حُـب تحـت القـصــف
👌🏻👇🏻 😍
📚 @rewayatyamania 🇾🇪
سلطان : سامر مع أمه وطبعا إسم حنان قدهو طول اليوم بينذكر في بيتهم .
جده رهف: أمانه اني قد بينحبها من داخل قلبي محلاها وكيف بتفعل للبنت ساع أمها وأكثر .
سلطان : يا أمه تقلوا لو أخطب حنان عتوافق وأنا معي بنت .
جده رهف: 😁 منك صدق والله ان قد نفسي فيها مشو الحلا كلشي والله انها طيبه وحميش غر ماصديتش أقلك .
سلطان : هههههه ماعاد يهمنيش الحلا أهم شي عندي من عتحب بنتي مابعد ساره الله يرحمها ماعد أشتيش مره .
جده رهف : الله يرحمها والله يجعل لك الخير في حنان لاهي نصيبك .
سلطان : مارأيكم تسيروا تحاكوها أمها أنتوا أو أحاكيها أنا أبسر رأئيها قبل مانحرج نفسنا مع أهلها لوماترضاش .
جده رهف: أنا من رأئي نبسر رأي البنت أول .
سلطان : ع بركه الله .
رهف : كانت بتسمعهم فرحت ان ماما حنان عتكون أمها مراعيه يجي الصبح تسير تقلها ههههه 😃.
...
ملاك: طلعت ترقد قريت الرساله حق ياسر ... رسلت له ( وأنت من أهله أول ماتقوم إتصلي).
......الصبح ...
ياسر: قام صلي فجر وجهز لداته فعله 2بنطلونات وشمزان ومعوز في شنطه صغيره ماقد سخيش يتصل لملاك قال لاوقت المدرسه .
عاتقه : كانت بتصلي في غرفتها .
ياسر: خرج للمطبخ يفعله بن سمع إمه بتدعي له :
يارب لاهي ملاك البنت الي يشتي إبعدها عن طريقه وسخر قلبه لحنان وأرزقه وأحفظه لي الخ ....
ياسر: سمعها 😳 دخل بسرعه لاعندها وطي يحب ركبتها وهي جالسه بتصلي قوى يا أمه سألتكم بالله لاتدعوا هكذا لو صدق تحبوني إدعوا لي إن الله يجعل ملاك لي ومن نصيبي .
عاتقه : بتبسره مستغربه يعني طلعت ملاك أومه .
ياسر: من أول يوم إبسرتها في الموت وعادحنا جهال ودخلت قلبي حرام عليكم تدعوا هكذا لو أنتوا تحبوني دوروا سعادتي مش تدعوا عليها .
عاتقه : يابني لاهي من قيسنا ولاعيرضى أبوها يديها لك .
ياسر : ماعليكم من أبوها أنا فيكم أنتوا أشتي تدعوا لي ربي يسخرها لي .
عاتقه : مشنا راضيه وأنت مشتيت والصدق حنان بنتنا وتربيتنا .
ياسر: قوى يا أمه بينقلكم .
عاتقه : أنت أخبر وقامت للمطبخ .
ياسر: تشتوا أسافر وأنا غاثي منكم .
عاتقه : خير الله كميا عمل ولا قد العمل مع أبوها عيخليك تخطب بنته ماعد نشتيش هذا العمل الصدق حانبه البنت في حلقي .
ياسر: خيره الله وحب رآسها خاطركم ودخل شل شنطته وخطي شغل السياره .
عاتقه : الله يهديك ويبعدها عن طريقك .
ملاك : فتحت عيونها وبتتمطط ذكرت ان ياسر عيسافر مسكت تلفونها تبسر الساعه قدهي7 اتصلت له .
ياسر: بيسوق وضابح من كلام أمه إبسر تلفونه ملاك روحي يتصل بك إبتسم ...
صباح الحب ع أحلى حب .❤
ملاك : ☺ صباح النور كيف أنت.
ياسر: فاقد لش قووى .
ملاك: هههههه قد قمت أيحين عتسافر .
ياسر: قدنا فالطريق خطيت فجر .
ملاك : والله هكذا خطيت بدون ماتقلي حذ 😔.
ياسر: هيا حبيبي لاتسخيش تزعليني عادنا خرجت ضابح عاتقه زعلتني أنا ماسخيتش أقيمش بس .
ملاك : ليش أحد يزعل أمه .
ياسر: حكى لها .
ملاك : إكتبدت يعني خاله مابيحبونيش هم دايما يجلسوا يقلوا لي كلام جارح وأطنش .
ياسر: يعني قد زعلوش من قبل .
ملاك : ذلحين قلي ليش عتسافر مش وقت خاله عتتصالحوا وعيوافقوا ان شاء الله لاتزعلش نفسك وانت فالطريق .
ياسر: يشتوا اتابع عمو عمل ماسخيوش يفلتوش وحدش نزلت بدلهم .
ملاك : 😱😱 يووه شتأخر ع المدرسه كن رسلي كل شويه طمني عليك .
ياسر : تمام بس يله قليلي أحبك .
ملاك : خزيت ههه ماعليا .
ياسر: والله تسخى أزعل وأنا فالطريق خلاص يارب أصدم لو ماتقلي ليش .
ملاك : مع مع خلاص أحبك ياشوعه ☺.
ياسر: هههه ذلحين أسوق بنفس طيبه أحبش ياقلبي يله عتتاخري .
ملاك: لاإله الا الله .
ياسر : محمد رسول الله
📚 @rewayatyamania 🇾🇪