👌🏻👇🏻 😍
📚 @rewayatyamania 🇾🇪
💓
151
💓💓💓
.
احمد (لو جيت اخطبش وعادنا مابش معي وظيفه ماعيقلوا اهلش؟)
خلود فرررررررحت واتوترت بتداعي عهود
عهود: هاااااا
خلود: جي
عهود دخلت: مالش
خلود: احمد عيجي يخطبني
عهود صااااحت: احلفي من قال لش
خلود: هو قال لي
عهود جلست جنبها بتقرا المحادثه اسكه وريني
خلود: غلقي الباب وجي
عهود: تمام (قامت بسرعه غلقت ورجعت)
احمد منتظر لرد
خلود: مااقول
عهود: قلي ماناش داريه حاكي اهلي وابسر
خلود ردت (الصدق ماناش داريه خليه خاله تحاكي امي)
احمد (قد حاكيت امي بس قالت ماعيرضوش)
خلود طنننت (قلت لها انه انا)
احمد (ماشي بس اديت لها خبر)
📚 @rewayatyamania 🇾🇪
خلود (ها)
احمد (تقولي عيوافقوا)
خلود (مدري بس اهلي مستحيل يغصبوني على شي انا مااشتيهش وانت وضعك مختلف لانهم يعرفوك قوي يمكن يوافقوا)
احمد (انتي مارأيش)
خلود شافت عهود: يوه مااقل
عهود بضبح: قلي على مايشتوا اهلي ماعتقولي مثلا
خلود: تمام اهدأي مالش اتحمستي
ردت عليه (انا بعد اهلي)
احمد اكتتتتبد (يعني لو رفضوني عادي؟؟!!)
خلود: يخ محد يصدقش انتي ذلحين عيقل اننا مشتيهش ويغير رأيه
ردت (الا انا موافقه)
احمد (وماافهم من كلامش😞)
خلود (انا موافقه بس باقي اهلي)
احمد (خلاص شاحاكي ابي يبسر لي اي وظيفه علاسب ماانحط في موقف محرج قدام اهلش)
خلود (ايوه حاكيه)
احمد (ان شاء الله تتسهل امورنا)
خلود مستتتحيه (ان شاء الله)
عهود: يوووووه مااحلاكم مشنا مصدقه
خلود حضنتها: مشنا مصدقه انا
كندا......
الشباب جالسين يتمشوا في المول
خالد: جوا ندخل هانا
محمد: اتقي الله كم بتجلس تتشروا
عمار: بطل عبث عاد انت اشتريت لده
خالد: مالكم قفزتوا لي اشتي اشتري وبعدا تخفيضات يعني فرصه
محمد: ناهي اقتصد شويه انت طالب
خالد: كان ماجيتوا تفعلوا
عمار: جينا نتلوا ونغير جو مش ضروري نتبضع
محمد: ايوه مشو ضروري الناس كلهم بيتلووا مش كلهم بيشتروا
خالد: هذولاك الناس مش انا
الشباب ساكتين
خالد: انا شدخل ماتشتوش افعلوا لكم لفه لما اكمل
عمار: خلاص عندخل معك اخطا لا عاد تجلسش تحطم
خالد جالس يتفرج: كيف الفنيليه هذه؟
عمار: حاليه شل لك الوردي
خالد شاف له بقلبه: مالك
عمار: مالك انت مني صدق
خالد: بس جنان وردي
عمار: عادي قديه الموضه بيلبسوا كل الألوان
خالد: خزا
عمار: لاتخليهاش محلقه شاشلها انا
خالد: شلها انا شاشل كحلي
عمار بيدور شاف مقاس مديم اخذها
محمد استغرب: انا منك صدق؟
عمار ضحك: مالكم؟ايوه مني صدق
محمد جلس شويه وشاف لهم: وانا شاشل نفس حقك
خالد: هيا مه
محمد: مافيها والله انه صدق بيلبسوا مابش فيها شي
خالد بيكابر: هيا اخطوا نتفرج ماعاد باقي (ومشيوا)
خالد: هذا الشميز عجبنننني مارأيكم
عمار: قاااااتل بكم؟
.
📚 @rewayatyamania 🇾🇪