📚قصص||روايات||منوعة📚

صحيت متل العادة وقررت انو صار لازم اتحرك وما لازم ضل هون ، اتمسخرو علي كتير
وحكولي شقفة بنت ما بتقدر تقدر تعمل لحالها شي
لوقت حسان وقف معي وحكالي " يلا نجرب "
Telegram:@rwayate
-متأكد ؟؟ ما حدا رح يساعد
-وما بهم، الكل عم يموت هون، ازا تعودنا بعمرو ما رح نعيش بكرامة ورح نضل طول عمرنا مذلولين
-مع انك كنت قبل تخجل حتى تقرب تحكي مع بنت ، شو اللي صار هلا
-ايلين، بدك تفكري بالقديم كتير خلينا ولو لمرة وحدة نعمل اللي ما عملو غيرنا
-وكيف رح اقدر اوثق فيك ؟؟
-ليه، اللي بيسمعك بقول رح اقدر اوثق بشقفة بنت
-شقفة البنت هاي احسن من الف متلك يا حسان

التمو كل صحابو والتفو حوالي وهم بيضحكو الضحكة الحقيرة اياها،بنت ومنقدر نتكالب عليها
وبعدها منلاقي طريقة لنقدر نتسلى فيها

بس ما فشرو ، طلعت على طريقة تقريبهم مني وانتبهت للرمح الموجود عالحيط جمبي حاولت قرب اكتر لقدرت امسكو وقتها اول شي عملتو اني طعنت حسان برجلو
وهو عم يصرخ قدرت اهرب من الباقي وصرت اركض ودور ع مكان اتخبى منهم فيه، لقيت كهف مخفي
ودخلت فيه وحسيت العتمة غطت علي، متل ما كان الكل يكرها ويشغل الفوانيس ليهرب منها
انا كنت اعشقها وشوف الجمال كلو فيها

سمعت صوتهم وهم بيركضو حوالين المكان، رجعت لجوا العتمة وغمضت عيوني
حاولت سيطر ع انفاسي وما ضل خايفة لوقت حسيت بايد انمدت ومسكتني وحطت ايدها ع تمشي وشدتني لجوا

-هششش ما تحكي شي استني ليروحو
Telegram:@rwayate
هزيت براسي وانا لسة خايفة ومش مرتاحة للشي اللي صار، بس رجع الهدوء شال ايدو عني وتحرك واشرلي انو الحقو ، ضليت امشي وراه وهو منتبه لكل خطوة بخطيها وانا بتلفت لورا حتى اتأكد ما حدا لحقنا خف الصوت كتير وبطلت اسمع صوت التجار ولا صوت الشباب اللي لحقوني
-لا تخافي ما حدا بيعرف هاد المكان وولا عمرو فكرو يقربو عليه
- بس مين انت؟
-بعدين بتعرفي

انتبهت للضحكة اللي طلعت بعيونو، رجعنا نكمل مشي جوا المغارة اللي حسيتها مش راضية تخلص
وكنت خايفة اوقع بشي، ريحة الهوا تغيرت بطل فيها ريحة الفوانيس صرت حس انو في ريحة غريبة عم شمها، ريحة حلوة وهادية
-البحر
-انتبهي للحفرة اللي قدامك لتوقعي

كملنا مشي لخلصنا من هالممر الطويل وحسيت بنور قوي دخل عيوني تفاجأت فيه
-عيونك الها سنين متعودة عالعتمة افتحيهم شوي شوي

رديت على صاحب الصوت الهادي وفتحت عيوني شوي شوي، لقيت حالك ع باب مغارة كبيرة ، الشمس معبية كل جزء منها وشب ما تخيلت بحياتي شوف متلو، كان بختلف عن اللي كانو عنا
-مين انت؟؟ مستحيل تكون عشت هون
-لاني مو من هون الي سنين عم انتقل بين العالمين، وعم دور ع اي شخص بقدر يفكر بطريقة لنقدر نعدل بين الطرفين
-اي عدل اللي بتحكي عنو هاد، ما شفت المجازر اللي جوا، والا الناس اللي ماتت او تعلقت بس لانو فكرت تحكي رأيها.
Telegram:@rwayate
الناس عم تموت من الجوع، والشاطر اللي بياكل التاني، قتل ونهب وسرقة وعالم متخلف ومقرف ، تكاتفنا على بعض وتشاطرنا على بعض، بدل ما نتحد لنهد العالم اللي فوق عيشنا حالنا بجهنم تحت
اي جهنم حتى جهنم يمكن ابرد من هاد المكان
-ومين حكالك انو فوق احسن، الظلم ما الو دخل ب فوق وتحت ، هو موجود بكل مكان
مفكرة الناس اللي هون لو طلعت فوق رح يكون شي منيح، رح يصيرو اسوأ من هلا وبمراحل كبيرة كتير
-شو بتعرف عن العالم اللي فوق انت ؟؟ اللي بيسمعك بقول زرتو
-كتير .. وكنت جزء منو لوقت انعزلت بهاد الكهف
-صار لازم ارجع ما بقدر طول اكتر لحتى خالتي ما تخاف
-قبل ما تروحي وعديني ترجعي لهون مرة تانية يا
-ايلين
-رح ضل متزكر هاد الاسم، لانو خلاص العالم رح يكون بين اديكي ايلين

التفت عليه وابتسمت ولوحت بايدي ورجعت من نفس الطريق بقلب العتمة، ما كنت منتبهة للخيال اللي طلع فجأة من بين النور اللي كان معبي المكان كان كل همي بس انو اطلع من هالمكان وارجع للعتمة من جديد .

بعد ما وصلت لباب الكهف كملت طريقي من السوق للبيت وهناك شفت حسان عم يتعالج وحواليه صحابو كلهم، ابتسمت وكملت طريقي للبيت وانا عم فكر بهاد الشب الغريب والسبب اللي مخليه يختفي بهديك المغارة

-----
-كيف رح تتأكد إنها هي ؟
-لازم لاقي طريقة هم حكو انو الوشم موجود على رقبتها
-كيف ممكن نقدر نشوفو ؟
-حاول تخليها ترجع لهون مرة تانية
-بس معاليك ازا عرفت مين احنا
-ما لازم تعرف شي ، لازم تخليها ترجع لهون مرة تانية او رح يخرب التوازن بين العالمين
-امرك
-اسمع يا ابني العالم ما رح يرجع متل ما كان الا ازا اتحدتو لازم تتعلم تدافع عن حالها ونقدر نطلعها للعالم اللي فوق
-بصفتها الحقيقية
-ابداً، واياك تحكي قدام حدا عن المدخل السري وباب النور والا رح نروح فيها
-بس احنا منستغلها وهاد ظلم لالها
-ما في شي عادل هون ولو بدك تدور عالعدالة ما رح تلاقيها، وقت نقيتك من بين الكل كنت عارفة انك الوحيد اللي ممكن تلفت انتباهها وتجذبها، النا 27 سنة منستنى هاي اللحظة وما رح اتخلى عنها، بكفي خطفوها منا وهربو فيها لهون لما ثارو اول مرة وهلا صار لازم يرجع كل شي متل ما كن
Telegram:@rwayate
******
-شو اللي خلاكي تأمني الهم
-ولا شي بس يمكن النور والدفا اللي كان بالمكان ما خلاني خاف
-النور، مع انك هلا بالنور بس لساكي عم تمري بحالة اكتئاب
-وقت يختلف عليك الوضع وتصير تدور على حقيقة وانت مو عارف شو فيها رح تحسي بهاد الاختلاف ورح تتعبي، والاكتر وقت خسرت كل شي
-يعني هو نفسو اللي عم تشتاقيلو هلا
-الو ولكتيرين، حتى حسان مع انو كان كتير لئيم معي بس كنت استمتع بكل لحظة معو، اما هلا ما في شي بخليني فكر ضل عايشة لولا
-لولا الوضع الجديد والشرط اللي انحط
-شرط، والا حقيقة والا كزبة ما بعرف ، اتوقع الوقت هلا خلص وانا صار لازم روح

هي راحت بس تركت الاحداث كلها عم تدور في بالي رجعت لمكتبي زبط اوراقي وانا فكر بالطريقة اللي ممكن خليها تحكي كل شي
بس يمكن الجرأة اللي خلتها توصل لهون انحذفت وانحذفت وانمحت مع السنين وصار لازم رجعها متل ما كانت من قبل ...

(2)
Telegram:@rwayate
كنت بستنى موعدها بالدقيقة، السحر الموجود بكلماتها واسلوبها كان جاذبني، والقصة المخفية من سنين خلتني بكل ثانية اطلع واستنى لوقت وصلت
-متل العادة عالموعد
-وقت بدك ترتاح بتحاول تسرع للشي اللي بريحك، يمكن الحكي ما بيعبر عن اللي جوا القلوب، بس الفضفضة اللي منحكيها عم تحرر الوجع اللي جواتي
-اليوم رح نكمل
-لا اليوم لسة بدنا نبلش
-واللي كنا نحكي فيه
- " شاب أو فتاة ..غير معروف الهيئة … يحمل على كتفه جناح… والوحيد الذي يملك المفتاح هو القادر على فك الملاح المخفاة "
هون كانت البداية
-لغز
-لا اسطورة كانت محفورة جوا الكهف وما كان حدا عرف شو معناها بس كانو بدورو على مين بفسرها
ما كانت مكتوبة بلغتنا، كانت مكتوبة متل نقوش على حجر جمب البوابة

******

حاولت انسى شكل الشب اللي كان يطلع دائماً بوجهي، وحسان بهاي الفترة بطل متل قبل يدايقني
بس اللي كان دائما مخوفني هو العنقاء اللي كانت تطلعلي بأحلامي ، كان دائما تبين عم تختفي او بالأحرى بتتلاشى ما كنت عارفة شو اللي بصير وليه عم تطلع الي بس كنت اتناسى الحلم لاقدر عيش بالواقع والصراع الطويل لحتى نقدر نعيش فوق الارض .
Telegram:@rwayate
*: ايلين اصحي
ايلين: ما نمت لحتى اصحى
*: نفس الحلم
ايلين: لا بس … نفس الخوف.. التعب .. الارهاق … المعاناة .. صوت الصراخ
نفس كل شي، شو اللي عم يتغير الجوع والا العطش
العتمة اللي عايشين فيها ومنضحك ع حالنا بشوية نور
ليه بدي نام لاصحى تاني يوم ع دموعكم وانتو مو ملاقيين شي تعملو
*: ايلين

نقزت وصحيت ع حالي وتحركت للباب وطلعت امشي وانا عم اتزكر كل ليلة كيف كنا ننام، متل العبيد بياخدو خمسة منا كل شهر لحتى يستمتعو فيهم ،وبعدها برجعو بزتوهم بس يصيبهم العمى من النور،
الكل بكون بس بيبكي وما حدا فكر انو لازم يدافع.

*: رجعت الاميرة الساحرة تتحرك بالمكان
**: لا تحكي معها بلا ما تطعنك متل ما طعنت حسان

كان الكل عم يمزح وينكت باللي صار، وكنت عم استنى اي مصيبة رح تجيني من هالموضوع
وصلت عالسوق العتيق وقعدت على حفة الصخرة اطلع عالناس وهي بتمشي والكل مبين قديه مهموم واللي خايف وعم بحاول يلاقي طريقة يهرب بنتو قبل ما يوصلو الحرس لهون
بلحظة وحدة صوت الصراخ عبى الدنيا والحرس عم يجرو واحد من السكان لنص المكان و الكل بلش يتدمع متل العادة، بدل ما يدافعو عنو تركو لمصيرو المشؤوم ،شفت كيف جارين بنتو من شعرها قدامو وهو بصرخ ليتركوها بس العسكر هالمرة تمادى
جيت بدي انزل عن الصخرة بس شفت الشب واقف عم يطلع من مكان وبعدها اختفى، متل السراب بيطلع وفجأة بيهرب من المكان، قررت انو انزل وارمي الخنجر ووين ما يوصل يوصل بس في ايد انمدت ومسكتني
-مجنونة انت شي!! مفكرة رح يتركوكي بعد ما تحاولي تقتلي واحد فيهم
-حسان ابعد من هون
-ما رح ابعد صح اللي عملناه معك غلط بس هاد مش معناه نترك كل مهمة حمايتك حتى حضرتك تجي هلا وتزتي حالك للموت هون
-حمايتي !!
-وعدت ابوكي قبل ما يموت ما حدا يلمسك او يقرب منك، او حتى حدا يفكر يقدمك تضحية لالهم
- انا !! ليه شو بفرق اصلاً عن كل هالبنات انا بس بلا عيلة
-مو وقت هالحكي وخلينا ننزل من هون قبل ما يشوفوكي
-وهم
- ييي علينا ايلين انت في شي بعقلك ، خلصينا امشي

نزلت غصب عني وانا بشوف الحرس عم يجهزو الاب للقتل وبعدها ابشع منظر ممكن ينعمل بس يصفى الدم برشو ع بناتو حتى ينعرف انهم مدنسين، حاولت اهرب من حسان كتير بس ما قدرت قد ما بتمشكل معو وقد ما تخانقنا كنت وقت احتاجو يكون قريب ، تركت ايدو ورجعت امشي ومو شايفة قدامي.

عم اتزكر كل اللي صار الاهانة اللي منبلعها والظلم والقهر اللي عم نعيش فيه
تزكرت حكي الكل " الظلم ورا السر، وحتى نخلص من الحال هاد لازم نلاقي صاحب الاسطورة"
كملت طريقي لوصلت الكهف، ضحكت انو رجعت لهون وزعلت انو شو اللي جابني هون بس رجعت امشي وانا بتزكر كل حفرة وكل بقعة مي كانت موجودة .
اول ما وصلت البوابة امتد سيف بوجهي
-عرف عن حالك مين ما كنت تكون
-ايلين
Telegram:@rwayate
- هاي انت !! رجعتك قريبة ما صارلها يومين
رجع السيف للغمد وخلاني امشي لجوا وقفت عم اطلع عالشلال اللي قبال الكهف
-ليه هيك بصير
ليه لغة الدم بس اللي منتشرة هون
عالم حقير وناس احقر
واقع بخزي وبعمرو ما بنقدر نعيش فيه
ليه.. من بين كل اللي كانو موجودين ما استقوو على الضعيف
ليه الانثى هون متل السلعة ازا ما انباعت بنفوها بدم اهلها

-ايلين

بكيت ، جد بكيت ما كان بدي اعرف اجوبة بس بدي اهرب من هاد الواقع، بدي دافع عن حالي من دون ما انحبس، وبدي موت بس براحة بدون جوع
بدي حس حالي انسناة بدون ما تطلعلي هاي الاحلام المزعجة
وبدون ما شوف العنقاء بتبكي بكل احلامي

-قلتي العنقاء !!!
بهاي اللحظة ظهر نور قوي كتير وطلع من النور ختيار
-لا تتحركي من مكانك شوي وبيختفي هالنور وبرجع الوضع متل ما كان
-مو خايفة من هالنور عيني متعودين على النور والعتمة، بس قلبي اللي شبع عتمة وظلام
-لا تحكي هيك يا بنتي رح نساعدك لتوصلي لكل شي بدك اياه
- وكيف ؟؟ قلي كيف ما بدي شوف موت جديد

سكت وما حكى تطلع بالشب وطلب منو يروح، تحرك الشب وتركني لحالي معو، ما اهتميت بس وقت تزكرت النور
-انت من فوق
-صح
-شو اللي بخلي واحد من اصحاب الفخامة ينزل لهون والا الوضع هون مثير اكتر
-ما تتخيلي فوق احسن من هون، لازم نصلح المكانين وندمجهم
- ما في مجال للدمج ابداً، رح تضلو انتو الاسياد واحنا العبيد، صار لازم روح قبل ما انسى العتمة والحياة تزكرني انو الاعمى ما بصير يشوف النور
-بس ..
-ما بدي اسمع شي اجيت لهون لاسمع صوت الهدوء وهلا صار لازم ارجع حارب مع الناس اللي عشت معها
-الله معك … يا العنقاء
ابتسمت لما ناداني هيك بسمة انكسار
Telegram:@rwayate
رجعت بس هالمرة ع نفس الصخرة عم شوف الكل بيتحرك وبيتجنب يوقف مع البنات الواقفين بيحفرو قبر ابوهم والحرس بيتمسخر عليهم كان نفسي قرب بس نظرة حسان الي خلتني ارجع وقف مكاني ، وخلت عندي عزيمة لاطلب من الشب الغريب طلبي اللي كان لازم اطلبو من اول مرة لقيتو فيها

****

-يمكن الاحداث قليلة بس تعبت بالحكي لليوم
-ازا كانت هاي البداية فبضمنلك انو ما رح اقدر نام لافهم شو قصة الوشم والعنقاء
-الايام كتيرة .. والحكي اكتر من ما في، بس السر صعب ينكشف من اولها ، والا بطل سر
Telegram:@rwayate
هالمرة النور كان اقوى وقت طلعتها، وابتسامتها لالي خلتني حس شو في شغلات مهمة النا احنا مننساها
لوين رح اوصل معها، والجلسة الجاي وين رح تعملها فوق تلة، او جمب بحر
او يمكن فوق … بين الغيوم بالسما

(3)
Telegram:@rwayate
ما بعرف شو سبب اختيار هالمكان، بعيد عن كل البشر
بتوقف في ع مفترق طرق
اولو كهف ونهايته مي
بس مع هيك صوت الشلال البعيد بخيلك ترتاح وكتير
-المكان شكلو عجبك كتير
-ما انتبهت انك وصلتي ، رح نعطي الجلسة هون
-لا .. بدي منك تلحقيني

مشيت وراها وانا بطلع على كل جزء بالمكان، في شي سحري بخليك ما تصدق انو هالمكان موجود
وصلنا لآخر الهضبة قريب من الشلل، اطلعت فيي وابتسمت وبس زقفت بايديها صار اللي خلاني خاف حتى وقف جمبها صار الشلال جزئين متل ستارة وعم تنقط منها مي بشكل خفيف
-لا تخافي ما رح ترجع المي للمجرى الرئيسي هلا
-بس شو اللي صار هون
-انت اللي اصريتي تعرفي شو القصة والحكاية وكان لازم وريكي جزء صغير منها

دخلت واشرتلي انو الحقها، مشيت بخطوات بطيئة واول ما دخلت رجع الشلال لوضعو الطبيعي ولا كأنو صار فيه شي ، مشينا لوصلنا متل كهف صغير الو باب، وبس دقت على الباب انفتح وطلعت منو صبية صغيرة
-أخيراً جيتو كل شي صار جاهز وعم نستناكم
Telegram:@rwayate
اللي بشوف الوضع برة بيستغرب من المكان اللي دخلناه، الهدوء ، الدفا، الفوانيس المنتشرة
الكنب اللي محطوط عند الستارة الحمرا
قربت وقعدت على واحد من الكراسي وضليت واقفة محلي ورجلي مو حامليني حاسة بشعور غريب ورهبة من هالمكان
-لا تخافي كنت حابة تعيشي الواقع بالقصة نفسها حتى ما تستغربي من اللي فيها
-بس انا ما قلت انك مو صادقة فيها
-يمكن بس العيون بتفضح، والعقل الباطن بيفضح اكتر
-طيب ، خلينا نبلش محل ما وقفنا

-الزكريات بس تنحكي اوقات بتجرح واوقات بتخليك تعيشي بحسرة
صعب تصدقي انو الناس اللي حبيتيهم راحو
وانو الحريق اللي ماتو فيه اهلك رح ترجعي تشوفي حريق اعلى عم يقتل غيرهم

*****
حريق كبير ونار وعمتة وفجأة العنقاء بتطلع من بينها وبتختفي والدموع بتنزل منها، هاد واحد من اسوأ الاحلام اللي شفتها وخلتني اصحى مرعوبة، قمت على صوت الباب وخالتي عم تجادل الحرس الملكي لتمنعم يدخلو لجوا
-ما في حدا بالبيت لوين جايين انتو
-لو سمحتي اطلعي لبرة لازم نفتش البيت
-وبصفتكم مين رح تفتشو اطلعو برة بيتي
-لا تعاندي انت عارفة انها اوامر واي شب اكبر من 12 سنة لازم يطلع معنا وهلا
-مستحيل خليكم تقربو ع اولادي عم تفهمو اطلعو لبرة
لفيت وجهي بعيد عنها وهي بتدافع عن بيتها، شفت اياس ابنها واقف ورا الباب وعم يرجف من الخوف وبيبكي
-اياس تعال معي لازم تطلع من هون
-بس .. بس ماما
-لا تخاف ما حدا رح يشوفنا لازم طلعك من هون وخبيك
- لا لا ما بدي خايف يعملولكم شي والكل ينبذكم
-هلا مو وقت الحكي خلصني تعال خليني هربك من هون
Telegram:@rwayate
مسكت ايدو وشديتو غصب عنو ونزلت بالقبو اللي بغرفتي وخبيتو فيه ورجعت طلعت قعدت ع تختي، بنفس اللحظة لقيتهم ماسكين خالتي وبيمنعوها من انها تتحرك وصوت صراخها طالع، فتشو البيت وخربو كل شي فيه وطلعو بعد ما تأكدو انو ما في حدا هون
-كل هالضجة وبالأخر ابنك طلع مش بالبيت، تأكدي ازا حدا بكون مخبيه رح ينال العقاب المناسب الو

طلعو وتركوها مرعوبة وهي عم تطلع علي
-ايلين وين اياس راح
-هو متخبي ما تخافي
-بدي شوفو بدي اطمن عليه

قمت رفعت السجادة ورجعت مرة تانية شديت الأرض لارتفعت وطلع منها
-اياس انت منيح
-ماما ما صارلي شي ، بس القبو هاد من متى هون
-ايلين مو عارفة اشكرك

-خالتي وقت ماتو اهلي ما كنت بقدر دافع عنهم بس هلا بوعدكم بعمرهم ما رح يقدرو ياخدو اياس من هون لو بدي موت
-انا خايفة عليكي
-لو بدهم ياخدوني كان اخدوني

حسيت بصداع براسي ودوخة شفت شي غريب بوقتها، الكهف والحيط عم يتغير الكلام اللي عليها
" استيقظت العنقاء من سباتها فاتحدوا"

شو اللي بصير ومعقول العنقاء اللي كنت شوفها بأحلامي حقيقة مستحيل
-ايلين.. ايلين قومي شو صارلك
-ما صار شي بس حسيت الدنيا لفت فيي
Telegram:@rwayate
اطلعت علي بشك واخدت اياس وطلعت من عندي بعد ما اطمنت علي وانا رحت مباشرة لعند الشب الغريب بدي اعرف شو قصة هاي العنقاء ولازم بسرعة اعرف السبب بإنها عم تطلعلي

****
تحركت البرداي فجأة ووقفت قدامها وهي بتتزكر الحوار القديم ، فضولي خلاني قرب شوف الشي اللي بتتفرج عليه، بس وصلت لعندها حسيت انو الارض عم تنزل او انا هيك تهيألي
-رح ننزل للطابق اللي تحت لانو اللي رح احكي هلا هو واحد من اسراري الكتيرة اللي ما حدا عرفها

ما عرفت جاوبها لوقت نزلنا لغرفة قليل كلمة عتمة فيها كانت بتمشي وعارفة وين تحط رجليها وانا بتلمس طريقي من خوفي وصلنا لمكان متل هوة بركان بس بدل الحمم كان جثث
-هون كانو يزتو الشباب بعمر ال 12 ، واي شخص كانو يخافو منو كانو يزتو فيها كمان
كانو البنات عبارة عن آلات للتكاثر والشباب اللي اهلو بيدفعو الغرامة كان يضل عايش اما الباقي كان ينزت هون بحجة انو ما في مجال يعيش بس ويكون مستهلك
-مس.. مستهلك مستحيل
- ما في شي مستحيل بأرض الظلام فيها كان نور ، ما حدا كان قادر يحكي شي
قتل وخراب واستعطاف وبالاخر كانو يحكو عنا اهل الظلام وهم اهل النور ، واي شخص كانو يعرفو انو بيقدر يشوف بالنور والعتمة كانو يقتلو فوراً
-والسبب هي العنقاء
-حجة مو سبب، خافوا منا نحاول انو نعمل انقلاب
-منا يعني ..
-كنت وحدة منهم بقدر شوف بالعتمة بوضوح وبشكل كبير واكتر من غيري
-حدا كان بيعرف
-لا كنت قدامهم اعمل حالي جاهلة بالموضوع، كنت بفكر بس انو انتقم من اللي حرق اهلي واخدو دارين
-دارين بتكون اختك
-لا مربيتي خلينا نطلع من هون ونرجع للمكان الأول
Telegram:@rwayate
*****
هالمرة كان لازم اعرف الحقيقة والاحلام اللي بكل مرة بتجيبني لهاد الكهف بالزات
تلفتت حتى أتأكد انو ما في حدا وراي ودخلت وبلشت امشي بقلب العتمة وانا متأكدة انو في صوت همهمات قوي عم يطلع من الكهف
قربت لعند فتحة النور وقت تجمدت بأرضي مو معقول الصوت يكون ل …حسان
حاولت ركز باللي بيحكو وكان محور الحديث كتير غريب بينهم
-الاصوات عم تزيد وازا ضل الوضع هيك رح ننفضح
-ما في حل تاني لازم نستنى ليلتقي الكل
-كيف .. كيف الحجر تحرك مرتين وما ضل فيها
-بس لسة ما عرفنا مين العنقاء لهلا
-انت لازم تلاقي حل ما بقدر ضل هون انا عم اختنق انت مو عارف شو اللي بصير بهالمكان
-هششش
Telegram:@rwayate
اختفى الصوت بس وقت سمعت صوت قريب مني خفت
-ما كان لازم تسمعي الحكي اللي بينحكى
-مين انتو ؟؟
-ايلين شو رجعك لهون

مسكت السيف اللي جمب الباب وكنت خايفة ومتوترة منهم معقول يكونو متلي بشوفو بالعتمة وبالنور
-لا تخافي ما حدا رح يإذيكي اعطيني السيف
-خليك محلك واوعك تقرب هلا بدي افهم شو في ومين انتو بدي اعرف شو قصة الاحلام اللي بحلمها وشو قصة العنقاء والرسائل اللي بتطلع من النار
شو اللي عم بصير معي وليش انا من بين الكل اللي بيطلعو بوجهي
رميت السيف عالارض وانا منهارة تعبت من هاي الاحلام ومن شكل النيران اللي بيطلع، اقترب مني الغريب وحط ايدو ع كتفي
-ما حدا رح يوجعك او يإذيكي بعد اليوم
-كوني متأكدة ما عم نعمل شي غلط ايلين احنا جماعة بسمونا حماة العنقاء المجنحة
كنا حرس للعنقاء الامر بفترة من الفترات لوقت قتلوها وخبرونا انو الطفلة ما ماتت ولساها عايشة ونزلنا لهون لنقدر نلاقيها
Telegram:@rwayate
-كيف بدي صدقكم ؟؟ وكيف رح تلاقوها فهمني

هون تحرك الشب الغريب واطلع بحسان
-لازم تروحو ممن هون بسرعة لازم اخفي كل الآثار قبل ما يعرفو المكان السري بسرعة خدها واطلعو من هون وبس ابعتلك الاشارة والصوت بقلب المغارة بتجو

جرني غصب عني وانا نفسي اعرف مين هاد الغريب وزاد اصراري اعرف مين العنقاء اللي بيحكو عنها

*****
-صار لازم نطلع من المغارة قبل ما تغيب الشمس ونضيع الطريق
-بكون احسن لانو لساتني بحس كل شي غريب

وقفت التسجيل وتحركت معها وانا بتزكر اللي كانت تحكيه وبحاول خبي سري الصغير لالي لانو اللي حكتو هلا بيتناسب مع شي قرأتو من سنين

(4)
Telegram:@rwayate
زكرياتنا القديمة متل طيف كبير
بتحوم حوالينا لتخلينا عايشين الواقع بشكل صح
هيك كنت فكر قبل ما لاقيها
ولسة عم بقنع حالي انو الموضوع مو متل ما انا متخيلة
وقت نطلع من الشباك
بتشوف ملحمة بالسما
بين الغيوم والشمس الناشرة الدفا
وبين القمر اللي بلش يطلع وبيشكر الشمس على وقوفها جمبو
وتحويله من نجم بارد .. لناشر للنور حواليه

-بعرف الوقت متأخر بس في شغلات ما بتبين بالنهار ، وما بتقدري تستكشفيها الا بالليل
-بس المكان كتير عتمة وما قدرت اوصلو بسهولة
-بعرف بس كان لازم تجي معي ونمشي بهاي الاماكن

قد ما كانت المغارة بتخوف بس روح المغامرة خلتني امشي معها لجوا
نزلنا درج وشفت البيوت الموزعة والسوق المهتري ومع نظرة الناس الها والاحترام الزايد لشخصها خلاني هابها وهاب كبرتها، كملنا طريقنا لوصلنا لبيت كان رماد طلعت فيي والبسمة بلشت تختفي ووجوم كبير وملامح عابسة موشحة بحزن كبير هي اللي كانت تعطيها للبيت .

-هاد المكان كان آخر مكان شفتهم فيه ، ودعته وحكالي راجعلك ورح ارجع لنبني عيلتنا من اول وجديد
-قصدك عن ..
-بابا.. او اللي كنت فكرو ابي بهديك الفترة
-ما فهمت

ترحكت لبيت مقابل الو مدمر بطريقة بشعة الحديد منصهر والاثاث محلو مشوه، حركت الباب ومشيت لجوا البيت ولحقتها وانا مترددة، مشينا وهي بتتحرك بسهولة وانا بتحسس الاماكن حوالي، بعمري ما حسيت قديش العتمة مخيفة قد اليوم، وقديه الانسان ضعيف وقت يفقد وحدة من حواسه .
Telegram:@rwayate
وصلنا غرفة كانت غريبة بابها بنزل لتحت وبتحس كل شي مقلوب من فوق لتحت عكس كل البيوت التانية
بس لما تدخلو الانقلاب اللي انت شفتو من برة بيختلف
بتصير كأنك بغرفة تانية مو ضايبها شي ولا حتى الحريق اللي كان فوق

-اليوم رح نبلش من هون من هاد المكان

ما عرفت شو جاوب او احكي بس تركتها بتحكي وقربت من الشباك اللي كان موجود صغير واللي كان بطل عالبيت المحروق ، رجعت التفت الها وقربت من محل قعدتها لاسمعها شو رح تحكي لليوم

****
-لااااا، بكفي .. بكفي
-ايلين .. اصحي .. لازم تصحي قاومي هلا

صحيت وعيوني فيهم اثار دموع ورقبتي فيها نار غارزة شفت عيون خالتي وهي بتطلع فيي بخوف
-انت منيحة
-الحلم ما عم بفارقني، عم بزيد بكل مرة وعم حس النار عم تاكلني الي
-مستحيل.. مستحيل .. مو هيك لازم يصير
-خالتي شو بتحكي
-مو وقتها هلا .. السر ما لازم يبين بهالطريقة
-خالتي ببوس ايدك فهميني شو اللي بصير

مسكتني بقوة وشدت ع ايدي وهي لسة بتمسح على وجهي بخوف
-حدا بيعرف بهاي الاحلام
- بس حسان
- حدا تاني غير حسان
- لا .. لحظة
كنت رح احكي عن الشب الغريب والعراب اللي شفتهم بالكهف بس سكتت، مع هالرعب توقعت تعمل اي شي

-ايلين جاوبي ما لازم حدا يعرف بهاي الاحلام نهائياً
-حاضر
Telegram:@rwayate
اجت تطلع من الغرفة بس وقفت عند الباب ورجعت ومسكتني من ايدي ووقفتني وزاحت شعري من محلو
-يا رب بسرعة طلع ما كان لازم يبين هلا ، شو لازم ساوي
-خالتي
-لازم لاقي حل وبسرعة ، لازم لاقي مكان خليكي فيه قبل ما يوصلهم خبر عاللي صار

راحت وانا بمحلي صافنة شو اللي بصير ومالها حاولت ارجع وقف بس كمية الصداع اللي كنت حسها كتير كبيرة، رجعت نمت وحسيت حالي غبت لمحل تاني

****
-شو اللي صار بوقتها
-الشي اللي كان الكل خايف منو …. العنقاء المجنحة فتحت عيونها من جديد على حقيقة مغيبة
-ما خافت يستغلوها
-لا … وقتها كان في رسالة جديدة عالحجر
" من يملك القدرة على السيطرة عليها… فقط هو القادر على قيادتها"
ما اتوقع تفهمي شو المحطوط كرموز بس لو اطلعتي وراكي كان شفتي الرمز وراكي مرسوم بالدم
-كل مرة عم تصيبيني بمشاعر ملخبطة من خوف و ..
-خوف توتر رهبة وفضول اسوأ خليط ممكن تجابهيه بس رح ارضي فضولك وكملك شو اللي صار لانو ولا ممكن ينمحى من ذاكرتي
Telegram:@rwayate
****
هوا سخن لفح وجهي وعيوني مغمضين وحسيت بسرعة كبيرة رح اضرب فيها الأرض
وقت فتحت عيوني حاولت سيطر ع حالي وما اوقع وبعد تعب وجهد قدرت وقف ، اللي استغربتو انو ما كان في ارض نهائي بس السما اللي انا فيها والغيوم وين انا .. ما بعرف اول مرة بشوف هاد المكان.

سمعت صوت رفرفة جناحات كبيرة حوالي بتتخبط ببعضها بقوة ، تلفتت حوالي والشي الوحيد اللي عم شوفو هو البياض
-مين انت ؟؟
-عرفي عن حالك قبل ما تتم عملية الاغتيال الحالية

- انتو اللي مين ؟؟ و ليه جبتوني لهون

رفرفة الجناحات عملت زوابع بتخوف من حوالي حميت عيوني من الهوا اللي اجنا من جناحهم وحاولت قد ما بقدر ضل ثابتة ، وعم حس الهوا عم يزيحني من مكاني شوي شوي لوقت سمعت صوت بوقفهم عن اللي بيعملو

-وقفو كلكم
-سيادة الامير دخيلة
-مو دخيلة … بس الاسطورة بلشت تتحقق
Telegram:@rwayate
قرب مني وانا لسة بمحلي ما بتحرك نهائي الخوف اللي كان بقلبي والرعبة اللي صارت خلت الموضوع يزيد عندي
-ايلين … السيدة الجديدة لجماعتنا اجت ليبلش اختبارها الاول
- عن شو بتحكي .. واي اختبار
-امشي معي

امشي !!! حاولت اتحرك بس ما عرفت لازم امشي او لا وصفنت كيف بدي امشي وما في اصلا ارض امشي عليها لوهلة حسيتو بيتمسخر علي

-غمضي عيونك واعطي امر لعقلك يتحرك ورح يدلك عالطريق اللي لازم تمشي بس الاهم قبل ما نتحرك السر اللي رح تعرفيه هلا ما لازم حدا يعرف فيه او رح يقتلوكي

هزيت براسي بانو فهمت وغمضت عيوني وبلشت احكي مع حالي
"امشي"
تحركت من مكاني ورجعت فتحت عيوني اطلع على اللي صار بلحظة وحدة تغير المكان لمكان تاني

-هاد … بلدي
-وهاي نتيجة الحرب اللي رح تصير ازا ما بتمنعوها
-شو اللي بصير هاد حسان … الشب الغريب … العراب اللي شفتو مرة وحدة
ليه … ليه هيك عم بصير ليه عم يموتو
لا لازم يتوقف هاد الشي وما لازم يصير

-بايدك انت بس بيتوقف هاد الموضوع بس الوشم ما لازم يبين
-الوشم .. العنقاء المجنحة …. الحكي اللي مش عم بفهو هاد انا وين
-انت هلا بأرض الأمان … الارض اللي فيها بتعيش العنقاء بعد ما تنتهي مهمتها
-اي مهمة
-رح تعرفي بالوقت المناسب هلا لازم ترجعي لمكانك
-ليه
-لسة ما صار الوقت لتعرفي كل شي ، بالوقت المناسب العراب و …. رح يعرفوكي شو هي الحقيقة
-ما سمعت الاسم
-ما رح تقدري تسمعيه الا وقت تحرري الوشم وتجتمع حلقات المخطط الناقصة سوا اللي بتجمع العالمين فوق الارض وتحت الارض سوا
Telegram:@rwayate
بلشت حس اني ببعد وبرجع للواقع ، صحيت على خالتي وحسان واقفين فوق راسي
-ايلين
-شو صار ؟؟
-وين رحتي

وعدتهم ما احكي وما رح احكي شي لاعرف شو السبب اني انتقلت لهداك المكان بهاي اللحظة
انتبهت على نظرة الخوف والتوتر بجوه خالتي ونظرتها لحسان اللي كان بيطلع علي وهو مصدوم
او خايف ما كنت بعرف شو السبب ، بس اكيد الو دخل بهاي الرحلة اللي مضيت فيها

****
-الوشم
-لهلا موجود وما راح ، بس بالبداية كان يطلع متل قطع مع كل رسالة كانت تظهر كان يطلع جزء منو
بس بالنهاية الالم واحد والعزاب واحد
-والشب الغريب
-قعدت فترة طويلة نادي بهالاسم لوقت كان لازم يصدح الاسم للكل ويظهر
لقائنا اليوم انتهى ولازم نطلع من هون قبل ما تبلش تقلب الارض من جديد وننحبس هون

بكل مرة بحس حالي بعالم غريب، وهالعالم عم بزيد
وقت بلشت معها كنت فكر انو القصة مجرد تنين افترقو بس مع هالزيارات في شي بحفزني لضل وتابع ودور لاصل للنهاية معها

(5)
Telegram:@rwayate
قاعدة مكاني عم قلب اوراقي وجهزهم قبل وصولها
عم اطلع على الاماكن اللي زرناها الفترة الماضية ، وعلى اللي ممكن فجأة تطلب مني نروح نزورها
عالم خيالي بس موجود وخلاني آمن انو كل شي وارد بالحياة ، انتبهت لندبة صغيرة عم تطلع على رقبتي اليمين بس ما اهتميتلها بالأخير رح تروح متل العادة

كان كتير هاممني اعرف بقية القصة بكل تفاصيلها وأماكنها، بعمرها ما حكت شو اللي بيزعلها بس مع هيك كنت شوف فيها القوة الكبيرة والحياة الدائمة معنا .

جو المطر اعطاني هدوء رهيب وصوت الحطب الطالع بالمدخنة خلاني حب الدفا
وصلت والمطر عم يقطر من جسمها وقفت وابتسمت وقربت من النار وهي عم تحكي
-هاي النار اللي مننبسط بصوت طقطقة الخشب فيها كانت اكبر عزاب الي
-بس مع هيك عم تبتسمي الها
-ما فينا نبكي على شي راح، ممكن نبكي ع مستقبل ضاع
بس بالاخر رح نعامل الامور بضحك وما نستسلم للواقع
-لازم ما نعيش بالخذلان او نضل واقفين عند الذكريات
-بس الذكرى هي اللي رح تدفعنا لنمشي وهي اللي بتزكرنا يومياً باللي بدنا اياه
-طالما بلشنا فخلينا نعتم المكان ونترك لنار المدخنة الطريق لتوزع الدفا منها

****
لوهلة حسيت الحرب بلشت من جديد ، صوت الصراخ والتكسير مو طبيعي كان
-خالتي شو بصير
-ليه واقفة هون انتي بسرعة انزلي عالغرفة
-اي غرفة قصدك سرداب غرفتي
-لا تعالي معي
Telegram:@rwayate
اخدتني وزتتني بغرفة غريبة اول ما فتحت الباب شفت الدنيا مقلوبة تركتني فيها وراحت
-لا تطلعي قبل ما افتح انا الباب فهمتي، حياتك هلا بخطر كبير
- بس

رحت وما سمعت مني اي كلمة بالمرة ، حسيت برعب فجأة كل الاصوات اختفت
كأنو بدرع واقفة ، قربت من المراي وشفت شي خلاني خاف

رقبتي بس زحت شعري كان عليها متل بقعة ما بعرف شو هي بلشت اتزكر وين شفت هاد الشي

-يالله الشكل مو غريب ، هاد بيشبه شي انا شفتو قبل هيك بس وين ، مين اللي بعرفهم

ضليت فكر لحتى تزكرت الشي اللي شفتو والاشكال اللي بشوفها، الشباب اللي حاولو يهاجموني بعد ما ضربت حسان ، وكتير ناس
-لا مستحيل هاد الوشم مو الي، انا مو منهم وما بعرفهم ولا عمري رح كون منهم .. لازم اطلع من هون بأي شكل لازم روح ساعدها ما لازم ضل هون
قربت متل المجنونة من الباب وصرت اضرب فيه وصرخ ونادي على خالتي لحتى تفتحو
-افتحي الباب خالتي … لا تعمليها ببوس ايدك مو انت كمان
خالتي بترجاكي كوني منيحة لا تخليهم يمسكوكي
خالتي
Telegram:@rwayate
ما في حدا كان غيري.. وما في اي صوت مسكت المراي وضربتها بالحيط وتمنيت لو اني ما عرفت مين انا
تمنيت لو بهاللحظة ما قلتلها عن اي حلم كنت بحلم فيه او حتى خليتها تعرف فيه

قعدت جمب الباب والقزاز بكل مكان حوالي وعم استنى بس لينفتح الباب وتحكيلي انا هون بس اللي صار
انو الباب قلب متل مراية بتقدر تشوف الطرف التاني بس ما بشوفك

كان فيه حرس كتير وخالتي واقفة بتحكي معهم وحاضنة اولادها وجوزها مرمي عالارض ممسوك من الحراس نفسهم ، كانوا مصوبين عليه مسدس وبيطلبو منها تحكي شي ما كنت قادرة اسمعو

-يا ريت بس لو اسمع شو بيحكو

وكأنو الحيطان بتسمع بلشت اسمع كل الضجة اللي برة وراح الهدوء واختفى

-وينها
-عن مين عم بتسألو ؟
-وصلنا خبر انو المشاكل رح تطلع من بنت هالمرة وما عم نلاقي اي حدا من المتمردين احسنلكم اطلعوها ولا تخفوها

-ما في حدا هون غير عيلتي واولادي

قرب منها ومسك وجهها بايدو
-لا تعملي حالك حدقة معنا، انت عارفة شو رح يصير ازا ما بتخبرينا وينها
Telegram:@rwayate
-جوليا.. اوعك يعرفو اي شي ، لا تخبريهم بفضل موت وما تنأذى
-معناها كانت هون مو هيك

-انت قلتها كانت وهلا متل مو شايف ما في حدا هون
-معناها انت جاهزة للي رح تشوفيه

صوت رصاصة وصراخ عالي اللي طلع من جميل جوز خالتي التحم مع دموع الكل وصراخهم ، حاولت تقرب منه بس ما خلوها
-هو ما دخلو اتركو بحالو …. ما في حدا هون راحت من زمان وهربت
-عم تكزبي كمان معلش يمكن هلا تتزكري اللي رح يصير ورح يضل ببالك كتير منيح لتعرفي اللي بحاول يطلع عن شورنا شو بصير فيه

- بعدو عنها .. لا تقربو عليها .. هم ما دخلهم بشي … اتركها

(6)
Telegram:@rwayate
ضلت على نفس القعدة لوقت طويل، فكرت لوهلة انها نامت بس لما دققت النظر كانت على حالها
شعور بوجع كبير كان عم ينتابني وانا بطلع عليها وعلى طريقة صفنتها بالنار
بس النقطة السودا اللي برقبتي خوفتني لانها زادت عن حجمها الأصلي وصرت حس بحريق عم يطلع منها
ما اهتميت ورحت جبت الاكل وجهزتو لارجع كمل حكيي معها

-ما تعبتي من القعدة عالأرض
-الزمن بعلمك انك تتقبل كل شي بتملكه ولو كانت شقفة ارض بس اسمها ملكك
عالاقل بتحس بامان فيه وما بتحس انك ملاحق
-الاكل جاهز ولازم تلتزمي بأدويتك
-أدوية !! شو فايدتها وهاد شغال والتاني بينبض كل يوم ع نفس الموال
-رح نكمل حكي واحنا بناكل .. وبرضو رح تاخدي ادويتك وما في اعتراض

ابتسمت ومشيت معي لعند الطاولة وقعدنا وبس صوت النار اللي طالع مع صوت الصحون
-ما قلتيلي كيف عرفو مكانك وعرفو انك بنت
-هاي قصة تانية بتعرفيها مع الايام
بس بهاي اللحظة رح احكيلك عن اللي صار بعد ما اخدو خالتي معهم وحرقو البيت

****
انجبرت روح واتركهم ، الغريب مسكني من ايدي وحسان كان ماسك مسدس وعم يطلع لحتى يتأكد انو ما يكون حدا لاحقنا
اول ما رجعنا دخلنا الغرفة اتسكرت ورانا وانفتح باب تاني محل المراي اللي كسرتها
-ايلين لازم نتحرك بسرعة
-لا تضلي تطلعي ورا … خلص هم راحوا
-بهاي السهولة راحوا وبدكم اياني امشي معكم ، من وقت ما شفتكم سوا وانا ما بعرف شو بصير معي
-رح خبرك كل شي اليوم بتمنى بس تتحركي هلا الغرفة ما رح تتحمل اكتر من هيك وممكن تنهار

طلعت معهم متل الآلة والغرفة وراي بلشت تنهار وتقلب متل المراي المتكسرة ، ما تعجبت ولا اهتميت لانو كلو عادي صار مشيت معهم قريب من الكهف القديم بس واحنا فوق شفتهم وهم ماسكينها وجارينها والكل بيطلع عليه
-هههههه
-هاي انجنت، ايلين
-نفس المنظر بس كان عمري 7 سنين نفس الوقفة وقت ما اخدو امي وحرقوها هناك ، وبابا اختفى وما حدا بيعرف هو عايش او ميت، واليوم بعد 20 سنة بتكرر المشهد بس الضحايا كترو
شو ضل …. مين ضل ما مات من ورا الخرافة تبعتكم احكولي
Telegram:@rwayate
صوت القهر اللي طلع مني وقتها كان صعب، صرت حس حالي ملك الموت اللي فارض كل سيطرتو
وهيمنتو عاللي حواليه، انك تكون قريب مني معناها انت لازم تختار الموت قبل الحياة

-هم ما ماتوا.. فاهمة شو يعني ما ماتوا
هم حموكي وضحو كتير لتصيري بالعمر المناسب لكل شي بصير
هم اللي دافعوا عنك وطلعوكي من غرفة المرايا لتقدري تحمي وتطلعي هاي العالم من تحت الارض
انت من جماعتنا اللي بيقدرو يشوفو بقلب العتمة من دون ما يخافوا من النار
وفيكي تشوفي الشمس بدون ما تنعمي، لا تضلي تضعفي على كل موقف بصير
الموت رح يكون معنا وواقف جمبنا وبيبتسم وانت لسة عم تبكي

-مين انت لا تحكي هيك؟؟ شو بتعرف عن الموت او عن الحركة هون وهناك متل الحرامية لتحمي حالك
مين انت اللي واقف هون ولهلا ما عرفت حتى اسمك
اصلا كلو بسببك لو ما انقذتني من حسان وجماعته كان هلا كل شي تمام ولسة بنتخانق وبيركضو وراي لينتقمو مني
كل شي تغير تغير عارف شو يعني تغير ما ضل شي على حالوا كلو دمااار وحرق

الحكي واللهيب اللي طلع
الوشم اللي قلب نار
وفجأة تمدد على كل جسمي وبلش يكبر اكتر امتد لايدي متل جناح بيحميني
ولساتني عم صرخ بحكي مو مفهوم
Telegram:@rwayate
-شو لازم نعمل
-حسان لازم نوصل الكهف بسرعة ما توقعت تطلعوا بهاد الوقت
-بس كيف
-رح اتحول وانقلها مباشرة وحاول تلحقنا ولا تخلي حدا يشوفك بسرعة

النار هبت بجسمي بكل مكان كنت عم اطلع بعيون مغيبة عم شوف الغريب بجناح ابيض ونفس شكل العنقاء اللي شفتو بعالمهم، بس كنت حس بتعب كبير والقهر خلا النار تطلع مني لتحرق اي شي بقرب عليه
فجأة تغير كل شي بطلت شوف اي شي ، غمضت عيوني بتعب بس بعدها حسيت بلفحة هوا ع وجهي
-ايلين لازم تضلي واعية شو ما صار لا تنتقلي للعالم التاني نهائياً ، عم تسمعيني خليكي معي

كان بطير، اه شفت شي بطير متل البوم اللي كنت شوفو يومياً
ما كنت بتخيل انو هاد هو نفسو
ما بعرف وين صرنا بس سمعتو عم يحكي من جديد وكأني صاحية قدامو

ما قدر يوقف مزبوط ووقعنا سوا، كانت ايدو بتظهر نفس الوشم
-بسرعة لازم ننقلها على غرفة آمنة جوا الكهف
-ايدك
-مو مشكلة لازم ننقلها قبل ما تنفصل الروح عن جسدها بسرعة

انفصل … روح وجسد
معقول هاي اللي بتشوف كل شي روحي

-اتأخرت … روحها مو موجودة
-بس هي قدامي
Telegram:@rwayate
قرب مني اكتر ووقف بوجهي
الغريب … اللي بطل يهمني حتى اسمو
ايديو اللي عليها الوشم مبينة من اواعي اللي تمزعت

-بعرف انك عم تسمعيني وتشوفيني وانا عم شوفك
ايلين انت مو من الحماة
انت سبب وجودهم كلهم هون
الاحلام … الوشم اللي طلع هلا على ايدك
خالتك وجوزها وحتى اهلك
كانوا بيعرفو جزء من الاسطورة
باقي الاسطورة معي
والعراب ساعدني لنخفيها كل هاي السنين
ارجعي وخليني احكيلك الحقيقة كلها
بس بعدها ما في اي مجال انك تتراجعي
باليوم اللي بتنسحبي فيه رح يكون موتي
عم استناكي بنفس المكان .. اللي تعودتي تلاقيني فيه

تحرك وتركني لسة محلي والكل طلع بعد طلعتو مباشرة
بلشت فتح عيوني واطلع على المكان اللي كنت فيه
كانت غرفة كبيرة جوا الكهف ما توقعت تكون منحوتة هيك

قمت وقربت من الحيط وشفت نفس الحجر
اللي كانت تتغير الكلمات عليه وكل فترة يطلع الرمز لالها
Telegram:@rwayate
كان لونو هاي المرة احمر واللي مكتوب عليه
" استيقظت النار في داخل العنقاء وحالة التأهب لسلسلة الحرب ابتدت "

****
-كان عندي فضول اعرف شو قصة الرسائل
-الحجر والرسائل كانو موجودين من زمان
و وحدة من اسباب الحرب انهم استخدموه متل آلهة وكل كلمة فيه كانو يصدقوها ويمشو فيها
كانوا يخلو يحكم الدولة متل حاكم
وازا طلع اسم انسان فيه يقتلو بحجة انو خالف الحجر

-قتل !!!
-التخلف كان طاغي، وحكام العالم العليي متل ما كنا نناديهم كانو عارفين كيف يسيطروا عالجهل ويخلو الناس تآمن بالاساطير كتير
-متل الاسطورة اللي بنحكي عنها
-للاسف هي الاسطورة الوحيدة اللي كانت حقيقة وخبرني الغريب عنها كاملة

*****
-بعرف انك وصلتي فيكي تفوتي من دون ما تخافي
-انت مو بشر كيف عرفت اني قربت منك
-كل روح الها صدى معين .. وصدى روحك بيطغى عالمكان اللي بتكوني فيه
وهاد اللي خلا الحراس ينتبهو لوجودك
-صدى روحي
-طلبت من جوليان من فترة تنقلك بس ما قدرت تطلعك
وبكل مرة كنت تغيبي فيها لايام وانت بتكتشفي الكهوف اللي هون كنا نعرف ونخلي حدا يكون قريب منك
-معناها حسان والضربة كلو من تخطيطكم
-لا حسان غلط لما خلا مجموعة بشريين يقربو منك او يلاحقوكي وهاد اللي خلاني اتدخل
-مين انت ؟
-انا متلك بس الفرق انو الي سنين بستنى تقدري تتزكري الاسم يا ايلين
-برضو عايش على الخرافات والاساطير اللي مو قادرة صدقهم
-رح تصدقي وبسرعة كمان
Telegram:@rwayate
بلحظة اقل من رمشة عين
تغيرت الغرفة لساحة كبيرة وفيها كل انواع الاسلحة
سيوف ، اسهم ، اسلحة نارية من كل شي كان موجود

-اختاري سلاحك والحقيني لتحت

نزل وتركني محلي ، علق بلوزتو على علاقة خشب جمب الباب وراح
قربت من الاسلحة وصرت اتلمسها لوقت ما لقيت واحد بناسبني
اخدتو ولحقتو وكان لافف ضهرو الي
-رح علمك طريقة تحافظي فيها على صدى روحك مخفي بس بالأول لازم تدافعي عن حالك

كان الوضع غريب صح كنت اعرف قاتل بالسيف لانو جميل علمني بس سرعة الغريب كانت مربكتني
كان يكون قبالي وفجأة يختفي
حاولت صد الضربات الموجهة الي بس كانت سرعته تخليه يقدر يهجم من الجهة التانية
غمضت عيوني وصرت ركز بصوت الهوا القريب مني ونفسو
سمعت صوت دقات قلبي كيف بتنتظم ودقات قلب الغريب لما تقرب
وبوقتها بس قدرت صد السيف واسحبو منو
Telegram:@rwayate
-برافو … عرفتي تسيطري على دقات قلبك لتعرفي شوفي حواليكي
درس اليوم انتهى ورح نكمل بالايام الجاي التدريب تبعنا

****
-جد انو الغريب بيلبقلو حتى بتصرفاتو غامض
-الغريب كان اكتر شي ناسبو والكل ما كان يحكي اسمو قدامي
او بالأحرى ما كنت اسمعهم بس ينادو كنت حس الصوت بيختفي ،حاولت كتير انو ركز بحركة شفاههم بس كانت محجوبة كمان عني
-بس بالأخير عرفتي
-اكيد بس مو هلا بقلك كيف عرفت لانو تأخر الوقت وانت لازم ترتاحي

ودعتها عند الباب وتزكرت شغلة بدي اسألها عنها بس كانت مختفية
متل الحلم بتروح وبتجي ما ببين عليها شو اللي بتعلمو وكيف بتنتقل بهاي السرعة

(7)
Telegram:@rwayate
الخيارات القليلة ممكن تخلينا نختار قرارات ما بنعرف قديه هي صح
بس مع هيك منكمل فيها للأخير
بعد ايام قدرت لاقي المخطوطات القديمة
وبلشت جهزها لحتى افهم اللي كان بصير او اللي صار
قضيت الليل كامل عم حاول افهم اللغة المكتوب فيها المخطوطات
بس اللي كان يصعب الامر علي الارهاق اللي كنت حس فيه

شلت الاوراق وحاولت غمض عيوني ونام، بس شفت شخص متل الملاك الابيض عم يحط ويوقف قريب مني، نقزت ولقيتها قدامي
-انت منيحة
-مجرد ارهاق ، بس عم حس انو لازمني راحة كبيرة
-من قلة النوم
التفتت ولقت المخطوطات والورق قدامي .. ابتسمت ورجعت تطلع علي
-لقيتي المخطوطات القديمة كلها
-بس ما بقدر افهمها حسيتها صعبة
-الايام رح تخليكي تفهميها .. هلا خليني اخدك ع مكان جديد برحلتنا

قمت ومشيت معها لبرة ، قربت منها وهي واقفة
-غمضي عيونك لحتى نقدر ننتقل
Telegram:@rwayate
غضت عيوني وفجأة حسيت بنسمة الهوا الخفيفة، اختلف الجو فجأة وصوت العصافير كان واضح
وصهيل خيل قريب، فتحت عيوني بسرعة وكان في نور بيطلع منها
رجعت وقفت طبيعي وصارت تمشي بالمكان
-مطولة وانت واقفة مكانك لازم نتحرك من هون
-ماشي

مشينا بالمكان وانا بتلفت حوالي ، شعور بالراحة دخل قلبي واحنا بنمشي طرق معبدة وحواليها خضار
وصلنا لمكان شبه المزرعة وطول الوقت ما حكينا اي كلمة كل الطريق

جوا المزرعة قربنا من شجرة كبيرة واشرتلي لاقرب وقعد جمبها

-اليوم رح يضل ببالك على طول ما حدا بيقدر يدخل هالمكان وما يشعر بسعادة للهدوء اللي فيه
-صحيح بس بكرة منرجع للواقع مع انو استغربت كيف وصلنا لهون
-رح تعرفي مع الايام كيف وصلتي لهون
-معناها رح نقدر نبلش هلا
- اكيد

*****
Telegram:@rwayate
كل يوم كنت اكتشف شي جديد بخلي الكره بقلبي يزيد لهاي الناس
مو قادرة اثق بحدا ولا قادرة حتى اتحمل التدريب اللي كان الغريب يدربني اياه
صوتو وقوتو كانت تخليني خاف من وجودو حوالي بس هاد ما خلاني استسلم للي بيطلبو مني
كل التدريب كان عن التحمل ، تدريب مكثف بدون تعب
حسان كان كل يوم يمر ويحكي هو والغريب وبعدها يروح
والعراب ما شفتو ولا مرة بهالمكان، كان في كتير ناس موجودة ما بعرفها بس اللي فهمتو انو كلهم بينتمو لحماة العنقاء

كان واقف مع حسان متل العادة وبيحكو طلع فيي ولف وجهو بعدها وكمل حكي وبعد ما راح حسان اجا قعد جمبي
-الدنيا مقلوبة برة الكل بيدور عليكي
-والسبب هاد الوشم
-لا صار لازم تعرفي الحقيقة كاملة وصار لازم تعرفي مين انت وشو السبب لملاحقتك من العالم الارضي وليش عشتي كل هالسنين تحت الارض
-يا ريت ما تكون كزبة متل اللي قبل واتفاجأ انو ما في شي واقعي منها

اطلع علي بنظرة بحياتي ما بنساها، بمكن ازعجتو بحكيي بس زهقت وانا بدور عالحقيقة اللي بيخفوها وعالفاضي كل ما دورت زادو من تكتمهم عالموضوع

-صار لازم نمشي وهلا
-انو حدا رح يميز ازا كنا بالنهار او الليل الوقت هو هو ما بيتغير نهائي فما رح تلاقي حدا مميزنا

هالمرة عصب كتير لف وجهو وبسرعة كان ماسك رقبتي ولازقني بالحيط
-اوعك اسمعك بتستخفي بالناس اللي هون فهمتي، لولا جوليا وجميل كان رحتي فيها
ولولا ما ابوكي جبان ما كان عمل اللي عملو قبل وراح ، واياكي تفكري حالك احسن من اي حدا هون فهمتي
Telegram:@rwayate
تركني وراح وقعت عالارض عم حاول انو اخد انفس وثبت توازني قوة ايدو كانت رهيبة، مستحيل يكون بني ادم طبيعي او حتى بشري .
-مجنون
-لا تضلي واقفة محلك هيك بسرعة تحركي
تحركت للغرفة التانية اللي اول ما وصلت ضليت فيها كان الحجر متغير ما انتبهت شو الكلمة الموجودة
وقف قدام حيط كبيرة وكان بيستناني اوصل ووقف جمبو ، تمتم بكلمات غريبة والحيط فتحت على ممر كبير قدامها

-رح اخدك للعراب هاي المرة ولو انو ما بتستاهلي حتى اللقب اللي رح تملكيه بعد ما تعرفي الحقيقة شرفي

ضليت محلي مو عارفة شو هي مشاعري خوف او توتر
كره والا حقد

-الباب ما رح يضل مفتوح طول الوقت معك بس لابعد من هون وبعدها بسكر ورح تضل حقيقتك مخفية

(8)
Telegram:@rwayate
-لساكي قاعدة
-عم خلص شوي بالمخطوطات قبل الموعد الجاي
-كتير مهتمة بالموضوع عكس اللي كانو قبلك
-كل حالة بشوفها الها اهميتها بالنسبة الي، بس هي خاصة شوي صغيرة
-شوي
-يعني بحب اقعد معها واسمعها شو عم تحكي، الوحيدة اللي كانت متعايشة مع كل شي مرت فيه بس بدها مين يسمعها
اوقات بحسها غامضة واللي بتحكيه غريب
لولا انو سمعت عن هالعالم وشفتو ما كنت رح صدفها ولو شوي
-اختي انتبهي
-بعرف بس اللي خايفة منو اكتر هادي البقع اللي صارت تطلع فجأة
-رح كون معك وجمبك شو ما كان اللي رح يصير ، بالك هاي المرة بترضى تخليني وقف معك
-يا ريت حابة انك تشوف اللي بحكيلك عنو بعينك مو بس تسمعو

-وانا ما عندي مانع تكونو التنين موجودين

بينت بنفس البسمة ونفس الهدوء والجمال، انسانة الدفا تبعها بيحضر قبلها وابتسامتها بتخليك تطمن الها

-ما انتبهت لوصلتك
-ما صارلي زمان
-نسيت عرفك ، اخي
-رافي … بعرفو من قبل يا بنتي
-ما توقعت انو انت هي
-ليه يا ابني ، كل انسان بيتعب بحياتو وبيحتاج يفضفض الشي المخبى طول الوقت
Telegram:@rwayate
صفنت فيهم كيف بيحكو وجو المودة هو اللي ساد
-اليوم رح تكون جلستنا هون
-لا اليوم رح تكون بمكان تاني رافي بيعرفو كتير منيح

طقة اصبع عملت دوامة خلت كل شي يختفي من حوالينا وتنقلنا لعالم خيالي ما فيه غير الغيوم و ناس شبه الملائكة , رفرفت الجناحات القوية اتزكرت حكيها القديم عن ارض

-ارض الامان، مزبوط تفكيرك بس بهاد المكان ما في داعي للحكي الافكار هي اللي بتحركنا
-ليه جينا لهون
-لإنو قصتنا رح تكمل هون واليوم لازم تتعرفي على حدا كان الو دور كبير

على رفرفة الجناحات التفتنا لورا شفت رافي عم يقرب من هاد الشخص وبسلم عليه وبيحكي معو
حييتو من بعيد وطلعت عليها كيف عم تبتسم بمرارة

-حسان ، بعد ما انتهى كل شي قرر يعيش هون، وجبتكم لهون لانو كان لازم تعرفو حكايتو واللي صار معو قبل ما احكي عن البداية لنقلتنا للعالم التاني والمشاكل اللي واجهناها
-طالما حسان هون معناها الغ
-الغريب هو اللي اختفى ما حدا بيعرف وين راح ولا شو هي الطريق اللي اختارها

رافي قرب هو وحسان وسلم علي
-اهلا وسهلا فيكم بأرضنا
-شكراً الك
-خلينا نروح لمكان اهدى شوي من هون، انت عارفة هلا شوي وبتبلش الحركة تزيد وما رح تسمعو شي

قبل ما نتحرك وقفت ورجعت تطلع على حسان اللي وقف مقابيلها
الهوا اللي هب وحرك شعرها، بين قديه عمرها لسة صغير وانو ال 10 سنين اللي مرقت ما غيرت شي فيها

-ما في اي خبر عنو لهلا
-للاسف ما في اي شي حتى صدى روحو ما عاد بين
-رح ضل دور عليه
-ما رح تتعبي
Telegram:@rwayate
ابتسمت وعيونها عم تلمع بحزن
-لو ما كنت اعرف مين هو كان ما فرقت بس بعد ما عرفت الاسم وشو بيعنيلي صعب جدا اتركو يبعد هيك

كملنا مشي لوقفنا قريب من منظر شبه خيالي
الغيم عليه شجرة والشجرة عم ينبع منها نافورة مي صغيرة

-فيكم تبلشو حكي وقت ما بدكم
-بس ليكون عندك علم التجسيل ما رح يشتغل هون بس ذاكرت رح تضل حافظة الحكي ل 24 ساعة حاولي تدوني كل شي قبل ما تنسيه

-زكرتيني بايام بعيدة وقت تعرفت على
-رح تشوقوني لاعرف اسمو

قامت من جمبي وقعدت جمب النافورة
-روح … هاد هو اسمو لما يتحول لعنقاء بس الحقيقي كان … ساري
-الاسمين اغرب من بعض
-لهلا ما بنسى وقت عرفت اسمو حسيت حياتي اختلفت كلها
-ايلين انا
-لا تحكي شي الاسمين كانو اغلى عندي من اي شي تاني على الرغم من كل المشاكل اللي صارت بهديك الفترات، بس لولاه ما كان قدرت عيش
Telegram:@rwayate
قرب حسان منها وضمها وهو بيطلع عليها بعيون حزينة كتير
-روح الغريب هو اللي قدر يخلي الاسطورة حقيقة ايلين بس كان لازم يضحكي لتقدري تضلي واقفة
-يا ريت بس يرجع يوم واحد لنقدر نتافداى الشي اللي صار بسببي

حاول رافي يغير شوي من الجو الكئيب اللي حط
-ما صار شي هينا هون زتي حسان عن هالغيمة وانا باخد اختي ومنروح
لتحت هديك الشجرة للنبسط شوي بالمي

ابتسمو ورجعو يكملو حكاياتهم سوا واللي كان يصير معهم وكيف تعرف حسان على الغريب

*****
كنت انسان حاقد على الزمن والعالم وبيكره اي شي بيمد للعالمين
الناس وتوسلاتهم
الحرق والقتل اللي كان شبه يومي
طريقة هرب الناس كل يوم بمحل وكل يوم بوادي وما حدا بيعرف شو ممكن يطلع بوجهو

بفترة من الفترات صرت حس انو المكان مو صغير متل ما احنا منفكر وبلشت دور بكل الكهوف على طريقة اقدر اطلع فيها لفوق
بهديك اللحظات كنت دائماً عايش بخوف ورهبة من انو انمسك او اي حدا يعرف باللي عم ساويه ويوصل للحرس ووقتها رح تكون نهايتي،
ربيت بلا ام واب وكانت جوليا تعطف علي وتعاملني متل ابنها الكبير
وايلين البنت النمرودة اللي كان الكل بس يشوفها يهابها بسبب قصة قديمة
انها الوحيدة اللي طلعت من حريق عايشة وما حدا غيرها من بين اخوتها ضل عايش بالبيت

-جبتك لهون لحتى تقدر تاخد فترة النقاهة بدون ما خاف عليك ، بترجع تتحول من جديد مجنون انت
-مو مجنون، ما بقدر ضل بعيد عنها لحظة هي بس اللي بتملك نفس القوة اللي كانت معي وبيدها ترجع تعيش كل اللي مات مستحيل اركن ع جوليا وجميل يحموها وهم بس بشر عزل
-اترك هاد الموضوع على جنب وهلا فهمني ليه جبتني لهون وشو قصة الجاسر
-هيو وراك

قرب مني وهو بيبتسم وبنفس الوقت لمعة الغضب لسة بعيونو من اللي كان يسويه الشب اللي واقف وراه
-ساري اتركنا لحالنا وخليك قريب من البنت بدون ما تنتبه
-امرك

تركني وراح وبلش العراب يحكيلي قصة ايلين اللي انتو بتعرفوها وسبب الحرب والدمار بين العالمين وانو الحل الوحيد لحتى يندمج العالمين ويرجع الوضع للطبيعي انو صحاب الحق يرجعو محلهم وارض الامان ما تتدخل باي شي بخصهم ومهمتنا بانو نلاقي العنقاء المجنحة اللي كانت المهمة هي حمياتها وما حدا بيعرف مين هي غير ساري
Telegram:@rwayate
-بس هو من شوي حكو انو ما بيعرف شو اسمو
-اسمو ك عنقاء اختفى من الوجود وصابو فقدان بالذاكرة وهو ب ساعد ام وطفلتها
وشهاب ساعدو لحتى يطلعو البنت من البيت بس بعدها ما تزكر شي نهائياً اختفى كل شي بذاكرتو وهو بيخفي الباقي حتى يقدر يعيش هون

-ممكن تكون ..لا ما اتوقع بس هلا شو هي مهمتي
-مستعد تكون من حماة العنقاء وتحرر الختم اللي موجود على جسمك للعدل والمساواة بين كل الاطراف بالعالمين
-اكيد طبعاً
-معناها شهاب وساري رح يهتمو بتدريبك لحتى تقدر تكمل معنا بمسيرتنا
بس الاهم ما حدا بيعرف نهائياً عنا او رح تكون عقوبتك هي الموت بسبب الخيانة

*****
-غريب انك وافقت
-كانت بس رد جميل بالأول
بس لما تعرفت عليهم اكتر وشفت معاناة ساري واللي بصير معو هاد خلاني ضل للنهاية معهم وما فارقهم
Telegram:@rwayate
بهي اللحظة متل صوت انذار دوا هم تحركو من مكانهم وضليت واقفة مع رافي بستفسر منو السبب اللي خلا هاد الاستنفار يطلع فجأة

-خلل بعالمنا هاد اللي بخلي الصوت هاد يطل وبعد غياب روح الغريب صارت حالات الخلل تزداد
-معناها ما النا الا نستنى لوقت ما يهدو لننزل
-شو نسيتي اني منهم اختي هلا مننزل وبروح ساعدهم
-رافي … بقدر انزل لحالي وانت عارف بس قوتي ما عم تطلع لهلا
-بعرف خلينا نروح من هون قبل ما تشوفي الفزع هون

رجعنا من تاني لبيتي وقعدت بين الاوراق اكتب القصص الغريبة وكنت عم ارسم بصورة حسان وايلين وهم قاعدين بيحكو

بكل مرة بفكر انو الوعد سهل انو ينحفظ
والوفا ولا يمكن يقلب غدر
والكرامة هي اغلى شي موجود عندك
بس الوطن فوق فوق هو اللي بخلينا نترك كل شي لنهب ونوقف معو وجمبو بدون ما نحس

سكرت الغرفة وما انتبهت للاوراق اللي بلشت تتناثر بسبب الهوا والشخص اللي كان قاعد بالغرفة بدون ما اعرف

(9)
Telegram:@rwayate
وقت تدور بين الورق القديم، بتلاقي زكريات لا هي حلوة ولا هي بشعة
زكريات ما الها اي معنى.
بتمر اوقات وهاي الزكريات بس اللي علقانة فبالك ونفسك انت اللي تححد متى تخلص منها

الوشم تبعي اكتمل وفهمت انو انا من هاي الجماعة لهيك رافي كان يضل حوالي بعد ما عرف بموضوع البقع
جناح ناعم صغير حسيتو كأنو طفلي الجديد
ما حاولت خبيه او اهتم فيه لانو ما حدا بيدخل لعندي غير حماة العنقاء اللي علاقتي فيهم زادت

-بقدر ادخل والا مشغولة
-اكيد كنت بستناكي لنبلش رحلة اليوم
-سمعت انك صرتي منا
-مزبوط مو عارفة افرح او ازعل بس الوشم منظرو كتير غريب حركة الرسم كتير مؤذية وبتحرق
-هاي ولا شي قدام التعب اللي رح تواجهيه بعد هيك لتقدري تحتفظي بطاقتك كلها
-ما عليكي مني رافي وحسان بقدرو يساعدوني بس ..

لقيت الدموع بعيونها وهي بتطلع علي وعلى الوشم اللي مبين ع رقبتي وكتفي
-لو هو هون كان ساعدك
-رح يرجع صدقيني، ما حدا بيبعد باختيارو لما نوصل لخيارات التنين صعبين ممكن نضحي بحالنا بسببهم
واللي فهمتو من رافي انو سبب اختفائو بس ليحميكي

-لا … هو ما اختفى بشكل طبيعي
-والا . كيف؟؟؟
-خلينا نروح من هون

متل العادة بطرقة اصبع على المراي بين من قدامها مكان شبه الكهف اللي كنا فيه مرة انا واياها بس هالمرة كان غير لقيتها دخلت ولساتني واقفة محلي
رجعت قربت وانتقلت معها للكهف
Telegram:@rwayate
-هاد المكان قلتلك عنو مرة ، هون كنا نتدرب يومياً انا وهادي
-بس ما في شي من اللي قلتيلي عنو

ضليت اطلع ودور بالمكان على اي شي اما هي قربت من حجر صغير وضغطت عليه
بلشت الارض تتحرك وتختلف والحيطان تقلب وتطلع متل رفوف من وراها

تحول المكان لساحة تدريب بسرعة ما تخيلتها كنت عم اطلع على انواع الاسلحة الموجودة

-متل ما قلتي ترسانة ما في نوع الا موجود
-ما شفتي شي

لاول مرة بشوفها هيكا وهي بزي المحاربين وشعرها اللي كان عم يلتف حوالين وجها بطريقة غريبة
ما ضل شي مبين غير عيونها، ما عرفت هم عيون لبؤة او عيون صقر
حدة عيونها ووقفتها الثابتة طريقة مسكتها للسيف، خلتني اتشجع اقبل تدريبها الي

قربت من السيوف الموجودة واخترت واحد حاولت اعقد شعري بطريقة ما يفلت
واختفت كل الاصوات بس صوت السيوف وهي بضرب ببعضها، كانت مستمتعة وهي عم تبارزني بس بالاخير خسرت سيفي، تحرك شعرها ورجع لطبيعتو وشفت الابتسامة على وجهها
-رافي دربك قبل هيك
-كان بعلمني لحتى اقدر احمي حالي بس شو ما عملت ما رح كون متلك
Telegram:@rwayate
قعدت جمبي وسرحت قدامها وضلت ساكتة شوي، حاولت انو ضل مكاني بس
-مو قادرة اتحمل بدي تحكيلي شو صار بس طلعتو عالعالم التاني ، وشو اللي خلاكي تقدري تسيطري على كل طاقتك، وحسان والغريب قصدي ساري شو كان دورو بكل اللي صار

كانت بتضحك بصوت عالي وصوت ضحكتها عم يزيد كل ما اسألها سؤال حسيت انها اول مرة بتضحك بهاد الشكل فيها كانت اليوم غير عن كل الايام

-يا الله انت مو طبيعية، فضولك كبير بس رح احكيلك طالما قاعدين هون وما حدا رح يزعجنا

بسرعة طلعت المفكرة تبعتي وشغلت الة التسجيل لبلش معها برحلتي الجديدة

*****
حكي العراب معي غير وجهة نظري للأخير وردة فعل الغريب والوجوم اللي على وجهو كتير خوفني
-لا تضلي تتطلعي فيي هيك ممكن
-ما سمعت
Telegram:@rwayate
اختفى صوت الهوا اللي من اجنحتهم وسمعت صوتو بوضوح
-احكي من خلال عقلك هيك رح تسمعي شو منحكي مع بعض بدون خوف، ما في حدا بيعرف يقرأ هاي اللغة إلا احنا

هزيت راسي بمعنى انو فهمت، نسيت انو ما رح يشوفني شو بعمل وهو ماسكني بهاي الطريقة ، مرق فترة واحنا على نفس الحال وحسان والغريب بيحكو لأول مرة بسمع حسان بيلفظ اسم للغريب
-"ساري".. انتبه لانو شوي ورح يكون قدامنا المخرج من هاد الكهف
-انتبه لازم نمرق بسرعة قبل ما حدا من الحرس ينتبه، ايلين حاولي تتمسكي فيي منيح المكان رح يكون خطر وازا حسو ع وجودنا ممكن نروح فيها
-اسمك… ساري

وقف فجأة بس حكيت الاسم واطلع علي من بين اجنحتو وثبتني منيح
-سمعت حسان وهو بيحكي الاسم

التفت لحسان اللي وقف هو كمان عم يطلعو علي ولساهم بحاولو يخفو اي اثر الهم
-ساري لازم نتحرك مش رح نقدر نخبي صدى روحها اكتر بهاد المكان
هز براسو وتابعو الحركة بس هالمرة وهو بيطلع فيي، حسيت بشعور ريب وانا معلقة بين الارض والحيطان بهاي الطريقة وسرعة الطيران تبعتهم بلحظة تغير الهدوء حوالينا وصرت حس بطاقات غريبة بتنتشر بكل مكان
-حسان
-عدد الحرس اكبر مما بتتخيل لازم ننتبه
-حاول تزيد من جدار الصوت حوالينا لحتى ما ينتبهو
-طاقتي لحالها ما رح تكفي، وانت طالما ايلين معك صعب تسيطر عليها باي شكل
Telegram:@rwayate
صرنا نسمع صوت صفارات وحركة غريبة
-انتبهولنا حسان لازم بسرعة تنتقل للمستى التاني من تحولك وخد ايلين بسرعة

من عنقاء لشكل تاني حملني حسان وكمل اما الغريب وقف وانا بطلع عليه شو رح يعمل
طلعت طاقة كبيرة منو سكرت المكان اللي موجودين فيه متل حاجز، كنت عم اطلع عليه وشفت شي بيلمع عم يتوجه الو، لا ارادي صرت صرخ حتى ينتبه
-ساري في سهم انتبه الو

حرك بس جناحو برفرفة غريبة عملت زوبعة ورانا وخلت الكل يتخبط من اللي بصير وصلنا لعند الفتحة اللي لازم نطلع منها وحسان رماني بالهوا فجأة
-حساااان شو عملت

لقيت حالي بين ايدين الغريب من تاني بس كان وجهو ما بيتفسر نهائي، طلعنا واول ما بعدنا شوي جوا غابة وقف حسان وبلش ينزل اما الغريب فكان مبين عليه التعب بشكل كبير

استند على شجرة والعرق على وجهو مبين والارهاق كتير واضح

-مجنون، طاقتك مو كاملة كيف بتتصرف هيك
-لازم نوصلها بأمان للمكان او رح نضل طول عمرنا متخفيين ومنشتغل متل الحرامية

ما قدر يكمل حكي ووقع عالارض وهم عم يتنفس بصعوبة، لأول مرة بقرب منو هيك بدون ما يكون متحولبشكل تلقائي مديت ايدي على وجهو ومسحتو، حسيت في كهراب بجسمي عم تتحرك وفي طاقة بتطلع منا يدي سلطها عليه، حسان تفاجأ وصار يقرب مني
-ايلين شو بتعملي
-ما بعرف.. كنت فكر بس انو هو لازمو علاج لانو السهم كان قريب منو والزوبعة اخدت طاقة
Telegram:@rwayate
-هاي الطاقة الطبية تبعتها لا تخاف
-وانت كيف عرفت
-بعرف وانتهى ، لازم نتحرك ونمشي قبل ما تغيب الشمس ويطلعو الجساسين من مخابئهم
-ما في اي حركة قبل ما نخلص علاج ورح اتعلم اتحرك بسرعتكم بس هلا خليك هون

اطلع علي ولف وجهو وهو مقهور، اما حسان فراح يفقد المكان وكان يتمتم بتعويذة حتى تخفي طاقتنا متل ما طلب منو الغريب كنت حس طاقتو بلشت ترجع ودقات قلبو عم تنتظم من جديد
-ليه استغربت لما ناديتك بالاسم
-اسم ساري هو المتداول بين الكل ايلين، بس اسم العنقاء هو اللي مو قادر اتزكرو
-شو السبب ؟
-الحرب القديمة ، انصبت وانا بدافع عن الحق اللي كان بوجهة نظري، بس … السبب اني ما بتزكر هو ابوكي
-لا… مو هاي كمان تحط الحق عليك فيها
-ايلين.. انتبهي للوشم تبع حسان والوشم تبعي
-جناح نفس الشي بس … لحظة
Telegram:@rwayate
انتبهت انو الجناح اللي على كتفو ورقبتو بمثل جناح مكسور في ريش طالع منو بكل مكان وما بيلتقي متل البقية
-هاي صدفة
-مو صدفة ايلين … اللي صار وقتها ما بتزكرو كتير بس اللي بتزكرو منظر ابوكي وهو بيلقي التعويذة ليوقف قوتي
-ليه شو بتكون انت لحتى يحالو يقتلك ؟؟ ليش كل الاتهامات انتو بتحطوها الو ؟؟ ليه جميل ما ساعدك طالما بيعرف مين انت
-ايلين … اه
-ارتاح انت منيح
-اسمعيني للآخر، شو ما صار ما توثقي بحدا عدا العراب وحسان
-اهدى حرارتك عم بتزيد ومش عم بقدر سيطر على ايدي وانا بعالجك

كات مرتكي على شجرة وانا قاعدة جمبو، انتبهت لعيونو كيف كانو بيذبلو وانتبهت لحسان كيف بيطلع فيه كل شوي وكأنو بنبهو ما يحكي شي

-ايلين وقفي …
مسك ايدي وحاول يتحرك من محلو ويمشي
-لازم تحتفظي بطاقتك لانو باي لحظة ممكن نحاول نخليكي تتحولي
بلش يمشي وقت وصل لحسان واركتى على كتفو اشرلي لحتى امشي معهم وانا لسة مصدومة من هاد الكائن اللي مستعد يتحمل اي شي لحتى يوصل للي بدو اياه

*****
-بلشت الشمس تغيب صار لازم نرجع
-حبيتيه
-مو وقت هاد الحكي هلا ، ساري الو مكانة خاصة لانو حماني وحاول يضل يدافع عني لاخر لحظة قبل ما يختفي لهيك بحس انو لازم ضل دور عليه لحتى نلاقيه

-عشق حماة العالم ، تنحط على لائحة كبيرة وامشي فيها واكيد رح يلاقيها
-بلا زناختك هلا وخلينا نروح من هون قبل ما يكتشفو انو فتحنا غرفة التدريب القديمة
-معناها هاي المرة كمان كانت بالسر بدون ما حدا يعرف
Telegram:@rwayate
-لا عرفت انو رح لاقيكم هون بس مو اتفقنا ما تضلو تتجولو باي مكان بعد الانذار الأخير
-اهلاً حسان ، احنا خلصنا وهلا فيك تاخد الاميرة ايلين على قلعتها المحصنة قبل ما تقتلني

هربت وتركتهم واقفين بيحكو، شفت كيف متفاهمين مع بعض ورفقة وحاولت انو خفف من حزنها قد ما بقدر ، هاي الليلة ما قدرت نام بالمرة كنت بستنى النهار وموعدها بحماس لاقدر اعرف اللي عرفتو بهديك اللحظات

(10)
Telegram:@rwayate
" احلى الانغام بس تطلع بتخليك تندمج كتير معها
بس في شي احلى منها وقت تسمع صوت انت بتحبو وبخلي دقات قلبك تتراقص على نغماتو
لما تطلع بعيونو ويخليك تحس بشعور انك مش وحيد
بكل مرة كنت اطلع بعيونهم هيك كنت حس
الغريب وحسان صارو الجزء المتكرر من يومي واللي بخليني اعشق اللحظة اللي جمعتني فيهم ولو لمرة وحدة"
-كل هالقد كنت تحبيهم
-مو حب متل ما انت مفكرة، بس امان
وقت اتزكر اول لحظات معرفتي فيهم بحس انو ما تغير شي، كنت شوفهم شبه يومي من وقت ما بلش يطلع الوشم ، صح كان في مشاكل بيني وبين حسان بس وقت طلعت الحقيقة والغريب كشف عن حالو تغيرت كل مشاعري لشكر وعرفان لانهم حموني كتير من دون ما اعرف
-حابة اسمع باقي القصة ووقت واجهتي والك شو صار
-والدي … لاسف طلع اسوأ انسان على وجه الخليقة ما تمنيت انو عرفت ولو للحظة انو ابي
Telegram:@rwayate
*****
كنا منركض بالغابة كانو اسرع مني لانهم متعودين على المكان
تأخرت عليهم وانا بطلع على الشجر اللي حوالينا وكيف الغابة مخفية كل شي فوقها ، كان في صوت قريب كتير علينا والناس بتلحقنا
-حسان امنت المنطقة
-اكيد امنتها وهم هلا حوالينا بس ما يشوفونا اهم شي ما حدا فينا يطلع صوت او يحكي بشكل طبيعي
-شو قصدك ب؟
سكر الغريب تمي واشرلي انو اسكت واحكي بالطريقة اللي علمني فيها
-شو يعني هاي الحركة
-غبية كنت رح تكشفينا
-لهيك كنت بدي اسالك كنتو بتحكو وفجأة سكتو
-هاد هو السبب

طلعت محل ما بأشر شفت ناس بتركض حوالينا وبمرقو منا من دون ما يحسو بوجودنا
او حتى يخبطو فينا، بعد عنو برعب لهلا عقلي ما بيستوعب الحركات هاي والسبب اللي بخلي الناس ما تشوفنا بهاي الطريقة
-لا تخافي ايلين، هاي تعويذة كنت جهزها لما كنت تعالجي ساري
-ماشي .. بس رح يضل هيك الوضع
-لا معنا بس 200 خطو وبعدها رح يوقع الحاجز وننكشف لازم ندخل القلعة بعدها
-حسان هيك رح عطلكم والغريب لسة طاقتو ما رجعت طبيعية
قرب الغريب وحط ايدو على كتفي ولاول مرة بشوفو ببتسم
-لا تقلقي رح نتناوب على حملك وهلا امسكي فيني
Telegram:@rwayate
كانو بيختفو وفجأة بيظهرو وفي عدادا عم يطلع بكل مرة عم يبينو فيها، وصلنا لحد الغابة اللي كان قريب من قلعة سودا كتير وما فيها اي معلم انو فيها حدا عايش
-وصلنا امسكي فيي منيح

بلحظة وحدة ظهر رمح بايد حسان وكان بصوبو لمتل حاجز صغير رفعو ونزلنا تحتو وسكر بعد نزولنا بلحظة
واختفت كل الاصوات اللي كانت طالعة ، بشو يمشي وكنت امشي وراهم
كان متل خندق بس معبد حسيت في شي تغير بعيونهم بس بعمري ما انتبهت انو هاد الشي بصير معي
شفت كل شي قدامي وانا ماشية ومو فاهمة لوين رح نروح فجأة الغريب وقف واطلع فيي وبعدني لجمب الحيط
-حسان في حدا لحقنا لهون \
-بس انا اخفيت صدى روحها
-الهيئة انو صارت اقوى وعم تهب من التعويذة اللي عملتها
-اوعك تعمل اللي بتفكر فيه
-لازم نطلع لجوا القلعة هلا وتختلط بباقي الارواح او ما رح نقدر نوصل للي بدنا اياه

شدينا بمشينا لوصلنا لمكان العتمة بلشت تختفي فيه ورجعت شوف شمس ما كانت واضحة ومبينة من برة
كان الغريب بيطلع لفوق وفي حزن والم على وجهو

-لازم بيوم تغيبي لحتى تطلع
Telegram:@rwayate
مشينا مسافة وبعدها وصلنا لحاجز من تراب مد الغريب ايدو عليه وتحول متل شعاع لمراي وصرنا نشوف اللي كان بالجهة التانية، انصدمت مستحيل يكون هاد هو الانسان اللي كنت استناه من سنين قربت وكنت رح مد ايدي على المراي بس الغريب وقفني
-هو لسة عايش وهاي اللي عالارض خالتي
-لا تحكي شي واسمعي اللي رح يصير جوا

عالجهة التانية كانت جوليا مربطة ومبين اثر التعذيب عليها وقاعدة بتلهث من تعبها اما هو قاعد على كرسي قدامها وعم يطلع عليها بغرور
-ما رح تحكي وين هربتوها
-هي مو من حقك وانت بتعرف انها اصلاً مو بنتك
-بس هي الوريثة الشرعية وازا لاقها … معناها الحرب بلشت ، فالاحسن انك تحكي وينها

كانت بتضحك رغم تعبها وبتبتسم بوجهو مع انو ضربها، بزقت الدم اللي كان بتمها
-ايلين مو مادلين تسكتلك وتخليك تتجبر لتقتلها ، ايلين اقوى مني ومنك وحتى من جميل ، لو موت هون مش رح خاف عليها ابداً

ضربها برجلو وصوت صراخها خلاني كر دني ما بدي اسمع صوت تعزيب جديد لالها
-مادلين كانت غبية وقت صدقت اني جوزها وهربت لعندي
الشبه بينا خلاها تنعمي واجت لعندي برجلها وهي مفكرة انو اخي رح يحميها، ما حدا كان بيعرف انو احنا 3 اخوة وانو هو توأمي لوقت ما قتلو ابني وهو بنتو ضلت هناك ما كان صار اللي صار
Telegram:@rwayate
-مادلين كانت عارفة انكم رح تفترقو وكانت حاسة انو اغتيالها قريب لهيك هربتني مع البنت منك ومن جبروتك ، لو يضل نفس واحد عندي ما رح اسمحلك تإذيها

-هه وكيف جوليا وانت مختومة وما بتقدري تطلعي حقيقتك خسرتو كلكم قوتكم ما عدا الحقير اللي هرب فيكم
-الحقير اللي بتحكي عنو هو اول واحد رح يدمرك، رح ينفيك ويقتلك
-بس هو اجا للموت برجليه
-شو بتقصد
-بدكم تضلو متخبيين ورا الحاجز واخيرا ضرفتو لعندي برجليكم

انفتحت المراي وشفتهم واقفين قدامي الغريب وقف قدامي وحسان كان وراي وهم ماسكين اسلحتهم

-لا تخاف ما رح اقتلها .. موتك انت لوحدك رح يخليها تضعف
-مستحيل خليك ترجع تظلم اي حدا من تاني
-ما رح اظلم حدا بس روحك وقت تختفي معناها التوازن رح يختل بالعالمين وهيك رح اقدر سيطر على كل الموجودين هون وهناك
Telegram:@rwayate
-مين .. انت؟
-نسيت عرفك عن حالي انا الباسق او فيكي تحكي توأم الامير المنفي
بدك تعرفي اكتر خليت اخوتي يصيرو اعداء لاقدر اوصل هون
خطفت الامراء وبدلتهم بعامة الناس وربيو على اساس انهم امراء
الغلط الوحيد كان موت ابني اللي ما حسبتلو حساب والسبب هو انت وحمايتك واللي واقف قدامك
الحارس الوفي لابوكي

-بس انت .
-انا مو ابوكي انا كنت اتقرب من امك لاعرف وين خبتك واعرف متى رح تقدري تكسبي طاقتك، والدتك كانت انسانة غبية ، قدرت تثق اني ولا ممكن اقدر اذيها وصدقت اني جوزها بس راحت
هاهاهاها راحت وما ضللها اثر وانت وهو آخر تنين من السلالة وموت واحد فيكم رح ينهي الاسطورة ورح تضل ناقصة طول عمرها

غضب والم ،وجع وقهر هو اللي تملكني كان نفسي اقتلو بإيدي نسيت انو الغريب نبهني ما طلع صوتي
او حتى صدى روحي اللي انفجر متل بركان ، صوت صراخي عبى المكان والطاقة اللي طلعت هدت المخبأ تبعنا كلو ، حسان ما قدر يقرب مني والغريب تسمر بمحلو وهم عم يحاول يضل قريب مني
Telegram:@rwayate
-ايلين لازم توقفي تدفق الطاقة او رح نموت كلنا هون

ما كنت سامعة شي بس ذكرياتي مع هاد الانسان هي قدامي ، هو السبب بمقتل امي واخي وهلا بكل بساطة بيضحك وبياخد الموضوع عادي، ازا غدر صحابو فهو قتلني
-جبان، حقير ، ما قدرت الا تدمر كل شي
ناس ماتت حرق
وناس تذوبت قدامنا
المطر وريحة الكبريت العفنة
الخوف والدمار اللي شل العالم ومشان شو مشان الطاقة

-ساري خدها من هون … ولازم تهدوها ما لازم تضل هيك

الطاقة تحولت لنار عم تكوي جسمي والوشم زاد لغطى وجهي ، عيوني تحولت للاسود
ومو شايفة قدامي كنت غيرو والخوف اللي بدا بعيونو ، حاول ساري كتير يوقفني بس ما انتبهت للجنود اللي صارو حوالينا
حملني وركض وانا لسة بتطلع على نفس النقطة ، حسان كان يقتل اي حدا بيطلع بوجهنا والغريب كان يحارب بايد وبالايد التانية ماسكني، ما قدرت سيطر على طاقتي اكتر وصارت متل البلورة قدامي
وفجأة .. شي انفجر وتغير كل شي وما حسيت بشي

*****
Telegram:@rwayate
-القهر زاد من قوتك
-كره وانتقام ما كنت شايفة قدامي غير جوليا واولادها وقتلو الها قدامي زاد من وجعي
حط السيف براسها وغرسو كانو اللي قدامو مو انسان ، صوت ضحكتو العالية ما فارق دنيّ بأي لحظة
ووعدو للغريب بأنو رح يموت ورح يتخل النظام كلو خلاني خاف اكتر عليه
-كيف قدرتو تهربو
-ما بعرف اخر شي بتزكرو انو الغريب تحرول لشكل تاني وكان مرهق من التحول الأول وانتقلنا بسرعة
صحيت ولقيت حالي بالغابة نايمة عالارض وحسان بحاول يساعد الغريب لحتى يوقف نزيف كان الدم معبي جسمو وفي حروق كتير

****
-شو صار وليه انت هيك
-انت مج .. نونة .. نبهتك … كن .. كنت عارف لو واجهتيه هيك رح يصير
-ساري لا تحكي
-حسان .. لا.. لازم ترجع للمقر وت.. وتحصنو بسرعة مش رح .. اقدر امشي معكم ابدا
Telegram:@rwayate
كان صوتو بيتقطع وانا بطلع بعيونو شفت الشي اللي صار
وقت انفجرت الطاقة هو صدها بجسمو وحولها لطاقة الو وتحركنا فيها وهاد الشي سبب الحرق، اما النزيف فلأنو جسمو ما تحملها بسبب اللعنة
رجعت لوقفتي بعد ما سمعت صوت حسان وهو بحاول يصحيه قربت منو بهدوء وحاولت مرة تانية عالجو ، حسيت الوشم بيتغير للون الازرق والطاقة تدفقت لايدي ، بسببها ارتفع شوي بالجو وبلشت عالج جرح جرح وشوف الحروق بتختفي

-ايلين .. رح تتعبي
-ولا واحد منكم رح يموت .. هداك الحقير بس اللي رح يموت ، لازم نرجع للمقر وارجع اقوى واتعلم اتحول بشكل ثابت ،ما رح اسمح لاي حدا يتأذى بعد اليوم، فصل الهرب والخوف راح وهلا يا انا يا هو
والموت رح يكون هو الحكم بينا وبس

(11)
Telegram:@rwayate
وقت ننسى الوقت ونتذكر اللحظات اللي بتجمعنا مع غيرنا
ممكن نعيش على ذكرى وحدة طول العمر
ونستنى الوقت اللي تتحول في الذكرى لحقيقة
والوعد اللي بيوم انوعدنا يتحقق
والغايب يرجع

كانت اول مرة الي بدخل فيه مقر الحماة
الفرسان كانو بكل مكان والكل بجهز حالو للمعركة الجاي
مشيت وانا بطلع على المكان
النقوش الموجودة على السقف والرسوم اللي معبية الحيطان ، حسيت حالي رجعت للعصور الوسطى
كنت رح قرب عالنقوش بس حسيت بحركة وراي لشخص بعرفو منيح
-رافي !!
-شو بتعملي هون ؟
-ايلين طلبت مني اجي لهاد المكان
-بهاد الوقت المتأخر ، لحظة … انت اصلاً كيف قدرتي توصلي لهون !! الوشم
-اكتمل من فترة صغيرة ، وعم حاول ركز واتدرب لكون معكم بهاي الحرب
-مستحيل
-ما في شي مستحيل صح تأخر لطلع بس موعدو وتوقيتو مهم كتير
-ساندي
-ما تخاف ما رح اقتل حالي
Telegram:@rwayate
قرب مني وحضني، من سنين اخي ما قرب مني بالمرة من وقت ما ظهر الوشم وانضم لجماعة حماة العنقاء المجنحة، ما فهمت النظرة اللي تكونت بعيونو بس شوفة ايلين نستني انو لساتو حاضني
قربت منها وانا مبتسمة
-اليوم رح يكون الجزء الأخير
-اليوم رح تكون المرحلة الأخيرة قبل الحرب واللي لازم تعرفي فيها شو اللي خلا الغريب يختفي طول هاي المدة وما يرجع
-وانا جاهزة لاسمعها
-بس بعد ما تسمعيها ممنوع تنزلي من هون، رح تكوني الوريثة وما لازم حدا يعرف شو بكونلكم الغريب

رافي كان قريب وسمع كل كلمة حكتها قبل ما تنقلني لمكان تاني
كان شبيه بفراغ بين بعدين
كنت حس قدامي مجرات ونجوم عم تتحرك وهي واقفة قدامي بهيئة العنقاء الخاصة فيها
كانت مميزة
اجنحة متل بياض التلج وعيونها الزرق اللي وقت تحتد بتقلب لسواد، وقفتها بكل انوثة وقوة قدامي خلتني انسى كل اللي بيتحرك حوالي وركز فيها وبالقوة اللي بتمتلكها، ما بنسى شكل الوشم تبعها اللي كان يتمد على رقبتها متل خيط حرير وبينتهي بكتفها ليعبر عن جناح مكسور

-نفس الوشم
-ما فهمت ؟؟
-اللي عم تطلعي عليه هلا كان يميز شخصين بس بالعالمين هم انا وروح الغريب لهيك بتحسي غريب
الكل ببلش من الايد وبينتهي قبل لعند الرقبة الا احنا ببلش من الرقبة وبيتسلل بحرية على جانب اليمين من جسمنا
-بس مو حسيتو مغير فيكي اي شي متل ما انتي
-ما بيظهر واحنا بهيئة بشر وبهيئة العنقاء بيختفي مع الجناح شوي بس بالحقيقة اللي بركز رح يعرف انو ظاهر ومتحد مع اجنحتنا
-شو السر !!
Telegram:@rwayate
لفت وجهها عني ووقفت الوقت للحظة وصار يقرب فينا لمكان مبين متل غابة قربت اكتر
وبس حددت الوجهة وقفت جمبي
-اليوم رح تشوفي السر اللي كان مخفي، وبعدها مسؤولية حماية هاد السر رح تكون على عاتقك

شو اللي شفتو، كان التدريب تبعها مع العراب وروح وحسان
*****
صوت السيوف وسرعة رهيبة ما بتشوف إلى بريق سيوف وقت تلتقي وصوت قوي لارتطامها سوا
-لسة في بطء بحركاتك لازم تكوني اسرع من هيك ، عقلك وتفكيرك لازم ينحصر بالعدو اللي قدامك
حتى لو كان رفيق ممكن بأي لحظة يقلب عدو ، ما لازم تتهاوني لو كان ساري اللي قدامك

كنت بتنفس بصعوبة التدريب كان اقسى من قبل ولازم اتعود واتعلم لانو الوقت اللي تحدد للمعركة الكبيرة قريب ما كان ضايل الا ليلتين قمريتين وبعدها يا منموت يا منتحرر من السواد

-لازم .. نرجع
-صار وقت توقفو تدريب شوي
-بس
-لازم ترتاحي وما تتعبي حالك، ساري راجع الليلة بعد حملة التفتيش ولازم تستعدي للتدريب التاني معو

بعد هاد الحكي راح العراب وتركني مع حسان وانا متدايقة
-لا تخافي رح تتحسني انت بتحكي عن 60 يوم
-هاد المتوقع بس بتخاف من الناس الغدارة وانت قلت انو الجساسين موجودين بكل مكان ، يعني ممكن يهاجمونا فجأة
-من هاي الناحية لا تخافي رح نقدر نوقفهم الحراسة مشددة للمكان وصدى ارواحنا مخفية بدقة
-قلقانة
-من شو ؟
-السر اللي مخبيه الغريب عني
-رح تعرفيه خلال فترة قصيرة بس لا تقلقي
Telegram:@rwayate
رجعنا للمقر وقعدت فكر بالتدريب تبعي والقدرة اللي امتلكتها وهي اني اشفيهم، صح كان في كتير قدرات ومختلفة بس شكل الوشم اللي بيتوسع كان مخليني اتحير
عم شوف تحولهم كلهم بسهولة ووقت حاول بحس في نار رح تشب من كل نقطة مني ، كانت مهمة الغريب يعلمني سيطر على صدى روحي بس لهلا ما شفتو بعد آخر حادث صار ورجعتنا من المهمة الخاصة
انتبهت على الضو اللي انبعث فجأة قريب من الغرفة وكانت الصخرة عم تتغير للون اسود

-تأخرت
-المهم وفيت بوعدك ورجعت
-ما رح اتركك لو شو ما صار
Telegram:@rwayate
اختلف الوضع هلا بس شافو روح رجع الي، اتحدت أرواحنا سوا الجناح المنكسر اكتمل والجسدين صارو واحد وهم بقاتلو سوا لوصلو لراس الفتنة والخاين الأكبر ...العراب

اكبر لحظة غبية عملها وقت ترك السلسلة تبعتو تدلى بمحلها من دون ما يخفيها، اتحادهم زادهم قوة وخلا السطور المخفية تظهر ، العراب مات بسيفهم متل ما كان يحاول يجمعهم ويفرقهم ليحكم العالمين سوا

كنت واقفة من بعيد بتفرج على قوة الحماة وقائدهم .. روح الغريب واسطورة الجناح المنكسر اللي طلعت حقيقة وخلت الكل يآمن فيها مرق وقت طويل لانتهت المعركة، كنت واقفة بس رافي بعدني عنهم لانو القوة اللي اشتدت … والطاقة اللي انفجرت دمرت كل شي حواليها وما خلت شي صحيح متل ما كان
*******

-ساندي .. طب مين اللي فاز ؟

ابتسمت بوجه الاطفال وهم بيسألوها عن نهاية الحرب
-الحق هو اللي فاز والظلام غاب العالمين توحدو تحت راية وحدة وما ضل فيه عالمين صارو عالم واحد

-طب احنا وين هلا باي عالم

ابتسمت وهي بتشوف رافي عم يركض ورا طفلة تانية لحتى تاكل اكلها
-انتو بعالم متل الجنة ، في الناس المنيحة بس اللي بتخليكم تحبو الحياة وتعشقوها
Telegram:@rwayate
كانت خجولة كتير وهي بتطلع لجهتي حسيت في بتمها حكي
-ايلين الصغيرة بشو بتفكري
-ايلين وساري وين راحو
-ما حدا بيعرف وينهم هلا، كانو متل حلم بعد توحدهم والطاقة اللي غيرت من كل شي اختفو
-بتمنى شوفهم لو مرة
-رح يجي يوم ويرجعو ، وهلا يلا يا حلوين وقت الراحة انتهى

-انا رح صير متل حسان قوي وبعضل لاحميكم
-وانا بدي كون متل الغريب وقف بوجه الكل وقول كلمة الحق
-وانا رح كون متل العراب اسرق اكلكم وانت بتتخيلو

صارو يركضو ورا بعض وهم بيتخانقو على الاكل وبيلعبو

اجا حسان ووقف جمبي
-لساهم بيسمعو نفس القصة من 100 سنة
-ولو صارو مليون رح يضلو يفكرو بالعنقاء وروح وين هم هلا
ومو عارفين انهم كانو يسمعو القصة معنا وواقفين جمبنا

كانت حاسة بصدى روحهم ، وسمعت صوت الهوا النابع عن جناحاتهم ، ما تغير فيهم شي ابدا
لساهم متل ما هم
-من زمان العالم بيسأل عنكم ، ايلين
-وقت كانو بحاجتنا كنا لازم نضل هون ، بس مهمتنا انتهت والجناح المنكسر لازم يضل اسطورة بتنحكي
ووقت الازمات رح تلاقونا معكم وقريبين منكم
Telegram:@rwayate
ايلين الصغيرة شافتهم ولوحت لالهم وابتسمت ومشيت ، كانت طفلة بعقل كبير
واول شي عملتو اخدت رفقاتها وبتصفيقة اختفو
رافي وقف محلو وهو عم يطلع
-شو اللي صار ؟
-ما صار شي اخي، بس بناة المستقبل راحو يتعلمو بالغرفة السرية تحت الارض

النهاية