هزت راسا موافقة كلامو ومشت بس رجعت لفت وهي تترجاه بعيونا قبل لسانا : لا تروح
عقد حواجبو وهو يتوعد بمحمود يلي خوفا هيك : ما رح روح ..
فاتت عالغرفة وأمير لف بجمود ليشوف محمود حاط محارم ع انفو يلي عم ينزف ومنال قاعدة عالكنبة وهي تهز أجرا بعصبية.. طلع جوالو من جيبتو واتصل ع بلال وحكا بعيد عنن
طلعت حياة من الغرفة وهي حاملة مجد يلي كان نايم وشنطة صغيرة بايدا
وقفت قداما منال بعصبية : انتي جنيتي بدك تروحي مع هاد!!
هي ترباية ابوكي ولا مات وانفلتي؟
ضمت مجد وهي تحس بقرف من نظرات الاتهام يلي بوشا وقالت بهدوء ومن جواها عم ترجف من القهر : هاد يلي عم تحكي عنو بكون زوجي وابو ابني مو متل تفكيرك المريض
انصدمت منال وضلت ساكتة اما محمود وقف بعد ما سمع هالكلام وهو ناوي يطلع قبل ما يكسرلو امير شي تاني غير انفو بس انصدم وقت طلعو قدامو رجال تنين لابسين بدلات سود بلع ريقو ولف ع امير يلي ابتسم بسخرية : شو يا حبيب وين مفكر حالك رايح.. حسابنا لسا ما خلص
وكمل ببرود : حسابك عسير لأنك فكرت بشي مو الك .. عسير كتير
Telegram:@rwayate
مر اسبوع كامل من بعد ما رجعت حياة مع أمير عالفيلا كانت الجو بجنن والدنيا عم تمطر قعدت عالتخت وهي تميل لمجد وتبوسو خرمش وشا وهي ضحكت بوجع : آه يا دب
عقدت حواجبا ورجعت باستو كانت ريحة أمير فيه بلعت ريقا يا ربي شو عم يصرلي..
ارتمت عالفراش جنب مجد يلي صار يضحك يفكرا عم تلعب معو بس هي كانت بعالم تاني اهتمام امير المبالغ فيها عم يخليها تميل الو غصب عنا شدت شعرا وهي تصرخ بقهر : شو صرلك حياة ركزي مع ابنك اييييي ابنك
نطت وهي تطلع ع مجد وصارت تلعب معو تحاول تنسى أمير وشكل أمير و عيون أمير الزيتونية غطت عيون مجد بايدا وهي معصبة : لك انت ليش متل عيون ابوك هااااا صار يبكي مجد وهي ضمتو وصارت تغنيلو لحتى نام قامت تدور بالغرفة متل المجنونة من اول ما اجت هون وكل يوم تجيها باقة ورد ابيض طبيعي بس اليوم ما وصلا شي : ليش ما بعتلي ورد اليوم ؟ اصلا ليش ليبعتلي اصلا شو دخلو فيني افففف ياااا
كانت لابسة بنطلون سكيني لونو عنابي وكنزة بيضا قطنية من ماركة انجل وتاركة شعرا مفلوت لانو قصير بيوصل لكتفا بس رافعتو من قدام بف
لباسا كان بارد بالنسبة للجو برا بس الفيلا كان فيها تدفئة كهربائية لبست باجرا شبشب بيتي وفتحت الباب لتطلع بس كانت قداما منى يلي بتشتغل بالفيلا تعرفت عليها كتير طيوبة هالبنت ابتسمتلا: محتاجة شي منوش
منى بارتباك : مدام حياة.. أمير بيك تعبان كتير وما عم يرضا حدا يدخل لعندو
اختفت ابتسامتا وهي تطلع معا وتسكر باب غرفتا بهدوء مشان مجد ما يفيق : تعبان كيف يعني؟
هربت منى من قداما بعد ما قالت : ما بعرف يا مدام انا بس حبيت خبرك.
وقفت حياة قدام باب غرفتو ودقتو بتردد كبير بس ما سمعت صوت فتحت الباب بهدوء وفاتت كانت الدنيا ظلمة تحسست كبسة الضو وشغلتو وبلعت ريقا وقت شافتو عالسرير نايم بدون تيشرت بس بنطلون بيجامةاسود
دارت عيونا بالغرفة يلي كانت أول مرة تفوتا كانت واسعة كتير واثاثا فوق الفخامة بدرجة بس كلا باللون الأسود مافي ولا لون تاني غير الحيطان يلي كانت بلون سكري هادي ، قربت ناحية التخت بخطوات هادية مالت شوي وحطت ايدا ع جبهتو بعد تردد وشافت حرارتو طبيعية زفرت انفاسا يلي كانت حابستا براحة رعبتا منى عنجد، عدلت حالا ومشت ع أطراف اصابعا بس قبل ما تبعد حست بايد قوية تمسك ايدا شهقت برعبة ولفت بسرعة ابتسم أمير : شو عم تعملي بغرفتي يا حلوة ؟