البارت 33 👒
حبـك ابتلاء ادعو الله ان يزيل عني هذا البـلاء
👌🏻👇🏻 😍
📚 @rewayatyamania 🇾🇪
*في بيت ماهر*
دانه: كان يوم حالي
قيس: ارتحتي
دانه: ايوه
قيس: نشتي نرجع ماليزيا بعد العرس عشان المدارس
دانه: خلينا نزيد نجلس اسبوع
قيس: ما ينفعش
مصعب: ما عيفرق اذا جلسنا اسبوع
قيس: استغفر الله العظيم
مصعب: خلاص مثل ما تشتي
مؤيد: عادك على ما انت ولا تغيرت تشتي كلمتك هي اللي تمشي على الجميع
الياس: اسكت احسن ما يدي لك كلمتين تسد نفسك
امجد: صلوا على النبي مالكم
مؤيد: عليه افضل الصلاة والسلام
ماهر: كل واحد يسير غرفته
قيس: تصبحوا على خير
بلقيس: وانت من اهله
ليان: هذك هو قيس ولا تغير انسان متكبر واناني
بلقيس: جلست طول عمري اربيهم على انهم يحبوا بعض ويخافوا على بعض لكن كل واحد منهم كبر ويشتي كلمته اللي تمشي
ماهر: هو غير قيس اللي ما يشتي احد يكسر كلمته اما الباقيين سديين ومتفاهمين
بلقيس: الله يهديه
*في بيت عامر*
اريام: مدري مالهن قد لهن يومين ما يرضين ياكلين شي
هند: من ايش
اريام: مدري
هند: خلاص اخطي اطرحي لش وان شاء الله يجي غدوه وقدهن بخيرات
اريام: تمام
خرجت هند من الغرفه
اريام قامت تشل تلفونها وبدأت تمسح محادثاتها مع محمد وصوره وكل شي يخصه وجلست تقل في نفسها: يا ريت وما حبيتك كل هذا الحب لان كل شي قلته لي كذب وكله كلام بدون فعل قضيت ايامي في وهم شخص ما حاول يبقى على وعده على قد ما حبيتك يا محمد على قد ما انا نادمه على الحزن والانين اللي عشتهن في غيابك انت عايش حياتك مرتاح ومبسوط مع مرتك وانا دمرت حياتي بالتفكير بك هذه اول مره احس بأني ظلمت نفسي قوي طلعت ما تستاهل ربع الحب اللي انا حبيتك اتنهدت وقالت انا بعيش حياتي مع الشخص اللي هو زوجي واللي عيكون ابو عيالي وانت بالنسبه لي ماضي وانتهى
*في بيت محمد*
محمد: كيف كان العرس
سندس: حالي قوي واريام طلعت تجنن
محمد: اريام فارحه بالعرس
سندس: ايوه
دخلت سلوان: ما بتفعلوا
محمد: ولاشي بسير ارقد تصبحين على خير
سلوان: وانت من اهل الخير
خرج محمد من الغرفه
سلوان: ما كان يقل لش
سندس: كان يسألني كيف كان العرس
سلوان: وانتي ما جاوبتي عليه
سندس بفخر: قلت له كان حالي واريام وقعت حاليه وكانت فارحه بالعرس
سلوان خفعتها في راسها: خبلا ايحين عتشتحطي وتبطلي تراجمي كلامش و توزني كلامش قبل لا تقوليه
سندس: ليش ما فعلت
سلوان: ولا فعلتي شي اخطي ارقدي
سندس: تمام
( نحن يومياً نفقد أشياء ذات قيمة لكننا لا نعير لها اهتماماً لفرط وفرتها الآن فقط ، نفقد الوقت ، نفقد الفرص ، نفقد الضحكات ، نفقد الأشخاص الذين نحبهم ... وحتى أننا قد نفقد أنفسنا في أحد الأيام دون أن نشعر ؛ وكأننا مصابون بلعنة الفقد اللا شعوري )
*يوم الغسل في القاعه*
عند الكوافير
هند: اشتي تخليها ساع القمر لدرجه من يبسرها يصلي على النبي وما يصدق انها اريام
الكوافيره: ماشاء الله عليها ما عاد تشتي فوق هذا الحلا
اريام: تسلمي هذا من ذوقش
بدأت الكوافيره تصلح اريام
هند تتحاكى مع بشار في الوتس
بشار: اتصلحتي
هند: ايوه باقي اريام
بشار: لما تكملين قلي لي
هند: ليش
بشار: اشتي اشلش قبل لا تسيري القاعه
هند: عيجي مروان يشلنا الى القاعه
بشار: مروان عيجي يشل مرته وبسمه واريام اما انا ب اجي اشل مرتي عشان اسير اتصور انا وهي
هند: اهاااااا قلي هكذا من اول
بشار: كنت اشتي افعلها لش مفاجأه لكن انتي جالسه ترفسي لما خليتيني اتحاكى
هند: فديت روحك
بشار: الله يخلي لي روحش
📚 @rewayatyamania 🇾🇪