روايات يمنية📚🇾🇪

البــارت 18 💚


الــوعــــد

👌🏻👇🏻 😍
📚 @rewayatyamania 🇾🇪


امل رجعت شقتها فتحتها ورجمت كل شي بتعب جلست ع الفراش وغمضت عيونها بيدها وهي تتذكر كلام علياء : احنا مخطوبين وكنا جينا نتزوج ! هو ما نسيك وكلامه عنك كان يقهرني

امل تكلم نفسها: حقيره حقيره حسبي الله عليش

: احسك قريبه مني ؟ تعرفي شعور المشتاق حسيته معك رغم انه اول مره اشوفك
:مره واحده بس وكذا فجأو بدون شي سالني هل انا اعرف واحده اسمها امل قلت له لا ليش
قال حلمت واحده بهذا الاسم قلت له كلنا بنحلم ناس ما نعرفهم

............

علياء: كلمتها كل شي اضطريت

عامر: كيف عرفت وليش

علياء تمشي وهي تتصل: فؤاد متاكده انه فؤاد قال لها وانها عندما جاءت كانت عارفه انه فاقد ذاكرته

عامر: وفؤاد كيف عرف ؟ مع فؤاد جاسوس بيننا بيطلع له الاخبار فتحي عيونك ع الذي بيشتغلوا عندك

علياء: وليش مش من عندك ؟

عامر: المهم قنعتي امل منه

علياء: قلت لها الحقيقه وهي قنعت ووعدتني بس ارجعه البيت

عامر: رجعيه يكون احسن عشان يكون تحت رقابتي كمان انتي وهو

علياء تقلب عيونها: يازعم مش واثق

عامر: طول ما امل عرفت انه رجع وانا مش واثق

علياء : هه ، لا تركز ع امل ؟ بالبدايه حاول تنهي فؤاد ، اشتي اعمل له صفعه عشان يعرف مع من بيلعب

عامر: خليه علي انا بصفعه انتي ركزي لي ع فارس وامل وبس

علياء: طيب نشوف ،

.................


علياء وصلت البيت وفارس كان منتظر اول ما دخلت: كيف صاحبتك

علياء شافت له بارتباك : الحمد لله تمام

فارس: الحمد لله

علياء جلست جنبه: حبيبي اقل لك شي بس تسمعني بهدوء وبدون ما تعصب

فارس شاف لها وهو ماسك الريموت وبيشوف التلفزيون: خير

علياء : طفي التلفزيون اشتيك تركز معي

فارس طفاه وحط الريموت ويشوف لها: علياء في شي؟

علياء: فارس صح انه انت فعلت حادث وكذا وما نحب نذكره بس وقتها انت سالتني عن اهلك وانا قلت لك انهم توفوا طبعا الدكتور الذي قال لي عشان كنت وقتها تعبان بس

فارس يشوف لها بحده: بس ايش يا علياء

علياء: بس انت معك اهل وهم ماصار فيهم شي وانا وانت اليوم بنروح نفعل لهم مفاجأه

فارس وقف بتفاجؤ : معي اهل ؟ طيب ما سالوا عني ما دوروني

علياء: الا سالوا كثير بس انا ما قلت عشان انت كنت تعبان

فارس: طيب فين هم ووين

علياء : غير ملابسك حبيبي ونروح سوا

فارس : طيب

................


نهى كانت بالمطبخ تطبخ دخلت عنود: مساءو

نهى بابتسامه:مساء الفل

عنود: ايش العشاء اليوم

نهى: ايش تحبي

عنود: جبن وزيتون

نهى تقلب عيون: عنوووود كل يوم ع هذا الاكل

نهى: ههههه احبه

نهى: فاصوليا

عنود: اف طيب

نهى : الا بسالك عامر جاء صح

عنود: ايوه

نهى تكلم نفسها : غريبه ليش جاء اليوم بدري

عنود:ييييه مالك

نهى: كيف لوما جاء اليوم بدري

عنود: مدري يمكن تعبان او شي

نهى وهي تطبخ: يمكن

....................


فارس طول الوقت وهم بالسياره وهو يسال: ايش اسم امي ، طيب اسم ابي ، معي اخوان ، طيب هم يحبوني. الخ وعلياء تجاوب

................


عامر جمع العائله كلها
عامر: يا نهى نننننهى

نهى: عنود هذا كانه عامر

عنود : ايوه

نهى ترد من المطبخ : ايوه

عامر: تعالي انتي وعنود

نهى: طيب اكمل اطبخ واجي

عامر بعصبيه: قلت تعالي ، طفي الغاز وتعالي

نهى: طيب

عنود: ماله معصب

نهى: مدري ايش في تعالي نروح

دخلين وعامر يتكلم: طبعا بقول لكم اليوم كلام يمكن يفجائكم

الكل يشوف له

عامر: فارس بيوصل الان هنا

ابو فارس وقف: لا يوصل بيتي ولا يدخل

ام فارس شافت لعامر والدموع بعيونها: سالتك بالله

ام عامر: من صدق

نهى تشوف لعنود وعنود تشوف لها: فارس

عامر مسك يد عمه: اسمع الى الاخير وبعدين احكم

ابو فارس: ولا اسمع ولاشي ، غايب سنين ولا ندري عنه شي والان يرجع ؟ ايش الدنيا بكيفه

عامر: يا عمي فارس فعل حادث اول ما وصل وهو كان يشتي يرجع وفقد الذاكره وما عاد تذكر ان عنده اهل والان احنا ضروري ما نقول له اي شي من الذي حصل لانه يمكن بتخسر ابنك بالأول والاخير ضروري نكمل ولا كانه صار شي

ابو فارس: حتى ولو هو سافر بدون أذننا

عامر: يرحم امك يا عمي افهمني لازم ما يعرف شي ولا كانه سافر بسبب شي

وهم يتكلموا دق الباب









📚 @rewayatyamania 🇾🇪

81 ✏️

الانكسار ما يجبره ندم

👌🏻👇🏻 😍
📚 @rewayatyamania 🇾🇪



الساعه 2 وليد صحي شاف الرسايل من عزام وضحك وبنفس الوقت ضبح على بنته لما شافها تبكي.

اليوم الثاني احلام خرجت من المستشفى.

في الليل وليد في الغرفه رقد واحلام وانغام وريحانه في المجلس احمد رجع القريه عشان عمله

انغام حاضنه البنت وتتحيلا لها.

احلام:أنا برقد وانتي حر بها مالي دخل.

انغام:تمام ارقدي ماعليش .

ريحانه قد هيه راقده.


في بيت ابو عزام .
عزام:ايش هذك الشبه بين مره وليد وأختها.

امل غمزت له:وايش رايك.

عزام:في ايش .

امل:في انغام .

عزام : من انغام.

امل : اووه منك انغام اخت احلام .

عزام رجمها بالدفتر:خبلا.

امل:احاكيك صدق.

عزام:خلينا من هذا الخبر واسكتي امي جايه لاتسمعش وتصدق.

امل : براحتك مايعجبك العجب.

أم عزام جلست:ايش الي مايعجبه.

عزام:ولا شي لا تسمعي لها .


اليوم الثاني ظهر
الباب بيدق.
انغام:انا بفتح يمكن وهو وليد.

انغام فتحت الباب.

امل:هاااي انا جيت.

انغام:هااايات نورتي.

📚 @rewayatyamania 🇾🇪

امل:وصلت من الجامعه سرت أديت من عند امي الغداء ورجعت.
ريحانه:الله يحفظكم احسن من الاهل قدكم .

امل:قد احنا واحسن.

احلام : انغام اطرحي الغداء وخلي لوليد لما يروح بيجي الان .

امل:ماعليش من وليد قد بيتغدا في بيتنا مع عزام .

احلام : خلاص تمام.

امل:ايحين بتسيري القريه.

احلام : أن شاء الله يوم السبت عشان الجمعه بنروح احمد من الحضانه .

امل:والبنوته القمر كيف حالها .

احلام ابتسمت : امل بخير تسلم عليش.

امل ضحكت:املللل سميتيها امل يامجنونه.

احلام : ايوه امل ونص أو مش عاجبش.

أمل : ماشي الاسم شوعه سميها اسم جديد.

احلام ابتسمت : بالعكس الاسم حلو وله معنى انه عندي امل كل شي بيتغير ويكون احسن.

انغام:ايش بيتغير قصدش .

احلام غيرت الموضوع:سيري جهزي الغداء بسرعه قدهو وقت.

انغام:تمام .


في الليل.
وليد : يعني خلاص سميتيهم الاثنين على مزاجش.

احلام : أو مش عاجبك.

ريحانه:ليش ماقالت لك انها سمتهم والا كيف انتو جيل هذا الزمن.

احلام بهررت له : إلا قلت له .

وليد : ايوه قالت لي بس امزح معاها.

احلام : المهم غدوه احمد بيخرجوه وانت ساير أشتري لهم سرير .

وليد : أن شاء الله خير وأحمد صحته تمااام التمام غدوه وهو عندش ازعجتيني ولدي ولدي غدوه شااهرب واخلي لكم البيت بيزيد الهرم.

ريحانه ضحكت : الله يسعدكم.

قاطعهم اتصال ساره وليد كنسل المكالمه ورسل لها رساله :فكرت أمس بتتصلي


توقعاتكم ايش بيحصل مع احلام في البارت القادم وايش بيتعب نفسيتها ويرجعها للحزن والوجع وكيف بتتغير حياتها للأسوأ



📚 @rewayatyamania 🇾🇪

🔘 108 🔘

الانكسار ما يجبره ندم

👌🏻👇🏻 😍
📚 @rewayatyamania 🇾🇪


انغام حضنتها وتبكي معاها:احلام الله يخليش لاتبكي والله مايستاهل من عيونش دمعه .

احلام : الآن هو معاها يشوفها ويمكن يلمسها ويجلس جنبها الان وليد يسمعها الكلمات الحلوة ويدفيها بحنانه وناسي وجودي انا وعياله.

انغام : احلام بس بس والله مايستاهلش وربي مايستاهلش خليهم يشبعوا ببعض الطيور تقع على أشكالها .

ريحانه في الصاله تبكي لبكاء احلام .

غسان زعلان عليهن وماعرف كيف يتصرف.


مر الأسبوع بأسوأ شعور لاحلام اهملت نفسها أكثر واهتمت بشغلها والجامعه وعيالها أكثر تحاول تتناسى باي طريقه وليد سار لعند ريحانه ترجع احلام ولها مصروفها هي وعيالها بس احلام رفضت ترجع لأنه صعب تشوفه يتجهز لعرسه وهو تشوفه بخيبه .


في يوم عرسه.
ساره بخبث:المهم ترسل لزوجتك دعوه عشان حرام مايكون اول دعوه معاها.

وليد:ماله داعي مابتجي.

ساره : عارفه مستحيل تجي بس لازم توصلها دعوه ..


احلام مسويه نفسها مش هامها تداوم عادي وماتبكي باي موقف وكأنها قدرت تتغلب على ضعفها لحبه.

عزام : امل هذه دعوه عرس وليد مكنيها لاحلام .

امل بعصبيه : بكل وقاحه يشتي يدي لها دعوه ايش قصده وصل صاحبك انه مش هامها وأنها بس جالسه بذمته عشان عيالها وبس.

📚 @rewayatyamania 🇾🇪

عزام : وصلته الف مره وقلت له أنه بيضيع من يده شي ثمين بس ماسمع قلبه يلعب فيه والدعوة منه امانه اوصلها لش توصليها.

أمل : تمام بوصلها وااكد له أن احلام اقوا من ما يتصور .

عزام : انتو أخبر .

امل طلعت الدعوة.

انغام : بكل وقاحه يرسل لنا دعوه .

ريحانه : ماعاد فيه احساس ولا هامه شعور بنتي حسبي الله عليه

احلام سحبت الدعوه من يد امل وبكل قوه قالت:وانا قبلت الدعوة وبحضر العرس وزي ماكان همهم يقهروني بدعوه بيكون همي اصدمهم بوجودي بعرسهم.

امل ابتسمت : انا فدالش ايوه انا اعرف احلام هكذا قويه .

احلام بقهر وكبرياء:وعادش ماشفتي شي.

احلام وامل وانغام في الكوافير.

احلام حاسه بضيق العالم كله بصدرها بس تخفي ملامح حزنها بالمكياج.

وليدو ساره بالصاله بيتصوروا بعد الزفه .

احلام دخلت بفستان ضخم ومكياج ناعم.

وليد شافها تفاجأ بيشوف لها دقات قلبه تسارعت.

احلام تمشي لعندهم .

ساره انصدمت:هذه زوجتك صح.

وليد : ايوه .

ساره : بكل وقاحه تجي.

وليد : لو سمحتي بلا مشاكل انتي قلتي نرسل لها دعوه وهي جت.

ساره ضبحت.

احلام بابتسامه بارده وقلبها نار مدت يدها لوليد وبعده ساره:الف مبروك الله يسعدكم لايقين لبعض أكثر من ماتوقعت.

وليد ارتبك.

ساره بغرور:الله يبارك .

ساره شافت وليد كل حواسه مع احلام بيشوف لها بنظرات قويه.

ساره مسكت يده عشان تقهر احلام .



📚 @rewayatyamania 🇾🇪

🔹
138
🔹

الانكسار ما يجبره ندم

👌🏻👇🏻 😍
📚 @rewayatyamania 🇾🇪


ساره ارتبكت:هاه لاخي ضبحتني زوجته وتصايحنا(سكرت الاتصال)

وليد : اها تمام قومي جهزي العشاء

ساره ابتسمت : من عيوني

وليد :تسلم عيونش ياعيوني

وليد: ساره ضابح في روحي اشتي تنسيني

ساره:عيوني لك بس اجهز العشاء وارجع.

وليد : كل لحظه والتلفون معش ليش بيهرب يعني.

ساره : احب هكذا ماعليك مني.

الشخص بيتصل ساره تكنسل خايفه تحظره ينفذ تهديده لها.

وليد خرج من الحمام بيدور وين رجع تلفونه.

وليد دخل المطبخ : ساره هاتي تلفونش اتصل منه.

ساره ارتبكت : هاه ليش ولمن اتصل من حقك.

وليد ركز لخوفها: تلفوني مدري أين رجع وليش ارتبكتي.

ساره ابتسمت تحاول تضيع عليه انتباهه:حياتي انا بتصل لأنه صديقتي باي لحظه بتتصل لي.

وليد : اها تمام اتصلي.
وليد بدأ يلاحظ ارتباك ساره إذا قرب من تلفونها دخل فيه الشك فحب يتأكد عشان مايظلمها.

وليد شافها مندمجه مع الفلم تلفونها بيلمع اتصالات واصل .

📚 @rewayatyamania 🇾🇪

ساره ردت:هاه ايوه بعدين بتصل لش والا غدوه باي.

وليد ركز انها ماغلقت التلفون : ساره قومي جيبي لي ماء

ساره : حاضر

ساره قامت وليد شل التلفون ودخل به الحمام .

ساره خرجت من المطبخ جلست تكمل تتابع الفلم ما انتبهت ان التلفون مش موجود.

وليد شاف تلفونها صامت فيه اتصال من رقم غريب رد وهو ساكت.

الشخص:ساره اكره لما تسكري لوجهي هكذا كم مره فيني اصبر للزفت زوجش لما يخرج .

وليد حس الأرض تحركت ماعاد شاف من حوله شي جلس بطرف الحوض وسكر
دخل للواتس شاف أكثر من رقم.

لفت انتباهه آخر كلمه من رساله منال:بتدمري بيتش صح رسايل بس بت.

دخل للمحادثه يقرأ الرسالة شاف الرسايل بيطلع لأول رساله نبضاته تتسارع كلام ساره وهي تتمهزل عليه وتقل لمنال انها بتمثل عليه وماتحبه شاف سبب زواجها منه وايش اخوها لقي منها خرج من المحادثه مثل المجنون بيقرا كل المحادثات شاف محادثه صديقتها ساره بتقلها بطلع احلام من حياته وببدا اهتم فيه وانسيه اياها كلام كثير حس نفسه سخيف ورخيص من كلام ساره للكل عنه شاف صور شباب وصورها وهي ترسل للبعض حس بصدمه ماقدر يستوعبها.

وصلت رسالة:حياتي لما يخرج الزفت رني لي مثل كل مره.

وليد شاف الرسايل ومن ضمنهن:المهم قدرت لخطتي وفرقت بينهم مقلع يقلعها وانت عرفت تمثل هههههه ..... كل مخططها كان موجود وكل الاعيبها وغزلها.

خرج من الحمام بيصيح ساااره ياحقيره ياكذابه يارخيصه.


عند احلام اجتمعين في الصاله بينسنها حالتها وزعلها.

فرح:يااحلام انا أتقدم ليد ابنش احمد لبنتي.

ريحانه وانغام ضحكين

احلام من غير ضحكه:من غير زواجه احسن لها يمكن يطلع مثل ابوه ماعنده قلب .

انغام :



📚 @rewayatyamania 🇾🇪

🔹
139
🔹

الانكسار ما يجبره ندم

👌🏻👇🏻 😍
📚 @rewayatyamania 🇾🇪


احلام من غير ضحكه:من غير زواجه احسن لها يمكن يطلع مثل ابوه ماعنده قلب .

انغام : ماااشي بيطلع لامه والا لخالته انا فداله.

احلام : امل بتوقع مثلش قد بتقلش مامه وتقلد حركاتش بتعلميها الجنان تطلع لسانها وتجنن ساعش.

انغام ضحكت وحبت امل بيدها:ايوه هذه بنتي مالش دخل .

احلام ابتسمت مجامله : جننيها وإذا تزوجتي ارجع احنب بها انا .

انغام : مابتزوج شابعه دنيا .

احلام : يله بسير ارقد إذا رقدوا دخلتيهم.

كلهن:تصبحي على خير.

احلام تتذكر وليد وكثير لحظات معه نزلت دموعها بالم


بشقة وليد

ساره قامت بخوف من صياحه:ايش.

وليد رجمها بالتلفون:كل الاعيبش انفضحت يارخيصه.

ساره بخوف : وليد انا.

وليد قاطعها بكف واثنين وثلاثة بيضربها من غير اي رحمه وكأن حبه لها تحول لوحش ساره تصيح وتحاول تهرب منه بس ماقدرت.

وليد بصياح:دمرتي حياتي خليتني اشك باطهر انسانه لعبتي فيني وبقلبي خليتني مسخره قدام كل اصحابش صور مواعيد وحتى حبش لي كان كذب كذب كذب كل شي كذب(بيضربها بكل قوته ساره اغمي عليها)

وليد جلس على ركبه بيصيح:حقيره خسرتيني احلام ام عيالي دمرتيني انا ايش سويت بحياتي عشان كل هذا يحصل لي ايش ايش قام دخل للمطبخ جاب ماء نزف وجه ساره بكل قوته.

ساره بخوف وبكاء :وليد صح انا غلط بس تبت وتغيرت.
📚 @rewayatyamania 🇾🇪

وليد ضحك بصوت عالي وكأنه فقد عقله :تبتي وانتوا تتكلموا لليوم انتي قتلش حلال .

ساره ببكاء : وليييد افدي ارجولك لا تكلم اخي .
(مسكت ارجله تبكي)

وليد مسكها من شعرها:اششش لااسمع صوتش المقزز ياحقيره اجي غدوه الصبح وانتي مش موجوده بالشقه وكل حياتي والا اقسم بالله لا اشرشح بش قدام خلق الله دهفها انتي طالق طالق طالق
وخرج يمشي بسرعه نزل للشقه.

ساره تلطم وجهها وتبكي لأنها عارفه العواقب من اخوها وزوجته:الله لا يوفقك يااصيل جعلك ماتتهنى بحياتك كل اللي وصلت له بسببك الله لا يوفقك انا تدمرت وكله بسببك جلست تصيح وتبكي.

وليد في غرفة احلام بعد ما نظفتها انغام واحلام شلت كل اغراضها بس بقت الملابس اللي كانت تلبس له لأنها ماعاد تحتاجهن.

وليد تذكر كيف ظلمها تمنى لو انه ميت ولا ضرها نزلت دموعه وجلس يبكي مثل الطفل ويتحسر على أيامه وسنينه مع ساره تذكر كلمه احلام لما سمعته يكلم ساره:يجيك يوم وتحس بنفس الشعور حسبي عليك الله هو قادر يأخذ حقي منك
زاد وجعه حاسس نفسه مخنوق ماعاد فيه اكسجين

خرج من الشقه تايه اشترى سجائر ورجع بيشرب السجائر بتهور وكأنه يشتي يحرق اللي يحسه بقلبه .
ساره تبكي بحسره وندم وتعب كل جسمها يوجعها تابت بس توبتها تأخرت واراد الله يفضحها.

مرت الليله كئيبه حزينه لكل واحد فيهم الكل تنزل دمعته




📚 @rewayatyamania 🇾🇪

.
🎀 141 🎀

الانكسار ما يجبره ندم

👌🏻👇🏻 😍
📚 @rewayatyamania 🇾🇪


وليد في الشقه بيشرب السجائر ويفكر بكل لحظه وبكل موقف بيتذكر حركات ساره وتهربها منه كلامها معه ضحك على نفسه بوجع:اين كنت أين عقلي بنت لعبت عليا وانا اللي قلت محد يحبني غيرها وانا الي حلمت بزواجي منها طلعت اهبل لعبت عليا ااااخ بس ليت الزمن يرجع لورا والله مااخلي دمعة احلام تنزل ولا اخلي ساره تدخل حياتي بس ايش ينفعني الندم بس احلام ماخسرتها برجعها لي عاد معي فرصة الحمدلله ماطلقتها (تنهد وشرب السجاره بقهر)

مر اسبوع وليد كل يوم بيشوف احلام وينتظرها وهي طالعه وهي نازله بس تتجاهله وليد يرسل يتصل بس احلام حذفت الواتس طلعت الشريحة وفعلت شريحه ثانية.


في بيت عزام.
أم عزام : مش ناوي نخطب لك الجامعه وخلصت والشغل تشتغل ما شاء الله عليك ايش عاد منتظر.

عزام ابتسم : قد كنت ناوي اكلمش في الوقت المناسب خلاص اخطبوا لي .

امل فرحت:في نفسي واحده لك .

عزام : وانا ما اشتي اللي في نفسش اشتي اللي في نفسي.

أم عزام : ومن تشتي.

عزام : انغام بنت عمي احمد .

أمل فرحت:وانا في نفسي هي .

أم عزام : خلاص وانا بعدكم البنت ما شاء الله عليها غدوه نسير ونكلم امها وخالها.

ساره بعد ما روحت من المستشفى نفسيتها تعبانه ومغلقه على نفسها وكل يوم تسمع كلام جارح من زوجة اخوها استسلمت لحزنها ويئست من كل حياتها.

📚 @rewayatyamania 🇾🇪

في اليوم الثاني في الجامعه .

مهران قرب من امل:امل اشتي أقلش بشي بس خايف تفهميني غلط.

امل انحرجت:خير مابش بيننا كلام لو سمحت مش انا مثل أي بنت عشان اكلمك .

مهران:من الاخر انا معجب بش واشتي.

امل بربكه قاطعت:احترم نفسك لو سمحت اللي يشتي يجي من الباب وبطل كلام فاضي.
امل مشت

مهران انسحب بكل هدواء

في الليل امل كلمت احلام بخصوص انغام وعزام

احلام فرحت لأنها عارفه عزام رجال وطيب وابن ناس.

مر الأسبوع تقدموا لانغام وتمت الخطبه والعقد والزوج في آخر الشهر بدأوا التجهيزات والكل فارح بس احلام كل مامرها فرح وليد ينكد عليها بملاحقته واسفه واعتذاراته بس احلام دعست على حبها لأجل كرامتها.

بيوم العرس كلهن في السياره بالطريق للصاله.

وليد بيراقب احلام من بعيد

عزام حاول يعرف ايش سبب طلاقه لساره بس وليد خلاه سر بداخله احترام للأيام اللي كانت بينهم واحترام لأنها كانت بيوم من الايام زوجته محد عرف قصة خيانه ساره ابدا .

في الصاله بيزفين انغام ويرقصين ويجننين

في الزفه انغام حضنت عيال احلام وبكت لأنها تعلقت فيهم

ريحانه تبكي .

بعد الزفه كلهم مروحين .

احلام خارج الصاله مع امل منتظرات البقيه يخرجين .

احلام : تاخرين وينهن.

امل : تعالي لعند السياره .

احلام وامل مشيين




📚 @rewayatyamania 🇾🇪

البارت 84


وجع الماضي اسعدني
👌🏻👇🏻 😍
📚 @rewayatyamania 🇾🇪



محمد : اجيب لك حياتي كلها بس ممكن طلب انك ماتجرحيني بكلامك وتسامحيني على كل شيء صار بسببي

ندى : الآن انا جاااوعه وماافكر بشي

محمد: مابتأكلي شي لمن تقولي لي سامحتك
فجأه دق جوال محمد

أحمد : اختي في الباب كلم ندى تفتح لها

محمد: طيب بفتح لها الان
خرج محمد يفتح الباب وندى بتفكر فيه 《سامحني فأنا لا استطيع ان اكرهك لانك كنت حبيبي
ولا استطيع ان احبك لانك لست نصيبي 💔》

خرج محمد يفتح لها وخرج عند أحمد

اميره دخلت عند ندى وهي مشتاقه لها كثير لها ماشافتها من قبل العرس

اميره : طمنيني عنك وينك مغيبه

ندى : بخيره كنت مشغوله سامحيني ونزلت راسها

اميره: ندى فيك شي

ندى : لا بس مااقدر استحمل اشوف محمد مع غيري

اميره : استحملي ولا تضعفي انتي اميره اللي اعرفها قووويه مايهزها شي

ندى : بس محمد فرق خلاني اضعف واحدة في الدنيا

أميره بتحاول تغير الموضوع عشان ماتبكي ندى
: اوووووه فتحتي بقاله او كيف

ندى ضحكت : بقاله ايش

اميره : خلاص بكون كل يوم اشتري منك

ندى : هههههههه لالا هذا من وسكتت

اميره : من من

ندى : من محمد

اميره : كيف تحسي محمد معك

ندى : يحبني بس بعض الاوقات مدري ايش يصير له

اميره: اكيد يحبك بس يحاول يخفي مشاعره عشان انه مزوج ذلحين

ندى: اخ الله يأخذها زوجته وربي انها شيطانه

اميره : ليه ايش في

ندى : اليوم دهفتني من الدرج ودوخت

اميرة مسكت على صدرها: ايش وكيفك الآن

ندى : تمام لاتخافي

اميره : محمد عرف

ندى : لا بس لمحت له عشان يعرف بنفسه احسن

اميره: حلو اللي سويتيه الله ينتقم منها

ندى: طلبتك طلب

اميره: تامري ماتطلبي انتي

ندى: باقي لي هنا يمكن 4شهور او3شهور شوفي لي فلوس اجيبها لهم عشان اخذ القلاده وأدور على عمي

اميره مستغربه : عمك ........



📚 @rewayatyamania 🇾🇪

کـانـت لــي

البــارت 119 💔

👌🏻👇🏻 😍
📚 @rewayatyamania 🇾🇪

انتصار فكرت الشتيمه لها لانها
قاطعته عن شغله: من هي؟؟

احمد طفى السجاره ورد: السجاره ..

انتصار : طيب جيت اقلك اني اتصلت لها وهذا اللي عرفته قلته لك.

احمد :كيف رجعت بعد ما... ((خانها)) وكمل الجمله ف عقله وداخله علامات استفهامات : ليش رضيت ورجعت بعد كل اللي فعله ! اكيد بتحبه ، وياريتها ماعرفت الحب معه وعرفته مني كانت فرقت حياتها مثل الفرق بين السماء والارض..
كانت باتعرف الحب مش الاستغلال باسم الحب..

انتصار ضبحت من تطنيشه وانشغاله باللابتوب : احمد لو معك عمل خلاص بنزل.

احمد لفت لها : ايش اهم شي بنظرش في حياة البنت مع زوجها ؟؟

انتصار استغربت من نوع سؤاله المفاجئ: مافهمت ؟

احمد : يعني انتي لما تتزوجي ايش اهم شي يكون متواجد في الشخص اللي بتتزوجيه ؟

انتصار انحرجت : مدري

احمد : ردددي مش وقت الخزا.. احترررت انا في عقولكن

انتصار : اهم شي يحبني ويحترمني.

احمد رجع يسرح ومستغرب في نادين: ليش ؟ رضيت بشخص ما احترمها والي فعله دليل انه مايحبها من البدايه ليش.

انتصار : المهم الله يسعدها ويتمم لها حملها ع خير.
يله يا اخي ماتشتي شي.

احمد زي اللي انسدت نفسه وتقفلت الدنيا في وشه : ولا اشتي شي تسلمي.

انتصار حست بزعله والصدمه بس حبا في اخوها حبت تطرحه امام الامر الواقع عشان يقتنع منها ويعيش حياته: نزلت بدون ماتكلمه بشي ثاني..


ف الجامعه..

نديم بيضحككك ويتكلم مع اصحابه..

غاده دخلت الكافتيريا وبتسلم ع البنات شافت نادين حست بقهررر وضعف وهزيمه حست ان هذيك اللي واقفه سبب تعاستها وجت لها خطه تعكنن عليها راحت مشيت ووقفت قدامه من بعيد.

نادين شافتها وبدأت تعرف وتفهم حركاتها المستفزه مشيت لاعند بسمه : اشتي منش خدمه تسيري تجابريها ..اشتي تتقربي منها بيني لها اني انا وانتي خلاص
مش صاحبات مثل الاول..

بسمه : ليششش ابردي لش منها؟؟

نادين : اشتي اعرف عنها اكثر واعرف اللي كان بينهم.

بسمه : طيب بس مش الان عتحس انها لعبه..

نادين : لا لا بالعكس الان سيري وقلي لها اي شي انش مصدومه فيني تغيرت وو اي شي يابسمه تصرفي .

بسمه : طيب بس ما اوعدش تتم اللعبه هذه لاني فاشله ف التمثيل .

نادين : عادي ماشتيش ادي لها وله فرصه يلمحوا بعض.. كلميها جابريها

بسمه : حاضر.

نزل الدكتور من الدرج والطلاب متجمعين ف الممر بعد ماشافوا نتايجهم ..الشباب مع بعض بيتجابروا والبنات على يمين الدرج جالسات ع جنب.

لمح نادين من بينهن بغرور رد السلام : سلام ياطالبات كيف النتايج ؟

نادين واقفه جنب صاحباتها بدون ماترد.





📚 @rewayatyamania 🇾🇪

کـانـت لــي

البــارت 179 💔

👌🏻👇🏻 😍
📚 @rewayatyamania 🇾🇪

مدير القسم امر بحبس الشباب ونديم على ذمة التحقيق بعد ما اعترفوا انه حرضهم على نديم وعلى اصابته لنديم والافراج عن سيف بغرامه لحمل السلاح..

سيف روح وقلبه بارد فيه انه تدبس في مشكله احمد والشباب والان خلص دوره مع نديم وبينه وبين نفسه الرجال ماكان عليه غلط الغلط على اختي الان اللي تشتي تربيه من اول وجديد اذا ماخليتها تتمنى الموت ...


في المستشفى..
الضابط بيحقق مع احمد ..
احمد : تم يفهمه على كل شي بعد ماحكى له ان بينهم مشاكل ..

الضابط :من التحقيق وان المسدس مش حقه كانت الضربه بالغلط انت تعفيه يخرج بكفاله او لا ؟

احمد بحقد على اللي عانته نادين وانه سرقها منه ودمر نفسيتها مش حقد على الرصاصه اللي في يده..: لا يحتبسسس

الضابط : المهم بعد ماتتحسن عيفعلوا جلسه ويستدعوك ساعتها تقرر

احمد : مشكور

انتصار دخلت عنده بعد ماسالت عليه كل الاقسام ..

خرج الضابط وانتصار دخلت وهي بتبكي.: يوو يو ماوقع بك يا اخي

احمد : مابش شي تطمني لاتكلمي نادين

انتصار : قد عرفت

احمد : من قال لها !

انتصار : الحارس قال انك تصوبت

احمد : مش عارفه من السبب!

انتصار: لا محد عارف بس شكينا انه نديم بعد ما جاء لعندك.

احمد : يلا خير مصيرها تعرف مع من كانت عايشه بس انا عشان نفسيتها مش متحمله وعشان لاتزعل عليه مايستاهل كل اللي فيها بسببه ومتأكد انها عتزعل عليه.

انتصار ماسكه وشها: يااا ساتر بس اليوم عيجي عمي يعلم الله ماعيحصل

احمد : ايش ماحصل ولا ترجع له الكلب هذا

انتصار : مستحيل ترجع له نفسيتها زفت منه واكيد عتطلق.

احمد : كيف هي اليوم ؟

انتصار : مالها شي بس بتبكي على الجاهل

احمد : قدو خير من الله اللي حصل له .. مايتعذب بين اب خاين وام صابره على ظلمه..

انتصار : قد مرت عمي كلمت عمي وجاي
في الطريق الله يستر بس.

احمد : انا مابش فيني شي الحمدلله الرصاصه سطحيه ومراعي للدكتور عشان اروح..

انتصار : الحمدلله قد خفنا عليك

احمد : انتي ومن ؟

اتتصار : نادين

احمد : الله يقويها ويخفف عنها اللي هي فيه

انتصار : ويحفظك من كل شر دخلت نفسك في مشكله مع الكلب زوجها


في بيت اهل نديم..
ام نديم بتبكي وتصيح : يو يوووو يوقع هذا كله في يوم وليله واحنا ولا لنا حسسس

ابوه : يستااااهل الكلب هذا خليه يتربى ولا واحد فيكم يعبره

مرته : ابنك محبوس ياحج بغير جنان

زوجها بعصبيه : ولا لحد دخل ولو تكلمي اخوتش انه من بلاش...





📚 @rewayatyamania 🇾🇪

البـارت 14 ❣

النصيـب للجبنــاء

👌🏻👇🏻 😍
📚 @rewayatyamania 🇾🇪


طبعا لان بيتهم بعيد وصلين متاخر فجلسين في الصفوف الاخيره دخل الدكتور عرف بنفسه وبدا يدي لهم نصايح

الدكتور: انتوا الان طلاب جامعه وفي اصعب الكليات الكليه اللي فيها المتميزين لازم تقدروا حجم المسؤوليه الكرسي اللي انت جالس فيه كان حلم لالف طالب بس بمجهودك واراده الله انت فيه لذلك لازم تبذلوا قصارى جهدكم في البدايه بتحصلوا صعوبه لكن لازم تجدوا بنحاول احنا مانتكلم انجليزي كثير عشان الاغلب يفهم وبدا يشرح المحاضره. .

خرج الدكتور ساره التفت لغدير

ساره: فهمتي شي 😢

غدير :شويه بالرغم اني كان باقي لي دوره للتوفل لكن لا تصدقي ان اللي درس انجليزي بيفهم الطب اغلبه لاتيني

ساره ارتاحت شويه: يله ربي يعيننا

دخلت الدكتوره وقالت بتعيد المحاضره حق امس بحكم اغلب الطلاب غايبين وبدات تشرح كانت دكتوره لطيفه كملت المحاضره وقدو وقت يروحين

ساره: اووف ع تعب

غدير :صدق وبعدين شوفي كم احنا الدفعه كبيره

ساره: مااتوقع شاحفظ اسم احد هههههه


مر اسبوع من الدوام بدون احداث الا ان ساره تروح تحاول تذاكر والترجمه تضيع وقتها اكثر استاذنت من ابوها فتح لها واتس عشان اخبار الجامعه وبعدها فتحت فيس

الاسبوع الجاي حاولين يداومين بدري يجلسين في المقدمه ..

ساره : اخيرا جلسنا في الاول نشوف كيف الاستيعاب من هنا

جاءت طالبه لعنده وقالت: غديرر

غدير: روان حيا كيف انتي

روان :الحمدلله
(طبعا راون صديقه غدير من صف ثالث ثانوي درسين بنفس المدرسه )

غدير :ايوه ايش بتدرسي

روان: معاكم طب بس منحه وتاخرت المعامله اول يوم داوم لي فين جالسه

غدير :هنا التفتت يمين شمال تدور مكان لروان مالقت وقالت انتي فين جالسه

روان: في الاخير

غدير التفتت تكلم ساره : ساره انا برجع وراء مع روان بتجلسي هنا عادي او ترجعي معانا

ساره: لا عادي يلا الدكتور دخل

رجعت غدير وروان الخلف وساره مكانها حاولت تفهم بس حست بغرابه متعوده ع غدير جنبها واذا مافهمت شي من الانجليزي تحاول غدير توضح لها
كملت المحاضره وخرجين يصتبحين ....

مرررت الايام وصارت غدير وروان وساره صديقات مقربات وكان ساره وغدير يحجزوا لروان معاهن ....



بعيدا عن الجامعه واحداثها نرجع لبيت ساره
ام ساره: خلود اتصل خالش وقال يشتوا يتقدموا لش لابنهم عامر

ساره بمزح: الله الله يخطبوا الصغيره قبل الكبيره امه اسمحي لي اخوش مايعرف الذوقيات ههههههه

ام ساره :الولد اصغر منش بعدا انتي تشتي تدرسي ودخلتي طب

ساره: هههههه انا داريه بس امزح يهي يهي ي خلوده وكبرتي وجوا لش خطاب

خلود: خير انا افكر واردكم خبر

(طبعا عامر كمل الثانويه وبيشتغل مع بيت جده في حقهم المؤسسه وبيت خال ساره عايشيين في القريه وقريب بينتقلوا لصنعاء)

ام ساره: خلود هيا ماقلتي بيقول خالش عيجوا من القريه يزورونا ويتكلموا من الخطوبه

خلود: الصدق يمه مش انا موافقه

ام ساره: طيب بس ماعنقلهمش هكذا قدنا فاقده لاخي خليهم يجوا نبسرهم (ام ساره كان قصدها انها بترجع تقنع خلود مشي داريه ماعيحصل)


ابو عامر بيتصل لاخته
ابو عامر: ها اختي كيف حالكم وزوجش والبنات

ام ساره: الحمدلله في خير ناقصنا شوفتكم

ابو عامر: يلا قد عنجي في اجازه نص السنه ماقالت البنت

ام ساره: حياكم الله ماعتقل فين عتلقى مثل عامر


جاء وقت اجازه نص السنه وساره معها امتحانات ترم اول قبل اخر ماده بعد الامتحان في الكليه
ساره: اووف مش انا مصدقه قد عنكمل

غدير : والله صدق بعدا بيدوا لنا اسبوع بين الماده والماده عاد بنتخارج نذاكر بس احيانا احس اشتي اخلص ليش اسبوع

روان: الصدق الاسبوع للي مثلنا ضاع الترم ترجمه قليل بس المذاكرين خيرات

ساره :هانت يلا نسير نصتبح

البنات: يلا قد احنا جاوعات

روحين البنات وهذاك اليوم اتصل خال ساره انهم عيزوروهم بعد يومين


اليوم اللي جاء خالها ادى معه زوجته وبنته وخالة الولد

ام ساره: حياكم الله شرفتونا

ام عامر: الله يحييش وين البنات

ام ساره: الان يجين

دخلت خلود قدمت العصير

ام عامر :ماشاء الله ع عروستنا

خلود ضحكه مجامله: شكرا ي خاله

ساره دخلت سلمت عليهن وجلست شويه وسارت تذاكر لان معها اختبار بعد بكره اخر ماده


في المجلس عند الرجال
ابو عامر: كيف حالك ي نسب

ابو ساره: الحمدلله انتوا كيف انتوا والقريه

ابو عامر: الحمدلله في خير القريه جنه هذا الايام مع الامطار

ابو ساره :صدق جوو القريه ثاني

ابو عامر: اعتقد اختي قد حاكتكم ان احنا جينا طالبين يد بنتكم خلود لابننا عامر وهذه بنتنا وهذاك ابنكم ماقلتم

ابو ساره;والنعم فيكم لكن نشاور الاهل ونردكم خبر

ابو عامر: استعجلوا شويه قد انت داري ان احنا ماعنطولش نشتي نرجع القريه ولو به نصيب تقع الخطوبه غدوه

ابو ساره :خيرر

روحوا الضيوف ابو ساره دعا خلود لعنده ....












📚 @rewayatyamania 🇾🇪

البـارت 46 ❣

النصيـب للجبنــاء

👌🏻👇🏻 😍
📚 @rewayatyamania 🇾🇪


كملت الاختبارات النظري والعملي والبنات قد طاقتهن صفر ثلاثه اشهر اختبارات

زين جت قبل ماتكمل الاختبارات بشهر بس ماقد لقت ساره قالت بتخليها تذاكر وبعدين بيلتقين

اخر يوم اختبارات ساره سارت عند زين

زين: حيااا حيااا قدنا فاقده لش

ساره حضنتها :الله يحييش وانا اكثر والله

زين: كيف اختباراتش

ساره: الحمددلله عدت في سهل وكان في صعب بس تخارجنا

زين: الحمدلله ايوه ايش جديدش

ساره: كانها رجعت للخلف بس لازم تحكي لزين كل شي
فحكت لها كل حاجه

زين: كل هذا يطلع من كرم الله يقلعه التافه

ساره بحزن;: ابردي طوز اصلا انا قد نسيته

زين: الله يعوضش ي صاحبتي والله ان انا ماارتحت لعايلتهم ولحياتهم بس كنت اقول سهل هي بتتزوج كرم مش عايلته لكن في الاخير اكيد العايله جزء من العيشه وعتتعبي معاهم

ساره: الله يسعده ويبعده

زين: عاد هي بتدعي له

ساره: طوز واصلا هو كان درس وانا كان لازم اشكره علمني حاجات خيرات

زين: ولمياء

ساره: مالها لمياء مالهاش دخل في علاقتنا انا ولمياء علاقتنا قدي قويه خصوصا بعدما اتخرجت فعلا كانت الدراسه ماتخليهاش تتواصل باحد من المحيط حولها

زين: خير الله يسعدش وحضنتها كل هذا حصلش وانا بعيده

ساره: سهل مشو بيدش وبعدا انا ربي بيحبني معي صاحبات خيرات بيعوضوني عن كل شي. .نوال وروان ماقصرين وبقيه الشله بالرغم مش عارفات بس كان يغيرين لي جو وشله المدرسه واصل كنا نتكلم واخرج من الضبح والتفكير

زين :الحمدلله انتي تستاهلي كل خيرر

سااره سجلت بمعهد تمريض ومجارحه عشان تستغل الاجازه وماتستسلم للفراغ لانه كان دايما يذكرها بكرم كانت دايما تحاول تشغل نفسها


مررت شهرين وساره مازالت يوم قويه ويوم تستسلم للذكريات وبعدين طبعا السنه الجديده بدات لها شهر بتداوم

خلود: ساره فاضيه

ساره كانت بتانتر في التلفون طرحته والتفتت لعند خلود: افضي نفسي عشانش

خلود: تسلمي مابلا كنت اشتيش في موضوع

ساره: خير

خلود: طارق كلمني قال اجي بكره قبل المحاضره بربع ساعه يشتيني في موضوع

ساره: ماقالش ايش الموضوع

خلود: ماشي والله

ساره: خير ابسري بكره مايشتي بس اتكلموا في الكليه يعني لا تدخلوش الكافتيريا وكذا

خلود: اكيد اكيد

خلود بتفكر ي ترى مايشتي طارق

وساره بتدعي ياربي لا تعلق اختي بذيه طارق بنبسرها مهتمه به


طارق &خلود

خلود: سلام خير ايش في اقلقتني

طارق: خلينا نمشي للقاعه ونتكلم في الطريق

خلود: طيب تفضل

طارق: والله مدري من اين ابدا بس ي خلود الصدق انتي الوحيده اللي ارتحت لها وحكيت لها كل همومي ووقفت معي

خلود: عادي هذا واجبي

طارق: خلود انا بين احبش

خلود كانه انسكب فوقها ماء بارد انصدمت: ايشششش

طارق :مثلما سمعتي

خلود: بس انت داري ان انا مخطوبه

طارق: ماافعل لقلبي بعدا اقتله هذا خطيبيش

خلود: طارق مااسمح لك انا اعتبرتك اخ وزميل فقط لا غيرر

طارق : خلود لو سمحتي فكري بكلامي

ومشي وترك خلود في صدمته من جهه هي ماتنكر اعجابها بطارق ومن جهه عامر واللي عرسها به باقي له كم شهر


روحت خلود وهي مهمومه وامها لاحظت قلب الام

ام ساره: خلود بنتي مالش اليوم مطننه وسارحه

خلود بضييق: ولا شي يمه بس قد الاختبارات قريبه وتاعبه

ام ساره حاسه به شي: طيب سهل الله يوفقش ي بنتي

ساره بتغسول بعد الغداء دخلت امها المطبخ

ام ساره: ساره بنتي خلود فيها شي مالها تيه الفتره مش عاجبه لي

ساره بقلق يعلم الله ماقال لها طارق: مالها ولا شي يمه تطمني اكيد تعب من حق الجامعه

ام ساره: مدري بنحس فيها شي او ماتشتيش عامر وقد العرس قريب انا مااشتيش اغصبها ع شي بس والله اني بندور مصلحتها

ساره: اكذب عليش يمه لو اقل تشتيه يعني عادي لا تشتيه ولا هي رافضه له بس قصه الصلاه تيه بتخليها متردده

ام ساره: مالصلاه سهل هي محافظه على صلاتها اكيد عيستحي منها ويصلي

ساره: ع الله الله يختار لها الخير

ام ساره: كملي عملش ونزلتي لعندها مدري وتحاكيش

ساره: حاضر

ساره تمت عملها وفتحت على خلود اللي بتحاول ترقد

ساره: خلودي راقده

خلود: ماشي ادخلي

ساره: خير مالش مهمومه

خلود احتارت تقلها او تسكت خصوصا ساره حذرتها خيررات

ساره: ييي من بنحاكي

خلود: ولا شي

ساره: ع من هذا الكلام بسرعه تحاكي مايشتي طارق

خلود تلبكت: ها ....














📚 @rewayatyamania 🇾🇪

البـارت 48 ❣

النصيـب للجبنــاء

👌🏻👇🏻 😍
📚 @rewayatyamania 🇾🇪


بعد مرور اسبوعين
حنان دخلت قروب الشله والكل

وكان لرمضان هذا ساره بتكمل سنه منفصله عن كرم


حنان& ساره

حنان: سارونه كيفش

ساره: الحمدلله

حنان: مابتفعلي

ساره: ولا شي مركبه السماعه بنسمع اغنيه

حنان :مابتسمعي

ساره: اغنيه تذكر زمان يحيى عنبه

حنان :مااعرفهاش رسليها

ساره رسلت الاغنيه

(تذكر زمان حن قلت لي
حبي وصل حد الجنان
ووقتها اقسمت لي
انك عتغمرني حنان
واني انا لك وانت لي
ومايفرقنا الزمان
واليوم سنه مااشتقت لي
ولا سالت اين جاء فلان
ولا اتصال سويت لي
غريب كيف الحب هان
من بعد ماسعرك غلي
وكنت في قلبي مصان
تذكر زمان حن قلت لي
حبي وصل حد الجنان
الان بس اثبت لي
ان الغلط حب الجبان
وانا بحبك مبتلي
قد غرني قول اللسان
صدقت ماقد قلت لي
وبالاخير الغش بان
تذكر زمان حن قلت لي
حبي وصل حد الجنان)

حنان: الله حزززينه تاثرت

ساره: ايووه حاليه

حنان :ساره

ساره: عنونها

حنان: تسلم لي عيونش حاسه وراش قصه احكي لي

ساره بتغالط: ولا قصه ولا شي عتطلع قصه من اغنيه

حنان: ساره مش عليا

ساره حست اني بحاجه تتكلم ولو كلمت زين او نوال اللي داريات بيقولين سنه وعادي ذاكره فقررت تحكي لحنان
.
.
.

- حارب دائما من أجل الأشياء التي تحبها .

**
ساره: وهذي قصتي

حنان: ي قلبي عليش طوز فيه والله مايستاهلش

ساره: خيره الله هو اصلا ماحبني والا كان بيحارب عشاني

حنان: لا باين كان يحبش بس مابيده النصيب

ساره: هههههه حتى انتي بتصدقي للنصيب
اصنع حربا من اجلها فالنصيب للجبناء

حنان: اكييد في الاخير هذا نصيبكم

ساره: ي حلوتي هم اللي مابيقدروا يحاربوا عشان حب حياتهم يرجع يتعذروا بالنصيب ..والا قلي لي هو ايش سوا حاكى اهله ورفضوا خلاص استسلم

حنان: ايش بيده

ساره: بيده خيرات قادر كل يوم يحاكيهم ويسمعهم والزن اعظم من السحر ..لو تشوفي صاحبتي بالكليه تقدم لها المره الاوله رفضوه جلست فتره ورجع رفضوه وجلس فتره وتقدم من جديد بالاخير قال ابوها اكيد هذا الولد اللي بيصون بنتي وبيسعدها بدليل كيف متمسك بها والان قدي خطيبته لو هو قال مثلكم نصيب كانت الان لواحد ثاني

حنان: والله مدري ايش اقل لش

ساره: لا تقولي شي اصلا احنا قد انتهينا خلاص بس كنت بحاجه افضفض تسلمي لي دوشتش معي

حنان: الله المستعان انا موجوده باي وقت


مررت الشهرين
وبدات تجهيزات عرس خلود ..خلود مش داريه تفرح او تزعل بس بعد العقدد وبعدما دخل لبسها الدبله وحاول يراسلها وحظرته بس حست بالفه تجاه عامر

ساره عزمت شلتها حق المدرسه والجامعه وعزمت وفاء وعزمت لمياء اللي حاولت تتعذر بس ساره قالت لها لو ماتجي عيكون اخر مابيننا


يوم الحمام
اجتمعت العايله وانقسمين نصين نص سارين مع العروسه ونص جالسات في البيت يسووين الغداء

ام ساره: ساره عتسيري مع خلود الحمام

ساره: مااشي الصدق شاجلس اعاونكم تسير سهام (اختها المزوجه)

زهور :وانا مااشاسيرش

رحمه بنت عمهن: وانا والكل

جهزين الغداء وسارين للحمام كان قريب منهم وصلين غنين لخلود وزفنها لبست خلود لبس الحمام مصون وتلثمت وقعت حاليه


يوم ثاني
يوم الذهب ساره سارت مع خلود الكوافير وخلود طلعت تجنن

يوم الذهب العشي بعدما روحوا الضيوف تجمعين بنات العايله

سهى: ايش رايكن كل واحده تختار رقم ونقلب في الامبي ثري والاغنيه اللي تطلع حظها وتغني معه

البنات :تمام يلا نبدا














📚 @rewayatyamania 🇾🇪