#الجزء الرابع:
Telegram:@rwayate
اسامة (متلبك): اناا...ايييه صح طلعت شوف خزان المي
اسراء:ليش شبو خزان المي ؟
اسامة:كان عم يهرب مي قبل ما سافر و جبت واحد زبطو و اليوم تذكرتو و قلت اطلع استفقدو بس لا طلع تمام ...
اسراء:اممم
اسامة:هاتي الكونترول لشوف
اخد الكونترول و صار يقلب بالقنوات ،طلع اغنية لهيفاء وهبي وقف عليها شوي
اسراء:ايييه و بعدين !!مطول على هيفا
اسامة:ما فهمت
اسراء:قيملنا عنا ولله ما منظر
اسامة:ههههه هيفا ما منظر ،بعدين الكونترول بايدي و بحط على القناة يلي بدي اياها
قمت و وقفت قبال التلفزيون
اسامة:بعدي هيك ..
اسراء(تضحك):ما رح بعد الا لتقلب
اسامة:عم قلك بعدي ما الي جلادة على الاخد و العطى كتير من شوي فايق و راسي عم يجعني
اسراء:هئ هئ ما رح بعد
اسامة:....ربا بعدي
Telegram:@rwayate
اسراء:ربااا؟ مين ربا
اسامة:ههههههه شفتي كيف خليتك تبعدي
اسراء:لا انت جد كنت عم تناديلي ربا
اسامة :اووووف ولو حتى ما بينمزح معك ...خدي الكونترول انا رايح
اسراء:تعا ..لوين رايح ...اساااامة
نزل اسامة و انا اخدت الكنترول و صرت قلب بالقنوات بس عقلي ما كان مرتاح ابدا ،رجع اسامة على الساعة سبعة و جايب معو اكل ،تغدينا و على الساعة 9المسا
اسامة :انا بدي فوت نام شغلة ساعة قبل ما انزل على شغلي ،و انت ما طولي بالسهرة لانو السهر بيعمل تجاعيد بالبشرة
فات نام اسامة و فتت نمت جنبو بعدو بنص ساعة ، قربت عليه و لفيتو من خاصرتو
اسراء:اسااامة يا اسااامة نمت
اسامة:اييه انت ...بعدك ...فايقة ؟
اسراء:اييه ما جايني نوم قوم ولو خلينا ندردش سوا
اسامة :قلتلك بدي نام قبل ما انزل على شغلي
اسراء:بس انا ما رح خليك تنام
بلشت قرصو من خصرو و اضحك عليه
اسامة :انا ما كنت بعرفك هالقد سمجة و غليظة
اسراء:اممم لسا ما شفت شي من غلاظتي اكيد غادة بتكون ارتاحت كتير مني
اسامة :فعلا هي ارتاحت و انا انبليت
اسراء:بالله ......اسامة
اسامة :نععم
اسراء:هلأ هدول الشعرات يلي على صدرك ما بيزعجوك ،يعني بشرتك ما بتتحسس منن
Telegram:@rwayate
اسامة :لا ،هدول من مقومات الجمال و الجاذبية عند الرجال
اسراء:هههههه بربك هدول صارو مقومات جمال هلأ
اسامة :ليش عم تضحكي ؟هدول متل الشعر يلي على راسك ،كيف الشعر عند المرة يعتبر مقومات جمال و فتنة و هدول نفس الشي
اسراء:يعني شعري هلأ فاتنك
قربت شعري على وجهو و تغالظت عليه
اسامة :لك بعدي هيك طرفتيلي عيني ،بربي انك وحدة هبلة ،هلأ انت عمرك 17سنة ولله حركاتك حركات وحدة عمرا 13سنة
اسراء:اي 17سنة بس وقت بكون معك بصغر كتير عمو اسامة
اسامة :اي قومي عمو من هون خليني كفي نومتي عندي شغل كتير بالليل
اسراء:ما بدي ما بدي ههههه و بدي ابقى قاعدة عم احكي فوق راسك و ما رح خليك تنام اصلا ما بصير تنام و تتركني انا بعدني عروس و طول نهاري اليوم بين اربع حيطان و حتى بالنهار اليوم ما شفتك منيح
اسامة : بدك تتعودي على هالشي
Telegram:@rwayate
حطيت ايدي بشعراتو
اسامة :لك خلص ولو عم بلش عصب منك ها و انا اذا عصبت ما بتعرفي شو بيطلع معي
اسراء:يييي خوفتني يا ماما ،قوم ولو خلينا نتعرف على بعض ههههههه خطبتنا كانت قصيرة ،انا اسمي اسراء و حضرتك ؟
اسامة :.......
اسراء:اسمك اسامة ،صح مو ،شفت كيف حذرت ،و انت كمان بتحب وحدة كتير كتير و اول حرف من اسما اسراء ههههه
اسامة:يبلاكي بقتلك ما اغلظك على قولة الحلبية ،وبا يقشك قش قومي تكرفتي من قدامي و خليني اعرف نام هالساعة
اسراء:ههههه اسامة انت ما حكتلي كتير عن ابوك و امك كيف ماتو ؟
اسامة:انا قتلتن
اسراء: ......
اسامة :هههههه شبك خفتي ماتو بحادث سيارة
اسراء:خوفتني ولله ،الله يرحمن ، ليك اسامة اعطيني بكرا موبايلك لاحكي مع اختي غادة اشتقتلا كتير
اسامة :طيب بس نامي او اطلعي من الغرفة و خليني نام
اسراء:طيب ماشي رح نام جنبك
لفيتو و نمت جنبو لاسامة وعلى الساعة 3وجه الصبح فقت عطشانة ،شربت مي و رجعت على تختي بس ما قدرت نام من صوت الاغاني العالية ،كان بيتي عم يهز ،لهيك اول ما رجع اسامة من شغلو الصبح سالتو
Telegram:@rwayate
اسراء: بس بدي اسالك كان مبارح في عرس بالحارة ؟
اسامة:لا ليش
اسراء:سمعت صوت اغاني عالية و حسيت البناية عم تهز
اسامة :... ما بعرف بجوز كان في ...بعديلي جاي نعسان و تعبان
مر شهرين على زواجي من اسامة ،كان خلالن شخص مزاجي كتير ،احيانا يكون رايق واحيانا مدايق و معصب بدون ما اعرف السبب و كانت معظم مشاكلنا عن الطلعة من البيت ما كان يخليني اطلع ابدا ، بس بالمقابل كان يهتم فيني كتير و يجبلي كاسة العصير لعندي كل يوم ،كنت عم حبو كل يوم اكتر من قبلو و حس بانو هو العوض عن الايام البشعة يلي شفتا ببيت ابي مع مرة ابي ،لليوم يلي كنت عم عزل فيه البراد و طلعت مسح ضهر البراد و شفت ظرفين دوا مأخود منن ،الاول كان مانع للحمل و التاني ما عرفتو