روايات يمنية📚🇾🇪

.

البـارت 18 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


ياسين: ماتت كيف حصل بمرض او ايش


المدير: لا لا بمرض ولا بشي بسبب مجهووول ما لقينا الا جثتها في شارع الخمسين واثار طعن وخنق فيها بس الفاعل ما لقيناه ومن هذك السع وهاجر تتعامل من خالتها اخس معامله

اما ابوها تغير معاها الف كأن ماهي بنته وما كان يهتم بها وحسسها بالعطف شويه الا جدها هاني والذي يعتبر اخي وصاحبي وكل شي مثلك انت وسالم بس كان جدها يجلس الا يوم يومين ويسافر خارج اليمن


ياسين: اين يسافر وايش عمله كان


المدير: كان يسافر اكثر من دوله يسير امريكا وفرنسا تركيا كندا روسيا دول كثييير وكان يجلس سنه سنتين وما يجي الا يوم واحد ويرجع لذا انا كنت انتبه لهاجر في اكثر الاحيان اما عمله انا بكلي ما كنت اعرف ماهو ابداً كلما اكلمه يقول لي خطر عليك ولو اكلمك عتكون حياتك جحيييم


ياسين: اعوذ بالله من الجحيم ايوه كمل


المدير: وبعدما هاجر وقع عمرها 16 مات جدها في سبب مجهووول جدا وكلما جينا نحقق توقفنا الولايات المتحده لما فيه من خطوره علينا وكلما سألنا ايش السبب ما يردوا علينا وحين جاء خبر موته كذبوا على هاجر اني مت معه ونقلوا من البيت ولما سرت ابسرها ما لقيتها ولا عاد دريت وين ساروا كأن الارض انشقت وبلعتهم


ياسين: وما قصة اهلها انت قلت لي من اول انهم باعوها


المدير: هاه ابوها باعها لعزام ب 2 مليون بدون عقد ولا شي بيع وكأنها بضاعه


ياسين: طيب ليش هذا الكره لها وليش الناس الخطره تشتيها لهذه الدرجه


المدير: مدري يا ولدي مع ان هي بنت مثل العسل بطباعها اما ليش يشتوها صدقني انا والكل مش عارف ليش ذلحين اسمعني عرفت اهلها بنت من غدوه الساعه 7:00 ليل عيكون العقد حقكم ولا اشتي اي نقاش قد كل شي جاهز


ياسين: تمام بعدك بس من عيكلم البنت


المدير: انا اكلمها ولا تقلق انت ما بتبسر كيف قدك سير ارقد وافتهن اشتيك غدوه عريييس تمام


ياسين: تمام

...........................


الساعه الان 9:00 الليل

سالم بيتكلم بالتلفون: هاه تمام ولا عليك ابشر


وقتها جاء المدير: خير يا سالم بين ابسر تلفون جديد ومع من كنت تتكلم


سالم: هاه هذا تلفون اشتريته قبل شويه واتصلت لابي قلت اطمنه لا يقلق


المدير: ضخم اشتيك تجهز نفسك بكره الساعه 7:00 الليل


سالم: ليش في مهمه


المدير: هههههه لا لا قد حياتنا كلها مهمات او كيف لا حاجه حاليه غدوه اشتيك تكون شاهد في عقد ياسين وهاجر


سالم: هاه ايوه صح مبررروك والله فرحت له بس مش بدري عليهم عادهم نفسيتهم تاعبه خاصه البنت


المدير: بارك لياسين والا لي هو العريس مش انا ولا هو بدري ولا دق الحديد وهو حامي

سالم: خلاص تمام بعد امرك

.........................


وفي المانيا الساعه 10:00 صباحاً..........

حيث انه كان على الشاطئ يقوم باللعب على امواج البحر باللوح البحري وكل البنات الالمانيات الذي في الشاطئ منتظرات متى ا ينزل هذا اليشطان الذي يتسلق امواج البحر الكبيير بدون خوف او توقف

وجميع فتايات المانيا منتظرات بشوق متى عيوصل هذا الشخص الوسيم الماهر في الزلاجه المائيه وبعد وقت طويل واخيراً استسلم هذا الشيطان وقرر النزول الى الارض وعند وصوله للارض التفت البنات كلهن حوله والذي تشل تلفونها وتتصور معه والذي تصور جسمه المفتول بالعضلات اما هو تضايق وطلب من رجاله ابعادهن عنه


سامي: ماشاء الله عليك يا سيدي جمعت كل سكان المانيا من مهارتك


مالك: سامي خلينا من الكلام الان وقول لي فعلت الذي قلت لك عليه وما حصل قتله والا لا


سامي: للاسف يا سيدي نجوا الاثنين


مالك بعصبيه قووويه: ماهو يعني ما تقدروا تنجحوا في عمل بدون ما انا فيه


سامي: اصلاً وصلهم دعم عسكري بشكل مفاجئ


مالك جلس فوق الكرسي ولبس منشفته وقال

مالك: وكيف وصلهم دعم ما على اساس كانوا في مكان شبه مهجور وياسين ما يفهم في الالكترونيات والمواقع لما يعرفوا مكانهم هاه


سامي: ايوه بس السيده هاجر كانت معه واكيد هي الذي ارسلت موقعهم


مالك: هاه يعني حبيبتي فاهمه في هذه الحاجات مثل ما كانت قصدي ان هي نسيت المهم جهز التذاكر الليل عنسافر فرنسا نكمل عملنا ونعرف اين هي الشنطه والخزنه السوداء ومفتاحها


سامي: سيدي به معلومه مهمه قوي اشتي اكلمك بها


مالك: ماهي تكلم


سامي: حصل الذي ماكنا متوقعين انه يحصل لا العقيد علي الذي كان صاحب هاني ال...

مالك: ايووه ماله تكلم

سامي: لمحوه اصحابنا وقت العمليه وانه جاء بنفسه ينقذ ياسين وهاجر

مالك: ههههههه هذا خيالهم اكيد العقيد علي مات من وقت طوييل مع هاني

سامي: لكن....

مالك: بدون لكن كما قد ابسرته انا بعيني باصدق يله بعد عملك سريع

سامي: حاضر

مالك: انتظري يا هاجر انتظريني ههههههههههه


























📚 @rewayatyamania  🇾🇪

.

البـارت 36 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


حسين: طيب لو سمحتي على شان يكون منطقي كيف عرفتي انه في شارع الخمسين

هاجر: لانه قال في بيت زعلانه بالاجنبي والان قول لي اين هو العدد بالارقام الاجنبيه يكون اتجاهه عكس الارقام الباقيه

حسين: اكيد الخمسه

هاجر: الان قول هو به شارع خمسه عندنا

حسين: لا مابش

هاجر: يوجد شارع خمسين وهي نفس الخمسه بس جنبها صفر فهمت

حسين: يا الله ياربي ايش ذا العقل يا الله ماشاء الله بس

هاجر: كان ياسين جالس جنبي مسك يدي بقووه انا التفت لا صليه لان اول مره يمسك يدي او يقرب مني هكذا شفت في عيونه عضب وشرار احمر كله غضب بس ايش سبب النظره هذه

علي: كملي يا بنتي

هاجر: اه نكمل الشي الثالث عاليه في المنتصف يقصد هنا الجبال الذي في شارع خمسين اذا قطعتها ما تساوي شي واذا خليتها هي حلقه لا منتهيه ويقصد هنا الجبل رقم ثمانيه

سالم: ايوه صح اذا قطعنا رقم الاجنبي الثمانيه ما يسري شي يكون صفر وصفر واذا خليناه يكون دواير لا منتهيه مابش لها مخرج

هاجر: بالضبط هذا ما قصدته اما الرابع قال لا تسرع اذا لقيتها يا سعم لما نلقى الجده امنه وتبسروها لا تسرعوش لا عندها لان في فخ من نار عيحرقكم انتبهوا اما انتبه تكذبني في فبراير ابريل يعني انتبه تقول ان كلامي كذب في تاريخ 2/4 الذي هو تاريخ اليوم

الكل كان يستمع بدهشه من ذكاء هذه البنت وبشكل مباشر صفق الجميع صفقه قويه الا ياسين الذي كان ماسك يد هاجر بقووه ولا فلتها ومطنن لا قباله

هاجر: لي علمي ماله ياسين هكذا من ايش خايف لهذه الدرجه بس قده بيوجع يدي قوي يارب ساعدنا من عندك

قاطع كلام هاجر الداخلي العميد الركن احمد قال

احمد: هاجر بنتي لو عاد جدش موجود انه الان يفتخر فيش لانش كنتي في كشف احد خدع ومخططات اكبر مجرم مافيا بالعالم

هاجر هزيت راسي بالموافقه والايجابيه بس محد داري الا خالقي ما كان يجول في عقلي من افكار عن الشخصيه الحقيقيه لشيطان الظلام


وفي نفس الوقت امر العميد بتجهيز وحده كامله من الرجال العسره للمهمه الكبيره هذه الذي الشيطان فيها فهي مهمه خطيره جدا

هذه الوحده والقياده كانت بقياده ياسين انا اصريت على السيره معاهم لانهم ما يعرفوش في اي جبل محتجزه الجده امنه

ياسين طبعاً رفض بقووه بس استسلم لام العميد احمد وانطلقنا في طريقنا

ياسين: ييه انتي اسمعي ما اشتيش اي غلط مر فينا اشتغل فيش انتي الثانيه انتبهي تتحركي من جنبي فهمتي

هاجر: ايوه فهمت

سالم: ياسين ليش ما بتدعيها باسمها من لما جت وانت تقول ييه انتي ليش

ياسين: اظن انك لا تدخل في الازواج يا سالم وخليك في عملك احسن لك

هاجر: هو ما غلط عليك هو صدق ليش انا معي اسم من اول ما جيت وانت تداعيني هكذا

ابسر لا عندي بنظرة قسوه وغضب انا خفت من نظرته لان طريقة نظرته هذيه وعيونه المختلفه الوانها مخيفه بجد انا سكت وكملنا طريقنا والان وصلنا شارع الخمسين

نزل كل الرجال ونزل ياسين ادى لهم التعليمات وها هم كل واحد انطلق الى مكانه

ياسين: هيا يا هانم عتنزلي

هاجر: انا ايوه بس ادي لي حجره انزل فوقها ما تشوف كيف السياره مرتفعه قوي والارض وين هي
كنت اتكلم مد ياسين لي بيده ماهو ما تشتي

ياسين: ما اشتي امسكي يدي وانزل هيا انا مش فاضي

هاجر: ياسين قال هكذا وحارف وجهه لا يمينه انا ماكان معي خيار ثاني انا مديت يدي امسك يده بس هو سحبها بشكل مفاجئ لما خلاني ادربت لا فوقه فتحت عيوني الا وانا فوق ياسين وهو ممدد في الارض انا خزيت قوي وجهي حمر وعيوني بعيونه وقمت طوالي من فوقه 

ياسين بغضب: ليش بتتأخري ذلحين جدتي في وادي الله اعلم اين هي وانتي الان بتتخيبلي بخبالتش هذه

هاجر: انا اتخيبل والا هو انت الذي سحبت يدك ليش تمدها وانت عتسحبها اصلاً انت مش قدها

ياسين: انا مش فاضي لش وقتش بعدين مش الان اجلسي في السياره ومابش نزله منها


هاجر: ليك ليك ما بتقول انا جايه معك مابجلس لوحدي هنا

ياسين: الا عتجلسي واتحداش تخالفي كلامي وتخرجي منها عيقع كلام ثاني بعدين ومشي ياسين

هاجر: ييه وين عتسير ارجع لا هنا يا لغجه اووووف اجلس في السياره لوحدي يوووه جحفه له ما افعل الان اسكه افتح الصندوق الذي عند السكان فتحت الصندوق ولكن خرج منها رساله سوداء شليتها وفتحتها بس هذه المره كانت الورقه بيضاء و مكتوبه ببنفسجي انا استغربت وقريتها وكانت

خليش يا هاجر متفائلة واعرفي انش الصح بكل شي وان الصمام مصدر عِلل كل انسان وكل جماد وان الغلط والدعممه والمشي بغير بصر تخلي الواحد يندم ويقرح جو

هاجر: ...




























📚 @rewayatyamania  🇾🇪

.

البـارت 51 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


سالم مسك راسه بايديه الثنتين وقال: اوووف وهذا كله عرفتيه من غير ما نحس عليش انتي كونان او كيف هنا وفوق هذا كله ياسين ما صدقش

هاجر: انا ما كلمت ياسين بهذه الامور كلها لان اول ما فتحت الموضوع معه ما تقبله وضبح واضطريت اغلقه وقلت اخليه يعرف بنفسه الوجه الحقيقي لك اليوم

سالم: كيف يعرف اليوم

ياسين: اظنك تذكر حين كلمتك ان هي قالت ما اكلم احد بعملنا اليوم وخاصه انت لانها تشك فيك هي الذي قالت لي اقول لك هكذا وان احنا اليوم عنسير ندي الشنطه

هاجر: طبعاً هو في البدايه رفض بس انا قلت له لو حاب يعرف الوجه الحقيقي لك يقول لك هكذا وهو وافق هي كانت خطه استدراجك و كشف خيانتك ولعلمك كلامك هذا كله مسجل لاني ضربت حسابي وجبت اداه تسجيل معي هاه واذا قلت اديها ما بقدر لانها معلقه في الشنطه

سالم بصدمه: انتي انتي وتفكيرش وطريقتش نفس مديري نسخه من شيطان الظلام الان الذي يهمني ياسين سلم لي الشنطه وهاجر الان ماشي عتموت ههه انت عتموت بس لو سلمت واحده منهن يمكن تعيش شويه هيا بسرعه هاجر او الشنطه

ياسين: انت قذر ونذل وهين وابن حرام وكلب ووووو انت واخوك يا عيال...... احلم اسلمك اي شي منهن

سالم طلق رصاص على يد ياسين اليمين

هاجر: ياااسين ياسين انت بخير

سالم: ايش قلت لك انا وقتي تأخر الشنطه او هاجر بسرعه او الطلقه الثانيه عتكون في

هاجر: خلااااص تمام انت معك ضمير كيف انسان تعيش معه سنين تفعل به هكذا شل الشنطه هاه وانقلع من وجهي رجمت له الشنطه وقلبي يحترق نار على ياسين الدم كان مثل البحر يجري

ياسين بتألم: يا خبلا ايش فعلتي ليش مكنتيه احححح

هاجر: كان ما اخليه يعبيك رصاص انا ما شاقول لجدتي هاه وما شفعل لو وقع بك شي يا غبي قول لي

سالم: ياسين لا تحنظش زياده البنت تحبك وضحت باخطر شي على شانك وانت تلومها والله عيب هاجر برجع لش يا قلبي الان خاطرش نلتقي قريب ههههههه

هاجر بصياح: عتندم ياسالم والله لا اندمك على الذي فعلته بيااااااسين

ياسين: اسكتي كسرتي راسي بصوتش المرتفع انا ولا فيني شي خلينا نروح لنا

هاجر: لا كيف عتسوق ويدك هكذا خلينا عاد احنا قراب من بيت العم محمد نسير نخرج الرصاصه ونخيط الجرح

ياسين: لا ما اشتيش اسير هناك خليني اموت ابسر امي وابي قد انا فاقد لهم


هاجر: الا عتسير من الخباله والكلام السامج هذا كما قد مت انا قول هكذا

مشيت ياسين بصعوبه ووصلنا بيت العم محمد دقيت الباب وهو فتحه شاف حالتنا دخلنا على طول كان في مرته كبييره في السن مثله طلبت منه يجارح لياسين ويخرج الرصاصه لان جدي كان لو تكون يتعالج عنده

نفذ طلبي وخرج الرصاصه وكوى الجرح

العم محمد: اسمعي يا بنتي حرارته عترتفع قوي في الليل لذا كوني جنبه وكمدي له وجهه وصدره حتى ارجله ورقبته عيكون مثل النار لكن لا تقلقي لانه شي طبيعي انا وخالتش فاطمه عنطلع طالع

هاجر: تمام وسامحني على الازعاج اتعبتك معي

العم محمد: لا يا بنتي مابش شي فضل جدش كبيير علينا ومن واجبي اخدمش كشكر له وطلع العم محمد ومرته

هاجر التفت لا عند ياسين الذي عيونه مغمضات وغايب عن الوعي كنت ادعي له من قلبي لاول مره اخاف على احد هكذا من بعد جدي بكيت لا يحصل له شي جلست جنبه وبعد شويه بدات حراره جسمه ترتفع و يعرق من كل شعره كنت امسح العرق منه واكمد له بس كان بيشتعل قررت افتح ازرار القميص وابرد صدره الذي كان مثل البركان بيغلي

ولكن لما فتحته نظرات الدهشه ما فارقت عيوني صح جسمه كان عضلات ومدري ايش بس ما خلاني اندهش هو علامات تعذيب قويه في صدره وظهره مدري ليش شفتهن وبكيت بقووه مسكت على فمي بصعوبه لانهن علامات تعذيب قويه مسكت نفسي وكملت كماد له وشويه بدأ يهذي باسم ايوه اول ما سمعت اسمي انه كان الشي الوحيد الذي نطقه وقت حالته هذيه فرحت وما سمعته منه خلاني اموت من الفرح

كان يقول

ياسين: ه هااجر قلبي لا تفليتني لوحدي انا اا انا احبش قوي


هاجر فرحت لدرجه محد يتصورها واخيراً طلع حبي مش من جهتي بس وانا وانا احبك يا ياسين لدرجه ما اتوقعتهاش انا وما صدقت ان انا هاجر الذي ما تعرف كلمه حب تحب مسكت يد ياسين بهدوء وسحبتها لا وجهي وبدون ما احس غطيت في نوم عمييق

...................................


في فله كبييره كان يجلس الطغيان بعينه وهو يهين اخاه بكل عصبيه

عزام: انت ايش يا سالم ايش قدرت تضحك عليك بنت وهذا وانا عاملك ذكي وقدرت تخدع ياسين السنين هذه كلها وفي النهايه جايب لي اوراق مرضى ومستشفيات


سالم: انا اسف يا اخي والله ما عرفت لان ما رضيت تديها الا بعد ما كونت ياسين في يده ساعتها شليتها وفرحت كان منها جد


عزام: اح يا عزام اح سالم انت ما تنفع بشي ما معي الا شيطان الظلام اكلمه واخليه يساعدني
























📚 @rewayatyamania  🇾🇪

.

البـارت 61 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


دخلت والذي شفته خلاني اشكر ربي انه اظهر لي حقيقه سالم لانه كان حوله ثلاث نساء شبه عاريات ويقومين بالرقص امامه وفي يده كأس هم ما شافوني بس كانت السماعه في الحجره ضبحت من هذا المنظر واطلقت رصاصه في السماعه لما تعطلت وسكتت عندها التفتوا لا عندي ولما التفتوا اطلقت رصاص في الارض لما خرجين النسوان وهن بيصيحين اما سالم اسقط الكأس من يده بخوف وسنب من مكانه

سالم: هاااه ياسين اهلا بصاحبي شكلك جيت تنتقم 

ياسين: اعوذ بالله لو كنت صاحبك الان انا اشكر الله اني اكتشفت وجهك الثاني يا ابن ........***  ايوه جيت انتقم بس اول شي استفيد منك وجهت سلاحي على سالم وقلت الان قول كيف القى شيطان الظلام هذا

سالم: اوووه اهدأ ونزل السلاح وخلينا نتكلم او اقول لك شوف يمينك

التفت يميني وشفت راس عزام مطروح فوق ماسه

ياسين: من فعل هكذا هه انت او من

سالم: لا مش انا شيطان الظلام الذي فعل هكذا مثل ماقال انه انتقم لهاجر منه

ياسين بغضب: بطل مجبر وجاوب على سؤالي والا

سالم: ههه والا ايش انت مستحيل تأذيني انا نقطة ضعف لك يا ياسين

ياسين: هههههه من انت ابسر ما شفعل بك الان

اطلقت رصاصه في كتف سالم مثل ما اطلق عليا تماماً

سالم: ااااححححح مااالك ليش فعلت هكذا اححح

ياسين: عتتكلم والا ازيد افعل واحده

سالم: خلاص تمام خلاص في البيت الاسود هو الوسيله الوحيده الذي توصلنا للشيطان

ياسين: كيف وضح كلامك

سالم: لما تسير هناك المكان هو مراقب وبعدين يجي مساعد شيطان الظلام سامي ويقول اذا كان يشتي يشوفك عيشلك واذا ما يشتيش يكتفي بنقل كلامك وبس

ياسين: هاه اذاً هكذا خلاص سبرت بس ما يسبرش اسير انا هاه صح دريت كيف افعل انت عتسير لا هناك وصدقني لو حاولت تتكلم او تقول انه انا ارسلتك هو عيقتلك طوالي من غير ما يعرف حتى السبب لذا تشتي حياتك الان قوم قبالي

سالم: اينه وانا هكذا يدي تنزف

ياسين: اشتحط قوم يا نذل هيا

قام سالم وياسين بعده الى البيت الاسود

...........................

في بيت هنادي......

الحج صالح: وليش مستعجل هكذا مابه عليه

سميحه: قال ما عاده قادر يتحمل وبيني وبينك قدوه احسن ابسر بنتي عروسه وعاد انا موجوده محد داري اي حين عيموت

الحج صالح: خلاص تمام اهم شي البنت

سميحه: ههه البنت ما صدقت حين قال انه يشتيها

الحج صالح: ههههه الله يهديها ويسعدها يارب الان انا اتصل له يجي هو واهله العصر

سميحه: تمام بس الولد مابش معه اهل كلهم توفوا اما الباقيين اعمومه وغيرهم مغتربين في امريكا وبعضهم في كندا

الحج صالح: خيرة الله امر الله


اتصلوا لا عند مصطفى وحددوا العصر يجي بالخطوبه ويتناقشوا بالشرط والمهر مصطفى فرح وغلق تلفونه


في غرفه هنادي.......
الله يستر بس هاجر ايش فيش حسي وعقلي عندش يارب ولا عاد ابسرتها وانا مستحيل عاد اكلم احد من اسرتها كلهم طبيعه زفت مابلا هي وكأن ماهي بنتهم
الله يحميش يا هاجر

.............................


هاجر.......
فتحت عيوني وكان حجابي ملفوف حول راسي  وشفت صلاح قبالي كان جالس فوق كرسي يبسر لا عندي وقتها قال

صلاح: واخيراً صحيتي كان طعم دمش احلى من الذي طعمته قبل خمس سنين وصدقي ما اكتفيت من طعمه الا لما جاني اتصال من سامي يقول ان سالم اخو عزام يشتي يقابلني ويكلمني بشي ضروري لكن انا بالحقه بعد اخوه لا تقلقي الان قولي لي اين هن ياهاجر

هاجر: صلاح كيف عرفت ان ياسين امه اسمها غيداء

صلاح بتعجب: هههههه انا وين وانتي وين ولو اقول لش ما عتقدري تتحملي وهه انا اعرف امش غدير والكل واعرف من الذي قتلها يا يانظر

هاجر: من امي رجاءً كلمني لو سمحت الا بتحمل وانا مستعده افعل اي شي اهم شي قول لي من قتل امي

صلاح: اوووه اي شي فرصه والله شوف الذي قتل امش هو الذي قتل خالتش وزوجها

هاجر: كيف تقصد ليش قتلهم كلهم

صلاح: لان خالتش وزوجها ماتوا وقت ما شافوا قاتل امش وليش ماتت امش لان في من فبرك صور عليها وارسلهن لابوش

هاجر: ايوه قول لي من قتلها مايهمني ايش عاشت يهمني قاتلها

صلاح: الذي قتلها هو ابوش يا ذكيه ابوش فهد قتل امش وام ياسين وابوه

هاجر: هههههه لا لا لا مستحيل كيف ابي يقتل زوجته واختها لا انت تشتي تلعب بنفسيتي وتدمرها اكيد

صلاح: ريعي اوريش الفيديو كيف ابوش قتل امش ريعي هاه ابسريه


كان حوار الفيديو...

























📚 @rewayatyamania  🇾🇪

.

البـارت 64 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


الجده امنه: الغلط عندكم والا انتوا عارفين انه عنيد وما يشتي الا قوله وانا عاد انا وفيت له

احمد: بايش وفيتي له ماقد به زد

الجده امنه: قلت له لو ما يرجع بهاجر الليله لا هو حفيدي ولا انا جدته ولا اعرفه ولا يعرفني

احمد: ياجناه وفيتي ام البوره ذلحين كملتيها اخس والعن هيا هيا غلقي لا اغيش ذلحين

غلق العميد الركن احمد تلفونه ورجمه بقووه لا عرض الجدر

علي: ااحمد ماااالك صل على النبي

احمد: ما بتسمع ما قالت ذلحين الله اعلم اين الولد هذا وتلفونه مغلق من الصبح

علي: حدد مكان تلفونه وخلاص

احمد: هه قصدك اني ماقد فعلتها فعلتها وطلع الولد اذكى مني ومنك حددنا مكانه ولما سارت وحده لقيوه في محل العاب

علي: كان ماهو كيف عنفعل اسمع مني اكيد به شي ياسين خباه علينا والا هو ما يفعلش هكذا ابداً قد ابسرت في خطف جدته كان صبور مش هكذا

احمد: ايوه وانا قد انا اقول هكذا بس الله اعلم ماهو الذي ادى له الجنان وقال لها بصوت عالي


...........................................

نرجع عند هاجر......

خرج صلاح بعد ما اكمل المذبحه المسميها بلعبة الموت وخرج واما هاجر فكانت محطمه تماماً جسد بلا روح فلقد نجح في تدمير اعصابها وادخلها في حاله نفسيه وكل هذا كان قصد منه لانه يشتي ينهي ما تبقى من حادثه ما قبل خمس سنوات ولكي لا تقاومه هاجر وتكون مستسلمه له حاربها نفسياً وجسدياً......


هاجر: انا شكلي ميته صح يارب انت عليم بكل ما بحصل لي يا الله هو بيحطم نفسيتي لاحل الذي في نفسه الشهوانيه القذره يا الله انت خير الماكرين ابطل اعماله ونجيني منه

كنت ادعي بيني وبين نفسي وقتها رجع صلاح وجلس امامي

صلاح: امممم الان انتي عارفه من نفسي ادي نفسي في ياسين امانه اني قد روحي عتخرج نفسي اعرف كيف تحمله

كنت شبه ميته بس لما سمعته ذكر ياسين حسبت الحياه رجعت لي وبغضب قلت

هاجر: الا ياسين يا حيوان هو ايش دخله المشكله بيني وبينك

صلاح باستغراب: هاااه بين اشوف ذكر ياسين خلاش تتكلمي وانا كنت مفكرش ميته والغضب هذا كله على شان ابن.. ***

هاجر: انتبه لكلامك يا زفت ياسين اشرف منك ومن غيرك يا قذر


دق الباب ودخل الطارق وكان سامي
سامي: سيدي وصل سالم اخو عزام بأيش تأمرنا


صلاح ببرود: اقتله من الباب سامي اسمع اشتي ياسين ال.. ويوصل لا عند رجلي مهما كلفك الثمن يااااسين يجي هنا وقالها بصوت غاضب ومرتفع

سامي: حاضر سيدي
وخرج سامي ....

هاجر: ليش ااا ايش ايش عتفعل به او

صلاح: اخس من الذي فعلت لش الان انتي جي اعلمش كيف تتكلمي على رجال غيري وتدافعي عليه شكل الحب والعشق قدهن في دولتش


هاجر: ايوه عندك مانع انا احب ياسين واعشقه وما كملت كلامي لا وجتني لطمه قوية في وجهي من صلاح وبعدها فك رباطي ومسكني من يدي وسحبني وراءه ونسيت ما اقول لكم صلاح تغير تماماً في شكله اصبح ضخم البنيه وطويل انا كنت خايفه هل عيفعل الذي بين افكر به لا الله يخيب ظنوني كان يسحبني بعده بعنف وطلعنا درجان كثير حتى وصلنا الدور الثالث

فتح الباب ودخلنا وفتح باب ثاني ودهفني لا داخل الغرفه ودخل وغلق الباب انا شفت الغرفه كانت في قمه الفخامه بس كانت غرفه نوم وقتها صلاح قال

صلاح: انا الان اوريش من تحبي ومن تعشقي انتي غير مسموح لش تحبي شخص غيري ..


....................................


عند ياسين...
ياسين: يعني انت هنا متخبي يا كلب واحنا نلف العالم لكن ليش ما قد دخلوا سالم قد له ساعه واقف هاه افتتح الباب والذي خرج منه كان مساعد صلاح

ما هو جايي يفعل لا او الذي بين افكر به رفع السلاح فوق راس سالم لا لا اووه قتله والله انه قتله عياااال الحرام الكلاب انا كنت اشتي يدخل لكن قتلوه ليش اخرج ابسر

خرج ياسين وكان يتسلل بدون ما يحس احد به ووصل لا مكان ما يشوفه احد وتخبى فيه وسمع سامي وهو يقول

عند سامي
سامي: هيا يا رجال معنا مهمه جديدة الشيطان امر ندي ياسين ال... حتى من تحت الارض هيا وطلعوا السيارات وانطلقوا


ياسين: اهاه يشتيني شيطان الحرام حظي انهم ساروا كلهم وما بقي الا الحراس اشكرك يارب الان انا اجي لك يا ديوث ولو جيت وقد فعلت بهاجر شي صدقني اني ما برحمك

ودخل ياسين البيت فبطلنا شاطر قوي في التجسس لانه جاسوس الدوله الامثل


..............................


نرجع عند هاجر .......

صلاح: واخيراً انتظرت كثيير يا هاجر كثير وكل يوم وانا افكر كيف القاش والان مابش لش هرب مني

هاجر.. بدا صلاح يقرب مني...























📚 @rewayatyamania  🇾🇪