رهشان : أنا عندي إرادة السماء ....بس انت يا آليكساندر ...ماعندك قوة غير مرتك وعيلتها من حسب ونسب قوي ...و اللي تجوزتها وتركتها بمكان بعيد عن القصر ...
آليكساندر : أنا عندي قوة حسب ونسب كبيرة من زوجتي ...بعكس ولي العهد فيليب ...اللي متجوز من وحدة ماعندها لا حسب ولا نسب حتى ما بتقدر توقف بوجه اي عدو من الجيوش لو طلبنا .....عيلة دنيئة ...فشو قلت ..مابتوافقني الرأي ونقيم فيليب من مكان ولاية العهد
الملكة تدافع : أخوك آليكساندر مبارك من السماء لحتى يصير ملك .....مين أنت حتى تناقشو بكل هالحكي اللي مالو لازمة ؟؟؟!
Telegram:@rwayate
رهشان اطلع فيها وأجتو الإبتسامة ...وصار يضحك : ههههههه شبكي يا أمي ...شايفك كتير انفعلتي بس منشان مزحة .....وعلى فكرة ...هلأ بلشت تجيني أفكار كتير ...(صار جدي بالحكي ) لكن .....هالكرسي اللي بدو ياه الكل ....شو رح بيصير لو أخدتو أنا وصرت ملك !!؟
الملكة بتعجرف : هاه أنت فكرك رح تقدر تعمل اي شي لأن الحظ جنبك ...ولا لأنو عندك إرادة السماء !!!!؟
رهشان (شو قصدك )
الملكة بثقة غيورة : إن شالله فكرك هلأ صرت شغلة كتير مهمة قال يعني !!؟ ...تم اختيارك لطقوس المطر مو بالصدفة ....وعملو هيك قاصد معك حتى إذا مانزلت المطر ...مافي مشكلة من الملك أنك تنضرب من الشعب حتى الموت ...يعني كنت كبش فداء بدال من ولي العهد .....ويا مسكين مابتعرف أنو ابوك تلاعب فيه ..له له له له زعلتني عليك
رهشان : ما حدا تلاعب فيني ....عرفت شو صار بالضبط ورحت ع كرسي المطر بإرادتي
انصدمت الملكة !!! وكل اللي قاعدين
قام رهشان من مكانو ووقف وبكل أدب : الأكل اللي أكلتو عندكم ماشي حالو ....ومع هيك لازم كلياتنا ناكول متل عيلة وحدة ...رجاء لا عاد تناديلي لهون مرة تانية .....(اطلع بالملكة هديك النظرة ....وحمل حالو وطلع من الغرفة لبرا هائم على وجهه)
الملكة رجعت تشرب الشاي كأنو عادي وما صار شي
آليكساندر : متل ما كنت مفكر ...صعب كتير تتصالحي مع هيك شخص يا أمي .....لهيك ماعاد في داعي نرجع نلم صلتنا فيه ...وكل واحد فينا بوادي ..وخلصنا
بيبو معصب خابط الشاي : أمي ...بالغتو كتير بالحكي مع رهشلن ...كيف بتطلبي منو قتل حدا ونحنا قاعدين ع سفرة عشاء وحدة ........طالما بدك ياني نكون أعداء ع الكبر ...ليش جبتينا على هالحياة ؟؟؟؟ (قام من محللو بيبو معصب )
الملكة : روق يا بيبو ....شو عم تقول انت ....بيبو ....بيبو ...رد عليي عم بحكي معك
طلع بيبو من الغرفة ....وآليكساندر عم يفكر باللي صار ...
.
.
.
.وبرات القصر .....ماشي رهشان حاسس بالضعف ....ماشي مو عرفان لوين ..يحكي مع حالو : العمى شو طلعت غبي شو مان ممكن تتوقع يا رهشان من هيك عزيمة .....)....
Telegram:@rwayate
كمل مشيو رهشان حتى لقى حالو قريب من قصر البحيرة المقدسة .........بس جواتها كاينة تمارا خايفة ترتعش خاصة كلما تتذكر هديك الرؤيا قلبها يدق بقوة ......
ويوجين بغرفتو مو جاييه نوم وهو عم يفكر يحاول يستنتج ((دير بالك من رهشان ....مافيك توقفو لو بدك ....دير بالك من رهشان.....مافيك توقفو لو بدك )))!!!؟
..
من كتر مالها مرعوبة تمارا ...طلعت قريب من البحيرة المقدسة ماسكة شمعة تحاول تتنفس هوا نظيف ...يمكن يطلعها من الهم اللي هي فيه ....وقفت تشوف مرايتها على وجه البحيرة ...تضرب قلبها حتى يوقف عن الخفق .... ....وبس تنفست شوي حتى حست قلبها ارتاح شوي ...شافت على سطح المي ...حدا وراها ...وطلع صوت
كاريمار !!!
اندارت حتى لقتو قدامها شهقت من الرعبة متفاجأة ...وركضت لقدام هربانة منو ....فمسكها وحوطها بأديه
وهي عم ترتعد من الخوف
رهشان ماسكها بقوة وهو على وجهه الأسى
تمارا: تركني روح ...بترجاك تركني
خليكي معي للحظة وحدة بس ....أنا بحاجة راحة
دفشتو تمارا مبعدة عنو : بس أنا ما بدي
رهشان متفاجأ من طريقة تمارا ...وخوفها وحكيها
تمارا: سمو الأمير أنا خايفة منك
رهشان : شو ...بس أنتي قلتي أنك ما بتخافي مني
تمارا: كنت مفكرة أنو فيني غير مجرى الأمور اللي بدها تصير ....بس كنت غلطانة ....أنت رح تدمر الكل بالآخير ....روح ...روح من هون ...الأحسن تبعد من هون
صرخ بصوت واحد متدايق بغضب : مو أنتي كماااااان
تمارا سكتت خايفة من اللي بدو يصير ....
قرب منها بخطوت هادية تعبانة مهدودة الحيل : لا تبعديني عنك ....لا تقوليلي وتطلبي مني أرحل لبعيد ......لا تقليلي أنو بجيب سوء الحظ ....او إني مجرد حيوان وما بحس ولا مابفهم
Telegram:@rwayate
مسكها بقوة من كتافها وهي عينها بالأرض تطلع فيه بخوف
رهشان : مافيكي انتي بالذات تعملي فيني وتقوليلي هالشي ....(بصوت قوي وحد): انتي .....ملك إلي
تمارا بعيونها دموع : بس أنا مالي ملكك ...مالي ملك حدا سمو الأمير