#مذكرات_فتاة_مراهقة الجزء الأول + الجزء الثاني + الجزء الثالث #انتهت
#بقلم_حلا_الشويكي
مسكت القلم وصارت تفكر شو رح تكتب بهالدفتر .. هي طفلة صغيرة وما عندا شي خاص .. ما شافت شي من الدنيا لتكتبو
قررت تكتب مذكراتها .. كتبت العنوان انا طفلة شقية .. كل يوم تروح عالمدرسة وترجع تكتب شو صار معا هنيك
كانت اغلب مذكراتها .. اليوم اخدت علامة مو منيحة بالإمتحان .. او اليوم جبت علامة كامله بالدرس .. اليوم تخانقت مع رفيقتي نجوى .. ومبارح قابلت رفيقتي احلام
كانت تكتب كل تاريخ على كل صفحة ..
#أنا_طفلة_شقية
لا ادري من اين سأبدأ الكلام .. سأكتب تفاصيل ايامي في هذا الدفتر .. ولن اكتب بالحبر فحسب .. سأكتب بمشاعري .. سأكتب بقلبي ولن اكذب على اوراقي .. فأنا احتاج ان اكتب حتى اتذكر كيف كنت وكيف سأصبح فيما بعد ..
اليوم التقيت بصديقة جديدة لي بالمدرسة .. تعارفنا واصبحنا صديقات .. احببتها كثيرا واظنها احبتني .. كان يومي متعب لأنني الان في فترة اختبارات ودراسة .. لا جديد سوا انني تعرفت على نجوى .. شعرت بغيرة صديقتي المقربة احلام منها .. ولكن غدا سنصبح اجمع ثلاثة صديقات .. لست متأكدة ولكن اتوقع هذا الأمر
فاتت عليا امها وهي عم تكتب سكرت الدفتر فورا .. ما بتحب حد يقرأ مذكراتا بتحب يكون الها حياتا الخاصة
فوزية (امها) : شبك تلبكتي ؟ في شي ليش سكرتي الدفتر فورا شو عم تكتبي هاتي لشوف؟
غزل : لأ
فوزية : شو مكتوب فيه ؟
غزل : (بصوت طفولي وعم تزبط خصلات شعرا) ولا شي امي .. اشياء خاصة
ضحكت فوزية .. وقالت بينا وبين حالا الفصعونة صار عندا اسرار ههههههه
ما حبت تضغط عليها وحكتلا انا بوثق فيكي وبعرف شو بنتي الحلوة وشلون ربيتا
فوزية : اشربي كاسة الحليب ونامي اي
غزل : حاضر
فوزية : ادرسي منيح
غزل : ولا يهمك امي
فوزية : بدي شوفك احلا دكتورة بالعالم
سرحت غزل بأفكارا .. وصارت تتخيل حالا لابسة لبس الدكتورة وحاطه سماعاتا ولابسة نضارات .. ابتسمت والقت نظرة على دروسا وشربت كاسة الحليب ونامت
=======================================
فاقت الصبحيات كانت متوترة كتير لأنه عندا اختبار رياضيات تذكرت دفتر مذكراتها فتحتو وكتبت في كم كلمة بسرعة .. وكتبت التاريخ وراحت عالمدرسة
بالمدرسة ...
احلام : مبارح طلعت انا ورائد
اتطلعت فيها غزل نظرة خاطفة
غزل : لك ما عم اعرف لشو عم تحكي وتطلعي معو لهاد .. بعدنا صغار عهالشغلات خلينا نلتفت لدراستنا وبس نتخرج بنشوف حياتنا بالحب والزواج
احلام : انتي معقدة .. هيك انتي معقدة من يومك .. طلعنا دخيلك وحكينا وضمني و ...
غزل : خلص اسكتي لعيتيلي نفسي شو هالحكي
كانت غزل من البنات المتفوقات بالدراسه .. واقل علامة ناقصة درجة او درجتين .. وتبكي وتزعل
كان كل هما تصير دكتورة وتحقق حلم امها وما تضيعلا تعبا عليا ابدا
غزل : ليكي رائد هنيك عم يتخانق مع حدا هههههه لحقيه روحي ليروح فيا
احلام : ويلي عم ياكل قتله مو اخوكي هاد ؟؟
غزل : اي والله اخي
رمت شنتايتها عالأرض وراحت تركض لعندهن لتخلص اخوها من بين ايديهن
كانوا 3 شباب عم يضربو اخوها رائد وعماد واحمد
رائد وعماد ضلو ساكتين واحمد صار يسبا
غزل : ما بسمحلك تحكي معي هيك ليش لتضربو اخي !! واحترم حالك احسنلك لو سمحت
تركتو واخدت اخوها هيثم ومشيت .. راحت اخدت شنتايتا عن الأرض وغسلت لأخوها وتابعت طريقها للفصل ..
=======================================
بنفس اليوم .. بس دق جرس نهاية الدوام اجا احمد لعندا واعتذرلا لانو سبها
احمد : جد بعتذر منك كتير .. ليكي هاد اسمي عالفيسبوك اعمليلي ادد واحكيني اي
غزل : حصل خير بس لا بقا تزعلو اخي بقتلكون والله
احمد : هههههههه ماشي
خلص اليوم واخدت الورقه يلي عليها اسم احمد عالفيسبوك وحطتا بشنتايتا
وصلت البيت فاتت غرفتا وقبل اي شي طالعت دفتر الذكريات
اليوم كان مميزا .. مميزا جدا لا ادري لماذا ولكن ادركت انني اصبح قطة مفترسة اذا اردت الدفاع عن احد احبه .. وايضا لأول مرة استطيع مسامحة احد بالرغم من انه كان سبب اخراج مخالبي لأحمي اخي من بين يديه .. احمد .. احمد احمد .. كان اول شخص يرفع صوته علي واسامحه ولا اكترث .. يا ترى ما السبب؟؟
كملت يوما عادي وما حاولت تتواصل مع احمد ابدا .. بس اكتر من مرة مسكت الورقه يلي عليها اسمو وصفنت .. لا لا لا مارح ابعت انا بدي اهتم بدراستي وبس واحقق حلمي وحلم ماما يلي بدو جهد وتركيز كتير
=======================================
تاني يوم فاقت .. ما كتبت شي لأنها فاقت متأخر عن موعدها
ما قدرت تنام منيح بالليل .. بتفكر بشي مانها فهمانتو .. لسا ما بتعرف شو يعني حب وماجربت شعور الحب .. طفلة صغيرة مبارح كانت تلعب مع رفقاتها بالمدرسة .. اليوم كبرت كتير .. بس حست بمشاعر مو مفهومه كبرت 10 سنين واكتر !!!
بالمدرسة شافت احمد اكتر من مرة واتنجبتو .. اجت نجوى من بعيد وقفت معها
نجوى : غزل غزل .. لك غزل
غزل : اييييييي لك ايييي شو ؟
نجوى : شبك عصبتي ؟ بس بدي تساعديني بح
📚قصص||روايات||منوعة📚
rwayate📚قصص||روايات||منوعة📚
rwayate
الكتب والمواضيع والآراء فيها لا تعبر عن رأي الموقع
تنبيه: جميع المحتويات والكتب في هذا الموقع جمعت من القنوات والمجموعات بواسطة بوتات في تطبيق تلغرام (برنامج Telegram) تلقائيا، فإذا شاهدت مادة مخالفة للعرف أو لقوانين النشر وحقوق المؤلفين فالرجاء إرسال المادة عبر هذا الإيميل حتى يحذف فورا:
alkhazanah.com@gmail.com
Disclaimer
All contents and books on this website are collected from Telegram channels and groups by bots automatically. if you detect a post that is culturally inappropriate or violates publishing law or copyright, please send the permanent link of the post to the email below so the message will be deleted immediately:
alkhazanah.com@gmail.com