قناة

روايات يمنية📚🇾🇪

@rewayatyamania
روايات يمنية📚🇾🇪
20.6k
عددالاعضاء
7,039
Links
3
Files
12
Videos
440
Photo
وصف القناة
قنواتنا: قناة روايات يمنية📚🇾🇪 @rewayatyamania ارشيف القناة📗🗂 @archiveRY @ArchiveRY2 قناة سلي على قلبك للنكت🤣🤪 @nokat23 قناة قصص باللغة الانجليزية📖✏️ @engstory23 للتواصل عبر البوت @YemRewBot 🔥مااحلل من يحذف رابط اومعرف قنواتي ليوم الدين🔥
مرحباً او مُر حباً ألق نظرة هناُ ، ربُما
تجُد مايُلامس تفاصيل روحكُ 🦋🤍.
Link
0
592
15:152023/01/02
⇊ هنا☟ تنسي الهم وتقوله روح مني ياعم😎⇊☟
https://t.me/+JvlRL5NcyjUwMzRk
⇊ قائمة لافضل القنوات العربية☆☆☆☆☆⇊
Link
0
645
17:172023/01/02
Link
0
548
18:182023/01/02
Link
0
554
18:182023/01/02
روايـة كـان اللقـاء أشبـه باليقـين للكـاتبة: اليقيـن
Link
0
550
18:182023/01/02
روايـة كـان اللقـاء أشبـه باليقـين للكـاتبة: اليقي
👌🏻👇🏻 😍
📚 @rewayatyamania  🇾🇪


ملخص الروايـة 🥀

رقـم الروايـة : 208

اسم الروايـة 📖 :  كان اللقاء أشبه باليقين

اسم الكـاتبة✍🏻 :  اليقين

عدد البارتـات : سيتم التعديل لاحقاً

مدة العرض 🗓 : سيتم التعديل لاحقاً

وقت العرض ⏰ : المســاء


#عرض_أول_وحصري_لقناة_روايات_يمنية

#تنسيق_وتصحيح_إدارة_قناة_روايات_يمنية

#تنسخ_لاتحذف_المعرف_والا_ما_احللك_ليوم_القيامة






📚 @rewayatyamania  🇾🇪
Link
0
520
18:182023/01/02
روايـة كـان اللقـاء أشبـه باليقـين للكـاتبة: اليقي
.

البـارت 1 •°

#كان_اللقاء_أشبه_باليقين
#للكاتبة_اليقين

👌🏻👇🏻 😍
📚 @rewayatyamania  🇾🇪


بيت كبير وفخم جدا، تحديدا الساعة 7صباحا أغلقت مصحفها تنهدت وهي تشرب من كوبها، أمسكت رأسها بكفيها وبهمس: ياربي والصداع تعبت له اسبوع ماافعل له؟!

"نظرت الساعة "مسرع خطي الوقت لا حول ولاقوة الا بالله خرجت من غرفتها أبتسمت وهي ترى أختها: صباح الخير

هديل بلامبالاة: صباح الخير كيف لش تأخرتي ياست هانم؟

أماني تألمت رغم تعودها على نبرتها وعدم مبالاتها: مابلا رأسي بيوجعني قوي تيه الفترة

هديل: من كثر ما بتسهري فوق التلفون

أماني ببرود: ناهي لا تجلسي تت

قاطعتها وهي تمشي: ناهي أخطي من قبالي، وقطبه صبوح عيقوموا ذاحين

أماني تنهدت ومشت للمطبخ تساعد عماتها (فتحيه -وسامية)

فتحية: نورتي الديمه ياروحي

أماني أبتسمت بتعجب ، لفتت شافت امها (نادية) ضحكت بخفة (وانا فرحت سع الخبلاء وقصدي انو لي)

ناديه بتعب: الله يحفظش، ما عاد باقي معاكن

سامية: ولاشي "وبصيغة أمر" اطلعي قومي فارس وخليه يقوم العيال

نادية تأملت تغير ملامحها من تعاملهم معاها خرجت وبحب: مالها قلبي

أماني بهدوء: ولا شي

نادية ضمتها: لا تزعليش منهن

أماني بحب: ليش ازعل يكفي انش جنبي ومعي

"ابتعدت وطلعت غرفة عمها المحبب لقلبها فتحت ودخلت "فارسس، فاررسي فرووس


فارس: هممم

أماني ضحكت: ييي من بتتخيل يا أيها العاشق

فارس ضحك بكسل: اقلعي من قبالي

أماني ضحكت: تمام صبوح"سكتت لثواني "وعلى طريقك قوم أحمد ونبيل

فارس قام حضنها: تمام

أماني ضمته بقوة وخرجت



"مشت عدة دقايق "

الكل مجتمع على طاولة الأكل

هديل: عاد أبي اتصل لي وقال عيتاخروا

أحمد: مش عوايده يتاخر

نادية بتعب: الله يعينهم

نبيل بعيد عن الموضوع: آية مالش مطنننه

آية: ولاشي

أماني ساكته فاهمة عدم تقبلهم لحديثها ولاول مرة: يمكن يجوا اليوم او بعده

سامية: وليش ما حاكونا يا قمر

هديل: الله يشفيش شكلش محمومه عاد انا حاكيت أبي وقالوا لي مشو جاي

أماني أكتبدت وبجمود: يمكن يفعل لكم مفاجاة

هديل ضحكت بخفة وبهم: أنتي دارية أن أبي ما بيفعل لش قيمة فخليش ساكته بدل ما تجلسي تتهايي على الفاضي

فارس راقب تغير ملامحها: هديل بطلي خبر

أماني أبتسمت: ماقالت لي شي

سامية: بطلوا خبر وبعدا احمد اقطب معك انت ونبيل جامعة

أحمد: تمام

نبيل قام: الحمدلله "صوت الجرس"شافتح أنا

نبيل فتح صقع: عم عبدالله وأخوته

ضحكوا وتسالموا

عبدالله: مالك

نبيل: ولاشي مستغرب قد فعلنا حرب انكم ما عتجوا

عبدالله أبتسم: أماني مه حكت لكم

نبيل: بس محد صدقها

عبدالله: الله يحفظك

نبيل دخل: الثلاثة الكوكباني جوا

فيصل (والد نبيل) ضرب كتفه: عيب يا ربح

ضحك : آسفين

أنصدموا

هديل: جيتوا

أماني لفتت لهم بهدوء وبهمس: بدأ أبي يحبني

هديل ما أهتمت قامت أحتضت أبوها وبتشمه: فقدتك

باس رأسها: وانا فقدتكم يا روح أبوش

أماني تنهدت سلمت على أبوها وكان سلام أقل من العادي تألمت وهو حتى ما رفع نظره ليتأملها او ليسالها عن حالها

عبدالله جلس جنب ناديه: فينو هيثم

أماني: عادو راقد

سكت ومسك يد نادية وبهمس: ماله روحي

ناديه بتعب: ولاشي

همس أكثر: ما خلاني اسافر  من عدن إلا انتي

أبتسمت: الله يحفظك


نادر(أبو أحمد): نزلنا ندور مرة ما لقيناش "سامية قرصته"يا لطيف

فارس ضحك: تبخرين مع الحمى

نادر بعناد: تقول

سامية: اصتبحوا


ضحكوا كلهم من غيرتها


أماني أنسحبت بهدوء وطلعت غرفتها، فارس لحقها طرق الباب ودخل: مالحبيبة عمها زاعلة

أبتسمت: ولا حاجة

فارس: انا داري انش بتزعلي حين بيعاملوش كذيه

قاطعته: قد تعودت والله قدو غباء لو اجلس أزعل

أبتسم وباس رأسها: اليوم عيجي مطر

أماني: ياررببب
.
.

بيت آخر:
بسام: يييي، يا وولد

ماجد خرج باس رأس أبوه: قد تأخرت يابه

بسام: الله معك

شهد خرجت: راعي وصلني معك

ماجد ما سمع

بسام: ماجدددد، وصل أختك

ماجد: حاضررر، هيااا جنيه قد انا متأخر

شهد جرت: تمام


سلمى(زوجة بسام): صباح الخير، مسرع خطيوا عادو حين

بسام: معاهم محاضرة الساعه تسع

سلمى: الله معاهم

بسام بهدوء: ذاحين ابنش مايشتيش يرجع مرته وما عيقول السبب الذي خلاه يطلقها

سلمى: قد حاولت معاها ومعه ما رضوش الاثنين ، وقدهم عيرجعوا من عدن خلينا نزيد نراعي عسى وهم يعقلوا

بسام: تمام

سلمى: مازد قلت بالموضوع الذي

قاطعها بصراامة: إذا أنتي تحبني وتحترميني لاعاد تفتحيه، لانو أنا نسيته خلاص

سلمى تنهدت: حاضر،

بسام: داعي يوسف

سلمى: شويه واقومه

بسام: بسم الله "بدأ يأكل "




بغرفة يوسف..
بيتأمل سلسال بأسم *هاجر* تذكر حياته معها كيف كانت مليئة بالحب وكيف أنقلبت بساعة وحين، كيف أصبح أنسان متعجرف، ضاع حنانه وحبه للحياة وببحه وهمس: ما فعلت لش يابنت الخاله مافعلت "صوت الهاتف، أستغرب...
























📚 @rewayatyamania  🇾🇪
Link
0
487
18:182023/01/02
روايـة كـان اللقـاء أشبـه باليقـين للكـاتبة: اليقي
.

البـارت 2 •°

كـان اللقـاء أشبـه باليقيـن 🖤

👌🏻👇🏻 😍
📚 @rewayatyamania  🇾🇪


أستغرب وجاوب ببرود"الوووو

....: كيف الغالي

أحمرت عيونه: من معي

هاجر بحب: هجو"

غلق لوجهها الله يلعنش ويلعني من حين حبيتش

.
.

بيت محمد (الظهر)

داليا بتذاكر ومندمجة (يارب خليني ادي درجة أرفع رأس ابي وامي واخي يارببب ) أغلقت الكتاب وخرجت للمطبخ: صباح الظهر، ماافعل معش يا زوجة أبي العزيزة

ضحكت: ولاشي غر بطلي لقانة واقلعي وسير ذاكري

أبتسمت وضمتها: أنا فدالش يا ذاكرتي، قد كملت ماباقي الا اراجع

ذكرى بحب: الله يوفقش ويحقق لش ما تتمني

داليا: آمين "وبتساؤل "مامي، ليش بيت عمي عبدالله وبيت عمي خالد بعيدين من بعض

ذكرى: كيف يعني

داليا باستغراب: يعني تبسريهم محد يسير عند الثاني الا إذا به مناسبة او مرض ما تحسيش انهم متجاورين قووي

ذكرى: والله ما ادي لش علم وهم هكذا من زمان، ما علينا، كيف هي أماني صاحبتش

داليا: بخير بس مدري مالها هذي الفترة درجاتها نازله قوي

ذكرى بحب: حسش بها حرام ما مثلها بنيه

داليا ضحكت: من كثر ما بتوصيني عليها قد بين أغار

ذكرى: أحلفي

داليا أبتسمت: أماني أختي الي الله أداها لي ، اللي عوضني بها

ذكرى تجمعت دموعها من ذكرى إبنتها

داليا أحتضنت والدتها: لا تزعليش كل شي قضاء وقدر
.
.

في جامعة صنعاء:
مشت باقصى سرعتها، هي لا ترى من تشوش عيناها من ضيق تفكيرها، زادت سرعتها (ليش انا اللي بين اتعذب ليش ) توترت سقطت بقوة على الارض

نبيل شافها جرى ناحيتها: سلامات

مها رفعت رأسها لم تستطيع تمييزه: مابش شي "وقفت برجلين ترتعش من قوة خوفها " آسفه ما ابسرتك

عقد حواجبه: بس انتي ما دحرتيني

قاطعه مشيها: اسفه

نبيل بفضول: يعلم الله ما فيها مها  شالحقها ابسر او احد بيغثيها


مكان بعيد عن أنظار الكل جاوبت بقلق: الوووو

......: بنت علي غدوه اخر موعد لش العشرين الالف تكون بنفس المكان

مها بكت بالم: من انت وما فعلت بك

ضحك بسخرية: واحد عينشر صورش لابوش لو ما خليتي نفسش عاقلة واديتي الزلط

مسحت دموعها بعشوائيه: حاضر بس لا تنشر صوري "غلق الخط ، لفت تمشي صقعت" نبيل أنت هانا

ضحك بسخرية واستهزاء تام: انت هانا! كنت أبسرش غير عن الكل عن كل البنات طلعتي واحده باعت نفسها على ايش يا مها

نزلت دموعها وبحده: مالك دخل انت ما تتدخلش

نبيل بغضب: ليت وانا ما لحقتش، بس انا الغبي الذي جيت ابسر مالش

مها بقهر: لا تحكم على شي مش انت داري باساسه "مشت"

نبيل بلع ريقه بقهر وبهمس(مادخلني وانا)



بقاعة اخرى:
عمار : يارجال حرام ما فهمت شي مدري مالي

أحمد غمز له: فينو حسك اليوم

عمار بداخله(في بيتكم): وسخ قلدني الله، مابش بحسي على احد مابلا مشاكل العايله

أحمد تذكر أماني: عيعين الله ما يقع شي "خرجوا "شافوا نبيل وصورته متغيره"

أحمد: مالك

ماجد: بين احاكيه من اول مارضاش يتحاكى

نبيل: ضابح

ماجد بيأس: اكره شي حين يضبح ما تدراش كيف تواسيه، المهم كملت محاضرتكم يا عم عمار

ابتسم عمار: ايوة ،انا شخطى اي شي تحتاجوه حاكوني

نبيل: هيا وانت عتخطى او كيف

أحمد ضحك: تمام هيا
.
.

بعد العصر، بيت عبدالله:
أماني تأملت لوحتها: باقي ثلاث ايام واكملش بين اتخيل شكل ابي وامي حين يبسروها "تنهدت"مدري ابي عيبسرها او مع

هيثم بعمر 10سنوات: اماني اختي

ابتسمت: عيوني

هيثم: اشتي جعاله من الذي في دولابش ، لانو ابي بيحبش ادى لش جعاله لحالش

أماني تألمت (ابي طلبته مره كسر بخاطري، وخلاني اجمع مصروفي واشتري لي بنفسي ): تمام "سحبت افخم نوع من الشوكولاه "واحلى شكولاته لاحلى هيثم

حضنها: احبش"ابتعد ونزل "

اماني تاملت الجو ابتسمت بفرحة اخذت حجابها وطارت الى السطح، بدات تلعب وسط المطر بكل طفوله



بغرفة اخرى:
ناديه: اطلعي قولي لاختش تنزل برد

هديل بضيق: بنتش معاها كبرياء بكل شي وبتمثل الهنجمة الا حين ينزل مطر تقتلب لش سع الجهال

سامية: لا تخليهاش على سيرها عتزيد فيها

ناديه بصرامه: بنتي واربيها كيف ما اشتي

هديل طلعت: أماني، امممماني

لفتت لها: جيتي تلعبي معي

هديل: خف الله عقلش أنزلي قالت امي برد عتمرضي

دخلت اماني: حاضر

هديل بضيق: سريع غيري لداتش امي عتصيح فوقي بسببش مش انا ناقصة

استنكرت حديثها: مش انتي ناقصه صياح "تالمت وبجمود "على فكرة محد يسخى يزعلش بكلمة يا هديل وانا بينزلوا عليا كلهم يكفيش معاملة ابي لي ومعاملته لش كيف هي، وذلحين إنزلي وانا اموت محد له دخل

هديل: طزززز الذي عتمرضي انتي مش انا

اماني نزلت غيرت ملابسها ، أخذت شنطتها وبتفتش: فينو الكتاب "دورت وما لقته، خرجت غرفة البنات ودخلت"بنات

آيه استغربت: مالش، وبعدا واحد يدق

أماني...





















📚 @rewayatyamania  🇾🇪
Link
0
369
18:182023/01/02
روايـة كـان اللقـاء أشبـه باليقـين للكـاتبة: اليقي
.

البـارت 3 •°

كـان اللقـاء أشبـه باليقيـن 🖤

👌🏻👇🏻 😍
📚 @rewayatyamania  🇾🇪


اماني نزلت غيرت ملابسها ، أخذت شنطتها وبتفتش: فينو الكتاب "دورت وما لقته، خرجت غرفة البنات ودخلت"بنات

آيه استغربت: مالش، وبعدا واحد يدق

أماني ببرود: ابسرتي كتابي الاحياء

هديل: ماشي او معش إختبار

أماني بهدوء: ايوة ما لقيته، سهل شختبر وعلى الله

آيه: ابسري الإهمال لوين يسرحش

أماني خرجت وغلقت: استغفر الله بس "عطست "

فارس نزل من غرفته شافها وضحك: اللعبة بين المطر، قد بين اقول لش بطلي، غر انت ما بتفهمنيش

أماني أبتسمت مشت ناحيته وضمته: انت الوحيد اللي بتحبني وما بتكسر خاطري

فارس تنهد: الله يكسرني لو شاكسرش يا أماني

أبتعدت قليل: فين عتسير

فارس: عند حبيب القلب يوسفه

ضحكت: تمام اخرج ذاحين

فارس: ما تشتي شي

أماني بهدوء: سلامة قلبك..

فارس خرج ركب سيارته واتصل: سلام

يوسف بهدوء: وعليكم سلام

فارس: فينك

يوسف: بنفس كل بقعة، لا تجيش مشتيش احد اشتي أجلس مع نفسي

فارس بضيق: لك اربعة أشهر يا يوسف أربعة وأنت مدخل نفسك بضيق خلك عاقل وأدرى انو كل شي بالقسمة والنصيب

يوسف ضغط على رأسه وبشبه عصبية: أنت ما تتدخل خليك بحالك وخليني بحالي

فارس أغلق الخط وتوجه ليوسف ..


عند يوسف يتأمل جميع ذكرياتهم ويحذف كل الصور ويسال نفسه( هل أستاهل كل هذا ) حس بيد على كتفه لفت: مش قلت لا تجيش

ضحك: ما استر افارقك مافعل

يوسف أبتسم بخفة: ولاشي، الله يديم المحبة

فارس أبتسم: آمين ...
.
.

بيت محمد:
بتشاهد فيلم بمللل لترى دخول أخيها

ريان دخل: اسكه افعل لي اي حاجه تبعد الصداع

داليا فزت: كم له بيوجعك

ريان بألم: من الصبح بس زاد ذاحين

داليا: الانن "دخلت أخد سولبادين (فوار) وضعته بين الماء"خليه يفور وأشرب

ريان: أسلمي

داليا تأملته: الله يسلمك

ريان دخل غرفته ارتمى على السرير ونام تلقائيا



بالمجلس الصغير:

محمد: مالها مرتي ضابحه

ذكرى أبتسمت: مابش شي مابلا قولي عبدالله كان متزوج والا مابلا هذه،

محمد: مابلا هذه

ذكرى باستغرب: هااا، كنت اقول انه تزوج

محمد: للمه السؤال

ذكرى: مابش شي غر قلت أتاكد!

محمد: في عطلة نص السنة ما رأيش نسافر اسبوع ونجي

ذكرى براحة: تمام قدو نغير جو والكل
.
.

بيت بسام:
دخل يوسف بهدوء

بسام وسلمى أستغربوا

بسام بحزم: ييي يوووسف

لفت له: خير

عقد حواجبه وأشر له يجلس

يوسف بضيق: خير

بسام: اول شي تتحاكى معي سوا ثاني شي ما رأيك ترجع هاجر وخليني نحل مشكلتك معاها

أحمر وجهه بعصبية: هاجر ما عترجع

بسام: تمام، نزوجك

يوسف حاول يكون طبيعي: زواجه ما عاد اتزوج

بسام: شاور نفسك هذا الشهر

يوسف طلع غرفته بعصبية ضغط على رأسه بقوة   مافعلت يا رب ما فعلت
.
.

بيت عبدالله:
أحمد نزل: من هي الذي هانا

أماني: اهلا

أحمد: ليش ما بتجلسي جنبه

أماني بهدوء: جلست وضبحت ونزلت

أحمد ضحك بتعب: خلاص انا جاوع

وقفت بدون اي ردة فعل: تمام ما تشتي افعل لك

أحمد: بيض

دخلت للمطبخ: ثواني بس

أحمد بيتامل حركاتها وبداخله (كملي تيه السنه واخطبش): أماني

أماني بهدوء: ماهو، عادك تشتي شي

أحمد: قلت أعاونش إذا انتي تشتي شي

ماحبت جلوسها معه بنفس المكان: اسلم إذا انت تشتي تخـ

قاطعهم دخول آية مستنكرة وبشك: ما بتفعلوا الاثنين هانا

اماني بجمود: معش عيون يا قلب امش والنبرة هذه والشك اللي في عيونش أبعديه

آية تكتفت: احمدوا الله انو الذي جيت لانو لو كان عمي عبدالله انو قال

قاطعها أحمد بعصبية: بس أنا سكت لش خيرر ،

أماني ببرود: والله أنا بنت عمش يا آيه وكلنا نفس التربية

آيه صفقت بخفة واستفزاز: يله كل واحد يدافع على الثاني وهذا ما تسموه يا كلنا نفس التربية

أحمد خرج بضيق

أماني رجمت القلص طفت الفرن: اشبعي بهن

آيه بتشوف القلص: والله ما راحت لش "طلعت غرفتها" هديل ابسري أختش بين أنصحها تجلس بعيد من أحمد ما هي كسرت القلص وصيحت وفعلت لها حركات

هديل زفرت بضيق: على مه نصحتيها

آيه حكت لها

هديل: اماني ما يعجبهاش أحد يقول لها كذيه بس شاحاكيها

آيه: قدي بترفع صوتها

هديل خرجت مسكت قبضة الباب ودخلت: ليش بترفعي صوتش ياست هانم؟

أماني ببرود مميت: مش ضروري أبرر لش يا أخت أماني اللي ما بتفعلي لها قيمة بس أنا تعبت أسكت عليكن وانتين بتغلطين على تصرفاتي

هديل مشت وقفت قدامها: انتي مجرد أخت مـ "سكتت" مجرد أخت بتبسر نفسها وهي لا خلق لا احترام ولا تقدير

بلعت غصتها: مجرد اخت بس يا هديل

هديل: ايووة لانش بطبعش هذا بتخسري الكل يا بنت ابي

أماني ساكته

هديل بعصبية من سكوتها: أكبر منش تحترميه  وأنزلي لمي الزجاج، بتقلدي الحلقات وتكسري ، وقسما بالله لا أحاكي ابي وعتبسري

أماني: حاضر...










https://t.me/joinchat/AAAAAEIz_KDfjDgo7Gaxwg











📚 @rewayatyamania  🇾🇪
Link
0
307
18:182023/01/02
روايـة كـان اللقـاء أشبـه باليقـين للكـاتبة: اليقي
.

البـارت 4 •°

كـان اللقـاء أشبـه باليقيـن 🖤

👌🏻👇🏻 😍
📚 @rewayatyamania  🇾🇪


بغرفة عبدالله :
كملت صلاتها بتقرأ قران، نزلت دموعها بغزارة يا قوة الالم الذي يسكن أعماقها

دخل عبدالله خاف: مالش

نادية ضمته ومسحت دموعها: ولاشي

تالم: ما بيوجعش حاكيني

ناديه: مدري بين احس بتعب قوووووي بين احس ان انا شامووت

تجمعت دموعه: لا تقوليش كذيه، غدوه عنسير نفعل الفحوصات ونبسر

نادية أبتسمت بتعب: ان شاء الله ..
.
.

صباح جديد:
بيت خالد:
امل بتتامل خالها وكيف حاضن لخلود ودعاء تنهدت: صباح الخير

حوريه(زوجة خالد): صباح النور

فاطمة (أم امل): حياا

خالد: جي يا بنتي جي

غاصت بحضن خالها: عيجوا بيت خالي بسام

خلود: ايووة

أمل تنهدت: سابر"وقفت "شاقوم أبسر الديوان وانظفه

حوريه: واحنا ندخل المطبخ ، والقطبه جمعة جامعة ودعوة سامعة

دعاء: انا عليا الحاجات الصغيرة، لان انا صغيرة

خلود ضحكت: مش انتي صغيرة انتي يسموش قزمة

شافتها بطرف عينها: امانه

خلود مشت: والله

ضحكت ولحقتها: تمام يا خلوده

خالد بيتأملهن بحب وحنان تذكر بنت اخته اللي انحرم منها أقتهر وخرج

عمار نزل من غرفته: محد يستر يرقد ببيتكم مه

خلود خرجت: اسمع يا عمي العزيز دام واحنا موجودات لا تحلمش بالنوم الكامل

عمار بطرف عين: غبني على ازواجكن كم عيتحملوكن

خلود ضحكت

دعاء بغرور: يحمدوا الله انهم تزوجوا بنات خالد ال...

عمار: لو زاد كملش الله بالطول يادعاء ان غرورش بيوصل للسماء

ضحكت: عليكم لعنتي تقولوا مدري سع من اني هو ذا اني قصيرة حينكم طوال قوي

ضحكوا
.
.
بيت بسام:
شهد: ذاحين اي حين عنسير الساعه 10

سلمى: داعي يوسف يوصلنا

شهد: ما بتبسريش كيف تغير يوسف قوي من بعد ما طلق

سلمى: تغير ماعاد بيجلس جنبنا ولا بيفعل شي من حقه التصرفات وكأن احنا مش اهله


بغرفة يوسف:
رفع نظره للمرآة أبتسم بضيق أسمر كثيف اللحية اسود الشعر وضع سلسالها بجيبه "صوت الباب ": ادخلي

شهد: صباح الخير

يوسف أبتسم وضمها: صباح السكر

ابتسمت: قالت امي انك توصلنا لبيت عمي خالد

يوسف: حاضر

شهد: يوسف "بلعت ريقها" ليش ما تتزوج تغير حياتك

أحمرت عيناه بعصبية: اتزوج اي حين ما اشتي وعاد انا مشتيش ذاحين واذا انتي بتعزيني لا عاد تفتحي الموضوع هذا

شهد تجمعت دموعها: حاضر "خرجت وصدمت بماجد"

ماجد: مالش

شهد بدموع: ولاشي

أحتضن وجهها: من زعلش

شهد دمعت: بين احاكي يوسف يتزوج ويعيش حياته ماهو قلب عليا حسسني مدري ما فعلت

ماجد: له من حين طلق اربعه اشهر خلوه ينسى اللي حصل بينهم

شهد مسحت دمعتها: تذكر أنو هو الذي طلق مشي هاجر الذي طلبته

ماجد بهدوء: ما علينا هيا عنتاخر عاد احنا عنخرج سوق القات

شهد مشت: انا احاكي امي تلبس..
.

الساعة 2الظهر
بيت عبدالله:
اصوات ضحكاتهم عالية جدا بينما هي بغرفتها، لم تفهم لمَ يكرهوا تواجدها، لمَ كل هذا! أحيانا تحس بالغيرة من إخواتها وأحيانا تخاطب نفسها بأنهم سيحنوا عاجلا ام اجلا، أنفتح باب غرفتها بلعت ريقها بفرحة وهو لاول مرة يدخل غرفتها: أباه

أبتسم وهي تحضنه: عيون ابوش

تدراكت دمعاتها وأبتعدت: ماافعل، ادي لك حاجه تحلي بها؟

تنهد بحب: ولا حاجة جيتت أعزمش على خرجة أنا وياش العصر هااا والا ما قلتي

هزت رأسها بالايجاب: اكيد، عبدالله ال..يعزمني وما ارضاش كبيرة الصودق

ضحك

نادية دخلت: ما بيفعل الاب وبنته

عبدالله بحنية مفاجئة: عزمت بنتي العصر نخرج نلوي

نادية بلعت ريقها شافت لعبدالله بمعنى (عتحكي لها اليوم) هز رأسه، أبتسمت: حالي من قدكم

أماني ضمتهم..



بغرفة نبيل:
مقهور وبداخله (معقوله مها اللي بدفعتنا تطلع من هولا البنات، بس طلع انها ما فعلت كذيه وحتى لو فعلت مفروض أوقف معاها واساعدها حتى لو غلطت، اوووف منك يا نبيل اووف)"صوت الباب": ادخل

آيه أبتسمت بخفة: ماله حبيب أخته ما تغداش سوا

نبيل ابتسم: ولاشي هم المذكرة وكذا

آيه أمسكت يده: أنا جنبك ولا شافلتك، وإذا حصل معك حاجه أو تشتي تحاكيني بشي أنا موجودة

أبتسم وهو يحتضنها: وكبرت أختي، بدل ما تجي تضاربني قدهي بتشاركني همي

آيه: حتى لو ضاربتك، بس لو احد يفعل بك شي والا يغثيك شقتله

دق قلبه بسعادة: أنا فدالش..
.
.

بيت خالد;
مجلس الرجال
بسام: ليش ما اشتريت لك قات

يوسف بهدوء: مشتيش

عمار بهدوء: هو يوم وقد احنا نجلس جنبك يا متكبر ماعاد بنبسرك الا بعض احيان

ضحك يوسف بخفه: مابش نفس والله والا انت داري كيف بين اخزن

ماجد بلطافة: ناهي عازمونا عاد احنا على قيد الحياة

عمار ضحك: خزن وانت ساكت

"صوت الآذان "

يوسف: شاقوم اصلي وأخرج اذا تشتوا شي حاكوني

خالد: الله معك






















📚 @rewayatyamania  🇾🇪
Link
0
287
18:182023/01/02
مشاركات مشابهة

الكتب والمواضيع والآراء فيها لا تعبر عن رأي الموقع
تنبيه: جميع المحتويات والكتب في هذا الموقع جمعت من القنوات والمجموعات بواسطة بوتات في تطبيق تلغرام (برنامج Telegram) تلقائيا، فإذا شاهدت مادة مخالفة للعرف أو لقوانين النشر وحقوق المؤلفين فالرجاء إرسال المادة عبر هذا الإيميل حتى يحذف فورا:
alkhazanah.com@gmail.com

الرئیسيه
المجموعات و القنوات
Disclaimer

All contents and books on this website are collected from Telegram channels and groups by bots automatically. if you detect a post that is culturally inappropriate or violates publishing law or copyright, please send the permanent link of the post to the email below so the message will be deleted immediately:
alkhazanah.com@gmail.com