البـارت 18 💜
خـانـتـنـي ظـنــونــي
👌🏻👇🏻 😍
📚 @rewayatyamania 🇾🇪
بالليل الكل فوق العشاء
كيان : احم وهي مترددة بس تقوي حالها لانو عارفة انو عشان اكثر شخص تحبه
رائد : احم احم هيا تكلمي
كيان : اف منك رئودي خليني استعد لاتوترني
محمد : هههه شوفي وجهك ياكيان الاحمر تحمست حتى انا
كيان غمضت عيونها وبتأتأة وتكلمت بسرعة : انا فكرت واستخرت اكثر من مرة وانا مرتاحة لذلك انا موافقة على ابن صديقك وظلت مغمضة وترجف
الكل ساكت
رائد : ماسمعت ايش قلتي
كيان فتحت عيونها وشافت وجه اخوها المحمر: ايوة موافقة ايش صار
محمد ملتزم الصمت ومن جهة فرحان عشان ولدة رائد وعشان كيان اذا راح ترتاح مع اياد وتتعوض
رائد بغضب : ليش الان وافقتي وانتي اعلنتي رفضك حتى انا رجعت للرجال انك رافضة اليوم
احلام خايفة على كيان
كيان : ايوة رديت وكنت غاضبة ومافكرت ولا استخرت والان احس حالي مرتاحة واذا عشان رفضي ارجع كلمة اني وافقت وانتهينا
رائد : انتي بعقلك بكامل قواك وكان مرتاح نوعا ما انو كيان مش عارفة بالتهديد حق علي
كيان : ايوه المهم انت تشوفه كويس
رائد : ايوه انا اعرفه محترم وابوه انتي عارفة كيفه لاني من زمان امدحه بس سمعتي انو اياد تزوج مسيار من قبل
كيان : ايوة عرفت وعادي حتى انا مطلقة تمثل الراحة وهي حاسة راح تنهار من الرجفة ودقة قلبها اللي تحس انهم يسمعوه قامت خايفة تنكشف
رائد : ليش قمتي اسمري وكملي عشاك
كيان : الحمدلله وخرجت
احلام حزينة على حال اختها انها جبرت نفسها على شي كان عندها مستحيل
كيان مركزة نظرها على مكان واحد وحابة تصرخ تخرج القنبلة اللي داخلها والضجيج بس مش قادرة
احلام اتصلت لابتهال تطلع عند كيان
ابتهال دقت بس مافي جواب دخلت : كيان ليش ماتردي
كيان ظلت ساكتة
ابتهال : كيان اكلمك انا ليش ماتردي ليش صورتك مقلوبة وخايفة من كيان تقوم تنفجر فوقها
كيان قامت ولا حضن ابتهال كانت منتظرة حضن يلمها يحسسها بالامان
كيان تبكي بكاء يقطع القلب : ابتهال لميني اكثر والله محتاجة الامان يا ابتهال
ابتهال وهي تبكي من بكاء كيان : ابكي اكثر ياكيان خرجي اللي بقلبك
بعد نص ساعة من المناحة
رائد : احلام وين كيان او هي مستحية
احلام ااه يارائد مادريت ايش فيها دلوعتك وايش تمر فيه
رائد : اااحلام
احلام : ايش فيك هوذا انا عندك
رائد : والله الجسد عندي اما العقل مدري اينو يرتعها
احلام : هههه بس ذكرت شي ونسيت انك عندي الا ايش كنت تقول
رائد : والله انك غبية وانا اغبى اللي جالس اسالك ومشي صلى غرفة كيان
احلام : رائد يازفت وين رايح وهزرته من جاكيته
رائد : احلام بعدي مالك اشتي اكلم كيان
احلام : والله ماتستحي صديقتها عندها وين داخلي
رائد : باستغراب صديقتها ذلحين وين عايشين احنا
احلام دهفت رائد : المطبخ ليش بعد المكان عنهل او كيف هنا بنفس البيت طلعت من الدور الاول للثاني
رائد : اها قصدك ابتهال
احلام وتمثل العصبية : وعارف اسمها ياعيبتك يارائد وينك يامنيرة عن زوجك الـــــ
رائد : الله يشفيش خاطرش كما روحت كلميني اشتي اكلم كيان
احلام : والله ياحبيبي هن ماراح يخرجين الا اخر الليل كلم كيان الصبح على ايش مستعجل
رائد مشي بدون مايرد
احلام : ااف الحمدلله تخارجنا
تخاف أن تجلب لنفسك ذنباً أو ندماً آخر , لذا يبدو لك الصمت أكثر صواباً , لأنك بالكاد استطعت تحمّل ما تحملته حتى الآن...✨
📚 @rewayatyamania 🇾🇪
البـارت 19 💜
خـانـتـنـي ظـنــونــي
👌🏻👇🏻 😍
📚 @rewayatyamania 🇾🇪
دخلت احلام عند كيان وابتهال : هيا مه كيف صرتي
كيان : الحمدلله
ابتهال : يله ياقلبي قد تأخرت لاعاد يجي عبدالله وانا هانا
كيان : الله معك وتسلمي لي على وقفتك معي
ابتهال : عادي كله عشانش يهون
احلام : بس بس درينا قد جاء رائد يشتي يكلمك وقلت عندها صديقتها وقال عيرجع قلت لاهن عيجلسين لاخر الليل
ابتهال : حسبك الله عيقل مامعاها عمل او كيف
كيان : فديت روحك يارائد يشتي يشوف اذا انا مرتاحة
بالسعودية
شهد : يبه ليش تكلمت كذا والله حسيتك شرير
علي وحاسس بتأنيب الضمير : والله يشهد بس كلام بدون فعل اذا وافقوا تممنا واذا رفضوا فهو مجرد كلام وماراح افصله هذا رائد محبته من محبة اياد حتى مااعرف ليش قلت كذا ياابوك يمكن لانو كنت اشتي اخطب لابني من خواته
شهد : خير عيبين كل شي بكرة
ــــــــــــــــــــــــــــــــــــــــــــــ
الصبح وتحديدا الساعة عشرة
رائد اتصل لعلي وكلمه عن موافقة كيان وحددوا بعد اسبوعين راح يخرجوا اليمن
كيان تتمتم انا تسرعت ياربي او المهم سعادة رائد
احلام : كيان رائد كلم عمه بالموافقة
كيان هزت راسها
ـــــــــــــــــــــــــــــــــــ
بالسعودية
علي بفرحة : وافقوا الله يبشرهم بالخير
شهد ابتسمت
اياد : من هم اللي وافقوا
ابو اياد : اهل البنت اللي خطبناها لحضرتك
اياد وذكر كان ناسي انو ابوه خطب له
اياد : يبه مين هي سعيدة الحظ
علي : اخت رائد
اياد : من رائد
علي : رائد محمد الـــــ..
اياد وملامحه تبدلت لاغضب : اليمني اللي في محل الـ..
علي برفعة حاجب : ايه هو ان شاءالله عرفته سيد اياد
اياد : يبه انجنيت والا وشو تخطب من اليمن ليه مش من هنا
ابو اياد : وليه ايش فيهن بنات بلدك
اياد : يبه مش فيهن شي بس كملين بنات السعودية عشان تروح لليمن
علي بصرخة هزت البيت : ايه ماراح تتزوج الا يمنية وشهد كمان زيك ماراح ازوجها الا واحد يمني ومن عنده اعتراض يتكلم اشوف
نوال : زوجتك المستقبلية مطلقة يااياد
اياد : ايييش لا كذا زوتها يبه انا مو موافق وهذا اخر كلامي ومشي
شهد صرخت برعب : يبه
اياد التفت يشوف ايش في شاف ابوه طايح ويمسك قلبه جري زي المجنون : يبه شهد قومي جيبي حبوبة
شهد : حاضر
نوال تبكي : علي لاتعمل بعمرك كذا
اياد : يبه قوم صحصح والله موافق خلاص واذا بدك نمشي الان المهم سلامتك
علي واللي كان يمثل التعب عشان يرضخ ابنه مافي الا هذي الطريقة عارف ولده وقوة شخصيته اذا عصب مايعرف امه
علي : اياد تحكي جد انت موافق والا تسايرني
اياد بخوف واضح : لايبه والله موافق بس انت قوم
شهد جت بحبوب ابوها واخذهن وارتاح
اياد عند رفيق عمره فهد : ايش اسوي ماتوقعت الامور توصل لاكذا
فهد : عادي ياشيخ تزوجها يرتاح ابوك والشرع حلل اربع تزوج اللي تبغاها
اياد : فكرة والله انك خوي كفو ريحتني الله يريحك ياشيخ
فهد بغرور : ولو انا بالخدمة
باليمن
كيان تفكر رائد قال راح يطلب نظرة شرعية واكيد راح اطلب منه يرفض وانو انا مش موافقة وايش يشتي بواحدة مطلقة صح
بعد اسبوعين
خرجوا اليمن في صنعاء في بيت الجد اها اذل خرجتوا عشان تزوجوا اياد
علي : اي يبه منه نزوجه ومنه قد فقدناكم
الجد : الله يصلحكم ويقدم مافية الخير
شهد : يماه راح اطلع الجباء ارتاح شوية ونازلة
نوال : طيب
شهد : ااه مااحلاكي يايمنا
صوت من وراها : اية اذا مااحلاكي ليش جالسين في السعودية مغتربين
شهد التفتت لمصدر الصوت وتغطت : من انت وايش جابك لاهنا
سمير : والله انا في بيتي وانا ابن عمك وطلعت في مكاني اللي ارتاح فيه
شهد : بالله ايه ياابن عمي ظل في مكانك وانا رايحة سلام
سمير : لحظة على فكرة ايش اسمك
شهد : وش دخلك انت ايش الفضول هذا اللي مايخصك
سمير : اعوذ بالله انا سألت ايش اسمك مااظن يحتاج كل هذا الجواب
يكفي أن تكوني شخصاً لا يربط شعورهُ بالأخرين ، شخص عندما يحتاج السعادة يصنعها بنفسه و لا ينتظر أحد ، شخص يتخطى لا يقف و لا يسقط...✨
📚 @rewayatyamania 🇾🇪
البـارت 26 💜
خـانـتـنـي ظـنــونــي
👌🏻👇🏻 😍
📚 @rewayatyamania 🇾🇪
نوال : شهد ايش صار مع كيان من بعد النظرة الشرعية ماعاد شفناها
شهد : مااعرف يمه اللي اعرفة انو روحنا دورنا لها مع احلام بعدين طلعنا الجباء وانا شفتها نايمة بعدين جاء اخوها اخذها وبس وفي نفسها ابصم بالعشر انو في قصة وراكي ياكيان
الصباح
عند كيان قامت وتذكرت ايش حصل معاها كيف نامت من التعب والبكاء
رائد دخل : كيان صاحية
كيان بتبلد : ايوة
رائد دخل : كياني ليش وجهك كذا كيان انتي رافضة الزواج كلميني في شي حصل معك انتي كنتي تكلميني كل شي عنك ايش صار معك الان ليش احسك ضايعة وتغصبي حالك تبتسمي انا اعرفك ياكيان كلميني واطلبي عيوني وماتغلى عليش
كيان ماتحملت ارتمت بحضن رائد : ربي مايحرمني منك ياسندي وعزوتي وماتخاف عليا دلع بنات بس وانا اللي مضيق لي اني راح اترككم مرة ثانية ماتضايق حالك ياعيوني
رائد ارتاح وكأن جبل انزاح عنه : ماتخافي ومين قال انك راح تتركينا احنا راح نجي وانتي ماراح تنسينا وهذي سنة الحياة
راشد مرتكي على الباب وبزعل : امانة واحنا مالنا نصيب من الحب هذا ياكيان ها كل المدح والحب لرائد
كيان ورائد ضحكوا ههههه
كيان : وانت الاصل كلكم اخوتي وانا احبكم كلكم وقامت لراشد
وضمته وانت ماتقلد زعول
راشد لمها بحضنه بقوه : الله يحفظك ياكيان
عجيب امر العناق
وكأنه لملمة ارواح
ضاق بها الاتساع وترى في الضيق حياة..✨
رائد : كياان تعرفي امس اياد بعد النظرة احرجنا هو وابوه وقال يشتي يعقد واحنا ماكان لنا حل ثاني كنت اشتي استشيرك بس انتي تعبتي ورقدتي
كيان كانت متوقعة هذا الشي : عادي ياروحي راح يصير العقد اليوم او بكرة
الجد علي : يله ياابني راح نتأخر خلينا نمشي
محمد : لا والله ماتمشوا اتغدوا وامشوا
علي ابتسم : لا محمد معي عمل ولسه مازرت خواتي واحنا راح نجي عشان نحدد العرس تعرف شغلي بالسعودية راح يدهور
الجد : ايوه صح بعدين انا اماارتاح الا ببيتي
محمد : على راحتكم
علي يتصل لاياد
اياد : نعم يبه
علي : وينك ياابوك احنا ماشيين
اياد : متى راح نمشي يبه
علي : الان وينك
اياد : خرجت انا وسمير نشوف الرجم
علي : مرة ثانية راح نروح كلنا ونطوف عليها
اياد يكلم سمير : يله مشينا
سمير : لا والله نفسي نجلس اليوم
اياد : هههه راح نرجع
علي : اياد نسيتني او كيف
اياد : لا يبه بس كنت اكلم سمير خلاص راجعين
الجد : وينهم يدشروا من صياح ربي
علي : هنا خرجوا يشوفوا مناظر الرجم
نوال : شهد يله مشينا ابوكي قال نجهز
شهد اللي كانت تتكلم مع منيرة واحلام : حاضر يمه الان
منيرة : ليش مستعجلين خلونا اليوم نجلس سوا
غادة ونور : مايهمك الا تطفشوا مننا خلاص صرنا نسايب
احلام : راح نشوف اذا انتي قد كلامك
دخل سمير واياد : ياولد يااهل البيت طريق
اياد : امشي عاده يصيح قد سمعوك للحاره الثانية
سمير : ايوه تظن احنا بالسعودية عايشين ترى احنا نعرف القبيلة
اياد صرعة بالقارورة براسة : ترى انا يمني واعرف القبيلة
سمير : ااي ياتافه ايش اليد اللي معك تقول ولا مصارع
اياد : قول ماشاءالله لاتسمخني عين
رائد : كملتوا بربرة ياعجايز
سمير واياد : ههههه لا لسه بعدين ساعة بالدرج مستنيين احد يشوف لنا طريق
رائد : طرقوا وجهك ماتعرفوا المجلس وين هو تراه منفصل عن البيت امشوا يله
اياد : يادلخ والله انك غبي مخلينا ساعة ماتشوف المجلس وين
سمير : والله ماغبي غيرك يعني انت كنت اعمى ماكنت تشوفه
علي : خلف الله عليكم كلكم اغبياء امشوا يادشر
اياد : والله الوالد معصب امشي
باب المجلس علي التفت : سمير ادخل عند جدك
سمير : واياد راح يدخل معي
علي : سمير امشي معي موضوع مع اياد
سمير : وانا عادي اجلس راح اسكر اذاني مارح اسمع شي
علي بنظرة تخوف
سمير : امزح معك ياعمي رايح اعوذ بالله والعيون تخوف
علي : ايش قلت
سمير : قلت الله يطول بعمرك ياعمي ومشي
اياد : هههههه آمر يبة ايش بغيت
علي: الهدية ناولت زوجتك
اياد : ااااوه نسيت والله
علي وهو يصر على اسنانة : امشي وشوف زوجتك واعطيها هديتها واحنا راح نستناك بالسيارات
اياد : اوكي
📚 @rewayatyamania 🇾🇪
البـارت 28 💜
خـانـتـنـي ظـنــونــي
👌🏻👇🏻 😍
📚 @rewayatyamania 🇾🇪
يبدو أن الأجواء والظلمة التي في داخل المجتمع ، خرجت للخارج فعتمت الانوار ، وسخنت الأجواء ، حتى الانفاس تكاد تقطع ... 🍂
ـــــــــــــــــــــــــــــــــــــ
كيان كانت منهاره : ايش مستنيني وايش في راسك يااياد وتحسست رقبتها وحاولت تسحب السلسال بس في شي منعها راح اخليك برقبتي مش عشان الزفت اياد لا عشاني لانو نفس تصميمي اللي كلمت رائد يجيبه بس رائد ماكان معه الفلوس الكافية اهى اهى ياربي ان خايفة من القادم قامت لا ماراح ابكي لسى مابدينا ويا انا او انت راح اتحمل وثقتي بربي تمنحني كل شي
اياد يسوق وشارد اخرجي من عقلي كيان بس هين انا تشتتيني كذا وتهينيني كذا صحى على ايد ابوه
علي : اياد ايش فيك عابس ومابتشاركني الكلام مع جدك
اياد : سلامتك يبه مافيني الا كل خير بس كيان اخذت عقلي يبه ضروري العرس يكون في ذا الشهر
الجد : خلف الله عليك ياعلي ايش ربيت واحد خفيف هذا ولسى ماجت عندك
علي : ههههه ايه يبه ماتقول هذا اللي كان رافض فكرة الزواج
اياد اااه ماعرفتوا بنت محمد الــــ... اللي مفتخرين فيه ايش سوت طيرت النوم من عيني بوقاحتها
علي : ها نوال ايش رايك بكيان
نوال : والله هي حلوه واحلا من اياد ومحترمة وعجبتني بس فيها غموض كانت بس سرحانة
اياد : ااه ليش رفضتني معقول في براسها واحد غيري وانا جيت وخربت لها مخططها وحس شي يكتم على نفسه والله لوهو هذا اللي في بالي اني لاامحيك من الوجود
عند شهد
كان سمير يكلم البنات عن اياد وعن خرجته الرجم يتجول فيها : تعرفي غاده في مناطق تقولي الجنة هنا عجبتني هواها
غادة : ايوه صراحة في هواء نقي ينعش روحك
سمير : ها يابنت العم كيف كان مشوارك ان شاءالله انبسطتي
شهد استحت قبال البنات : اية حلوه اليمن كلها ولفت صلى شباك ااسياره تتحاشى نظرات سمير من المراية
نور : ايوه فديت بلادي الحبيبة
بالليل
كانت كيان وابتهال بالاصح احلام وابتهال اللي ينبشين شنطة الخطوبة
احلام : والله كل شي مدبل ويجنن مدري من اختار
ابتهال : ايوه كل شي حلوا ايش رايك كيان
كيان : ها اية حلو
سعاد : كيان يابنتي تجهزي واعتني بحالك لانو العرس يمكن في خلال شهر
ابتهال : عمة سعاد كيان ماتحتاج شي
سعاد : ولو
احلام : حاضر يمة انا موجوده
كيان كانت بس تفكر ايش مصيرها وكيف راح تتعامل
عناق الأفكار داخل رأسك بعد الفراق ، و إنعكاس الذكريات أمام قلبك ، أشياء تأكل الانسان بدون أسنان .. 🍂
في البلاد
تحديدا عند اماني
اخو محمد خالد : كيف كانت الحفلة
اماني : حالية
خالد : والناس والضيوف كيف كانين
فاطمة زوجته : وانت مادخلك من النسوان
خالد : ههههه مالك بس قلت كيف هن طيبات
اماني : هههه ايوة ماشاءالله طيبات
اماني : اباه كيف كان خطيب كيان يعني كيف تشوفه
خالد : والله يابنتي شكله ما افتهم لي تحسيه زي اللي كان ضابح وكأنه بس مريع متى راح تخلص الجلسة
اماني : بتفكير يعني كيف
خالد : كان بس يشوف الساعة وسرحان وماشارك احد بالكلام بس مع صاحبه اللي جاء معه ظلوا يتكلموا
اماني : خير ان شاءالله
خالد : بس علي ابوه مع جده ناس كويسين قوي تحسي الفرحة تشع من عيونهم
فاطمة : حتى كيان تقول هذي مش خطبتها وهي وافقت برضاتها
ــــــــــــــــــــــــــــــــــــــ
📚 @rewayatyamania 🇾🇪
البـارت 30 💜
خـانـتـنـي ظـنــونــي
👌🏻👇🏻 😍
📚 @rewayatyamania 🇾🇪
بعد اسبوعين
شهد نزلت وهي مطمنة انو سمير خرج من خمس دقايق كانت لابسة جلابية سوداء مشجر وحاطه طرحة على اكتافها والجوال بأذنها تكلم غاده :تعالي اليوم عندي والله زهقت لحالي
غاده : شهد تعالي انتي والله صديقاتي راح يجوا ونجتمع كلنا
شهد :لاغاده يمكن امي تعصب عليا
غاده :انا راح اتصل لعمتي نوال ماتتعذري
شهد كانت ماتشتي تروح وفي بنات كثار ماتحب الضجة :اوكيه غاده راح اشوف ماتتصلي
غاده :اوكيه باي
شهد : مع السلامة
شهد دخلت المطبخ تعمل لها كوفي
سمير : اياد روح جيب مفاتيح السياره من المطبخ فوق الطاوله اصتبحت ونسيتهن
اياد : شغال انا عندك قوم قامت قيامتك
سمير : اياد انا مشغول بتدخيل الاغراض حق عمي علي روح جيب المفتاح لما اكمل
اياد ارتكى عرض السيارة : ماني فاضي لك بعدين قدك عتدخل البيت جيبهن معك
سمير : والله انك نذل وماتفيد ولا بريال
اياد يللي مشغول يكلم فهد صاحبة عن موضوع كيان وجرأتها وهو منسجم وماسمع سمير : ايش قلت
سمير عصب ومشي لاداخل وهو يسب اياد اللي مطنشة
شهد وهي تشرب الكوفي وتكلم حالها ياربي لسا مارحت السوق والعرس قرب راح اشوف اياد
سمير دخل وتنح في شهد ماشاءالله ان شاءالله تكوني من نصيبي
شهد رشفت وشافت سمير كح كح كح
سمير مشي لاعندها وصار يخبط ورا ظهرها : بسم الله ايش فيش يابنت الناس كل هذا من شفتيني معقولة انا حلو لهذي الدرجة
شهد كح كح : سمير بعد عني وغمض عيونك يله مايجوز
سمير باستغراب : ليش اغمض خلاص انا شفتك وحفظت ملامحك
شهد دقيقة وتموت وصرخت بغضب : سمير دور وغض بصرك والله لو يشوفني اياد راح يموتني
سمير استوعب ومشي اخذ مفاتيح السياره والتفت : عادي احسبيها النظرة الشرعية لانك راح تكوني حلالي سلام
شهد غورقت عيونها بالدموع ماتدري ايش سببها من الاحراج او الخجل او من الفرح غسلت الكوب وقررت تروح عند غاده
سمير خرج وهو مبسوط عكس مادخل وهو معصب
اياد : سمير كل هذا الوقت تجيب مفتاح
سمير مارد عليه ومشي يفتح السياره
اياد راح لسمير بسرعة وسحب المفتاح من ايد سمير ودخل وغلق السياره كلها عشان لايدخل سمير وفتح زجاج السياره
سمير انذهل : اياد ايش تعمل يااخي اخرج من سيارتي
اياد وهو يضحك : ههههه السموحة ياولد العم بس معي مشوار وراح ارجع الليل ولاتكلم احد اني رحت لحالي
سمير : اياد لاتجنني ووين رايح بدوني
اياد : مسافر المحويت وراجع الليل سلام وشغل السياره ومشي بسرعة
سمير ضرب برجله الارض بقهر : اااياد ارجع يانذل
بس اياد ماسمع لانه مشي بسرعة
اياد وهو يذكر مكالمته مع فهد
اياد : وهذ كل اللي صار ماعاد اقدر انام او اجلس الا وعقلي يروح لاعندها احس من القهر ودي اخنقها لاحتى ارتاح
فهد : هههههههه كذا جننتك بنت اليمن والله
اياد : فهد بلا مسخرة و انصحني ياصاحبي كيف اتعامل معاها
فهد بتفكير : انت زرتها بعد الملكة
اياد : لا
فهد : روح زورها واعملك شي يحرقها منك خليها ماتنام الليل زيك
اياد : ايش الحل اللي زي وجهك
فهد : بس وجهي حلو صح
اياد : فهد وبعدين معك
فهد : يااخي سافر وكما نزلت راح يكون فكرت لك بحل
اياد : اوكيه راح امشي الان
فهد : بذي السرعة
اياد سكر بوجهه سخيف فاق من سرحانة على رنين جواله
اياد : الو
علي : وينك فيه
اياد : عند الربع
علي : من الربع
اياد : يبه ماتعرفهم جداد
علي : ووينه سمير هو معك
اياد : ايوه معي
علي : خليني اكلمه
اياد : مانو موجود راح الحمام
علي : اياد وينك لانو سمير جنبي
اياد عض على شفايفه وانو كان مكشوف من البداية
وسمير مبتسم ومبسوط
اياد : يبه سافرت المحويت
علي : وليش ايش معك وعرسك بعد اسبوع
اياد : راجع يبه في الليل لاتلهيني عن السواقة واسوي حادث
علي خاف على ولده : تمام انتبه على نفسك وكما وصلت اتصل بي
اياد ابتسم على خوف ابوه : اوكيه مع السلامة
علي : في امان الله
احلام :كيان شوفي هذا كيفه حلو
كيان شافته :ايوه روعة
احلام :كيان كان لازم تشتري انتي على ذوقك حرام عليكي كل مااشتري شي اخاف مايعجبك
كيان :تعبتك ياقلبي بس انا اتعب من اللف في السوق وانا اثق بذوقك ويعجبني
تنهدت احلام :على راحتك
التفتين على صوت الباب محمد :كيان تعالي بعدي للمجلس
كيان استغربت :ايش في ياباه
محمد مشي :تعالي وراح تعرفي
مشت ورا ابوها
محمد :اسبقيني للمجلس لما اجي
هزت راسها ودخلت سمعت التلفزيون شغال وجلست تشوف توم وجيري وما انتبهت للجالس براس المجلس
اياد قام بهداوه وحط ايدة فوق اكتاف كيان :افا وماشفتيني ياكياني
كيان صرخت بقوة من الخوف وصارت ترجف :ااياد
اياد :ايوه ليش اتفاجأتي كذا
كيان فهمت ايش مقصد ابوها ومشت تاركه اياد وراها وخارجة
اياد عرف ايش ناوية وسبق قبلها وسكر الباب و...
https://t.me/rewayatyamania/31466
📚 @rewayatyamania 🇾🇪
البـارت 37 💜
خـانـتـنـي ظـنــونــي
👌🏻👇🏻 😍
📚 @rewayatyamania 🇾🇪
كيان هوى قلبها لااسفل بطنها وصارت ترجف بشكل واضح وكأنها اول مره تتزوج بس خوفها ماكان من هذا الموضوع كان من القادم اللي تجهل ايش منتظرها كانت تصبر حالها انو راح يكون كل شي تمام بس الان ماعاد فيها تمثل القوة وصاروا دموعها ينزلوا
الكل كان يهدوها وانو شي عادي يصير بس ماكانت تسمع شي غير وشيش في راسها واضطراب في قلبها
دخلوا اخوانها وابوها وعمها يسلموا عليها
خالد : الله يسخر لك يابنتي واذا احتجتي شي انا موجود ماتهمي اتصال وانا عندك
كيان : تسلم ياعم الله يحفظك وسلمت على ابوها وراشد
قرب رائد منها : كياني سامحيني واعذريني على كل شي واذا اياد عمل لك شي او زعلك وتكتمي زي ماعملتي مع عماد والله ماعاد اكلمك وراح انسى ان معي اخت اسمها كيان تمام
كيان حضنت رائد وبكت : على ايش اسامحك ياعمري فديت روحك سامحني انت بعدين انا قوية وراح اخذ حقي بيدي انا تغيرت
محمد : هيا قلبتوه ياسعم انها سايرة من مره وماعاد نشوفها
تجهزت كيان وزفوها
محمد : لحظة واخذ شاله وحطة فوق راس العروس هذي عاده من زمان انو الاب او الاخ يحط شاله فوق راس العروس وكأنه يقول بنتي فوق راسي
رائد : اياد اختي بأمانتك غلطت بحقك سوت لك شي كلمني وانا اربيها اما انت تعاملها بسوء او تشتكي منك بشي والله لااقتلك تمام
اياد ابتسم مجاملة : هي داخل عيوني وماراح اضرها بشي وداخله والله لااخرج اهانتها لي من عيونها
انزفت كيان والكل كان حزين من جيران وصديقات ويدعوا لها بالخير
كان في السيارة سكوت الا من صوت المسجل مشغل زفة ماتكلم بشي وهي تفكر بس كيف راح تعيش السنة هذي بدون اهلها وجيرانها اللي تعودت كل يوم يجتمعوا عندهم في البيت
بعد اربع ساعات وصلوا بيت الجد ابو علي واستقبلوهم بزفة وبرع ودخلت كيان غرفتها هي واياد
شهد ونوال دخلين عند كيان شهد حبيبتي ايش محتاجة
كيان : عصير ولو اتعبك
شهد : حاضر وخرجت
نوال : كيفك يابنتي نورتي البيت
كيان : بنورك خالة
نوال : انا راح اخرج اشوف الضيوف وشهد عتجس عندك اذ احتجتي شي كلميها وخذي راحتك
كيان : اكتفت بابتسامة
خرجت نوال وظلت كيان تتأمل الغرفة كانت حلوه وشكلها مصلح بديكور جديد نقزت على دقة باب غرفتها ودخلت شهد وارتاحت
شهد : هاه اشربيها بسرعة عشان اعدل مكياجك لانو اياد راح يدخل هو وابي
كيان : ضروري يدخلوا
شهد استغربت : هههه ايوه زوجك ايش فيك
كيان : طيب تعالي
شهد عدلت مكياج كيان
بعد نص ساعة قبل الغداء
دخل اياد وابوه ونوال وشهد
علي : السلام عليكم
كيان تمتمت بصوت ماينسمع : وعليكم السلام
علي : اياد يله افتش لكيان واقرا الفاتحة
اياد تقدم منها زي ماعلمه ابوه لانو جاهل بهذي الامور وحط ايده فوق جبينها وقري الفاتحة وفتش لها بس ماشاف ملامحها لانو كيان كانت موطية راسها للاسفل
علي تقدم منها : كيفك يابنتي عساكي ماتعبتي من السفر
كيان بصوت واهي وهي اول مرة تشوف ابو اياد : الحمدلله
علي : نوال تعالي معي وانتي شهد صوريهم تمام
شهد : حاضر يبه
بعد ماخرجوا علي ونوال
شهد : يله قوموا اصوركم اتصوروا صور من افكار شهد وخرجت
اياد ظل يتأمل كيان وجمالها صح تعجبيني بس طبعك ماعجبني طبعا يكلم حاله
كيان كانت ملاحظة على نظراته رفعت عيونها : ها كيف
اياد : حلوة حيل
كيان خجلت : اام عارفة ماجبت شي جديد
اياد : ياواثق ترى بس هذا المكياج اللي مخليكي حلوة والا على الطبيعة بشعة
كيان : لاوالله وشافت اياد كيف كان بالزي اليمني
اياد رفع حاجب : ها كيف
كيان : طالع زي المهرج
اياد قلب صور : مهرج ياقزمة
كيان قرحت ضحكة على ملامح اياد : ماني قزمة انا متوسطة الطول
اياد : من ضحك عليش بهذا الكلام
كيان : يله اخرج انا تعبت واشتي ارتاح
اياد تمدد فوق الفراش : وانا تعبان واشتي ارتاح
كيان......
دخلت شهد بالغداء :تفضلوا اتغدوا
كيان كانت راح تموت من جوعها بس كيف راح تاكل على راحتها بوجود اياد
اياد كان شبعان : اتغدي يله وانا راح اظل نص ساعة عشان مايلاحظوا اني خرجت من عندك بسرعة راح يقلوا اكيد ماعجبته
كيان : مين راح يقول وبعدين عادي المهم ماترويني وجهك
اياد توضع بجلسته : انا راح اسامحك لانك عروس راح اخذ حقي قدامنا سنة ياحلوة وخرج وصرع الباب بغضب
كيان : مكسر وقامت اكلت لما شبعت
https://t.me/joinchat/AAAAAEIz_KDfjDgo7Gaxwg
📚 @rewayatyamania 🇾🇪
البـارت 46 💜
خـانـتـنـي ظـنــونــي
👌🏻👇🏻 😍
📚 @rewayatyamania 🇾🇪
بعد مرور شهر
علي وزوجته وشهد سافروا السعودية
ــــــــــــــــــــــــــــــــــــــــ
كيان واياد مافي جديد كيان تتعامل مع اياد بجفاء لانو مانست اليوم اللي حرمها من هدية رائد واليوم مسافرين المحويت تودع اهلها لانو صار وقت سفرها السعودية
ــــــــــــــــــــــــــــــــــ
سمير كل وقتة يكلم شهد
ــــــــــــــــــــــــــــــــــــــ
عايلة محمد مافي جديد بس حياه روتينية ومحمد شوية تاعب من ارتفاع السكر عنده
احلام ومنيره واماني يسوين الغداء عملوا عزيمة كبيره بمناسبة جية كيان وزوجها
منيرة تعمل بنات الصحن اماني تعمل حلا وكيك
احلام تطبخ الرز والسلتة
خالد دخل : ها بناتي عادكن محتاجات شي
البنات ماشي : كله موجود
منيره : عمي وين رائد
خالد : شل محمد المستشفى وذلحين قدو بالطريق
احلام بخوف : ليش تعب زياده او كيف
خالد : ماشي بس قال يتأكد اذا هبط او جالس مرتفع
احلام : الله يشفيه
خالد : ااامين
منيرة : احلام زحوقتي او عادك
احلام : عادنا اعمل السلتة ليش
منيره : عشان لاجاء عمي ورائد قربنا لهم يمكن قدهم جاوعين
احلام : خلاص ذلحين
وصل محمد ورائد وهو ماسك ابوه
خالد : هيا مه كيف حالك ذلحين
محمد بتعب : الحمدلله على ربك يقلوا السكر طبيعي بس عندي هبوط
خالد : وادوا لك علاج
رائد : ايوه مغذيات ادوا ابر كان يشتي يصيح لاحلام بس شافها دخلت ومعاها اكل في الصحن
رائد : الله يحفظش كان عاد نفسي ادعيش تقربي قد احنا جاوعين
احلام : وهذا الاكل بس لاتكثروا عشان تتغدوا
محمد : خلينا نشبع وبعدين سهل
ــــــــــــــــــــــــــــــ
كيان واياد
اياد : كيان عارف انك عادك زاعلة وطول زعلك ومايهمني واذا قصدك اني عد اعطيكي السلسال فلا تحلمي المهم في بيت اهلك مابغى ذا التعامل منك قبالهم عشان مايحسوا اوكيه
كيان: ......
اياد : انا اكلمك كفاية تطنيش اعتذرت منك ايش عادك تشتي
كيان : اعطيني السلسال وانا اوعدك ماالبسه بس يظل عندي والله مااحطه برقبتي الا بعد سنة
اياد: ....
كيان : هاا ايش قلت
اياد بتفكير : راح افكر واشوف المهم الان يتغير طبعك ذا
كيان : عادك تفكر يعني انت عتدخل في مشروع كبير او كيف
اياد : عندي شرط وتحلفي انك ماتخلفي فيه
كيان : باستغراب ايش هو
اياد : احلفي بعدين تعرفي
ــــــــــــــــــــــــــــــــــ
في السعودية
علي : نوال جت شهد من جامعتها
نوال : عاد هي
علي وهو ياخذ جواله عشان يتصل لشهد مش بالعاده تتأخر لهذا الوقت
نوال : يمكن مع صديقتها او لها عذر
شهد : حلا يله تأخرت يعني كان ضروري تأخريني معك وانتي طريقك ثاني وانا طريقي ثاني
حلا باستعجال : الان حبيبتي تعرفي مااحب اخذ محاضرة وانتي مش موجوده في الجامعة
شهد : مش عذر وقاطعها اتصال ابوها : ياويلي ابي يتصل كله منك ياحلا نعم يبه
علي : وينك يبه تأخرتي اليوم فيكي شي
شهد : لا يالغالي مافيني شي بس صديقتي تأخرت بالمحاضرو وانا انتظرتها
علي : خير يله بسرعة ماتتأخري
شهد : حاضر مع السلامه شفتي يازفته
حلا : هههه اخر مرة يله مشينا
ـــــــــــــــــــــــــــــــــــ
كيان : والله مااخلف بوعدي
اياد : لما تنوي تلبسي السلسال تعطيني انا اشيل سلسالي والبسك هذا
كيان باستغراب : ليش وايش تستفيد من هذا
اياد اللي حتى مش عارف ليش وايش مبتغاه بهذا الشي بس يحس بسعاده لما هو يلبسها غير الموضوع : هذا شرطي ها قبلتيه
كيان اللي ماكانت مهتمة بهذا الشي : عادي تمام اتفقنا
اياد اكتفى بابتسامة فتح اغنية وانسجموا
احلام : الحمدلله كل شي جاهز بس هذولا وين راحوا يوم وهم يسافروا كان قد وصلت اسطنبول
اماني : ههههه عادهم يترمسسوا يمكن وانتي تحسدي
احلام : ماعيترمسسوا الا بالطريق عدمين الغرز
منيرة : احلام تعالي انتبهي على بنات اصحن لما اجوب اخوش
احلام : لا كان نفسي اصلي
منيرة بسرعة : لو يحرقين لااجي احطش داخل التنور بعدهن
احلام : الله يستر وعتحرقيني عشان البنات
منيرة ماردت لانو تأخرت
كيان : اااه يامحلا الرجم
اياد : امانة ايش عجبك فيها
كيان : كل شي فيها يكفيك هواها والزرع والخضرة بس
اياد : منين الف من هذه
كيان : لا الثانية
اياد دخل حارة كيان
كيان اللي كانت فرحتها ماتنوصف كانت تحس حالها غايبة سنة مش شهر مسكتها الكربة لما تذكرت انو هي عاد هي عتغترب عن اهلها مده طويلة
رائد : يله جهزين الغداء وصلوا
📚 @rewayatyamania 🇾🇪
البـارت 47 💜
خـانـتـنـي ظـنــونــي
👌🏻👇🏻 😍
📚 @rewayatyamania 🇾🇪
رائد : يله جهزين الغداء وصلوا
وقفت سيارة اياد جنب باب البيت
خرجت كيان بسرعة لاحضن : رااااائد حبيبي وحشتني
رائد استحى انها ضمته خارج : وانتي اكثر ياقلبي كيف حالش وكيف كان السفر
كيان بعدت من حضن اخوها : الحمدلله تمام
اياد : السلام عليكم
رائد بترحيب : ياهلا والله حياك الله
اياد : الله يحييك ويبقيك كيف حالك
رائد : الحمدلله ان من الصبح تسافروا
اياد بضحكة : والله مامشينا الا عشرة ومشينا براحتنا ايش ورانا
رائد : وراكم ناس منتظرين لكم وجاوعين
اياد : ههههه اذا هو بطنك ها
كيان دخلت واحقات وابيتنا وين جيتوا دخلت المجلس وكان عماتها وعمها موجودين سلمت عليهم
كملت تسلم عليهم : وين هم ابي وامي والبنات
عمها خالد : امش و ابوش بالغرفة والبنات بالمطبخ
كيان : ها خرجت وهي تصيح واماه واباه وينكم ماتستقبلوني
احلام : كيان جت خرجت كيان حيا بروحي وقلبي
كيان : حياش ياعمري وتسالمين بقوة مع دموع وسلمت على منيرة واماني
وين ابي
احلام : هو تاعب شوية بالغرفة
كيان بخوف : ايش فيه تاعب تكلمي
احلام : ماتخافي بس ارتفع السكر زي كل مرة
كيان دخلت الغرفة :وواباه
محمد : حيا
كيان : حياك ياغالي كيف صحتك
محمد وهو يدمع : بخير كيف حالش انتي وللمه لاذلحين
كيان بكت : انا الحمدلله والسفر تأخرنا بالبيت وسلمت على امها وهم يبكوا جلست عندهم شوية هيا غداء ياباه
محمد : يله اسبقي وان عد اخرج الان
سعاد سحبت بنتها : كيف امورش يابنتي طمنيني
كيان ابتسمت : صحتي قذ انتي تشوفيها بعينك واموري على ربك الله يديمها بخير تطمني يانور عيني
سعاد : الحمدلله بعدين ماشاءالله نورتي زيادة
كيان : ههههه هذك كيان
رائد دخل : يله كيان الغداء بالوسط
كيان : هيا
بعد الغداء الكل مخزن وجالسين يتبادلو الكلام
عند النساء اجتمعت الحاره اللي يعرفين كيان
ابتهال وجنبها فاطمة واماني واحلام
ابتهال : كيان كيف الزواجة واين افضل عند امش او اياد
كيان ماحبت توضح شي من الان يخصها : كله طبيعي نفس الشي
فاطمة : لا صدق هذه كيان الا اياد ايش عملش
كيان ابتسمت : والله ماعمل شي بس لحد الان الحمدلله
ابتهال: يعني خوفك ومناحتك هذك كلها طلعت خرطي
كيان تنهدت : اللي في القلب يظل بالقلب محد فاهمني بس عادنا لاحد الان مرتاحة
ابتهال : الله يوفقش ويسخر لش هذا اللي نشتيه
كيان : اامين ويسعدكن كلكن
بالعشي
اياد خرج يجاوب ابوه
علي : كيف الرجم ها وكيف امورك محتاج فلوس
اياد : كل شي تمام والفلوس معي الله يحفظك
علي : خير ويحين عتروح صنعاء لانو سفرك بعد بكرة
اياد : قد انا اقول الصبح وانشوف كيان ايش رأيها
علي : مابش راي لانو لو تتأخر على الموعد وقد كل شي جاهز
اياد : خير ان شاءالله
علي : يله سلم على كيان ورائد ومحمد
اياد : وواصل
احلام كانت فوق السرير منتظره لكيان تكمل تصلي
كيان سلمت واستغفرت شوية وهي ملاحظة احلام كيف مستنيه لها
احلام : هيا عترجعي تستغفري جي جابريني قبل مايقلوا احلام قومي قربي عشاء
كيان ابتسمت وقامت لاعندها : ايش اجابرش ها
احلام : كل شي هيا
كيان : بدت تسرد كل شي
احلام : وانتي مقتنعه انو السنة هذه ماعيتغير فيها شي
كيان استغربت : ايش يتغير هو اتفاق وخلاص لا انا اشتيه ولا هو يشتيني وانتهى الموضوع
احلام : بس ياكيان ما ـــــ
كيان : خرجيني من هذا المجبر وخبربني انتي ايش حصل معاكم
وظلين يتبادلين الحوارات
اياد : عم ابي يسلم عليكم كلكم
محمد : الله يسلمه كيف حاله
اياد : الحمدلله بس اتصل قال انو نروح بكرة عشان السفر بعد بكره
رائد : اياد بس انت قلت بعد اسبوع وعاد احنا ماقد شفناكم مالك تجنن
اياد : والله ماكان لي خبر قدموا الحجز لبعد بكره ايش نعمل
محمد : ولاشي يابني الله معاكم ويسهل طريقكم
الكل : اامين
كيان جت جلست عندهم بعد ماروحوا الرجال وظلوا سامرين للصبح مارقدوا بعد مافعلت مناحة انو عرفت موعد سفرهم
صلت فجر ورجعت تبكي وامها تبكي معاها
احلام قامت مفتجعه : ايش في مالكن تبكين ابي ماله
امها : صلي على النبي يابنتي مابش شي الا كيان تبكي لانو هم مسافرين قومي صلي هيا
احلام قامت صلت وجلست عند كيان طيب زوجك هذا ليش ماداش من بدري عندنا
سعاد : ماكان عارف انهم قدموا الحجز اللي حجزوا كلمه ابوه امس
احلام : اااف استغفر الله العظيم
عملين الصبوح واصتبحوا ورائد منعهم السفر الصبح قال يسافروا صنعاء بعد العصر ضروري يجلسوا وقت اكثر
اياد خرج مع رائد يلووا
وكيان رفضت تخرج تشتي تشبع من اهلها برغم مافي احد يشبع من الاهل
. عندما تجد شيئاً جميلاً في الاخرين، اخبرهم قد يستغرق من وقتك ثانية لتخبرهم به ولكنه يمكن ان يستمر معهم طوال حياتهم..
https://t.me/joinchat/AAAAAEIz_KDfjDgo7Gaxwg
📚 @rewayatyamania 🇾🇪
البـارت 49 💜
خـانـتـنـي ظـنــونــي
👌🏻👇🏻 😍
📚 @rewayatyamania 🇾🇪
كيان تعمل الغداء مع احلام
احلام : كيان ليش رائد يتجنبك واحسكم بعاد ايش صار فيكم
كيان : حتى انا مستغربة مايتصلي الا ويختصر الكلام ولما اكلمه كلمتين من امس وعيونه ماتنحط بعيوني
احلام : غريبة شوفي منيرة عتجي الان ونكلمها
كيان تنهدت : عد اشوف
بنات رائد
السلام عليكم
احلام وكيان : وعليكم السلام حيا
رائد : اياد كيفها كيان
اياد باستغراب : كيف يعني مافهمت
رائد ماعرف كيف يشرح : قصدي تحسها مبسوطه عايشة طبيعي
اياد وزاد استغرابه : رائد تكلم بوضوح عشان افهمك
رائد ضبح : خلاص انسى ماراح تفهمني يله عد اشوف اذا قدو جاهز الغداء
اياد : براحتك بس قدو وقت صلاة جي نصلي وعنرجع نتغدى
رائد : يله قمنا
كيان : منيرة كيف امور رائد
منيرة : عادي من اي ناحية تقصدي
كيان : منيرة اكلمك وتجاوبي بصدق امانة
منيرة : ان شاءالله
كيان : رائد من ايام العرس وهو متغير عليا بتصرفاته ماعاد يكلمني يمزح معي يشوفني بكل وقت يتصل نتكلم سوا على ايش تغير امانة عليش قلي لي
منيرة تنهدت : والله ياكيان اني نفس شعورش احسه مهموم يجس يفكر واصل وكل مااسأله يقل مالي ولا حاجة بس مشاكل بالعمل مدري
كيان : ياربي ايش فيه اخي الله يستر
رائد : واااو
كيان انتبزت : ايوة
رائد : حيا بروحي هيا الغداء جاهز
منيرة : ايوة
كيان : رائد اشتي اكلمك ضروري جي
رائد : ياختي ذلحين غداء بعد الغداء تمام
كيان : تمام لاتنسي
اتغدوا الكل
كيان اول يوم تلبس لبس حالي من بعد العرس
اياد : رائد وينها كيان من الفجر ماعاد شفت لها صورة لاقد رقدت وانا ماشي
رائد ضحك : هههه مارقدت بس هي مع البنات بالغرفة
اياد : شلني هيا عند زوجتي انا بحاجتها
رائد فرح انو يمكن مايكلم كيان عشان هو خايف لا تسال شي من وضعه امشي يله
رائد دق الغرفة
كيان : من
رائد : انا افتح؟
كيان فرحت : ايوة ادخل
رائد مابش احد عندش
كيان : لا ادخل
رائد : هيا ادخل
كيان اندهشت اياد والتفتت لارائد اايش قلت ان ها
اياد التفت يشوف ايش في
رائد وانا كنت اشتي انفذ اللي قلتي بس اياد يشتي يشوفش وذلحين خاطركم
اياد : كيان اايش فيش وليش انقلب لونش هكذا
كيان بأسف انو ماقدرت تتحكم بنفسها طلبت من رائد يروح يجيب لي عمب العظام من الحامض اللي يزرعوه في البيوت بيجي ولونه اخضر حامض
اياد : وليش الطفحة هذه عادي ماحلقت يعني
كيان : الا حلقت انا خايفة نمشي وماقد اداها
اياد جلس جنبها : خير عد اشل لش من الطريق
كيان : اياد اقلك هذا من البيت اللي جنبنا كنت اكله قبل ما اتزوج واصل هو يعجبني هكذا مش من اللي يبيعوه ايوه ماتشتي جيت غرفتي
اياد وهو يتفحصها اول مره اشوفش كاشخ هكذا
كيان حمرت : هههه ايوه لاني في بيتنا
اياد : ها وزوجش مايسبر تلبسي هكذا تبدي عليا وانتي ساع صياد
كيان : لا منك صدق وانا عاجبني وضعي مش ضروري يعجبك
اياد تمدد : والله فيني نوم زي العسل
كيان : لاوالله ماترقد ماعنرقد الا سوا ليش ماانت
اياد : وانا ايش عرفني انش ماقد رقدتي
كيان : والله ماقد غمضت وذلحين قوم صاحباتي جايات يشوفني
اياد : مانا قاومي خليني افتهن
كيان قامت وسحبته : والله انك عتقوم هيا انهض
اياد : منش صدق تطرديني من غرفتش
كيان : لا مش اطردك بس اخرجك بالحلا
اياد ابتسم : وهذه الجلافة كلها وعادو حلا كيف عاد هي الجلافة عندش
كيان : عتشوفها الايام تجاهنا مع السلامه
اياد خرج : ههههه مجنونة
كيان بزت جوالها واتصلت لارائد
رائد : ها كيان
كيان : ذلحين لاغرفتي انا مريعة وغلقت
رائد : الله يهديش مانتي وقام دخل هيا ماتشتي خوفتيني ايش فيش اياد مزعلش قلي لي
كيان : ولا واحده منهن انا بخير مافيني شي ايش فيك انت
رائد : ايش فيني
كيان : رائد ماتحاول تضحك عليا انت متغير عليا من ايام العرس احسك تبعد مني وماتتصل زي زمان اذا خرجت احسك رجعت شخص ثاني
رائد : هههه مافي شي بس مشاكل وقدك عارفة محد يسلم من هموم الدنيا
كيان : شوف رائد انا ماراح اجبرك بشي بس اذا في شي مني او زعلتك بشي سامحني لانو اكيد بدون قصد
رائد هه بدون قصد ياكيان وانتي كسرتي ظهري لانك رجعتي ضعيفة ورجعتي تضحي بنفسش وبسعادتش عشان تسعدي غيرش كيف ماتشتي اهمش وانا عرفت انش للمرة الثانية تضحي بدون ارادتش وقد كنتي حلفتي انو لو يموتاو ماراح تنجبري على شي ما انتي راضية عليه
https://t.me/joinchat/AAAAAEIz_KDfjDgo7Gaxwg
📚 @rewayatyamania 🇾🇪
البـارت 51 💜
خـانـتـنـي ظـنــونــي
👌🏻👇🏻 😍
📚 @rewayatyamania 🇾🇪
كيان دخلت : سلام عليكم
علي ونوال بابتسامة : وعليكم السلام
كيان قربت من نوال : كيف حالش خالتي
نوال : الحمدلله ربي يحفظك كيفك انتي طمنيني عليش
كيان : الحمدلله ياارب
وقربت من عمها علي : كيف الشيخ علي عساه كويس
علي : الشيخ صار كويس بعد ماشاف القمر دخلت البيت اللي تمنى هي تكون فيه
كيان استحت : تسلم ياغالي
اياد : يبه محتاج شي اشتي اطلع ارتاح
علي : سلامتك روحي يابنتي مع زوجش ارتاحي من السفر
كيان : لاعمي انا مرتاحة
اياد بسخرية : كيف ترتاح يبه وهي راقدة واصل
علي : هههه سهل واذا رقدت ماترقد الا من التعب
نوال : روح نام وانا راح اقومك على العشاء
اياد : طيب
ظلت كيان مع شهد وعلي ونوال طول النهار وكيان تسولف ايش صار معاها خلال الفتره اللي راحت
عند اياد اخذ دش ونام على طول من التعب
علي سمع الاذان وصار يردد صوت المؤذن : انا رايح المسجد اصلي ارجع والعشاء جاهز
نوال : من عيوني التفتت كيان روحي قومي زوجش يصلي وصلي وجوا تعشوا
كيان ابتسمت : حاضر
شهد : وانا يمه راح امشي غرفتي وادل كيان غرفتهم
نوال : تمام
كيان : الحمدلله انقذتيني شهد كنت خجلانة اسال
شهد مشت : وليش خجلانة مافيها شي
كيان : صح مافيها شي بس مدري ليش استحيت
شهد : هههه هذي هي غرفتكم
كيان : تسلمي فتحت الغرفة وهي ظلمي شافت المفتاح وولعت
مشت لاجنب السرير : اياد قوم صلي قد كمل يأذن
اياد : كيان تمام شوية
كيان : اياد صار وقت الصلاة قوم لابين ما ادخل اتوضى
اياد : تمام ورجع رقد
كيان فتحت شنطتها وخرجت جلباب الصلاة ودخلت الحمام
خرجت بعد خمس دقايق وشافت اياد نوم قربت منه وهذي الحركة تعملها كل فجر لما تقومه يصلي تكون يدها ملان ماء وتحط ايدها على صدر اياد ووجهة عشان يحس بالبرد وينقز وفعلا حطت ايدها على صدر اياد ونقز : كيان حرام عليش مالش
كيان بدون مبالاة : انا قومتك اكثر من مره بس ايش نعمل مع الحمار اللي مايسمع
اياد : اااايش قلتي انا حمار يابقرة ونهض من فوق السرير
كيان ضحكت : هههههه كنت امزح والله العظيم تعرفني انا ممنوع اقل ادبي صح
اياد مسكها : لا من قال انتي مؤدبة بزيادة
كيان : صح فديت فمك والله يله خليني اصلي مغرب قبل مايزل عليا
اياد بخبث : حاضر بس تعالي شوية اكلمك
كيان سكنت حركتها تسمع ايش راح يقول اياد ماحست الى ماء انكب من فوق راسها صرخت اااااه وصارت تمشي : اااح لا مااصدق انت غرقت ثوب الصلاه انت مجنون
اياد بلا مبالاة : دبري حالك انا رايح المسجد مع السلامة
كيان بقهر : الله ياخذك ايش البس الان اااف ومشت خرجت لها روب وطرحة وصلت واستغفرت
تعجبني الأرواح الراقية ، التي تحترم ذاتها وتحترم الغير ، تتحدث بعمق ، تطلب بأدب ، تمزح بذوق ، تعتذر بصدق ، وترحل بهدوء
__
بالليل الساعة ثمان ونص
فوق العشاء وهم يتبادلوا الكلام
علي : اياد جهز حالك في حفلة بكرة لكم
اياد عصب : ليش يبه انت تاخذ كل قرار يخصني وبدون ماتستشيرني
علي استغرب : ليش وايش هو القرار اللي اخذته هذي حفلة وشي ضروري نعمله
اياد حط الشاي من يده : يبه مش وقت الحفلة بكرة لساتنا راجعين وتعبانين اخرها
علي : كيف ااخرها وانا قد عزمت الضيوف ها وبعدين كل شي جاهز
اياد بعصبية : اااخر مرة تعمل شي بدون ماتستشيرني في هذي حياتي انا اوكيه
علي انصعق مال ابنة اول مرة يعصب ويرفع صوته فوقه
شهد : لاتزعل يبه اياد يمكن هو معصب ماتعرف ايش سببه
نوال بس مبلوده ايش فيه ابنها
كيان : عمي اسفة بعدين اياد تعبان وكان عادو قلي راح ينام بكرة كل اليوم وكان مخطط انو نخرج سوا يمكن عصب عشان كذا اعذره
علي قام : شهد روحي شوفي فستان كيان اذا عجبها مالم راح اجيب غيره وخرج
شهد : يله قومي معي تشوفيه
كيان : حبيبتي شهد من اختار الفستان
شهد استغربت : انا اخترته
كيان ابتسمت : خلاص وانا واثقة باختيارك والتفتت على خالتها نوال خالة راح اطلع اشوف اياد محتاجة شي
نوال : لا حبيبتي روحي
كيان مشت وهي تسب في اياد هو راح يصلي الا راح مكان ثاني لحتى رجع معصب
ـــــــــــــــــــــــــــــــ
📚 @rewayatyamania 🇾🇪
البـارت 52 💜
خـانـتـنـي ظـنــونــي
👌🏻👇🏻 😍
📚 @rewayatyamania 🇾🇪
محمد : احلام اتصلي لاخوش اسأله يتصل لكيان اذا وصلوا
احلام : طيب دورت رقم اخوها واتصلت
محمد اخذ الجوال ومستني رائد يرد
رائد شاف اتصال من ابي : اوه نسيت ما اخبرهم انهم وصلوا : ايوه
محمد : السلام عليكم
رائد : وعليكم السلام
محمد : يابني قد اتصلت شفت كيان وصلت لهم يومين يسافروا
رائد : ايوه وصلوا وقت العصر بس نسيت مارجع اتصلك كان عندي ناس
محمد : الله يهديك ياولدي وانا اهم مالهم وعلى كل ساعة اشوف الجوال مريع اتصال
رائد : بأسف سامحني ياباه والله بدون قصد
محمد : خلاص مافي مشكله الله معك وسلم على مرتك والبنات
رائد : واصل في امان الله
احلام : ياباه عد انزل عند ابتهال اسمر
سعاد : ماتنزلي تعملي
احلام : انزل اجلس انتوا فاتحين اخبار وانا ضبحت لحالي
محمد : خلاص انزلي
ــــــــــــــــــــــــــــــــــ
اياد ااكيد ابي عيزعل مني ااف يزعل وهو ليش يقرر كل شي يخصني انا خلاص عاد وكأن انا ماني رجال عنده اتخذ قرار زواجي قلنا تمام بعدك حجز سفرنا وقلنا خلاص والان الحفلة يقرر هو سمع الباب يفتح
كيان دخلت شافته جنب السرير : اايش عملت نازل
اياد بغضب : ااص ولا كلمة ولاتدخلي بيني انا واهلي اوكيه
كيان خافت منه : خلاص ماراح ادخل بينكم تمام بس مايجوز تكلم ابوك بهذا الاسلوب واذا قرر عنك فهذا بالنهاية ابوك
اياد قام وصاح : انا اايش قلت تسكتي وماتدخلي بيننا وانا عارف ايش اللي يجوز واللي مايجوز ااخرجي من عندي يله كله بسببك انتي
كيان رمشت اكثر من مرة عشان ماينزلوا دموعها ولعنت حالها ليش تدخل بينهم يسيروا طيرى خرجت غلقت الباب وراها واستندت عرض الجدار ونزلوا دموعها طيب اايش قلت انا لحتى يعصب مني مسحت دموعها وتوجهت لغرفة شهد
شهد تكلم حلا : اية بكرة الحفلة تعالي
حلا : اكيد راح احضر هذي حفلة السيد اياد
شهد : هههه وانا اقل انو عشاني ها
حلا : ههههه اشتي اشوف البنت اللي اخذت فارس احلامي بعدين ليش احنا صديقات ومارشحتيني عند اخوكي
شهد سمعت الباب يندق : ادخل مانبغى الا يمنية مثلنا
دخلت كيان : ادخل
شهد : هلا بزوجة ااخي اكيد ادخلي مع السلامه حلا اشوفك بكرة
كيان : شهد كلميني كل شي من يوم فكرتوا تخطبوني وكيف وللمه كل شي
شهد : ليش تشتي تعرفي
كيان : بس فضول يله اسمعك
شهد كلمت كيان بكل شي من زواج اياد مسيار وكيف لما ابوها فكر يخطب كيان
كيان ابتسمت غصب وتحس حنجرتها ذبحتها من الغصة الله يسامحك ياعمي كيف جمعت بين اثنين يكرهوا بعض
شهد : ماتهتمي كيان كل شي راح يسبر وتعالي شوفي الفستان يله
كيان : لا مش وقته اشتي ارجع ارقد عشان اقوم وانا شابعة نوم
شهد : براحتش
كيان خرجت كانت تتمنى انو هي صارت تعرف البيت كله عشان تروح اي غرفة تبكي لما ترتاح ومحد يعرف بس هي ماتعرف البيت كله رجعت غرفتها دخلت وماشافت اياد اكيد خرج دخلت الحمام وتوضت وصلت عشاء ورجعت تحاول تنام
اياد يتصل لفهد
فهد : هلا والله نورت السعودية
اياد : هلا فيك وينك ابيك الان
فهد : انا بكوفي الـ.. مع اسامة
اياد : حاول تصرف اسامة اجي وانت لحالك
فهد شاف اياد سكر : مااعرف اي وقت راح اكسر يدك عشان مرة ثانية ماتسكر بوجهي
اسامة : من انت تكلم ومن اللي راح تكسر ايده
فهد : كنت اكلم اياد الا اسامة روح الاستراحة وانا لاحقك
اسامة عرف انو فهد يصرفه : يااخي قول روح اشتي اظل مع اياد لحالنا ليش عاد الكذب
فهد : اوكيه اسامة اذلف وروح اياد على وصول
اسامة اخذ جواله ومفتاح سيارته يااخي حتى جاملني مجاملة تعلم الذوق شاف فهد يدور على شي يحذفه فيه هرب
بعد خمس دقايق وصل اياد
فهد شاف اياد جايي وهو متضايق تسالموا بحرارة : ايش فيك يا صاحبي
اياد تنهد وبدا يكلمه بكل شي
فهد : طيب وهذا اللي عصبك وخلاك تعصب على زوجتك وابوك
اياد : مااعرف يمكن لانو اشوف ابي هو اللي خلاني اتزوج كيان والمشكلة اني عارف انها تكرهني وانا ناوي اطلقها بعد السنة وخايف اكون تعلقت فيها
فهد ابتسم : عادي خليها تحبك خلال السنة واذا انت تعرفها شديدة تجنبها ولا تظل معاها لحالكم
اياد تنهد بتعب : خير وظلوا يتكلموا
هنادي : يمه شوفي هذا الفستان
سميرة : يجنن عليكي ااكيد بكرة راح تكوني احلى واحدة
هنادي بغرور : اعرف اني احلى واحدة ااه كم انا مستنية بكرة يجي لحتى اشوف اياد واشوف المطلقة اللي اخذها
سميرة : هههه قلتيها بفمك اخرتها مطلقة
هنادي : يمه متى اليوم اللي اكون انا زوجة اياد ها يمه والله اني مقهورة احس ودي اروح اقتلها بيدي
سميرة : خلي كل شي عليا وانا اللي راح اخليها ترجع اليمن مطلقة للمرة الثانية
هنادي : ههههه تستاهل ماحد قلها تاخذ حبيبي وتوافق عليه
كيان تبكي بقهر على حظها وليش اياد قلب وكان تصرفاته معاها عادي سمعت الباب ينفتح عملت حالها نايمة
اياد دخل : .....
📚 @rewayatyamania 🇾🇪
البـارت 53 💜
خـانـتـنـي ظـنــونــي
👌🏻👇🏻 😍
📚 @rewayatyamania 🇾🇪
اياد دخل : الحمدلله انك نايمة لانو ماقدرت اشوف نظرات اللوم بعيونك دخل غسل ورجع ينام على الساكت
كيان مسكت قلبها معقول ماكلف حاله يشوفني او يعتذر تمام يااياد
ــــــــــــــــــــــــــــــــ
الصباح
علي يشرب قهوه هو وشهد
شهد : يبه ماتحس امي دائما متوترة وبس تفكر
علي : اي والله لاحظت عليها وكل مااسألها تقول مافي شي
شهد : راح احاول اشوف انا ايش صاير معاها
اياد : نزل صباح الخير
شهد : صباح النور
اياد قرب لاعند ابوه وسلم فوق راسه : اسف يبه حقك عليا انا كنت تعبان امس وكنت ناوي
علي بزعل : بس بس خلاص كلمتني كيان انو كنت مخطط انكم تخرجوا اليوم مشوار وانا خربت مخططك خلاص هذي اخر مرة اتدخل بحياتك
اياد بأسف : يبه والله مااعيدها وانا ماقصدت احاكيك كذا بس الشيطان شاطر
علي : حصل خير
شهد : حلو مالم ورجع كل شي تمام انت اللي راح تخرجنا الكوافير انا وكيان وماما
اياد : اوكيه روحي نادي كيان
علي : روح انت عشان تبدل ملابسك وشهد تبدل
اياد : حاضر يبه شهد كلمي امي تجهز اوكيه
شهد : تمام
شهد : يمه احنا رايحين الكوافير تجهزي تروحي معنا
نوال : لا روحوا انتوا الضيوف على وصول ومافي من يستقبلهم
شهد : تمام
اياد دخل وشاف كيان تفطر عصير وكيك استغرب : كيان ليش ماتنزلي تفطري
كيان : ......
اياد قرب منها : كيان اكلمك انا ردي
كيان : ......
اياد : احنا رايحين الكوفير تجهزي بسرعة خمس دقائق
كيان فكرت لو ارفض اكيد راح يشكوا انو احنا متزاعلين انا لازم اروح عشان يمكن الحفلة كبيرة قامت اخذت عبايتها وبرقعها ونزلت
اياد خرج : كيان وينك دورها مالقيها طيب ليش ماتخرج ملابسي ااف محنا نتزاعل على كل ساع بس ملابسي مادخلهن بيننا وتجهزهن دور على ملابس ولبس وخرج
كيان كانت عارفة انو راح تقهره بذي الحركة فكانت تحس حالها مبسوطه
شهد : كيان جاهزه
كيان هزت راسها
شهد : طيب وينه اياد
كيان اشرت بعيونها على اياد اللي نازلي من الدرج
اياد : بسرعة
مشت كيان وشهد وراها
كيان فتحت الباب الامامي ودخلت وشهد وراها
اياد فتح موسيقى ومشي متوجه لمحل الكوفير
ــــــــــــــــــــــــــــــــــ
بعد ثلاث ساعات
كانت كيان جاهزه
شهد : كيان انا رايحة اجيب فستانك
كيان كانت تتأمل حالها بالمراية : اوكيه
رجعت شهد : كيان شوفي واعطيني رايك
كيان التفتت انذهلت من اللي بتشوفه فستان في قمة الروعة عجبها قوي : واااو ياشهد يجنن بس تحسيه ملفت زيادة هذا يلتبس اذا كنا في القاعة
شهد : عادي المهم عجبك يله تعالي البسك
كيان : هههه ياحبي لك ياشهد اعطيني وانتي استنيني خارج لما اكمل البسه وادخلي
شهد : هههه عادي كلنا بنات
كيان : شهد برا يله
شهد خرجت تنتظر كيان تخلص
اياد : شهد ايش تعملي هانا
شهد : ولا شي بس كنت اجهز كيان بعديني طردتني لما تلبس الفستان
اياد : ها يله ذلحين جوبي امي تناديش
شهد : اياد كيف طالعه انا
اياد : حلوة روحي يله دق الباب
كيان : ادخلي شهد
اياد دخل انذهل من الملاك اللي قباله : انتي كيان
كيان انفجعت : لا خيالها
اياد : ماشاءالله بعدين راح تنزلي كذا ماراح تتستري
كيان : وايش دخلك فيني اخرج هيا شهد وينها
اياد : كيان راح تغطي اكتافك وصدرك والا اشقه لك وبعدين اشوف بأيش راح تنزلي
كيان وهي تصر على اسنانها : اياد بلا كلام فاضي بعدين هو مستر واكتافي مكمم الا مامعك عيون
اياد : بس جسمك واضح
كيان : اياد خلاص راح احط لي شال اوكيه يله اخرج
اياد : ناهي هاتي جوالي الصغير
كيان مشت واخذت الجوال : يله هيا
اياد خرج وسمع بنت تناديه
اياد التفت وعرف البنت تمتم باستغفرالله العظيم
هنادي قربت : كيف حالك ياابن خالتي
اياد : الحمدلله وانتي كيفك هنادي
هنادي : بخير ليش تتزوج اياد وانت عارف انك كنت خطيبي مافكرت فيني
اياد : هنادي عيب عليش والكلام هذا مايجوز وكله نصيب
كيان خرجت تشوف شهد وين جت ليش تأخرت شافت اياد معطيها ظهره وبنت تكلمه
هنادي : لا ماهو نصيب انت كنت خطيبي وانت عارف اني احبك
اياد : شوفي هنادي
ماشاف الا هنادي بحضنه وتبكي : اهى اهى اهى ماحسيت فيني لما عرفت انك تزوجت والله تمنيت اموت ولا اشوفك مع واحده غيري
اياد رحمها وحضنها : خلاص بس بكاء وكله نصيب وان شاءالله تتعوضي احسن مني بعدها من حضنه بعدين هنادي شوفي زوجتي واعطيني رايك فيها تمام
هنادي ابتسمت بتصنع : تمام اذا هذا الشي يريحك
كيان مسحت دموعها ودخلت
حياتك لا تتوقف على أي شخص مهما كان حاول أن تتكيف مع الأمر الواقع دون أن تتنازل عن شيء من قناعتك الإيمانية ، وقيمك الفكرية ، ولا تكلف نفسك فوق ما لا تطيق ، فالحياة قصيرة لا تستحق منك العناء والشقاء ، فقط اهتم بنفسك وبمن يهتم بك واترك المغادرين ولا تفكر بهم أبدا
📚 @rewayatyamania 🇾🇪
البـارت 71 💜
خـانـتـنـي ظـنــونــي
👌🏻👇🏻 😍
📚 @rewayatyamania 🇾🇪
كيان بهمس : احسن ماسويتي الله ياخذكم كله هذا بسببك انتي وبنتك الله ينتقم لي منكم
كيان خرجت بعد ماشافت انو خرجت سميرة : عمي تعال
دخل علي : ايش في وليش انتي لابسة العباية
كيان وطت راسها تمنع دموعها تكره حالة انو ماتتحمل رفعت راسها : اسمع انا رايحة مع اخي ويمكن ارجع اليمن في هذا الاسبوع
شهد بشهقة : ليش
كيان : انا ياعمي راح انفصل عن اياد ولااحد يسألني ليش هذا السبب يخصني ومش حابة ابوح فيه اللي بيننا انا واياد عارفين واخذنا هذا القرار سوا
نوال مافرحت ولا زعلت لانو ماتحب كيان ولا تكرهها فكان طبيعي عندها
شهد بكت : لا مستحيل كيان حرام عليش تتركينا
علي : لا ماني راضي عليش لا انتي ولا اياد وماراح اسمح لك تتركي البيت اوكيه انتي مافكرتي بأبنك والا نسيتي
كيان بحرقة من الحالة اللي هي فيها : انا مش حابة هذا القرار وانا والله احبكم واعتبركم اهلي بس انا مجبوره ماهو سهل عليا بس انا تعبت ولا عاد تتعبوني زياده
شهد تبكي من بكاء كيان
علي بصراخ : اياد جبرك اياد زعجك اياد سوا لش شي والله لا اخذ حقك بس قولي
كيان بشهقة : والله ما جبرني بس خليني على راحتي تكفى ياعمي انا كنت اعرف ايش كلمت اخي رائد قبل الزواج وانا رضيت عشان اخي وانت تعرف قصدي بس لاتجبرني عليه وتجبر ابنك عليا الله يخليك لاتخليني اتكلم بشي انا مش حابة ابوح فيه
علي رحم حالتها : خلاص روحي مع اخوش بس انا راح احل الموضوع وماراح ترجعي الا برضاش
كيان قربت تسلم على علي : سامحني اذا شفت مني شي ضايقك
علي : مسموحة وانتي بنتي وربي شاهد عليا انو اعتبرتش مثل شهد
كيان : هذا من طيب اصلك قربت من خالتها سامحيني خالتي اعرف صار بيننا مشاحنات كثيره واعرف انو ماحبيتني
نوال دمعت : سامحيني انتي والله اني حبيتك بس لاتفهمي اني اكرهك
ابتسمت غصب : مسموحة
شهد قربت من كيان وضموا بعض بقوة : راح اشتاق لك ياعمري لا تقطعيني انا فدا روحك والله اني حاسة روحي راح تطلع
كيان بحزن : حتى انا تعرفي اللي بقلبي شهد صح انا احبك وماراح انساكي
علي ماتحمل وراح المجلس
اياد مع رائد بس بالجسد اما روحه وعقله داخل صار يردد يارب انو ابي يمنعها ان شاءالله انك يبه تاخذ هذا القرار بدون اذني وتمنعها كنت اعصب لما تاخذ قرار عني بس اليوم اتمنى تاخذه شاف ابوه دخل ويسلم على رائد شاف نظرات ابوه الحارقة اكيد انو يتوعده في داخله
علي : رائد انا مااعرف ليش كيان اخذت قرارها بس اللي انا اعرفه انو نحاول نمنع الفكره عشان حفيدي يارائد انا ماني اناني بس هذا لمصلحة الكل
رائد : اسف ياعمي كلامك على عيني وراسي بس قرار كيان انا ماراح اتدخل فيه هذي حياتها واذا جبرتها اكيد ماراح تعيش مبسوطه
علي : لنا كلام ثاني اكيد
رائد : مع السلامه كلم كيان انا منتظر لها عند السياره
علي هز راسه بطيب
رائد خرج
علي قرب منه : ايش صاير بينكم تكلم
اياد : يبه مش وقت اسئلتك انا رايح
علي بعصبية : وقف يازفت مش وقت اسئلتي انت عارف من خارجي من البيت انت راح تخسر يااياد لاتفرط بكيان
اياد اهء انت مانك عارف ايش بقلبي مانك حاسس فيني انا احس روحي تخرج مارد على ابوه وطلع شاف كيان تعدل برقعها وهي تشهق بين كل دقيقة والثانية قرب منها : استودعتك الله الذي لاتضيع ودائعه
كيان خرجت متوجهة لاخوها
رائد : يلة مشينا
اياد خرج وركب سيارته ومشي بسرعة جنونية ليش طيب ليش هذا العقاب والله حرام عليش
رائد : كيان ليش انتي تبكي ماهذا قرارك خلاص اياد مايستاهلك
كيان بدموع تمتمت بوجع : رائد قلبي يوجعني يااخي حاسة قلبي تركته هناك
رائد فرح انو كيان صارت تكلمه يعني رجعت كيان اللي ماتخفي عليه شي : اذا انتي تحبيه ليش تاخذي قرار الانفصال كان عاقبتيه عقاب ثاني
كيان : مافي عقاب ثاني غير هذا الحل
رائد : كيان انتي مخبية شي تكلمي
كيان : لا مافي شي اتركني براحتي
رائد : بس
كيان قاطعته : لا بس ولا حاجة انت توثق بقراري صح وعارف اني مااخذت هذا الشي الا لسبب
رائد : اكيد عارف بس حابب اعرفه
كيان : هذا يخصني ومش حابة اتكلم فيه
رائد : خلاص براحتك
شهد تكلم بنات عمها رغد ونور انو كيان تركت البيت وراجعة اليمن
اياد ماعرف وين يروح وكيف يتصرف معاه اجتماع بس هو عارف انو مارح يقدر يحضره : انا ليش زعلان عليها هي اللي تركتني هي اللي ماحبتني ليش اتعب حالي اذا هي مش مهتمة لحياتنا
"ليس عليك أن تُبهر أحدًا ليُحبك، فالحُب يحدث حين تشعُر أن الذي أمامك مُفرط في عفويته مثلك."
📚 @rewayatyamania 🇾🇪
البـارت 72 💜
خـانـتـنـي ظـنــونــي
👌🏻👇🏻 😍
📚 @rewayatyamania 🇾🇪
بعد الاسبوع
كيان طوال الاسبوع وهي تعبانة احيانا تقول يمكن غلطت ولما تذكر ضرب اياد وسبه تقسي قلبها وتقول لا انا اخذت القرار الصح وموعد سفره بكره بعد العصر
ـــــــــــــــــــــــــــــــــ
اياد صار مهموم كل وقته عند فهد او بعمله تذكر يوم راح هو وابوه لرائد يكلموه عشان يقنع كيان بس رائد رفض وخلى القرار لكيان
ــــــــــــــــــــــــــــــــــ
شهد تحس البيت كئيب وصارت كل وقتها بس الجامعة وغرفتها
ــــــــــــــــــــــــــــ
علي مهموم وكل مايكلم اياد ايش السبب مايلقى الا التطنيش عارف ومتأكد انو اياد يحب كيان وانو مبين التعب والحزن على ابنه بس هو يجهل ايش صار بينهم
ـــــــــــــــــــــــــ
رائد كل وقتة يجهز جوازات سفرهم لليمن راح يوصل كيان ويرجع بنفس الاسبوع لانو عمله متروك وماعاد يهتم في شغله
ـــــــــــــــــــــــــــــــ
هنادي وامها فرحانات انو خطتهن نجحت وصار الوقت اللي تدخل لحياة اياد
ــــــــــــــــــــــــــــــــــــــــــ
كيان اتصلت لمنال وشهد يجين عندها عشان تشوفهن قبل ماتسافر كانت منتظره جيتهن
شهد : اياد الله يخليك خذني لكيان
اياد : دوري غيري ماني رايح
شهد على وشك البكاء : اياد مافي احد يشلني غيرك ابي ماقد جاء والا كان خليته ياخذني
اياد : بس بس صرعتيني بحنتك اسكتي والا والله اني لاامنعك تروحي لها اخرجي من قبال وجهي
شهد بكت
اياد قام وطلع غرفته اللي صار يكره يدخلها
شهد : شفتي يمه ابنك من راح ياخذني لكيان
علي دخل وسمع شهد : اجهزي يله وانا اخذك
نوال باستغراب : كيف رجعت هذا الوقت وانت ماترجع الا متأخر
علي : عرفت من رائد انو كيان اتصلت لشهد تروح عندها وانا عرفت انو اياد ماراح ياخذها وانا جيت اخذها يله يبه امشي
شهد : تسلم ياغالي
منال وصلت وسلمت على كيان
كيان : خذي الشاي حبيبتي
منال : تسلمي ياقلبي ليش صارت حالتك كذا صرتي نحيفة قوي
كيان اتغصبت ابتسامة وحاسة حنجرتها توجعها من حبس القهر : لا بس مع الحمل متعبني
لاتسالني عن حالتي وانت ماتعرف وجعي عشان تحكم على ملامحي كٌل الأشياء المتشابكة التي في داخلي تصارع لتخرج مرة واحده ،
منال : سلامتك من التعب
كيان بلعت غصتها : ربي يسلمك
منال : كيان راح اشتاق لك انا ماراح اسالك شي عن حياتك لانو عرفت طبعك انو ماتحبي تحكي اشياء تخصك بس اذ احتجتي تكلميني انا جاهزه بأي وقت وحابة انصحك لا تتعبي حالك ثقي بربك ياكيان وربي ماراح يخيبك
كيان: تسلمي ليش ماجبتي راكان فقدت له والله
منال : ههه راح يتعبني فحطيته عند فهد لانو قال اياد راح يجي عنده بالبيت
كيان ااه سمعت الجرس يرن عرفت انو هذي شهد قامت فتحت واستقبلتها بالاحضان
شهد : كيفك ياعمري
كيان : مرتاحة الحمدلله
شهد شافت كيف قد كيان نحفانة وزعلت على حالتها دخلت سلمت على منال
كيان : منال هذي شهد اخت اياد شهد هذي منال زوجة فهد صديق اياد اكيد عرفتي
شهد : ايوه انتي زوجته
منال : نعم وظلوا يتكلموا
منال دقت لزوجها يجي لها
كيان : حرام عليش لسا بدري
منال : عارفة بس صرت قلقة على راكان اقربي اسلم عليش
كيان قربت : الله معش وبوسي لي راكان اوكيه
منال : من عيوني وانتي توصلي بالسلامه ولاتنسي ماتتواصلي معي
كيان : طيب
خرجت منال وظلت شهد
كيان : شهد كيف خالتي نوال وعمي علي
شهد : بخيرين بس اياد تعبان ياكيان نفسي اعرف ايش صار بينكم وكنتوا مرتاحين ايش حصل
كيان : مافي شي
شهد : ااه منك ياكيان اكرهك لما تخبي عليا مشاكلك
كيان : ههههه وان اكرهك لما تكوني فضولية
شهد : ااف منك شافت ابوها يتصل ايوه
علي : يله تجهزي وافتحي اسلم على كيان
شهد : طيب يبه قامت فتحت الباب ورائد خارج منتظر
علي : مساء الخير
كيان : مساء النور حياك عمي
علي : انا مستعجل يابنتي دخلت اسلم عليش
كيان : ربي يحفظك
علي : شوفي انتي راح ترجعي اليمن بس ماراح تتركي ابني احنا راجعين اليمن وراح احل الموضوع هناك بس الان راح تاخذي راحتك بالتفكير والان مع السلامة وتوصلوا بالسلامة
كيان : الله يسلمك في امان الله
شهد : مع السلامة ياقلبي راح اشتاق لك وربي
كيان : وانا اكثر
راحوا ودخل رائد : جهزتي كل شي
كيان : ايوه
رائد : تعالي وكلميني افتهنتي بالجلسة
كيان : ايوة
رائد : الله يريحك
كيان : اللهم امين
بالبيت
دقت شهد على اياد الغرفة
بس مارد فتحت الغرفة شافتها فاضية نقزت على صوتة : اايش تعملي في غرفتي
شهد : خوفتني ايش فيك
اياد : ايش كنتي تشتي جاية غرفتي
شهد : ااف كيف صار طبعك
اياد : ارفعي صوتك
شهد : احم قلت وين كنت
اياد : عند فهد ليش
شهد : اممم يعني ماراح تشوف كيان بكره قبل ماتسافر
اياد ....
https://t.me/joinchat/AAAAAEIz_KDfjDgo7Gaxwg
📚 @rewayatyamania 🇾🇪
البـارت 87 💜
خـانـتـنـي ظـنــونــي
👌🏻👇🏻 😍
📚 @rewayatyamania 🇾🇪
سعاد : الوو
احلام : حيا بنور عيني
سعاد : حيا كيف حالك
احلام : الحمدلله كيفك انتي ياقلبي
سعاد : الحمدلله
احلام : وكيف كيان وابي
سعاد : كلنا بخيرين هيذه شهد عندنا
احلام : من شهد
شهد اخذت الجوال : نسيتي من شهد ياعيباه
احلام : ان اخت اياد الا من
شهد : ايوه هي
احلام باستغراب : حياش ياقلبي كيف حالك ومتى جيتي
شهد : الحمدلله نسال عنك وين الغيبة
احلام : الحمدلله والغيبة موجوده عند زوجي
شهد : قد رجع
احلام : ماشي بس في بيته ياغبية
شهد : اها ايوه اخبارك
احلام : اخباري كويسة اخبارك انتي
شهد : تعالي وانا اخبرك عن اخباري
احلام : استأذن من زوجي واجي بكره
شهد : اوكيه يله مع السلامة
احلام : لحظة يامجنونة وين كيان
شهد ابتسمت : كيان مش فاضية لش
احلام : ليش وينها
شهد : تقرر مصيرها يله انقلعي وبكره لنا كلام
احلام : جالسة هذك الملقوفة يله بكرة وانا عندكم
شهد : مع السلامه
سعاد : هههه جننتيها
شهد ابتسمت : خليها
منيرة : شهد ماقد عتتزوجي
شهد : قريب ياقلبي كما رجعوا كيان واياد
منيره : وانا اقل مالها تخطط وتجمع بينهم وانو عشان مصلحتش ياخطيره
شهد غمزت لها : كان مارايش من حبي لهم
اياد قام
محمد : اين انت سايري كل ساعة وانت سايري جايي
اياد : هههه جايي ياغالي وخرج ودق على راشد يشوف له طريق
راشد خرج : ادخل مافي احد
دخل اياد وهو يحس بفرحة غامرة انو خلاص خلافهم راح ينحل ماكان متخيل انو راح يتصلح كل شي في يوم
كيان خايفة انا لازم اكون قوية واكلمه بكل شي بقلبي
اياد دخل شافها سرحانة قرب منها وضمها بكل قوته
كيان شهقت : اياد
اياد : ياعيون اياد وقلبه
كيان : اياد بعد طيب خلينا نتفاهم مش كذا اياد
اياد بعد : كيان مافي شي نتفاهم عليه انا احبك والله العظيم اني مااقدر ابعدك من تفكيري انا حبيتك من زمان انا نسيت الوعد اللي محيرك من بعد ماحملتي بأبني اللي في بطنك وانا شلته من تفكيري وانا حسبت انك نسيتيه مثلي
كيان بذهول من الكلام ماتوقعت انو ناسي الوعد اللي دمر ايامها بتفكير وتدعي ربها ان السنة تتأخر عشان مايجي اليوم اللي راح يفترقوا فيه ليش ماكلمها ليش مافهمها ليش عيشها في وهم وتوتر من القادم كنت اموت كل يوم لما اذكر انو يمكن اياد يجي ياخذ ابني وينفذ وعده اللي حلف انو ينفذه وهو ماكلف حاله يجلس معاها ويكلمها عن حياتهم
اياد : كياني اايش فيش انتي بخير كيان
كيان : اياد انت من صدقك اياد انت كنت تبعدني عن اهلك وكنت تذكرني دائما انو انا ماانتمي لاهلك وان هي فتره واخرج من حياتك
اياد : ايه كنت اقول بس كنت احاول اقهرك والا انتي كل اهلي وكنت مااحب انك تدخلي في اشياء تخص اهلي
كيان هههه وباستهزاء : وليش ان شاءالله لو اعتبرت اني صرت واحده منكم ماكنت بكل فرصة تجرحني وتبعدني عن اهلك والان تقول كنت ماتحب تخليني ادخل عذر اقبح من ذنب
اياد : كيان هدي والله العظيم انو كان تصرف عادي بدون قصد اسمعي اتركي كل شي وخلينا نعيش حياتنا كيان الحياه قصيره خلينا نستغلها مع بعض شوفي صار لنا عائلة
كيان : وهنادي
اياد بصبر : كيان من هنادي مااعرف احد بذا الاسم هي راحت بخيرها وشرها وانا جنبك
كيان : طيب ليش الكلام سهل بس الفعل صعب يااياد
اياد : مافي شي صعب احنا اللي نصعب الحياه والا الحياة سهلة بس لمن يعرف يتعامل معاها
كيان : ههه بس حياتي خانتني وظنوني خذلتني انا اذا في شي حبيته دائما يروح مني
اياد جلس وجلسها جنبه : ايش شعارك دايما كيان شكلك نسيتي تحبي اذكرك
كيان : خانتني ظنوني من صغر سني وانا في مشاكل اكبر مني بكثير ماعشت الفرحة الا ووراها الف مصيبة و مشكلة بس كان في قلبي دعوة ارددها وان ثقتي بربـــــــــــــي تمــــــــــنحي كل شي
اياد : حلو وخلي هذي دعوة شفاء لجوارحك اايش مايحصل معك من مصيبة او مشكلة تذكري انو في رب كريم ولكل شي نهاية مافي بداية بدون نهاية الله يحبك ياكيان لانو ماجاب لك اياد وحبك اياد وعشقك اياد الا لانو يحبك ههههه بس قلدش الله انا مصيبة بحياتش لما تقولي كل حياتش مشاكل ومصايب
كيان : ههههه واحلا مصيبة
https://t.me/rewayatyamania
📚 @rewayatyamania 🇾🇪
البـارت 88 💜
خـانـتـنـي ظـنــونــي
👌🏻👇🏻 😍
📚 @rewayatyamania 🇾🇪
شهد قامت
منيره : وين عتروحي
شهد : اروح انادي كيان اشوف مالها تأخرت
منيره : اجلسي هي مع زوجها
شهد بفرحة : امانة عليش تتكلمي جد
منيره : هههه ايوة
جلست شهد : بس كيف واايش صار
منيره : راشد جمعهم وخلاهم يجلسوا يتفاهموا
شهد باستغراب : لا مااصدق راشد اللي كنا خايفين منه هو
سعاد : راشد طيب وهادي لكن الا خواته بس اذا شاف شي هو سعادة لخواته يتنازل عن اي شي الله يحميهم
شهد : الله يخلي لش عيالش ياخالة
سمعت جوالها يدق رفعت الجوال راحــــــ💜ـــتي يتصل بك ابتسمت وقامت
منيره : الحبيب مه
شهد وهي تمشي : يس وفتحت الخط هلا بحبي
سمير بزعل : اهلين
شهد : ههه فديت الزعلان انا
سمير : شهد انتي تعتبريني زوجك او لا
شهد : ااكيد زوجي وكل شي بحياتي
سمير : كان ليش تنزلي المحويت بدون ماتستأذني مني وحتى كنا متفقين نخرج سوا
شهد : ياعمري يعني انت مش عارف كيف طبع اياد والله اني رفضت وابي رفض انزل بس غصبني واخذني حتى جوالي كان معاه بعدين من وقت مانزلت مافضيت اكلمك بالمرة
سمير : وليش مافضيتي اايش تعملي مثلا
شهد عرفت انو يتمسخر عليها : من لما وصلنا واحنا في مشاكل ادعي بس ان اياد يقدر يرجع زوجته وبخبث عشان تضيع زعل سمير حتى اخو كيان اللي في صنعاء نزل قبل المغرب واتحدى اياد انو ماراح يرجع اخته
سمير : لا عاد وهو ايش دخله في معاها اب ليش اخوها يدخل ويمنعها وين عايشين
شهد : مااعرف اايش فيه اخوها حاقد على اياد
سمير : طيب واياد ايش صار معاه وكيف وضعه
شهد : من لما وصلنا ماشفته ابدا بس اتصلي اشوف له طريق وكان مهموم وضايق حاله وكان خايف من راشد
سمير : من راشد
شهد : اخو كيان
سمير : اها خلاص راح اتصله اذا محتاج انزل المحويت عشان نقنع اخوها
شهد تورطت : لا تتصله الان لانه لساته عند زوجته
سمير : كيف بس قلتي انو اخوها ماسمح لهم
شهد : نعم ماسمح بس قبل ماتتصل عرفت انو اياد عند زوجته بس ايش حصل وكيف دخل مااعرف
سمير : اوكيه راح افهم من اياد يله ماعاد في نفسك ياعمري
شهد : سلامتك
اياد : كيان كيف عشتي اربعة شهور من غيري
كيان : عادي
اياد : كنتي مرتاحة
كيان : اكيد مرتاحة مين مايرتاح عند اهله
اياد : امم يله
كيان : وانت كيف عشتها
اياد وهو يتذكر : صعبة عليا
كيان : اياد قوم يله خلاص تفاهمنا روح
اياد : وين اروح خلاص انا مكاني عندك
كيان قامت : مستحيل قوم روح نام في المجلس مع راشد
اياد : اكيد تمزحي كيان خلاص احنا سدينا ولازم انام عندك
كيان ابتسمت : والله ما يغمض لك جفن عندي عقابك هذا انك في مكان وانا في مكان
اياد : كيان لاتمزحي كذا عاقبيني اي عقاب ثاني بس الا الشي اللي كنت اتمناه من يوم خرجتي
كيان دهفته : روح روح اصلا ابي شكله ماقد عرف وراشد ماراح يسمح لك وانا كمان مش راضية
اياد : خلاص تجهزي بكره مسافرين صنعاء مالم وهو كذا
كيان انفجرت ضحكة : هههههه مش على كيفك حبيبي
سمعوا الغرفة تندق
كيان : من
راشد : افتح
كيان فتحت : ادخل
راشد ابتسم : شكلكم سديتوا قد انا اسمع ضحكتك للشارع
كيان استحت : ههه ايوة سدينا
اياد : راشد ايش جابك لاغرفتنا يله بدون مطرود وسلم على عمي محمد قله اياد يشتي ينام عند كيان تصبح على خير
راشد سحبه : امشي امشي نخرج قال يرقد عترقد عندي في المجلس قدنا فاقد لك
اياد : ههه راشد او انت مرتي ومش عارف لوما ترقدني عندك وفاقد لي استحي انا متزوج
راشد سحبه للصالة والتفت : كيان يله غلقي وانت امشي هيا ابي مريع لك
اياد : عمي مازد قال عرف او لا
راشد : ايوه كلمته
اياد : وايش قال
راشد : ماعيقل هو يتمنى انو تسدوا احنا ندور الستر لبنتنا بس واللي رفع السماء يااياد لو تجي كيان تشتكي منك او عملت شي او مديت يدك لااكسرها لك واخليك تمشي بدون يدك
اياد : كيان بعيوني والله ماتخاف
📚 @rewayatyamania 🇾🇪
البـارت 90 💜
خـانـتـنـي ظـنــونــي
👌🏻👇🏻 😍
📚 @rewayatyamania 🇾🇪
لا أحد منّا يعرف طريقة يتجاوز بها الأيام السيئة، لكنّنا ننجو بلطف الله "
عَود لسّآنك علىُ﴿ آللهمُ آغفِر ليُ﴾
فإن لله سَاعات لا يَردُ فيّها سَآئلاً
احلام صرخت : ااايش قسما بالله اني لااتبرى من كيان خلاص رجعت كذا قدي عتموت لما رجعت بهذي السرعة
منيرة : اص اص يامجنونة سمعتي بنا
احلام بكت من القهر : طيب ليش تعمل هكذا ماعاد عبرتني ولا اتصلت لي وانا اتصل من امس وهو مغلق وتروح بدون مااشوفها
منيره : ههههه بكيتي يامجنونة انا غر امزح معش هم خرجوا يتنفسوا وذلحين يمكن قدهم بالطريق
احلام : احلفي
منيره : والله
احلام قامت : تعملي معي هكذا ها وصارت تضربها
ومنيره تضحك على قهر احلام : اسفة والله ماحسبت ان ردة فعلك هكذا
احلام بكت: والله اني مقهوره انو راح ترجع وراح يرجع البيت شوعة
منيرة جلست بس بدل ماتفرحي لها وتقولي الله معاها ربي يسعدها عادك تقلي هكذا تشتي ترتاحي وتأسسي حياه وهي تجلس حياتها معلقة ماحسبت انك انانية
احلام بذهول : منيرة مالش والله اني اتمنى لها افضل حياه وترتاح بس انا زعلانة لانها راح تفلتنا بس
منيره قامت : ولو كيان ان شاءالله تستقر حياتها وترتاح من الهم هيا قومي نقرب الغداء
احلام قامت : قدو حظي كل ماجي لاازم اكرف معاكن ياختي احترمني وقلين هذي ضيفة
منيره : ههه حظش هيا قد كل شي جاهز بس نقرب السفره قدهم على وصول
احلام : منيره ليش ماكيان انتي تحبيها اكثر مني ومن امل
منيره : الا احبكن كلكن بس كيان مدري ليش حبها بقلبي زياده او يمكن لانو رائد يحبها فصرت احبها زيه وتعرفي انا وهي من زمان كنا نتمازح ونتضارب ونتساعد وكنا نسهر الليل واحنا نتكلم
احلام : الله يسعدها ويسخر لنا ربي كلنا
منيرة : اامين
وصلوا وتغدوا
بعد العصر
كيان شهد منيره احلام اماني فاطمة ابتهال مجتمعات
ابتهال : يعني خلاص راجعة
كيان : مدري
الكل ضحك كيف مدري
اماني : كيان انا طلعت عشان اودعك ولو انتي في صنعاء قد كرها خلاني اطلع زوجي
ابتهال : كلنا طلعنا على شانها ماهو الا انتي
احلام : لا ياابتهال انتي جيتي بس من الحاره الثانية مابعدت المسافة
فاطمة : ذلحين اايش في كل من تمن على جيتها ياسعم جايات من تركيا
شهد : والله صدق
اماني : اعوذ بالله منكن انا قلت غر كرها خلاني اطلع ماقلت انا جايه من تركيا
كيان : بنات قومين ارقصين وبطلين هدره زي العجايز
البنات تمام بس انتي الاولة
كيان : وكرشتي هذه اين اديها
ابتهال : حطيها بالطاقة لوما ترجعي قلنا قومي احنا والكسل ماقد حبلت الا كيان
كيان : انتي مافي قلبش رحمة تقلي هذه تاعبة مسكينة الا قصف مباشر
ابتهال : ارحمش تذكري لما كنتي تقلي قومي على عملش ياكسلة يامعفنة ماقد حملتي الا انتي كل النسوان يحملين ويقومين ويتحملين وذلحين انتي مسكينة شوفي كيف الزمن رواني فيش
كيان تذكرت وضحكت : هههه ايوة بس انا قد تعبت طول اليوم واحنا نلوي ماشاءالله عليا
اماني : ماشاءالله صدق اللي يسمعش يقول قد شقيتي لما قلتي يما
كيان : استغفرالله بس منكن انا عد اقوم ارقص وارويكن الشحطة
شهد مسكتها : لا والله ماتقومي ابن اخي عادو حنج عاد احنا بحاجته لاتصدقي لذولا
سعاد : هيا احلام واماني يقومين يله
قامت احلام واماني
لأجل قلبك اشبع يومك هذا التفاؤل ،وابتسم وإنظر لما تملكه من النعم💜..
https://t.me/rewayatyamania/31466
📚 @rewayatyamania 🇾🇪
البـارت 92 💜
خـانـتـنـي ظـنــونــي
👌🏻👇🏻 😍
📚 @rewayatyamania 🇾🇪
ماعرفت من مين القاها من الناس اللي يقلوا هي السبب ماعاشت لاعند الاول ولا الثاني وكلهم تركوها والا القاها من امي اللي تعايرني هي وابي كنت اسمعهم يتكلموا عني ويلوموني والا القاها من حبي واشتياقي واهم كيف راح تكون حياتي من بعد مااطلق اهى اهى اهى اايش ذنبي رائد والله اني اصلي ومااذيت مخلوق ولا سبيت احد ولا اتكلم على الناس او اذمهم طيب ليش انا بالذات كثير عليا يااخي
رائد يبكي : كيان هدي وقولي الحمدلله على كل شي لاتعترضي على قضاء الله وقدره
كيان : اهى اهى الحمدلله الحمدلله اللهم لا اعتراض على حكمك رائد ادعي لي بكل صلاتك انو ربي يسعدني ويسخر لي ماتنساني من دعواتك
رائد : انا ادعي لك ياكيان ثقي بالله ياكيان اعرف انو ايمانك قوي لاتظلي تفكري وتخلي الشيطان يوسوس لك تمام قوا لروحي
كيان : لا انا مؤمنة بس اعترف احيانا اسرف بس ارجع استغفر ربي وانا والله ان ثقتي بربي كبيره بس الانسان مايخلى من الذنب
رائد : الحمدلله كيان تعرفي انو في ناس مشاكلهم اكبر منا كلنا وهم يتحمدوا الله
كيان : صح كلامك الله يفرج هم كل مخلوق
رائد : اامين يلة انسي الماضي وفكري في المستقبل اللي فات مات وروحي انبسطي
كيان : اوكيه يله مع السلامة طولت عليك ياعمري
رائد : فداك تستاهلي المهم ارتحتي
كيان ابتسمت : ارتحت الحمدلله خرجت كل اللي بقلبي
رائد : حلو يله تحتاجي شي
كيان : سلامتك الله معك
رائد : في امان الله
لا ترهق نفسك بالتفكيرِ كيفَ و متى ؛ ثِق بتدابير الله ؛ واستقبل يومك باطمئنان ••
كل ما في هذه الدنيا لا يساوي شيئًا أمام الأستقرار الداخلي، طمأنينة القلب، سكينة الروح، النومة الهنيئة، أن تسأل الله شيئًا فاسأله هذه الرحمة أولًا
كيان سكرت الجوال وغسلت وجهها اكثر من مرة
شهد : وينها كيان كل ذا كلام مع اخوها
منيرة : اسرار مش مهم تعرفي
اماني : جالسين نفس الطبع لما يتكلموا مايسكتوا
سعاد : زد اكثر شوية
احلام : احنا والحسد حتى على كلام
فاطمة : هههه صدقك
اماني : منيره تقلي اايش يتكلموا فيه لما يجلسوا ساعات استغرب احيانا
منيره : ماشاءالله هم من زمان كذا لاتكلموا خلاص يندمجوا
ملاحظة الحوار حقيقة ومكالمة رائد مع كيان حقيقة 😅
كيان دخلت كملتين تجننين
اماني : قدو عيأذن مغرب وتشتي نجلس نرقص
كيان : المهم افتهنتين
اماني : كيان اشتي اسالك اايش تكلمتوا انتي ورائد ساعة ونص
كيان : هههه مايخصك حبيبتي
اماني : اكلمك جد مااعرفك الا تظلي ساعات تكلميه سوا كان في البيت او مغترب
كيان بضيق : عادي والله كلام عادي يمر الوقت واحنا نتكلم بعدين اايش حاشرك من رصيدك هو او كيف
احلام : لاتصدقي لها بس غيرانه منك
اماني : لا مش قضية غيره بس انا لاتكلمت نص ساعة خلاص اتعجم ماعاد اعرف ايش اقول سوا مين ماكان بس كيان منين تجي لهم كلام مااعرف وانا سألت عشان اتعلم بس
سعاد : مش وقت قومين صار وقت صلاة هيا
الكل قام يصلي وفاطمة رجعت بيتها
واحلام كلمت زوجها راح تظل في بيتهم
الساعة تسع ونص
احلام جت وانسدحت جنب كيان
كيان ابتسمت : قربتي العشاء
احلام : ايوة وينها شهد
كيان : في الحمام
شهد دخلت شافت احلام : قومي قومي من مكاني يله
احلام : لا من جدك ياقمر انقلعي هذا مكاني من زمان صح كيان
كيان : سدين
شهد قربت وسحبت احلام : كما انا هانا هذا مكاني
احلام : ااه والله يازفته وقامت وعملين مضاربة وكان ضحكهن للشارع
كيان قامت : خلين السرير لكن وانا عد افرش لي في الارض وهجعين لي راسي
شهد : لا كيان انتي حامل خلاص انا عد ارقد هانا
كيان : تسلمي بعدين اكثر ايامي انام في الارض عشان ظهري
احلام تمددت : كيان تصبحي على خير
كيان : تلاقي الخير شهد شوفي جوالك يدق
شهد قامت وفتحت : هلا اياد
اياد : وينها كيان
شهد : نامت ليش
اياد : احلفي
شهد : عاد اليمين بالسوق
اياد : شهد بلا سخافتك وينها كيان
شهد : انا ايش قلت نامت او لا
اياد : ااف مسرع نامت
شهد : ليش ايش كان تشتي منها
اياد : كان نفسي اشوفها
شهد : اصلا سوا كانت ذاهن او راقد ماعتقدر تشوفها لان اختها موجودة
اياد : من احلام جالسة ماروحت
شهد : لا هي جالسة
اياد بنرفزه : وهي مافي معاها زوج تروح بيتهم
شهد : ههههههههه حسبك الله وانت ايش دخلك هي في بيتهم وزوجها في السعودية
اياد : استغفر آلَلَهّ بس وغلق
شهد : ااف والوقاحة تغلق لاوجهي
احلام رفعت اللحاف : ان من هو يسب اخوش
شهد ذكرت وقرحت تضحك : يقول ماجالس بش ماترجعي بيتش
احلام جلست : شوفي اايش يقل زوجك مايستحي وايش دخله مني
شهد : هههه عشان كان يشتي يجي يشوف كيان
كيان : نكت غرقته فوق احلام
احلام رجعت تنام : يستاهل
📚 @rewayatyamania 🇾🇪
البـارت 94 💜
خـانـتـنـي ظـنــونــي
👌🏻👇🏻 😍
📚 @rewayatyamania 🇾🇪
راشد ودع الكل وخرج يستنى احلام عند السيارة
كيان : احلام عترجعي تجي قبل مااروح تمام
احلام : ان شاءالله عد اشوف
كيان : ضروري
احلام وهي تسلم على امها : مايهمش
سعاد : الله معش
عند السيارة
وصل اياد وشاف راشد يتكلم مع ابوه : السلام عليكم
محمد وراشد : وعليكم السلام
اياد : هيا مالك او قدك مسافر
راشد : ايوة وين رحت
اياد : خرجت الوي
محمد : خير
خرجت احلام ودخلت السيارة
اياد شاف احلام خرجت سلم على راشد ودخل
راشد : خاطرك ياباه دعواتك
محمد : الله معاك توصل بالسلامة
راشد دخل : الله يسلمك
اياد دخل واتصل على شهد
شهد : روحت احلام انا ومن عنكون نتضارب
كيان جلست : انتي ورجلش قالت هي ومن تتضارب
شهد : انتي خلاص وحمتي ونفستي اايش الطبع هذا غيريه ماعجبني
كيان : ههه مش ضروري يعجبش بعدين قدك عجوز وعنزوجش وعادك تضاربي اعقلي
شهد : ليش انتي تحسبي حالك عاقل
كيان : عندش شك يعني
شهد : ههههههه من ايحين عقلتي
كيان عصبت : وايش ضحكك
شهد سمعت جوالها يدق اخذته : ايوه
اياد : تعالي للمجلس
شهد : انا
اياد : ماشي خيالش بسرعة وسكر
شهد سكر في وجهي يللي مايستحي
كيان : من كلمك
شهد قامت : زوجش من عاد في غيره يزعجني ومشت تذكرت والتفتت كيان
كيان : ها
شهد : اايش فيه اياد معصب زعلتيه او كيف
كيان : وانا ايش عرفني بعدين ليش ازعله
شهد : اشك والله ومشت
كيان يزعل عادي اقل شي فيك
منيرة : كيان
كيان : ايوة
منيره : ايش تعملي
كيان : اسوي غداء
منيره : عاده بحين
كيان : ماعرفت وين اجي قلت ابدا اسوي الغداء
منيره : وليش ماتروحي عند زوجش
كيان : ماسير اعمل
منيره : انتي في راسش شي كلميني
كيان : ههه والله مافي راسي الا خير
منيره : على الله هيا خذي الشاهي وشليه لزوجك قومي
كيان : تمام
منيره : الله يهديش بس
كيان : اخذت الشاهي ومشت اللهم اامين
شهد : هيا مالك
اياد : اجلسي عندي
شهد حست انو اياد معصب : اياد مالك
اياد : مالي ولا شي
شهد : صورتك مقلوبة اايش في
اياد : شهد تحسي انو كيان تغيرت
شهد : كيف يعني تغيرت
اياد : كيف يعني طبعها وتصرفاتها
شهد : اياد ااكيد كيان عتتغير واي بنت مكانها عتتغير اولا مرت بفترة قاسية وحامل وهرمون الحامل يتغير تكون المره معصبة وتتنرفز من اتفه الامور ماخلي كيان اللي كانت لحالها ويعلم الله ايش كانت حالتها خلال الاربعة شهور
اياد ارتاح : تقلي كذا
شهد : ااكيد
اياد ظل يفكر كيف يتعامل مع كيان بالفتره الجاية
كيان دخلت : ماشاءالله اايش قد معاكم
شهد : معانا كل شي
كيان : بمن تحشوا
شهد : وعاد في غيرش
كيان : ايوه وماقد معانا ها لوما تتكلموا عني
اياد : شهد اسكبي شاهي هيا
شهد قامت : اولا معاك يد ثانيا معك زوجة
اياد : بس انا كلمتك انتي
شهد مشت : وليش زوجناك بالله
كيان سكبت لها ولاياد : ليكون جالس زاعل
اياد : كان مارايش
كيان : اياد اايش فيك تفهمني طيب حتى وانا كنت بنظرك غلطانة
اياد : خلاص طيب بتفهمك واشوف ايش نهايتها معك
سمير يكلم حاله يعني انا خدام ابوه او كيف
نور : ههه سمير امانة ايش مزعلك شهد لانها نزلت او شغل اياد اللي حطك فيه
سمير : الكل معصبني بعدين ماعرفت وين اودي حالي اروح على عملي او انتبه على شغل اياد وفوقة مأخرين عرسي واخذ شهد بدون اذني
نور : سهل كل شي عيسبر بعدين ماتعرف كيف وضعه هناك
سمير : اللي مطمني انو رجع اياد اللي عرفته والا من بعد ماتركته زوجته رجع واحد ثاني
نور : صح بس يستاهل احد قله يصدق هنادي
سمير : خير
اياد شاف كيان تقلب جلستها بكل خمس دقايق : مالك مارتحتي او كيف
كيان بتعب : اصلا ماعاد اقدر اجلس على مكان واحد اتعب
اياد قرب ايده وحطها على بطنها احنا ماسدينا كذا تعمل بأمك وابوك ها
كيان باستغراب : ايش قصدك
اياد : يتعبك ويقلب نفسيتك وطبعك وقلبت امك عليا
كيان ابتسمت
اياد : تعرفي سمير قده عيجنن مني عاد فيه شعره ولذعت فيوزاته
كيان : هههه ليش ايش عملت معاه
اياد : مقهور متحمل شغلي وشغله وامس الليل يسبني انو بسببنا اخرنا زواجه
كيان : معاه حق والله بعدين عمي علي غلط في هذا الشي ليش يعلق شهد وسمير بعلاقتنا تخيل ماوافقت ارجع
اياد : لا ابي مافكر كذا صح انو اخر العرس لحتى يشوف ايش القرار اللي راح ناخذه والا هو ملزم عليا انو نحدد الزواج ومن عاد انا في صنعاء
كيان : قد قلت والله عمي مافي زيه
📚 @rewayatyamania 🇾🇪
البـارت 99 💜
خـانـتـنـي ظـنــونــي
👌🏻👇🏻 😍
📚 @rewayatyamania 🇾🇪
بعد اسبوعين
الكل يحوس والبيت مليان
الكل طلع من المحويت واحلام طلعت قبل اسبوع هي وزوجها
شهد في الكوافير تتجهز
وكيان معاها واحلام
شهد : بنات كيف صاير شكلي
كيان : تهبلي
احلام : ماشاءالله شهد فظيعة صراحة
شهد تشوف كيان كيف صار شكلها : كيان
كيان : نعم شهد
شهد : يابنت صرتي تجنني والله اياد راح ينهبل فوق ماهو منهبل
احلام : واع من ذى الاياد اللي زعجتيني
كيان : اص ولاكلمة على زوجي
احلام التفتت : لا من نكرك انو زوجك
المكوفرة : هدي خليني اشتغل وانتي زي المجنونة لسا معي غيرك كثير
كيان : ههههه شفتي حتى هاذية جننتيها
احلام : لحظة دقيقة كيان يازفته مين جننت ها بعدين ماحكيت الا الصدق زوجك اياد هذا اللي راح يشتكي بي عند وليد عنجد وقح يله كمليني
شهد كانت جاهزة : وبعدين ايش قال زوجك
احلام : جاء وقال صدق انو انتي كنتي تضايقي زوج اختك وكنتي تحرضيها ماتشوف زوجها واذا كان حابب يشوف زوجته كنتي دائما معاها
كيان : هههه حتى انا والله انذهلت ياختي عنده عقده منك اياد مااعرف ليش
احلام تكلم حالها مادريتي ياختي لما كان في السعودية انو اياد حاول يكلمك وانا شفت رسالته لك وهو يطمن عليكي وانا انفعلت ورديت عليه وبهذلته وكلمته انو انا اختك احلام ولاعاد يحاول يدق عليكي والا راح اشتكي به عند رائد
شهد : وين صار حسك
احلام : عندك يله خلصنا مين اللي راح يجي لنا
كيان : اياد موجود خارج يله البسين
فوق السيارة
كان اياد فاتح زفة ملان السيارة
في المطبخ
نوال تكلم الجد : ياعمي لساته بدري على الغداء
الجد : يابنتي عيب المجلس امتلى ليش عاد التأخير
نوال : لسا علي ماجاء
الجد : علي اتصل وقال هو بالطريق قربين يله لابين مايوصل
كان عيال عمه مجهزين القنابل لوصول شهد من الكوافير
اياد : كياني
كيان : هلا
اياد : كلمي اختك تتصل لعمر اذا قد وصل
كيان : سمعتي
احلام : ايوه وصل له عشر دقايق
اياد وصل والكل استقبل شهد بالزغاريد والزفة والقنابل
دخلت شهد والبنات يتغدين
بعد الغداء
اياد دخل : كياان
كيان قامت : ها
اياد : تعالي غرفتي بسرعة
احلام : ااخس ياتعالي غرفتي اايش قد معانا
كيان طنشت احلام وراحت
اياد : كيان جهزي لي ملابس امد مااتروش
كيان : طيب
اياد : كيان شوفيني
كيان شافت اياد
اياد : ماشاء الله كيف صرتي
كيان : تسلم عيونك الحلوة
اياد قرب منها وضمها وتنهد : ربي مايحرمني من طلتك هذي
كيان ابتسمت : اامين يله ادخل اعمل لك دش
اياد دخل يتروش وكيان جهزت ملابسه
سمير يتصل لااياد
كيان : اياد سمير يتصل
اياد : دقيقة
اياد خرج ورجع دق لسمير
سمير : وينك هيا ليش تأخرت
اياد : سمير لساتنا راح نزف شهد للقاعة بعدين اجي
سمير : بس انا من راح يكون معي
اياد : سمير واصحابك العشرين وين راحوا يله لاتأخرني ساعة وانا عندك وسكر
كيان : مسكين سمير مافي معاه احد
اياد : وليش وين راحوا امه وجدي وخواته واحنا
كيان : يله البس واحنا نجهز للزفة
اياد : اوكيه بس بسرعة
الكل تجهز وانزفت شهد وحوالينها صاحباتها وغادة ونور وكيان واحلام
نوال ماجلست وهي رايحة جاية لضيوفة تشوف ايش محتاجين
تصورت شهد ورقصين والكل كان مرتاح
الليل كانت شهد تنتقش
والمجلس ملان بس الاقارب بس
كانت نوال ترقص هي وسعاد
بعدين احلام وكيان
اياد كان يسمع الكل يضحك ويحجر تحمس ودق الباب : اللي مش محرم لي يتغطى انا لازم ادخل
اتغطت احلام وغادة ونور وبعض البنات حق الجيران
نوال : اايش تشتي
اياد : الكل تغطى ادخل
كيان كانت قاومة تشوف اايش يشتي بس سبقها لما دخل وسحب شهد قومي ارقصي معي وشغل اغنية يمنية للحارثي
كان الكل يضحك على رقص اياد اللي ماقدر انو يضبط الرقصة كويس
كيان ضحكت وقامت سحبت شهد اجلسي كملي نقشك لايختبص عليش وانتي تصدقي لهذا المجنون
اياد : خلاص انتي ارقصي معي هيا
كيان : لا بعد ما اقدر ارقص انا
اياد : والله انك عترقصي يله وعادها من اول الاغنية وكان يسحب كيان بالغصب وهو مايعرف الرقصة وكيان تضحك
نوال قامت : فك لها يامجنون جي وانا اعلمك انت والجنان وجلست نوال تعلم اياد والكل يضحك ومبسوط على حركات اياد
علي : اااياد
اياد : يمه خبيني لايعرف ابي والله اني راح اتبهذل منة
الكل ضحك
نوال خرجت : هههه تعال خذ ابنك جننا داخل
علي : اااياد اخرج لابارك الله في عدوك خزيت بي ها
اياد : ااحم وليش اخزي بك كنت اشوف شهد اذا محتاجة شي
علي سحبه : امشي يله سمير احرق جوالك اتصالات
اياد : ااف احنا وسمير اشغلني العلة
علي : لاتقول كذا ابن عمك ومن واجبك توقف معاه
اياد : حاضر الآن اخرج اشوف ايش محتاج
📚 @rewayatyamania 🇾🇪
الكتب والمواضيع والآراء فيها لا تعبر عن رأي الموقع
تنبيه: جميع المحتويات والكتب في هذا الموقع جمعت من القنوات والمجموعات بواسطة بوتات في تطبيق تلغرام (برنامج Telegram) تلقائيا، فإذا شاهدت مادة مخالفة للعرف أو لقوانين النشر وحقوق المؤلفين فالرجاء إرسال المادة عبر هذا الإيميل حتى يحذف فورا:
alkhazanah.com@gmail.com
All contents and books on this website are collected from Telegram channels and groups by bots automatically. if you detect a post that is culturally inappropriate or violates publishing law or copyright, please send the permanent link of the post to the email below so the message will be deleted immediately:
alkhazanah.com@gmail.com
