9
@rwayate
_ندى
_رتبت امي موعد مع ام امجد لتشوف الصبية يلي رح تخطبا لفراس وراحت وهية وام امجد شافتا امي وعجبتا وطلبتا كمان والمسا كانت اعدة وعم تحكي عنا.
:ماشاء الله البنت حلوة ومرتبة
بابا:ايمت رح يردو الجواب لكن
:قالتلي بدهم 4 ايام
فراس:اي وماقلتيلي شو اسما
:اسما غدير
ندى:اي وايمت نحنا بنات حماها ﻻزم نشوفا
بيان:يلي بيسمعك بيقول انك ماشفتيا ..وﻻ عقلك كان عم بخطط لشي تاني
_اطلعت فيها ومافهمت شو عم تقصد
:اي صح شفتا بس مو بصفتي اني بنت حماها
امي:خلص بس وافقو منروح ومنشوفا ومنحدد يوم للشوفة لفراس
ابو فراس:وانت يافراس ان شاء الله لقيت بيت.
:لهﻻء عم دور ﻻنو اقرب بيت في شارعين لبيتنا فعم استنى لسى معي وقت ليصير في خطبة
بابا:اي بس ﻻزم نشوف البيت بركي بدو تصليحات ونفض ودهان ..ﻻزم كلما استعجلت بكون احسن
:طيب بابا
_المسا دخلت على الغرفة وكانت بيان متسطحة ولما دخلت دارت وجها
:شبك بيان من يوم يلي رحنا في زيارة ومانك على بعضك شو مدايقة مني
:شو رايك انتي ..قليل يلي بتعملي
:انا شو عملت
:اي ساوي حالك مالك خبر بشي
:لك شو عاملة انا احكيلي خلصيني
:يعني بدك ياني احكي بصراحة
:اي احكي لشوف
:ساويتي حالك دايخة من شان يقرب عليكي الشب
:بالله جد عم تحكي
:اي جد
:هﻻء فوق ماتاكلي همي دايخة راح تفكيرك لبعيد
:ﻻء ماراح فكري لبعيد انا بعرفك منيح وحافظتك وعرفانة انك عملتي هيك قصدا لتلفتيلو نظرو
_انصدمت بحكيا لبيان معقول مفكرتني هيك وقلتلا
:كان عاجبك الشب لحتى عم تحكي هيك ما
:اي عجبني
_سكتت وحز بنفسي حكيا ...شو رح اعمل هﻻءكيف بدي فهما انو هالشب نفسو يلي كان بالساقية ....اعدت على طرف تختي وحسيت جبال من هم على كتافي وهية دارت وجها عني ...بس ﻻزم فهما
:بيان...بيان....مابدك تردي ...طيب براحتك
_تسطحت على تختي لنام وتاخرت لنمت من ورا القلق يلي صابني
_
بعد كم يوم
_ندى
_تمت بيان تتجاهلني وماتحكي معي وكلما بدي افتح الحديث معها تتركني وتغير الغرفة وانا ماكنت عرفانة كيف بدي فهما الحكي ... كان يوم سبت ورحت على الكلية وبعد ماخلصت فورا رحت على البيت ولما دخلت على البيت لقيت الكل مجتمع على الغدا
:السﻻم عليكم
ماما:اهلين ندى ...تعالي باركي لفراس
:شو ان شاء الله وافقو
فراس:اي
_ركضت لعندو وضميتو
:مبروك فراسو والله يتمملك على خير
:الله يبارك فيكي ندى
_تطلعت كانت امي عاملة ملوخية ورز وجنبا سلطة
:اي شو هاد رح غسل واكل ﻻني ميتة من الجوع
ماما:خففي اكل جسمك هيك حلو ازا صحيتي اكتر ماحلو بكرا بعرس فراس بدهم يشوفوكم النسوان الك ولبيان ﻻزم تطلعوا اميرات وبجسم حلو
بيان:الحمد لله انا جسمي كتير حلو
_حسيت بيان قالت هالشي لتغيظني
بابا:خليها تاكل يلي بدا يا ...بابا تعالي بسرعة وعدي معنا وﻻ تردي على حدا كلك بتاخدي العقل
:تسلم بابا
_رحت غيرت تيابي ورجعت اعدت معهم وبلشت اكل وما رديت على حدا انا كل شي بقدر قاومو اﻻ الاكل وخاصة ازا جوعانة
___
_اجا يوم يلي بدو يشوف فراس غدير طبعا كلنا رايحين وفراس من الصبح بلش يزبط بحالو وكان طالع بجنن ولما خلصنا كلنا طلعنا مباشرة على اهل العروس ودخل بالاول ابو غدير وسلم على البابا ودخلت بعدا امها وصارت تاهل وتسهل فينا وبعدا دخلت غدير حاملة صينية القهوة ....انا كنت اعدة جنب فراس واعدت راقبو هوى وغدير كانت خجﻻنة وعم اسرق شوية نظرات لتلطع عليه وخاصة لما يحاكيها اما هوة ماشال عيونو عنا قربت منو وهمست
:فراس شبك تقل حالك رح تاكلا للبنت بنظراتك
:اي والله عجبتني مو بايدي ...
:اي والله متل القمر الله يتمملك على خير
امي قربت وسالت اخي ازا عجبتو وفورا قلها اي والعروس سالوها ووافقت وكان جايبلا فراس معو اسوارة هدية الشوفة ووقفت قبالو ليلبسا الاسوارة ...وانا بسرعة طالعت الكمرا
:استنا فراس بس لصوركم
:طيب
_مسكت وصورتهم ....واخدتلهم عدة صور تانية .... والحمد لله رجعنا على البيت والكل كان فرحان ومبسوط اﻻ امي حسيت انها ماكانت فرحانة كتير فرحت على غرفة فراس ودقيت الباب
:اتفضل
_دخلت لعندو وقلي
:شوفي
:بدي قلك على شغلة
:خير ...العروس يعني ماعجبتك
:لك ﻻء غدير بتاخد العقل بس امك حاسستا مدايقة انت بتعرف انك وحيدا