Telegram:@rwayate
#ليلة_ازرق_فيها_القمر_بقلم_كنانة_غميان
ركضت تمارا لعند ساندرا اللي عم تستناها برا .....وقلبها عم يخفق بشكل عجيب
ساندرا : شو بدو الأمير يوجين منك ؟؟
آه ...لا ولا شي ..بس بدو يساعدني بقصة الأمير الصغير ....يلا وين غرفتي !!؟
يلا تعالي ....
وبغرفة الأمير جرجس:
المنجم يقرب يشوف وجهه منيح : شكلو رح يصرلك ندبة كبيرة
الوزير: وووووو كتير كبيرة كمان ...الله يستر ما يشوفها الملك شو بدو يعمل
لوسيو (ابن الملك ): هههههههه فظيعة شو هالبنت هي ...صح متل ما قالو مجنونة وفاقدة عقلها ؟؟؟
جرجس : بدي كسرها تكسير بس لشوفها
لوسيو : طول بالك ....أصلا هي لو مو شايفتك ظريف ما بتقرب منك
قصدك ؟؟؟ هي معجبة فيني
أنا عم قول يمكن مو أكيد (ضحك بينو وبين حالو ...جرجس كل شي بينحكالو بيصدقو )
المنجم : عن اذنكم ...عندي روحة ضرورية لعند الملك .....
لوسيو : ونحنا كمان الأخوة عنا أجتماع بغرفة الإجتماعات ....اللي هون ....
المنجم : لكن ما بطول ..وبجي بشوفكم
لوسيو : ماشي ....
Telegram:@rwayate
المسافة مو بعيدة بين بيت الأمراء .والقصر ....
وصل المنجم للقصر ...ودخل لعند الملك ..
الملك : أهلا يا منجم أجيت بوقتك ....تعال لهون
فات المنجم لجوا وتفاجأ بوجود رهشان واقف جنب فيليب
الملك : اي يا رهشان ...ماقلتيلي ...شو جابك لهل البلد ...
انحنى رهشان كللو وصار طاقين قدام الملك : الآلهة تعزك يا مولاي ...ما جابني غير حب شوفتك والرؤيا إلك ....
فيليب : مولاي ....أنا مةلي شايف في غلط بجية أخي لهون
الملك متذمر : المفروض تقلي او تبعت خبر أنك جاية يا هشان ...يعني أنت من مبارح هون ولهلأ بس حتى دريت فيك ؟؟؟
المنجم : أعذرو يا مولاي هو طالب رضاك
فيليب : بتمنى من سيادتك الكريمة تسمح لأخي يقعد عنا أسبوعين زمان .....حابب أتعلم منو شوية فنون قتالية ...وغير هيك هو أكيد رح يكون موجود منشان الأولمبياد اليوم ....
تنهد الملك : ماشي ....ؤح خليهم كم يوم بس .. وبعدها بترجع ع مكانك ...منشان أمك ما ينشغل بالها عليك
رهشان : شكرا كتير لكرمك يا مولاي
فيليب كمان انحنى وتشكر الملك ....وطلعو من عند الملك لبرا ...
الوزير نقفور : ما بعتقد وجودوا هون رح يساعدنا
المنجم : مولاي ...بعتقد لازم نعطيه فرصة للأمير رهشان ....شايف نجمو عم يقرب من نجم الأمير فيليب
تنهد الملك : منشوف !
يقفور ما عجبو هالحكي ....
وبغرفة الإجتماعات
لوسيو : يا حرام ع هالضربة هههه
جرجس : بيفكي لوسيو ...مالي ناقصك
بيبو : أخيرا اليوم رح نجتمع كلياتنا سوا ونتعرف ع أخونا رهشان
ألكساندر : لا تتحمس كتير ....معروف عنو بيجيب النكد وين ما راح ...متل الغراب
يوجين : لا تقول هيك عن أخوك يا فيليب ...بيتم أخونا ومننا وفينا
جرجس : كلما بتجي سيرتو لرهشان ..بتذكر هالقناع الأسود اللي بوجهه ...منظروا بموت رعبة .....
ليزا : هههه عنجد أنك شقي يا جرجس ....
Telegram:@rwayate
بيبو : صح أنا ورهشان أجينا من بطن أم وحدة ..بس ولا مرة صحلنا نحكي مع بعض أنو نحنا أخوة
وإذ فات على غفلة ...والكل انشلق فيه ....جرجس وبيبو وقفوا مشلوقين فيه وانحنو مع ليزا :
ليزا : أهلا ابن عمنا ..تفضل
فات رهشان يطلع حوليه بطرف عينو ...وقرب وقعد ع الكرسي ....ورفع رجليه لفوق
لوسيو : أهلا فيك يا أخي رهشان ...شرفتنا وآنستنا بيننا ...
رهشان هزز براسو بنص ابتسامة : أي ....قال عم تستنوني ....
ليزا : حبينا نعمل اجتماع لنتعرف عليك أكتر
الكساندر: غريبة يا جماعة ....كأني شفت طيف مارر من هون وماعرف يسكر الباب
رهشان : صح ...والطيوف مو بعوايدها تسكر الباب وراها ...لأنها بتفوت من خلال البواب ....
يوجين عم يحاول يغير جو بين الطرفين : اييييي يا رهشان ....خبرنا عنك وعن اوضاعك وحياتك
صدقني مافي شي ينحكى ....
ليزا : رهشان بقيان وقت قصير وبيبلش الأولمبياد .....رح يكون يوم كتير حلو ....رح تروح صح ؟؟
رهشان : لأ ...تعبان من السفر ...لهيك رح أرتاح ببيتي وحط راسي ونام ......
ألكساندر : ...أنا طالع من هون ...في ريحة سدتلي نفسي ....
رهشان : نصيحة حط ريحة على تيابك ...لأن هي ريحتك اللي خنقتنا هون .....
الكساندر : له له ...مالك عرفان أنو ريحتك من زمان خانقتني أنا وأمي ....
يوجين : خلص يا شباب بيكفي ...عيب ....شو ليزا مافي غدا ؟؟!
ليزا صرخت : يلا يا خادمات..يا ساندرا ...فوتوا بالأكل لشوف ...
فاتت ساندرا بالصواني لجوا تحطهم ..ووراها الخادمات ....ومن ورا الباب تتفرج تمارا على ليوجين مستحية ....دخلت وتخبت ورا العامود ..تشوفوا عن قرب فنتبهتلها يوجين مستغرب ؟ ...حتى رهشان شافها .....بينما عم تطلع من ورا العامود ...وإذ بينط على وجهها على غفلة فنأزت :
جرجس : تعي لهون
Telegram:@rwayate
مسك ايد تمارا وسحبها لقدام : أنا وين شايفك ؟؟؟
تمارا : م مابعرف
امبلا ...أنا أكيد شايفك ...بس وين ...وين
لا لا ...أنت مو شايفني ....ولا بعرفك ولا بتعرفني