قصة اليوم: #فعذبها_حتى_اذاب_فؤادها
.............
قراءة ممتعة🦋💙"
#ⴅÂÐЄĦÂ

#فعذبها_حتى_اذاب_فؤادها
#بقلم_سارة_العلي
الجز۽ الاول
🌹🍃🌹

ريتال:يعني مافي أمل تتراجعي عن قرارك؟
ليلاس:لا خلص قررت،رح روح واستقر عند بيت عمي
ريتال:بس أنا تعلقت فيكي كتير،البيت كلو رح يتدايق بغيابك
ليلاس:معلش ياقلبي بتتعودو عغيابي،بعدين اطمني مارح نتفارق كل فترة برجع وبطل عليكن

بتدمع عيون ريتال بتقرب منها ليلاس وبتضما،شوي بيسمعو خبطات خفيفة علباب

ريتال:تفضل

بيفوت مجد:شو فتحتوا عزا ولا لسا؟
بترفع ريتال الدبدوب يلي جنبها وبتضرب أخوها فيه

بتبتسم عحركتها ليلاس
مجد:ريتال خانم؛ماما عاوزتك
ريتال:أي قول بدك تستفرد ب ليلاس
مجد:انتبهي لكلامك ويلا من هون

ليلاس:بلحقك بعد شوي ريتال
ريتال:أوك

بتقوم من عتختها يلي كانت آعدة عليه هية وليلاس،بيقرب مجد وبيأعد جنب ليلاس وقبل ماتطلع اختو بيقلا
مجد:سكري الباب وراكي،ولاتوقفي ورا الباب متل عادتك

بتلتفت عليه ريتال وبتمدلو لسانا بغيظ وبتقلو:نننن فهمت

بتطلع وبتسكر الباب
مجد:مارح تكبر،مع العلم صار عمركن ٢٠ انتي وياها ولساتا صغيرة،عكسك ببعض الأوقات

ليلاس:يمكن يلي عشتو هو يلي كبرني ومع هيك بحاول كون متلها،قبل خمس سنين لما توفو أبي وأمي وعمي بحريق البيت،كنت متمنية كون معهن ليلتها بس الله كاتبلي عيش وكنت زايرة عندكن

مجد:كلشي مقدر ومكتوب من قبل مانخلق عهلدنيا
ليلاس:صحيح
مجد:مرأت خمس سنين وانتي معنا،صرتي جزء من عيلتنا،قبل سنة لما تعب بابا وقبل وفاتو بكم يوم،وصاني فيكي،حكالي أنك وصية اختو الوحيدة

ليلاس:بلفعل...أمي الوحيدة يلي بقيت يومين عايشة بلمشفى بعد الحادثة وقتا حكت مع خالي الله يرحمو وتوفت بعدا،وهو حكالي أنها كانت عم توصيه فيني

مجد:المهم،مابعرف شو يلي غير قراراتك وصار بدك تروحي تعيشي عند بيت عمك،أنا لهلأ رافض هلفكرة،بدي تعطيني سبب مقنع وبعدها بوعدك ماافتح معك الموضوع

ليلاس بخجل:ليك مجد،أنتو كنتو عيلتي الحقيقية كل هي السنين وربي بيشهد مانقصتو علي شي،وبلفعل كنتو تعاملوني متلي متل ريتال،بلأخص انت..عاملتني كأني اختك وماحرمتني من شي

مجد بيتدايق من كلمتها الأخيرة:بس عطول كنت قلك انتي بتبقي بنت عمتي،مو اختي ياليلاس

ليلاس:احم..بلا مانحكي بهلموضوع مرة كمان،مابحب اجرحك

مجد:هاد هو السبب؟لهيك بدك تتركينا؟لأنو عرفتي في مشاعر بقلبي تجاهك

ليلاس:اسباب كتير صدقني،غير هيك انت حملت مسؤولية عيلتك،عندك أمك واختك واخوك الصغير،بيكفوك ويادوب متخرج من سنة

مجد:لاتقلقي من هلموضوع،ليلاس..أنا بلفعل بحبك..وغير عن هيك،مستعد اتزوجك ع سنة الله ورسوله وهيك مابيبقالك حجة تدايقي منها

ليلاس:بترجاك لا ماتكفي،ولاتحكي هلكلام لأي شخص،مجد انت كنت متل اخي كل هلعمر،مابدي تتغير نظرتي تجاهك،انت السند والقوة،الحضن الحنون يلي طبطب عليي بأسوء أيام حياتي،أخ حقيقي ومافيني شوفك غير هيك..بعرف عم اجرحك بس يمكن هيك افضل

مجد:....

ليلاس:بترجاك لاتسكت،أنا بدي امشي من هون ومااقلق عليك،بعرفك قوي،ومشاعرك تجاهي اكيد رح تتبخر لما تلاقي حبك الحقيقي مع انسانة بتستاهلك،ألف بنت بتتمناك

مجد:بس انا بدي ياكي انتي وبس..
ليلاس:سامحني،بس مابقدر امشي معك بهلطريق،وأظلمك وقت مالاقي مشاعر جواتي تجاهك..

مجد:تمام..رح سكر الموضوع نهائياً،وأبعد عنك واذا بدك بطلع من البيت بس انتي ابقي هون،بأمن عليكي عنا

ليلاس:لامستحيل،فرقكن عن بعض كرمال شو..خلص أنا حكيت مع ابن عمي شادي،واتفقنا بكرا يجي لياخدني لعندن

مجد:متأكدة من قرارك

ليلاس:اي..

مجد:بدك تاخدي حصتك من محلات عمك وابوكي

ليلاس:لا..شادي عم يشتغل فيهن،وبيعطيني شي يكفيني ويزيد،أنا حالياً بدي كمل جامعتي وبعدين بس لاقي حالي رح اقدر استلم شغل الي..منتفاهم

مجد:تمام موفقة بحياتك ليلاس،بتمنالك السعادة..

بتقرب بعفوية وبتضمو بقوة
ليلاس:رح ابقا زوركن،وعن قريب رح تخبرني عن البنت يلي رح تملك قلبك،أحن قلب بهلدنيا

بيبتسم بخيبة امل وبيربت عضهرا وهية بحضنو..

بتطلع ليلاس من الغرفة وبتتوجه علمطبخ،بتلاقي ريتال لحالا،عم تاكل بأضافرها وحاطة التلفون ع أدنها شكلا بتتصل بحدا وماحدا بيرد

بتقرب ليلاس بهدوء وبتنأزها:نووو

بتنأز بلفعل ريتال وبخوف كبير:لك تضربي ليلاس،والله زعجتيني

ليلاس:ههههه وين عقلك طاير؟
ريتال:عند الافندي،علاء ماعم يرد من الصبح
ليلاس:يعني المخلوق مابيعرف ايمتا يخلص منك وانتي بتلحقي ع اتصالات

ريتال:لك تضربي،هاد لأني بحبو وهلشي اسمو اهتمام ياجدبة،روحي عني ياه انتي شو فهمك بلحب،بحياتك ماحبيتي وجاية بدك تعلميني

ليلاس:ايي تركنا الحب والعشق ألك يامو
ريتال:لك هسسس خرسي سمعتي كل أهل البيت

ليلاس:أيي كتير بتخافي،عكل حال انا رايحة كمل ترتيب تيابي لبينما تخلصي حملة البحث تبعك
ريتال:يعني مجد ماقدر يقنعك

ليلاس:هأ..

بتتركا وبتفوت لغرفتا وبتكمل ضب الشناتي تبعا..

بتمرء الليلة بهدوء،وبصباح يوم جديد،بعد مايفطرو سوا بيرن تلفون ليلاس

بيتطلعو فيها الكل

ليلاس:هاد شادي..شكلو صار تحت