ابو اكرم. احكي لأكرم خليه يجي لعندي لك اذا الو اب ماعندو خبر
مراد. ماشي اليوم بقلو
يلا بدكم شي
صفاء. لا الله معك
مراد غمز قدر بأنو تطلع معو لعند الباب بس رن تلفونها
قدر. هاد بابا
الو .. اهلين بابا
اكرم. شو مابدك ترجعي ع البيت
كم يوم صرلك
امك صرعتني
قدر. بس
اكرم. بدون بس هلأ فورا بترجعي ع البيت
العمى مابتنعطي وجه
قدر. طيب بابا .. باي
صفاء. شو بدو
قدر.معصب وعم يقلي ارجعي ع البيت
ابو اكرم. اذا حابة تبقي هون انا بحكي معو
قدر. لا خلص لانو ماما كمان معصبة وعم تقول بدها ياني ارجع
صفاء. طيب بس ماتطولي الغيبة
قدر. لا كم يوم وبرجع لهون ليش فيني استغني عنكم
صفاء. حبيبة قلبي
مراد. يلا لكن بوصلك بطريقي
قدر. اي يلا
نتالي. قدر خليني شوفك قبل ماتبلش المدرسة
قدر. اي اكيد ، يلا بدكن شي
صفاء. سلامتك حبيبتي رح نشتقلك
قدر. وانا كمان .. يلا باي
طلعت مع مراد بالسيارة ووصلها ع بيتهم
مراد. كنت حابب قضي اليوم كلو معك بس ماصار متل مابدي
قدر. اي شو نعمل
مراد. رح اشتقلك كتير
قدر. مو اكتر مني
اتطلعو ببعض وكانت عيونهم عم تلمع
وكانت صعبة عليهم انو يبعدو عن بعض
تنهدت قدر ودمعو عيونا
قدر. اول مرة بتمنى انو ما ابعد عنك ولا لحظه
مابدي فارقك
رغم انو بأيا وقت رح اجي وشوفك بس ماعم اقدر
مابدي انزل من السيارة
مسكلها ايدها وشد عليها
مراد. معليش حبيبتي ان شاء الله كلا فترة قصيرة بخطبك وبنتزوج وماعاد تبعدي عني ابدا
قدر. ببيتكم حسيت بدفا العيلة
حسيت بالحنان الي فاقديتو كل عمري
حسيت انو اديش الحياة البسيطة حلوة رغم انو عندكم كتير اشياء بتخليكن تشوفو حالكن
يا الله شو بتمنى حس ببيتنا بالدفا الي بحسو عندكم
انا حياتي بلشت من لما تعرفت عليكم
وانت احلى شي صار بحياتي
مابدي تترك ايدي بدي كون كل الوقت معك
مابدي شي يفرقنا
من مبارح لليوم حاسة حالي عايشة بعالم تاني
يا الله شو حلو الحب
بشوف فيك كل دنيتي
وانا جنبك بكون بعالم تاني
نظرات عيونك بتقتلني
ضحكتك بتجنني
حكيك بذوبني
لك حركاتك ، بحبك وبحب كل شي فيك
مراد. بتمنى الزمن يوقف لما بكون معك
مابدي الوقت يمرق
بس معليش كلا مسألة وقت ورح اجي اخطبك وتصيري اميرتي
رح عيشك بعالم تاني
رح دللك واسعدك وهنيكي كل العمر
مارح خلي الضحكة تفارق وشك لاني بحب شوف غمازاتك
بحب خدودك لما بيحمرو
انا الي بذوب بنظرة من عيونك
اديش انا محظوظ حتى قدرت اكسب قلبك
مارح قول غير نيالي فيكي
قدر. وانا نيالي فيك
مراد. ابوكي عم يتصل تأخرت عليه
قدر. طيب رح اشتقلك كتير كتير
مراد. المسا بحكي معك ماشي ياقلبي
قدر. اي ماشي يلا بااي ، بحبكك
مراد. وانا بحبك
بالشركة
اكرم. شوف يا مراد انت ناجح بشغلك وبعرف هالشي بس الشغل مو ماشي متل مابدي
مافي ارباح واذا ظلينا هيك رح تفلس الشركة
مراد. خالي الشغل ماشي ومن احسن مايكون ومافي اي مشكلة
واسمنا معروف والكل بيوثق فينا وبالتعامل معنا
اكرم. هاد الي بدي اوصلو الثقة
الكل بيوثقو بشغلنا وبيشهدو انو شغل ناجح ومن احلى مايكون بس هالشي مابكفي
لازم انو نقلل كمية المواد الي عم نستخدمها
مشاريعنا كتيرة ورح نطالع مبلغ كبير واضعاف الي عم يطلعلنا
بنقدر ندفع اجرة العمال لمدة سنين من المواد الي رح نخففها ورح يزيد مربحنا بشكل كبير ورح نلاحظ فرق كبير
شو رأيك بالفكرة ؟
مراد. مالي موافق
اكرم. انا ماعم استشيرك
لا تنسى انو انا صاحب الشركة
مراد. مابهمني مين صاحبها
الي بهمني اسم الشركة الي تعبت عليه انا وابي الله يرحمو كل هالسنين
والي بهمني اكتر ثقة الناس فينا
اكرم. فكر منيح رح نربح مارح نخسر
مراد. مستحيل غش
لا تفكر بالموضوع ابدا
اكرم. قلتلك انو الشركة شركتي وبتصرف كيف مابدي انا بس حبيت خبرك
مراد. الشركة لجدي ولأمي حصة فيها
والاسم الي تعبت عليه كل هالسنين مارح اسمح لحدا ينزعو لا انت يا خالي ولا حدا غيرك
ومستحيل اقبل بمال الحرام
اكرم. هاد اخر كلام عندك
مراد. اي اخر كلام
اكرم. طيب انا رح احكي مع ابي يقسم الورثة وحصة امك بالشركة رح اعطيها ياها ووقتا روح اسس شعل لحالك
مراد. اعمل الي بريحك بس من هون لوقتا بتمنى ماينفتح هالموضوع
اكرم. ماشي انا رايح
مراد. الله معك
مراد. شو هاد يااا الغش بدمو
بدو يورطني انا
مابخاف الله
بكرا اذا صار هالشي ووقع شي سقف ع صحابو وناس تأذو شو رح يستفيد شو رح تنفعو المصاري
يروح يعمل هالشي بشركاتو التانيات
انا مارح اسمح يصير هالشي بهي الشركة
في شركة اكرم وابو جهاد
جهاد. شو صار معك حكيت معو
اكرم. الكلب مارضي بس انا بورجيه كلها فترة قصيرة ورح زتو برات الشركة متل الكلب
جهاد. معقول ابن اختك ومابحبلك الخير
اكرم. فشر يكون ابن اختي هالكلب
هاد ابن ميتم ومامعروف ابوه مين
جهاد. كيف ابن ميتم يعني مو ابن اختك
اكرم. هلأ بحكيلك قصتو لهالحيوان
في بيت قدر
تولين. منيح اتزكرتي انو الك اهل
لك انا امك مابتسألي عني
لك قلبتك قلب عمتك من ايمتى انتي هيك
قدر. مام