📚قصص||روايات||منوعة📚

#انتهكت_قيودي_بقلم_امل_احمد
Telegram:@rwayate
(الجزء الاول)

زغاريت عالية .. عيون كلا دموع .. كفوف بتصفق .. مدرج مليان ناس كبار وصغار .. رجال وحريم .. كلن تجمعو ليشوفو ولادون بروب التخرج يلي صرلن سنين عم يحلمو يلبسو ..
ومن بينن كلن ادهم ومرتو نورة وابنن علي وبناتن اريج ووئام .. عيونن كلا دموع وهني عم يشوفوها طالعة ع المسرح لتستلم شهادتا بعد ما سمعو اسما ..

ادهم: لك هاي بنتي ميلا .. هاي ضو عيوني انا

وئام: اختيييييييي .. حبيبتيييي

علي: وطي صوتك ولي

وئام: اي اخي .. والله من فرحتي ما انتبهت

علي: اي انتبهي منيح بلا ما هرلك سنانك

مسحت نورة دموعا بئيدا ولفت وشا عليهن.. امي علي حاج الله يرضى عليك خلينا مبسوطين باختك برضايي عليك

اريج: ما في امي الا ما ينزعلنا فرحتنا

ادهم: هششش سكتو .. سكتو .. ليكا رح تلقي كلمة الطلبة
Telegram:@rwayate
كل الاصوات هديت وما بقي غير صوت لصغار .. كلن عم يطلعو بهالملاك يلي ع المسرح .. ميلا .. بطولا المتوسط وبشرتا البيضة وعيونا الزرق يلي بلون السما .. عم يطلعو بهالبنت يلي برائتا زادتا جمال .. بنت الدكتور ( ادهم الفايز ) .. اشهر دكتور قلب بالمنطقة ..

وقفت ميلا بكل وقار .. مسكت الميكروفون بئيدا يلي عم ترجف ... وبالايد التانية مسحت دموعا .. وبلشت تلقي بكلمتا (كلمة الطلبة) يلي هي مثلتن بما انو هي الاولى ع دفعتا .. وختمت كلمتا .. (سمحولي .. انا تشكرتكن كلكن وتشكرت جامعتي والدكاترة كلن .. وهلا سمحولي لاتشكر منبع الدعم الحقيقي لالي .. القلوب يلي من غيرا ما كنت وصلت لهون .. ولعيون يلي سهرت علي سنين )
فلتت منا شهقة طويلة مع دموع صارت عم تنزل ع خدا من غير وعي .. عيونا مركزة بعيون عيلتا يلي كلن عم يبكو من فرحتن وفخرن فيها ..

(عيلتي .. ابي حبيبي وقدوتي .. امي روحي .. اخي .. واخواتي .. بتشكركن كلكن من كل قلبي .. وشو ما قلت مستحيل اوفيكن حقكن ابدا .. بحبكن .. بحبكن كتير)

سكتت ونزلت عن المسرح وتوجهت لعيلتا مع صوات الكل حواليها .. ومع دموع الاهالي .. ضمت اما بكل قوتها ..

نورة: الف مبروك يا عيوني .. الف مبروك
Telegram:@rwayate
ادهم: الله يرضى عليكي يا بنتي

وبين دموع وضحكات وتصفيق واغاني ورش ورود .. خلصت حفلتن ..

طلعو عيلة الدكتور ادهم كلن سوا .. وركبو سيارتن..

ادهم: يا عمري يا ميلا .. والله حاسس حالي عم احلم

نورة: الحمد لله .. الحمد لله تعبنا ما راح هدر

ميلا: الله يخليلي ياكن يا حق

وئام: عقبالي يااااا رب

اريج: وانا قبلك

نورة: هلا دور علي ليفرحنا هالفرحة

علي: ان شاء الله امي .. ان شاء الله

اريج: مو ليبطل نكد ونق

علي: اي وقت بتبطلو حركاتكن الملفتة بين العالم رح بطل نق اريج خانم

وئام: هدي اخي .. لك عم تمزح معك
Telegram:@rwayate
ادهم: خلصنا شبكن .. هلا رح نحتفل بست الكل .. الدكتورة ميلا

وئام: يا سلاااام

ميلا: يخليلي ياك بابا وما يحرمني منك

طلعو كلن سوا ع مطعم .. يلي كان ادهم حاجز في طاولة عائلية منزوية ومسكرة بستاير ..

اريج: شو هاد بابا

ادهم: تعو لتعرفو

فتحو لستارة .. وكانت طاولة فيها قالب جاتوه كبير علي صورة ميلا .. وحدو سماعة طبية وابرة ..
والطاولة كلا اصناف حلو وفواكه ومكسرات ..

نطت وئام وزقفت بئيديها ..

وئام: يااااي

اطلعت ميلا بابوها وعيونا كلن دموع ... قربت منو وضمتو .. (ربي ما يحرمني منك يا احلا اب )

مسحلا ع عراسا وهو عم يقاوم دموعو (ربي يسعدك يا بنتي ويفرح قلبك متل ما فرحتيني)

نورة: دائما مفاجاتك غير شكل هههه

علي: اي لكن .. لك احلا ابو علي والله

قعدو كلن ع الطاولة .. واحتفلو بدكتورتن وهني عم يمزحو ويضحكو ..
Telegram:@rwayate
اريج: يعني هلا اختي انت فيكي تعالجيني ازا مرضت
ميلا: اي يا روحي طبعا فيني .. بس ما رح بقدر اشتغل بشكل رسمي قبل لاشتغل سنتين ع الاقل عند شي دكتور او بشي مشفى

وئام: اهااا

ادهم: انا رح شفلك من الدكاترة رفقاتي لحتى اتابعي معن

اطلع علي بابوه .. بس يابي .. يعني شلون هيك .. شلون رح تداوم عند دكتور

ادهم: شبك يا ابني .. اختك لازما فترة تدريب

علي: بس يابي ما بصير تداوم بعيادة دكتور

اريج: لا اله الا الله

جحرا علي بعيونو .. (سكتي ولي)

قرصتا وئام من ايدا ..
وئام: سكتي شوي
Telegram:@rwayate
ادهم: ليش مين قلك انو رح تداوم عند دكتور .. انا رح شفلا دكتورة

علي: اي هيك ها .. احلا ابو علي

ميلا: لك كبار اخي كبار

نورة: الله يحميكن يا امي هههههه

وما بين نقاشاتن وضحكن ومزحن خلصت سهرتن ورجعو لبيتن والفرحة مليانة بقلوبن ..

#انتهكت_قيودي_بقلم_امل_احمد (الجزء الثاني)
Telegram:@rwayate
ادهم: ميلا ع النووووم .. بكرة من بكير رح نطلع سوا

رفعت ايدا لعند راسا .. (امرك سيد ادهم )

نورة: هههههههه

دخلت ميلا واريج ووئام ع غرفتن .. كانو كتير فرحانات بعد هاليوم الحلو ..

وئام: اااخ يا اختي .. ايمت رح اتخرج متلك

ميلا: اي هانت .. ما بقيان غير عشر سنين هههههه

وئام: 😂😂 نيااالك اختي رتحتي

ميلا : اي الحمد لله

اريج: والله هالسنتين البقيانينلي حاسستن عن مليون سنة

ميلا: لك غمضو عين وفتحو عين بتلاقو حالكن هووووب ع خشبة المسرح عم تستلمو شهاداتكن .. لك والله حاسستا متل امبيرح وقت رحت مع ابي ع الجامعة لنسجل
Telegram:@rwayate
وئام: اي والله معك حق .. بوقتا ما قبلتو تاخدوني معكن ومتت بكي

اريج: ههههههه اي ومتزكرة ليش ما قبلو دخلك

ميلا: 😂😂😂😂😂😂

ضربت وئام بوز وتخنصرت..
وئام: لك حاج انت وياها ع اساس يعني انتو انظم وما كنتو تعملوها تحتكن اه

ميلا: لك ولييي ع طولي ع هالبوز ما ازكا .. تعي تعي ولي غجغوجة .. تعي

كتفت وئام اديها وكبرت بوزا بزيادة .. ووقت شافوها ميلا واريج فرطو ضحك وركضو لعندا وبلشو يقرصو بخدودا ويدغدغو فيها وهني فارطين ضحك ..
Telegram:@rwayate
وئام: ههههههههه لك خلااااص .. راح البوز خلص .. بربكن خلص

وفجاة بيندق الباب وبيفتحو علي وهو معصب .. (لك صواتكن موصلة لتاني حارة .. سكتو بقى)

اريج: جاء مفسد السعادة .. علي نكد

علي: شو برطنتي ست اريج

ميلا: عم تقول والله شتقنا لسهراتنا سوا علوشي .. تعى اخي تعى .. اي والله شتقنالك

لانت ملامح علي ورمش بعيونو واطلع بالارض..

علي: الوقت تاخر وبدي نام .. وانتو كمان نامو

وئام: وازا قلتلك بجهزلك نفس ارجيلة غير شكل

وغمزتو لعلي ..
اطلع فيها علي وفرط ضحك .. (انت يا فصعونة رح تجهزي ارجيلة)

وقفت وئام ع التخت وحطت اديها ع خصرا وميلت راسا .. (نعم نعم .. ليش شبني .. ليكني اسم الله حولي وحوليي )

ميلا: هههههه اي لكن ركضي جهزي يالا

وئام: شو علي

علي: امري لالله
Telegram:@rwayate
اطلعت اريج فيه وهي مصدومة .. (لك جد .. جد جد رح تسهر معنا )

علي: ازا ما عندك مانع ست اريج

اريج: لك ايّ مانع .. ومني انا احلا كاسة متة لاحلى علي نكد

علي: هههههه .. يا سلام ع الدلال .. بس عم قلكن ها .. ما في مقابل لهالدلال ابدا ولا في شكلاتات

ميلا: هههههههه اي ماشي ماشي .. يالا جهزو العدة واسبقوني ع البرندة .. وانا رح رح بدل تيابي واجي

جهزو عدة السهرة كلا وطلعو سوا ع البرندة وكملو يومن باحلا سهرة اخوية .. بلعب شدة وارجيلة ومتة وبزر .. وضحك ولعب وعصبية علي كل ما صوت وحدة فيهن علي شوي ..
وبقيو سهرانين للساعة وحدة ..

ميلا: جد لا يمل .. بس انا طفيت غير انو ابي طلب مني قبل تلت ساعات انو نام .. يالا كلو ع النووم
Telegram:@rwayate
ومشيت هاللية عليهن واجا تاني نهار .. وبلشت ميلا بمرحلة جديدة من حياتا ..
طلعت مع ابوها ع بكير وركبو السيارة سوا ..

ميلا: كتيير متحمسة .. بس بنفس الوقت خايفة ومتوترة

ادهم: لا تخافي يا روحي .. انت ذكية كتير ومميزة وما في شي بيصعب عليكي

رفعت اديها لفوق ..
ميلا: ياا رب

ادهم: اتفقت مع الدكتورة ايمان لتداومي عندا .. وهلا رح اخدك لعندا .. هي انسانة راكزة كتير وجدية .. عندا شغلا درجة اولى بحياتا

ميلا: يعني مانا متزوجة

ادهم: هي مطلقة .. وعندا ولد واحد

ميلا: اهاا

ادهم: اهم شي تكوني ع طبيعتك وما تتوتري وبعدا كلشي رح يمشي تمام .. ماشي

ميلا: ماشي بابا ماشي

#انتهكت_قيودي_بقلم_امل_احمد (الجزء الثالث)
Telegram:@rwayate
وصلو لعيادة الدكتورة ايمان وقف ادهم السيارة .. سحبت ميلا نفس طويل .. (ياا رب)

ادهم: لك شبك .. هاد مو فحص .. خلصنا فحوصة ههههههه

ميلا: ههههههه اي اي ماشي بابا

نزلو من السيارة ودخلو للعيادة .. كانت عيادة كتير اكابر وهادية رغم العدد الكبير للمراجعين ..
حاكا ادهم السكرتيرة لتوصل خبر للدكتورة بانن وصلو ..

السكرتيرة: ستريحو شوي بس ليطلع المراجع يلي عندا
وبعد بشي عشر دقايق طلع المراجع .. ودخلتن السكرتيرة لعند الدكتورة ..

ايمان: اهلا وسهلا دكتور ادهم .. اهلا وسهلا
Telegram:@rwayate
وقفت ايمان من ورا مكتبا واشرتلن ليتفضلو ..

ادهم: اهلا وسهلا فيكي دكتورة

اشرلا بئيدو ع ميلا .. (بنتي ميلا )

ايمان: اهلا وسهلا دكتورة ميلا .. شرفتي عالم الطب كلو

تبسمت ايمان وقربت لعندا وسلمت عليها من ورا المكتب ..

ميلا: اهلا وسهلا فيكي دكتورة .. شكرا كتير

ايمان: اهلا وسهلا تفضلو

قعدو ادهم وميلا .. وبلشو يتفقو كرمال دواما لميلا .. وميلا سرحانة بهالدكتورة وبجمالا وركازتا وملامحها القاسية والجدية ..
Telegram:@rwayate
ايمان: لكن اتفقنا

ادهم: بتشكرك كتير دكتورة .. وهلا صار لازم امشي

ايمان: شو تمشي .. لسا ما شربنا قهوة .. ما بصير دكتور

ادهم: مو بينا دكتورة .. بوقت تاني ان شاء الله .. مضطر روح ع العيادة

ايمان: لكن الله معك .. تشرفت بزيارتك دكتور

وقف ادهم .. (الشرف لالي .. ميلا بامانتك )

ايمان: بعيوني .. ولا يهمك

طلع ادهم وميلا عم تراقبو بعيونا ..

ايمان: اي دكتورة ميلا .. كيف الهمة

ميلا: تمام ان شاء الله

ايمان: مممم بس ليش حاسيتك متوترة ههههه

ميلت ميلا براسا ..
ميلا: بصراحة كتير خايفة .. ويمكن مرعوبة

ايمان: هههههه شعور طبيعي ما تخافي .. بكرة مع الممارسة بتبلش نفسيتك تتحسن .. رح نبلش باول مريض معك ونشوف
Telegram:@rwayate
ميلا: على بركة الله

وهيك بلشت ميلا بحياتها العملية ودوامها مع الدكتورة ايمان ..
ميلا اعجبت كتير بشخصيتها للدكتورة ومعاملتها مع المرضى .. كانت كتير حنونة وبنفس الوقت صارمة وجادة ..

مشت الايام وميلا كل يوم عن يوم بتتعلق بشغلا اكتر وبتحس قديش هي محظوظة يلي ربنا يسرلا دراستها لتقدر تساعد العالم وتداويلن وجعن ..

ايمان: بصراحة يا ميلا كتيير فاجأتيني .. اسم الله حولك عم تشتغلي وكانك صرلك سنين بالطب

ميلا: الحمد لله .. هاد بفضل ربنا وفضل نصايحك دكتورة

ايمان: انت بتستاهلي كل خير .. ذكية ونشيطة ومخلصة بشغلك .. اليوم عازمتك لعندي ع البيت كتقدير لنشاطك .. شو رايك

ميلا: ممم ما بعرف والله .. يعني .. بس لخبر ابي
Telegram:@rwayate
ايمان: ههههههه ماشي دقيلو وخبريه

دقت ميلا لابوها وخبرتو بالعزيمة ..
ادهم: ماشي ابي .. بس ما بترجعي لحالك انا بجي وباخدك

ميلا: تمام بابا تمام

سكرت ميلا الجوال وايمان عم تستنى جوابا..
ايمان: اييي ؟؟

ميلا: تمام

ايمان: لكن يالا خلينا نعجل شوي لنخلص شغلنا ع بكير

#انتهكت_قيودي_بقلم_امل_احمد (الجزء الرابع)
Telegram:@rwayate
مشى الوقت وخلصو المراجعين وطلعو ايمان وميلا ع بيت ايمان .. او بالاحرى فيلا ايمان ..

وقت وقفت السيارة قدام البيت تفاجات ميلا كتير ..

ميلا: هاد بيتك ؟؟

ايمان: اي .. تفضلي نزلي

نزلت ميلا وهي عم تطلع هون وهون .. الشجر .. الورد الجوري الياسمين الزنبق .. كلو محاوط هالفيلا عن يمينا ويسارا ..
دخلو لجوا واستقبلتن ست كبيرة بالعمر واضح انو الشغالة ..

ام محمود: اهلا وسهلا يا خانم

ايمان: اهلين فيكي ام محمود .. جهزي الغدا الله يرضى عليكي

ام محمود: اي من عيوني

كانت ميلا عم تطلع بعيونا ع كل جزء من الفيلا .. ولساتا عم تتفاجأ اكتر واكتر .. كلشي بهالفيلا خرافي ..

ايمان: عجبتك الفيلا؟

ميلا: ما شاء الله بتجنن .. تتهني يا رب
Telegram:@rwayate
ايمان: امين يا روحي .. تريحي انت.. انا رح بدل تيابي واجي

طلعت ايمان ع غرفتا بدلت تيابا ورجعت لعند ميلا .. يلي كانت قاعدة وواضح عليها انو متوترة ..

ايمان: اهلا وسهلا بدكتورتنا الحلوة

ميلا: هلا بيكي دكتورة

ام محمود: تفضلي يا خانم .. الاكل صار جاهز

ايمان: ندهيلو لوليد لياكل معنا

ام محمود : حاضر

وقفت ايمان واشرت بئيدا لميلا ..

ايمان: يالا ميلا تفضلي
Telegram:@rwayate
قعدو سوا ع طاولة السفرة وبلشو اكل .. وبعد بشوي ..
وليد: مسا الخير

ايمان.. ميلا: مسا النور

ردت ميلا ورفعت راسا .. وكانت اكبر صدمة لالها بهاليوم .. سبحان الذي خلق هيك انسان .. طول ..عرض .. عيون شهل .. دقن حمرا خفيفة .. شعر مجعد وطويل شوي

نزلت ميلا عيونا بسرعة قبل ليشتلقو عليها ..

وليد: ما قلتولي انو جايينا ضيوف

تبسمت ايمان واطلعت بميلا يلي خدودا كانو متل البندورة .. (ميلا .. دكتورة متدربة عندي .. بنتو للدكتور ادهم)

رفع وليد حاجبو واطلع بميلا .. (اي اهلا وسهلا ... تشرفنا)

ميلا: شكرا .. يزيدك شرف

كملو اكلن سوا وميلا بعالم تاني منفصل تماما عن هون ..
ميلا: (تحاكي حالا) لك شو صرلك يا بنت .. ليش هيك تكركبتي .. ركزي .. ركزيييي
Telegram:@rwayate
ايمان: اي امي وليد .. شو صار بالصفقة

وليد: ولوو امي .. عيب تسالي هيك سؤال .. طبعا اخدتا

ايمان: اي الله يرزقك يا ابني ويفتحا بوشك

وليد: تسلميلي امي .. وهلا بخاطرك .. رح روح انا

ايمان: خليك معنا شوي .. كرمال ضيفتنا

وليد: ع عيني وراسي ضيفتنا والله .. بس مشغول امي .. ما فيني
Telegram:@rwayate
ايمان: اي براحتك يا روحي

طلع وليد واخيرا .. ورجعت ميلا تحاول تتنفس بشكل طبيعي .. ايمان حست ع كركبتا لميلا ..

ايمان: بس ما تكوني تدايقتي ميلا

ميلا: هاا .. لا وليش لادايق

ايمان: ههههه اي كتير منيح

مشى الوقت وخلصت لزيارة وصار وقت ترجع ميلا ع بيتا ..

ميلا: انا صار لازم امشي .. رح دق لابي

ايمان: لك لا شو تدقيلو .. انا رح وصلك

ميلا: ما بدي عزبك معي

ايمان: لك لا عزاب ولا شي .. يالا امشي معي
Telegram:@rwayate
رجعت ميلا ع البيت وكل عقلا وتفكيرا بوليد .. كل تفصيلة فيه نحفرت بعقلا ..

دخلت ع البيت وكانو اهلا سهرانين ..

ميلا: مسا الخير

الكل: مسا النور

نورة: اهلا يا بنتي ... شو كيف زيارتك

انصدم علي واطلع بامو بعصبية ورجع اطلع بميلا .. (ايا زيارة هاي)

اريج: الله يسامحك يا امي ع هالعملة هاي

ادهم: ايييي شبك علي .. اختك كانت بزيارة لعند الدكتورة ايمان ببيتا

علي: بس يابي ما بصير هالشي .. من ايمت كانو اخواتي يطلعو هيك زيارات لوحدن

ادهم: علييي .. اختك كبيرة وواعية وما بنخاف عليها
علي: اي وازا يابي

ادهم: خلصنا بقى .. عيب هالشي يا ابني عيب

كانت ميلا لساتا واقفة وعم تسمع لنقاشن .. ووقت خلصو دخلت لغرفتا ..

بدلت تيابا ونامت بتختا وعقلا لساتو عم ياخدا ويجيبا ..

ميلا: استغفر الله العظيم .. لك شبني .. يا رب ساعدني

#انتهكت_قيودي_بقلم_امل_احمد (الجزء الثامن)
Telegram:@rwayate
خلصت ميلا حماما وتسطحت ع تختا وهي مالا ع الدنيي .. لساتا دمعتا ما نشفت .. كل ما تحاول تهدي حالا ترجع تبلش بكي من جديد ..

انفتح الباب ودخل عليها علي وهي لساتا عم تبكي ..

علي: عم تبكي كمان .. عم تبكي يا كلبة 😡

وقبل لتستوعب يلي عم يصير كان صار حدا وضربا كف ع وشا وقعا ع التخت ..

مسكا باديه التنتين من رقبتا وبلش يخنق فيها ويصرخ ..

علي: انت ما لازم تعيشي .. لازم تموتي .. مااا رح اسمحلك تفضحينا .. مااا رح اسمحلك

عم تحاول تحكي شي .. بس مالا قدرانة .. اديه لعلي كتير تقال وعم يشدو اكتر واكتر ع رقبتا .. ما عادت حسنت تطالع نفسا .. فتحت عيونا ع وسعهن وحاولت تمسك ايدو لعلي لتبعدو عنا .. بس ما في فايدة .. علي كان اقوى منا بكتير ..

اجت اريج من برا وشافت علي عم يخنق بميلا .. ركضت لعندو لتبعدو عنا وهي عم تصرخ ..
Telegram:@rwayate
اريج: علي بعد عنا .. بترجاااك .. بعد عنااااا

اجت امن ع صواتن .. ووقت شافت ميلا عم تموت قداما بلشت تضرب ع وشا وتصرخ ..

وعلي مالو بالدنيا كلا .. غضبو مسيطر عليه .. وعم يشد اكتر واكتر ..

بلشت مقاومتا لميلا تخف وعيونا بلشو يركزو ع منطقة وحدة وانقطع نفسا ..

فاقت ميلا من نوما مرعوبة ..
ميلا: لاااااا بترجااك اخي بترجااااك

اطلعت حواليها ما لقت جنبا حدا .. حطت ايدا ع رقبتا لتطمن انو هي منيحة . .
سحبت نفس طويل ونزلت دمعة ع خدا .. (يا رب ساعدني )

هالحادثة كسرتا لميلا .. بعمرا ما تخيلت يصير معا هيك شي .. ووجعا كان اكبر بانو صار من وليد .. الشب يلي حبتو وتعلقت فيه ووثقت في

اسبوع كامل وميلا مرضانة وبالفراش .. لوقت اهلا خافو عليا كتير ..

نورة: ميلا امي شو صاير احكي .. عرسك بعد يومين .. وانت مالك قدرانة تتحركي .. ووليد صرعنا وهو عم يسال عنك وانت ما عم تقبلي تحاكيه
Telegram:@rwayate
ميلا: (وهي مغمضة عيونا ونايمة بتختا) امي مالي حسنانة احكي شي .. كتير تعبانة

ادهم: لكن قومي رح اخدك ع المشفى

رجف قلبا وارتعبت لتنكشف .. فتحت عيونا ع وسعهن وسندت حالا ع التخت ..
ميلا: لا لاااا بابا .. انا منيحة .. قصدي هلا بصير منيحة

نورة: لك يا امي ازا صاير معك شي قليلنا ونحنا بنتصرف

ميلا: امي ما صار شي .. هلا بصح .. ما تخافو

طلعو ادهم ونورة من عندا وبقيت اريج معا ..
قعدت حدا ع التخت وحطت ايدا ع شعرا ..

اريج: اختي انت متخانقة مع وليد مو ؟؟!
Telegram:@rwayate
ميلا كانت واصلة لقمة الوجع بهاللحظة .. ووقت سالتا اختا فرطت بالبكي وحطت راسا بحضن اختا وضمتا من خصرا ..

تنهدت اريج وقربت من راسا وباستا ..
اريج: اختي انت بتعرفي انو انا بير اسرارك .. حكيلي وفشي قلبك .. ليش تخانقتو

ميلا: يا ريت لو خناقة يا اختي يا ريت (تبكي)

اريج: لكن شو صاير

ميلا: وليد .. وليد الواطي الندل اغتصبني

شهقت اريج وحطت ايدا ع تما وفتحت عيونا ع وسعهن ..
رفعت راسا لاختا واطلعت فيها ..

اريج: كيف يعني اغتصبك .. اطلعي فيني وجاوبيني .. قليليييييي

ميلا: اااخ يا اريج انا عم موت يا اختي

وحكتلا كلشي صار معا واريج عم تبكي ..

ميلا: وهاد يلي صار .. وما عم بعرف شلون اتصرف.. خايفة اهلك يعرفو ويصرلن شي .. وخايفة علي يعرف ويدبحني

مسحت اريج دموعا واطلعت فيها ..
اريج: ما حدا رح يعرف .. وهالكلب لازم تطلقي منو .. بس قبل لازم يتم زواجكن
Telegram:@rwayate
ميلا: مالي طايقتو ابداا .. بموت ازا شفتو

اريج: بدك تتحملي اختي لطالعي حالك من هالقصة

حطت ميلا اديها التنتين ع عيونا وفرطت بالبكي ..

#انتهكت_قيودي_بقلم_امل_احمد (الجزء التاسع)
Telegram:@rwayate
طول هالفترة ووليد يدقلا لميلا ويبعتلا مسجات وهي ما عم ترد ..
ووقت كانت مع اريج دقلا ..

اريج: فتحي الخط وحاكيه

ميلا: ما فيني .. مالي طايقتو

اريج: لك شبك اختي .. شو عم احكي انا من ساعة .. بدنا نمشي الزواج هلا وبعدا بنحلا معو

ميلا: لك من وين اجتني هالمصيبة انا يا ربي

اريج: طولي بالك اختك .. طولي بالك
Telegram:@rwayate
فتحت ميلا الخط ..
ميلا: ليش عم تدق .. شو في

وليد: شتقتلك كتير وشتقت لهالصوت

ميلا: وانا قرفتك كتير .. وقرفت كلشي بيتعلق فيك

وليد: طولي بالك حبي .. طولي بالك شبك

ميلا: شبني؟؟!! لك ولسا عم تسال ؟؟!!

وليد: ليكي عرسنا بعد يومين .. فحاج مكبرة الموضوع

ميلا: مكبرة الموضوع؟؟!! يعني مالك ندمان ؟؟!! ومعتبر يلي صار عادي

وليد: هلا ما في داعي لهالنقاش هلا .. امي قلقانة عليكي كتير .. قلتلا انك مرضانة .. وغير انو طلبت مني ننزل ع السوق لنشتري باقي اشيا العرس

ميلا: اشيا العرس قلتلي .. حسبيا الله عليك .. ربي ينتقم منك ويكسر فرحتك متل ما كسرتني وكسرت فرحتي .. ليك .. وشك ما بدي شوفو غير وقت العرس .. بس قدام الخلق .. وفستان العرس انا بشتري

حكت هيك وسكرت الخط بوشو ..
فركت جبينا بايدا .. (لك شو اعمل بحالي .. شو اعمل)

اريج: الله يصطفل في

مشو هاليومين يلي كانت ميلا عم تحاول خلالن بالزور انو تكون طبيعية وما تحسس اهلا بشي ..
Telegram:@rwayate
نورة: بنتي متاكدة انو انت منيحة .. والله وشك كتير تعبان

ميلا: امي حبيبتي .. كيف ما بدك ياني اتعب وانا رح فارق هالبيت وفارقكن

ضمتا نورة وباستا ع راسا ..
نورة: الله يسعدك يا بنتي ويريح قلبك

اجى يوم العرس والكل مشغول بالتحضيرات ..
لبست ميلا فستانا الابيض وجهز مكياجا ..
وقفت قدام لمراية وما حسنت تحبس دموعا ..

اريج: لو سمحتو تركوني مع اختي شوي

طلعو كل يلي عم يساعدوها لتجهز لبرا وبقيت اريج معا ..
اريج: طولي بالك اختي

ميلا: (تبكي) قديش كنت اتخيل هاليوم وخطط شو رح اعمل .. وفكر بردة فعلو لوليد وقت يشوفني بالابيض .. فكر كيف رح تكون ليلتي الاولى معو .. كلشي راح .. كسرلي فرحتي وقلبي وكرامتي .. انا مخنوقة اختي .. مخنوووقة
Telegram:@rwayate
ضمتا اريج وفرطو تنيناتن بالبكي ..
اريج: يا روحا لاختك .. وكلي امرك لربك وهو رح يساعدك

رفعت راسا ميلا وسحبت نفس طويل ..
ميلا: والنعم بالله .. والنعم بالله

اريج: تعي لعدلك مكياجك اختي تعي

ندق الباب ودخل وليد وامو ونورة ..
وقت شافتو ميلا انقبض قلبا وانخنقت ..
حست اريج عليها .. مسكت ايدا لتهديها ..

ايمان: اسم الله .. شو هالجمال يا كنتي

نورة: الله يحميكي يا بنتي .. الله يحميكي

اطلعت نورة بوليد ومسكت ايدو ..
نورة: بنتي امانة برقبتك يا وليد .. ميلا من اليوم مسؤوليتك .. انتبه عليها منيح .. انت اخدت وردة حساسة ونادرة

وليد: ميلا بعيوني مرت عمي .. ما توصي حريص

انخنقت ميلا بزيادة وما حسنت تتحمل اكتر .. وفرطت بالبكي قدامن ..

اريج: ان شاء الله يتقلعو عيونك التنتين الهي (بينا وبين حالا)

قرب وليد من ميلا ومسكلا ايدا ..
رعشة قوية مشت بجسما لميلا .. بس هالمرة كانت رعشة خوف وكره مو رعشة حب وعشق ..
Telegram:@rwayate
حاولت تسحب ايدا من ايدو .. شد ع ايدا وغمزا ليزكرا بانو هني قدام اهلن ..

تصنعت بسمة ع وشا وهدت حالا قدامن .. ومشيو سوا لبرا ..

حفلة كبيرة وغني وبوفيه مفتوح .. ساعتين كاملين وميلا عم تضغط ع اعصابا لحتى ما تبين شي ..

وخلصت الحفلة وراحو ع بيتن او فيلتن ..
ودّعت ميلا اهلا ودموعا ع خدودا ..

وقت شافتو لعلي بلشت الشهقات تطلع لحالا .. ضمتو وضمتو وضمتو وكانو عم تستنجد فيه ليطالعا من يلي هي في ..

دمعو عيونو لعلي ..
علي: اهدي اختي شبك .. يا روحي انت كل يوم رح كون بخلقتك لوقت تملي مني هههههه

قربت اريج منا وضمتا وبكيت معا .. وهمستلا بادنا ..
اريج: خليكي قوية .. كلشي رح ينتهي ما تخافي

ودعت الكل وسط لدموع وصار وقت تختلي بزوجا ..

دخلو سوا ع غرفتن الخاصة وهني ماسكين بادين بعض ..
ووقت تسكر الباب عليهن ... سحبت ايدا بسرعة من ايدو وصرخت بوشو ..

ميلا: يكون بعلمك كلشي عملتو تمثيل .. ومالي طايقتك بنوب .. ولو ماني مضطرة ما تم هالزواج .. انا بكرهك .. بكككككرهككك

تبسم وليد وقرب منا .. (برافو عليكي .. عملتي زينة العقل مرتي الحلوة)

دفشتو عنا لبعيد وهي قرفانة منو .. (الله يصطفل فيك)

وليد: هههههههه اي يالا بلا ما نضيع وقت غيري تيابك واسبقيني ع التخت

اطلعت في بقرف ورعب .. ومدت اصبعتا بوشو ..
ميلا: نجوم السما اقربلك .. ما رح تلمسني .. مااااا رح تلمسني

قرب وليد منا وهو عم يتبسم ..
وليد: وليش بقى .. نحنا هلا متزوجين .. يعني ما الك حجة

#انتهكت_قيودي_بقلم_امل_احمد (الجزء العاشر)
Telegram:@rwayate
حاولت تهدي حالا بس مالا قدرانة .. قامت من تختا شلحت بدلتا بعصبية وزتتا لبعيد واخدت منشفتا وفاتت ع الحمام ..

وقفت تحت المي الباردة لتحاول تطفي النار يلي شعلانة جواتا .. بس مالا حاسة بالمي وبرودتا .. مالا حاسة غير بالوجع يلي عم ياكلا اكل ..

رجعت بذاكرتا لاول لقاء الها بوليد .. تزكرت دقات قلبا كل ما كانت تشوفو .. تزكرت قديش كان حنون معا ..

دموعا ما عم تهدى .. قعدت ع ارض الحمام والمي لساتا عم تنزل عليها ..

بقيت فترة ما عرفت قديش هي بالزبط .. وافكار عم تاخدا وتجيبا ..
لوقت ندق عليها باب الحمام ..
ارتعبت وانتفض جسما ..

ميلا: مييين !!

ام محمود: انا يا بنتي .. جبتلك كاسة زهورات

ميلا: م.. ما.. ماشي يسلمو اديكي .. تركيها هلا بطلع

سكرت المي وطلعت ولفت حالا بالمنشفة وطلعت من الحمام ..
لبست تيابا وشربت كاسة الزهورات ..

........................
عم تحاول تفتح عيونا .. رفعت راسا .. بس راسا تقيل كتير ..
سندت حالا ع طرف التخت ورفعت حالا .. شهقت ومسكت راسا بئيديها التنتين ..

ميلا: رجع عملا الكلببببب .. لك اااااخ اااااخ

وبلشت تضرب راسا بالتخت وتصرخ ..

ميلا: لك اااخ يا ولييد الكلب ااااخ .. لك ااخ يا ندل يا وااااطي .. ولييييد
Telegram:@rwayate
بهالوقت كان وليد سهران مع امو ..
ايمان: لك شبا هاي .. ليش هم تصرخ

وقفت ايمان لتروح تشوفا .. مسكا وليد من ايدا وهو عم يضحك ..

وليد: وين امي .. تركيها .. حطيتلا فار لعبة حدا .. بتكون فاقت وشافتو هههه .. رح روح شوفا

ايمان: لك هاد وقت مقالب .. الله يصلحك بس

وليد: ههههه قعدي امي رح روح شوفا

دخل وليد الغرفة .. كانت ميلا منهارة وعم تطرق راسا بالتخت .. ووقت شافتو زادت بزيادة .. وبقيت عم تطرق راسا وتصرخ لوقت حست حالا ما عم تحسن تاخد نفس .. وعيونا عم يغبشو .. وغميت ..

ركض لعندا وليد وهو مرعوب ..
وليد: ميلا .. ميلا .. فيقي .. ميلااا .. لك ياااا امييييي .. اميييييي

اجت ايمان ركيض من برا .. شافت ميلا بحضنو لوليد غميانة .. ووليد عم يبكي متل الولد لصغير .. جنت ايمان وركضت لعندن ..

ايمان: لك شو صار .. شبا .. شباا

وليد: 😭😭😭 انا السبب يا امي .. انا السبب
Telegram:@rwayate
ضمتو ايمان لصدرا..
ايمان: ام محموووود .. طلبي الاسعاااااف بسسسرعة

اجت ام محمود ركض لعندا ..
ام محمود: شو صرلن

ايمان: طلبي الاسعاااف

ام محمود: حاضر حااضر

*بالمشفى*

ميلا بغرفة الطوارئ وايمان برا عم تستنى ع نار .. رايحة جايي وعم تفرك باديها ..

اجت نورة وادهم وعلي ..
نورة: دكتورة طمنيني شبا بنتي .. شبا

ادهم: شو صاير معن

ايمان: طولو بالكن .. ان شاء الله خير .. بس ليطلع الدكتور وبنفهم منو

علي: وينو وليد .. ليش مو هون

توترت ايمان ..
ايمان: و.. وليد راح ليشتريلا مقويات .. الظاهر جسما ضعيف وما بيتحمل زواج

نورة: بنتي جسما ضعيف!! يا ربي دخيلك .. والله كنت عرفانة انو بعد هالمرضة ما رح تتعدل صحتا

مسكا ادهم من ايدا ليهديها ..
ادهم: طولي بالك .. طولي بالك

طلع الدكتور من الغرفة والكل عيونن عليه .. وناطرينو ليحكي شي ..
Telegram:@rwayate
الدكتور: البنت عندا سوء تغذية .. والاهم من هالشي الظاهر انو مرت بازمة نفسية

ادهم: ازمة نفسية !!!!

نورة: لا حول ولا قوة الا بالله .. يا ربي دخيلك

ايمان: وهلا يا دكتور .. شو رح نعمل

الدكتور: خليا عنا الليلة لنعطيا مغذي ومقويات .. وبكرة الصبح بنقرر شو رح نعمل كرمال نفسيتا

ادهم: ماشي دكتور .. يعطيك العافية
Telegram:@rwayate
كانت ليلة كتير سيئة ع الكل .. لبعد ساعة من فحصا لصحت ميلا وقدرت تحكي ..

نورة: شبك يا روحا لامك .. شو صرلك

ميلا: (تبكي) امي .. خديني معك بترجاكي .. خديني معك

ادهم: اهدي يا بنتي اهدي .. ما تخافي كلشي رح ينحل

رجع الكل ع بيتو وبقيت نورة مع ميلا ..
نورة: هاي صرنا لحالنا .. هاتي حكيلي شو صار .. ما تمت دخلتكن؟

ميلا: مبلاا .. مبلا امي .. بس انا ما عاد بدي وليد .. مالي طايقتو يا امي .. ماالي طايقتو

نورة: لا حول ولا قوة الا بالله .. سمعيني يا روحي .. كتير بنات بيمرو بهيك حالة نفسية ليلة الدخلة .. بس يا امي بدك تطولي روحك .. وانا رح حاكي لوليد بكرة ما تخافي .. بس انو ترجعي معي ع البيت ما رح يمشي الحال يا روحي .. والله العالم ما رح ترحمنا

ميلا: بس يا امي....

نورة: طولي بالك وما تخافي .. انا رح حاكي وليد وامو .. وما رح يصير غير يلي بدك ياه

استسلمت ميلا لقدرا وعرفت بانو ما في مهرب .. وبدا تتحمل لفترة ..

#انتهكت_قيودي_بقلم_امل_احمد (الجزء الحادي عشر)
Telegram:@rwayate
رجعت ميلا من المشفى واستقبلا وليد .. سلمت علي عادي وكانو ما صار شي ..

وليد: الحمد لله ع سلامتك

ميلا: الله يسلمك .. شكرا

ايمان: يالا يا ولاد ع غرفتكن لترتاحو

انقبض قلبا لميلا .. راحت ع غرفتا بخطوات متثاقلة .. دخل وليد وراها وسكر الباب ..

كانت لافة وشا وهو وراها ..

وليد: ميلا .. انا اسف كتير علي صار .. ما كان بدي يصير هيك صدقيني

ميلا: هههه ما كان بدك يصير هيك !!

لفت وشا عليه وعيونا حمر متل الجمر ..
ميلا: بس بدي افهم ليش هيك عم تعمل .. لك انا بشو غلطت معك .. بشو اذيتك لتاذيني .. بشووو .. عم تحطلي منوم ؟؟ اي ماشي وليد .. انا بعرف كيف حلا .. بس يكون بمعلومك انت بنظري مجرد حثالة .. انت .. انت ولاشي .. ولااااشي
Telegram:@rwayate
ونزلت من عينا دمعة بالغصب .. مسحتا بسرعة ولفت وشا وراحت ع الحمام ..

ايام عم تمضى وميلا عم تعدن بالثانية .. عم تستنى لتمشي فترة وتقدر من بعدا تطلب الطلاق وتخلص منو لوليد ..

رجعت لدواما بعيادة الدكتورة ايمان لتبعد عن جو التوتر وتهدي حالا شوي ..

ووليد عم يداوم بالشركة .. وما بيرجع غير باخر الليل ..

ومع كلشي صار ما فيها تنام كل ليلة غير وقت تطمن علي لوليد انو اجى ع البيت ..

ومتل العادة عم تستنى بغرفتا ليجي وليد .. سمعت صوت سيارتو .. طلت من الشباك لتطمن عليه .. ووقت شافتو تنهدت ..

ميلا: ما بعرف شو بدي قول ... الله يصطفل فيك او الله يسامحك

مسحت دمعتا وراحت ع تختا غمضت عيونا لتبينلو بانو هي نايمة ..

دخل وليد الغرفة بهدوء .. حست بخطواتو الهادية لوصل تختا .. صوت نفسو عم تسمعو ..
وقف قلبا من الخوف .. وعم تفكر كيف رح تتصرف ازا قرب منا ..

حست بايدو ع شعرا .. ملسلا عليه وقرب منا وباسا ع راسا بوسة خفيفة .. وسمعت شهقة فلتت منو ..
Telegram:@rwayate
بقيت طول الليل وهي عم تفكر بهالتصرف يلي تصرفو ..

تاني نهار .. خلصت دواما ودقت لاريج ليلتقو بمطعم .
ميلا: والله ما عم افهمو .. لك كل وقت بشخصية .. احيانا بكون هادي ورايق واحيانا بكون متل الوحش

اريج: اي اختي .. شو يعني .. تراجعتي عن قرارك

ميلا: مستحيييل .. يلي عملو فيني ما بينتسى .. بكرة رح روح لعند الدكتورة لاطمن انو ما في حمل ومن بعدا ع المحكمة .. وما رح اسال حدا ولا رح شاور حدا
اريج: شو يعني ازا حامل !!! شاكة بانك حامل ؟؟؟؟

ميلا: لك لا .. بس بدي اطمن

اريج: اي وازا طلعتي حامل .. شو رح تعملي

ميلا: رح نزلو من غير ما حدا يعرف لاخلص من هالقرف بسرعة

اريج: بس اختي هالشي حرام

ميلا: ويلي عم يصير في .. ويلي عملو فيي .. مانوو حراااام

اريج: اهدي اهدي اختي .. ان شاء الله ما تكوني حامل

ميلا: امين يا رب

رجعت ميلا ع البيت وكالعادة مباشرة ع غرفتا تحممت ومن بعدا راحت ع المطبخ جهزت اكلا بايدا واكلت ورجعت ع غرفتا ..
Telegram:@rwayate
بهاليوم كانت كتير تعبانة .. وغفيت قبل ليوصل وليد .. فاقت بالليل ع صوت نفسو وريحة عطرو يلي كانت بيوم من الايام تعشقا ..

ارتعبت وقت حست في حدا .. بس وقت تطمنت انو نايم هديت ..
مع كلشي صار الا انها حست براحة كبيرة وهي بحضنو ..

ميلا: (بينا وبين حالا) حسك قلبك بانو هاي اخر ليلة الي بهالبيت .. اخر ليلة (تبكي)

بقيت لوش الصبح وهي عم تفكر بكلشي مر معا من وقت التقت بوليد لهاللحظة .. وغفيت عينا وهي لساتا عم تفكر ..

فاقت الصبح اتلفتت حواليها .. بس ما لقتو لوليد حدا ..

جهزت حالا وطلعت لعند الدكتورة ..
الدكتورة عم تفحصا وهي قلبا ما عم يهدى .. الخوف قتلا .. وملامح الدكتورة خوفتا بزيادة ..

ميلا: خير دكتورة .. شو صاير طمنيني

الدكتورة: هلا انت شلون عم تقولي انك مزوجة وعم تسالي ازا حامل
Telegram:@rwayate
ميلا: ما فهمت .. وين المشكلة

الدكتورة: المشكلة انك انت لساتك بنتك .. يعني ما بعرف شو بدي قلك .. معقول بنت بعمرك ما بتعرف كيف الزواج والدخلة

رمشت ميلا بعيونا وفتل راسا .. عم تحاول تستوعب يلي سمعتو من الدكتورة ..

ميلا: ما فهمت .. كيف يعني لساتني بنت .. يعني دكتورة انت متاكدة من هالشي

الدكتورة: طبعا متاكدة .. انت لساتك متل ما ربك خلقك

ميلا: ماشي .. ماشي دكتورة .. شكرا كتير

وتركت الدكتورة عم تطلع فيها باستغراب وطلعت ركيض من العيادة ..

#انتهكت_قيودي_بقلم_امل_احمد(الجزء الثاني عشر)
Telegram:@rwayate
طلعت ميلا من عند الدكتورة ولساتا ما عم تستوعب يلي سمعتو .. ازا كانت لساتا بنت لكن شو يلي عملو وليد .. وليش هيك تصرف ..

ما عادت فهمت شي .. ومالا غير اريج لتفشلا قلبا وتخبرا ..
دقتلا وتلاقو ..

اريج: طمنيني اختي .. والله ما حسنت ركز بشي طول لنهار

ميلا: ما عم افهم شي اريج .. مااا رح تصدقي شو صار

اريج: اييي .. احكي بسرعة

ميلا: اريج انا لساتني بنت

ديقت اريج بعيونا ورجعت فتحتن واطلعت بميلا ...
اريج: ما فهمت .. كيف يعني بنت
Telegram:@rwayate
مسكت ميلا ايدا لاريج وهي عم ترجف ..
ميلا: يعني وليد ما لمسني يا اريج .. ما لمسني

سحبت اريج ايدا من ميلا وفركت فيها جبينا ..
اريج: لحظة لاستوعب لحظة .. يعني ازا كان وليد ما لمسك لكن شو يلي صار .. وشو عم يعمل

ميلا: ما بعرف .. ما بعرف .. والله رح جن .. بس ما بتعرفي قديش ارتحت وقت عرفت

اريج: اي .. اي الحمد لله .. بس لازم تعرفي شو يلي صار .. في شي مالو واضح اختي

ميلا: اي اكيد لازم اعرف .. لهيك ما رح روح ع المحكمة ورح واجهو لوليد

اريج: بس اختي اناما عاد اوثق في لوليد .. الله اعلم شو عم يخطط

ميلا: يلي كان مخوفني فيه راح .. هلا ما عندوشي ضدي .. لهيك هو صار لازم يخاف مو انا

اريج: الله يحميكي اختي

ميلا: عم ازعجك بمشاكلي. . بس ما فيني خبر حدا تاني
Telegram:@rwayate
اريج: لك شو عم تحكي انت .. اساسا لو اعرف انك مخبية علي شي بدبحك

ميلا: هههه ماشي .. انا رح روح ع العيادة هلا .. والمسا رح حاكي وليد .. دعيلي

اريج: الله يحميكي ويبعد شرو عنك

وقفت ميلا ضمتا وبوستا وراحت ..

كانت عم تشغل حالا بالمرضى لحتى يمضى الوقت بسرعة وما تحس عليه ..
ايمان لاحظت شرودا وتصرفاتا الغريبة ..

ايمان: ميلا بنتي .. ازا كنت تعبانة رجعي ع البيت

ميلا: لا لا ابدا.. مالي تعبانة

ايمان: لكن شو صاير ؟ رجع وليد دايقك ؟

ميلا: لا ابداا .. ما تشغلي بالك .. انا منيحة

حطت ايمان ايدا ع كتف ميلا واطلعت فيها بعيون تعبانة ..
ايمان: ميلا يا روحي .. انا وقت خترتك لابني .. اخترتك وانا عارفة انو ابني رح يحبك .. وصدقيني وليد بيعشقك وبيموت فيكي .. وشو ما كان صار بينكن .. تاكدي انو عملو ليكسبك حدو

هزت ميلا براسا والف سؤال وسؤال عم بدورو بخاطرا ..

خلص الدوام ورجعت ع البيت .. وبقيت ناطرتو لوليد ع نار ..

طفت ضو الغرفة كالعادة .. بس هالمرة قعدت ع الكرسي .. وما نامت..
Telegram:@rwayate
دخل وليد ع الغرفة وهو هلكان .. تعبو كان نفسي اكتر منو جسدي ..
فتح الباب ودخل بهدوء .. مشى لعند التخت.. ووقت ما شافا لميلا ع التخت ارتعب .. وركض ع ضو الغرفة وشغلو ...

وليد: ميلا .. ميلاا

وقفت ميلا واطلعت فيه .. (انا هون )

تنهد وليد وتبسم .. (شو عم تعملي .. ليش لساتك فايقة)

ميلا: كنت ناطرتك

تبسم وليد وضحكت عيونو .. (جد!! ناطرتيني لالي .. والله كنت عرفان ما بهون عليكي)

وقرب لعندا وبدو يضما ..
رجعت لورا وحطت ابدا بيناتن لتوقفو ..
Telegram:@rwayate
ميلا: في موضوع مهم بدي حاكيك في

وليد: شو صاير

ميلا: وليد .. طلقني

وليد: شو عم تقولي انت .. انا قلتلك مستحيل طلقك

ميلا: وانا قلتلك مستحيل ا ب ق ى معك .. مستحيييييل

وليد: بس انت يلي رح تخسري .. ا... ا... انا قلتلك رح افضحك وقلن انك مالك بنت وانا عم حاول ستر عليكي

ضحكت ميلا ومشت لعندو لحتى ما بقي بيناتن فراغ وحطت عيونا بعيونو ..
ميلا: بس انا بنت

توتر وليد وبعد عنا ..
وليد: هههههه الظاهر طق مخك انت .. قال بنت قال

ميلا: وليد .. انا اليوم كنت عند الدكتورة وخبرتني اني بنت .. هلا بدي افهم كلشي .. بدي افهم شو يلي صار وعم يصير .. هلاا

وليد: (صريخ) هالدكتورة غبية وما صار شي .. وانت مالك بنت .. وطلاق ما في

حكا هيك وطلع من الغرفة وطرق الباب وراه بعصبية .. وطلع من كل البيت ..

ميلا: يا ربي دخيلك .. شو رح اعمل انا هلا ... ما عاد فيني اتحمل

جهزت كل اغراضا الشخصية بسرعة ودقت لعلي ..
علي: لك ليش شو صاير

ميلا: اخي بدك تجي او لا

علي: لك جابي .. جاييي
Telegram:@rwayate
اجى علي واخدا من بيتا .. طول الطريق وعلي عم يسالا وهي ساكتة ما عم تحكي شي ..

وصلت لبيت اهلا ونزلت اغراضا ودخلت ..
اهلا كلن كانو ناطرينا ع نار ليعرفو يلي صار ..

ادهم: شو يلي صار يا بنتي .. ليش حردانة

نورة: عين وصابتن يا ادهم

#انتهكت_قيودي_بقلم_امل_احمد (الجزء الثالث عشر)
Telegram:@rwayate
لاول مرة من وقت الحادثة ميلا بتحس براحة حقيقية .. من وقت هديك الحادثة وهي عم تعيش كوابيس .. لا اكلا اكل ولا نوما نوم ..

بس هلا وقت اطمنت ع حالا تريحت كتير .. بس مليون سؤال وسؤال عم يدورو براسا ..
وغصة قافلة ع صدرا وخانقتا ..

من بين كل الافكار يلي كانت عم تدور براسا غفيت ميلا ونامت ..

فاقت ع صوت جوالا عم يدق ..
فتحت عيونا بصعوبة .. اخدت الجوال من حد التخت واطلعت ع الرقم .. كان رقم ايمان ..

ميلا: ما رح رد .. تركوني بحالي حااج

كتمت الصوت ورجعت غمضت عيونا لتنام .. بس جوالا رجع دق مرة وتنين وتلاتة ..

ميلا: اوووف ياااه .. حاااج بقى

وعصبت وطفت الجوال ..

بعد بشوي ندق باب للغرفة واجت اما والقلق باين عليها ..

نورة: امي ميلا .. حبيبتي حماتك بدا تحاكيكي .. خدي التلفون حاكيها

هزت ميلا راسا بنفاذ صبر واخدت التلفون من اما ..
ميلا: تفضلي دكتورة

كان صوتا مرعوبة وعم تبكي ..
ايمان: وليد يا ميلا .. وليد جن وكسر البيت فوق روسنا .. الله يرضى عليكي يا بنتي استهدي بالله ورجعي

ميلا: ما عاد فيني اتحملو اكتر .. ما حدا فيكن بيعرف شو يلي عملو فيني .. حااج .. ما عم اتحمل اكتر
Telegram:@rwayate
ايمان: ميلا يا بنتي .. وليد بيحبك وبيعشقك .. صدقيني انا ام ومن عيونو بفهمو

علقت دمعة بعينا لميلا وانخنق صوتا ..
ميلا: وانا حبيتو لوليد .. بس هو كتير ازاني وتعبني .. بدي ارجع لميلا القوية مو ميلا الهشة .. ابنك كسرني .. ما فيني عيش معو .. مستحيل

ايمان: بس يا ميلا .....

ميلا: دكتورة لو سمحتي .. هالمشكلة بتخصني انا ووليد .. ما بدي حد فيكن يدخل فيها

ايمان: لا حول ولا قوة الا بالله .. الله يهديكي يا بنتي

سكرت ميلا الخط مع ايمان وعطت التلفون لاما ..

نورة: بنتي .. هالقرار مو سهل .. فكري منيح .. بلا ما تندمي بالمستقبل

ميلا: امي ما تشغلي بالك .. رح حلا

نورة: ان شاء الله يا بنتي

طلعت نورة من الغرفة وتركتا لميلا بحيرتا ..
ميلا: يا ربي دخيلك صبر قلبي وقويني ياا رب

مسكت تلفونا وفتحتو .. وصلا رسالة .. كانت من وليد ..فتحتا ..

وليد.. (اي سكري تلفونك ميلا .. ازا ما رجعتي بالمنيح رح رجعك بالغصب .. ورح خليكي تندمي ع طلعتك من البيت)
Telegram:@rwayate
ميلا: لك الله ياخدك شو وسخ .. عم تهدد كمااان

فاقت اريج ع صوتا ..
اريج: شبك اختي ع الصبح

ميلا: وليد جانن عم يكسر البيت وهلا باعتلي رسالة تهديد

اريج: اي اعلا ما بخيلو يركبو .. انسي كلشي وعيشي حياتك عادي

ميلا: هاد يلي رح اعملو .. رح قوم جهز حالي وروح ع العيادة

اريج: بس يمكن يروح لهنيك

ميلا: اي ويروح .. اساسا ما شفيت غليلي منو حابة شرشحو

ونزلت عن تختا وراحت ع الحمام لتجهز حالا ..

تنهدت اريج .. (الله يقويكي يا اختي )

جهزت حالا وفطرت مع اهلا وهي عم تحاول تخبي وجعا عنن وترسم ضحكة مصطنعة ع وشا ..
Telegram:@rwayate
ميلا: بالازن منكن .. رح روح

علي: ستني اختي .. انا بوصلك

ميلا: اكيد ما رح قول لا .. يالا

طلعو علي وميلا سوا ..
علي: ميلا اختي .. بعرف انك موجوعة وعم تخبي .. صدقيني قلبي عم يجعني عليكي ويلي موجعني اكتر انو مو طالع بئيدي شي لساعدك

ميلا: شو هالحكي اخي .. ربي ما يوجعلك قلب .. انا صح متوجعة وكتير مو شوي .. بس رح اتخطى هالشي ما تخاف علي .. كلا فترة وبتعود وبنسى .. لا تشغل بالك انت

علي: الله يرضى عليكي يا اختي .. ايا شي بدك ياه .. ايا شي .. وبايا وقت فيكي تيجي وتقليلي .. رح وقف حدك وساعدك شو ما كان الوضع

ميلا: ربي يحميك اخي وما يحرمني منك

وصلت ميلا للعيادة .. ودعت علي وبقيت واقفة لتطمنت انو راح .. ودخلت لجوا لتطلع ع العيادة ..
وصلت لنص الدرج .. وانصدمت وقت شافتو واقف قداما ..

وليد: تفاجاتي مو ؟؟

ميلا: بعد من طريقي

وليد: اي وازا ما بعدت

ميلا: بصرخ وبلم عليك كل البناية
Telegram:@rwayate
وليد: هاد ازا لحقتي

وبخ مخدر بنص وشا ..
ترنحت ع الدرج .. مسكا قبل لتوقع وحملا واخدا ع سيارتو ..

حطا بالسيارة من ورا وساق السيارة متل المجنون وهي غفيانة ..
وليد: (يبكي) لك ليش رحتي ليييش .. لك قلتلك رجعي وما سمعتي مني .. لك لييش لييش

كان عم يصرخ ويضرب بالمقود قدامو ويبكي ..

وصل للشركة .. واخد السيارة للمخازن .. دخلا ع المخزن .. سطحا ع الارض وربطلا اديها واجريها وحطلا لاصق ع تما .. وتركا وراح ..

بعد بوقت فاقت ميلا .. انصدمت وقت شافت حالا بالعتمة بمكان ما بتعرفو ومربطة ..
عم تحرك حالا لتحاول تحل حالا بس عبث .. ما قدرت تعمل شي ..
نزلو دموعا ع خدا من قهرا .. ومن كرامتا يلي لساتا عم تنتهك مرة ورا مرة ..

كان وليد قاعد بمكتبو وعم يطلع عليها وهي عم تحاول تفك حالا وعم يضحك بصورة جنونية ..

تركا طول لنهار بالمخزن .. واهلا قلبو الدنيا عليها .. ودقو لايمان ليسالوها ..
Telegram:@rwayate
ايمان: بس ميلا ما اجت عندي اليوم

#انتهكت_قيودي_بقلم_امل_احمد (الجزء الرابع عشر)
Telegram:@rwayate
لبست ميلا تيابا وهي لساتا بحالة صدمة ..
يلي صار معا قبل بشوي .. تهجم وليد الهمجي عليها .. وجود علي بلحظة قداما .. ووليد يلي بالارض وما بتعرف شو صرلو ..

علي: اختي خلصتي

ميلا: ا ..ا.اي .. اي اخي

لف وشو عليها وراح لعندا وضما بقوة ..
فرطت ميلا بالبكي وهي بحضنو لعلي ..

علي: خلص اختي .. اهدي .. اهدي يا روحي

رفعت ميلا راسا واطلعت بعلي..
ميلا: شو رح نعمل هلا
Telegram:@rwayate
علي: ولاشي .. رح نتركو ونروح .. بلكي مات وخلصنا منو

ومسك ايدا ليمشو ..
سحبت ميلا ايدا ..

ميلا: بس اخي .. ما فيني سامح حالي ازا صرلو شي .. رح حاول فيقو

تنهد علي بنفاذ صبر ووقف يطلع فيها وهي عم تحاول تفيقو ..
بس كل محاولاتا ما زبطت وما فاق وليد ..

ميلا: بدو مشفى اخي .. خلينا ناخدو

علي: بامرك انا اختي

حملو تنيناتن ع السيارة واخدو ع المشفى ..
وهني بالطريق دق تلفونو لعلي .. وكان ادهم ع الخط ..

ميلا: اعطيني .. انا بحاكيه

حكت ميلا مع ابوها وخبرتو يلي صار وطلبت منو يخبر ايمان بانو وليد صار بالمشفى ..

دخلو مباشرة ع الطوارئ وبقيو برا عم يستنو ..

بعد بشوي وصلو ادهم ونورة ومعن ايمان ..

وقت ايمان شافت ميلا انهارت .. قربت ميلا منا وضمتا لتهديها ..

ميلا: رح يكون منيح ما تخافي .. رح يكون منيح

ايمان: ميلا في موضوع بدي حاكيكي في لحالنا

ميلا: تفضلي

بعدو ع جنب وقعدو ع مقعد لحالن ..
Telegram:@rwayate
ايمان: صرلي سنين عم حاول ما خلي يوصل لهالمرحلة .. بس الامور فلتت من ايدي مرة وحدة (تبكي)

انصدمت ميلا واطلعت فيها ..
ميلا: سنين!!!

ايمان: في شي ما بتعرفي عن وليد يا ميلا .. ما حبيت خبرك بشي لحتى تكون علاقتكن طبيعية .. بس الظاهر كنت غلطانة

ميلا: شو يلي ما بعرفو

ايمان: وليد يا ميلا مريض .. مريض نفسي

انصدمت ميلا واطلعت فيها برعب ..
ميلا: ك... كيف .. كيف يعني .. ما فهمت .. وليش مريض .. ومن ايمت

ايمان: (تبكي) وقت كان بالجامعة حب بنت كتير وتعلق فيها .. بقيت علاقتن سنين لوقت تخرجو من الجامعة .. وطلبتلو ياها للبنت وتمت امورن بسلام ليوم عرسن .. بيوم العرس البنت اختفت وما اجت ع الحفلة

ميلا: كيف يعني اختفت

ايمان: الكل بالبداية خاف عليها .. وبلشنا ندور بكل مكان لوقت عرفنا بانو البنت هربانة مع ابن جيرانن

ميلا: يا لطيييف

ايمان: بوقتا وليد ما ابدا ولا ردة فعل .. وكان طبيعي كتير .. بس بعد ست شهور بلش يتغير كتير .. صار انسان تاني وبلشت عندو نوبات عصبية واحيانا نوبات بكي متل الاطفال .. وكوابيس بالليل
بلشت عالجو انا ودور ع النت عن كلشي بيخص علم النفس لطالعو من الحالة يلي فات فيها ..
عملت جهدي لاقنع ابو بانو يستلم فرع من الشركات يلي بيملكا .. وبالفعل استلم فرع المنطقة هون .. وبلشت نفسيتو تتحسن شوي عن قبل وبلش يهدى .. وكان لازم شفلو بنت تقدر تطالع هديك الكلبة من قلبو وفكرو .. ووقت شفتك دخلتي لقلبي وتاكدت بانو رح تدخلي لقلب وليد بطيبتك وباخلاقك
Telegram:@rwayate
ميلا: ماني عارفة شو لازم احكي

وقفت ميلا وهي كتير متوترة ورايحة جايي عم تفرك باديها ..

ميلا: ليش ما خبرتيني .. ليييش .. انت ما بتعرفي شو يلي مريت في انا ولا بتعرفي شو عمل فيني وليد .. وليد دخلني بحالة اكتئاب .. وليد كسرني وكسر كرامتي .. ليش ما خبرتيني لييييش

ايمان: لاني ام .. وخفت ع ابني .. خفت ما تقبلي فيه.. وكنت شايفتو عم يتحسن .. وشفتو قديش حبك .. لهيك ما حبيت خبرك بشي

ميلا: يا ربي دخيلك .. يا ربي دخيلك

طلع الدكتور من الغرفة وركضو تنيناتن لعندو ..
الدكتور: الحمد لله وضعو هلا مستقر وتجاوز وضع الخطر

ايمان: الحمد لله يا ربي .. الحمد لله

تنهدت ميلا وحمدت ربا بينا وبين حالا ..

علي: يالا اختي .. هاي اطمنا عليه .. مشي معي ع البيت ..

اطلعت ايمان فيها وهي عم تترجاها بعيونا ..

ميلا: لا اخي .. رح ابقى هون .. روحو انتو

ادهم: ميلاااا .. بنتي شو رح تبقي تعملي هون
Telegram:@rwayate
نورة: حاج يلي صار يا بنتي

ميلا: بترجاكن وثقو في .. ما فيني اترك وليد هلا

علي: لا حول ولا قوة الا بالله .. لك انت جنيتي اختي .. لك نسيتي قبل بشوي شو صار .. نسيتي

قربت ميلا من علي ومسكت ايدو ..
ميلا: مستحيل انسى اخي .. بس ما فيني اترك وليد هلا .. وكمان ما تنسى انو وليد زوجي

سحب علي ايدو منا بقوة وعصبية وتركا وراح لبرا ..

ادهم: ازا غيرتي رايك دقيلي

حكالا هيك ومشا هو ونورة وراحو .. وبقيو ايمان وميلا لحالن .. قاعدين عم يستنو لساعات لوقت اجى الدكتور لعندن ..
الدكتور: مين ميلا يلي عم يردد اسما

ميلا: انا دكتور

الدكتور: فوتي لعندو .. ما عم يهدى .. يمكن ازا شافك يهدى شوي

ميلا: ماشي دكتور رح فوت

فاتت ميلا لعندو ووقت شافتو بالحالة يلي كان فيها وجعا قلبا عليه ..

#انتهكت_قيودي_بقلم_امل_احمد (الخامس عشر)
Telegram:@rwayate
تلت ايام ووليد بالمشفى .. وميلا ما تركتو ابدا .بقيت حدو ..

وصار وقت يطلع من المشفى .. طلعو من المشفى وراحو سوا ع بيتن ..

وصلّت ميلا وليد ع غرفتن وساعدتو ليتسطح ع التخت ..

وليد: يسلمو اديكي يا روحي

ميلا: رح روح جيب مي لشربك الدوا

طلعت ميلا لبرا لتجيب مي .. كانت بالمطبخ عم تعبي بالمي .. اجت ايمان من وراها ..

ايمان: ما بعرف كيف فيني اتشكرك علي عملتيه مع ابني

ميلا: انا ما عملت هالشي كرمالك .. انا عملتو كرمال وليد ... وما رح سامحك ع كلشي مريت فيه .. ولا رح سامحك ع الكسرة يلي بقلبي

ايمان: ما بعرف شو فيني قول

ميلا: ما تقولي شي .. رح روح شوف وليد

طلعت ميلا من عندا وراحت لوليد ..

ميلا: يالا رفاع حالك لتشرب الدوا

وحطت ايدا ورا راسو لتساعدو يرفع حالو .. سندتو وحطت مخدة ورا ... وقعدت حدو وحطت حبة الدوا بتمو وشربتو مي ..
Telegram:@rwayate
اجت عينا بعينو .. كان عم يطلع فيها بعيون كلا ندم وعشق وحب ووله ..
تكركبت من نظراتو ورجف قلبا ..

ميلا: ص.. صار لازم تنام هلا لتريح شوي

وليد: ما بدي نام .. بدي ضل طول عمري مفتح عيوني واطلع فيكي .. بدي اشبع من هالعيون والطيبة يلي فيهن .. ما بدي ضيع ولا لحظة من لحظاتي معك .. بدي ضل شوف خجلك يلي بيقتلني قتل .. ميلا انا بعشقك

ميلا: وليد حاج حكي بلا ما تتعب هلا

وليد: ما رح ارتاح غير وقت احكي معك بيلي صار .. ميلا انا اول مرة شفتك فيها عنا هون بالبيت كركبتيني .. ووقت شفتك المرة التانية طق عقلي فيكي .. وكل مرة كنت شوفك فيها كنت اتعلق فيكي اكتر .. وكل يوم كان النا سوا كان حبي الك يكبر اكتر واكتر .. بس وقت قرب موعد العرس بلشت حس برعب انو افقدك وتروحي مني .. ما كنت متحمل فكرة انو تتركيني ابدا .. وما لقيت غير هالطريقة لاربطك فيّ وما خليلك مجال تبعدي عني .. بعرف اني اذيتك كتير وبعرف اني تصرفت بغباء .. ما رح سامح حالي ع كلشي صار

تبسمت ميلا واطلعت في ..
ميلا: بلا ما نحكي هلا .. نام وبعدين بنحكي

وليد: تعي نامي حدي

ميلا: و.. وليد .. تركني براحتي هالفترة .. نفسيتي ما عم تتحمل شي .. بدي فترة لاتجاوز هالشي

وليد: براحتك يا روحي .. وانا ما رح اطلب شي غير انو تبقي حدي
Telegram:@rwayate
.....................

مرت الايام وبلش وليد يتحسن .. ورجع لشغلو بالشركة .. وميلا رجعت لدواما بالعيادة .. وبلشت حياتن تستقر ..
بس ميلا كانت لساتا متاثرة بيلي صار معا .. ونفسيتا ما عم تتقبل وليد متل قبل ..

ووليد كل يوم عم يعمل شي جديد ليحاول يتقرب منا وليرجعا ميلا القديمة يلي وقت تطلع فيه عيونا بيلمعو ..

كل وقتو صار لميلا .. ما عم تروح من بالو بنوب ..

كان بالشركة وعقلو عندا .. مسك تلفونو ودقلا ..
وليد: كيفا حبيبتي

ميلا: تمام يا روحي .. انت كيفك

وليد: مشتقلك .. كتير

ميلا: ممممممم

وليد: هههههه شو يعني هاي

ميلا: يعني ازا مشتقلي تعا

وليد: لك الف طلب متل هالطلب .. رح اجي فوراا
Telegram:@rwayate
راح وليد لعندا ع العيادة ..
وقت شافتو دق قلبا وملامح وشا كلا تغيرت .. ما فيها تخبي الفرحة وقت بتشوفو ..

ميلا: هلا هلا

وليد: هلا بعيوني .. امشي يالا

ميلا: لوين

وليد: انت تعي ومن غير سؤال

ومسكا من ايدا وسحبا وراه ..

ميلا: لك استنى .. استنى شوي ههههههه .. بس لجيب شنتايتي وخبر امك

وليد: ماشي .. سابقك ع السيارة

اخدت ميلا شنتتا وخبرت ايمان بانن طالعين سوا وراحت لعندو ع السيارة ..

ميلا: اي .. لوين رايحين

وليد: هششش .. سكتي

ميلا: حاضر

وهني ماشيين بالسيارة شاف وليد عرباية ذرة .. وقف ونزل اشترى ذرة ..

ميلا: لك يسلموو .. صرلي زمان ما اكلتا

ومدت ايدا لتاخدا .. ضربا ضربة خفيفة ع ايدا .. وبعد الذرة عنا ..

وليد: هاي ما بتتاكل هون .. هلا بورجيكي وين بتتاكل

ميلا: هههههه ماشي .. الله يستر من مفاجآتك .. حاكم صاير ابو المفاجآت

وليد: ههههه كلو كرمال هالعيون يلي اخدولي عقلاتي

اخدا وليد وراح فيها ع منطقة عالية كتير .. كلا شجر كينا ..
وقف السيارة ..
وليد: يالا تفضلي

نزلو من السيارة ومشو لوصلو مقعد خشب تحت شجرة كينا بيطل ع كل المدينة ..

ميلا: ياااه ما اجمل هالاطلالة
Telegram:@rwayate
وليد: ما في جمال وانت موجودة يا روحي

قعدو سوا ع المقعد ومسك وليد بايدا لميلا ..
وليد: يالا هلا كلي الذرة

ميلا: ههههه والله معك حق .. الجو هون غير شكل

كانو قاعدين والجو حواليهن هدوء كتير .. ما في غير صوت الهوا يلي عم يلعب بالشجر .. ونسمات الهوا عم تهب عليهن ..

تنيناتن كانت قلوبن عم تدق بصورة غريبة ..

بلحظة ميلا حست حالا ما عادت قدرانة تبعد عن وليد اكتر .. هي بحاجة لتحط حالا بحضنو وتحس بنبضات قلبو وتحسسو بنبضات قلبا ..

قربت ميلا منو وحطت راسا ع كتفو ..
ضما وليد وهو حاسس حالو بهالحظة ملك الدنيا كلا ..