طريق_الظلام - خزانة الفوائد

( مستوحاة من تمثيلية تلفزيونية )
@rwayate
#طريق_الظلام الجزء الأول + الجزء الثاني + الجزء الثالث + الجزء الرابع + الجزء الخامس
#بقلم_حلا_الشويكي
ابي : يابي انتي لازم تعيشي حياتك وتتج....
فداء : (قاطعتو وانا عم اهرب بعيوني منو) يابي ما بدي اتجوز انا مبسوطه كتير هيك ولا مليت مني ومن قعدتي بوشك ؟؟ شكلك عشقااان يا ابو فداء وبدك تخلص مني لتتجوز هههههههههه
ابي : ههههههه ولي شو لزيزة اي بموت فيكي انا ... انتي حبي و عمري وحياتي كلها بس ....
فداء : خلص يابي بدون بس ولا شي بس شوف وضعي مناسب اني اتجوز رح بتجوز لا تشيل همي
ابي : بس عمرك صار 30 سنه وانتي لساتك عم ترفضي اي حد بيتقدملك .. يابي ...
فداء : يابي رح قوم حضر الغدا ورح اسكب صحن لجارتنا ام جواد مسكينة هالإم جواد خلفت جواد وليلى عهالدنيا مشان يتركوها ويتجوزو
قمت لحضر الغدا وانا عم بحكي جملتي الأخيرة .. خلفت جواد وليلى مشان يتركوها ويتجوزو وسمعت ابي عم يقلي ..
ابي : يعني كرماااال هيك ما بدك تتجوزي ؟
فداء : كرمال شو ؟
ابي : كرمالي
فداء : (تلبكت كتير) ليش في عندي اغلا منك بهالدنيا انا؟؟ يلا جعت كتير رح حضر الغدا
فتلت ضهري وانا عم دق راسي بأصابعي وقول اضرب انا شو غبية اضرب انا شو غبية
=======================================
نهلة : صباح الخير
فداء : صباح النور
نهلة : شربتي قهوتك ولا اطلبلك فنجان تشربي معي؟
فداء : شربت .. بس اطلبيلي فنجان بلكي خف وجع راسي شوي .. ما عم اقدر اشتغل شي ولا عم اقدر ركز بشي
نهلة : اي هلأ بنشرب القهوة سوا وبتخبريني شبك .. باين على وشك التعب
فداء : اي والله تعبااااااانة تعبااااااانة
نهلة : حاكاكي شي محمد؟
فداء : تركني
نهلة : تركك ؟؟ ليش ؟؟
فداء : طلبني للزواج
نهلة : لك طلبك للزواج ولا تركك ؟؟؟
فداء : وبس قلتلو بدي ابي يعيش معنا ما رضي وحاول يقنعني نحط ابي بدار العجزة وانا اصريت انو أبي يعيش معنا لهيك تركني
نهلة : لا تبكي .. خلص الله معو لو بيحبك ما كان تخلى عنك لأنك بتخافي الله وبتحبي ابوكي وبدك تبقي تخدميه .. لو بيحبك ما بيتركك بالناقص منو
فداء : رح آخد إجازة يومين وارجع عالبيت تعبانه كتير
نهلة : اوكي حبيبتي ارتاحي انتي وانا بجي بزورك وبتطمن عليكي
=======================================
اجت لعندي نهلة تاني يوم زارتني لتطمن علي وكنت كتير تعبانه .. تحت عيوني سواد الليل ولون وشي صفار الليمون .. جسمي مهدود تعبانه كتير .. كنت قاعدة على الكنباي وقاعدة نهلة جنبي وابي على الكرسي المتحرك قاعد بيتفرج عالتلفزيون
وانا قاعدة ما حسيت على حالي الا غفيت .. وسمعت اصوات مشوشة ابي ونهلة عم يحكو عني .. ما قدرت استنتج من الموضوع شي الا انو ابي فكر انه كل تعبي بسببو
فتحت عيوني بتعب
فداء : يابي
ابي : (حرك الكرسي لعندي ومسك ايدي) اي حبيبتي شبك ؟
فداء : مو بسببك والله انت ما الك ذنب بشي
نهلة : قومي لآخدك على غرفتك وارجع على بيتي تأخرت
قامت معي نهلة وسطحتني عالتخت باستني من خدي وراحت وأنا غفيت عيني
( محمد عم يمشي مع بنت قدام عيوني وانا بس شفتهن انصدمت وهنن عم يقطعو الشارع اجت سيارة دعستهن هنن ال2 وانا صرخت بقوة )
هاد كان كابوسي بهديك الليلة يلي فيقني منو رنة موبايلي وكان المتصل محمد .. رديت بلهفة وخوف
فداء : اه الو محمد
محمد : ف..ف..فداء
فداء : انت بخير ؟
محمد : ........
فداء : انت ما تركتني كرمال ابي .. انت حبيت بنت غيري بعرف هالحكي منيح
محمد : لأ فداء انا .....
فداء : عيونها خضر وبشرتها حنطيه وطويلة
(اوصاف البنت يلي كانت معو بالحلم)
محمد : ........ ص ... صح
فداء : وهلأ انت وياها بمشاكل بس ما بعرف ليش
(هاد كان استنتاجي من الحلم)
محمد : تركتني
فداء : ههههههههههه وليش اتصلت لتخبرني شو دخلني انا؟
محمد : ......
فداء : يلا الله يعوضك بدي كمل نومتي بااااي
الله اعطاني القوة لخلص المكالمة معو بدون دموع .. وبس سكرت السماعة انهرت من البكا والدموع عم تنزل من عيوني متل النار .. دموع قهر وحزن وتعب
=======================================
خلصت اجازتي ورجعت على دوامي
فداء : صباح الخير
نهلة : اهلااا اهلااا ياصباح العسل نووور المكتب
فداء : وليي شو اشتقت للمكتب وللشغل .. لك ورداتي لساتهن موجودات ههههههه
نهلة : يلي بيسمعك بيحكي صارلك شهر غايبة عن المكتب هههه كلهن يومين
فداء : اي اطلبيلنا قهوة خلينا نصحصح
نهلة : يسلملي الرايق .. يلا رح اطلب القهوة
فداء : لو تشوفي شو صار معي
نهلة : شو صار؟؟
فداء : حاكاني محمد
نهلة : ......
فداء : نهلة ... عم قلك حاكاني محمد
نهلة : اه اي اي سمعتك شو بدو ؟
فداء : ولاشي ..... انسي مانك معي انتي
تلبكت نهلة وشربت مي وطلعت من المكتب بسرعة لحقتا لشوف شبها شفتا حطت ايدها على صدرها وصارت تتنفس بصعوبة
فداء : نهلة شبك فيكي شي؟؟
نهلة : فداء انتي اختي وحبيبتي وانا ....
فداء : تعالي معي عالمكتب ارتاحي وبنحكي

📚قصص||روايات||منوعة📚

📚قصص||روايات||منوعة📚