روايات يمنية📚🇾🇪

قصة أقـدار محتـومـة للكاتبـة: الريـم الشـارد

rewayatyamania

.

البـارت 7 ◇

أقـدار محتـومـة💞

👌🏻👇🏻 😍
📚 @rewayatyamania 🇾🇪

اسامه: هههههه اخيرا لاقينا نقطة ضعف نذل فيبه هذي السوسه..

فارع: حرام ياابني قده محرجه قوي خلاص انسوا وبعدين حصل خير ..

سعيد: ههه شكلهاا يضحك وهي محرجه اوه اسف يااسامه ماقصدي شي..

اسامه: ياشيخ حصل خير وبعدين هي غلطت وتستاهل وتبطل قليل فلتة اللسان هذي..

فارع: بس ياابني كثير عليها حرام تبان مسكينه وطيبه ومافي منها ..

اسامه: صح كلامك واحيان احسها نفس امي باهتمامها بنا رغم لسانها الطويل الا ان عقلها يطلع في المواقف تحسها اكبر من عمرها ..

فارع: الله يصلحها.

اسامه: امين.. سعيد اسمع انا اعرف دكتور ممتاز وقلي ابدا بالتمارين لك وبعدها خطوه بخطوه لحد مايوصل هنا وبيشرف على علاجك مباشره.. واتطمن مابياخذ منك ولا قرش.. بتكون مشاركتي له في الجراحه هديه تخرجي..

وانا فرحان لك بانك باذن الله على يد هذا الدكتور بيكتب ربي لك الشفاء وفرحان ان انا بقوم بمشاركه اكبر جراح في علاج صديقي ..

سعيد: او قد انا صديق هيا الحمد لله... يله ربي عوضنا خير..

فارع: ياابني لاتقلق على الفلوس شنندي له قد مايشتي لاتقلق الحمد لله الجيب مليان ...

اسامه: والله ياسعيد ان انا احسك كاخ من يوم ماشفتك اول مره ولاتحس ان هذا عطف مني عليك او شي لا والله شفت حالات اكثر صعوبه من حالتك بس ماقد حسيت بهذا الشعور نحو اي حد غيرك وبعدين ياعم فارع هذا الدكتور يحب المساعده للكل بغض النظر عن حالة المريض الماديه..

فارع: ها الله يجبر بخاطره

سعيد: والله نفس الشعور يااسامه احس كانني اعرفك من فتره صراحه ارتحت لك كثير ..

فارع: ههههه مله الدم الدم..

اسامه: ماهو ايش من دم؟

فارع يتدارك كلامه: اقصد انه من قريه وحده او مالكم قد نسيتم؟

سعيد: هههه ايوه صح كلنا من بلاد وحده..

اسامه: هيا باروح انا الان اشوفكم على خير بتاكد من تجهيزات الفحوصات وكذا شغله يله بالاذن؟

اسماء: بالاذن بالانف بالحنجره ... هيا اليوم سير كُلك لقمه راعيت لك ولا لحقتني..

اسامه: بسم الله من وين تطلعي انتي..

سعيد: عفريت العلبه يظهر لك في كل كل لحظه.. ههه

اسماء: ههه ظررريف ظررريف..

فارع: الله معك ياابني.. ربي يحفظكم ..

سعيد: مع السلامه ...

اسامه : اشوفكم على خير ..

خرج اسامه واسماء من الغرفه وبعدها بفتره وجيزة بدت اجراءت العلاج لسعيد منها التمارين والفحوصات وقياس تحسن العضلات من وقت لاخر....

فارع: هيا ايش ياابني .. تحس بتحسن؟

سعيد: بصراحه لا ياعم احس زي كل يوم ... مافيش فرق يعني..

فارع: سهل ياابني ربك كريم العافيه تدخل على حبه حبه ماشنستعجلش ..
.
.

في احد الايام....
سعيد: خلاص يااسامه انا مللت شهرين ونحن ولالمسنا اي تقدم.. الصدق انا نفسي ضاقت..

اسامه: استهدي بالله ياابن الحلال عاده الا لنا شهرين وزي ماقلت لك الدكتور مابيقدر يعملك العمليه الا لمن تبدا العضلات تتنشط.. العمليه لازم تكون بعد هذه الخطوات..

اسمع باقي نص شهر من التمارين وبعدها بنضرب ابره محفزه لمده شهر وبعدها بيكون وقت العمليه. الحين انت ماتحس باي تحسن بس التحاليل اللي نسويها كل اسبوعين تظهر لدينا تحسن في بناء العضلات..

سعيد: اسمع انا ماعاد اقدر اتحمل شي خلاص نفسي ضاقت وخلاص ماعاد اشتيش امشي ولا شي بجلس طول عمري عاله على عمي.... واجهش بالبكاء..

اسامه: سعيد عمري ماشفتك كذا بذا الضعف لازم تقاوم اذا مش على شان نفسك على شان عمك اللي بذل كل مايملك من اجلك اللي يحسبك ابنه اللي ماخلفه انت ياسعيد لو تشوف عمك كيف تكون الفرحه على وجهه لمن يشوفك بالتمارين كيف يسالني كل لحظه وكل ثانيه كيفه سعيد كيف استوى وكيف وكيف... انا من نفسي لمن اسمع كلامه ودعواته وعيونه اللي تكاد تشرق كأنها الشمس... اقول كل اللي اعمله بيفرح هذا العجوز واشعر بالفخر ان انا اساعد انسان زي هذا لا تكسر قلب عمك ياسعيد واصل للنهايه..

دقه خفيفة على باب الغرفه..

سعيد يمسح من على وجهه الدموع..

اسامه: ادخل..

اسماء: السلام عليكم..

اسامه: هههه ياسبحان الله من متى تأدبتي في الدق... اول مره مااسمعش دقه رقصني ياجدع..

انفجر سعيد ضاحكا: ههههههههههه اما هذي جبته صراحه هي بكله ربشه اجت الا على الدقه..

اسماء بادب: الله يسامحكم.. هذا جزاتي وانا تعنيت اجيب لكم غداء من طبخ امي... وانا معي امتحان بكره لكن سهل..

تغيرت ملامح وجه اسامه.. وقال: اه اسف ماكان قصدي على العموم مشكوره وربي يوفقك بكره يارب وهذي خمسه الف ريال شليها وطيري شلي لك شكاليط ياشكلاطه انتي.. ادري ماتحلا مراجعتك الا بشكاليطك..

اسماء طايره من الفرح: يوووو تسلم تسلم الصدق انك اخ تفهم ماانحرم منك.. سلام ...
شلت فلوسه وقفزت للباب وراحت..

سعيد: مالك كذا تغيرت وكلامك ونبرتك تغيروا

https://t.me/joinchat/AAAAAEIz_KDfjDgo7Gaxwg

📚 @rewayatyamania 🇾🇪

قصة أقـدار محتـومـة للكاتبـة: الريـم الشـارد

روايات يمنية📚🇾🇪

rewayatyamania

.

البـارت 8 ◇

أقـدار محتـومـة💞

👌🏻👇🏻 😍
📚 @rewayatyamania 🇾🇪

سعيد: مالك كذا تغيرت وكلامك ونبرتك تغيروا

اسامه: صراحه هي صح هبلا ومربوشه بس وقت الجد تنقلب لك زي اللي فيه فصام ههههه دامه معاها ذي الفتره امتحانات الله يصبرنا على العقل ..

سعيد: هههههه ياسبحان الله يعني ماتجلس على حال لكل موقف حال وايش قصه الشكاليط.

اسامه: هذا ياسيدي من صغرها عودها ابي لمن تذاكر يجيب لها سله شوكلاته والا كرتون وهات لك يااكل لان هي بطبعها متوتره... فالشكلاته تهديها... وتذاكر سوا.

سعيد: ها الله يوفقها .. ايش بتدرس الحين؟

اسامه: الاخت العزيزه دخلت طب نفسي ياسعم تقول ان الناس مايحتاجوش للطب البشري كل يوم زي مايحتاجوا للراحه النفسيه بكل وقت..

سعيد: تصدق بهذي معاها حق ..

اسامه: ايش بنجلس نتكلم عن المقروده ذي طول اليوم قوم خلينا ناكل ونشوف ماذا طبخت لنا الشيف اميييييي...

اسامه: سعيد انا ماادري ليش كذا اشكي لك همومي وكل شي عن بيتنا وكل التفاصيل .. حتى اختي اللي مفروض مااتكلم عليها عند حد غريب؟

سعيد: وانا حد غريب يااخي نحن اخوان باذن الله ولاتقلق مابستنقص من قدر عائلتك ولا باحد فيهم ..

اسامه: هيا تحرك خلينا ناكل...

سعيد: ههه هيا..

.
.

في رحلة العلاج بدت تظهر ملامح التحسن على عضلات سعيد...

فرح بذلك الكل.. وكان اشدهم فرحا العم فارع فقد احس بأن الفرج قريب.....

وكانت سعادة اسامه لاتنوصف فهاهو صديقه الجديد يتحسن ويرى الفرح في وجوه المحيطين به...
.
.

في بيت السيد سامح سميح.....

اسامه: يمه يمه تعالي تعالي عندي لك خبر يفررررررررح..

شذى: خير يااسامه خينا خطبت وبتتزوج؟ ههههه

اسامه ممازحا امه: ياشيخه هو انا فاضي لهذه التفاهاااات.. اقولك خبر يفرح تقولي لي زواجه ..

شذى بخبطه خفيفه على راس اسامه: استحي على نفسك عمرك 25سنه وللان ماقلت يمه فلانه اعجبتني يمه فلانه دق لها قلبي...

اسامه: ههههههههههههه.. هيا تمام اسمعي بالاول ...
شفتي سعيد اللي كلمتك عليه وانه تصاحبنا وانه نسوي له فحوصات وكذا.. هذاك اللي شفناه بالقريه ذكرتي
المهم قربت العمليه يعني باختصار فحص اليوم كان فيه النتائج اللي نتمناها وعاده مش الا 60% تصدقي الفحص كان نسبته70%....

شذى: الحمد لله ياابني الصدق خبر يفرح بجد يااارب يقوم ويمشي على رجوله والله فرحانه له من قلبيييي.. ربي يعافيه..

اسامه: امين ..

اسماء: ايش تقولو ماهو اللي آمين... ايش يا اسامه خطبت؟ هههههه

اسامه: اعوذ بالله منك شوفي يامه على ايش تفاول...

شذى: ههههه خير المفاوله يااسامه ....

اسماء: او قد خطب صدق؟

شذى: ههههه لا يامجنونة هذا صاحبه سعيد نعم الحمد لله حالته تتحسن وقربت العمليه...

اسماء طايره من الفرح : هيييييي صدق قول والله يااسامه يعني بيقدر يمشي؟

اسامه بنظرة استفهاميه : ومالك كذا مفرحه؟؟ ها؟؟

اسماء انتبهت على نفسه: ها كيف.. وكيف ماتشتيني افرح مش انت بتشارك بعمليته اشتي افتخر باخي بين البنات اخي الدكتور اسامه سميح سامح ... اشطر دكتور فيك يايمن ..

شذى واسامه: هههههههههههههه

اسامه: يمه قد بنتك تلخبط باسم ابوها وجدها ..

شذى: يامجنونه سميح سامح والا سامح سميح ....هههههههههههه

اسماء بخجل: هاااا كلهم يتسامحوا ويسامحوا مش قصه الاسم المهم الدكتور الشاطر...

اسامه: صراحه اقنعتيني يادكتوره المصاريع .....

اسماء: اماااااااه شوفي ابنك انا دكتوره ايشششش؟؟

شذى تتكلم بصوت خافت: مصروعه وبتعالج مصاريع ....

اسامه: هههههههههههههههههه

اسماء: يا مجرمين ايش بتتوشوشوا عليا وتضحكوا الله يسامحكم ياعيله سميح سامح....

شذى واسامه: ورجعت للعجين من جديد...ههههههههههههه

اسماء: طز فيكم بروح غرفتي ابرك لي خاطررررركممممم ....
وراحت غرفته
وهي في طريقها للغرفه وهي طايره من الفرح وتكلم نفسها يعني الحمد لله ربي بيكرم عمي فارع وبيشفي سعيد وبيمشي سعيد اخيرررا ياااارب تكلل عمليته بالنجاح ....
.
.

بعد اسبوع..

وصل الدكتور المختص للمستشفى وبدوا في اجراء اخر الفحوصات والتحاليل استعدادا للعمليه التي سيتم اجراءها بعد اسبوعين ..

في هذه الاثناء سمعت حليمه زوجة فارع بالاخبار السارة لكنها لم تكن سارة بالنسبه لهااا فبدأت تحيك المكائد والمقالب ....... بدأت تخطط وتتوعد ...

حليمه: صلاح صلااااااااااااااااااااااح وينك ياكلببببببب....

صلاح: ماتشتوا يامه خير مو في لمو تصيحي.....

حليمه: اين انت؟؟ اين انت؟؟ الناس تسرح وتمرح وانت ولا حاسس بشي...

صلاح: ماهو الخبر خير؟

حليمه: خير من اين عيجي الخير وابوك يسرح ويمرح مع هذك الكلب المعوق من وين بيجينا الخير قده يلف ويدور حول ابوووووك ...
الااااا واصلااااح لفه علينا لففففه....

صلاح: ...

https://t.me/rewayatyamania/45423

📚 @rewayatyamania 🇾🇪

روايات يمنية📚🇾🇪

rewayatyamania

روايات يمنية📚🇾🇪

rewayatyamania

روايات يمنية📚🇾🇪

rewayatyamania

روايات يمنية📚🇾🇪

rewayatyamania

قصة أقـدار محتـومـة للكاتبـة: الريـم الشـارد

روايات يمنية📚🇾🇪

rewayatyamania

.

البـارت 9 ◇

أقـدار محتـومـة💞

👌🏻👇🏻 😍
📚 @rewayatyamania 🇾🇪

حليمه: خير من اين عيجي الخير وابوك يسرح ويمرح مع هذك الكلب المعوق من وين بيجينا الخير قده يلف ويدور حول ابوووووك ...
الااااا واصلااااح لفه علينا لففففه....

صلاح: استهدي بالله يامه ماهو يلفه والله بدنا لفه داخل كفن قلك يلف ابي وفلوس ابي...

حليمه: اسمع يابني لازم نتخلص من سعيد بأي طريقه..

صلاح: كيف نتخلص منه ايش نسوي؟

حليمه: وهذا اللي شاغل تفكيري ايش نسوي ياابني ايش؟

صلاح: ... اممممم... انا كنت افكرر انه اسوي قضيه حجر على ابي بس بذي الظروف صعب...

حليمه: اسمع سير للمستشفى واتخفي وادخل وسط الناس وسوي شي يخارجنا منه.. ولو قدرت منهم الاثنين...

صلاح: يامه ماهو ذا الكلام تشتيني اتخلص من ابيييي؟ لاااااا

حليمه: او قدك تحبه الحين والا ناسي وانت تشكي لي منه من صغرك انه يفضل ابن الكلاب هذوماك اللي راحوا ولاريحوا الله يقلع ابنهم بعدهم...

صلاح: صح اشكي منه واحس بقهر انه يفضل عيال الناس على ابنه بس مش لدرجه اسوي له شي...
انا اللي اكرهه هذاك الكلب المكسوح.. الله ياخذه ويريحنا منه..

حليمه: اسمع انت سير للمستشفى وواعمل اي شي بالسلكوع هذاك .. وريح قلبي بس هاه انتبه ينتبه لك اي جني والا بتروح فيبها...

صلاح: سهل سهل بكره غبش شسير للمدينه....

سلمى: خير يامه ايش في كيف لكم اليوم كذا تتجابروا..

حليمه: ولاشي سيري انتي بس بيت خالك محمد وشوفي مروان متى عيوصل...

سلمى: يله خاطركم سريع سريع شاسير لعندهم..

صلاح: يامه انتي متاكده ان خالي محمد شيرضي يزوج مروان غصب عنه؟

حليمه: ماهو غصب عنه انت داري ان سلمى مخطوبه لمروان من زمان..

صلاح: يامه كلام جهال ومروان عمره فوق ال30رجال وواعي وبنتك شوفي عقلها وين ... احسها طفله عمره 12سنه...... لاتفكير ولاعقل....

حليمه: قم قم من قدامي عكرت لي مزاجي فوق ماهو متعكر قال شيرفض مروان هه شيموت على بنتي وتقولي شيرفض...؟
.
.

في اليوم التالي..
توجه صلاح متخفيا الى المدينه وبدا بالسؤال عن الدكتور الزائر الذي يجري العمليات المجانية بصحبة نخبه من الاطباء المتخصصين والطلاب المتفوقين ..

وقد توصل الى مكان المستشفى.... وبدا يتسلل في المستشفى..

واخبر الموظفين انه بحاجه للوظيفه وانه سيقوم بالتنظيف ان تطلب الامر..

وافق بعض الموظفين على توظيفه في المستشفى للعمل كعامل نظافه بدوام ليلي...

وتظاهر بالفرح والسرور وبدا يدعوا لهم لتفريج كربته.....

بدا بالعمل في المسشفى وبدا يجمع الاخبار عن سعيد واين يتواجد ومتى ستكون عمليته ....

.
.

في غرفة سعيد...
اسامه: ابو السسسسسسعد قوم ياكسل قوم
انت تدري كم الساعه الان قوم باقي نص ساعه على بدايه التمارين هيييييااااااا...

سعيد يفتح عينيه ببطء: اووووه مسرع جزع الوقت كأنه عاده نص الليل..

اسامه: اصبر باقي الا القليل ارسلني الدكتور لعندك وقلي ابدا بالتمارين السابقه للعمليه هيا باقي اسبوع بسسسسسسس خلاص هانت والفرج قريب...

سعيد: انا مايصبرني الا ان النهايه قربت والفرج قريب... هيا هات يدك باقوم ...

اسامه: هيا قوم قوم اخاف بعد ماتمشي تنسى اسامه واهل اسامه.. ها قوم بسم الله..

سعيد: الله المستعان وفي حد ينساكم ليش انتم ناس ينتسوا؟

اسامه: ناس منهم الناس.. هههههه انا الا نفر وقد انا ناااااس؟

سعيد: هههههه انت بحالك قبيله..

اسامه: يله خلينا نخلص..

سعيد: هههه هيا تمام
.
.

في خارج المستشفى...

فارع يلمح عامل النظافه ويبدا في التساؤل يافارع وين شفت هذا الادمي هيئته مش هي غريبه؟ هيا يخلق من الشبه اربعين..

يلمح صلاح ابوه في فناء. المستشفى ويتدارك الموقف ويعود مسرعا الى الداخل خوفا من ان ينكشف..

احد عمال النظافه: ومالك يا محمد لمو رجعت وديت الزباله للحاويه؟

محمد(صلاح): ايوه ايوه.. وديتها للحاويه..

العامل: اها بس شفتك رجعت سريع..

محمد(صلاح) يدخل للمستشفى ويبدا في التخطيط للخطوه الاخيره..
.
.

الليله التي تسبق يوم العمليه..
اتى اهل اسامه للاطمئنان على سعيد ولتشجيع اسامه على خوض التجربه..

شذى: بالسلامه ياابني ياسعيد تقوم بالسلامه يارب. الله يوفقكم..

سعيد: الله يحفظك ياخاله آمين تسلمي..

سامح: ياابني والله فرحانين لك وان شاء الله بتنجح العمليه وبنشوفك تمشي على رجوله ونرقص انا وانت يوم عرسك..

اسامه: او ماهو يابه بترقص بعرسه وبعرسي ماشي او قد نسيت ان انا اكبر منه...

اسماء: مش الا ماتشششتيشش زواجه ماتشتيششش نكد ماتشتيشششش وجع راسسسسسسسسس؟

شذى: وانتي مودخلك ليش تتدخلي بذي المواضيع؟

اسمااء: ها اسفه...

فارع: هههه ماحكت شي بس قالت الصدق اسامه يمكنا عاده ماشتيش عاد انا صغير عاد انا ماافكرش بوجع الراس...

اسماء تبتسم للعم فارع....

📚 @rewayatyamania 🇾🇪

قصة أقـدار محتـومـة للكاتبـة: الريـم الشـارد

روايات يمنية📚🇾🇪

rewayatyamania

.

البـارت 10 ◇

أقـدار محتـومـة💞

👌🏻👇🏻 😍
📚 @rewayatyamania 🇾🇪

سامح: لا لا اسامه شكله شاف له شوفه في المستشفى وبدا يفكر بجد..

اسامه: والله لاشفت ولاشي بس قلت اضحك معاكم قليل..

فارع: ههههههه ايوه ايوه راجع حساباتك..

سعيد: ياعم ايش رأيك اذا نزوج اسامه جبروت مناسبه له صح..

فارع: ههههه حرام عليك ياسعيد..

اسامه: وكيف هي هذي جبروت مليحه بس اسمه يقشعر بالبدن ووووه جبرررروت..

سامح وشذى: ومن هي جبروت هذي..

فارع: هذي وحده مسكينه مقطوعه من شجره جاءت للقريه قبل 15سنه وجلست عند بيت الحاج ياسر.. قدك داري بيت الحاج ياسر كله حريم مابش رجال معاهن الا ياسر الشيبه..

ومايعرفوا لها من وين اجت والا وين اهلها المهم يقولو انها قد جاءت قبل هذي المره ب20سنه
بس كان معاها جاهل ومحد درى وين اختفى الجاهل..

المهم القصه ومافيها انها ماتتكلمشش خالص بس لو حد اذاها تجحمر له بهذيك العيون يرتعدين فرائصه..

سامح: يووه كأنه سمعت عليهاا.. اللي جاءت وكانت تبكي وتصيح ومعاها جاهل وبعدا اختفى..

فارع: ايوه كنا صغار نحن بس نفهم بهذيك الايام..

اسماء: يووو والجاهل محد درى عنه قلبي يقطعني عليه..

فارع: القصه لها زمن بس ايش اللي مصبرها بقريتنا.. مسكينه هي تعبانه نفسيا الظاهر ومالهاش حد يسأل عليها ...

اسماء: اووه مسكينه..

سعيد: او مارايك يا اسماء تسيري تعالجيها مش يمكن تكتشفي قصتها..

اسامه: يامجرم تشتي تزوجني عجوز وعادها كمان مجنونه..

اسماء: احترم نفسك ماسمهمش مجانين اسمهم عُملاء عُملاء..

اسامه: اسف يااختاه اسف عُملاااااا لقد فهمت!

فارع: او يابنتي تسكي تعالجي كذا حالات؟

اسماء: عادني ياعم اول سنه ولمن اتخرج بعد 6سنوات بيقع خير..

شذى: عسى ربي يكتب لنا طولة العمر ونشوف انجازاتكم ياعيالي..
تلتفت شذى لسعيد..

شذى: سعيد يا ابني ممكن اطلب منك طلب..

سعيد بتعجب: خير ياخاله امري!

شذى: ياابني محد يدوم لحد والحياه حالها متقلب .. وربي يحفظ لك عمك فارع ويفرح فيك ... بس برضه الواحد مايمنع انه يبني نفسه؟

سعيد: ايوه كلامك صح بس ايش المطلوب؟

شذى: بعد ماتقوم بالسلامه ان شاء الله كمل دراسه الواحد ماينجح الا بالعلم ..

سعيد يلتفت على عمه فارع.. والعم فارع يبتسم.. ويقول: والله كلامك صح ياام اسامه وانا امنيتي ان سعيد يكمل تعليمه.. في الجامعه..

اسماء: ايوه صح ياسعيد ليش ماتكمل تعليمك الجامعي..

يتحمس سعيد ويقول: ان شاء الله بس اقوم بالسلامه. ببدا في التخطيط لمستقبلي..

تبتسم شذى لسعيد: الله يستر عليك ياابني والله هذي امنيه كل ام وانا احسك زي عيالي واتمنى لك كل الخير واللي احب اشوفه في عيالي اتمنى اشوفه فيك وتختار تخصص قلبك يميل له ويرتاح وتنجح فيه وتتفوق..

سعيد: بس ياعم انا مادرست بالمدرسه والمدرسين اللي كانوا يجوني للبيت مش تبع مدرسه قريتنا.!

فارع: لاتخاف ياابني انت درست دراسه صحيحه والمدرسين اللي كانوا ياتوا لك للبيت انا جبتهم بعد الموافقه من مكتب التربيه بطلب خاص ووافقوا يدرسوك في البيت ويحتسبوا لك الشهاده زي مايحتسبوا للي يدرسوا في المدارس..

سامح: والله انك فعلت الصواب يافارع الله يبارك فيك..

سعيد: يعني انا شهاداتي معتمده مش مجرد ورق..

فارع: ومختمه من التربيه واخذت مراكز متفوقه كمان.. بس في بعض صفوف كنت هه وهه) نص بنص) فيهم..

سعيد: هههه ايوه داري لمن كانت تطلع لي الحاله ... بس سامحنا ياعم والله مقدر مجهودك اللي عملته على شأني..

يتاثر الكل بكلام سعيد وعمه ويباركوا لهم محبتهم ومجهود العم فارع للوصول بابن اخيه لاحسن المراكز..

سعيد: اوعدكم كلكم ان انا بعد العمليه ان شاء الله بسوي كل اللي يرضيكم .. وباكون زي ماتتمنوا واكثر...وينظر لــ اسماء ويبتسم..

ودع سامح واهله سعيد وروحوا بيتهم..

وانتظر العم فارع واسامه قليل عند سعيد وتمنوا له ليله سعيده وطلب اسامه من سعيد ان ينام سريعا حتى يستيقظ فجرا للصلاه وبعدها يقوموا بالعمليه..

خرج فارع واسامه من غرفه سعيد..

فرح سعيد بكلام الحضور وبدا يتخيل شكله لمن يقوم يمشي ويدخل الجامعه ويكون شيء مهم في الحياة ... ودعى الله ان يوفقه ويحفظ له محبة اهل اسامه وعمه فارع..

غط سعيد في النوم العميق سريعا..

وفي اثناء ذلك تسلل صلاح الى غرفه سعيد.. بحكم انه عامل نظافه فان مشاهدته في اي زاويه من زوايا المستشفى وساحاتها يحمل مكنسته ودلو الماء امر طبيعي جدا..

دخل صلاح غرفة سعيد ببطء وخفه ووقف فوق راس سعيد وهو يتمتم في نفسه..

صلاح: ياكلب ياقذر اخيرا بتخلص منك اخيرا بيرجع ابي لي وبيرجع لبيته وناسه يامتملق ياسارق سرقت ابي مني وحرمتني منه كل هذي السنين لكن سهل قرب يومك ياحقير.. وياخذ (مخده)وساده ... ووضعها على وجه سعيددددد..

https://t.me/joinchat/AAAAAEIz_KDfjDgo7Gaxwg

📚 @rewayatyamania 🇾🇪

قصة أقـدار محتـومـة للكاتبـة: الريـم الشـارد

روايات يمنية📚🇾🇪

rewayatyamania

.

البـارت 11 ◇

أقـدار محتـومـة💞

👌🏻👇🏻 😍
📚 @rewayatyamania 🇾🇪

صلاح: ياكلب ياقذر اخيرا بتخلص منك اخيرا بيرجع ابي لي وبيرجع لبيته وناسه يامتملق ياسارق سرقت ابي مني وحرمتني منه كل هذي السنين لكن سهل قرب يومك ياحقير.. وياخذ (مخده)وساده ... ووضعها على وجه سعيدددددد ..

بدا سعيد يتخبط مخنوقا وضحكات صلاح تعلو فوق راسه ..

صلاح بصوت منخفض كي لايسمعه احد من الماره: مووووووت مووووووت روح وريح ياكلب....

سعيد: ممممممممم مممممممممممم

صلاح : غني غني قده اخر صوت بتسمعه صوتي واخررر كلمه بتقولهاا مممممممم ممممم ويضحك ههههههه ..

وفجأة.. انفتح الباب... ودخلت اسماء.. وتشوف شخص فوق راس سعيد ويضغط على وجهه بالمخده..

اسماء: ووووووااااااااااا سعييييددددد... ياناااااسسس ياااممرضييييين وتجري تحاول تنتع (تبعد) المعتدي...

اسماء: فك ياحقيييير ليش تشتي تقتله ففففففككككك وتصرخ بصوت عالي

سمع الممرضين الصوت واتجهوا نحو غرفه سعيد مسرعين..

اسمااء: فككككك فككك ياكلببب..

صلاح متشبت بالمخده ويحاول التخلص من سعيد مهما كانت الظروف ويثور غضبه من اسماء ولان جسدها هزيل وصغير لم تاثر عليه كثير بيد واحده دحرها للخلف وارتطمت اسماء بالجدار وتسقط على الارض لكنهااا لم تستسلم فتحت حقيبتهااا وامسكت بمبرد الاظافر الخاص بها واتجهت نحو صلاح

صلاح مازال يريد ان يتمم على سعيد وبكل قوته وباصرار شديد..

اسماء هذه المره لم تاتي من خلفه بس اتجهت الى الامام وغرزت المبرد في احد عيني المهاجم....

في هذه اللحظه دخل الممرضين الغرفه....

صلاح: ااااااااااي عيييييني عيييييني....

يهجم الممرضين على صلاح ويكتفوه ويسالوا اسماء.....

احد الممرضين: ايش القصه ايش فييييي ...؟

اسماء تحاول تطمن على سعيد.

اسماء: سعيد سعيددد قوم سسسسعيددد.

لكن سعيد مغمي عليه ...

دخل اسامه الغرفه بعد ماسمع بان هناك مايحصل في احد الغرف...

اسماء تبكي وتحاول انعاش سعيد تهز سعيد لكنه لايستجيب...

احد الممرضين تقدم ويحاول اسعاف سعيد بطريقه صحيحه..

اسامه: اسماء ايش في ايش يحصل من هذا وايش في سعيد وليش انتي هنا ؟؟

اسئله كثيره يطرحهاا اسامه ولكن اسماء لاتجيب فقط تحاول ان تجعل سعيد يستيقظ.

يتوجه اسامه لــ صلاح ويوجه له لكمه قويه اسقطته ارضا..

يحاول احد الممرضين الخمسه الموجودين في الغرفه ان يهدئه.. ويخبره
ان احد الممرضين ذهب ليحضر امن المستشفى. وسياخذ المعتدي جزاه العادل..

الممرض: اهدأ يادكتور بنعرف من هو وليش كان بيقتل المريض...

اسامه: انا بخرج منه الكلام .. ياكلب اتكلم ويركله على رجله.

الممرض الاخر يمسكه: اهدا يادكتور ...

صلاح: عييني عييييينييي.. الحقونييي عيني افتقشت...

الممرض: ههههه خايف على عينك وكنت بتموت المسكين..

ينفجر صلاح: مسكين مسكين.. هذا هو المجرم مش انااا الحقووني ..

الممرض الذي ينعش سعيد: يادكتور اسامه اهدأوا خلونا اشوف شغلي.. وكمان لازم المريض مايسمع هذي الضجه ويستعيد وعيه..

اسامه يتمالك نفسه: سهل يله خرجنا وباشوف قصته ذا الكلب..
يله يااسماء....

اسماء: خليني هنا يااسامه شطمن على سعيد وشخرج..

اسامه بصوت حازم وبقوه: اسماء يله مشينا..

خرجت اسماء وخرجوا البقيه من الغرفه ماعدا الممرضان اللي عند سعيد

يسمع فارع بالمشكله وياتي جري ..

فارع: اسامه اسامه ايش فيييييي طمنوني.. ايش صاير؟

ليش يا اسماء تبكي سعيد صار له شي...

اسماء تنظر لاسامه وماتتكلم

اسامه يحاول تهدئت اعصابه وخوفه على سعيد ويتكلم بصفته دكتور لاصديق المريض: الحمد لله ياعم مافي شي وسعيد شويه وبيستعيد وعيه الحمد لله جت سليمه..

فارع يلطم على وجهه: ايش اللي اجت سليمه مو وقع ياعيالي قولوا فلتوا ركبي.. طمنوني...

احد الممرضين يتدخل: ياعم فارع الحادثه بسيطه.. اتهجم احد عمال النظافه على سعيد بس الحمد لله كانت الاخت اسماء موجوده وبفضلها تم انقاذ سعيد..

اسامه يلتفت لوجه اسماء بغضب.. وفي نفسه سؤال.. ايش تفعلي بغرفته؟؟

اسماء خافت من نظرات اسامه وقررت تتكلم...
اسماء: ياعم فارع انا بحكي لك بالقصه كلهااا.

تذكر لما كنا باالغرفه عند سعيد بعد المغرب وجلسنا للعشاء وفضي شحن جوالي وقلتوا صاحبتي بتتصل لي الليله على شان جدول الجامعه..

العم فارع: ايوه يابنتي..

اسماء: وبعدها شحنت جوالي بالغرفه ولمن روحنا نسيته ذكرت انه نسيته ونحن خارجين على باب المستشفى.. رجعت انديه ... وقلت لابي وامي ينتظروني بكفتيريا المستشفى..

وانا داخله الغرفه قلت مابدقش الباب يكون سعيد نائم لانه اسامه اعطاه مهدئ بيرقد سريع صح ...؟

اسامه: صح وبعدين كملي..

اسماء: هيا انا دخلت اتسحب.... واشوف لك هذاك الضخم فوق سعيد وبكت..

فارع: وماهو يفعل؟

اسماء: ماسك المخده و...

📚 @rewayatyamania 🇾🇪

قصة أقـدار محتـومـة للكاتبـة: الريـم الشـارد

روايات يمنية📚🇾🇪

rewayatyamania

.

البـارت 12 ◇

أقـدار محتـومـة💞

👌🏻👇🏻 😍
📚 @rewayatyamania 🇾🇪

اسماء: هيا انا دخلت اتسحب.... واشوف لك هذاك الضخم فوق سعيد وبكت..

فارع: وماهو يفعل؟

اسماء: ماسك المخده ومغطي بها وجه سعيد.. وانا حاولت ابعده بس دهفني لفوق الجدار قصفه ناصل عظامي...... وتبكيييي وتتكلم بصوت متقطع وبعداا مسكت المبرد حق الاظافر واجيت له من قدامه وطعنته بعينه وبعدين فك لسعيددددد...

فارع: ياولدي.!!!!! والحين كيفوه سعيد؟

خرج الممرضين من غرفه سعيد: الحمد لله ياعم فارع سعيد نائم الان الحمد لله على سلامته ..
يتنفس الكل الصعداء...

ياتي سامح وزوجته...
سامح: خير ياجماعه ايش في؟؟

اسماء ترتمي في حضن امها وتنفجر بالبكاء......

شذى: تحتضن اسماء: اسماء مالك يابنتي ايش في؟

ياخذ اسامه ابوه وامه ع جنب ويسرد لهم الحكايه...

فارع: والله ماسبرت له هذا المجرم اذا ماوديته بستين داهيه..

الشرطي: السلام عليكم..

فارع: وعليكم السلام..

الشرطي: انت فارع سعيد فارع..

فارع: ايوه؟

الشرطي: ممكن تاتي للقسم معانا..

فارع: بخصوص الصعلوك المجرم؟ اسمعوا ماناش مسامحه حاسبوه حسب القانون لازم ياخذ جزاه ليش بيقتل سعيد ايش عمل له.؟

الشرطي: ولايهمك بس لازم تاتي معانا ونسمع منك سبب العداوه بين سعيد والمتهم..

فارع: اي عداوة سعيد مايخرج من البيت الا معي ومالوش لا اعداء ولا اصحاب ..

الشرطي: هذي قضيه خاصه ياحاج تعال معانا وبنتفاهم معك بالقسم ..

فارع يذهب مع الشرطي يعرض السيد سامح الذهاب معهم ولكنه يرفض ويوكله بمهمه الجلوس عند سعيد والاطمئان عليه.. ويوافق سامح على ذلك..

اسامه يوصل امه واخته للبيت ويعود للمشتسفى ..

اسامه وابوه ...
سامح: بفضل الله رجعت اسماء للغرفه والا كان سعيد راح فيها..

اسامه: يابه ماكنش له داعي ترجع هي كانت تكلمني وانا بجيبه لها...

سامح: وايش فيهااا يعني؟ لورجعت هي؟!

اسامه: عجبك ياباه الحين خبابير الناس ايش بيقولوا الممرضين وايش بيجيبوا من كلام تحسبهم بيصدقوا هذا الكلام..

سامح: اسامه اختك ماعملت شي غلط وانا وامك دارييين انها بتروح تجيب جوالها مالنا من كلام الناس..

اسامه: بس ياباه..

سامح: لا بس ولا شي مافيها شي وخلي ثقتك باختك قويه انا ربيتكم صح وعارف عيالي كيف يتصرفوا..
.
.

في القسم ..
رئيس القسم: يافارع وصلتنا القضيه من المستشفى وانا بحاجه لمعلومات حول القضيه منك شخصيا.

فارع: ايوه بس انا ماكنت موجود في المكان ..

رئيس القسم: يعني انت ماتعرف الجاني..

فارع: لا طبعا... مااعرفوش قلت لك اجيت متاخر..
انا اشتي اعرف ايش بينه وبين سعيد الكلب ابن الكلب هذا ويشتي يموته موت الله ينتقم منه..

رئيس القسم: طيب يؤسفني اقول لك يا فارع ان الجاني مش غريب عليكم..

فارع: كيفه؟ كيف مش غريب يعني نحن نعرفه؟

رئيس القسم: ايوه يافارع وعز المعرفه كمان!!

فارع باستغراب: ومنو هذا اللي يشتي يأذي سعيد ويقتله؟

رئيس القسم: ابنك صلاح يافارع..

فارع بتعجب .. ويشهق بصوته: ههييييئ صلاح؟ وليششش؟

رئيس القسم : اسأل نفسك انت هذا السؤال؟

فارع: عمري ماقصرت عليهم بشي دلعتهم وعلمتهم واعطيتهم كل مايتمنوا بس انا داري هذيك الافعى هي اللي نفثت السم فيهم.. الله ينتقم منه..

رئيس القسم: من قصدك؟

فارع: ليش في غيرهاا.. الافعى حليمه..

رئيس القسم: ومن هي حليمه؟

يبدا فارع يسرد القصه على مسامع رئيس القسم ويخبره بكل التفاصيل وكيف تحمل حليمه منذ زواجه منها وانه حاول ارضائها بشتى الطرق لكنهااا لاتقنع ولاتشبع عمى اعينها الجشع والطمع حتى صارت تخاف ان يرثه سعيد .. والظاهر انها من حرضت صلاح..

يتفهم رئيس القسم الوضع ويتفقوا على تحقيق العداله بالقانون...

رئيس القسم: ياسيد فارع نحن بنمشي حسب القانون ولاشي غير القانون...

فارع: انا متفهم واكيد مابيرضيني الا الحكم القانوني...

رئيس القسم: خلاص اتوكل على الله..

فارع: اعانكم الله على مهامكم وحما بكم الوطن..

يرجع فارع الى المستشفى ويتجه الى غرفه سعيد مباشره....

وجد سعيد نائم ويبدو الارهاق على وجهه جلس عند راسه ويدعو له ويبكي الى ما آلت اليه الاحداث ويراجع نفسه اذا ماقصر في حق اولاده حقاًً لكنه يعرف جيدا انه لم يقصر ابدا في حقهم وان تلك الافعى هي من غرس في رؤوسهم الحقد والكره نحو سعيد وعبت افكارهم بانه يسرق اباهم ويسرق كل شي منهم ولم تجعلهم يشعرون بحنان ابوهم نحوهم .. ونصائحه لهم كانت غير مفيده فهي قد رسخت فيهم النقص في انفسهم وان سعيد قد اخذ كل شي... دعى لسعيد مرارا وتكرارا ودعى لاولاده عسى ربي يردهم لرشدهم ويعرفوا الحقيقه ..

https://t.me/joinchat/AAAAAEIz_KDfjDgo7Gaxwg

📚 @rewayatyamania 🇾🇪