخصيتي شبه ممسوحة ..
منزوية و خايفه و عدوانية تجاه رفقاتي و كل ما اكبر تتفتح عيوني اكتر على انو علاقتب بامي علاقة غير طبيعيه وما بتشبه علاقات بقية البنات بامهن ... هي بتكرهني!! اي اي بتكرهني !! و انا بكرهها ..
مساحة تعاملي معها مقتصرة على نظفي اجلي اكنسي امسحي حطي الاكل شوفي اخوانك ديري بالك على اختك قهوة شاي تنظيف شغل شغل شغل شغل و بسسسسسس ..
هي صحيح كانت تخاف علي ، تجيبلي تياب .. بس هي الشغلات بعملها الواحد لحيوان مربيه انا كنت بحاجة احساس الحنان و الرعاية من امي .
@rwayate
بالصف السابع كبرت و بلشت اتفتح على شغلات غلط ، الحب و الحكي مع شباب بلشت بخجل و خوف لما اخو رفيقتي حبني و صار يبعتلي رسائل مع اختو .. تجاوبت معو عالسريع كانت البداية خوف كبير تكتشف امي! بس بالتدريج صرت اعرف اكذب و خبي منيح وهي كانت بعيده عني ماقدرت تحس على بنتها انها عم تغلط ..
ضليت على علاقة معو لمدة سنة اقتصرت علاقتنا على الرسائل و الحب و النظرات و وصلت للمست الايد وبعد السنة بلشت المشاكل بيناتنا كنت شوفو بيلحق البنات و اسمع حكي عنو انو من بنت لبنت وبحاول مع الكل لشفتو اخيرا مع وحده و بس واجهتو ما انكر استخف فيني وتمسخر علي وكسر قلبي ... وبلشت ايام الذل و البهدلة انا بنت صغيرة لقيت فيه الاهتمام و الحنية و حرك فيني مشاعر غريبة ، صرت انا اركض وراه و ابكي ليضل معي ومايخوني وهو بلش يستخدمني ليشبع رغباتو و @rwayate ياخدني بالحكي الحلو ...
صرنا نتخبى باماكن معينه و تصير بينا شغلات سيئة و انا ارجع عالبيت ابكي قرفانه و مخنوقة بس المهم ارضيه و يضل معي و يتجوزني متل ما حكالي ..
مرت سنه تانيه على هالحالة و امي مو حاسة على شي نهاااائيااااا كنت نضي ايام عم ابكي و خايفه و محتارة وهي بس همها انو عم اشتغل شغل البيت و اخدمها متل مابدها .. و بعدين حبيب القلب خطب و قلعني ..
وصرت انا اذبل و دوب متل الشمعه مرضت وما حدا عرف علتي شو ما اكل استفرغ و اصرخ من وجعي و كل الليل ما نام و انا عم اتوجع من امعائي و معدتي و اخدوني على الدكتور مرتين و عملولي تحاليل كنت اول مرة بشوف امي خايفه علي و مهتمة بأمري
@rwayate ..
شي حكى زايدة شي التهاب كبد ...الخ
اخر شي شفيت لحالي على حمية غذائية و اعشاب من العطار يبدو كان شي نفسي ..
بعدها حاولت انتحار بس كانت محاولات انتحار غبية شطبت ايدي و جسمي و بعدين امسح الدم و لزق الجروح و اشرب مواد تنظيف كنت عم عذب حالي و عايشة مرض نفسي وما حدا شايفني مابعرف كيف بنت ممكن تمر بكل هالتفاصيل و امها ما تحس ابدا ! ..
