(1)
Telegram:@rwayate
بيوم وليلة صرت حس كل شي تغير …… تحول فجأة من اللون الأخضر
وين ما تلتف ما بتسمع اي صوت …. بس لو تنصت منيح رح تسمع صراخ وعويل
وين ما كان .. العالم عم تهرب … وانت … عم تطلع شمال ويمين
مين هاد… طب وين عم بروح.. شو صار … مين اللي مات …
وبالآخر ما بيجيك أي جواب
بتلاقي حالك بتصرّخ بأعلى صوت … وبتنادي يا عالم اهربو من الموت
بس اللي نسيت قولو بهداك الوقت …. انو جد بكفينا مقت
عم نبكي عالاطلال … ع ناس راحت من زمان
ومنفكر بالوطن… والموت اللي فيه انسكن
سكتنا واطلعنا لبعيد.. والدخنة بتحسسك انك قريب
ما ضل حجر على حجر … وانت جوا قلبك صار جحر
وخيّم عَليك السّكون … وانتَقلِت ل عالم مسكون
وما بتعرف مين هو المجنون
انت!! ..
هم!!..
والا الحقيقة … ما حدا .. غير اللي بفكر انو الحب بلا شكل أو لون
وانو لازم ينربط بكل شي بالكون
مو عيب تقول حبيت … بس العيب تقول هو من وين
ان كان من بلدك تقول يا زين .. غير هيك .. ما بتِسمع إلا كلمات يا عيب … وهيه يا حيف …..
*****
-ليه هلا خطر ببالك تقابليني
- لانو حابة احكي وما في مين احكي معو هون غير الحيطان
- بس هاد هو السبب
- لا … لاني اشتقت … لانو حسيت في دموع بقلبي مش عم تطلع … لانو وقت احكي رح حسو عم يسمع
- معناها .. خلينا نبلش
- من وين بتحبي بلش ؟؟
- من النهاية
- ما فهمت كيف بدك اياني بلش من النهاية !!!!
- النهاية قصدي فيها من لما راح .. وغاب عن عينك …. بس ما غاب عن قلبك .. لما حكالك انا راجع وما عاد…
- انت بتحكي عن موتي بهاللحظة … كل شي اتوشّح بالسواد … قلتلو لا تروح… خليك جمبي هون ...بس ما رد .. وكان اللي كان … بس بتعرفي وقتها حسيت انو كل شي صار كان لازم يصير لحتى اقدر غير من منظور حياتي وجمال الاشياء
- وبعد ما عرفت مشاعرك بتقدري هلا تحكي انو البداية بلشت
*****
Telegram:@rwayate
كنا عالمين مختلفين واحد فوق و التاني تحت
واحد بعيّش الفقير و التاني ملك للغني
ممنوع يلتقوا نهائياً .. متل الجنة والنار
بس الوضع كان ع اسوأ
العدل ما كان موجود
حرب وخراب .. ما عمري فهمت شو السبب وليه هالباب مسكر وممنوع حتى اللمس
وقت كنت اسأل ستي ليه نحنا هون .. تصير تبكي
وتتزكر قبل 100 سنة كيف كان العالم وكيف صار
المعظم هون عميان
والباقي ان شاف بتلاقيه بشوف بس خيال
كان الكل يخاف بس يشوف الجيل الجديد … ويحس قديه هو عنيد
كبرنا و احنا تحت الارض … انتو عندكم هون بتدفنو الميت بس عنا بزتو بقلب البحر
حتى يا ريت بنقدر نودع الفقيد ، اول ما ينحكى كلمة ميت كنا نلاقي العساكر حوطو المكان وحرقو البيت وبعدها طفو بمي ، شو كان السبب ما حدا كان بيعرف ، وليه هالمنفى كمان ما حدا كان يقلنا
Telegram:@rwayate
لوقت قررنا انو نحاول نهرب من هالمكان ونوصل لفوق الأرض ولو لمرة وحدة، ودعنا ابي وعمامي اللي اتبرعو يطلعو يدورو ع مكان ، بس وقت وصل الحكي للناس اللي فوق
غمرو كل الفتحات بمي ، لا همهم ان عشنا او متنا
من 100 الف صفينا 800 والباقي غرق وما ضل حدا
ومع الايام والعمر اللي مرق صار لازم نتحرك، عيونا اللي تعودت عالعتمة هي اللي ساعدتنا
اتفقنا انا ورفقاتي نطلع من هالمكان ونحاول بدون علم حدا انو نوصل لسطح للعالم المحرم متل ما كنا نناديه ، ومن هون بلشت الحرب التانية
حرب ضد الخوف والجوع
ضد حتى الخنوع
ما قدرنا نتقبل الواقع ونعيش على الوضع اللي تقبلوه اهلنا
احنا ما كنا عميان .. ولا كان فينا شي متل اللي كان مع اهلنا
وقت اتفقنا كان سبعة ويوم عن يوم ما لقينا الا الكل وقف معنا
كنا شباب متل ما بتحكو طايش معظمنا اعمارنا ما تجاوزت ال 16
بس الحلم هو اللي كان ممشينا
وهي اللي كان مقوينا
بس ما توقعنا هيك يصير
فجأة انفتحت كل البوابات علينا، والمكان دخلتو الشمس لأول مرة بالحياة
وهجم الجيش الأرضي علينا ، وما خلو لا شب ولا ختيار الا وأخدوه معهم ورجعو سكرو البوابات
صوت الصراخ والدموع المكبوتة قهرنا ، حسينا انو كل شي بهاد الوقت خرب وتدمر
وانو فعلاً خسرنا وما ضل لحدا فينا مكان او حتى مين يعيلو
بتزكر امي وقت حرقوها، و اخوي وقت انمسك وهو بحاول يطلع من هون، وبابا اللي وعدني انو راجع وما رجع من 5 سنين ، كل الكره والحقد زاد عندي
ولو شو ما عملو الي كنت ضل متل المشردة
لا بيت ولا اكل
ولا حتى شخص خليه يحن علي،الدنيا علمتني القسوة
وعلمتني وقت بدي اعمل شي ما خبر حدا