.
البـارت 35 •°
كـان اللقـاء أشبـه باليقيـن 🖤
👌🏻👇🏻 😍
📚 @rewayatyamania 🇾🇪
مر الوقت ..
في الصاله مجتمعين على طاولة الغداء
عبدالله: داعي لهيثم
هديل بهدوء: قد حاكيته قال شابع
عبدالله شاف أماني: وانتي مالش قالبه وجهش
هديل بسخرية: مدري
أماني أبتسمت بحزن: ولاشي انا شطلع أصيح لهيثم واجي
فارس: اطلعي
اماني طلعت شافته وأبتسمت: هيثمي
لفت لها بكره: ما تشتي مني يا اماني
أستنكرت: أماني
هيثم: داري انش جيتي تنزليني أتغدى بس ما اشتيش يا اماني
أماني بدموع: اماني بس اي حين بتداعيني كذيه
هيثم: لان انتي أختي من ابي بس هكذا قالت لي هديل أختي
تجمعت دموعها وبغصه: هكذا
هيثم: هكذا
أماني وقفت شافت أحمد المستمع: أبسرت عمك وعياله ما بيقولوا مه
أحمد فاهم غضبها أمسك ذراعها: لا تفتحي لش مشاكل مع عمي أبردي
أبتعدت بغضب ودموع: ماعاد شاتحمل حاجه انا بنته او بنت واحد من الشارع اذا به شي وعادو مخبيه عليا يتحاكى يا احمد تعبت "مشت بسرعة فائقة"
أحمد لحقها
أماني صفقت ودموعها أخذت مجراها هذه المره: اهنئش يا بنت عبدالله، بتحرضي الكل عليا حتى هيثم !
هديل بتشوفها وبهمس: ابسر بنتك يا أباه
عبدالله وقف قدامها: مابه ذاحين للهدار
فارس قام: خلها تهدر
عبدالله بصياح: اووووص خليني ابسر مافي نفسها
أماني برجاء: أنا بنتك أو لقيتني في الشارع، حاكيني والله ما اقول اح يابه
عبدالله أمسك أكتافها: بنتي انا وامش ياسمين!
ابعدت كفيه بغضب تام وبصياح وبدون وعي: كذاب مش انا بنتك لو انا بنتك ما تعاملني كذيه أنت كذابـ
قاطعها بكف: احترمي نفسش، ايوة انتي بنت من الشارع
أماني أختل توازنها بين يدي فارس بكت أكثر وبغضب: أنا محترمة لنفسي غر انتوا بتركزوا عليا بكل شي "أبتعدت من حضن فارس وأقتربت من ابيها "أنا فدالك يابه أنا فدالك! حاكيني أنا بنتك والا مع "ارتفعت وهي تقبل جبينه"حاكيني بكل شي يابه
تألم من منظرها أحتضن وجهها: أنتي بنتي بنت قلبي من لحمي ودمي
أجهشت بالبكاء وبحيرة: للمه مابين ابسرك طيب معي للمه بتكرهني للمه بتتحسسني إنك لقيتني في برميل قمامة للمه يابه
نادر بهدوء: ابوش بيعاني بعد موت امش
أماني أبتعدت بهدوء: مشي أول مرة يضربني قدامكم ، واخوك بيذلني "حست بكف ثاني وثالث أستلمت له ببكائها"
فيصل ونادر بيحاولوا يبعدوه منها
فارس بيسحب أماني: فلتها فلتها
هديل بكت من منظر أماني: خلاص يابه
عبدالله والجن مسيطره عليه: والله ما راحت لها
عبدالوهاب بصوت رخيم جهوري: كسروا يدك يكسروا،
صقعوا كلهم
هديل وآيه انسحبين بهدوء
فتحية: خال
سامية بهمس: والله اني هي عتكبر المشكلة وعتبسري
فتحية: مدري ما اعتقدش
أماني أبتعدت القت نظره على جدها تجمعت دموعها وطلعت غرفتها
عماد لحقها
عبدالله: خير ياعم مابه
عبدالوهاب أبتسم: جيت أشل بنتي عندي تجلس لها يومين تغير شوية من نفسيتها
عبدالله: بس
عبدالوهاب أقترب بهمس: والله ان انا ماسك نفسي بالغصب بس احتراما لك والا ان انا هنتك قدام الكل وانت داري بي "زاد همسه "نادية راحت لها من تيه الدنيا وافتهنت منك ومن عذابك
تجمدت أطرافه: ما قصدك
عبدالوهاب: قصدي واضح ،اذا بتفعل ببنتك كذيه كيف كنت تجعجع بنتي
نادر بيشوفهم وساكت
عبدالوهاب لفت لهم وبسخرية: ماكنت اظن انكم رخوات وخضعان لهذه الدرجة لا استرتوا تبعدوه ولا استرتوا تحموا البنيه
فيصل: بس يا خال
عبدالوهاب: اووووصص اوووص حين تقعوا رجال جيتوا تحاكوني
.
.
بغرفة أماني:
غسلت ملامحها عدة مرات حاولت إخفاء ضيقها وقهرها
عماد بحنية: هيا جدي مراعي لنا
أماني خرجت وابتسمت محاولة إخفاء إنكسارها: هيا
عماد بيشوفها وتورم خدها واضح رفع كفه واحتضن خدها: وجعش
أماني بصوت باكي: ماشي اصلا متعوده
عماد بقهر: لا تضعفيش ربي عيشل حقش
نزلت دموعها: عيشل حقي من أبي؟ أنا مااشتيش حاجة توجعه مااشتيش شي يضره كن قول ربي يهديه لش ويعوضش
أحتضنها بين صدره العريض: أنا آسف بدل كل الذي زعلوش
أبتسمت: انا فدالك
عماد بظرافه: أبسري سع من انتي ها سع الذرة
ضحكت بخفة: والله وانت كبرت على غير عمرك أبسر عمرك 17سنة ويقل واحد ان عمرك 20 بطولك وبعرضك
ضرب جبينها: قولي ماشاء الله
أماني ضحكت: ماشاء الله وبعدا عيني بارده يا شكاك
ضمها من جديد: انتي لو تقتليني ما اقول ليش
تنهدت بارتياح: انا فدالك
فارس سمع حوارهم أبتسم بحب (طول عمرها مكابره): أماني
أبتعدت من حضن عماد: عيوني وقلبي
فارس: ولو ان انا ما شارضاش تبعدي مني ومن قبال عيني إلا ان انا راضي تخرجي وتفلتي أخي لعل وعسى يحس أنش شي حالي بحياته
ضمته وبتكرار: ليت وأنت أبي
همس بنفس التكرار: أنا أبوش انا قلبش وروحش أنا أبوش يا أماني يا بنتي
أرتخت بضغف وبتأخذ كل منابع الأمان من فارس وحنانه
.
.
الليل:
شقة فهد:...
https://t.me/joinchat/AAAAAEIz_KDfjDgo7Gaxwg📚 @rewayatyamania 🇾🇪