.
البـارت رقـم 23 💕
حُب يمحوه العذاب
👌🏻👇🏻 😍
📚 @rewayatyamania 🇾🇪
جت احلام لاعنده : اسمع ياسامي
سامي التفت لها: خير ماقد معانا
احلام: ايحين عيروحوا اعمامك
سامي: ليش اوهم فوق راسش
احلام: ضايقني بناتهم بالذات انوار
سامي:مافعلت بش ما اذتش بشي ريحي لش
احلام:الا تتمايع ولبسها يخخ لو تبسر ايش لبست اليوم
سامي:مادخلني منها وانتي ايش دخلش منها نقصت منش شعره مع مافعلت بش شي
احلام:الا هذك اليوم حن كانت تحاكيك و.. قاطعها
سامي بعصبيه:متى حاكتني ما أسمح لش على بنات عمي انا ساكت لش خلي العرس يتم وشاوريش
احلام:وهذك اليوم في الجباء
سامي:والله ماحاكتني كلمه بطلي تدوري مشاكل
احلام بإستفزاز: امانه وماكنت تفعل عندها يازوجي العزيز
سامي تعصب منها ولا إرادي:يا اختي انا احبها تفهمي او مع
احلام انصدمت ومن الغيره بكت:والله لا اوريك انت وهي ياخاين لاعند عمي وشفعل لكم مشاكل و..
قاطعها سامي بصياح :شبسر ماعتفعلي والله لو تأذيها بكلمه لاترقدي ببيت ابوش شسأل فاطمه اذا اديتي كلمه عليها ورقتش عتوصل لش وخرج ورزع الباب
احلام تبكي وتسب بصوت عالي
عمة سامي سمعت صياح سارت لاعند سامي: مابه يا ابني بينك انت ومرتك خير مالكم تصيحوا
سامي بعصبية: قدي تشتي تتطلق انا داري بها
عمته:الله يهديكم عادكم غاويين(مش عاقلين)
سامي:مش احنا غاويين ولا شي هي تدور لنفسها مشاكل ريت وكنت من البدايه صدقتش وماتزوجتها
عمته:حسبنا الله ونعم الوكيل
سامي:الله يهديها امي ادت لنا بلوه
عمته: سهل خير خير شخطى ابسر اختك لاقد رقدت او مع
سامي: سيري وانا ابسر عيال اخوتش
اليوم الثاني
كان يوم النقش نقشوا فاطمه وتنقشين البيت كله وكل واحده تتحيلا للثانيه
وبعده بيوم كان يوم الابيض يوم الزفاف ومافعلوا لفاطمه يوم الحمام لان بشرتها حساسه وتتعب من الحمامات البخار
ووصلوا كثير ناس من اهل القريه يحضروا العرس
واهل احلام جوا من القريه علشان العرس
الصباح
البيت كله مشغول يتجهزين يسيرين الكوافير
عمة فاطمه: انا وفاطمه وواحده تسير معانا الكوافيره
البنات يتضاربين يشتين يسيرين
عمتهن:واحده بس مارأيش ياشكريه
شكريه: انا شاسير عند كوافيره ثانيه علشان اسير القاعه بحين استقبل الضيوف سيري ياساره
ساره: وانا حجزت لي كوافيره ماشقدر اسير اشتي اوصل القاعه بحين سيري يا أحلام
احلام بدون نفس:انا شاسير انا ومرت اخي عند كوافيره حجزتها لي مرت اخي اخوش مارضى يدي لي شي
ساره سكتت لانها داريه بطبع احلام وكذبها
البنات يتضاربين كلهن يشتين يسرين مع ساره
فاطمه خرجت من الغرفه: مالكن صلين عليه
انتين حجزتين صح
بنت عمها: ايوه عتجي كوافيره للبيت تكوفرنا كلنا
فاطمه: خلاص انا شختار اشتي انوار تجي معي
احلام اقتهرت وفي نفسها : كنت شاسير انا نبزوني
ساره جهزت فستان وطرحه فاطمه والبوكيه والاكسسوارت
انوار:يابطه امس بسرت فستانش فظييع ماشاء الله
ساره:اشتراه لها سامي لما سار يعتمر قبل سنه وعادي مخطوبه
انوار:حلو
البنات:والله انه ذواق
عمة فاطمه:انوار اسبقي للسياره وبزي الفستان والقلافد معش واحنا بعدش
انوار بزت الحاجات وخرجت على اساس انه عمها عبدالكريم اللي عيبزهم طلعت السياره: سلام
سامي:وعليكم السلام
انوار سكتت واستحت كانت تقصد انه عمها
سامي:كيف الحال كيف انتوا
انوار بصوت واطي وبخجل:الحمدلله
سامي:وانا بخير والله
انوار انحرجت اكثر لانها ماسألته
سامي كان يتفرجها من المرايه وهي تلعب بأصابعها من التوتر وموطيه راسها
سامي: مالش سعليش عيطسنش مكياج يحولينش من محسن الجبري الى سندريلا
انوار ضحكت من تعليقه: ههههه
سامي في نفسه تدوم الضحكه
جت عمتهم ودخلت وبعدها فاطمه ومشوا وفي الطريق انوار تشتي تبسره وتركز في ملامحه من بعدما تزوج ماعد شافته قوي بسرته وهو يسوق ومركز بالطريق ابيض عيونه حادات لونهن بني شعره ناعم عادي اسود انفه حاد وفمه صغير ومعه شامه في خده في نفسها:يشبه بطه قوي
https://t.me/joinchat/AAAAAEIz_KDfjDgo7Gaxwg📚 @rewayatyamania 🇾🇪