عـصـب الــروح 💖
👌🏻👇🏻 😍
📚 @rewayatyamania 🇾🇪
الدكتور يشوف له وملاحظ صدمته: لازم ترضى بما كتبه الله لك
قاطعه ببحه: طيب ي دكتور ممكن اعرف السبب
الدكتور: في اسباب كثير ، بس لازم تعرف انه الكبد هو مثل المخزن بالجسم وكل العمليات تمر من خلاله، وعند زوجتك اكبر احتمال لتليف هو تناولها لبعض الادويه اللي عملت لها تليف مع الوقت
وقف وهو مرتبك متوتر مصدوم: ططي طيب ش شك را
خرج وهو بينفجر طلع السياره ترك الفحوصات وجلس يبكي وهو يتذكر * بهاء انا عملت لك هذا الخاتم عشان لحد تفكر تاخذك مني * * متى ترجع ونتزوج * * بسك كذب بس * *انا لايمكن اسامحك *
كان يبكي ويشوف للفحوصات ويبكي
بعد ثلاث ساعات روح البيت
دخل البيت امه بغرفتها وابوه كان مسافر عند واحد من اقاربه وهو يحاول يبين قوي
وصل فتح غرفتها وهي تحاول تنام
التفتت شافت شكله وفز قلبها: بهاء مالك ؟
ترك الورق وابتسم: ولاشي
وقفت وتشوف له: ولاشي ومالوجهكك مقلوب كذا؟ لا تكون تعبان فيك شي
مجرد ماقالت كذا حضنها بقوه: ولاشي ي اثير انا بخير
كانت مستغربه ودموعه الصامته تنزل من عيونه اللي ما تشوفها
حاول يمسحهن وشاف لها وهي رفعت يدها لخده: كنت تبكي او ايش
بهاء رد وجهه: ههه وليش ابكي
اثير شافت للفحص: ايش قال الدكتور
بهاء ضحك: ولاشي قال معنا طفل وبيروح مثل اللي قبله
ابتسمت له وبفرح: لا ذي المره ما بيروح
كان يشوف لها وقلبه يتتمزق : سامحتيني
ضحكت: هههه لو انا اقدر ما اسامحك !
بهاء: طيب بروح اشوف امي لو تشتي شي وارجع
خرج وهي تشوف بعده
دق ودخل مغبون
امه ارتفعت: بهاء ؟ بك شي
وصل لعند السرير وجلس ع ركبتيه وترك راسه فوق ارجلها وبكي
امه بقلق: بهاء ايش فيك
بهاء: اثير يمه ، اثير مريضه قوووي
ام بهاء بصدمه: ومالها !!
بهاء: يمه اشتيك تحتضنيني اشتي تقلي لي انه بتكون بخير ، يمه عقلي بيطير من راسي احس اني بموت ، قلي لي بتهون قلي لي بتكون بخير
ام بهاء: طيب مالها !
بهاء: بكره اقل لش كل شي والان اشتي اهدأ بس ، انا بجنن من خوفي وقلقي كيف بعيش بعدها وبدونها !
..........
تجنبها طول اليوم والمساء دخل وهي جالسه ع السرير
شاف لها بتعجب من شكلها
ورجع بيبعد الجاكت
ورجع شاف لها: مالش ؟
فرح ووجهها ذابل: ولاشي
جلس جنبها: الا فيش شي
فرح: زاعله على ميسون !
لؤي رفع حواجبه: مالها
فرح: قالوا ابنها مشوه
لؤي عقد حواجبه: ايش
فرح: وضروري تنزله
لؤي: سهل بيعوضها الله ليش مزعله نفسك كذا
فرح: وانا اخاف ابننا يكون مشوه
لؤي: اي ابن ي خبلا ؟
فرح: لما يكون معنا يعني مش قلت لو ابنك عادي
رد ظهره: شكلش بتسجلي وكل كلمه وتحفظيها ، مش وقت العيال
فرح: تمام
نزلت راسها وهو يشوف لها
ورجعت شافت له: مالك
رده وجهه: ولاشي
اقتربت منه وجلست امامه: لؤي هذي الملابس عليا حلوه او الاوله
بيشوف لها بتمعن وهي لابسه فستان خفيف ضيق وقصير للركبه
ورد وجهه:...
فرح: مالك
شاف لها مره ثانيه ويحاول يمسك نفسه وما يشوف لها
ورجع وقف: بروح اجلس مع اخي سليمان شويه وارجع
خرج وهو متوتر ونزل تحت: اوووف
اخذ تلفونه وارسل لامها * بكره بجي مع فرح *
شافت هي وردت* ليش ؟ في شي *
رد* لوما اجي بنتكلم !*
غلقت وهي تشوف له: ايش قد فعلت ؟
ترك التلفون وجلس وهو يفكر: ...
...........
اليوم الثاني
ددخل وهي بالمطبخ: ايش تعملي ؟
اثير بهدوء: مثل ما تشوف اطبخ !
مسك ايديها: ارتاحي انا بطبخ انا
اثير ضحكت: تطبخ ؟
رفع شميزه: لما كنت ادرس بالخارج كنت اطبخ انا عادي هو شغل
اثير: بس ي بهاء**
قاطعها: قلت اجلسي وارتاحي
اثير : لكن معك شغل و***
بهاء: اخذت اجازه ولا حاجه مهمه في حياتي اكثر منك
كان تشوف له بابتسامه
وامه بغرفتها وتانيب ضمير داخلها شديد
بعد ساعتين سمع طرق ع الباب
اول مافتح كان لؤي : كيف ابن الخاله ؟ ولا عاد بيسال
بهاء ضحك: ادخل ادخل
لؤي دخل: رحت للشغل ما حصلتك رجعت جيت للبيت
بهاء: ما داومت اليوم اخذت اجازه
لؤي: اهاا خالتي فين هي
بهاء اشر له: اجلس
بينادي لامه وخرجت: ايش
شافت لؤي وردت وجهها
وهو اقترب: مالها خالتي بتقلب عيونها عليا
ام بهاء: ياسعم ما تعرف ايش عملت بنا اختك
لؤي عقد حواجبه ومسكها من كتفها ليساره: ما عرفتش
قبل راسها: وبعدين ابي وامي قد صيحوا فوقها قوي عشان خرجت من البيت
مسكت يده : يله حصل خير
لؤي: مش زاعله
ضحكت: وانت من يزعل منك
شاف لبهاء اللي مبتسم: ممكن نجلس شوي
https://t.me/joinchat/AAAAAEIz_KDfjDgo7Gaxwg
📚 @rewayatyamania 🇾🇪