روايات يمنية📚🇾🇪

البـارت 4 💞


بيـن خيـالي وبيـن حـبي اسميتکِ مستقبلي


👌🏻👇🏻 😍
📚 @rewayatyamania 🇾🇪


ايوب: امانه ان الكنافه حق خالتي سمر ترد الروح


كنان: اصلااحنا فريدين من نوعنا ههههههههههه


ايوب: هو محد يمدح سمج امانه


كنان: ناهيج اسكه ادي الملزمه هذي امانه ياخي الرياضيات يعجز يخ


ايوب: من قال لك الكيمياء اخس واشوع


كنان: الله يعينن يارب ويثمن تعبنا ان شاء الله

،،،،،،

مها: ياشهودي ياعيوني


شهد: معي مها او محميه اسكه اعسك

مها: يو مالش صرفوا

شهد: كيف لش رومانسيه هكذا وانتي عندش جفاف عاطفي هههههههه


مها بضيق: ماشي بس مدري مالي متضايقه والله مكتئبة بقوة


شهد: بسم الله عليش مالش ياعيوني
في شي منكد لش عبد الله مزعلش او وقالت بشويه حيا او حذيفه مزعل لش


مها: هههههههه امانه انش تضحكي للمه ماعبدالله ذكرتيه بكره وحذيفه بحنج ههههههههههههههه


شهد: مالت عليش حرام ماهو داري وين انا بس يعجبني اناقته امانه انه مز المزاميز مابش امزز منه الا هو


مها: مزمزوا عيونش رتبي الجمله..الجمله ارتبش


شهد: سابر ذلحين يعني ماعد بش اكتئاب


مها: والله انو به لكن انا داري ان هو من هم الاختبارت والمذاكرة لكن ان شاء الله انها توقع سهله


شهد: ان شاء الله.. الله يثمن تعبش ياعيوني

مها: ان شاء الله

،،،،،،،

امه وامي امه امه


ام ايوب : هاه يا ابني مالك فجعتني به شي


ايوب: يوه يمه مابش شي الله يحفظك هو بس اتصل ابي اليوم قال ننزل نعيد عنده ونرجع خامس العيد عسب الاختبارات مارايش


ام ايوب: والله يابني انت قدك اخبر بمذاكرتك انت اخبر وانا بعدك


ايوب: انا من رأيي يمه انو ننزل بعد الاختبارات لعنده وقدو نعيد العيد الكبير عنده


ام ايوب: يوه مع عرس بنت خالتك بعد العيد طوالي


ايوب: خلاص كان ماهو ما اقول له


ام ايوب: يا ابني مارايك انو ننزل وقدو نفعل لنا شهر لخامس العيد ونرجع من مره والمذاكره ايذاكر لك ابوك


ايوب: خلاص يمه تمام بعدكم وانا اسير احجز لنا واقول لابي ونعتمر قدي من مره مارايش يامه


ام ايوب: الله يجعل فيه الخير اتفق مع ابوك قدكم اخبر


ايوب: خلاص ادي لي الجوازات حقكم وحق الجهال


قامت ام ايوب تديهن وهو سار يحجز لبعد يومين

،،،،،،،،،،،

امه
ام مها: خير يابنتي


مها: كل خير بس تعرفي بيت عمي ابو ايوب ايسافروا بعد بكره


ام مها: قصدك خالتك ساره ايوه قد قالت لي الله يحفظهم هنيت لهم يعتمروا في رمضان وقدو حج العمره في رمضان عقبالنا يارب


مها: اماه مارايكم تسيروا تعتمروا


ام مها: يوه مع السنه الثانيه ذلحين معش اختبارات وحذيفه معه اختبارت بعد العيد السنه الثانيه ان شاء الله

اول مره يدخل حذيقه القصه


،،،،،،،،،،،

اسمعي ياقلبي الصدق والله قدني مضايق اشتي اجي اخطب


..... بخبث: ياقلبي والله لو الامر بيدي جي بكره لكن انت تعرف ابي الان في مشاكل وقدك داري ياعيوني

حذيفه بخيبة امل وهو متوقع: اسمار اسمعيني وركزي معي


ياعيون اسمار: ما تشتي اامر قلبي وروحي يسمعك

حذيفه وقدو قانع منها ومن كذبها: اعتبري...











📚 @rewayatyamania 🇾🇪

البـارت 6 💞


بيـن خيـالي وبيـن حـبي اسميتکِ مستقبلي


👌🏻👇🏻 😍
📚 @rewayatyamania 🇾🇪


مها: شهود ياعيوني اسكه امانه ابسري حذيفه عند هشام خرج من قبل الفطور للان ماقد رجع


شهد: يوه مش انتوا داريين هو تعشى عندنا


مها: تسلمي الله يحفظش شغلتش معي


شهد: ولا شغله ولا شي وسلمي لي على خالتي وامانه ارجعين جين نسمر قد رمضان ايكمل


مها: الله يسلمش ياعيوني ان شاء الله انرجع نجي عندكم ونصلي في ذيك الجامع امانه يرد الروح


شهد: ان شاء الله يله الله معش


مها: الله معش


ام مها: الله يهديك ياحذيفه تقلق امك الله يحفظكم ياجهالي

،،،،،،،


ابو ايوب: هيا اليوم اخرج اعشيكم في مطعم البيك تطعموا احسن مطعم في السعوديه


ايوب: مابش داعي يا ابه انتعـ.... قاطعت سميه: لا تصدق يا به هيا هيا نخرج اذا ما يشتوا يجلسوا في الشقه واحنا نخرج


ايوب: امانه انو وجهك مغسول بمرق


خالد: والله نشتي مطعم اشتي اجرب حق السعوديه


ام ايوب: الله يحفظكم يا جهال ماقال ابوكم قولوا تمام


ابو ايوب بمحبة: الله لا يحرمني منك يا حكيمتي


سميه: ياويلي علي الرومانسيين


خفعها ايوب: انتي ما تستحي ههههههههههه



وخرجوا تعشوا في مطعم البيك وبعدين خرجوا السوق


سميه: يوووه يابه امانه سوق المملكه ذيه والكبر فيه كل اسواق الزمر وسوق الملح داخليه ههههههه


ابو ايوب: صح يا بنتي انو اسواقهم حاليه وماركه وكل شي لكن ما مثل اسواق صنعاء مابش كل ما تشتيه في شعوب امانه قدني بين اشم هواء صنعاء في نخري


ايوب: اشتي اشتري ملابس للعيد
بمه نعيد يابه


ابو ايوب: بثوب كان مارايك


ايوب اكتسف: انا داري هو بين اقول حن مابش معي عسيب


ابو ايوب: سهل هو انعيد في البيوت ياسعم مدري وين بنخرج هنا


ايوب: طيب بعدكم


ام ايوب: جي جي يا سميه اشتري ندخل هذا حق الجلابيات نشتري لجدتك وخالتك


سميه: يوه يمه هذي من حق االعصر الحجري نشتري من اليمن احسن حرام ان امي تقيه تخيط احسن ههههههههه


ايوب: لا تصدقي يمه والله ان هي ضخمه لجدتي ولان هي سمينه اتوقع فوقها حاليه والا ماقلتي يمه

ام ايوب: الا حاليه بعدكم


خالد: امه اشتي تشتري بدله انيقه امانه ابسري محسنهن


ام ايوب: تمام ابسر ذيه حالي مارأيك


ايوب: مشو حالي يمه برموده للعيد اشتي له بنطلون كامل


اشتروا لخالد بدله ولسميه وايوب وخرجوا من سوق الملك وخرجوا استراحه جلسوا يسمروا وبعدين روحوا البيت وقدو سحور

،،،،،،،


كنان: يمه انزيد نسير عند بيت خالتي هدى عشان اشتي انزل لي ملازم بي دي اف من عندهم النت قوي


ام كنان: ايوه قد جننتني من اول رمضان اتصالات نسير وقدو نخرج السوق والكل اشتي اشتري لهاجر وابنها بدله مني وتدي حقك الكوت والثوب قدو ماعد بش وقت


كنان: ماشي يمه اتخرج انا ومحمد وقدي اشتري زيد شال وصندل عزكم الله يمه وقدو من مره غدوه ان شاءالله


ام كنان: خلاص تمام يا ابني الله يحفظك


ابو كنان من الغرفه: يا ساره جي جي ما اقول لش


ام كنان: حاضر ريع اطفي التنور ( مصعد او فرن المهم ) ايحرق الرواني وسارت هاه خير


ابو كنان: يا ساره الصدق اشتي ابيع ذيه البيت وننزل الحديده نسكن عشان وقع لي عمل حالي هناك


ام كنان بزعل: يوه يا قلبي كيف تبيعه وانت داري ما ايزيد يتعوض وبعدين عملك مشو مضمون العمر كله هناك وهنا قدك داري اهلنا كلنا وجيراننا واصحابنا والمدارس وهاجر وكل شي عندنا ما ننزل الحديده نسوي ما نعرف لا قريب ولا بعيد انت فكر في كلامي وقدكم اخبر وخرجت


ابو كنان بتفكير: والله كلامهاصح اقوم ابيعه بعدين يطير ما نزيد نعوضه وقرر انو …

،،،،،،،،

مها: يمه اتخرج شارع جمال مع سحر وشهد تمام


ام مها: ماشي يا بنتي الله يحفظش يوم الاثنين ونخرج انا وانتي قدي من مره


مها: يمه قد نفسي اغير من جو الاختبارت قدش تعرفي الضبح حق المذاكره


ام مها: تمام لكن يخرجكم حذيفه


مها: تمام اذا هو ايرضى طيب وبتتصل لشهد


طن طن طن هاه شوشو


شهد: يا عيون الشوشو ههههههههه امانه لا تدلعيني هكذا قولي شهد او شهودي بس هههههههههه


مها: هههههههه هو محد يدلع جلفه المهم امي قالت نخرج تمام لكن يخرجنا حذيفه


شهد: يللوووووللللللللي اتخرجي خلاص تمام هاهاهاه حذيفه ايخرجنا وهشام قال يشتي يخرج يخرجوا مع بعض واحنا نتسوق


مها: وارحبي يا جنازه فوق الاموات حرام ما انستر نتسوق وهم مثل الحراس لنا هيا احنا والسماجه يجلسوا يخزنوا وبس


شهد: يله ياعيوني امي بتداعيني باي


مها: مع السلامه يا بقره

،،،،،،،،

مها تقيس نبض حذيفه: حذيفه ياعيون اختك


قاطعها حذيفه: سوق مش اني خارجي


مها: طوووووز اصلا بس بين ابسر ما اتقول والا اتخرج مع شهد واخوتها


حذيفه طنن: هاهاه من هم اخوتها يا بقره


مها: طسوك بين اقصد سحر وهشام ايخرجنا


حذيفه: خلاص اتخرج



مها: ايوه ما ذلحين اتخرج















📚 @rewayatyamania 🇾🇪

البـارت 10 💞


بيـن خيـالي وبيـن حـبي اسميتکِ مستقبلي


👌🏻👇🏻 😍
📚 @rewayatyamania 🇾🇪


كنان بحق هذي المناسبه العظيمه اخواني زملائي الطلاب الكرام اعزمكم اليوم الى استراحة برج السلام من ايسير كلهم بصوت واحد كلللللننننااااا


وبدا الجنان عندهم


ايوب: منك صدق اتستاجر انت بعقلك او مع هي بعشرين نص عليا ونص عليك


كنان: حرام ما تدي ريال ان هي عليا


ايوب: خلاص وانا حرام ان القات عليا حقك وحق م
محمد وقام


كنان لحقه: خلاص تمام وبصوت عالي هيا يامحمد وبصوت اقوى خلاص ياشباب بعد العصر للاستراحه تمام مش كل واحد يهرب قد شستاجره عاني تمام


،،،،،،،،،،

كنان ماشي وفجاه ……

،،،،،،،،،،،


مها: يووووه يا قلبي الله لا يحرمني منش والله انو نفسي في هذي الهديه من زمان لكن انتي قدش تحسي بي


شهد: وانا داريه ان نفسش فيها اشتريتها لش


طبعا الهديه هكذا تكون زجاج وتشتغل وتدور وداخلها باندا المهم كيووت واتوقع الماركه سعرها غالي نواصل


مها: خلاص هيا نقوم، نروح يمكن قد حذيفه خارج


شهد: يله نخرج شرق


وهن خارجيات من المدرسه كنان ماشي من باب المدرسه حقهن لان المركز الاختباري حقهم قريب منه وهو ماشي صدم في مها لمن نكعت الهديه من يدها بس هو مسك مها قبلما تسقط

المهم عملو حركه رومانسيه وووووااااا وقع شكلهم فظيع


بعدين الهديه اكتسرت مها ما استحملت: جعلك العمى في عيونك اعمى ما بتبسر قبالك حرام لو ماهو قلة حيا لاخليك تسير تشتري نفسها يا سامج


كنان مصدوم من الكائن الكيوت اللي قباله رغم انها مشولحه لكن كيووووت: ان انا اس اسف مشو بقصدي بعدين انتي كنتي مفحطه وما بسرتك المعذره والهديه ادي لش بدلها عشر اهم شي لا تغثي

شهد بشولحه: ومن قال لك انو احنا بحاجتك يا قليل الادب بسرتنا شحاتات عندك او مه حرام لوما تقفي من قدامي لاجمع عليك امة محمد


مها تحاول تسكتها لانها قد بسرت كنان كيف مصدوم من شهد


حذيفه بيدور اخته وبسرها وحمل لعندها وصل ولقي كنان فجاه

فجاه فجاه…….........

،،،،،

وووهاجر

هاجر: هاه امه ماهو


ام كنان: وينو اخوش تاخر اليوم مش من عوايده


هاجر: سهل يمه هو اخر يوم لازم انو نتاخر ونتمجنن لا تقلقي عليه ولا


ام كنان: والله حاسه انو مدري ايش فيه لكن على الله


،،،،،،،

حذيفه بيدور اخته وبسرها وحمل لعندها وصل ولقي كنان
حذيفه: كنان مابتصلح هنا وقام بيسلم عليه


هنا شهد ومها واقفات مصدومات من بيكلم حذيفه ومن وين يعرفه


حذيفه: كيفك اخبارك وينك مغيب

كنان وهو مش عارف انه اخو مها: الحمد لله تمام والله مذاكره كان معنا اختبارات واليوم اخر يوم الحمد لله وانت ما جيت تصلح هنا


حذيفه وهو بيحاكي مها: جيت ادي كريمتي من هنا بتختبر ثالث نفسك


كنان مصدووووم وجالس يقول ياارض انشقي وابلعيني هههه: هاه هذي كريمتكم هاه سابر


حذيفه: وين اتسير اليوم جي نخزن جمعه


كنان ذكر انو حجز استراحه: حرام ما تجي عندي الا انتي وقد حجزت استراحه والكل


حذيفه: مع خليها مره ثانيه اجلس مع اصحابك


كنان: قد حلفت واصحابي هم مرزوعين عندي 24ساعه.. ذاحين متواصلين بعد العصر عادو رقمك الاول صح


حذيفه: خلاص طيب متواصلين ايوه ماقد غيرته


كنان: يله ما يلزم لك اسير ادي السياره مجنبه هناك وبياشر صليها


حذيفه: مع السلامه


فوق السياره قد طلعت شهد ومها

شهد: هذا اخوش غبي او ماهو للمه ما يعمل له كف لمن يطير شنبه ساع المسبحه بدل ما يسلم عليه


مها وكان عادها في حالة صدمه: للمه يعمل له ماسوا بش


شهد: ماهو هذا كله وماسوا بنا شي طسوش من صدق واقتلبت لعند الزجاج


مها تفكر 'هذا كنان ابن خالتي ساره يوووه كيف قدو كبير وللمه ما قد شفته وقت كان يجي بيت خالي.. الله كيف الدنيا تغير الواحد وانا اقول ليش دائما ما يجي بيت اخوالي' فزت لمن دخل حذيفه وبيحكيها


حذيفه: اليوم اتسير اخزن عند كنان ابن خالتي ساره

شهد انصدمت وبدون وعي: ابن خالتك


مها ماعد قدرت تمسك نفسها كان تضحك بقوه لمن حذيفه استغرب منها وهو مش عارف بالموقف اللي عاده حصل لهم ههههههههه


شهد تعمل لها قبصه عشان تسكت وهي تزيد تضحك يمكن ربع ساعه وهي تضحك


حديفه: عيزكيش عقلش للمه تيه الضحكه كلها


مها: اصلا عادو قبل ما تجي واحنا بنبهذل به ههههههههههههههه


حذيفه انصدم: وللمه تبهذلين به ما سوا بكن وقدو بيتبرقط لاهو بيغازلهن لانه يعرف كنان محترم وابن ناس


مها: اصلا انا جابت لي شهد هديه وانا خارجيه من المدرسه مسرعه وهو ماشي وصدم فيني لمن نكعت الهديه واكتسرت


حذيفه: هاه عيني انتي صدمتي فيه


مها: ايوه هاه ماشي هو من قال له يمشي من قدامي يستاهل ماوقع فيه


حذيفه: هاه حصل خير شعتذر منه بالنيابة عنكن الثنيتين


مها: اتفعل خير ههههههههههههههه


شهد:...














📚 @rewayatyamania 🇾🇪

البـارت 13 💞


بيـن خيـالي وبيـن حـبي اسميتکِ مستقبلي


👌🏻👇🏻 😍
📚 @rewayatyamania 🇾🇪


ابو كنان: هاه ياابني مافي نفسك تحاكى


كنان: صلوا على محمد


كلهم: اللهم صل على محمد وعلى آل محمد


كنان: الصدق انا قدني اشتي اخطب معي مليون وخمس ميه كان نفسي اشتي افعل مشروع لكن قلت انو مابش من يساعد امي وانا الصدق نفسي اتزوج ما رأيكم


ام كنان: والله يابني انا نفسي اخطب لك لكن قلت لو تدرس بعدين تتزوج


كنان: ماشي يمه انا الدراسه اتلحق عليها ما اشتي ادخل الجامعه الا وقد تزوجت وبعدين البيت معنا والسياره معنا ماناقص لنا شي


ابو كنان: بعدك يابني واللي تشتي تمام وامك تدور لك احلى بنت


هاجر بصياح: لقيت البنت يااااهووووو


كنان: الصدق انا اشتي بنت خالتي اخت حذيفه تعرفوها


هاجر: والله اللي كان في نفسي


ام كنان: خلاص غدوه نسير لعندهم ونبسر مايقولوا


كنان: خلاص خير ان شاءالله وقدكم اخبر وطلع غرفته

،،،،،،،،،،

يوم ثاني
ام كنان سارت لعندهم


ام مها: حيا حيا باختي


ام كنان: الله يحييش يا جميله كيف انتي وين انتي ما جيتي في العيد


ام مها: هو كان مع مها اختبارات وما استرت اجي


ام كنان: جبرها وين هي اشتي ابسرها


مها: قذا جيت يا عيون مها كيف انتوا ياخاله وبتسلم عليها


ام كنان بعد المجباره والحش والهدار: ذلحين صلي على محمد


ام مها بخوف: اللهم صل على محمد وعلى آل محمد خير ياختي


ام كنان: كل خير ان شاءالله قولي ما بلا الصدق نشتي مها لكنان وهو اللي قال يشتي من نفسه وانتي ياختي مارايش


ام مها: والله ياخي عن نفسي انا موافقه لكن ما بتبسري عادهم صغار


ام كنان: ولا صغار ولا شي تزوجنا واحنا جواهل وهوذ احنا ما متنا


ام مها: خير ان شاءالله انا ابسر مها وحذيفه ونتصل لعبدالله ونبسر ما ايقولوا


ام كنان: خير ان شاءالله هيا كان خاطرش اقوم ابسر كنان قد بيتصل وقدو مغرب


ام مها: مع السلامه وانا اردش خبر


ام كنان: ان شاءالله تمام

،،،،،،،،،


ايوب: يمه والله ما سبرت كنان قال لي انو قد ايخطب


ام ايوب: يوه ولا خطب بعافيته


ايوب: وانا اشتي اخطب ليش او حرام رجال مسبع مربع


ام ايوب: يابني عادك صغير ابسر حياتك وعيش شبابك وادرس لك جامعه


ايوب: ايوب حرام ما ادخل جامعه الا وقد تزوجت وانتوا ما اشتيتوا ودخل غرفته

،،،،،،،،

حذيفه: هشام هيا ياخي نقوم نرحلنا قدو شرق


هشام: ما لامك ياخي اصبر زيد شويه عادي الا تسع

حذيفه: الصدق اتقوم ارحلي امي قالت تشتيني في موضوع يعلم الله مابه


هشام بفزعه: خير اخوك جنبك تحتاج شي انا موجود هيا هيا نقوم نرحلنا


ومشيوا وكل واحد رحله بيته

،،،،،،


مها: والله يمه عن نفسي انا مافي عندي مشكله عادي اذا هو ايخليني ادرس وبعدين انتي تعرفي ابن خالتي كل حياته الا دراسه واتوقع انه ما يرفض هذا الشي اذا رفض انا مش موافقه


ام مها: حاضر يابنتي انا اقول لهم ولمن يجي حذيفه نحاكيه ما عبد الله قال القريب اول من البعيد وقال كنان هو محترم وبيت الخالد مش هم في قله


مها: انا اذا تزوجته ما اتتزوجه عشان ما معه انا اشتيه الرجال مش سنه وانه يشتي تزوج


ام مها بقلة صبر: ان شاءالله يا بنتي


مها: ان شاءالله

،،،،،،،

حذيفه: السلام عليكم


مها وام مها: وعليكم السلام


مها: اتبعد القات ادي لك عشا او مع


ام مها: ايوه ايوه قومي ادي له وبس


حذيفة: خلاص بعد امي


مها سارت تدي عشاء لحذيفه


ام مها قالت له بالموضوع


حذيفه: والله يمه انا...















📚 @rewayatyamania 🇾🇪

البـارت 14 💞


بيـن خيـالي وبيـن حـبي اسميتکِ مستقبلي


👌🏻👇🏻 😍
📚 @rewayatyamania 🇾🇪


حذيفه: والله يمه انا عن نفسي مابش عندي اي اعتراض وبعدين تفكيره حالي انه يتزوج قبل الجامعه لانه قد هو فساد في الجامعات امانه


ام مها: ذلحين انت موافق


حذيفه: الصدق كنان رجال قول وفعل والكلمه لمها ماقالت


ام مها: مها موافقه بس تشتي تدرس ماشي مش موافقه


حذيفه: خير ان شاءالله انتي قولي لخالتي اذا هي موافقه احنا موافقين


ام مها: ازيد افعل يومين واتصل لهم

،،،،،،،


ام ايوب: يابني الله يرضى عليك قول لي ما في نفسك ومن عيوني


ايوب: نفسي اخطب هذا اذا تهمكم سعادتي


ام مها وقدي تاعبه من ابنها: يابني خلاص انا احاكي ابوك اليوم وابسر ما يقول وان شاء الله خير


ايوب بفرح: من صدق يعني موافقين


ام ايوب: اذا ابوك قال تمام انا موافقه


ايوب: اذا ماوافق انا شقنعه اهم شي انتوا


ام ايوب: ان شاءالله خير

،،،،


ام كنان: يا كنان ووووووكنان كنااااان هاه اختي معش ريعي ما بيسمع اقوم للغرفه

ام كنان: ان ما بتسمع يابني


كنان: حيا يمه والله ما سمعتكم خير مابه


ام كنان وهي تاشر له انها بتتصل: اسمع يا ابني مها بنت خالتك قالت هي موافقه بس عندها شرط


كنان بفرح: قولي لها ماهو شرطها تم


ام كنان: انا داريه انك موافق بس قالت ازيد احاكيك ذلحين مها قالت ان هي تكمل جامعه ماشي ما تشتي زواجه


كنان بضحكه: يمه انتي اكثر واحدة داريه اني ما اشتي اتزوج الا متعلمه وشدرس انا وهي في جامعه واحده وفي قاعه واحده


ام كنان: هاه خلاص خير وبتحاكي اختها


ام كنان: هاه جميله قال كنان هو موافق وايدرسوا هو وهي سوى


ام مها بفرحه لبنتها: هاه خلاص ياختي الجمعه حياكم الله فوق عيني وراسي


ام كنان: تسلم عليش نور ياعيوني


،،،،،،،،،


مها: هيا مه يعني وافق على الشرط


ام مها: ايوه وافق وقال اتدرسوا جمعه.. هكذا حالي


مها بخزا: خلاص بعدكم


ام مها: قومي من عندي ماذلحين مستحيه ومن قبل امس بتتفلسف ههههههههه


مها بضحكه: يمه الله يحفظكم قبل امس ماكنت راكنه انو قدو حقي ههههههههه ماذلحين خلاص قد سجلته باسمي


ام مها: قد ماتو اللي يستحوا امانه


مهاوهي داخليه غرفتها وبضحكه: يوووه يمه قد احنا في 2021 الناس بيتغيروا ههههههههههه


ام مها: عيزكيش عقلش هذي اللي قالوا عروسه هاه يامها مها


مها من باب الباب: هاه مامي


ام مها: اخرجي اشتري لش فستان والا اي حاجه ليوم الجمعه


مها: حااضر يمه انا ذلحين نوووم


،،،،،،،،


اسالش بالله ياحقيره والله انش سامجه


مها بضحكه قويه: ههههههههههههههه للمه يا دبه بدل ماتفرحي لي تف عليش من صديقه


شهد: قصدي كان ايخطبني انا احسن منش ههههههههه


مها: عليش لعنتي تشتي تخطفي خطيبي هههههههه


شهد: مالت عليش انتي وحقش المدكوم قولي له يدي قيمة الهديه يلعن ابليسه


مها: فداه الهديه وصاحبة الهديه ههههههههه


شهد: امانه انو وجهش مغسول بمرق هيا مع السلامه امي تداعيني


مها: مع السلامه نخرج بعد العصر طيب


شهد: طيب من عيوني ياعروسه

،،،،،،،،،


ايوب: هيا يمه ماقال لش ابي


ام ايوب: يا ابني احنا ندور مصلحتك ابوك قال ما تشتي انت اللي في نفسك لكن قال ما تتزوج الا وقد معك محل والا مشروع والا اي حاجه عشان ما تحتاج شي


ايوب: خلاص تمام اصلا قد انعمل انا ومحمد وكنان مشروع وان شاء الله خير


ام ايوب: خلاص من تشتي نخطب لك


ايوب بتفكير: مابش حد في بالي لكن انتوا ابسروا لي مزه مابش بعدها اهم شي تضيع خطيبة كنان وانتوا اخبر


ام ايوب: مارايك في بنت ابوك عبد الله ريم


ايوب يتذكر: هاه قصدش ريم اتوقع مايوافقوا عاد هي ثاني ثانوي


ام ايوب: نجرب وما انخسر شي


ايوب: قدني ناسي لها اهم شي حاليه انا بعدكم اشتي ابسرها قبل الخطوبه تمام وخرج لعند كنان


،،،،


ايوب: وينك


كنان: هاه ايوب انا في السوق سرت انا وامي نشتري اشياء الخطوبه


ايوب: حركاتك انتم السابقون ونحن اللاحقون ههههههههه


كنان: احلف انك اتخطب


ايوب: والله اني اتخطب


كنان: بعدين نتفاهم انا في السووق ذلحين


ايوب: تمام



ام كنان: ماريك تيه الشبكه والا البدله


كنان: مع يمه الشبكه اصلا البدله موضه قديمه


ام كنان: تمام بعدك وبتقول لصاحب المحل يطلع لها دبل


كنان قطع: لو سمحت معكم دبل ومحبس اللي شكل تاج نفس هذي وبيوريه صوره لمحبس تاج لحق الرجال وحق المره نفس الشكل


صاحب المحل:...














📚 @rewayatyamania 🇾🇪

البـارت 16 💞


بيـن خيـالي وبيـن حـبي اسميتکِ مستقبلي


👌🏻👇🏻 😍
📚 @rewayatyamania 🇾🇪


يمه الله يحفظش والله عادني متردده احس ماشقدر اكمل دراستي وعادني سنتين


ام ريم نوال: يا بنتي قد قلت لعمتك ساره قالت موافقين انش تدرسي وتكملي جامعه وكل شي ماعد تشتي انتي موافقه او ماشي


ريم: يمه عن نفسي مابش شي يمنعني لكن انا بعدكم يله


ام ريم بفرح لبنتها: يللللللللللللللللوووووي

،،،،،،،،


الوه هاه ساره كيف انتي


ام ايوب: حيا باختي نوال الحمد لله وانتي كيف حالش


ام ريم: الحمد لله


ام ايوب: هاه ياختي بشري خير او مع


ام ريم: ههههه الا كل خير ياختي الله يحفظكم في اي وقت حددوا الخطوبه


ام ايوب: قد احنا من البيت وانتي داريه انو مابشو لا ابو ريم ولا ابو ايوب نفعل حفلة نسوان والرجال قد هم اخوه مابش داعي مارايش


ام ريم: قدو ذيه الكلام لكن انخلي اشرف ويحيى يفعلوا جلسه عاسب ايوب


ام ايوب: خلاص تمام بعدش


،،،،،،،،،


ايوب وووووايوب


ايوب: هاه امه مالصورتش مقلوبه


ام ايوب بحزن: يابني مشي اخر مره في العالم بنات صنعاء ملان


ايوب بغضب: حرام اني لخطب الجمعة ويلعن شكلهم هم وبنتهم

مشكله يعني منها الكثير في اليمن وهي العناد


ام ايوب بضحكه: يوه مالك هو بين اضحك قالوا اي وقت نحدد ونجي نخطب مارأيك انت هههههههه


ايوب بمغالطه: مالكم يمه تفعلوا ذيه المقلب والله نرفزتوني مارأيش بعد العيد الكبير


ام ايوب: خلاص تمام بعد العيد بعد العيد



،،،،،،،،،،،

يوم خطوبة مها &كنان


يلللللللللللللللووووويييي وييلللللللللللييييووووويويويو
المهم من محجره كيف ما تكون المهم انهن ينكزين واحد


كنان وهو ولا في ذهنه من النسوان بيلبس مها الدبله ولبسها الشبكه مع الاسواره والسلس صغير باسمه وقطعوا القاتو وصور يداتهم واصابيعهم والبصمه ومدري ماهن المهم وهو خارجي قال

لها: طالعه قمر شكلي ماعد اتريع اتضويش معي هههههههههه


مهاقدي اتموت احراج


هاجر سحبت كنان: اخرج يامفضوح امانه ماقد بسرت الجراءه في واحد الا انت


كنان وهو رااايق: مرتي وانا حر ههههههههه


هاجر: الله يصبرها



نسيت ما اقول لكم هي كاني خطبه بس قالو دام وقد العرس بعد العيد بشهر يعقدو من مره وقدو يبسرها ويتواصلوا


،،،،،،،،،،،،


شهد: امانه ان زوجش ذيه ما يستحي ولا ينتحي


وهي في عالم ثاني: يووووه فديته حرام ان ذوقه يجنننننن


شهد بضحكه: الصدق قد زوجش محجوز يكسيني في عرسي حرام ان ذوقه احسن مني ههههههههه


مها: تف تف علي زوجي غريبه زوجي صح من عيون الحاسدين


شهد: مالت عليش انتي وزوجش هذا


مها: والله انه ضخم يكفيــ…… قطع صوت التلفون


شهد: من هو


مها: مدري ريعي.. الو


كنان: وعليكم السلام


مها وهي خلاص شويه وتقرح وشهد تقول لها من هو

مها: اهلا كيف حالك


كنان: الحمد لله تمام كيف الكسوه عجبتك


مها باحراج: دام هي ذوقك عتعجبني اكيد


شهد دكمتها مسرع واتصل وقح يخ


مها قبصتها وبهررت


كنان: الو مالش او مشغوله


مها: ماشي بس صاحبتي عندي


كنان: هاه سابر ماعد في نفسك يا جنم ( كلمه تركيه يعني روحي )


مها: هاه حذيفه داري انك اتصلت

كنان بضحكه: زوجتي وانا حر ههههههههههه لا تصدقي هو ادى لي الرقم هو يحس بمشاعري


مها: قلب الام يحس ههههههه


كنان: فديت الضحكه هذي


مها باحراج: مع السلامه وغلقت


شهد: يوه للمه هكذا مستعجل


مها قدي ذايبه: مدررري


،،،،،،،،


هاجر: يوووه كيف اليوم متعب امانه


ام كنان: بس خطوبه وعقد حالي امانه يفتح النفس حتى النسوان شويه لوما وقعت الجلسه حاليه



وقت جلسة الرجال

كلهم اجتمعوا في بيت جيران اهل مها

كلهم مخزين وكنان راس الديون مشتقح وايوب جنبه وكنان لبس ثوب ابيض وكوت رمادي على شال رمادي ومقتبع وحالق دقنته عادي ماقد اكتملت المهم وايوب جنبه لبس ثوب ابيض ودجله سودا ووقع حالي وقبل


ابو ايوب: حياكم الله يا رجال


الكل بصوت متقطع ومختلف بقيت


ابو ايوب: واحنا شي واحد يا بيت ال… واحنا يا حذيفه طالبين يد كريمتك لابني كنان على سنة الله ورسوله ولكم شروطكم


حذيفه بعقل ورزانه: بقيت ياخال عبد الله والبنت بنتكم وانتوا اخبر وما بيدوا الناس بعدهم وحياكم الله


ابو كنان: الله يحفظك ومالكم الا ما يرضيكم



الكل اللي في المجلس اللي يقول اصيل واللي يقول وافي وكامل وهكذا اعراف واسلاف اهل اليمن في الاعراس وفي مختلف المجالات



العشي
ابو كنان: اديت القاضي يا كنان او مع


كنان: ايوه يابه قد اتصلت له وقال قدو عند جامع الفليحي قدو قريب قذا بيتصل

كنان: اسكه يا حذيفه نخرج ندي القاضي


حذيفه: انا اديه اجلس بس وخرج يديه



وبدأت مراسيم العقد...















📚 @rewayatyamania 🇾🇪

البـارت 18 💞


بيـن خيـالي وبيـن حـبي اسميتکِ مستقبلي


👌🏻👇🏻 😍
📚 @rewayatyamania 🇾🇪


يمه وانا اتسير لبيت عمي عاسب اسلم على ريم او مع


ام ايوب: يابني والله مالي علم لكن انا اتصل لعمتك وابسر ماتقول


ام ايوب بتتصل
طن طن طن طن طن حياااا ياختي كيف انتي


ام ريم: لش الحياه الحمد لله نحمده في خير وانتوا كيف حالكم وكل عام وانتوا بخير وحجه زايره ان شاء الله


ام ايوب: الله يحفظكم في خير وانتي بالف صحة وسلامه مابلا ياخي قلت ايوب شغلني اتصل لش يشتي يجي يسلم على خطيبته


ام ريم: والله ياختي انا اتصل لابوها واردش خبر


ام ايوب: تمام مريعين لاتصالش


ام ريم: حاضر من عيوني وسكرت وتتصل لابو ريم

الو حيا كيف انت


ابو ريم: الله يحفظكم كيف انتوا وكيف العيد عندكم وانامابحد


ام ريم: حرام انو ضبح العيد الاول حالي وانت هنا


ابو ريم: ويني ريم كيف حالها (طبعا مابش معهم الا هي)


ام ريم: الحمد لله وبخصوص ريم.. ايوب قال يشتي يسلم عليها مارايك


ابو ريم: سهل يا قلبي قدو خطيبها مايقع شي


ام ريم: حاضر تمام احنا انتصل لك بعدا ايمو


ابو ريم: يله تمام مع السلامه


ام ريم قالت لا ام ايوب يجي عادي


،،،،،،،،،

يمه مارأيش نذبح بعدين نسير نسلم


ابو كنان: انت سير سلم وانا اتذبح


كنان: مع وانت جي سلم على هاجر


ابو كنان: اتسير اسلم عليها واشل لها لحمه انت سير سلم على مرتك وعمتك


كنان: تمام

،،،،،،،،

حييا حييا لك يابني


كنان: لكم الحياه ياعمه وكل عام وانتوا بخير وحجه واحنا عرسان ههههه


ام مها: قدو ماعد به عروس عروس


كنان: الله يحفظكم ويطول لنا في عمركم


مها دخلت وهي لابسه درع فيروزي ورابطه شعرها عدني ومكياج خفيف وفي يدها المبخره مها بصوت خازي: كل عام وانت بخير وحج عروس ان شاء الله

كنان وعيونه رجعين قلوب: وانتي بألف صحه وسلامه يارب


مها بتبخره: الله يحفظك من كل حسود
(من عندهم عاده انهم يبخروا ويعطروا )


ام، مها خرجت عشان لا تحرجهم: ها ياعيالي انا اتسير ابسر حذيفه يشتي يذبح


كنان ومها: طيب


كنان بغمزه: ماهو الدلع اليوم تشتيني اجلس ارقد عندكم

مها بضحكه وخزا: والله لوما تسكت لاقوم اخرجك


كنان: لا تهنجمي بعدين اللي يهنجم ما يضحك


مها: كل كل جعاله وتقدم لعندها على دخلة حذيفه: يااارب عقبال لمن نسير نسلم ويدوا لنا الجعاله


كنان: ياخي من سلطك عليا تخرب الرومانسيه وبيسلم عليه كل عام وانت بخير وحج وانا عروس ههههههههه


حذيفه: حرام انك قليل حيا تتزوج قبلي وانا اكبر منك


كنان: انتوا ياسعم تشتوا تقلدوا انكم عاقلين هههههههههه


حذيفه: الله يقلعك ياكلب جي جي اذبح معي بدل هذا الدلع بكله لمن وغمز له


كنان بقصد يحرج مها: للقمر اللي قدامك او مابتبسرها


مها قدي بخار من قوة الاحراج: ناهي لكم فقعسه تحرجوا واحد امانه وخرجت تدي له بن لانها داريه انو بيعجبه (طبعا هم بيتواصلوا يعني قد هم يعرفوا حياة بعض)

،،،،،،،،،


ايوب: يمه وينو عطري


ام ايوب: هوذك في التسريحه


ايوب: وين الرايحه حق الجسم يمه بسرعه شرق عليا

(طبعاً عطر اسمه برستيج والرائحه اسمها انا الابيض والله ضخمات جربوهن)


ام ايوب جت لعنده وخرجت العطر والرايحه والمشط وطرحتهن فوق التسريحه: هولا هن هذا وهو اتسلم عيزكيك عقلك


ايوب: هو يمه حن اتسلم عليها اشتي تبسرني حالي


ام ايوب: يله اخطى شرق


ايوب: تمام وانتوا تجهزوا عاسب نخرج تمام


ام ايوب:....














📚 @rewayatyamania 🇾🇪

البـارت 19 💞


بيـن خيـالي وبيـن حـبي اسميتکِ مستقبلي


👌🏻👇🏻 😍
📚 @rewayatyamania 🇾🇪


ام ايوب: تمام وانا اتدعي سميه وخالد


ايوب مشي صلا بيت عمه وصل وهم واخوال ريم عندهم

ايوب بينه وبين نفسه الله يشلكم ما جيتوا الا ذلحين ودخل وسلم عليهم


ايوب بيسلم على عمته هي مرت عمه: كل عام وانتوا بخير ياعمه وحجه زايره ان شاء الله


ام ريم: وانت بالف صحه وسلامه وحج عروس يارب


ايوب: ان شاء الله


ام ريم اتقوم ادي لك جعاله جديده لان هي الاوله قد اكلوا منها اخوتها وقدي مرفوسه

دخلت تدي وبتمكن ريم وتزكن (تنبه ) عليها بسرعه اطرحيهن وسلمي عليه بيدش بس وخمس ثواني واخرجي تمام


ريم وقدي ميته احراج: حاضر يمه


دخلت ريم وهي لابسه روب على شكل فستان ولابسه طرحه عليه بني ماباين الا وجهها: احم احم السلام عليكم


ايوب وهو مش مستوعب انها اتدخل ذلحين ايوب بربكه: هاه وعليكم السلام ياحيا وسنب
وبيسلم عليها كل عام وانتي بخير وحجه عروسه ياعيوني


ريم باحراج: وانت بالف صحة وسلامه وحج عروس جلست شويه وام ريم دخلت هاه ياريم خرجي تيه الجعاله


بعد ما خرجت ريم ذلحين ياعمه مارأيش الخطوبه يوم الربوع


ام ريم: حاضر يابني تمام


ايوب: كان خاطركم ياعمه


ام ريم: شويه يابني نصتبح وامشي لك
وبعدا والله ما انخرج مكان جلسه غدوه نسير بيت اهلي


ايوب: خلاص ياعمه حلفت انكم لا تتجهزوا لوما اسير ادي امي وسميه وخالد حن مابش حد قلت نخرج نتغدا في المطعم وبعدا نخرج الحديقه وقد انتوا معنا


ام ريم: مع يابني لا تتعبوا نفوسكم اخرجوا بس افتهنوا


ايوب: حلفت ياعمه لا تخرجوا معنا وقام يله تجهزوا لوما اسير ادي امي والجهال وادا لهم سلام العيد لريم عشرين وعمته عشره


ام ريم: مع يابني الله يحفظك مابش داعي


ايوب: الله يحفظكم ياعمه قدو حق العيد واتجهزوا تمام وخرج

،،،،،


ريم ياريم


ريم: هاه امه


ام ريم: جي بزي حقش السلام من خطيبش


ريم: يوه يسلم لا يتعب نفسه


ام ريم: يله تجهزي انخرج المطعم ونرجع الحديقه


ريم بفرح: صدق يمه كيف لكم اتخرجونا


ام ريم: مشو انا هو ايوب حلف مابلا نخرج


ريم باحراج: يوه يمه مشو خزا


ام ريم: ولا خزا ولا شي ويله قومي بسرعه قده ذلحين راجعي وانتي جالسه تهدري


ريم قامت تلبس


،،،،،،،،


يووووه ياشهد لو تبسري والله احررجني


شهد: هيا وانتي ياسعم مدري ماهو


مها: والله اشياء تجننن فديت قلبه


شهد: اسكه قولي لي ما دا لش


مها: اهي هاه هيا احسبي ادى لي عطر سر الملكه قولي واحد
وباقه شوكلاته وهديه فيها ساعه ومصحف صغير وورده طبيعيه وعشره الف


شهد بضحكه: اقول لش مع هذا كنان اخ خليه يخطبني امانه انه رومانسي ههههههه


مها: مع اسفي الشديد مابش منه اثنين هههههههه


شهد: عليش لعنتي الله يسعدكم يارب


مها: امين يارب عقبالش ياعيوني باللي في نفسش يارب


شهد: امين يارب وذلحين وين انتي مابتصلحي


مها: جالسه اصلح صبوح بالكبد حق الكبش


شهد: يخخ كم اخصمي اللحمه


مها: ما انا الصدق تعجبني امانه انو حالي لوما المره كل شي يعجبها


شهد: خلاص خلاص يخ كيف انتي


مها: ناهي يله مع السلامه اقدم لهم الصبوح

،،،،،،


كنان واااا كنان

كنان: هاه يمه هاه ياعيوني هاه ياروحي


ام كنان: هيا يا قلب امك صبوح قد رجع ابوك من عند هاجر جاوع وغير الثوب البس لك ترنك والا بجامه


كنان: طيب يا مامي
وسار يلبس ورجعوا يصطبحوا


ابو كنان: سرت تسلم على مرتك وعمتك


كنان: ايوه يا به


ام كنان: ماقالوا تجلس تصطبح


كنان: الا قالوا وحذيفه بس قلت اجي قصدي ان هاجر اتجي اشتي اسلم عليها لكن اتسير اديها بعدا


ابو كنان: لا تسير ولا ساروا بيت اهل سامي قالت اتجي غدوه


كنان: هاه خير ادخل ارقد قدني نووووم


ام كنان: هاهاهاه ذلحين قد حددتوا العرس او ماشي

كنان: والله يمه مدري اسير اخزن عند حذيفه واقول له ونحدد ان شاء الله


ابو كنان: :اه خير ان شاءالله


كنان: دخل غرفته يتصل لمها ويترمسسوا عيب مشو عليكم كلام مزوجين معنا سناقل في القناه ههههههههه

،،،،،،،،،


هيا يمه عمتي وريم مريعين لنا















📚 @rewayatyamania 🇾🇪

البـارت 21 💞


بيـن خيـالي وبيـن حـبي اسميتکِ مستقبلي


👌🏻👇🏻 😍
📚 @rewayatyamania 🇾🇪


امه وامه


ام كنان: هاه يا روح امش


هاجر: فديت روحش مابلا قلت لو نخرج المنتزه بدل الضبح ذيه مابحد


ام كنان: ما تشتي يابنتي لبسي حماده ونخرج


هاجر: حاضر يمه وسارت تلبس حماده لبسته بدله الشميز كركمي والبرموده سودا وبوتي حيرانه اسود


وخرجين منتزه قريب من بيتهم

،،،،،،،،،،

ام ريم: الله يحفظك يابني ويهنيك شبابك


ام ايوب: الله يحفظك ويدي رزقك ويوفقك ويسهل لك كل طريق


ايوب: امين الله يحفظكن وقام يغسل يده


خالد: للمه للمه يامه ماتحنجي الا ايوب


ام ايوب: يوه ياخالد بين احنجكم كلكم لكن انت عادك صغير هو قدو رجال لوما تكبر واتفهمني يابني

خالد: هاه خلاص تمام


وقامواكلهم يغسلوا

وطلعوا السيارة

ايوب: اتسوقكم مكان نكل سكريم تمام


ام ريم: يوه يابني قدو برد من غير


ايوب: الله يحفظكم ياعمه لكن هذا مشو سكريم ثلج هذا ثاني انا اطعمكم وساروا سكريم البطريق


كل واحد طلب له طلب

خالد: اشتي مانجو يا ايوب


سميه: اشتي كيوي ياقلب اختك


ريم: اشتي شوكلاته


ام ايوب وام ريم: شوكلاته


ايوب سار يدي لهن واشترى له كيوي


يووه كم احب الكيوي والكنافه احسن شي في الحياه هههههههه المهم نواصل


بعد ماكملوا
ايوب: كم الساعه


خالد: الساعه 3:16


ايوب نسير نصلي ونسير فن سيتي لانهم مايفتحوا الا من بعد العصر وساروا يصلوا في جامع الصالح


نخليهم يصلوا ونرجع لهم

،،،،،،،


كنان: كيف الحب حقي


مها وقدي يعني شويه ما عد بتستحي لان قد لهم شهرين بيتواصلوا: الحمد لله ياعيون الحب حقك


كنان: ذلحين ياعيوني كيف تشوفي انتي متى نحدد العرس


مها: متى ما تشتي انت


كنان: شوفي هو مابش معش الا تحجزي وتشتري على ماقلت لش الاشياء الخصوصيه والميك اب والبقيه مثل ماقالت لش نشتريهن بعد العرس على ذوقي وذوقش والزلط اشتري بها ذهب مثل ماقلت لش


مها: حاضر ياعيوني بس خساره تزيد تدي بعد العرس ايقولوا وعادي عروسه


كنان: مشو على حد وبعدين الذهب هو لنا للزمن مشو للشارع مالملابس لو نصدق ما ايكملين


مها: خلاص طيب ياقلبي


كنان: ماريش يكون 20محرم ايكون بالميلادي 15 ابريل مارأيش يعني عشرين يوم حالي


مها: ازيد اقول لامي ونبسر اصلا انا ما اشتي اشتري لي اشياء اخيطها خياط


كنان: خلاص وانا اسير افصل لي اثواب واكوات للعرس اصلا مافصلت ذلحين الا للعيد لانهم بيرفعوا الاسعار وقت الموسم


مها: خلاص تمام ذلحين للمه بتاكل القات من دون غسال


كنان بريحمه: مابش من يغسل لي


مها: خلاص قطعت قلبي ريع اقوم اغسله لك سارت تغسله بسرعه ورجعت تنشفه له وهي جنبه


كنان: انتي داريه حرام ماعد نفسي اخزن نفسي نقوم نخرج نتلوى


مها: ماذلحين لاقدو عرس حرام ماعد تبسرني عشان يوقع لي شم وطعم ههههههههه


كنان: من قال يشتي عرس غيرت رأيي هههههههههههه


حذيفه وصل وبيدق عشان لاهم بيترمسسوا هههههههههه


كنان: ادخل ادخل عليك لعنتي اعرف حركاتك ههههههههه


حذيفه: هو عملي لو انا فعلت هجوم اني رجال لكن محد يدي لكم خصوصيه انتوا وانتي يله ادخلي خلاص يخ قد اتسيري من مره هشام جيي هو وخواته


مها بفرح: شهد اتجي


حذيفه: والله ما دخلت ابسر من ايجي


كنان: ههههههههههههههه في منتصف الجبهه ههههههه


مها: الله يقلعكم امانه انكم لغج ودخلت


كنان: الله يقلعك ماعد خليتني اودع مرتي ساع الناس


حذيفه: غر احمدالله معك نسب حالي هههههههه


كنان يشتي يتكلم قطعهم هشام اللي بيدق


هشام: يا حذيفــ....


،،،،،،،،،،،


كملوا يصلوا

ايوب بيتصل لهن يخرجين


هاه ايوب قذا احنا خارجيات


ايوب: طيب انا عند السياره


وصلوا ومشيوا كلهم حديقة فن سيتي


سميه: قووووووا يا ريم اطلعي معي


ريم: ماعه حرام لموت مالش


ايوب: هيا نطلع كلنا وانا معكن


ريم استحت من ايوب وطلعوا كلهم المقص


ترتبوا خالد وسميه جنب جنب ريم وايوب جنب جنب ههههههه

(مالكم ياجماعه خلوهم يترمسسوا شويه عادي هههههههه المهم نواصل )


بدات اللعبه وريم تصيح وايوب يمسكها


ريم تمسك يده لمن قد اتدخل اظافيرها في يده واخيراً كملت اللعبه


ريم وهي تدوخ: اقسم بالله انش سامجه محد يصدق لش وقد اتدوخ وايوب حمل يمسكها وسميه وخالد بيضحكوا عليها ههههههههههه


ايوب ماعد دري يضحك او يمسكها بجديه: خلاص بس جي امسكيها وسيروا كملوا اللعب معكم ساعه اشتي نسير بيت نسب كنان مجتمعين هناك


كلهم لعبوا وقدي الساعه 8:40
ايوب وصل عمته وريم البيت


ام ريم: الله يحفظك يا ابني ويهنيك شبابك والله كان يوم يجنن الله يحفظكم هيا تدخلوا عندنا


ام ايوب: مع الله يحفظش قد احنا تاعبين امانه ماعد به جهد












📚 @rewayatyamania 🇾🇪

البـارت 22 💞


بيـن خيـالي وبيـن حـبي اسميتکِ مستقبلي


👌🏻👇🏻 😍
📚 @rewayatyamania 🇾🇪


وصلوا البيت


ايوب: هاه كنان


كنان: ياخي وينك والله قدك ثاني من بعد ما خطبت غيرتك بنت ابوها ههههههههه


ايوب: اصه اصه قد بسرت من هو اللي كل يوم وهو عندهم ههههههههه


كنان: انا قد اسمها زوووووجتي المهم وينك ياحيد


ايوب: والله قدني تاااعب اليوم يا خوي بكره والله لعزمك على حسابي اصلا اشتي احاكيك ونتفق عشان المشروع ونشتي نتصل لمحمد قدني فاقد له نزل إب يصوم ولليوم ماقد رجع خاين


كنان: اصلا يا اخبل هم بيقسموا حقهم ايطلع وهو مزلط ههههههههه نفعل مشروع ابو اسد


ايوب: خير ان شاءالله


،،،،،،،،،،

كل واحد مخدر وهم فوق جوالاتهم


هشام طفي تلفونه

هشام: ياخي يلعن شكلك قوم ادي لي شاحن والا خازن جالس من اول مطنن والا افعلو لنا اي شي


حذيفه: ومال امك ما تتحاكى من اول وقام يدي له وسمع الباب بيدق

حديفه: ارحب ارحب هوذا قلت انك تاعب


ايوب بضحكه: اصلا والله ماقد خزنت ساع الناس قلت اجي عندكم ودخلوا الديوان وحذيفه سايري يدي شاحن


حذيفه من الباب الحاجز: ياي يابنت يا مها


مها: هاه


حذيفه: ادي لي شاحن


مها: ادخل انت مالك


حذيفه: خوات هشام، هنا او مع


مها: مع قد مشين


حذيفه: هاه
ومها ادت له الشاحن ورجع عند الشباب



ايوب: اسالك بالله والله


كنان: والله حددنا اليوم


ايوب: ياهييييييي يا ليللههههههه وحقك ياكنان وحجر يللللللي


كنان: الله يقلع والله انك تستر تحجر محجوز في عرسي هههههههه


ايوب: من عيووووني احجر لك ومن معي غير كنان حبيب قلبي امانه قوموا نفعل رقصة


حذيفه: والله ما بين استر شتعلم لعرسي ههههههه


هشام: انا والله مافيني جهد اقوم ارقص ذلحين


ايوب: حذيفه امانه ادي لنا سماعه والا مسجل


سار يدي حذيفه مسجل شغلوا اغنية

ماهي غريبه لامات حبيب من حبيبه للفنان محمد النعامي

قام يرقص ايوب وكنان

ماهي غريبه لو مت انا في غيبه
ماهي عجيبه لامات حبيب من حبيبه


حذيفة: ياااااهي ياسين عليكم


هشام: والله انكم تستروا ياكلاب احسن مني حرام ما ازيد ارقص


كنان وايوب سحبوا هشام يرقص معهم وبداوا يرقصوا الثلاثه وحذيفه يشجع


رقصوا الاوله والثانيه والثالثه كوكبانيه


هشام: ما انا حرام ما استر ارقص هكذا وجلس


كنان وايوب بيرقصوا بنفس الحركه وحن هم طوال وايوب شويه سمين وقعوا ضخم وانهم بيرقصوا لحجي جلسوا 25دقيقه


كنان اف تعبت وجلس وايوب جلس


حذيفه وهشام: ماتهينوووا ماشاء الله


كنان: كيف قوة صح


حذيفه: امانه اول يوم ادرى انك شوتري ههههههههه هذا وانت الا حق دارسه وما تسير اعراس مالو بتسير كيف اتزيد تفعل ماشاء الله عاد ذيه الرشيق بيرقص ولا بيتعب ماشاء الله


ايوب: والله ان قد لي من رجب من الرقص تصدق وان شاء الله ما ازيد ارقص الا في عرس المدكوم ذيه


هشام نبع: حرام لاترقصوا في عرسي وراسك بين ارجلك هههههههههه


حذيفة بضحكه: انت الا تزوج قد الجهال تزوجوا قبلنا هههههههه


كنان وايوب: جهال في عينك يا شيبه هههههههههه


وكملوا جلستهم زبج وضحكه وهكذا جلستنا كلها زبج ولعبه ورقص وصياح ونياح واهم شي جنان


الساعه 12:20 كل واحد رحله بيته وهم تاعبين

،،،،،،،،،،،،،

يوم ثاني

الله يحفظك يا ابني والله لفعللك عرس حنن طنان مابش معي الا انت


كنان: يابه مشو ضروري وبعدين الا خساره وبس


ام كنان: يابني الله يحفظك سهل كل شي يهون كل شي بيتعوض والزواجه هي مرة


كنان: خلاص بعدكم مادام وقد اتفعل عرس اشتي عرس حالي سمره ومقيل وزفه والغداء ما اشتي حرام ما نصلح يخ بيوقع العرس جغيص وتعب


ابو كنان: بعدك يا ابني انت سير انت واصحابك واحجزوا الصاله والفنانين


كنان: اسمعوا يا به انا ما اشتي حقي الزفه تكون الخميس اشتيها تكون الربوع


ابو كنان: كيفه يابني


كنان: يعني السمره توقع الثلوث والمقيل والزفه الربوع والعروسه يدوها الخميس اشتي هكذا عرسي

ام كنان: قدك اخبر يابني


كنان: طيب انا اتسير لبيت عمي واتفاهم معهم


ابو كنان وام كنان: خلاص تمام الله يوفقك


،،،،،،،،

يمه مااشتي افعل شي والله مااسوي


ام ريم: يا بنتي خلاص تمام بعدش بس انش اتلبسي وتتصلحي قدو عقد والكل وايدخل يبسرش والكل


ريم: مابش داعي هو يعرفني


ام ريم: ولو يابنتي قدو طيبي نفس ابوش قد اسمه جاء

ريم: خلاص بعدكم شخرج مع هناء السوق اشتي اشتري لي فستان اسود


ام ريم: يا بنتي الله يحفظك مابش داعي للفستان الاسود الله يرحمها


ريم بدموع: يمه ماعه هذي كانت توأم روحي كانت اكثر من اختي افهموني اهئ اهئ اهئ


ام ريم: خلاص يابنتي اللي يريحش الله يحفظش وهي الله يرحمها















📚 @rewayatyamania 🇾🇪

البـارت 30 💞


بيـن خيـالي وبيـن حـبي اسميتکِ مستقبلي


👌🏻👇🏻 😍
📚 @rewayatyamania 🇾🇪


يمه وووامه


ام كنان: هاه امي ماهو


هاجر: مالش


ام كنان: قدني نوم تاااعبه


هاجر نخطى نرقد والصبح ننظف ونغسل ماذلحين قد اتموت الله يحفظها عمتي شلت حماده عندها


ام كنان: الله يحفظها وقدي تاعبه ماعد قدرت تتكلم

،،،،،،،

الكل روحوا يرقدوا ماعدا عصافير الحب حقناً ههههههههه


كنان: ياحيا باميرتي


مها: لك الحياه


كنان: هذا وقد انتي تعرفيني وللمه هذا الخجل ههههههه


مها نسيت اني عروسه: كان ماهو اقوم اصيح ههههههه


كنان: ايوه هكذا ههههههه


وقاموا يغيروا ملابسهم

،،،،،،،،،،،،،،،


يوم ثاني
الكل مريع يوصلوا

وصل كنان مها البيت وقد جهزوه هاجر وامها وجين بنات خالتها وواحدة من الجيران غسلين ونظفين الجغيص حق العرس


كنان: يوه هذا بيتنا هههههه سبحان الله كيف قدو حالي ههههههه


مها: هو حالي غر عيونك بين ارجلك ههههههه


هاجر: عشره صفر ههههههه


ام كنان: ادخلوا يابنتي لوما يوصل عمش بالغداء سار يدي من المطعم مابش من يصلح وقد احنا تاعبين غدوه اعوضكم


مها: يوه يا خاله سهل


كنان: قدي عمتش ههههههه قالت خالتي


مها: لا خالتي ولاعمتي اتقول يمه مارأيكم يمه هكذا حالي


هاجر بضحكه: يووووه من درك النسوان هههههههههههههه


مها: الله يقلعش ههههههه والله انها مقام امي او في شك لا سمح الله ههههههه


هاجر: مع مع الله يحفظش ويسعدكم


ام كنان: قدني امها وخالتها وعمتها وكل شي وذلحين ادخلوا بدلوا وشنيطش يا بنتي اديناهن انا وعمش وهاجر معنا


هاجر: امانه سارت تلفلف السوق كله


مها: عادني ماقد اكتسيت هذولا الا حق العيزبه عادني اتتكسى من ذلحين ههههههه


هاجر: ماشاء الله وذلحين يله بغير مطرود بعد زوجش لا اسكب الباردي الماء من فوق راسش ههههههههههه


مها: وهي هاربيه الله يعين زوجش او مع ياعمه هههههههههههههه


هاجر بتصيح: ياكلبه من عيني اذا رحت لش ههههههه


ام كنان: الله يسعدكم يا جهالي
وعادي ذكرت يووه ياهاجر تقولي سار يسلم على عمته اومع


هاجر: ايوه قداتصل لي الصباح


ام كنان: كان سابر


من العادات والتقاليد في بعض محافظات اليمن لازم يوم ثاني السلام

،،،،،،،

تغدوا وكملوا ومها وهاجر بيعطفين الملابس وكنان خرج عند ايوب


،،،،،،،

ماجا بك يامدكوم


كنان: نخزن هههههههه


ايوب: او انا مرتك تخزن عندي ههههههه


كنان: الله يقلعك اصلا هم ايجوا نسوان وهكذا اتجلس لمغرب ارتاح هههههههه


ايوب: كان ريع ادخل ابدل ونسير نشتري قات


كنان: ادخل ادخل قذا اشتريت لي ولك ههههههه عشان ثاني يوم عرسك تجي وتدي لي ههههههه


ودخلوا يخزنوا لمغرب وروح كنان

،،،،،،


العشي كلهم سامرين

كنان: ذلحين مارأيكم نسافر نفعل شهر والا اسبوعين في العراق


هاجر: هههههههههههههه العراق ههههههه


كنان: والعراق مالها حرام اني احسن دوله يكفيش المنتزه العالمي للورد فيها ههههههه


ابو كنان: اللي تشتيه يا ابني اللي يريحكم مارأيش يا بنتي


مها: مايشتي كنان انا بعده


ام كنان: خلاص تمام الله يحفظكم وايحين اتسيروا


كنان بيتصل لصاحبه اللي ادى لهم التاشيره


واتفقوا ان هو بعد ثلاثه ايام


(طبعاً لو تشوفوا العراق عندي احسن من دبي اللي ما يتزوج عراقيه عمره ما تزوج ههههههههه )


،،،،،،،،

والله اني بين اقول لش صدق اني اتسافر


شهد بدموع: ياكلبه وتسافري وانا لمن


مها: ياعيوني هو شهر ونرجع او اقل من شهر


شهد: طيب ياقلبي الله يسعدش وايحين اتسافروا


مها: الاثنين الساعه 4 العصر الرحله


شهد: خلاص غدوه شاجي عندش


مها: قالوا بكره الثالث


شهد: خلاص تمام


،،،،،،،

ذلحين ايحين قالوا العرس


ام ايوب: قالوا ايخلوه في 10صفر


ايوب: خلاص تمام عن نفسي ما اشتي عرس يمه اتستأجر استراحه في اي مكان واعزم الا اصحابي والاهل وبس ماقدرت للجغيص والجنان


ام ايوب: ولو زفه يابني


ايوب: مالو اتفعل زفه اتفعل عرس من مره لكن ما لي نفس امانه بين ابسر عرس كنان على تعب وهو مابش غداء


سميه: اتوفر عليا التعب امانه ههههههه


ام ايوب: ماهو والله انو صدق يخرج واحد غير متجمل


خالد: وهوذا انا اشتي ارقص عشان يقولوا اخو العريس وانا افشر


ايوب: ولا عليك الا ترقص وتفعل كل شي


خالد: خلاص اتفقنا


سميه بزنط: امانه انقلع من قدامي ضابحه


خالد: اسمع لك جهالها بغير عشاء مالت عليش


وجلسوا يتصايحوا مثل الدجاجه والديك

،،،،،،،،

وكم اتجلسي يابنتي


مها:...













📚 @rewayatyamania 🇾🇪

البـارت 31 💞


بيـن خيـالي وبيـن حـبي اسميتکِ مستقبلي


👌🏻👇🏻 😍
📚 @rewayatyamania 🇾🇪


وكم اتجلسي يابنتي


مها: شهر يمه او اقل


ام مها: الله يحفظش ويسخر لش كل قلب يابنتي


مها: امين وامي قالت هي تعرف كوافير اتصلحني بكره عندها


ام مها: تمام واحنا انجي بحين اشتي ازيد اجلس معش


مها: تمام وقامت تخرج ملابس لبكره
واتلبس الفستان اللي اشتراه كنان في الخطوبه الزهري عشان ما اشترت له لانه قالوا ايشتروا بعد العرس

،،،،،

شكموها او الثالث

وكملوا الناس


دخل كنان العشي نخليه بارت رومانسيه ههههههه

دخل كنان وهي لابسه الفستان والكوافير

كنان: هذه غرفتي او مع


مها بدلع: ايوه مالك


كنان: قصدي من اي حين نزلوا القمر لعندي


مها وهي خازيه: فديت قلبك


كنان قد صلحت له مها بقعه فوق الكنبه اللي اشتروها والماسه قدامهم والشيشه والمبخره والفحم والماء والببسي والحركات


مها: قوم ابعد القات واتعشى وارجع خزن


كنان قام يبعده وتعشى واكل شوكلاته من حق العرس ههههههه ورجع يخزن

كنان: وانتي خزني معي او مابلا انا


مها: مادخلني لخزنت ورجعت اشتي امي ههههههههههه


كنان: ولا يوقع شي خزني شويه بس قدو معي وانسيني ماشي اتسير عند ايوب ههههههه


مها: مع خلاص اجلس وجلسوا يخزنوا ويترمسسوا

،،،،،،،،،،،

يوم ثالث السفر

استودعتكم الله انتبهوا لنفوسكم ولا تنسوا ما تتصلوا اول ما توصلوا


كنان ومها: ان شاءالله وبيسلموا عليهم كلهم
ام مها وام كنان وابو كنان وهاجر وشهد


ايوب ما سار سار بيت عمه ودعه امس


مها لابسه جاكت طويل للركبه وبنطلون وبيسمعوا

الرحله 1240
من مطار صنعاء الدولي الى مطار بغداد الدولي


طلعوا الطياره وهم في المقاعد الوسط مها عند الطاقه وكنان جنبها


الرجال ربط حزام الامان وقت الاقلاع


وقت طلوع الطياره يكون دفع خلفي وسط ومها اول مره تسافر
تشنجت فوق الكرسي وراسها في صدر كنان وماسك يده


كنان: خلاص قد وصلنا ماعد بش خوف


مها بفرح: مسرع وبسرت من الطاقه وانها بتبسر جامع الصالح قلعك ماقد خرجنا من صنعاء ههههههه وجلسوا ساعتين و40 دقيقة ههههههه مجرب


وصلوا واستاجروا غرفه في فندق زهرة العراق في شارع دجله واتصلوا لهم انهم قد وصلوا

يرقدوا قد هم تاعبين


،،،،،،،

اليوم خطوبة حذيفه وشهد
وحددوا العرس بعد مايكمل هذي السنه


،،،،،،،،

يا سميه ووو سميه


سميه: خيير مابش الا سميه


ام ايوب: بين اقول كوني جاوبي ساع الناس لا اقوم اضربش


سميه: خلاص هاه ماهو يا امي يامامي يا مامه يا حياتي


ام ايوب: نسيتيني ماكان اشتي قومي من قدامي


سميه قدي


ماشيه ام ايوب: ها هاه جي ذكرت سيري ادي اللده (ملابس) من الجباء


سميه: قلدش الله يمه تشتي الان اطرح الايباد واطلع من الدرج درج درج درج واطلع ابعد القباضات واطرح السله وابعد اللده وبعدين انزلهن مشو حرام اين منظمة حقوق الاطفال


ام ايوب: حرام لوما تقومي من قدامي لقوم ارفسش يا جراده قفي من قدامي


سميه الفحاطه امها ضابحه اليوم


،،،،،

هيا يا مها نخرج اوريش المعالم السياحيه حقهم واسوقش لعند القاعه اللي يجلسوا فيها الفنانين


مها: يعني سيف نبيل موجود


ايوب بضبح: لا مش موجود ماعد انسير


مها: يافديت اللي يغار او انا اصلا يعجبني اغانيه بس


كنان: سابر وخرجوا لمنتزه القشله وخرجوا وتغدوا فيها والعشيه ساروا لا نهر الفرات وطلعوا قارب وجلسوا فيه للساعه 9 ورجعوا الفندق


خرجوا منتزهات و اسواق عشان تشتري لها كسوه لانها ما اشترت في العرس

سار مول دجله في الشرقيه
اشتروا لها ملابس وفساتين واشتروا هدايا لهم لان قد ا يروحوا


مابطول عليكم السفر لان نشتي تكون القصه في اليمن
،،،،،،


ام كنان: متى ايوصل امانه قدني فاقده لهم قد لهم ثلاثه اسابيع


هاجر: يمه قد ابي سار يديهم من المطار الله يحفظه

ام كنان: امين يارب

،،،،،،،

وصل ابو كنان وبيسلم عليهم وهم بيسلموا عليه


ابو كنان: هيا هيا والله قد امكم جننت بي اتصالات


كنان:الله يحفظها حتى قدني فاقد لها اول مره اغيب هكذا ههههههه


مها من خلفه: يا ابن امك ههههههه


كنان: من عيني اوريش من هو ابن امه هههه



وصلوا وسلمت عليهم ام كنان وهاجر وام مها جت بعد الغداء واجتمعوا كلهم والشباب جوا عند كنان

وايوب اهم شي اصلا قرب على عرس ايوب باقي يمكن الا اسبوع

كنان: ايوه ياعريس قد جهزت


ايوب: هو انا ما اتفعل عرس ياخي تعب وما يعبجني الازعاج والله


كنان: متاكد انو من هذا الشي بس


ايوب: ايه والله من هذا بس


كنان: كان الله يحفظك


الساعه 8 كل واحد قد ايروح كنان فعل رساله لايوب لا تخرج انت اشتيك













📚 @rewayatyamania 🇾🇪