روايات يمنية📚🇾🇪

البـارت 56 ❦


خيــانــة ونــدم❥


👌🏻👇🏻 😍
📚 @rewayatyamania 🇾🇪


طلعت بسرعه وقلبها يحمل الكثير والكثير من الحقد دخلت بقوه و شلال دموع عيونها تسير بلا اي رحمه صرخت بالم: مات يانهى مات اخي مات بسببك بسببك فقدت اخي وراح ماعاد في واحد اسمه اشرف بيننا

نهى وقفت وراحت لعند اختها وهي مش فاهمه شي ومسكتها: سهى ايش اللي تقوليه

سهى استجمعت بكل ما اوتت من قوه واعطتها كف: حقارتك و نذالتك خسرتنا اشرف مات بسببك وجلست على الارض وتبكي كانت تمشع شعرها بهستيريه ماعاد ايرجع خلاص غادر الدنيا خسرنا سندنا بسببك بسببك الشرطه مسكت علي بسببك اينسجن مؤبد بسببك خسرنا اخوتنا خلاص احنا بدون سند وبكت بحرقه بسببك ابي بينتقم وايروح مثلهم وبسببك انتيتم بسببك يا نهى بسبب حقارتك انا بريئه منك انتي مش اختي

نهى جلست وهي مش مستوعبه نزلت دموعها: انتي متاكده

سهى ارتمت بحضن نهى: مات والله مات وبدأ صوتها ينخفض انتهى اخي راح ودعنا وراح خلاص خ ل ا ص

نهى صرخت: سهااااا لا تموتي سهاااا قامت بسرعه وراحت للادراج خرجت البخاخ وراحت وبخت لسهى سهى رجع تنفسها وكانت تتنفس بسرعه نهى حضنتها لا تتركيني لا تموتي يا سهى لا تموتي

سهى بصوت منخفض: مات اه مات وابتسمت راح مات

نهى تضم سهى بقوه: لا ما بصدق الا لما اشوفه بعيوني بس انتي لا تتركيني

سهى: مااات ماات مات ما ت
.
.

نزلوا بسرعه ودخلوا

احمد شاف ابرار بيد ندى وام معتز بيد امه توجه ناحية ابرار هو ومحمد وهادي راح ناحيه ام معتز

احمد يخبط ابرار دلا على خدها: ابرار اصحي ابرار تسمعيني قومي

محمد يرش فوقها ماء: ابرار ابرار

ندى تبكي: حاولنا نصحيها وما تصحى

احمد خاف شل ابرار ووقف بسرعه

احمد: انا باخذ ابرار هاتوا بالطوها ولبسوا خالتي

ندى وقفت: تمام وراحت ولبسوهن

هادي و محمد اخذوا ام معتز و احمد اخذ ابرار بين احضانه دخلوهن السياره وتوجهوا للمستشفى
.
.

خرجت تشتري لها الناقص لدراستها وقفها صوته

براء: بنت

قمر لفت: من انت

براء: جيت اسالك عاد ابوش يمد يده عليكم

قمر تذكرته: ها انت اللي ساعدتنا شكرا المهم ابي ما بيقصر معانا بس ممكن ما تجي انا بحل المشكله

براء: وايش بتقدري تفعلي

قمر: هي هذه المشكله انك ما تعرفني المهم لا تقلق انا بفعل اللازم

براء: على راحتك بس الثقه الزايده اتضرك

قمر: وانت الفضول ايضرك

براء: قصدك بسكت لابوش لا والله مش من شانكن انا من باب الانسانيه

قمر: خلي انسانيتك لك وفكنا

براء: عملي بكمله بكمله المهم اتعودي تشوفيني واصل

قمر اقتهرت: واثق من نفسك

براء طلع سيارته: اكثر من ثقتك بنفسك وراح
.
.

في المستشفى

احمد: طمنا

الدكتور: بالنسبه للام هي جلطه وحالتها حاليا مستقره شويه وان شاءالله تتعدى هذه المرحله

محمد: والبنت

الدكتور: البنت فيها انهيار وارهاق وهبوط وحالتها اشكل شويه اربعه وعشرين ساعه بالكثير وتقوم ان شاءالله

ام محمد: والام متى تقوم

الدكتور: اسف بس حالتها صعبه مانقدر نحدد

جلس هادي بتعب اخذه محمد لعند الدكتور ضرب له مغذيه
.
.

في الليل

سلوى خافت: مالك يا هادي

هادي طلع لغرفته وجلس على سريره و سلوى بعده

سلوى: امانه مالك

هادي شرح لسلوى كل شي

سلوى مش مصدقه وبصوت مكبود: هادي مش وقت المزاح

هادي: بحالتي هذه قادر على المزاح

سلوى حطت يدها على فمها بالم تمنع خروج شهقاتها خرجت بسرعه ونزلت وهي تبكي اصتدمت ببراء ووقعت بالارض

براء خاف: ايش في يمه مالك

سلوى ارتمت بحضنه: انقذ اخوتك ي براء انقذهم اترك كل شي ووقف جنب عائلتك هم بحاجتك يا براء

هادي صرخ: سلووى اسكتي

براء خاف على اهله: لا تسكتي يمه قولي كل شي

هادي: لا تتكلمي

سلوى صرخت: من حقه يعرف من حقه يكفي قهر براء معتز اخوك قتل ابن عمك اشرف

اشرف صرخ: ايش

سلوى تبكي: قتله

براء: ليش قتله

هادي نزل: سلوى لا تقولي له

سلوى: قتله لانو اعتدى على اختك ابرار

براء جن جنونه صرخ با اعلى صوت لما سمعته ريم: ماهووو اعتدى عليها ايش بتقولي قولي انش تكذبي وصاح قولي كذب

ريم خرجت بخوف: ايش اللي هو كذب

هادي صرخ: ريم ادخلي الغرفه ولا تتسمعي كلامنا

ريم خافت من جديه ابوها ودخلت وغلقت

هادي: ممكن الان تتكلموا بصوت هادي من شان ريم

براء بدموع: صدق يابه

سلوى: انهي هذه العداوه يا براء بسبب هذا ابرار وامك في المستشفى

هادي اعطاها كف: بس

براء...














📚 @rewayatyamania 🇾🇪

البـارت 69 ❦


خيــانــة ونــدم❥


👌🏻👇🏻 😍
📚 @rewayatyamania 🇾🇪


اشعُر بتلك الغصّة العالقة في حنجرتي، انها تمرّ بإتجاه الأعلى والأسفل عند كل مرةٍ اقاوم فيها البكاء.


الامين الشرعي: رد ياولدي هل تقبل

نور تبكي: انا اللي حبيته من وانا جاهله انا اللي ادور سعادته انا اللي ضحيت من شانه مستحيل يتم هذا الزواج مابسمح له يكون لغيري من شان اطفالي اللي انحرمت منهم مابخليه لغيري

معتز بقهر: ندى كيف اتزوج غيرك كيف بتقبل نهى مش قادر مش قادر

الامين الشرعي: هل تقبل

معتز بتردد: اقب...

قاطعته نور ببكاء وصراخ: لا ما ايقبل وهذا الزواج ما ايتم

الكل شاف لعندها ومستغربين

نور: اسمحوا لي بس لبكره بس جيبوا لي فرصه وانا بثبت براءة معتز وعد

معتز استغرب: كيف بتثبتي

نور تبكي: انا امهلوني بس لبكره وانا بثبت

هادي: بس يانور...

نور زاد بكاءها: بس هذه الفرصه

ابرار مش مستوعبه: طيب جيبوا لها هذه الفرصه يمكن تقدر

نهى بقهر: انا مش لعبه عندكم اليوم وبكره

كريم: كملوا العقد وماعليكم منها

نور اخذت كتاب العقد ومزقته: هذا الزواج ما ايتم ما ايتم وشافت لعند هادي ايش الفرق اليوم او بكره بس هذه الفرصه لاغير

معتز واثق بنور: خلاص اليوم انا ما بعقد العقد بكره اذا ما حصلنا دليل وتركهم وراح

كريم: ايش تصرف الطيش هذا

هادي: بكره بكره خلينا نشوف ما معاهم
.
.

براء: متى توصل الصندوق خلاص وصله اليوم

......: بس انا خارج صنعاء

براء: لو سمحت لو سمحت ارجع من شاني ومن شان القرابه اللي بيننا

......: طيب بكره الصباح والصندوق عند نور

براء: تسلم اثبت براءة اخي اثبت براءة معتز

......: مافي داعي توصي معتز هو قريبي ومني وفيني

غلق تلفونه وشاف رقمها وتذكرها انشغل من شان اخوه ما قدر يكلمها دق بعد ثواني ردت عليه
قمر: من

براء: براء

قمر: عفوا من براء

براء: اللي سحبك من قدام السياره

قمر تذكرته وعصبت: من وين لك رقمي

براء: قولي كيفك

قمر: لاتغير الموضوع

براء: المهم هذا رقمي اذا احتجتي شي رني لي وغلق

براء: مالهذه البنت دخلت عقلي افكر فيها واصل
.
.

روحت وهي مقهوره رجمت كل شي من فوقها

نهى بعصبيه: نور حطت راسها براسي بروريها قيمتها

سهى: ربي لك الحمد اللي ما قدرت اظهره انا يمكن هي تقدر وتوريش قيمتك

نهى صرخت: انا اختك مش نور

سهى تغطت بلحافها: طيب اختي طفي الكهرباء ما قدرت ارقد امس
.
.

سلوى بفرح: يعني ماتم

هادي: لا ماتم ليش الفرح

سلوى: ان شاءالله تتوفق نور وتوقف هذا الزواج

هادي: ممكن اعرف ايش سبب عداوتك بنهى

سلوى: لانو المصايب اللي نزلت من تحت راسها مش قليل

هادي وقف: بروح اشوف ريم ما كلمتها من يوم المشكله يمكن تتقبلني

سلوى: عادها زاعله مني انا عاد بالك انت

هادي: اجرب تركها وطلع

هادي: كيفك ريومه

ريم بدون ما تشوفه: الحمدلله

هادي: زاعله مني يابابا

ريم: فيني نوم لما تخرج تطفي الكهرباء معاك

هادي تنهد: مافي مجال تسامحيني

قامت ريم بقهر: اسامحك لانك مخبي عني انو معي اخ واسامحك لانك ماعرفتني عليه وكل هذه السنين مخبي عليا ليش كلكم عارفين الا انا انت وامي وبراء مستحيل اسامحكم

هادي بينه وبين نفسه: هذه البنت نسخه من ابرار نسخ لصق تنهد وخرج
.
.

ابرار: كيف اتثبتي براءته

نور: بأي طريقه المهم ما يتزوجها

ابرار: بس مافي اي دليل

نور: الا انا قربت امسك دليل بس اشتي وقت

ابرار مستغربه: ايش الدليل

نور: بكره نفهم كلنا
.
.

صباح اليوم الثاني وخصوصا في المدرسه
ابرار: لقيتي اخوش

ريم تنهدت: لا

ابرار: دام اهلك مخبيين يعني في موضوع كبير

ريم: ايه باين بس ما يحق لهم يحرموني منه
.
.

نور تحضن اريج: خلاص ياقلبي يكفي بكاء

اريج: والله تعبت ظلم والله ظلم

نور: وخالتي كيفي

اريج: حالتها حاله اخس مننا

نور: الله يهدي ابوكم ويعينكم افعلوا شي اشتكوا به

اريج: امي ماتخلينا

نور تنهدت: كوني جي عندي

اريج: مايخليني اخرج المهم ياقلبي اسفه اشغلتك وخليتك تجي من الجامعه

نور: لا والله اصلا محاضراتي خلصت يلا بروح مع السلامه

اريج: مع السلامه
.
.

......: انا الان منتظر نور وامكنها

براء: مجنون انت نور اتعرفك

......: لا تخاف معي صاحبي بعطيه يعطيها

براء ارتاح: اوكي انت متاكد انك تعرف نور باللثمه لعاد تتلخبط

......ضحك: لا تخاف اعرفها اعرفها

نور قربت من الفيلا واشر لصاحبه ينزل

......: نور قدامي

براء: طيب اعطيها

......: اوكي مع السلامه

براء: مع السلامه

الولد: انتي نور فاروق

نور: ايوه من انت

الولد: هذا صندوق باسمك فيه الدليل اللي تحتاجيه

نور....













📚 @rewayatyamania 🇾🇪

البـارت 76 ❦


خيــانــة ونــدم❥


👌🏻👇🏻 😍
📚 @rewayatyamania 🇾🇪


ابرار: جيت في الوقت المناسب

احمد: تاخرتي بس 5 دقايق

ابرار ضحكت: حسبتهن

احمد خرج علبه صغيره: اتمنى تعجبك

ابرار فتحتها: كان سلسال الماس نص قلب فيها حرفه وحرفها

ابرار اعجبتها قوي لانه نفس السلس اللي عجبها بدبي وكانت بتشتريه بس سافروا بعد المشكله ومش مستوعبه: احمد لا لا رجعها ما بقبل هذا الماس حقيقي

احمد: ايوه حقيقي رسلته من الامارات اتذكر لما سافرنا عجبتك

ابرار: بس قيمته غالي

احمد: لاتقلقي اخذت قيمته سلفه من معتز والباقي من شغلي

ابرار: كم اتجلس تسدد دينك لا انا بدفع قيمته

احمد: ابرار لا تعصبيني بعدين هذا مش ربع ربع قيمه هديه هذاك المجهول خرج علبه ثانيه وخرج النص القلب الثاني وهذه اتجلس معي بحتفظ فيها نص القلب معك ونصه الثاني معي احتفظي به

ابرار: بلبسه

احمد: ولا تبعديه ابدا

ابرار: مستحيل

احمد يشوف لعيونها: كل عام وانتي بالف خير وعقبى للثلاثين سنه وقد الزايد معك ماعاد باقي

ابرار ضحكت: كثرتها
.
.

روحت شافت اختها تبكي وبحاله لاتسر ابدا

سهى بخوف: نهى مالك

نهى تبكي: علي ما يرضى يشوفني وابي كمان ولاكاني موجوده بينهم وهم يكرهوني خلاص ماعاد يحبوني

سهى بكيت: هم زاعلين فتره وايرضوا ويرجعوا

نهى: مستحيل

سهى: الا اتشوفي
.
.

صباح يوم ثاني وفي المدرسه
ريم: اسفه ماقدرت اجي

ابرار ضمتها: عادي ما زعلت

ريم اعطتها هديتها: اتمنى تقبليها

ابرار اخذتها وفتحتها كانت اسواره ذهب مكتوب فيها ابرار ريم

ابرار ضمتها: ماكان في داعي والله عجبتي قوي

ندى غارت: خلاص بس يكفي
.
.

في العصر
معتز: وين رايحه

ابرار: عند ندى

معتز: وسلمي عليها

ابرار: ما اتروح منها

معتز: مستحيل

ابرار طنشته بقهر وراحت ومعتز لف لوراء وشاف نور قدامه وتبكي

معتز: نور مالك

نور: ولا شي عيوني تلهبني من الصابون تركته ودخلت

معتز فهمها تنهد بالم ودخل الفيلا

عند نور كانت تبكي ونار الغيره يحرق نبضات قلبها كلما تتذكر حب معتز لندى تتذكر حبها له وتتذكر تضحيتها اللي راحت في مهب الرياح مسكت بطنها واعتلت شهقاتها وكتمتها بمخدتها خوف من احد يسمعها


ندى: اااه بس شل عقلي

ابرار تضايقت وين تفكيرها ووين تفكير اخوها: كل هذا تامر

ندى: ايوه لو تشوفي كم هو طيب

ابرار: خلينا نذاكر

ندى: اوكي


ذاكرين وخلصين وابرار روحت ودخلت غرفتها فتحت درجها شافت قفص احمر مزين استغربت وخرجته فتحته وكان فيها عطر فتحته وشمته عجبها الشم وجنبه اخراص ذهب وكرت فتحت الكرت ومكتوب فيها كل عام وانتي بالف خير علي

تذكرت سهى وتنهدت


مرت ايام ونور بقهر والروتين على ماهو وقربت الاختبارات النهائيه


هادي: بروح

براء: لوين

هادي: لعند رجالنا اللي داخل جماعه الهرماني

براء: طيب وطمني على كل شي

هادي: طيب راح ووصل للمكان المحدد


......: محد شافك

هادي ابتسم: لا حتى ما خليت السواق يوصلني اخذت حذري

......: ههههههه جماعه الهرماني وثقوا فيني

هادي فتح يده: ذا ابني اللي اعرفه قدها وقدود

......راح وضمه: اشتقت لك

هادي: وانا اكثر يا.....
.
.

احمد: خير طلبتيني

نور بدموع: ايوه

احمد: ايش تشتي

نور: من شان الدكتور ايمن

احمد: قررتي

نور: ايوه

احمد: ايش قرارك

نور رفعت راسها: .....
.
.

ابرار: شعري افتك وخرج تعالي معي ياندى اروح الحمام(وانتوا بكرامه) اصلح شعري وارجع

ندى: خليني اكتب الان شوفي اي واحده

ريم: انا بجي معك

ابرار: هيا وراحوا للحمام (وانتوا بكرامه) وابرار فتحت اللثمه وهذه اول مره تشوف ريم وجهها وجلست ابرار تلف شعرها

ريم لما شافتها انصدمت بدهشه فتحت عيونها على اكبر وسعها مش معقوله كل هذا الشبه قلبها قبضها ومن شده الشبه دمعت عيونها وجمدت اطرافها

ابرار ركزت عليها: مالك

ريم تلعثمت من الدهشه: تشبهي اخي كثثثير انا ما اشبهه ربع شبهك

ابرار: اخوش اللي في الجريده

ريم بتردد: لا الثاني

ابرار: همم ايش اسمه ولا ما اتقولي نفس الاول

ريم: الا بقول

ابرار ابتسمت: ايش اسمه

ريم: براء

ابرار انشلت عن الحركه طاحت المرايه من يدها وانكسر من الصدمه وتجمدت: ....


...











📚 @rewayatyamania 🇾🇪

البـارت 96 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


معتز سمع اسم ام ندى وتوتر وقلبه فز اشر للكل يسكت ولكن لافائده وصرخ: اسكتوا ياجن خلونا نسمع رد الناس

ابرار: من الناس

احمد ابتسم: بيت ندى شكلهم الان يردوا خبر والرجال قلبه ايخرج

نور دمعت عيونها وجلست وهي تحس اطرافها مثلجه: منتظرين الموافقه نشتي عرس ونفرح

ابرار جلست جنبها بقهر: الان نعرف قرارهم

معتز بثقه: جهزين نفسكن بس اشتي زغروطه تهد صنعاء

محمد: شوفوا لكم اول من خطب واخر من خطب

احمد: لا وكمان واثق على الموافقه

ام معتز عصبت: اسكتوا خلونا نتجابر

الكل سكت ونور نزلت راسها من شان محد ينتبه لدموعها وابرار مقهوره وتغطي عليها ومعتز مبتسم وفارح واخيرا كسبها واحمد ومحمد عليهم يراقبوا الوضع مثل الجواسيس ومستمتعين هههههههه


ام ندى: والله مش عارفه ايش اقول لش كل شي قسمه ونصيب وابنكم معتز والله انه ينشرى وما ينرد بس ندى الله يهديها وسكتت

ام معتز فهمت: طيب فهمت الله يكتب اللي فيه الخير

الكل لحد الان مش فاهم حاجه

ام ندى بقهر: لاتزعلي مننا والله انو...

ام معتز قاطعتها: لا والله ما زعلت كله على النصيب الله يدي لها على قد نيتها ويرزقها بابن الحلال الصالح ومعتز الله يدي له بنت الحلال اللي تسعد قلبه

نور رفعت راسها وابتسمت بين دموعها وابرار من الفرحه ضمتها

اما معتز نزل راسه بقهر وابتسامته تلاشت واحمد ومحمد تنهدوا براحه وبقهر بنفس الوقت وام معتز غلقت التلفون

ام معتز: معتز ما كتب النصيب ندى رفضت

نور مسحت دموعها وابتسمت بتحدي وشافت لعنده
معتز شاف امه: ان شاءالله خير ورجع شاف لعند نور شاف ابتسامه التحدي والتشفي اقتهر وخرج

معتز بقهر: انا ياندى ترديني انا غصب عنك بخليش تحبيني وانتي تشوفي

ابرار وقفت بفرح: والان من يروح معي نخرج فستان نور

الكل بصوت واحد: مافيش خرجه لك ممنوع

ابرار خافت من اصواتهم: اعوذ بالله من الشيطان الرجيم بسم الله الرحمن الرحيم ايش حصل لكم

الكل ضحك: اجلسي مكانك

ابرار جلست: طيب من ايروح يجيب الفستان والاشياء الناقصه

محمد: انا واحمد

نور والفرحه تغمر قلبها: بس لا تتاخروا وراحت تتصل لعند قمر

قمر: هلا وغلا

نور: اهلين جيبي اريج

اريج اخذت التلفون: هلا بالعروسه

نور ضحكت: هاتي بشاره

اريج: بشريني بالاول

نور بثقه: خطتي سبرت وندى رفضت معتز

اريج بفرح: قولي والله فرحتيني كمان انا عندي خبر حلو

نور بفرح: لاجاء الخير يجي مره واحده هاتي

اريج: الفيلا اللي جنبكم صارت باسم رجل الاعمال ابو عبدالله

نور بفرح: صدق صدق كيف لوما

اريج شرحت لها كل القصه ونور فرحت واستمرين بالمحادثه
.
.

براء: قلت ولا فيني شي

سلوى: براء اعرفك اكثر من نفسي

براء: امه لا تقلقي كل شي بخير

هادي دخل: السلام عليكم

الكل: وعليكم السلام

براء وقف: ابه ممكن تجي معي للمكتب اشتي اكلمك ضروري

هادي : طيب تعال خلينا نشوف ايش معاك ودخلوا المكتب

براء: ليش كان تلفونك اليوم مغلق

هادي: كنت مشغول ليش السؤال

براء: لانو نتصل لك وهو مغلق جماعه الهرماني اليوم كانوا ايخطفو ابرار وماعرفنا كيف نتصرف

هادي انصدم وخاف: جماعه الهرماني كيف لوما

براء تنهد: كان سهيل يتصل لك وانت مغلق ورجع اتصل لعندي وانا رحت واحمد وانا قدرنا نخلص ابرار

هادي عصب: وانت ليش تروح مجنون

براء : لا مش مجنون لو كنت فاتح تلفوتك كنا رسلنا ناس موثوقين بس اللي عندي ما نوثق فيهم اضطريت اروح ولا تخاف ابرار كان مغطى على عيونها وما شافتني

هادي تنهد براحه: وجماعه الهرماني وينهم

براء بقهر: هربوا والشرطه تلاحقهم

هادي عصب خرج تلفونه واتصل للشرطه وطلب يكثفوا البحث على الجماعه

براء: ايش قالوا

هادي بقهر: هربوا منهم ولا واحد منهم عرفوا شكله يعني مافي فايده يعرفوهم

براء تنهد: طيب انا بروح اذاكر اختباراتنا قربت
.
.
كان جالس على هاويه في جبل عصر مقهور من رفض ندى له كيف ما قدرت حبه وعشقه لها طنش العالم وطنش اشخاص يعشقوه من شانها وهي تركته من اجل تامر قبض على يده اكثر بقهر وهو يتذكر تامر رفع راسه وابتسم: ما بخسر التحدي يا نور ما بنهزم قدامك بثبت لك انو انتي الخاسره
.
.

نهى: اين البس الان

سهى: كل واحد احلى من الثاني

نهى جلست: طيب انتي ايش اتلبسي

سهى: البيج

نهى: اممم اوكي وانا بلبس الاخضر
.
.

ابرار صرخت: ذلحين ماهو

نور تسد اذنها: ماهو

ابرار وطت صوتها وعصبت: قلت لك خطبتك بكره

نور بعدت يدها: طيب انا عارفه مش معلومه جديده

ابرار ضربتها: ومعتز

نور تتغابى: ماله

ابرار: زوجوا خاله

نور ابتسمت: صدق متى ليش ما عزمتوني

ابرار مشعت راسها: نور مش وقت هبالات هذا التحدي حقك بايخ مثل وجهك

نور: ولانه بايخ مثل وجهي انا بكسب معتز

ابرار: وتتزوجي ايمن

نور تشتي ترفع ضغطها: اووووه فديته

ابرار وقفت: فدتك جنيه اروح اذاكر لي كلمتين احسن من الجلسه معك













📚 @rewayatyamania 🇾🇪

البـارت 108 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


ريم بفرح: وابرار كيفي

ندى تنهدت: ابرار مخطوفه

ريم بصدمه صرخت: ايش ايش

ندى: جعلك العجم ابرار مخطووووووفه سمعتي

ريم بدموع: ندى الله يخليش قولي انك تمزحي

ندى بكيت: والله اني اتمنى اني امزح بس حقيقه

ريم تهامرت دموعها قلبها وجعها بشده ما عرفت ايش ترد غلقت تلفونها بدون ما تقول اي كلمه فتحت غرفتها ونزلت بخطوات مرهقه وبطيئه

ندى: الو الو ريم اووف مالها غلقت

سلوى وقفت ومسكتها بخوف: ريم مالك

ريم تبكي ومنهاره: يمه خطفوا ابرار صاحبتي

سلوى اقتهرت طول الوقت صابره ما تحملت حضنت بنتها وانهارت بكاء بعدها: من قال لك يمكن مش صح

ريم تشهق بقهر : الا صح ابرار يمه مخطوفه لو خسرتها بخسر روحي يمه احس ابرار مش بس صديقه احسها اخت كانها اختي الكبيره لو خسرتها بخسر اختي عمري ما جربت ايش معنى اخت الا وانا مع ابرار يمه ابرار لو حصل فيها شي ايش بيبقى فيني

سلوى بقهر من كلام بنتها: اختك ان شاءالله ترجع لك

ريم بدأ بكاءها يقل: اختي

سلوى غمضت عيونها بشده وقالت بغصه: انتي قلتي تعتبريها اخت

ريم بصوت اقل: ايوه اختي

سلوى خافت: ريم مالك صحصحي

ريم تغمض عيونها: شويه تعب لاتخافي برقد

سلوى وقفتها: طيب اليوم نامي عندي وطلعين الغرفه ونامين
.
.

نوف: الحمدالله شبعت

عبدالله: الان نروح الفندق

نوف عصبت: وشفيك الفندق الفندق الفندق ما عندك سالفه غير الفندق

عبدالله بهدوء: لا ما عندي فيني نوم وانتي عارفه يومين وانا ما ارقد الا نص ساعه

نوف تنهدت: طيب كنت ابي نغير جو في السوق

عبدالله مسك يدها: وعد بكره بس اليوم انا تاعب

نوف ابتسمت : طيب
.
.

براء بهدوء: عاصم

احمد: شكلك مش مستغرب

براء ابتسم: ما اتفاجأ انا متعود على المفاجآت قدو عندي شي عادي

احمد: نام وارتاح يكفي وانت واصل تدور على ابرار

براء: وانت كمان ما تريح نفسك

احمد: الان بدخل ارقد لي ساعتين

براء: طيب انا بغلق التلفون مع السلامه

احمد: مع السلامه

معتز جاء: انت ومن ساعه تتكلم

احمد: واحد صاحب

معتز: طيب انا بطلع ارقد لي ساعه

احمد مسكه: وين وين والله ما ترقد الا وقد اكلت لك اي شي وانا حلفت

معتز تنهد: يلا انا وانت حتى انت ما كلت

احمد: طيب يلا
.
.

كان جالس جنب المسبح يتذكر كل ذكرياته معها فكرة انها مخطوفه وان الهرماني ايقتلوها نفس اللي قبلها نشر الخوف بانحاء قلبه على فقدانها خانته دمعته مسحها بعنف والقهر والالم مسيطر عليه ردد بصوت مخنوق: ابرار وينك الدنيا بدونك بشعه من امس الصباح وللان ولا قدرت ارقد ولا قدرت انسى لو تعرفي كيف الدنيا جحيم من بعدك تعالي وخلي الجحيم يتحول جنه يكفي مش قادر اتحمل مش قادر
.
.

ابرار: اووف فكني شويه تعبت

عاصم: لو اتاكلي بفكك

ابرار بقهر: لا تفكني

عاصم ضحك: عنيده

ابرار: اشتي ارقد

عاصم: ارقدي

ابرار: ما اخذ راحتي وانت موجود

عاصم: خلاص لا ترقدي
.
.

في صباح اليوم الثاني

ام علي: وين سهى

نور: عادها راقده

نهى بنعاس: ما قدرت ارقد سواء من تحت راسها

ام معتز: ليش

نهى: مصممه مابلا تعرف ايش في

ام محمد: كم انجلس نخبي عليها كم ما جلست اتعرف ان جماعه الهرماني خطفوا ابرار

نهى: بس الحمدلله خليت علي يجيب البخاخ

سهى صرخت بخوف: الهرماني خطفوا ابرار

ام علي وقفت بخوف: لا ابدا لا من قال لا لا سمعتي غلط

سهى تجمدت: يعني ايقتلوها يعني ماعاد بشوف ابرار

نهى مسكتها: لا ابرار اترجع

سهى تبكي بحرقه: تكذبوا عليا تكذبوا ابرار مخطوفه والكل مش موجود يدوروا عليها

نور: اهدئي يا سهى

سهى صرخت: كيف اهدأ بنت عمي مخطوفه ويمكن ما ترجع ويقتلوها وبدأ صوتها يخف ويقل ونفسها يقل ايقتلوها اي..قت..لوها .ايقتلو..ها

نهى صرخت: هاتوا العلاج

ام علي اخذته بسرعه واعطتها وبخوا لها

سهى رجع تنفسها طبيعي وتبكي: ابرار ويني ونامت بيد نهى وهي تردد ابرار ابرار
.
.

علي يسلم على سهيل: السلام عليكم

سهيل يصافحه: وعليكم السلام

كريم: كيفك سهيل

سهيل: تمام ما نقول غير الحمدلله

كريم تنهد: بينادوا على موعد رحلتنا يلا

سهيل: يلا

طلعوا فوق الطياره وكل واحد بهمه ويتكلم بينه وبين نفسه

علي: اااه يا ابرار لو اخسر عمري كله بخسره المهم محد يلمس شعره منك والله ما يفلت مني الحيوان اللي خطفك

سهيل: ابرار وعد برجعك بخير وسالمه بوصل واعرف مكانك واساعدك بالهرب اصبري تحملي يا بنت عمتي انا بجي واخلصك من يد الانذال بخلصك منهم اول ما اوصل لعندك بقي القليل يا ابرار

كريم: الله يحميش يا ابرار بفعل جهدي والقاش لو اقلب الدنيا قلب عمك اينقذك اصبري ما اكون كريم ال... اذا غفلت عن لقيانك دقيقه

براء جلس في الكافي بتعب من محاولة لقيان ابرار : ابرار يحرم عليا الرجعه لوطني تحرم عليا ريحه الوطن بدونك يحرم عليا حتى حدود اليمن اذا ما لقيتك والله ما ارجع الا بك















📚 @rewayatyamania 🇾🇪

البـارت 124 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


مر الوقت بفرح وترحيب برجوع الجميع وجاء العصر

ابرار بصدمه: ايش ايش عيدوا اللي قلتوه

سهى بقهر: ليش مصدومه

ابرار صرخت: لاني مش مصدقه

ام معتز: كلنا انصدمنا بس هذه الحقيقه

ابرار بكيت: مش حقيقه مش حقيقة

نهى: بس انا سمعت لما قال ما ايتركهم

ابرار راحت لعند ام سهيل وجلست لعند ركبها ومسكت يدها: وانتي يا خاله مصدقه هذا الشي

ام سهيل بدموع: مشتيش اصدق بس هذه الحقيقه

ابرار بكت اكثر: كيف قدرتي تصدقي خاله سهيل مستحيل يكون مع جماعه الهرماني

ام سهيل: والله معاهم

ابرار: معاهم بس معه هدف من دخوله بينهم معه سبب معين ومقنع ما دخل هدر بينهم

ام علي: يا ابرار ليش ما تستوعبي

ابرار قاطعتها: مستحيل انا اعرف سهيل وواثقه فيه وانتوا اتعرفوا الحقيقه سهيل بريء بريء

ندى دخلت وصرخت: ابرار

ابرار بفرح: ندوووش

ابرار وندى ضمين بعض وكانين يبكين

ندى: يا كلبه اشتقت لش

ابرار: مش قدي ياغوريلا

ام ندى: الحمدلله على السلامه

ابرار: الله يسلمك ياخاله
.
.

عاصم: ايش تشتي

هادي: جيت اشتي اعرف ليش دخلتوا مع الجماعه هذه

سهيل: انا

هادي قاطعه: انت اليوم تخرج وتكمل عملك المكلف به

سهيل ابتسم: ابشر بعزك ياعم

عاصم انصدم: اي عمل

هادي ابتسم: قصدك سهيل معاكم سهيل ضابط شرطه سري دخلناه جماعتكم لينقل لنا الاخبار هو اللي قال لنا عن مكان وجود ابرار وهروبها

عاصم ابتسم: خاين ما توقعتك غدار بس ما اتفلحوا بفضحكم

هادي بخبث: قصدك لما كلمتك كل الحقيقه بخليك تسرب كلمه واحده انا حتى الزيارات منعتها عليك وخليتك بزنزانه لوحدك وسهيل ايكمل عمله ومحد غيرك عارف انه مخبرنا
.
.

......: هل وضعتم القنبله بسيارة الوزير هادي

الرجل: نعم سيدي لقد وضعناها

.....: حسنا بعد قياده السياره بدقائق قوموا بااضغاط الزر وفجروها

الرجل: حسنا
.
.

ندى: ابرار عرفتي من اللي خطفك

نور: ايوه صح ما قلتي منو اللي خطفك

ام معتز: هو معروف انتي قلتي

ابرار شافت لعند ندى وام ندى وبتردد: .....
.
.

معتز ضحك: نكته حاليه

محمد بقهر: والله اكلمك من صدق

احمد مسك راسه بوجع: محمد المقالب مش حاليه احيان

علي صدقه: الا كلام محمد صدق هو جاء معانا للسعوديه قال بيدور ابرار واختفى ما شفنا له صوره

معتز: منك صدق

كريم بصدمه: والله انه سهيل من صدق

احمد: جاء معاكم السعوديه
.
.

هادي وسهيل خرجوا من مركز الشرطه
هادي: سهيل رد على تلفونك

سهيل رد على التلفون وغلق

هادي طلع سيارته: يلا نلتقي بكره ان شاءالله

سهيل: ان شاءالله
.
.

شغل السائق السياره وبعد شارعين من مركز الشرطه انفجرت سيارة الوزير هادي


القائد وقف: ايش هذا الصوت وين هذا الانفجار

الشرطي: شكله قريب من المركز

القائد: بسرعه جهز الدوريه

الشرطي: امرك
.
.

احمد: جاء معاكم السعوديه

معتز: بس ماشفنا له صوره

علي عصب: اذا هو مع جماعه الهرماني

محمد: ها صدقتوا

احمد عصب: سهيل سهيل سهيل نهايتك على يدي يا سهيل نهايتك على يدي

معتز بقهر: انت اللي اخترت العدواه ياولد الخال
.
.

ابرار بتردد: عا عاصم

ندى مستغربه: عاصم من

ابرار: اخوش

صدمه للجميع واندهاش مش مصدقين اللي قالته ابرار ابدا

ام ندى بدموع: ابرار اصدقي القول

ابرار: والله اصدقت

ندى بكت: يعني اخي مع هذه العصابه

ام معتز: ابرار يمكن انتي ما ركزتي عليه

ابرار: انا اعرف عاصم كيف ما ركزت

نور بقهر: وليش يفعل هكذا

ابرار بكذب: مش عارفه سألته وما جاوبني

ام ندى تبكي: لا لا لا مستحيل ابني

ندى: اخي عاصم خطفك ليش ليش مش معقوله

ام محمد: وين كان عاصم وقت خطف ابرار

ام ندى وندى: مختفي

سهى بسخريه: يعني هو

نهى: اكيد هو ليش ابرار اتكذب

ام سهيل بقهر: عاصم مثل ابني الله يهديهم

ام علي: اللي ما توقعناها منهم

ام ندى وقفت: انا شكلي ما قدرت اربي رجال حسابه معي

ندى تبكي: وين رايحه يمه

ام ندى: اشوف اخوش وينه واربيه

ابرار: عاصم محبوس هادي حبسه

ام ندى: محبوس

ندى: ليش

ام علي: كيف ليش خطف ابرار تقولي ليش

ندى: انا مش مصدقه

ابرار بقهر: يعني انا بفتري عليه

ندى: لا ما قلت هكذا بس انا مش مستوعبه

ام سهيل: اذا استوعبي مثل ما انا مستوعبه ان سهيل خاين

ابرار بقهر: سهيل مش خاين
.
.

معتز وقف بخوف: ايش في

امير: مش قادر اقول لك افتح الشاشه وانت اتشوف

معتز بخوف: احمد فك الشاشه

احمد: ايش في

امير: افتح قناه اليمن

معتز: وافتح قناه اليمن

امير: معتز مع السلامه نص ساعه وانا عندك

معتز غلق التلفون: احمد ايش في

احمد: مابش اشاره الدش يشتي له صلاح

محمد: ايش في تكلم

علي بخوف: ابي جاه اتصال وخرج زي المجنون وانت جاك اتصال وتصيح ايش في

معتز: انا بكلي مش فاهم نشوف قناة اليمن ونفهم كلنا

محمد: خلونا نشوف من الشاشه اللي في الفيلا التوتر اكلني اكل

احمد: يلا














📚 @rewayatyamania 🇾🇪

البـارت 133 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


براء: ريمو

ريم تنهدت: ها

براء غمز لها: تجي معي نروح نشتري نواقص رمضان

ريم وقفت بفرح: ربع ساعه وانا جاهزه تركتهم وطلعت

سلوى ابتسمت: من بعد موت ابوك الله يرحمه اول مره تفرح

براء: انتي تعرفي ريم ماتحب اي خرجه مثل خرجه قبل رمضان بيوم او قبل العيد


الكل تجهز وخرجوا وراحوا لنفس السوبر ماركت

معتز: ابرار عشار برمضان

نور: البيت ملان عشار

ابرار حطت العشار بالسله: ما ايكفيش طوال شهر رمضان معتز ايش فيها العشار برمضان

احمد: يقرح المعده

ابرار: ولا ايوقع فيني شي



ريم اخذت نوتيلا وحطت بالسله

براء ضحك: في ثنتين بالثلاجه ليش عاد وكمان النوتيلا ايش دخله بنواقص رمضان

ريم: انت تعرفني ضروري نوتيلا كل ما اروح السوبر ماركت

براء: هممم اخذ نكهات وحطها بالسله وهذه نكهات الحلويات

ريم في بالبيت

براء: كان ايش خرجنا نشتري وكل شي في بالبيت

ريم ضحكت مدري


معتز خفع جبهته:ايش دخل هذولا بنواقص رمضان

احمد ضحك: اسال اختك

ابرار بقهر: كل ما اخذت شي قالت نور في بالبيت نرجع فاضيين او كيف خلونا نشتري ليز وشيبسات ومكسرات ونروح

نور: بالفلفل

ابرار: قلت لك خل وملح

احمد سحب بالفلفل وبالخل والملح وحطهم بالسله: خذوهم الاثنين

ابرار: الان نروح ناحيه الشكلاتات راحوا ناحيه الشكلاتات وبراء وريم دخلوا بدلهم عند الشيبسات والمكسرات

ابرار تنهدت


نور بخوف: مالك

ابرار: ولا شي احساسي اللي ماله داعي جاء لي

نور بقهر: قصدك براء

ابرار: من غيره

براء ابتسم ردد بينه وبين نفسه: ابرار انتي هنا

ريم تشوف لعنده قربت من وجهه اكثر: خير ليش الابتسامات

براء: ولا شي او ممنوع الابتسامات عندك

ريم بعدت: لا بس مافي شي يخليك يبتسم


تقضوا واشتروا كل حاجاتهم براء وريم كانوا يحاسبوا وراء معتز واحمد ونور وابرار الكل حاسب بدون ما يركز على وجود الثاني وخرجوا ورجعوا لفيلاتهم

(ههههه ابرار مثلي تحب الحوامض والموالح والاشياء الفحه وريم مثل ارنوبتي نجوى تحب الشكلاتات والحوالي😂😂)


وقت السحور واثناء التسبيح لاول يوم من الشهر العظيم شهر التوبه والغفران شهر الطمأنينه الشهر الخالي من وساويس الشياطين تجمعوا كل العائلات نحو سفرة السحور

ابرار جلست بتعب: السفره كامله والا ناقص شي

ام معتز: لا يلا ادعوا وتبسملوا ومدوا يدكم

معتز بفرح: بسرعه من شان نجتمع ونقرا القران

ام محمد: يلا عيال يلا نور السحور جاهز

نور غلقت ختمتها وباسته : يلا جايه

الكل اجتمع حول السفره للسحور
.
.

قمر: اريج انزلي السحور جهز

اريج نزلت: اسفه تاخرت

ام عبدالله: عادي اصلا بدري ما قدوش شرق

سميره: اللي يتاخر على موعد السحور يصوم عطوف

قمر بقهر: رمضان اتقي الله بروحش

ابو عبدالله: اسكه تسحرين سكته
.
.

سام صيح: جيبي الماء معش

ندى: تمام

ام ندى: يلا حطي وتسحري

ندى جلست: بالعافيه على قلوبكم

سام: وعلى قلبك وين سحور تامر طلعتي له

ندى: ايوه طلعت له قبل شويه
.
.

ريم: براء هيااا

براء: طيب وين الجبن

سلوى: جنب الثلاجه

براء اخذ الجبن وراح: اها يلا بسم الله
.
.

ام علي: وين كريم تاخر

كريم دخل: اسف اسف كنت مشغول

سهى سكبت له عصير: يلا تسحر مافيش وقت

علي: اسكه يمه مدي لي الخبز

ام علي مدت له الخبز: كل بالعافيه
.
.

نهى: تسحري ياخاله

ام سهيل بقهر: مالي نفس متعوده اتسحر مع سهيل

نهى بقهر: وانا مش ممليه عينك

ام سهيل ابتسمت: الا ممليته ونص

نهى: اذا يلا قومي تسحري

ام سهيل قامت وتسحرين
.
.

فؤاد: الله سويتي فته تمر وعسل

ام فؤاد ابتسمت: تبسمل ومد يدك بسرعه قدو شرق
.
.

شذى: ايمن فك

ايمن: والله باكلها انا شاحطه حاليه

ام ايمن عصبت: تسحروا بدون صياح هيا

ابو ايمن: ايمن جيب القشطه من جنبك

شذى مدت له القشطه وتسحروا
.
.

هادي: حرق

سهيل ضحك: لك ساعتين تطبخها وقد باقي شويه وياذن وبالاخير تقول احترق الان ايش نتسحر

هادي ضحك: هذه الفاصوليا

سهيل: قلت لك نشتري سحور قلت مع تشتي تقتلب طباخ

هادي بقهر: اسكت اول مره اطبخ بحياتي وبعدين ضبحت من اكل المطاعم

سهيل فتح الثلاجه: امممم به بيض ناوي بس المشكله ما اشترينا ولا حاجه والمطبخ فاضي من كل شي

هادي: لا انا ولا انت فضينا نشتري اشغالنا لفوق الراس

سهيل: ضروري نبسر رجال يساعدنا يشتري لنا كل شي والا انجلس ناكل من فاصوليتك الحارقه

هادي: المشكله ما انقدر نوثق باحد انو انا عايش كلم براء يشتري لنا

سهيل: طيب احنا في الان ايش نتسحر

هادي اخذ الفاصوليا وحطها فوق الماسه وابتسم: فاصوليا

سهيل جلس: تقصد فحم

جلسوا واكلوا اول لقمه وخرجوها بسرعه وضحكوا
















📚 @rewayatyamania 🇾🇪

البـارت 148 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


سلطان مستغرب: كيف تشتوا عقابهم

ابرار ومعتز: افضحوهم

سلطان: كيف

ابرار: انشروا بالجرايد وبكل مكان عن سرقهم

سلطان ابتسم: هذا كثير

ام معتز: قليل

تركوه وطلعوا وصلوا لنص الطريق وقطع الصمت ام معتز: معتز كملتو بنايه المسجد

معتز: لا باقي التلبيس

ابرار مستغربه: اي مسجد

معتز تنهد: بنيت مسجد باسم هادي وقف لابي لنيته

ابرار بدموع: ليش ماقلت لي

ام معتز: قصدنا انك ما اتهتمي ولما شفنا اليوم اهتمامك قلت لو تعرفي احسن

ابرار بقهر: كيف ما اهتم مادخلني انا اشتي اساهم ببناء المسجد

معتز ابتسم: بنينا هذه بصنعاء وبنبني كمان مساجد بالقريات وانتي ساهمي

ابرار مسحت دموعها بفرح: وكمان خزانات ماء في الطرقات

معتز بفخر: انا قد شليت 42 خزان

ابرار: زيد كمان

ام معتز تسمعهم وتبكي بفرح وفخر وصلوا ونزلوا كل واحد توجه غرفته الا ابرار لعند نور
.
.

هادي ابتسم: فين المسجد اللي بناه

براء: حزيز لان المسافه مابين المسجد والمسجد الثاني طويل فكر انه يبنيه هناك

هادي: تفكير حلو انت كيف عرفت

براء: كنت اراقبه

هادي براحه وفرحه: عيالي كلهم عملوا لي وقف ولنيتي تزكوا وعملوا كل شي لروحي وانت لا وضرب براء وانت ليش ماتبني لي وقف او تزكي باقي انت هذا روح ابوك وانت ولا بهمك

براء ضحك: انا مش مهتم لاني اكره ابي

هادي ابتسم بقهر حط يده حول رقبه براء: ظلمتك كثير معي يابراء وانا عارف انك اكثر واحد من عيالي تحبني انت

براء تنهد: من قال اني احبك

هادي: العصفوره

براء ابتسم: انت غالي عليا ولاتزيد تقول ظلمتك انت ماظلمتني الدنيا ظلمتنا احنا الاثنين

هادي وقف: بروح اسوي لنا عشاء ايش تشتي تتعشى

براء يتهرب: امي حلفت اتعشى عندها

هادي بقهر: تتهرب

براء ضحك: طبخك بعد اكله طوالي اروح المستشفى انا جبت عشاء من المطعم

هادي: انا بروح اطبخ بنفسي من طباخه البيت كل يوم من المطعم ماعاد بين اقدر اكل

براء هرب: صحه وهنا

هادي بقهر خرج التلفون ونزل كم طبخه يتعلم وراح يطبقها
.
.

في صباح اليوم الثاني
ابرار تقرأ الجريده وبفرحه: افتضحوا

معتز: يستاهلوا

ام معتز: ايش في للابتسامات

نور: عن الوزراء انهم سرقوا حق الايتام ومش فاهمه سواء

ابرار: فضحوا وسحبوا الوزاره من السارقين

ام معتز براحه: يعني سلطان عمل اللي طلبناه

معتز قام: ايوه يلا بروح اشوف العمال

ابرار: صور لي المسجد

معتز: بصوره لما ينتهوا من بنايته تركهم وخرج
.
.

سلطان بخوف: مسكوا طارق

سهيل بقهر: ايوه

سلطان عصب: الله ينتقم منهم ايش فعلوا

سهيل: كانوا ايقتلوه بس الحمدلله قدرت اقنعهم قلت لو احتجناه للمقايضه

هادي تنهد: طلعوا مش سهلين من البدايه اكتشفوه سهيل انتبه وجيه لعندنا ممنوع

سهيل: وكيف بوصل لكم المعلومات بالتلفون ايقدروا يمسكونا

الرئيس: بيتكم لازم تكون تروح بيتكم اي مكان غير بيتكم للقاء خطر لانو احتمال كل واحد فيكم مراقب

سهيل: بس امي مش متقبله فيني في البيت بعد ما عرفت اني مع هذه الجماعه

الرئيس: حاول حتى ربع ساعه اكتب كل شي بورقه وحطها بمكان اتفق فيه انت وهادي وبراء يروح وياخذ الورقه

هادي: بس براء لا هذا خطر

الرئيس: لا براء ايقدر يدبر امره ولاتنسى براء ايكون ضابط ولازم يتعود على السريات اكثر وبراء اكثر واحد نوثق فيه

سهيل تنهد: تمام
.
.

نسرع الاحداث مرت شهرين واحمد متغير على ابرار وابرار مستغربه من تصرفاته وبعد شهرين بدأت مراسيم عرس نهى

احمد: بسرعه

ابرار بضبح: طيب هرم اوف

معتز: خرجتكم خرجه حريوه

نور خرجت: يلا يلا طلعين فوق السياره وام معتز وام فاروق خرجين

معتز: انا بنزل اوصلكم

ام معتز: لا روح معاهم السوق احنا ايوصلنا السواق

ام محمد: من السوق تعالين لبيت عمكم كريم

ابرار: ليش نهى هي في بيت خالتي ام سهيل

ام معتز: لا العرس ايبدأ من بعد بكره انفعله ببيت عمك بيت خالتك ما ايكفي

نور: طيب

احمد شغل سيارته: مع السلامه

وصلوا للمول ونزلوا

معتز; لكم شهر تتكسين تعبتنا ما تعبتين

نور وابرار ينقين خواتم: لا

احمد: برود قاتل

ابرار بضيق: ليش متضايق انحنا مبوردات هذا شي ما يخصك

نور: تعالي اروح اشوف هو نزل ساعات مثل اللي اشتريتيها

ابرار رجعت للخواتم: روحي انتي وانا بختار لنا خواتم امد ترجعي

نور تمشي: اوكي

معتز: روح مع نور انا بجلس عند ابرار

احمد بقهر: انت عارف انا لو شفت صاحب الساعات بقتله

احمد تنهد: خلاص انتبه على ابرار انا بروح مع نور تركهم وخرج بعد نور

معتز مسك شنطه نور وسحبها ونور خافت شافته وعصبت
















📚 @rewayatyamania 🇾🇪

البـارت 259 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


هادي دخل: السلام عليكم

براء وسلوى: وعليكم السلام

هادي طلع يجيب الملف

ريم اخذت تلفونها وردت تلاشت ابتسامتها طاح التلفون من يدها شعور الخوف سيطر عليها وتشعر كأنها لن تخسر صديقتها بل سوف تخسر جزء منها وفيها يبست من الحركه وهي تستوعب اللي سمعته بدون شعور دموعها تنزل اخذت بالطوها ولبسته بسرعه والطرحه لفتها بسرعه

هادي نزل: انا بتاخر براء تعال احنا بحاجتك

براء وقف: طيب بس ايش في

سلوى صرخت: دلا دلا يا بنت دلا دلا بتدربي

ريم كانت تبكي وتنزل تقلبت وهي تجري وبعدها وقفت بسرعه والكل يشوفها بخوف

هادي مسكها: وين رايحه

ريم تبكي بحرقه والم وتمسك شميز ابوها: الله يخليك يابه هذه المره هذه المره لا تمنعني الله يخليك هي بتموت بتموت خلوني اشوفها وبهستيريه اتركني بروح اشوفها اتركني

هادي ماسك لها وهي تحاول تفك نفسها وتبكي

هادي بخوف: من اللي بتموت

ريم تصرخ باعلى صوت: اتركتي يابه اروح ابرار انتحرت يابه ابرار انتحرت

صاعقه نزلت على الجميع سلوى نظرت بخوف لعند براء لانه كان قلبه حاسسه وبراء شاف لها بدموع براء اخذ الماسه اللي قدامه وقلبها

براء بصراخ: ايش تقولي

ريم تبكي: انتحرت ابرار انتحرت انتحرت انتحرت ودوني عندها ودوني

هادي وكانه بدأ يستوعب ترك ريم والملف اللي بيده طاح

براء خرج

هادي صرخ: براء

براء صرخ اكثر: يكفي بروح اشوفها يعني بروح ومحد ايمنعني

ريم خرجت بعده: خذني معاك براء براء

براء طلع فوق سيارته وراح بسرعه هائله وريم جلست بالارض تبكي وهي تشوف سياره براء تختفي

هادي اتصل لفاروق: بسرعه روح المستشفى ولا تسمح لبراء يدخل بسرعه

فاروق طلع سيارته وساق بسرعه كبيره من شان يوصل قبل براء

سلوى جلست ومش قادره تشيل نفسها

هادي راح لعند ريم ورفعها من الارض

ريم تبكي بحضن ابوها: حرام عليكم واصل تمنعوني اروح عندها يابه شلني عندها يكفي حرام عليكم والله حرام

هادي مسح دمعته قبل ما تركز ريم: تعالي يا بابا نروح عندها

طلعها فوق السياره وتوجه ناحيه المستشفى وطول الطريق وهو يفكر بابرار وكيف لو خسرها بيخسر روحه معاها
.
.

عند براء كان يسوق بجنون وبسرعه هائله وكل ما نزلت دمعته سقطت بدلها

براء بحرقه: والله ما راحت لك يا احمد وباخذ حق كل دمعه نزلت من عين ابرار وكل قهر والله لو يوقع فيها شي بشرب من دمك باخذ حق اختي منك
.
.

نهى بغصه: اباه اتصل لعمي وطمني

اتصل كريم لهادي وكانت نهى بحضنه بحيث انها تقدر تسمع كلامهم كامل

هادي رد: هلا

نهى قلقت من نبره صوته

كريم: اهلين طمني عرفت شي

هادي بقهر: لا انا الان بروح المستشفى

كريم عقد حواجبه: خير ايش في

هادي تنهد: ابرار انتحرت

نهى شهقت وحطت يدها على فمها و الكل شافها بخوف

كريم غمض عيونه: مسافه الطريق واكون عندك وغلق التلفون

سهى بخوف: ماله اشرف

نهى تبكي: اباه الله يخليك شلني معاك

كريم بقهر: اطلعي البسي

نهى طلعت بسرعه تلبس

علي بخوف: ايش في يابه وليش صورتكم تغيرت

كريم تنهد: ابرار انتحرت

الكل بصوت واحد: ايششش

علي قام مثل المجنون وبسرعه راح طلع سيارته وللمستشفى

سهى تبكي: بطلع البس حتى انا بجي

ام علي: وانا

الكل لبس وخرجوا
.
.

ام سهيل وام محمد وندى وصلين ودخلين

ام سهيل جلست اول ما وصلت لعندهم من الخوف ارجولها ماعاد تتحملها وام محمد كذلك

ندى تبكي: كيفها وايش قال الدكتور

محد رد عليها

معتز شافها بنظرات تخوف والكل ركز عليه وندى خافت

معتز يشوف لعند ندى واحمد: اوه ماشاءالله تقتلوا القتيل وتمشوا بجنازته ايش هذه دموع التماسيح تبكوا ها وهي داخل بسبب من تصارع الموت بسبب من وصرخ بسبب من ردوا

نور تبكي: معتز اهدأ

معتز بشراره: خرجيني قبل ما ارتكب فيهم جريمه

احمد يشوف لعند معتز ومش عارف ايش يقول متفهم القهر اللي بمعتز بس كمان هو بحاجه من يفهم القهر اللي بداخله والخوف

نور خرجت معتز وندى راحت لعند احمد

ندى تمسح دموعها: ايش قال الدكتور

احمد بدون ما يشوفها: عادو ما خرج

اريج بحقد: ما في داعي للقلق تزوجوا انتوا وارتاحوا

محمد زي الاطرش بالزفه كل تفكيره عند ابرار
.
.

قمر ونوف دخلين
سميره: وين كنتين من اول

قمر جلست جنب ابوها: بالحوش

سميره: ليش مابه معانا

قمر بنص عين: مالك دخل

سميره تقدمت بتضرب قمر منعها يد ابو عبدالله

ابو عبدالله بعصبيه: يدك هذه لو اتمدت على بناتي اكسرها لك فاهمه

سميره مصدومه: ايش شوف بنتك وين كانت

قمر ونوف فرحين لانو السحر افتك وام عبدالله على نزلتها من الدرج انصدمت

ابو عبدالله: وين...















📚 @rewayatyamania 🇾🇪

البـارت 283 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


دخلين البنات وفتحين عيونهن للاخير: هذا كله

ام محمد: لا تفتجعين الجيران جين يساعدنا

سهى بقهر: ابرار حمشي حمشي

ابرار جلست فوق الكرسي: انا عروسه محجبه

نور: ماااااهو واحنا نتعب من شان حضرتك انتي والباشا احمد

ابرار تقهرهن وحاطه رجل فوق رجل

سهى وندى ماسكات معجنه يعجنين وقمر وريم معجنه ونور واريج معجنه ونوف ونهى معجنه وام محمد معجنه وام ندى معجنه وام عبدالله معجنه وسلوى معجنه والجيران ايضا

سهى: ندى اعجني قوي قوي

ندى: قدي قوتي

سلوى: ريم قمر اعجنين سواء ما بتلعبين

ريم وقمر بطلين ضحك وكانين يعجنين بقوة

ام ندى: قمر ريم اعجنين مش احنا بسباق

ريم: ان عجنا سواء قلتوا ليش وان ما عجنا سواء قلتوا ليش

نور تتثاوب: جاني نوم

ام محمد: مابش نوم بعد ما نخبز انعجن لبنات الصحن ونسويهن

البنات بصوت واحد: ماااااهوووو

ام عبدالله: ها كان ماهو

اريج شويه وتبكي: نشتي نرقد بنقوم نتكوفر

ام سهيل: مابش رقده

سلوى: ابرار قومي ارقدي يمه

ابرار: ما فينيش نوم ياخاله

ام سهيل: اطلعي وهو ايجي

سهى: خلوني اطلع بدلها

الكل: اجلسي مكانش

سهى: بسم الله الرحمن الرحيم ايش حصل

نور: احنا ندور النوم وما خلوناش وابرار يراشوها تقوم ترقد ومافيها نوم

ريم: اخرر زمن الدنيا معكوسه

ام محمد: اقول لكن شغالات لسانهن اكثر من يدهن

ام عبدالله: لو يشغلين يدهن مثل لقوفهن ان احنا كملنا

ابرار تضحك: يا حرااااام

البنات بصوت واحد: اسكتي

ابرار خافت: تمام سكت صلين على النبي ايش حصل

الكل: اللهم صل وسلم وبارك عليه وعلى اله الطيبين الطاهرين

ابرار ضحكت: اسلمت قريش

الكل: اسكتي

ابرار: تمام تمام اعجنين سكته
.
.

في القاعه
مشغلين اغاني صنعانيه والضيوف مخزنين والرقص والشباب يحنوا اصابعهم وبراء يحني احمد

احمد: ماهو هذا

براء: وانتوا ما لقيتوا من يحني الحريو (العريس) غيري

معتز: احفر وسط الدائره حرف N

سهيل: اهي اهي عاده يتشرط نعم انه حريو

محمد يصور يد معتز: اروح اوري نور وسهيل ينحت حرفها

سهيل: هااااا يا قيس وانا اقول يا معرص

احمد: براء على الاقل احفر احفر حرف ابرار

براء: مافي داعي

احمد عصب: انحت بس

براء: ياخي انا سمعت ان ابرار ما رضيت تخلي المنقشه تفعل حرفك وانت فارح وبتعمل حرفها يا اخي اثقل

احمد: مرتي يا اخي ما دخلك

براء: اختي كيف ما دخلني

علي: براء قوم قوم قول انك ما تعرف مالك تتعذر

براء قام: واخيرا جاء من يفكني

احمد: جبتوا هذا يحنيني والا يجلطني

براء: ياخي طلق اختي

معتز: لا تتحمس عادو ماقد عقدوش لما يطلقها

براء: الحمدلله اذا يفسخ

محمد: نصيحه افسخ القات قدك مخدر بقوة

علي: حرام انك اديتها

سهيل: مالكم على ولد عمتي

براء: شفت ياولد خالتي

سهيل يشوف احمد: وبعدين انا وانت وبراء من زمان يد واحده ضد الاعداء والمجرمين وصلت لعند هذولا الاثوار وتخرفنت وبعتنا يا خاين

براء جلس جنب سهيل: افدي اللسان انا هيا شفت شفت خيانته قلت له يطلق اختي ما صدق

سهيل: علم اختك تخلعه

محمد: يا عمل ابليس انت وهو عادهم ما قد تزوجوا الا وقدكم تعاملوا بخلع وطلاق

معتز: ابليس بريء منهم

احمد: انا ما خنتكم بس هم واقفين معي وانتوا تشتوني اطلق وعادني ما تزوجت

سهيل وبراء: انت اخرس خالص

احمد: انقلعوا من عرسي مش مرحب بكم

سهيل: فوق راسك احنا

براء: مدري اول من تزوج

وجلسوا يتحانبوا ويضحكوا
.
.

كملين عجنين الخبز وبدأين بعجين بنت الصحن وكملين وهن يزبجين ويضحكين كملوا عجينه بنت الصحن

ام محمد: هيا نخرج التناوير للحوش فسح ونخبز
قامين خرجين التناوير للحوش وخبزين اللي تطرق واللي تكفت واللي تخرج الخبز واللي ترصهن

سهى: شوفوا من الان بكره حرام ما الح لحوحه

ريم: ولا انا

قمر: ولا انا

ام محمد: بس بس بس احنا انلح وانتين انقلعين عند المكوفره

نور تشوف ابرار بحقد: ما قدرتيش تاخري حقك القاعه امس او تفعليه بعد بكره بنجي للعرس واحنا مثل الزومبي بدون نوم وتاعبات مهره الله يقلعش

ابرار: سهل تحملين من يشتي الحالي صبر

ريم: لا حياة لمن تنادي

ابرار ماجاهاش النوم ابدا وسامره معاهن وايضا لو راحت تنام هي عارفه انها بتضيق لذلك تشغل نفسها معاهن بالضحك وفعلا نجحت وهي تضحك معاهن متناسيه عرسها


سمعوا صوت القريح وهاون السيارات وصوت البرع...


















📚 @rewayatyamania 🇾🇪