خـربشــات وجــع 〰
👌🏻👇🏻 😍
📚 @rewayatyamania 🇾🇪
مرتضى قام من النوم شاف الساعه 8 ذكر دعاء ويشتي يتواصل معها بس ذكر مامعه رقمها اتصل بعدها للفندق وقال لهم يحولوا ڵـهٍ الاتصال للجناح اللي هو فيه
دعاء كانت في الحمام وفاتحه الماء ماسمعت صوت التلفون
غلق مرتضى المكالمه وجهز نفسه ونزل لعند انغام
انغام شافته ولفتت بعيونها للجهه الثانية قرب منها مرتضى وجلس في طرف السرير
مرتضى: اسمعي ياانغام تصرفاتش هذه الفتره بتوصلني كلها وانتي في النهايه بتضري صحتش امانه عليش الغيره والشك حقش الزايد ابسري لوين وصلش لدرجه ان صحتش بدأت تنهار وهذا مشو في صالحنا
انغام: انت تغيرت
مرتضى: والله ماتغيرت ان معي شغل لفوق راسي وزد شافتح فروع جديده في حضرموت وشاضطر اسافر ايش ركنش اني شا تسرسر على ٱڅڑ عمري واتعرف على بنات قد مامعي غير العمل
انغام ضحكت داخلها على قوة التمثيل الذي عنده :انا عندي تتزوج ولا تتسرسر وتخرج مع حد
مرتضى بقلبة وجه :ماقصدش
انغام بتمثيل ودمعتين من عينها نزلت: مدري واحده من صاحباتي تتصلي تقلي بسرتك مع واحده وهي اتصلت لي قصدها انو انا قد فرحت اني تعافيت ماعاد دريت ما اقلها
مرتضى شك في الموضوع ودري ان هي داريه انه خرج بس قصة صاحبتها ماصدقها لانه يعرفها لما تكذب ملامحها تبان: اها يمكن شبهت عليا
انغام: ماشي معقوله تشبه مرتضى ال…. وماتعرفك
مرتضى: عتصدقيني والا تصدقيها
انغام: ساكته
مرتضى: علـى العموم براحتش انا بعد ما اجي من السفر من حضرموت على طول عنسافر المانيا انا وانتي والممرضه كلميها كل تكاليف السفر عليا وشاطرح لاهلها مبلغ يصترفوا به لما نرجع عشان تنتبه لش وتهتم بش هناك ومشتيش اتصل او يوصلني اتصال ويقلوا لي انغام فيها شي اشتي ارجع ونفسيتش كلها ايجابيه تمام حبيبي
انغام: حاضر ويحين عتسافر
مرتضى:الان اسير للشركه اشل بعض الاشياء اللي احتاجها وللبنك احول الزلط لبنك حضرموت واتوكل
انغام: خليها للصبح
مرتضى: قد شابسر يله خاطرش
انغام تاكدت انه خرج واتصلت للسواق
انغام :شوف اذا الاستاذ مرتضى عيجي لشركه رديتني خبر برساله
…………
عند شهد
وصلت البيت وكانت ضابحه وضيقه
شهد(عودتني اذا ضاقت بي دنيتي اتصل لك واكلمك بكل شي وانا بين ابكي وفي نهاية اتصالي ماتخليني اغلق الا وقد رسمت على مبسمي ابتسامه وهونت عليا كل شي واذا فرحت تفرح من فرحي احتويتني بكل تفاصيل حياتي وخليتك في كفه والناس كلهم في كفه تمنيتك نصفي وتمنيتك تبقى معي مش توقف للنص وننتهي واليوم انا موجوعه واشتي ابكي اتصل ڵـڱ وابكي عتسمعني اتصل ڵـڱ واشكي ڵـڱ مـڼـڱ انت عتسمعني ما عيكون ردك لي لما اكتفي بك عن العالم واكون ڵـڱ كتاب مفتوح اسمي واسم نسبي وبيتي وسلالتي وكلي وما معي تعرفه حبيتك وعزيتك وعلقتني فْيَگ كنت كل مااحاول اقنع نفسي مـڼـڱ تشدني اكثر وتعلقني اكثر من اليوم اللي قبله لما وصلت لدرجه ان الحبل ملفوف حول رقبتي لاانا الذي قادره ابعده واتخلص منه ولا انت الذي خنقتني وريحتني من وجودك في حياتي اااااااااااخ يا يوسف كم قربك وجع وكم بعدك وجع ) كملت تكتب وغلقت تلفونها وقامت تكمل غرفتها
………
عند يوسف: حالي شمه
شيماء :شهد اختارته
يوسف بنظرة تعجب :وين لقيتيها
شيماء :بصدفه في المحل بتشل لزوجها عطر
يوسف حس بغيره: امانه بتتحاكي صدق
شيماء :والله اني لقيتها واختارت لي العطر وشلت عطر ضخم قوي لزوجها وشلت ڵـهٍ سَـآعــهْْ وخاتم
يوسف بحزة خاطر: اها الله يسعدها ودريت ان العطر لخطيبتي
شيماء :يا سلام علـى كلمه خطيبتي ايوه دريت
يوسف: يله خير
……… .
عند مختار
جالس بيكابر طول الجلسه وداخله قالوا عيب الرجال يبكي بس والله ماعادنا قادر اتحمل قام شل نفسه وخرج
خالد: ييييي وين عتسير
كمال: ماله ضابح
خالد شل قاته وقام بعد مختار:شاكلمك بعدا ونسي تلفونه
بسر مختار بيشغل سيارته بيصيح ڵـهٍ يريع ڵـهٍ مختار كان محتاج يجلس مع نفسه ويرتاح يصيح يفضفض بينه وبين نفسه يبكي مايهمه الغريب والعابر في الشارع اذا سمعوه لانه مجهول بالنسبه لهم بس ما يشتي يضعف قدام خالد ولاجل بنت حبها ينكسر قلبه قدام اهله منها وهم عارفين كم جلس لما وصل لـٍهآ فحط بالسياره من جنب خالد
خالد شل متر من الطريق وقله يلحق صاحب هذك السياره واشر لعند سياره مختار
📚 @rewayatyamania 🇾🇪