البارت 24 🔹
انا لست انت
👌🏻👇🏻😍
📚 @rewayatyamania 🇾🇪
سماح: هو قال
صحبتها : ولو قال تديله ؟
سماح : عادي مابش شي الا رسايلي انا وانتي مابينحاكيش الا انتي بكل شي
صحبتها : انتي هبلا والله كل الي علمتش عيبان له وكلامنا ! فيه اسراري والكل
سماح : يوو بينقل ماله كان ضابح وقال معي لش موضوع .. بس ف الاخير قبل مايقفل كان رايق وجنن حين سمع امي بتقل جولش خطاب
صحبتها : انا الصدق مضايقه منش وليش تديله حسابش ومجابرتنا فيه ..
سماح : خلاص وانتي هيا ماعيبسرش كل شي
ف الحاره..
يونس : طيب ياريم اذا مابكيتش دم
ريم بمسخره بتضحك البنات : يمه شاجهز لي لصقه
يونس كشررر وشه : زبط الحجار حقهن واللعب ومشي للرسمه طعفر الماء لافوق الجدر حق ريم ومشي..
ريم ضحكككت واستفزته ببرودها شافته بيمشي رجعت تغني: يونس ياسلوى مالش بتبكي ... والبنات بيرددين بعدها.. وصلت سماح للحاره سمعتهن بيغنين هكذا ضحكككت
يونس معصصصب واقف جنب الباب حقهم : شافها بتضحك. مالش مابيضحكش؟
سماح : ماقد فعلت بها هذه المجنونه بتغنيلك ؟
يونس بتحددي ونظرات حقد : مقهوووره عتموت فجيعه من امها اذا ما سمعتي بكاها لاعندش ..
سماح فتحت الباب ودخلت وهي بتغني: يونس يايونس مالك بتبكي..
يونس رجمها بالقاروره الفاضيه الي كانت ف يده
ابوه شافه صاح بصوووت : ماهي هذه الحركه الي فعلتها يامحترم ؟
يونس : وهي بتتليغج
سماح : واصل بيمد يده ويضارب ويداهف
يونس بهررلها ويتحلف: كذابه انا بينسافطها
ابوه : بتسمع الاذان بياذن وتفتح الباب وترجع البيت ليشش ؟ وعادك تمد يدك ع اختك ياقليل الذوق
يونس فتح الباب ع خرجته...ابوه رجمه بالقاروره الي رجم اخته بها.. ريم كانت واقفه حنب بابهم مراعيه لامها تفتح الباب .. وصحباتها واقفات ..شافت يونس معصب وانزبط يالقاروره جلسست تضحكككككك والبنات يضحكين
ام ريم فتحت الباب لريم ويونس معصب
زبط القاروره لاعند ريم...
ريم بعدت من الباب : القاروره رزعت الباب
فاطمه ورا الباب : من هذا بيراززع ؟
ريم بعصبيه : والله ماراحت لك ياسامج مالك بتضارب مافعلت بك .. مسكت حجره ورجمته ( وقعت في ظهره ).
ابوه سمع الصياح خرج بعده ..شاف ريم واقفه ويونس يشتي يرد الضربه ..مسك ريم وبتحدي بيشوف يونس ... اتحداااك ترجم هكذا ربيتك ! قد انت رجال تجي تضارب بنات الحاره ؟
فاطمه : خير يا اخي ..روحي ياريم يلله
ريم شافت ابوه : ياعم من العصر وهو يحانب ويضارب ويخرب علينا البيت والرسمه مسحها ..البناات بيشكين لابوه..
ابو يونس: وانا شاخليه ف البيت اسبوع عقاب
ريم ابتسسسمت وبرد قلبها اشرت لصحباتها مع السلامه: ودخلت البيت
فاطمه نسيت الموضوع الي حارش لها عنه يونس : ادخلي صلي مابتجي منش الا المصايب يارب اهديها بس.
📚 @rewayatyamania 🇾🇪