📚قصص||روايات||منوعة📚

rwayate

زين:عارف و حازم لو ما خايف من هالسي دي ما كان عم يلاحق نبيل من 15 سنة و لهلأ حتى يقتلو و يمحيه هو و عيلتو ،بس نبيل غلط وقت خاف و هرب

جلال:زين حبيبي انا ما عندي حدا اغلى منك انت و اختك ،الله يرضى عليك ابني شو بدنا فين ،يحلو مشاكلن لحالن ،شو الشي يلي بجمعنا فين غير الجيرة و رح ننقل من هون و نخلص

زين:انا بحبا لنهلة ..بحبا كتير و ما رح اتركا و لا رح انقل من هون
@rwayate
جلال:طيب ،وين قاعد نبيل و عيلتو لانو بدي روح اقعد معو و نحكي

زين:اذا مفكر انك تخليه يتراجع عن قرارو انت غلطان لانو اذا هو تراجع ،مجد ما رح يقبل و بدو ياخد بحق ابوه و اذا ما بدك توصل هالسي دي ،انا بوصلو للجهات المختصة

جلال:رح وصلو بس بدي شوف نبيل و عيلتو بالاول

زين:هلأ بعطيك العنوان

اعطاه العنوان لابوه بدون ما يفكر او يشك فيه انو ممكن يخبر حازم بمكانن بس جلال بسرعة اتصل بحازم و خاصة انو بدو ينهي كل شي بعد ما عرف انو ابنو تورط بالقصة و وجهو صاار مكشوف لحازم و رجالو

جلال:شريط الفيديو صار معي و باعت نبيل رسالة انو وديه اليوم للبوليس

حازم:انت بتعرف تماما لمين بدك تسلمو

جلال:بعرف بس نبيل ...

حازم:نبيل كرتو احترق هالمرة على الاخير بدون اي فرصة تانية الو او لعيلتو ؛وين متخبي؟
@rwayate
جلال:رح ابعتلك العنوان هلأ

حازم:خلينا نخلص بسرعة

جلال:بس انا بدي اطلب منك مقابل

حازم:اطلب يلي بدك اياه باستثناء انك تقلي تراجع عن قراري

جلال:لا ،بس الشاب التاني يلي بكون مع مجد هو ابني زين

حازم:ابنك؟

جلال:ابني الغبي بعدو ولد و طايش و ما مقدر خطورة الشي يلي عملو بالكازينو ؛انا بدي استسمحك منو و اوعدك انو ما بقا رح ترجع تشوف وجهو ابدا ،رح احبسو بالبيت و عاقبو

حازم:طيب طيب ،هالمرة رح مرقا و اعطيه فرصة و انت بتعرفني منيح انا بعطي فرصة وحدة بس و اعتبرو رد جميل

جلال:شكرا الك
حازم:رح ابعت زلمتي ياخدو الفيديو منك هلأ

📚قصص||روايات||منوعة📚

rwayate

كان نبيل قاعد مع عيلتو عم يشربو شاي وقت سمعو صوت السيارات عم تصف قبال بيتن ،قام مجد بسرعة و حمل سلاحو و زاح برداية الشباك و شاف رجال مسلحين

مجد:هدول رجال حازم ،عرفو محلنا

ما كان فيه غير نبيل و ابنو ليتصدو لرجال حازم يلي كانو مصرين ما يمشو قبل ما يقتلو كل العيلة ، بلش اطلاق النار بين الطرفين و نهلة و اما عم يبكو و خايفين ، اتصل زين بمجد ،تناولت نهلة الموبايل من الطاولة و ردت

نهلة:زين الحقنا ،عرفو محلنا و عم يقوصو علينا ؛رح يقتلونا

زين:انا جاي

فتح باب غرفتو هو و متوتر و بدو يطلع من البيت بس كان جلال هالمرة واقف بوجهو

جلال:ما الك طلعة من هون

زين:بابا بعد من طريقي ،انت يلي خبرتن عن محلن ،ما حدا غيري و غيرك بيعرف محلن ...ليش هيك عملت ....(يبكي)مجد كان صادق طول هالسنين بحكيو عنك وقت قلي ابوك غدر بأبوي و انا كنت دافع عنك

جلال:انا عملت هالشي كرمالك و كرمال اختك و لولاي لكان نبيل ميت هو عيلتو من زمان ؛اعطيتو فرصة ليعيش بس هو يلي ما عرف يستغلا للاخر و رجع خرب كل شي ،هو يلي قتل عيلتو ما انا

طلعت سالي من غرفتا

زين:ابوكي اعطى حازم و جماعتو عنوان نبيل و هلأ محاصرين البيت و بدن يقتلون

ساالي:بابا يلي عم يحكيه زين مزبوط ،قول لا قول لا

جلال: مزبوط ايه بس انا ...

سالي:ما عم صدق ..ما عم صدق ..انت طول عمرك قدوة النا و هلأ شو طلعت... انسان غدار

جلال:انا خايف عليكن افهمو افهمو

سالي:مجد(تبكي) يالله مجد..شو بكون عم يصير فيه هلأ ..ليش هيك كسرت قلبنا ..انا بحبو لمجد اذا بصرلو شي ما رح سامحك رح اكرهك كتير

فات زين لجوا و خبر الامن فورا و اعطاهن عنوان نبيل و عيلتو و طلع هو و حامل سلاح و حاططو براسو

زين:اذا ما رح تبعد من الطريق هلأ رح اقتل حالي هلأ

جلال:زين بلا ولدنة ،قيم هالسلاح من ايدك ،مين اعطاك اياه

زين:رح عد ل 3 ،ما بعدت رح اقتل حالي

خرطش المسدس و بلش بالعد
واحد

اتنين

تلا..

جلال:طيب طيب

بعد جلال من وجه الباب و نزل زين بسرعة و معو سالي؛قعد.جلال على الكنباية و هو عم يبكي و زين و سالي طلعو بالسيارة و راحو بسرعة ،كان ضرب النار بعد شغال بين الطرفين حتى تصاوب مجد رصاصتين بكتفو و بصدرو و وقع على الارض ينزف ،ركضو عليه نهلة و امو تبكي و تصرخ

نبيل:اسحبوه لجوا و اضغطو على جرحو

بقي نبيل واقف عم يدافع عن حالو و عن عيلتو
كان زين عم يسوق بسرعة و متل المجنون حتى وصل على المكان و كان خالص كل شي ،فاتو على البيت يلي كان مخردق من الرصاص و انهارو الاتنين وقت شافو ارض البيت و الحيطان كلها دم و رصاص ، وصلو متأخرين كتير

زين:تأخرنا

سالي:كل شي خلص ،كل شي انتهى

حتى رن موبايلو لزين

زين:مجد !انتو عايشين ؟وينكن؟

نهلة:انا نهلة ؛مجد تصاوب و بغرفة العمليات

زين:نحن جاين على الطريق ،قليلي كيف وضعو؟

سالي:مين مين
زين:سمعيني شوي

نهلة(تبكي):سيئ كتير ،يمكن ما يعيش

زين:و انتو نهلة مناح ما صرلكن شي

نهلة:ايه ايه ما عدا مجد بس

راحو زين و سالي بسرعة لعند نهلة و اهلا؛كانو كلن ناطرين بالممر برا غرفة العمليات و الكل عم يبكي و متأثر و مترقب ،انضمت سالي الن حتى طلع الدكتور

الدكتور:عملنا يلي علينا و الباقي بيرجع لقوة جسمو ، المنطقة يلي متصاوب فيا جنب الصدر منطقة كتير حساسة ،هلأ حاليا هو بالعناية المشددة و رح يبقى فيا ليتجاوز مرحلة الخطر؛ادعولو

قرب زين و حصن نهلة و سالي يلي انهارو اكتر بعد ما سمعو حكي الدكتور؛الشخص الوحيد يلي كان مختفي من الساحة و يلي مفروض يكون متواجد هو نبيل ،بعد ما هديت نهلة اخدا زين على جنب ليحكي معا

زين:ابوكي وينو؟

نهلة:اول ما سمع صوت سيارات الشرطة هرب ،لانو خاف يحبسوه بتهمتو القديمة بس كل شوي عم يحكينا و يطمن عن مجد ..زين شو عرفن بمحلنا ،انت الوحيد يلي بتعرف فيه ؟

زين(بتوتر):نهلة شو عم تحكي؛معقول يعني انا خبرن ،انا اول ما حكتيني خبرت البوليس فورا

نهلة:طب لكن مين؟

زين:ما بعرف

خجل زين يخبر نهلة انو ابوه هو يلي مخبر عن محلن لانو رح يعرف انو رح يرجع يخسر نهلة بالوقت يلي كسبا فيه و رح تاخدو بجرم ابوه

زين:حققت الشرطة معكن؟

نهلة:ايه و قلنالن ما منعرف مين يلي كان عم يقوص علينا و يضربنا ،هيك وصانا مجد نحكي ،قال ما بدو يدخل الشرطة هلأ

اما نبيل كان متوتر و متدايق على ابنو مجد و خايف عليه اكتر من حالو بس يلي كان شاغلو تفكيرو مين يلي خبر عن عنوانو بالمرة التانية؛كل اصابع الاتهام عم تشير لشخصين ،الاول زين بس رجع تراجع عن اتهامو بعد ما تذكر موقفو و كيف عرض حالو للخطر ليسترجع نهلة و مرتو و التاني هو جلال ،اتصل فيه من حصالة بالشارع

نبيل :انا اخر شي توقعتو انك تغدر فيني ،انا وثقت فيك متل اخي

جلال:انا ساعدتك مرة وقت يلي حكيت مع حازم و قبل يعطيك فرصة وحدة و تركك تهرب برا البلد بس انت حرقت هالفرصة برجوعك و انا ما بقا اقدر عرض حالي و حياة اولادي للخطر ...

📚قصص||روايات||منوعة📚

rwayate

نبيل: و اولادي انا ،ما فارقين معك ،ابني مجد بين الحياة و الموت بسببك و ما رح مرقلك هالشي يا جلال

جلال:انت انتهيت ،و الفيديو يلي مستقوي فيه ، جاين هلأ رجال حازم ياخدوه ،ارجع من محل ما جيت اذا لسا بدك تحافظ على حياتك و حياة الباقين

نبيل:انا بلشت و ما رح اتراجع و انت الخسران الوحيد بهالقصة

نهى نبيل المحادثة مع جلال و توجه لعندو بسرعة ليلحق و يوصل قبل رجال حازم و ياخد شريط الفيديو ،الشي الوحيد يلي ممكن يغير كل شي لصالحو بس وقت وصل لبيت جلال ،شاف بابو مفتوح و اول ما فات انصدم بجلال مقتول بتلت رصاصات بالصدر و مرمي بارض البيت ، تفاجئ بهالمنظر و عرف مين القاتل ،صار يدور على الشريط بكل البيت حتى سمع صوت سيارات الشرطة و اجا ليهرب بس ما لحق و شافوه البوليس و ركضو وراه على درج البناية حتى لقطوه على السطح و اعتقلوه و حطوه بالسجن ،اول ما وصل الخبر لزين و سالي بمقتل ابون و كانو بعدن بالمشفى ناطرين ليفيق مجد ، وقع زين على الارض هو و عم يبكي و عم يفرك وجهو ،قربت نهلة لتواسيه دفشا على الارض و قام متل المجنون ركض لباب المشفى و سالي وراه عم تناديه ،طلع بالسيارة و ساق بسرعة و كتير اسئلة عم تهاجم تفكيرو مين يلي قتل ابوه و ليش؟،ما كان فينو يستبعد فكرة يكون نبيل قتلو بعد ما عرف انو هو يلي غدر فيه ،فات على غرفة التلاجة و شاف جثة ابوه و هون قلبو شعل متل فتيلة النار برغبة بالانتقام من القاتل ،اول ما طلع من الباب ،ما قدر يتابع مشي على رجليه ،قعد على الكرسي بالممر و حط ايدو على راسو ،حتى وصل المحقق شادي

شادي:البقية بحياتك

رفع راسو

زين:و حياتك الباقية ،عرفتو القاتل؟

شادي:ايه

قام وقف زين بعصبية

زين:مين ؟

شادي:ما متأكدين لسا بس حسب المعطيات يلي بايدنا ،القاتل هو نبيل الزاهي ،لقطناه على سطوح البناية بعد ما طاردناه

خبط ايدو بالحيط ردة فعل على سماع اسم القاتل ،كان زين بيعرف بغلط ابوه بس ما كان الغلط مستاهل هالعقاب و الجريمة من نبيل ،رجع على المشفى يلي موجود فيا نهلة ،من اول ما فات من الباب ،صار يصرخ

زين(يصرخ):نهللللة....نهللللللة

طلع على الطابق التاني هو و عم يصرخ و كل الناس عم تتفرج عليه حتى اجت عيونو بعيون نهلة

نهلة:زين !

زين (يبكي): ابوكي قتل ابوي ..قتل ابوي .(صار يخبط على صدرو و صوتو و جسمو عم يرجف)...بتعرفي شو يعني هالحكي ...يعني من يوم و رايح انت و اخوكي و كل عيلتك الد اعدائي ،ما رح اسكت ..ما رح انسى ...ما رح مرقا بالساهل ابدا ..رح تندمو كلكن رح تندمو

نهلة:ابي مستحيل يقتل حدا ،بابا ما بيعملا

زين: لا ابدا ، لقطوه بالجرم المشهود و حطوه بالحبس بس ما رح تبرد ناري ما رح تبرد قبل ما تشوفي ابوكي بالتلاجة متل ما شفت ابوي اليوم

ام مجد :ابني يلي فينا مكفينا هلأ ،ما تزيدا علينا؛الك حق عنا تعا خدو بس بالعقل ما بالصراخ و تلم علينا الناس

زين:رح احرقلكن قلبكن متل ما حرقتو قلبي

رجع زين على بيتو هو و منهار ،و يلي زاد عليه اكتر هو صوت بكا سالي يلي ما هدي طول الليل ،كانت اسوأ ليلة بتمر عليا هي هالليلة يلي مات فيا ابوا و حبيبا مجد بين الحياة و الموت ، ما انتهت الليلة الا سالي بالمشفى انهيار عصبي و زين واقف حدا و كل جسمو عم ينفض من رغبة الانتقام على هالساعات و الايام السودة يلي عم يمر فيا هو و اختو

على الطرف التاني كانت حال نهلة ما احسن من حال سالي بعد ما عرفت بخبر اعتقال ابوا و ردة فعل زين اتجاها بس الامل الوحيد يلي ضوا بكل هالمشاكل هو مجد يلي طلع من مرحلة الخطر و بلش يتحسن ،خبرتو نهلة بالاحداث يلي صارت بغيابو

مجد:بابا قتل جلال !مستحيل

رفع الحرام عنو و بدو يقوم من التخت
.ام مجد:لوين مجد؟

مجد:ما لازم نترك بابا لحالو بهيك ظرف

ام مجد:ايه و انت هلا بهالحالة بدك تروح لعندو

مجد:انا اتحسنت ..اخ

نهلة:مجد انا رحت زرتو بالسجن

مجد:ايه شو قال؟

نهلة:قال انو هو ما قتلو و وقت وصل لعندو كان مقتول و ميت و صار يحلف كتير بس انا مصدقتو انو ما بيعملا

مجد:في حدا وقعو بهالقصة و ضرب عصفورين بحجر وقع بينا و بين زين و حط ابوكي بالسجن ؛و ما في غير حازم بيعمل هيك

📚قصص||روايات||منوعة📚

rwayate

نهلة:زين مقتنع انو ابي قتل ابوه و اجا عالمشفى يصرخ و يهدد متل المجنون ؛اول مرة بشوفو بهيك حالة

مجد:ما فينا نلومو لانو بحالة صدمة و ما قادر يميز هلأ

ام مجد:شو الحل هلأ؟

مجد:الحل اني اطلع من هون باسرع وقت

ام مجد:هلأ لا ما قبل ما تتحسن

بعد 6 ايام طلع مجد من المشفى و اول مشوار راحو هو للطابق السادس لعند زين ،اول ما فتح الباب زين و شاف مجد ؛اجا ليسكرو بوجهو ،حط مجد ايدو على الباب قبل ما يتسكر

مجد:جاي عزيك بابوك بحكم الجيرة

رجع فتح زين الباب و اشرلو بايدو ليتفضل

مجد:االبقية بحياتك

اشرلو براسو و راح قعد

مجد:يمكن الوقت ما مناسب لهيك حكي ،بس ما بدي اضل حامل علينا لانو بعرف تماما شعورك و عشتو

زين:انت عشت 15 سنة بلا اب و انا هلأ بدي كمل حياتي بلا اب ،عدل هيك

مجد: زين قلي شو الدافع يلي بخلي ابوي يقتل ابوك و هن صحبة مع بعض و ابوك ساعدو كتير

زين:....

مجد:شبك سكتت..جاوب

زين:اسأل ابوك و هو بقلك

مجد:انا عم اسالك الك

قام وقف زين بعصبية

زين: شكرا على جيتك مع انو ما كان في الها داعي و ما رح يتغير شي من يلي جاي

قام مجد هو وعم يتوجع

مجد:بعرف بس انا بدي قلك انو في حدا عم يوقع بيناتنا ،في حدا عرف انو نحن قوايا وقت منكون ايد وحدة و اكبر دليل انو قدرنا نرجع امي و نهلة بهديك الليلة بدون رصاصة وحدة بس هون بالعقل و الحيلة ،ما تعمل متلي و ادمر حالك من جوا و تشيل بقلبك قبل ما تعرف الحقيقة ،عن اذنك

قبل ما يطلع مجد من الباب
مجد:شريط الفيديو يلي اعطاه ابوي الك لتوصلو لابوك وينو؟

زين:وصلتو بس يمكن رجع اخدو ابوك وقت قتلو

مجد:لو معو كنت شفت حازم بالحبس ،فهمت هلأ او بتركك تفهما على راحتك

تركو لزين يفكر و راسو رح ينفجر بين عقلو و قلبو يلي كل واحد بقلو شي ، كان عم يفكر انو ممكن نبيل قتل ابوه و اخد الشريط لانو عرف انو جلال متعاون مع حازم بس لو اخد الشريط كان قدمو فورا او معقول حازم و رجالو قتلو ابوه و اخدو الشريط و لبسو التهمة لنبيل..

زين:.حازم ...يا ابن الكلب ....

قبل ما يوصل مجد على باب بيتو ،كان نازل زين لعندو ركض على الدرج ،وصل لعندو عم يلهت ،دار وجهو مجد لعندو

زين:كيف بدنا نرجع الشريط او يمكن بكون تخلص منو ؟

ابتسم مجد
مجد:فوت لنحكي جوا

كانت نهلة قاعدة على الصوفاية ولابسة بجامة و شعرا كعكة و عم تقشر بطاطا وقت فات زين ،رغم كل الحزن يلي فيه بس ما يقدر يخبي ضحكتو و خاصة وقت شافا تلبكت و انعجقت بحالا و ما بقا تعرف من وين المطبخ ،فاتت تحط عشا مع اما و مجد و زين جوا عم يحكو

مجد:وين سالي؟

زين:نايمة عند رفيقتا ريتا لتغير جو شوي

مجد:هاي ريتا عندا اخوات شباب ؟

زين:ايه

مجد:اممم طيب انا شوي و برجعلك

فات على غرفتو و اتصل فيا

مجد:انت كيف بتنامي عند رفيقتك و بقلب البيت في شباب ؟

سالي:و انت شو عرفك و شو دخلك كمان

مجد:دخلني و نص ،هلأ الوقت تأخر بس من بكرا بترجعي عالبيت و ما بتنامي برا ابدا

سالي:مجد افهم بقا ،انا و انت خلص

مجد:لا ما خلص ،و بعدين اخوكي زين عنا

سالي:زين عنكن !شو عم يعمل ولا ليكون ضحكت عليه بكام كلمة متل ما بتضحك على اختو

مجد:ايه لكن ؛قالولك عني كتير بعرف ساير و اضحك على الناس بكلمتين ،هلأ مضطر سكر و بكرا النا حكي تاني

رجع فات هو و معصب لعند زين يلي كان قاعد عم يحكي مع نهلة و اول ما شاف اخوا رجع جلس قعدتو ،قعدو تعشو لاول مرة و كأنو زين فرد من العيلة ؛بعد العشا فاتت نهلة تعمل شاي و قعدو مجد و زين مع بعض ليتناقشو

مجد:مستحيل يكون بعدو محتفظ فيه للشريط ،لهيك انسى هالموضوع تماما ،لازم نلاقي حل تاني نوقعو فيه

قام وقف مجد و راح على الشباك

مجد:المحقق شادي بعت 3 من عناصرن ليحرسو مدخل البناية بعد يلي صار فينا

زين:انتبهت ،بعدن موجودين ؟

مجد:ايه ؛وجودن بريحني شوي ،على الاقلية منتحرك برا برياحتنا و نحن مطمنين ،ما كنت لازم تقبل سالي تنام عند رفيقتا ،من بكرا بتقلا ترجع لهون و تبقى تحت عينا افضل حتى ما يتشوش راسنا

زين: و هو هيك ،عم فكر بشغلة بس ما بعرف اذا منقدر عليا او لا

رجع مجد قعد محلو

مجد:احكي

زين:حازم لازم يعترف بأنو هو يلي قتل ابوي و هو يلي لفق هالتهمة لابوك و لازم يعترف بأنو كان في شريط فيديو ...

مجد:اوف اوف بدو يعترف بكل هدول ...طول بالك ..

زين:ايه رح يعترف،كل انسان بهالدنيا عندو نقطة ضعف بهالحياة انت و انا و اي حدا بالعالم حتى حازم و اذا قدرنا نعرفا و نشتغل على هالموجة ،رح يصير حازم متل الخاتم باصبعنا و يمشي متل ما بدنا

مجد:كيف بدنا نعرف هالنقطة ؟

زين:ندخل بتفاصيل حياتو و منراقب تحركاتو خطوة بخطوة و الا ما نعرف شي

مجد:برافو عليك ،عرفت ليش نحن الاتنين قوايا مع بعض ،اقعد هلأ لنخطط بقا

📚قصص||روايات||منوعة📚

rwayate

كان يلي بيجمع مجد و زين هدف واحد و هو تدمير حازم لياخد كل شي مجراه الطبيعي ،قرر زين و مجد يستلمو المراقبة بالمناوبة ،واحد فترة النهار و واحد فترة الليل و يسجلو كل شي بشوفو على ورقة ،ما كانو يلتقو مع بعض الا بفترة التبديل ،بعد 15 يوم اجتمعو مع كل ملاحظاتن على الاوراق
....

📚قصص||روايات||منوعة📚

rwayate

📚قصص||روايات||منوعة📚

rwayate

تكملة الجزء الاخير:
@rwayate
مجد:بيطلع الساعة 7 يلعب رياضة مع اتنين من حراسو ،على الساعة 9 بفوت بيدوش و بيفطر و بيطلع من البيت بسيارتو الخاصة و بيتوجه لمكتبو بالكازينو بقضي نص نهارو فيه و بعدين بيرجع على بيتو ،اتوقع قيلولة قبل ما يفيق و يرجع على الكازينو لتبلش السهرة ،هيدا برنامجو كل يوم تقريبا باستثناء مرة وحدة اخد سيارتو لحالو من غير اي حرس و توجه للحارات الفقيرة ،وزع مصاري و اكل على الاولاد و حسيت هالشغلة تمويه لشي و بعدين فات على بيت بابو اسود ،اتوقع في الو حدا فيه

زين:و انا عندي نفس هالملاحظة ،ما شفتو ابدا طلع من الكازينو طول الليل ابدا باستثناء مرة وحدة بس كمان ،طلع بسيارتو و توجه لنفس الحارة يلي حكيت عليا و فات لنفس البيت

حطو اشارة على الملاحظة المشتركة

مجد:لازم نعرف شو في جوا هاالبيت

زين:و اليوم بالليل ،انت رح تبقى قبال الكازينو بحال تحرك اي خطوة بتخبرني فورا و انا رح اعرف السر يلي موجود بهاالبيت

مجد:بدك ادير بالك منيح لانو انت رايح على المجهول

زين:ما تخاف

طلعت نهلة و سالي من غرفة نهلة

نهلة:شو صار معكن ،ما بشوفكن غير ماسكين بهالاوراق ،يلي بشوفكن بفكركن عم تدرسو

زين:ايه عم اعملو لمجد دورات تقوية باللغة قبل ما يسجل بالجامعة

سالي:عنجد مجد بدك تسجل ؟

مجد:ايه انشالله

نهلة:و اخيرا ،نحن فايتين نعمل بوشار ،منحسب حسابكن

زين:طبعا

تاني يوم بالليل ،كل واحد منن توجه ليتمركز بالنقطة يلي اتفقو عليا مسبقا ،قرب زين و دق على باب البيت الاسود ؛اجاه صوت انثوي من جوا

_مرام:مين ؟

زين:انا من طرف المعلم

فتحت الباب وبايدا طفلة صغيرة ،طلعت بزين بارتياب
مرام: شو بدك ؟

زين:بعتني المعلم اساألك اذا لازمك شي؟

مرام:ما بالعادة يبعت حدا ،بالعادة بيجي هو

زين:مشغول كتير هالفترة ما رح يقدر يجي لهيك بعتني ؛لازمك شي حليب او حفوضات للبنت ؟

مرام:لا

سكرت الباب بوجهو لزين ،خاف زين تتصل فيه و تخبرو و يخرب كل شي،لهيك حس انو اجتو الفرصة و لازم يستغلا بسرعة ،رجع خبط على الباب؛رجعت فتحتلو الباب بس هالمرة دفشو و فات و مرام صارت تصرخ؛حط ايدو على تما

زين:ما رح اذيكي لا انت و لا بنتك ،اهدي و روقي ماشي ؟

اطلع بنظرة سريعة على البيت

زين:في حدا غيرك هون ؟

هزت براسا ب لا

زين:رح شيل ايدي عن تمك و بتمنى تكون هادية و متجاوبة معي حتى ما اضطر اتصرف معك بطريقة ما حلوة ماشي

رجعت هزت براسا بالموافقة،شال ايدو عن تما

مرام:شو بدك مني؟

زين:انت مرتو لحازم ؟

مرام:لا ما مرتو

زين:هاي بنتو؟

مرام:شو بدك مننا ؟

زين:قلتلك ما بدي منك شي بس بدي من حازم ،في حساب بيناتنا و بدنا نصفيه

مرام:و انا شو دخلني؟

زين:دخلك و كتير كمان

اتصل فيه مجد

مجد:حازم طلع هلأ و معصب و مستعجل ،اتوقع اتلقى اتصال من حدا و يمكن من جوا البيت ،ابعد فورا

اطلع زين بمرام

زين:اتصلتي فيه ؟

مرام:..لا ...ايه ...لا

زين:طيب رح نطلع هلأ ،ببعتلك العنوان

نهى مكالمتو و قرب على مرام

زين:ما تخافي ما عندي نية سيئة اتجاهك ؛بدي تروحي معي برضاكي ،ما حابب استخدم القوة معك ،خدي شو لازم بنتك من اغراض بسرعة

مرام:بنتي مرضانة

زين:ما تخافي عليا رح اندير بالنا عليا ،اوثق فيني، شوية وقت و بترجعي لبيتك انت و بنتك سالمة

ضبت اغراض بنتا و طلعت بالسيارة مع زين ،هو و طالع من الحارة ،شاف حازم فايت عليا ،حط ايدو على راس مرام و ضغط عليه لتحت حتى ما يشوفا حازم و تابع طريقو و حكى مجد

زين:صارو معي

مجد:مين طلع فيه ؟

زين: ...صبية و بنت صغيرة ،رح اخدن على بيتنا بالضيعة ،رح ابعتلك العنوان بال جي بي اس ،ولا هادا ما بتعرفو كمان

مجد:بعرفو
وصل زين على بيتن بالضيعة ،و شال الحرامات عن العفش و شغل الاضوية

مرام:بنتي سخنانة كتير،بدا دكتور

زين:شلحيا تيابا فورا

قرب ساعدا لمرام هي و عم تشلحا تيابا؛حملا للبنت الصغيرة كانت عم ترجف من السخونة و فات على الحمام ،لحقتو مرام

زين:سكري غطا المغسلة و افتحي المي

حط البنت بالمغسلة المعباية بالمي و وقفو الاتنين يطلعو فيا كيف عم تفتح عيونا و تغمضن

زين:ما معك خافض حرارة

مرام:لا خالص

اتصل بمجد و طلب منو يجبلو خافض حرارة للبنت ،بعد ما تحسنت و فتحت عيونا ،لفا بالمنشفة و حطا بحضنو

زين:فوتي على المطبخ و عبي جاط من مية الحنفية مشان تعمليلا كمادات

كان وصل مجد ،اعطو الدوا للبنت و بعدو زين حاطة بحضنو و مرام عم تعملا كمادات ،اطلع زين بمرام

زين:هاي بنتو لحازم ما هيك ؟

تلبكت مرام و بعد تردد منا و بعد ما شافت لهفة زين لمساعدتا قررت تحكي

مرام:ايه بنتو بس انا ما مرتو ،يعني انا ام هالبنت بس ما مرتو

زين:فهمت ،ارجعي قيسي حرارتا مرة تانية

مرام :اعطيني اياها .....38 ..منيح ...كانت 40 شكرا الكن

مجد:شو هلأ؟

زين:ما فينا نعمل شي قبل ما تتحسن البنت ،انت ارجع عالبيت و انا رح ابقى هون الليلة و خلي سالي تنام عنكن

مجد:ماشي بكرا الصبح منلتقي

📚قصص||روايات||منوعة📚

rwayate

بقي زين و مرام لحالن بالبيت

زين:شو اسما؟

مرام:ماسة و انا مرام

زين:ليش انت و حازم ما متزوجين اذا عنكن بنت

مرام:....

زين:احكي ما تخافي

مرام:انا كنت بشتغل عندو بالبيت خدم و مرة فات على غرفتي و اعتدي علي و بعدا انا طلعت حامل و اول ما خبرتو جابني على هالبيت و بقيت فيه لولدت

زين:انت ما عندك اهل؟

مرام:لا ،ماسة تحسنت رح قوم اعملا اكل

رجعت مرام هي و حاملة صحن السيريلاك ،اول ما شافو زين شطت ريالتو عليه

زين:هاتي طعميا انا

مرام: شكلك بتحب الاولاد الصغار

زين:اي كتير ،اعطيني معلقة تانية من المطبخ

وهي عم تعطيه معلقة شافت تمو ملوت سيريلاك و صارت تضحك

مرام:بعملك صحن هههههههه

صار يمسح تمو و يضحك و رجع يطعمي ماسة ؛كانت مرام قاعدة قبالن عم تتفرج علين و زين عم يلعبا

مرام:انت متزوج ؟

زين:لا انا لسا طالب جامعة

مرام:الله يوفقك

زين:الله يسلمك ،اذا تعبانة نامي و انا بسهر مع ماسة ؛بكل الاحوال رح اسهر

مرام:لا ما نعسانة ،شو بدكن من حازم؟

📚قصص||روايات||منوعة📚

rwayate

زين:حازم قتل ابوي ...ما تخافي ....انا مستحيل انتقم منو فيكن بس انا بدي اضغط عليه عن طريقكن لانو في واحد مسجون ظلم بسببو

مرام:جيت للعنوان الغلط ،ما بعتقد نفرق كتير عند حازم

زين:رح نجرب كل الطرق

بهديك الليلة قفل زين باب البيت و حط القفل معو لانو خاف مرام تهرب و غفي جنب ماسة بس مرام ما كان عندا نية تهرب ابدا ،اطلعت بزين كيف غافي جنب بنتا و منيما على كتفو ،حست بانسجام كتير بيناتن و كأنو زين هو ابوا ،كيف منيما حدو و كيف طعماها و كيف لعبا و كيف التهف عليا بسخونتا ،كل يلي صار ب ليلة وحدة كانت بتتمناه مرام تشوفو عند حازم يلي كان معتبرا غلطة و عم يتستر عليا غير المعاملة السيئة يلي بعاملا اياها من ضرب و شتم
فردت شعرا الاشقر و قربت لجنبو ،حطت راسا على صدرو من الجهة التانية و حست بشعور لاول مرة بتحسو ،بالامان و السلام الداخلي ،غفيت هي و عم تتسمع على دقات قلبو
،اما مجد كان شعورو بهديك الليلة ما بينوصف و هو و سالي نايمين تحت سقف واحد ؛بعد العشا نادى اختو و سالي ليجو لعندو و يعطين شوية تعليمات

مجد:انتبهو علي منيح بدي علمكن كذا حركة بحال اجا حدا و فكر يخطف وحدة فيكن او يتحرش فيا او اي شي مثلا

سالي:ايه شو منعمل ؟

مجد:قومي نهلة و تعي وقفي هون ،اعطيني ضهرك ...تمام ...مثلا اذا اجا الشخص من وراكي و بدو يحملك من خصرك او بدو يحط ايدو على تمك حتى ما تصرخي، شو بتعملي ؟

نهلة:شو بعمل ؟ا

مجد:بتضربيه بكوع ايدك على بطنو و بعدين بتفتلي فورا و بتضربيه برجلك على المنطقة الحساسة عندو ،بتضربيه بأقصى قوة عندك و بدون اي شفقة او رحمة ،طبعا هو رح يكون عم يتوجع كتير و انت بتستغلي هالوقت و بتهربي ،فهمتي علي ؟

نهلة:فهمت

اطلع بسالي و غمزا
مجد:فهمتي تسالي؟

سالي:ايه فهمت

بقي مجد عم يعطين تعليمات و نصائح حتى تاخر الوقت و راحو على غرفتن ؛بنص الليل بعت مجد رسالة لسالي

مجد:فايقة

سالي:ايه

مجد:نطلع نسهر برا

سالي:ما حلوة

مجد:سابقك

التقو الاتنين بالصالون عالعتمة و كان الكل نايم

سالي:على شو عم تخطط انت و زين ؟

مجد:ولاشي ،خلينا نحكي عن حالنا ،انا بدي اطلب ايدك من اخوكي اول ما نخلص من هالمشاكل

نزلت راسا سالي هي و خجلانة

سالي:انشالله

مجد:و رح نسكن هون مع امي ،عندك مشكلة؟

سالي:لا امك متل امي

مجد:ماشي انا بدي ديري بالك على حالك و توثقي فيني ،انا من بكرا ما بقا راجع على البيت قبل ما حل كل شي ؛بجوز القصة اطول يومين و ممكن اسبوع و ممكن شهر ،المهم اني بوعدك اني رح ارجع و اوفي بوعدي و اخطبك من اخوكي بس بدي منك اديري بالك على حالك وما تطلعي خطوة برا البيت قبل ما ارجع لهون ،فيه 3 من عناصر الامن موجودين لحمايتكن لهيك اطمنو و ارتاحو

سالي:مجد عم تخوفني

مجد:ما تخافي و ما بدي تعرفي الخوف طول ما انا عايش ،انا وعدتك و وعد الحر دين

سالي:مجد انت عم تخبي علي شي انت و زين

حط اصبعتو على تما
مجد:ما بدي نحكي اكتر بهالموضوع ،خلينا نحكي عن حالنا

قضو طول السهرة بالصالون عالعتمة هن و عم يحكو عن مستقبلن حتى اختارو اسماء اولادن حتى حسو على خطوات حدا جاي باتجاهن،قامو تخبو فورا ورا برداية الصالون ،مرت نهلة بالصالون و فاتت على التواليت و هي و راجعة طلعت غازات كتير بما انو كانت متعشاية فول و وقت سمعت سالي الصوت ما قدرت الا ما تفرط ضحك،حط مجد ايدو على تما فورا حتى ما يطلع صوتا بس نهلة سمعت صوت جاي من الصالون ،رجعت وهي خايفة و عم تطلع بكل ارجاء الغرفة حتى شافت خيال اتنين واقفين ورا البرداية ، و اجت لتصرخ و تركض متل المجنونة

نهلة:حرااااااامي ...

طلع مجد فورا من ورا البرداية ليلحق نهلة و يسكتا قبل ما تفيق امو و الجيران على صوتا و اول ما حط ايدو على تما ،تذكرت نهلة كل تعليمات اخوا و طبقتن عليه و هو كان بعدو متعافي جديد من جرح الرصاصات ،خبطتو بكوع ايدا على بطنو باقصى قوة عندا

مجد:اااخ

فتلت ضهرا و خبطتو برجلا على منطقتو الحساسة
نهلة:يا حيوان يا ابن الكلب
مجد:اااااخ

ما طلع صوت مجد من وجعو اما سالي كانت مختنقة من الضحك ورا البرداية و ما عم تقول غير كلمة وحدة

سالي:شخيت ..شخيت

و نزلت نهلة القتل و الضرب و الترفيس بمجد يلي ما قدر يرفع ضهرو حتى فاقت ام مجد و ركضت على الصالون و شغلت الضو

ام مجد:شو في؟ ...نهلة و مجد ...

نهلة:مجد مجد هادا انت ...ولله فكرتك حرامي ...صرلك شي؟

مجد:الله لا يوفقك يا نهلة طبقتي كل شي علمتك اياه علي بحذافيرو ،اخ قلتلك بتهربي ما بتنزلي تعفيس بالزلمة

ام مجد:قوم ابني قوم

بقيت سالي واقفة ورا البرداية و حاطة ايدا على تما حتى انتبهت عليا نهلة

نهلة:سالي ...شو عم تعملي ورا البرداية

رفعت البرداية عنا

سالي:انا ...انا .. كنت عم ...كنت عم....

مجد:تعو انتو الاتنين ساعدوني لقوم و وصل على غرفتي

📚قصص||روايات||منوعة📚

rwayate

نامت سالي هديك الليلة و هي عم تضحك هي و نهلة كل ما بتذكرو كيف نهلة ضربت مجد ، تاني يوم نزل مجد و راح لعند زين ،فتح الباب بالنسخة التانية يلي عطاه اياه زين و فات يدور علين ، شاف زين نايم على التخت و ماسة على كتفو الييسار و مرام على كتفو اليمين

مجد:يا ابو قلب كبير انت ...يا حنون

فتح موبايلو و اخدلن كام صورة ،بعدين فيقو لزين يلي فاق متفاجئ

مجد:قوم يا دنجوان انت

زين:هاي شو جابا لهون

مجد:على اساس ما بتعرف ،لحقني

غسل وجهو زين و طلع قعد مع مجد يلي فاجئو بالصور ،قرب زين لياخد الموبايل بس التاني بعدو فورا

مجد:بدي فرجي الصور لنهلة

زين:بربك مجد بلا ولدنة ،ولله ما بعرف شو نيما جنبي ،احذفن للصور

مجد:ما رح احذفن

زين:لك نهلة بتجن اذا شافتن و جايز تفكر البنت يلي على يساري بنتي كمان،هاي مجنونة رسمي

مجد:خليا تفكر

زين:يا زلمة بلا هالتفاهة و احذفن

مجد:خلين بيلزموني لقدام لاضغط عليك

زين: انتبهت يكون حدا عم يلحقك

مجد:انتبهت،تلميذك انا

زين:كيف الوضع عند حازم يا ترى

مجد:ما بعرف ،جبت كذا خط معي اشترالي اياهن واحد و خدمني فين

زين:كتير منيح

فطرو الاتنين سوا حتى سمعو صوت ماسة اول ما فايقة ؛فات اخدا و ترك مرام نايمة ،بعد ساعة فاقت مرام ،ما شافت ماسة جنبا ،قامت مفزوعة و متل المجنونة ركضت على االصالون ،بس وقت شافتا قاعدة بحضن زين ،ارتاحت كتير

مرام:صباح الخير

مجد_زين:صباح النور

زين:الفطور جاهز جوا بالمطبخ ،افطري و تعي

مرام:ماشي

طلعت مرام و سمعت مجد و زين عم يتهامسو مع بعض بس قدرت تفهم مغزى كلامن

مرام:انا جاهزة

اتفاجئو زين و مجد بوجودا قبالن و عرفو انو تسمعت على كلامن ،حضرو الكاميرا و بلشو بتصوير الفيديو الاول ،مرام قاعدة و حاطة ماسة بحضنا

مرام :حازم انا و بنتك ماسة مخطوفين و الخاطفين عم يهددو بقتلي و بقتل ماسة اذا ما رح تسلم حالك للبوليس و تعترف بقتلك لجلال السيد و تلفيق التهمة لنبيل الزاهي ،معك 24 ساعة بس ،هالطفلة ما ذنبا بكل عمايلك