@rwayate
_وصلنا على البيت وبابا راح يجيب غدا ونحنا اعدنا نساوي البيت وفوقها كمان طالعت امي السجاد لنمدو متل كل سنة باول الشتوية منمدو وباخرها منشيلو وانا كنت طول الوقت شاردة موبايدي حسيت اني تركت قطعة من قلبي هنيك عند الساقية ...حاسة بفراغ كبير ومالقيت اﻻ بيان ضربتني بطرف ايدا
:شو فيكي
:ساعة عم احكي معك لنزفع الطاولة وانتي عقلك بمكان تاني
:طيب ..رح ارفعا
_صارت امي تصفن فيي وحسيتها انها شكت بانو فيني شي بعد ماخلصنا شغل واتكسر جسمي كمان من وراه اجت امي لعندي وقالت
:ندى الحقيني بدي ياكي
_اطلعت ببيان يلي استغربت متلي ولحقتا ودخلنا غرفتها وقالتلي
:سكري الباب وعدي قبالي
:طيب
_عملت متﻻ ماقالتلي واعدت قبالا
:ندى ...انا بعرفك منيح انتي وبيان ﻻنكم بناتي وبحس عليكم ازا صاير معكم شي ..وانا وضعك مو عاجبني بهاليومين وبالذات اليوم
:انا...ان..انا...مافيي شي @rwayate
:ندى ...ماتخبي عليي احكيلي ...وانا رح وقف معك شو ماكان شو عم بصير معك ...ليش شردانة طول الوقت
:عنجد مافيي شي
_مالقيت اﻻسكتت شوي ورجعت قالت وهية خايفة
:ليكون هداك اليوم لما رجعتي من الساقية وكنتي طين ..كان...كان حدا عاملك شي
_سكتت ومافهمت شو مقصدها
:متل شو يعني
_مسكت ايديي وقالت
:انتي يلي ﻻزم تحكي ...حدا قرب عليكي أو اذاكي...حدا عملك شي
_سكتت وفهمت امي عشو عما تلمح وخاصة انو كانت خايفة
:ﻻء ماما محدا قرب عليي
:اكيد احكي ماما ماتخافي
:والله العظيم ..لوفي شي كنت قلتلك
_حطت ايدا على وجها وكانها كانت خايفة قلها اي
:اوف ...الحمد لله ...
_حطت ايدا على شعري وصارت تقلي
:الله يحفظلي ياكم انتي وبيان وشوفكم ﻻبسين فساتينكم البيض وافرح فيكم
:الله يطولنا بعمرك
_ @rwayate
_طلعت من الغرفة ورحت على غرفتي ولحقتني بيان
:شو صاير
:سكري الباب
_سكرت الباب واعدت قبالي وصرنا نحكي بصوت همس
:شوفي
:امك شاكة انو في شي قال ﻻنو حاسستني مو طبيعية
:معها حق مبين عليكي مو طبيعية بس امك بشو شاكة يعني
:ماقالت بالضبط بس مفكرة انو حدا عاملي شي واذاني من يوم رجعت من الساقية وتيابي مي وطين
:يييي ...كملي
:لك شو بدي كمل نفيت هالشي انا وقلتلا ﻻء ماحدا قرب مني
:اي وشو صار اليوم الصبح قلتيلي شفت الشب
:اي شفتو ..ومتل عادتو اجا يتغالظ
:اي
:بس اخر الشي فلتلو انو راجعين وتركتو ومشيت
:بس
:اي بس
:هﻻء طول الوقت شردانة ومو على بعضك ...وبس
:بدك الصراحة
:اي هاتيها
:انا حاسة بشي بس مو عرفانة شوهوة
:متل شو
_مالقينا اﻻ اندق الباب
ندى:مين @rwayate
فراس:امكم جهزت الغدا يﻻ اطلعو
:يﻻ جينا
_امت من مكاني وقالتلي بيان
:لك وين رايحة كملي
:مابقى في شي كملو اومي ناكل فرطت من الجوع من كتر الشغل
:اي تهربي ...
_طلعت فيها صرت اضحك ورحنا بسرعة اعدنا على طاولة الغدا وانتبه بابا انو عم نضحك
:شو الصبايا الحلوات عما يضحكو..ضحكونا معكم
بيان:بابا مافي شي بس ندى جاعت وقلتلا مابتغيري عادتك
فراس:هﻻء هاد شي بضحك ..والله انتو البنات بتجننو ومحد بيفهمكم.
امي: لنشوف بكرا ازا خطبتلك رح تفهم خطيبتك وﻻﻻء
بابا:اي والله ﻻزم تبلشي تشوفيلو عروس ..دراسة وخلص وشغل والحمد لله بيشتغل شو ناقصو
فراس:بابا بس لسى مامعي نقد قدملا
:بابا انا الحمد لله احوالي ميسورة
هي تركا عليي وانت دور على بيت قريب من هون يكون غرفتين وصالون ومنتفعاتو بشتريلك ياه وخلص
امي:ليش بدي سكنو معي مابدي سكنو بعيد عني
:ﻻء بيسكن لحالو بس بكون قربب منا وبس ..
:ليش يعني
بيان:ماما بابا معو حق يعني هيك احسن
_امي ادايقت كتير
بابا:هيك افضل بياخد راحتو هوة ومرتو اما هون رح يدايقو كتير
فراس:خلص @rwayate ماما قد مافيي رح ﻻقي قريب من هون وبتﻻقيني كل يوم عندك
بابا:وشو بدك احسن من هيك
:طيب الله يسرلو
_رغم هالشي كان باين على ماما ماعاجبها يلي انحكى
____
_بلشت امي تدور لاخي على بنت الحﻻل واكتر الاحيان بتروح معها بيان.... واخي بلش يدور على شقة صغيرة وانا بلشت جامعتي وبدوام جمعة وسبت ...ورفقاتي اغلبهم ﻻحظو شرودي وتني مو على طبيعتي وكنت حط حجة تني تعبانة وعم اسهر ..في من رفقاتي يلي صدقت حكيي وفي منن يلي ساوى حالو انو صدق
_____