📚قصص||روايات||منوعة📚

امينة : لا ما بدي دخل الاولاد بمشاكل الكبار, ما ذنبا بطمع ابوا , خلينا ندخل حدا كبير بالموضوع و يحكيه لهل البغل و يفهمو الاصول
فاتن: ما رح نستفاد شي ,هادا راسو يابس , متل ما شايفتك رح نوكل المحامي بالاخير و رح نجيب حقنا بالقانون
امينة: معلش خلينا نحاول قبل ما نسمع العالم فينا
نزلت من البيت انا و خالتي فاتن , هي راحت على بيتا و انا تابعت على بيتي , فتت طبخت انا و فكري مشغول بورتة بيت جدي و اخوالي يلي بدن ياكلو حق اخواتن بس لانن بنات , خفت اكتر على بناتي من هالدنيا انو تظلمن بس لانو بنات , رن الجرس , رحت فتحت الباب , كانت سالي و سحر و سارة راجعين من المدرسة
سوزان : فوتو يلا
سالي: امي شو طابختيلنا ؟
سوزان : اكلة بتحبوا , م ع ك ر....
سحر : معكرونة
سالي: سباكيتي واو
سوزان : غيرو تيابكن و تعو كلو يلا
سالي: ماما اليوم بدنا نروح عند بيت جدي , هيك وعدتينا من مبارح
سوزان : ايه ليجي بابا من الشغل منروح
سارة: بدنا نشوف فادي و رامي و معاذ
سوزان : اممم
رحنا المسا انا و زوجي محمد عند بيت حمايي و التقيت ببيت سلفي عندن , كانت سلفتي هناء قاعدة على الكنباية , اول ما شافتني بلشت تقرأ المعوذات , سلمت على الكل و قعدنا
هناء: هالبنوتات صايرين صبايا , البنات بكبرو بسرعة , الله يخليك اياهن
سوزان : الله يسلمك و يخلي يلي عندك , غمضي عين و فتحي عين بتشوفين شباب قدامك و بتفرحي فين
هناء: أي ولله يقبروني, بكرا بكبرو بصيرو شباب و بدللو على هاي البنت حلوة و هاي البنت ما حلوة , و يا امن فوتي على هالبيت و على هالبيت , اكلة هم هالموضوع من هلا
سوزان : كل واحد بياخد نصيبو , و بكرا لحقي لطلبات العروس و اهلا مقدم و ماخر و دهب و بيت و مية قصة , الله يكون بعون العريس
هناء: يصحلا , قال تدلل قال , نحن يلي بدنا ندلل و البنات اصلا معبين الدنيا و على قفى مين يشيل بس تعا ياعريس و الغالي بيرخصلك
سوزان: بقول المتل خلي العسل بجرارو لتغلى اسعارو , البنت كمان صار الا طلباتا هالايام و ما بتوافق على اول عريس بدق بابا ,اذا ما كان ابن عيلة و ناس و رح يقدرا و يعرف قيمتا ما بقبلو اهلا فيه
هناء: انا اولادي انشاللله بكرا رح يكونو حلم لكل بنت و خاصة نسبة البنات عم تكتر كتير, ما بقا عم اسمع وحدة حبلت و جابت صبي , كلو عم يجيب بنات , انا صرت عملة نادرة ما هيك احمد هههههههه
التفت عليا زوجا احمد يلي ما كان مركز بالحديث و قاعد مع زوجي و عمي و عم يحكو بالشغل
احمد: شو قلتي ما انتبهت؟
هناء: قلت يلي بتجيب صبي هالايام متل الجوهرة النادرة , يعني لازم دير بالك علي
التفتت على زوجي و زميت بشفايفي
احمد: ولله ا نا بدو مين يدير بالو علي
هناء: ما بتفكري سوزان انت ترجعي تجربي حظك مرة تانية , قصدي رابعة و تجيبي صبي
سوزان: لحمدلله مبسوطة انا هيك , الله يخليلي بناتي و شوفن باعلى مراتب العلم و ما بدي غير هيك
هناء: ما بتخافي محمد يتزوج عليكي , يعني اكيد متلو متل باقي الرجال بيحلم بولد يحمل اسمو , و البنات يعني....
سوزان(بعصبية): شبن البنات ...ليش انت ما بنت ....كل هالقد بتكرهي حالك و شايفة حالك ناقصة لانك انخلقتي بنت يعني
هناء: لا لا ابدا , شبك عصبتي , ما تتدايقي من حكيي , انا بحب البنات و حابة يكون عندي بنت بس كمان خلفة الصبيان ضرورية
سوزان: انا ما عندي مشكلة بخلفة البنات و زوجي نفس الشي كمان , و اذا بتريدي ما بقا تفتحي هيك موضوع معي مرة تانية
هناء: خلص ما رح افتحو ما توقعتك تتحسسي هالقد يوووه
سوزان : ما حساسية , خوف على بناتي من كتر الحكي بهالشي , بخاف يصرلن شي
هناء: شو قصدك انا بدي اطرقلك اياهن عين مثلا
سوزان :انا ما قلت هيك
هناء: هيدا الناقص تقوليه , انا يلي لازم خاف على اولادي من العين , مو انت
سوزان: محمد يلا نمشي
قمت وقفت و بجية مرة عمي من المطبخ و حاملة صنية كاسات العصير
ام احمد: وين سوزان؟
سوزان : بدي ارجع على البيت , عشي الاولاد و نيمن , بكرا عندن مدارس
محمد:شبك , لسا ما النا ساعة جاين , اقعدي
سوزان : طيب
قمت غيرت محلي و قعدت بعيد عن سلفتي هناء , و تجاهلتا كل القعدة , لاجت بنتي سحرعم تبكي من جوا
سحر: هيدا فادي ضربني
سوزان : تعي اقعدي هون
احمد : ولا فادي ليش ضارب بنت عمك ؟
هناء: محمد ما تصرخ على الصبي , بضعفلو شخصيتو
احمد: روح بابا بوس بنت عمك و اعتذر منا
ام احمد: تعي يا روح التاتا , دخيل الله شو لابقلك هالفستان
قرب فادي ليبوس بنتي سحر من خدا , سحبتو امو من ايدو لعندا
هناء: تعا ماما , فوت العب مع اخواتك و دير بالك عليين
رجعت سندت ضهرا على الكنباية و لفت رجل على رجل و همست بصوت واطي
هناء: عديمين صبيان
سوزان:نعم ،شو حكيتي؟

الجزء التاني:
هناء: ما حكيت شي
سوزان : ايه ببالي
هناء: هلا خف سمعك
سوزان : و هلا وطي صوتك
ام احمد: هناء قومي بنتي حطي الكنافة بصحون و ضيفي
هناء: تكرمي مرة عمي
قامت على المطبخ و رجعت ضيفت الكل الا انا , اداركت الموقف حماتي بسرعة و اعطتني صحنا
سوزان: ما مشكلة مرة عمي , انا بقوم بحط صحني لحالي, انا ما غريبة
قمت حطيت الي و لبناتي و رجعت قعدت
سوزان : كيفا رنيم و الحمل معا؟
ام احمد: منيحة الحمدلله الشهر الجاي ولادتا
هناء: الله يقوما بالسلامة و تكون حامل بصبي
ام احمد: انشالله يارب.....يلي بيبعتو الله يا محلاه
سوزان: اهم شي الخلقة التامة
خلصت زيارة بيت حمايي و رجعت على بيتي , بعد ما نيمت اولادي , فتت لنام انا و مقهورة
محمد: شو صرلك فجاة ببيت اهلي صرتي بدك نرجع
سوزان: كالعادة , مرة اخوك ..
محمد: خلص طنشيا بقا , تجاهلي كل حكيا
سوزان : وقت عم اسكتلا , عم تتمادى , بدي صير ردلا اول باول
محمد: ما حلو هيك , نحن مرة بهالاسبوع منجنمع , ما تقلبوا نكد
سوزان: محمد انت بدك صبي؟
محمد: لا اله الا الله
سوزان : جاوبني , اذا بدك صبي , روح تزوج وحدة تانية تجبلك الصبي
محمد: خلص من بكرا رايح اتزوج
سوزان :بس طلقني انا بالاول ماشي
محمد: ماشي , تصبحي على خير
سوزان : و انت من اهلو
محمد: منيح كتير, عم تعرف هناء شو عم تعمل ؟
سوزان: شو عم تعمل؟
محمد:على فكرة مرتي انت غبية كتير و هناء اذكى منك , عم تعرف كيف تعكر مزاجك و تلعب بعقلك و دخلك الافكار يلي بدا اياها على راسك و بالاخير بتجي تنكدي علي , انت وحدة ضعيفة الشخصية , بس بالاخير انا رح يطفح الكيل فيني ورح فكر فعلا اتزوج عليكي لانو انا ما كنت منتبه على موضوع الصبي و البنت بس هلا انت عم تلفتيلي نظري بحكيك المستمر بهالموضوع
سوزان: شو بعمل معا , كل ما بلتقي فيا بتفتحلي نفس السيرة , صرت بكره روح على بيت اهلك بسببا و انت بتبقى ساكت و انا يلي لازم رد
محمد: ما تاخدي و تعطي معا بهالموضوع , خلص اختصري عليا الطريق وكل ما تفتح معك هيك موضوع تجاهليا و اعملي حالك ما سامعتيا و خليكي طبيعية , لحالا بتمل وقت بتشوف مافي اي اثر لحكيا عليكي, هي عم تستفزك
سوزان: طيب
حسيت كلام زوجي محمد مزبوط و انو انا فعلا ما بقا عم حس على حالي و عم احكي كتير بهالموضوع و هالشي ما لصالح حياتي الزوجية , لهك قررت اطوي هالصفحة مع زوجي و ما بقا ارجع افتحلو هالموضوع ابدا و اتجاهل كلام سلفتي و ما خليه يأثر على حياتي,بعد يومين رحت عند امي لشوف شو صار معا
امينة: بعتنالن شيخ الجامع ليحكين و يفهمن الحلال بس ماردو عليه, هلا اخوكي ناصر تكفل بالقصة , بيعرف محامي شاطر و رح نرفع دعوى علين , يصطفلو هن يلي اختارو هالطريق
سوزان: شو قالت مرتو لناصر؟
امينة: ما حكت شي , قال ما دخلا بابوا بس ناصر ما عاد رح يحكي مع عمو و لا بقا رح يروح لعندن بعد ما قلعني من بيتو
سوزان: لازم ولله , كرامة الك
مرت 8 شهور و امي و خالتي ما بيحكو مع اخواتن و الدعوى مستمرة و عم يتابع تفاصيلا اخي ناصر ,لليوم يلي اجا فيه زوجي و خبرني انو شاف اخي ناصر راكب بالسيارة مع خالي فايز , اجا خبرني فورا
سوزان: على اساس ما بيحكي مع عمو بعد ما عمل هيك مع امو !!!!!
محمد: ولله هيدا اخوكي ناصر واحد مصلحجي و عم يطبخ الطبخة مع عمو من تحت الطاولة
سوزان: شو قصدك ؟
محمد: قصدي يعني اخوكي لا حط محامي ولاشي و عم يضحك على امك و خالتك و ابو مرتو سكتو بقرشين , بالاخير كل شي راجع لبنتو
سوزان: محمد شو عم تخبص؟, قصدك تقول اخي اكل ورتة امو
محمد:نعم , هيك قصدي
سوزان: و انا كيف بدي اتاكد من كلامك؟
محمد: بسيطة تروح امك و خالتك عند المحامي من وراه لاخوكي و يسالو شو صار بالدعوى
سوزان : و هو هيك
تاني يوم فقت الصبح و لبست ورحت فورا عند امي و خبرتا يلي قلي اياه محمد
امينة: مستحيل , هيدا زوجك عم يكذب و يرمي بلا , ما تردي عليه , هو طول عمرو بيكرهو لاخوكي ناصر و هلا جاي يطلع عليه هالحكي
سوزان : و ليش ليكرهو زوجي لاخي ؟
امينة: بغار منو , اخوكي عندو صبيان و هو كل خلفتو بنات
سوزان : .......ولله .... هيك طلع معك ...اذا انت امي حكيتي هيك بقا ما عتب على الغريب ... و هاي خلفتي كمان ما بس خلفتو ....اه ولا انا كمان بغار من مرتو
امينة: ما حكيت هيك بنتي, ما تزعلي هلاا
سوزان: ما زعلت , اصلا تعودت , على كل حال روحو تاكدو او خلي اخي حامد يتاكد بطريقتو قبل ما تتهميه لزوجي بالكذب
امينة:هلا عم تصدقي زوجك و تكذبي اخوكي! و بعدين من يومين اجا اخوكي و سالتو شو صار معو و قلي الامور كلا ماشية تمام بس بدا وقت و اخد هويتي و هوية خالتك من فترة و جبلنا اوراق من المحامي وقعنا و بصمنا عليا
سوزان : اممم , منيح كتير , طيب انا حبيت الفت نظرك بس يلا انا بدي روح
امينة: قعدي جاي خالتك فاتن هلا
سوزان: بدي مر على السوق اشتري خضرة و روح اطبخ , هلا على وقت رجعة اولادي من المدارس

فاتن (تبكي):اتركيني احكي و فش قهري , الله ياخدن كرمال اكام ليرة موتوا لاختن , الهي بتحطو كل مالكن على صحتكن ....ما عندي غيرا بالدنيا ...و هلا راحت و ما ضل عندي حدا.. لا رجال و لا اخ و لا اخت ..اختي الوحيدة ماتت
وقعت خالتي هي و عم تبكي , كانت بتحبا لامي كتير , كانو رفقات و اخوات و خاصة بعد ما تزوجت خالتي فاتن و طلعت ما بتجيب اولاد و اطلقت و رجعت لبيت اهلا مكسورة الخاطر و وقفت امي جنبا كتير و طلعتا من عزلتا, اجا حامد فوتا لجوا و راحو اخوالي فورا , بعد ما خلص عزا امي , فتحت خالتي فاتن عزا تاني ببيتا 3 ايام على اخوالي و نزلت طبعت 3 نعوات باسمائن و لزقتا على باب بيتا جنب ورقة امي , رابع يوم رحت على قبر امي و كنت اخدة معي شتلات لازرعن على قبرا , شفت واحد مقرفص على الارض , كان اخي ناصر , وقفت وراه انا و ساكتة , ما انتبه على وجودي , قربت على قبر امي و تجاهلتو , انتبه علي كان عم يطلع فيني , ناطر ردة فعل مني اتجاهو بس انا عملت حالي ما شايفتو لانو فعلا هو ما عاد يعنيلي شي و ما بقا في قرابة بتجمعنا و لا حتى صلة دم , زرعت الشتلات و سقيتن و وقفت قرات الفاتحة , و فتلت ضهري و مشيت
ناصر: سوزان ...سوزان
بقيت ماشية و ما رديت عليه , مسكني من ايدي
ناصر: شبك عاملة حالك ما سامعتيني
سوزان:ااترك ايدي هيك ....اوعى تطلع بوجهي مرة تانية و اوعى تفكر ترجع تزور امك مرة تانية ,بكفي قتلتا على الحياة , كمان بدك تموت و تعذبا هي و بقبرا
ناصر: حرام عليكن , ولله الندم عم ياكلني , الله ياخدني , يا ريت انا يلي متت مو هي
سوزان:طلع ضميرك صاحي , الله يمد بعمرك اكتر و اكتر حتى تبقى طول عمرك عايش بهالعذاب و تموت ابشع الموتات , و انشالله اولادك بدوقوك من نفس الكاس يلي دوقتو اياه لامك, لك وقت الواحد بيتوجع بقول اخ , انسانا لانو نحن نسيناك و ورقتك يبست و سقطت من دفتر العيلة
تركتو بحسرتو و مشيت انا و عم ابكي على الساكت و عم ادعي لربي ما بقا ارجع شوف وجهو بحياتي , فرطت العيلة متل عقد اللولو و راحت يلي كانت جامعتنا سوا , رجعت على بيت خالتي فاتن يلي كانت عم تبكي على اخواتا الاربعة يلي ماتو دفعة وحدة و انا كنت عم ابكي معا على امي و اخي كمان.
_____________بعد عشر سنين _________________
سوزان : ديقلي خلقي هالمفعوص , هيدا كيف بستخدوموه , لهلا ما عم اعرفلو
حطيت اصبعتي على الشاشة و بلشت فقس , ما كنت عارفة حالي شو عم اشتغل بس اشتريتو لاتصل ببناتي
سارة: هههههه امي اكام مرة بدي علمك عليه , ولله امهات رفقاتي كلن بعرفو يشتغلو عليه
سوزان: طيب امك حمارة
سارة : ههههههههه امي ما قصدت هيك ولله
سوزان: عم تضحكي علي ,قومي على دروسك , بدي مجموع عالي و فرع مرتب بالجامعة
سارة : انشالله انشالله
سالي: هلو كيفكن , امي جاية من الجامعة فارطة من الجوع , شو طابختيلنا ؟
سوزان: مقلوبة
سالي: قلبتيا الا لسا ؟
سوزان: لا لسا , قايمة , وينا سحر ؟
سالي: سحر ..بعدا بالجامعة .... مأنتمة مع ابن عمي فادي هالفترة
سوزان: شو يعني ؟
سالي: يعني صايرة صحبة معو , ما الاتنين بدرسو هندسة لهيك بضلو مع بعض
سوزان: و ليش اختك ما متأمئمة مع بنات ؟
سالي: هههههههه امي اسما مأنتمة
سوزان: المهم شو ما كان اسما
سالي: عندا رفقات بنات بس صايرة هالفترة هي و فادي ما عم يتركو بعض
سوزان: لتجي حسابا
فتت حطيت الغدا و نطرت لاجت سحر و تغدت , فاتحتا بالموضوع
سحر: امي رفقات بس , ما في شي بيناتنا, يعني لو في كنت حكتلك ما نحن اتفقنا نكون رفقات , ما ام و بنتا
سوزان: أي هيك على اساس ,بس خففي قعداتك معو , الناس الا بالظاهر و بكرا ببلشو يطلعو حكي عليكن , و البنت ما الا سمعتا
سحر : سالي يلي قلتلك , و ما قالتك مع مين عم تمشي هي ؟
سوزان: مع مين؟
سحر:.....
سوزان :شبك سكتي , احكي
سحر: خليا هي تخبرك
طلعت من غرفة سحر و رحت على غرفة القعدة ,كانت سالي قاعدة ع تتفرج على التلفزيون , قعدت قبالا
سوزان: مين مرافقة انت كمان ؟
سالي: مين؟
سوزان : انا عم اسالك
سالي: ما حدا , كل رفقاتي بنات
سوزان: لكن شو هيدا يلي قالتو اختك سحر
سالي: ما تصدقيا , عم طلع حكي من عندا
قامت سالي فورا لعند سحر و انا لحقتا لافهم القصة
سالي: شو قايلة لامك ؟
سحر: ما قلت شي
سوزان : احكي , ما تخافي, مين مرافقة اختك سالي
سحر: ما حدا امي, انا طلعت هالحكي من عندي لانو هي كمان قالتلك عني و عن فادي و ما في شي بيناتنا
سوزان : طيب
سالي: ها اجا البابا
رحت لاستقبل محمد , فات هو و مدايق
سوزان : حطلك تاكل الا على مهل؟
محمد : لا ما الي نفس
سوزان: شبك ما على بعضك
محمد: ولاشي
فات على غرفة النوم و انا لحقتو , غير تيابو هو و ساكت
سوزان: محمد شوفي شغلتلي بالي ولله , احكي , صاير شي معكن بالشغل
محمد:احمد بدو يفض الشراكة
سوزان : اوف ليش , شو طلع بعقلو , مو انتو طول عمركن بتشتغلو مع بعض , هلا بعد ما مات ابوك بسنة قرر يعمل هيك و اسمكن بالسوق ؟

محمد:غبي , هيدا المحل فنى ابي عمرو هو و عم يكبرو و هلا بدو يبيعو بهالبساطة , قال بدو يشتغل بالعقارات اربح من محل المفروشات
سوزان: طيب ما تزعج حالك , لعله خير , اكيد هاي خطط مرتو , شو رح تعملو هلا؟
محمد: رح نبيعو و نقسم المبلغ بالنص و رح اخد حصتي و افتح محل على قدي
سوزان: ما تاكل هم , ببعلك دهباتي و بتحطن فوق يلي معك , بس انت فيك ما تقبل تبيع؟
محمد: فيني بس هو بدو حصتو و ما بقدر قلو لا , هيدا اخي الكبير
سوزان: و حصة رنيم؟
محمد: رنيم ما بدا من المحل , بدا بيت اهلي
طلع قعد يتفرج عالتلفزيون و عقلو مشغول , ما ضغطت عليه كتير , عملتلو قهوة و شربناها على السكت , بعد اسبوع باعو المحل و تقاسمو المبلغ بس بعد بيومين اتصل فيني اخي حامد
حامد: ليكي دقلي رفيقي قال زوجك و اخوه علقو مع بعض بالمحل علقة كبيرة وهجمو على بعض واضاربو و لمو الناس علين



المال_والبنون
قلم:هلاغرابلي
سوزان: يييي , محل شو ؟
حامد: محلن
سوزان : ما هن باعوه حامد
حامد: ما بعرف , المهم فكو بيناتن بس لسا الوضع مكركب
سوزان : انا جاي
حامد : شو بدو يجيبك , كلن رجال ,حكي زوجك و هديه
سكر الخط حامد و ناديت لسارة
سوزان :خدي اتصليلي بابوكي بسرعة , و اعصابي متوترة
اتصلت سارة فيه , كان صوتو مخنوق
سوزان : الو محمد , شو القصة , شو صاير ؟
محمد: لاجي بحكيلك
سوزان: طيب طول بالك , ما حلوة انتو اخوات تعلقو قدام الناس , بحياتكن ما حدا سمع فيكن , جيبو المسا و تعو اقعدو هون تفاهمو
محمد: لشوف هلأ
نطرت المسا ليجي محمد , اجا الساعة 99 المسا , كان وجهو اصفر, خفت عليه يصرلو شي , قعد و حط ايديه بين راسو
سوزان: ليش علقت مع اخوك؟ ما كل كل واحد حصتو
محمد: انا ما عاد عندي اخ
سوزان : شوفي؟
محمد: لعب علي لعبة وسخة , طلعني من المحل و اعطاني حصتي وقلي الله معك و نزل ابن حماه تحسين محلي , ابن حماه الغريب احق مني يتفتل بمحل ابي , و ضحك علي و اعطاني من الجمل ادنو و بقلي هيك جاب المحل
سوزان : حسبي الله بس , ليش ما وقعتو عقد البيع سوا ؟
محمد: وقعناه , على اساس لواحد من معارف ابن حماه , بس طلع لابن حماه نفسو , دفعلي حصتي و نزل محلي
سوزان: حسبي الله و نعم الوكيل , هاي مرتو و شغلا , خلص انت اهدى و طول بالك لتفكر شو بدك تعمل
محمد : شو بدي اعمل ,اخي ابن امي و ابي نصب علي
سوزان: محمد مال الدنيا بالدنيا , ما تهم حالك , المهم الصحة
فات ينام محمد بدون ما يتعشى و انا خفت يصير فيه متل ما صار بامي , فتت نمت جنبو, ما كان نايم ابدا ,بقي يتقلب بتختو و انا مانمت
محمد: سوزان بعدك فايقة
سوزان: ايه
محمد: هلا عرفت امك ليش انجلطت و ماتت , كنت مفكرا ماتت كرمال المصاري انو راحو عليا و اخدن ابنا بس هلا حاسس حالي عم اشرب من نفس الكاس , الغدر صعب كتير من اقرب الناس , كيف بهون الدم و كيف بتهون العشرة و وين بتروح صلة الرحم , كلو بيتبخر قدام الطمع , صحي شو اخبارو اخوكي ناصر؟
سوزان: ما عندي اخ بهالاسم , ما عندي غير اخ واحد اسمو حامد
محمد: ما نسيتي؟
سوزان: مستحيل انسى , الحقد بيكير سنة عن سنة , كل ما بزور قبر امي , بتذكر كل شي و كانو صار مبارح
محمد: ما تخيلت احمد يعمل هيك فيني , يفضل الغريب علي
سوزان: ماتحط بقلبك و طنش حتى تعيش ,هالدنيا بدك تكون فيا قوي كتير متل الفولاذ لتتحمل كل الصدمات يلي ممكن تجيك حتى من اقرب االناس الك و المال بروح و بيجي و الله بعوضك
تاني يوم نزلت انا و محمد و رحنا مشوار و تغدينا برا حتى يغير جو و يطلع من دوامة التفكير , بعدين مرينا على السوق و بعت دهبي و اعطيتو حقن لمحمد و دور على محل تاني و نقل البضاعة عليه , و من وقتا ما بقا حكو مع بعض ابدا و اتصلت بنت حماي رنيم من الكويت لتصلح الوضع بيناتن بس زوجي عصب عليا و طلب منا ما تجبلو سيرتو ابدا , مرت ايام و شهور , نجحت بنتي سارة و سجلت بالجامعة كلية الهندسة المعمارية , بعد بست شهور , رن موبايلي من رقم غريب
سوزان: الو, مين معي؟
هناء: هناء مرة احمد
سوزان: اهلين كيفك؟
هناء: سوزان قليلا لبنتك سحر تبعد عن ابني فادي , خطبتو على بنت خالو بعد يومين ..
سوزان: ما في شي بيناتن , انت فهمانة الموضوع غلط
هناء: لا ما غلط , قلي ابني كل شي بس لا انا و لا ابوه مناخدلو اياها لسحر
سوزان: عفوا ليش مين قلك انو اانا بعطيها لابنك , انا بعرف انو هن رفقة و ما حبيت ادخل بصحبتن لانو بضلو اولاد عم و الاولاد ما الن علاقة بمشاكل الكبار
هناء: لا حبيبتي فادي ابن ابوه و الو فترة عم ينهي علاقتو مع بنتك بعد المشكلة بس بنتك عم تلاحقو
سوزان : بنتي انا !
سكرت الخط وانا دمي عم يغلي و فتت لعند سحر , كانت نايمة حاطة الحرام فوق راسا , رفعتو عن راسا , كانت عم تبكي على الساكت
سوزان : عم تبكي عليه ؟ كذبتي علي و قلتيلي انكن رفقات..قومي عرفت كل شي ...دقتلي امو هلا و قالتلي خلي سحر تبعد عنو ....انا هيك ينقلي ...ليش عم تلاحقيه ما عندك كرامة , انت يلي لازم تتجاهليه بعد ما عمل ابوه هيك بابوكي

سحر( تبكي): كذب انا ما عم لاحقو , هو يلي عم يلحقني و انا ما كذبت عليكي , نحن كنا رفقات ايه بس انا حبيتو و هو حبني , بس وقت سمعت انو رح يخطب بنت خالو تركنو ...خدي شوفي اكام مرة داققلي و باعتلي رسائل بس انا ما عم رد عليه
سوزان: احسن ما تردي, هاتي الموبايل لايدي
سحر: خلص قلتلك ما رح رد
سوزان : معلش هاتيه , انا يلي رح رد عليه
سحر:هو ما دخلو , امو هي السبب , بس عرفت انو بحبني , ركضت تفض الشراكة بين ابي و عمي و تخطبلو بنت خالو
سوزان: ايوا , كل هالقد خايفة بنت من بناتي تاخد واحد من اولادا , شو هالكره
انا و عم احكي معا , فاتت سالي
سالي: بعدك عم تبكي عليه لحبيب القلب,اصلا بعد ما عمل عمك بابوكي هيك ,لازم ما يناطق لسانك لسانو
سحر: اسمعو مين عم يحكي , قولي لحالك هالحكي , اعملي حساب لامك كمان
سالي: سحر , ما تخبصي
سوزان: شوفي , قولو
سحر: امي سالي بتحب عامر
سالي: سحر اخرسي , امي ما تصدقيا
سوزان: مين عامر ؟
سحر: عامر ابن خالي ناصر
سوزان : م ي ن ....ابن مين !!!!!!!!!!!
سحر: ابن اخوكي
سوزان: سالي ..شو هيدا يلي عم اسمعو ..وين انا ....نايمة على داني ....هيك بتكافؤني لانو وثقت فيكن
سالي: ما متل ما انت مفكرة , نحن زملاء بس
سحر: ما تكذبي على امك , كيف زملاء و هو اصلا متخرج من الجامعة و بيجي على جامعتنا كرمال يشوفك
سالي: سحر بدي شلك
سحر: امي و خالي بيعرف كمان و راحت سالي زيارة لعندن كذا مرة و انا نبهتا و قلتلا امك بتزعل اذا سمعت بهالشي
قعدت على التخت و انا مصدومة
سوزان: انت ما بتعرفي ابوه شو عمل , قتل ستك
سالي:ستي خلص عمرا
سوزان: ستك ماتت مجلوطة منو , اكلا حقا و حقنا , اسمعي على الجامعة ما بقا الك روحة و هاتي موبايلك انت التانية كمان , باعتتكن لتدرسو و تتعلمو بالجامعة ما كرمال تحبو و تعشقو
سالي: امي....
سوزان :سالي , ما تحكي معي ولا كلمة , هاتي لايدي و انا لسا ما حكيت لابوكن و اذا حكيت , رح يسحبكن من الجامعة و يقعدكن تشطفو و تجلو بالبيت , و اختك سارة ؟
سحر: شبا ؟
سوزان : حاببتلي حدا التانية ؟
سحر: لا
سوزان : منيح , اصغر وحدة فيكن فيها عقل اكتر منكن
اخدت موبايلاتن لسالي و سحر و فتت على غرفتي , رن موبايل منن , كان المتصل فادي, فتحت الخط و سكتت
فادي : سحر و اخيرا رديتي , ولله بحبك الك و مستحيل اخطب بنت خالي , ما واثقة فيني , سحر
سوزان: انا اما لسحر , سوزان
فادي : اهلين مرة عمي
سوزان : فادي اذا بتريد ما بقا ترجع تتصل ببنتي و موبايلا رح يضل معي لتشتري رقم جديد
فادي : مرة عمي انا ...
سوزان : اذا بتريد اتركا تلتفت لدراستا ومبروك الك سلفا على الخطبة و حتى لو ما اخدتا لبنت خالك , عمك ما بريد هالشي و اذا سمع سحر رح تضرر كتير و رح يحرما من روحة الجامعة
فادي : انا شوذنبي لتاخدوني بجملة ابي , انا ما كنت موافق على الشي يلي عملو
سوزان : فادي انت متل ابني ....ما تعب حالك , انت و سحر مستحيل تكونو لبعض
الجزء التامن:
سكرت الخط و اخدت نفس و قمت عملت فنجان قهوة الي و طلعت قعدت بجنينة البيت , اجا زوجي و ما خبرتو شي , ما حبيت زيد عليه و هو مدايق من شغلو الدائر , تاني يوم الصبح لبست و رحت زرت قبر امي و خالتي فاتن ,هون كانت اخر مرة شفتو لناصر من عشر سنين و ما بقا حطت عيني عليه بعدا , ما بعرف كيف صار , نصح ولا ختير , مبسوط الا مهموم , بعدو حاسس بتانيب الضمير الا مرتاح , انا و راجعة مريت على مرة اخي حامد لينا و شربت قهوة عندا
سوزان:لينا بدي اسالك شو اخبارا سلفتك ,مابتعرفي عنا شي؟
لينا: ما بعرف كتير ولله, بتعرفي حامد ما بطيق نجيب سيرتو لناصر و لا حتى سيرة عيلتو بس بعرف انو ابنا عامر الكبير تخرج من الجامعة كلية تجارة و اقتصاد و عم يشتغل مع ابوه بالتجارة , و ابنو معمر عم يدرس تجارة و اقتصاد كمان و الابن التالت رائد ما كمل دراسة, سمعت انو هيدا معذب اهلو كتير
سوزان: امممم, ايمت بيرجع حامد من الشغل؟
لينا: على السبعة
سوزان: بيتاخر, طيب انا معناها بدي روح , كنت حابة شوف معتز و راما , يلا لغير مرة و انتي تعالي قضي شي نهار عندي
لينا: انشاللله , بلكي هاليومين منجي نسهر
سوزان: اهلا و سهلا فيكن
رجعت على البيت , وانا على الطريق رن موبايل بجزداني , كان موبايل سالي ,و الاسم محطوط باسم نهال, ما رديت , رجع رن اكتر من مرة , رديت, كان صوت شاب
سوزان: مين معي ؟
مجهول: عفوا شكلي مخربط ,هيدا الرقم ما لسالي؟
سوزان: ايه و انا ااما , مين حضرتك؟
مجهول:.......
سوزان: الو ....الو
مجهول : احم عمتي انا عامر
سوزان: عامر , اسمع ما بقا ترجع تتصل لهون و بسببك بنتي هلا محبوسة بالبيت و ابوا حرما من الطلعة و الفوتة
عامر: عمتي
سوزان: ما تقلي عمتي , انت ما عندك عمة

سكرت الخط بوجهو انا و مزعوجة ,رجعت على البيت و قفلت الموبايلين و ما فتت على غرفة سحر و سالي, تاني يوم كانت خطبة فادي على بنت خالو و بنتي سحر كانت اعصابا تعبانة و ما قامت من تختا و لا حتى اكلت شي , و انا ما كنت عارفة شو اعمل , قلبي عم يتقطع عليا و ما قدرت فوت شوفا بهاالحالة لانو كنت رح بهدلا على ضعفا , على الساعة سبعة , انرن جرس بيتنا , كان زوجي محمد و كان واقف جنبو فادي
فادي: مسالخير
سوزان (متفاجئة): مسالنور
محمد: فوت فادي
فاتو قعدو و انا اطلعت بمحمد و اشرتلو بعيني لنحكي شوي على انفراد , فتت على الغرفة و بعد شوي لحقني
سوزان: هيدا شو جابو ؟
محمد: لبعدين بحكيلك
سوزان: محمد هيدا اليوم خطبتو على بنت خالو
محمد: بعرف
سوزان : ما تكون بدك تنتقم منن بهالطريقة !محمد ما تلعب بمشاعرا لبنتك كرمال تبرد نارك
محمد:لا بس بدي اضرب عصفورين بحجر واحد ,خلين يعملو خطبة بلا عريس , خليا هناء تحصد شر اعمالا و تعلق مع اخوا , ما هي يلي بلشت هالحرب و بعدين فادي عريس مرتب لبنتنا
سوزان: نحن ما قدا , هاي فاجرة كتير و فادي و سحر عم يدرسو لسا , ما وقت يخطبو هلا
محمد: خلص هلا انت شو بدك , فوتي اعمليلنا قهوة و ناديا لسحر ,و انت حسابك لبعدين , بتقصي و بتفصلي على كيفك من غير ما ترجعيلي , انا رجل كرسي بهالبيت
فتت لعند سحر و رفعت الحرام عنا
سوزان : قومي ,فادي برا
سحر : فادي ! فادي الليلة خطبتو (تبكي ), الله ياخدو
سوزان : قومي مسحي مخطتك و اطلعي , اجا هو و ابوكي
سحر : عنجد امي ولا عم تكذبي علي
سوزان : انا ما بكذب وليه
قامت تغير تيابا و وقفت سالي بوجهي و حاطة ايدا على خصرا , بنتي سالي اقوى وحدة ببناتي , عنيدة و جريئىة كتير و الشي يلي بتحطو براسا لازم توصلو , عكس بنتي سحر المسالمة و المستسلمة يلي ما بتحرك ساكن و ماشية مع التيار ,اما بنتي سارة اضعف وحدة باخواتا , نفسيتا هشة و حساسة و رقيقة كتير و خجولة
سالي : ليش هي ايه و انا لا
سوزان : نعم
سالي : ليكو قاعد برا بعد ما ابوه هيك عمل فينا , هيدا سامحتوه و عامر ما ذنبو كمان بيلي عملو ابوه , نحن شو دخلنا لندفع تمن غلطة الكبار
سوزان : سالي ما تحكي معي
سالي : لا بدي احكي و انا و عامر منحب بعض و رح ناخد بعض , ما حدا احسن من حدا , ولا سحر بيحقلا كل شي و انا لا , طول عمركن بتميزو بيناتنا (تبكي)بتحبوا اكتر مني
سوزان : وضعكن مختلف انتو الاتنين
سالي : لا نفس الشي
سوزان : ما فاضيتلك هلا
سالي : ايمت فضيتيلي ليش ؟, كل الاهتمام لسحر و لسارة و انا الكبيرة ماكول حقي بهالبيت
طلعت من غرفتن انا و راسي عم يجعني
سوزان: يا ريت ضليتو صغار و ما كبرتو
قعدت مع زوجي و ابن سلفي فادي انا وساكتة و مكشرة , ما كان عاجبني كل هالوضع , طلعت سحر و كان عيونا حمر من كتر البكي و قعدت معنا , كان موبايل فادي ما عم يهدى اتصالات , بالاخير قفلو , بعدين رن موبايلي , كان رقم هناء , اطلعت بزوجي و رحت على المطبخ
سوزان : محمد تعا شوي ..هاي هناء عم تتصل
محمد: ما تردي عليا , خليا تمرق هالليلة
سوزان : يالله , بلكي اجت هاي مجنونة , طب هيدا وين بدو ينام ؟
محمد: هون , رح نيمو بغرفة سارة و سارة بتنام مع اخواتا , هالليلة بس و بكرا بيرجع لعند اهلو
سوزان : انت بتعرف شو ممكن اهلو يعملو فيه ؟
محمد: ما رح يعملو شي , بس نفسي شوف وحهو لتحسين هلا , حطيلنا عشاء الله يخليكي , وينا سالي ما شفتا ؟
سوزان : جوا بغرفتا
ناديت لسارة و حطينا عشا و تعشينا و بقيت سالي جوا زعلانة و ما قبلت تطلع تقعد معنا , نام فادي عنا و كانت سحر على طول مبتسمة و عم تضحك , كانت فرحانة كتير و فادي كان عم يطلع فيا هو و خجلان , بعدين عرفت من زوجي انو فادي حكالو كل شي و انو بحبا لسحر و بدو اياها حتى لو اهلو ما وافقو و زوجي استغل الفرصة و وافق بدون تردد حتى بدون ما يرجعلي , تمشكلت انا و اياه اخر الليل كيف بيعطيه لفادي كلمة من دون ما ياخد رايي بالموضوع و انا اما , و من عصبيتي كنت مفكرة قلو عن سالي بس سكتت و ما حكتلو شي , تاني يوم فادي راح من عنا و رجع على بيتو ليواجه اهلو و اعطيتا الموبايل لسحر حتى تتواصل معو و تعرف المستجدات بناءا على طلب زوجي محمد يلي كنت عم شوف الفرحة و الشماتة بعيونو ,ما اتصل فادي بسحر اول يوم , تاني يوم حكاها و قلا وضع بيتنا مكركب كتير و امو و ابوه علقو مع اخوا بعد ما بنتو انحكى عليها و انو عريسا هرب و تركا بفستان الخطبة و ما اجا على الخطبة, دخلت عندي سالي انا عم البس و بدي انزل اتسوق
سالي: اعطيني موبايلي
سوزان : ما رح اعطيك اياه و ما في الك طلعة من البيت لتعترفي بغلطك و توعديني انو تقطعي علاقتك بهيدا يلي ما بيتسمى
سالي:....
سكتت و طلعت من غرفتي و انا لبست و نزلت على السوق و تمشيت شوي و اشتريت اكام غرض للبيت و رجعت , اول ما غيرت تيابي , فاتت عندي سارة
سارة : امي سالي نزلت من البيت
سوزان : شوووو ؟ كيف نزلت انا و مانعتا ؟اتصلي فيا

بين يوم و ليلة سقطت ورقة بنتي من شجرة عيلتنا ,اول ما خبرتو لزوجي حط ايديه على وجهو و بكي بعدين صار يضحك
محمد: ما كاني ربينا و تعبنا , كسرت كلمتي انا ابوا و ما سالت لا علي و لا على اخواتا , اسمعي ما بقا بدي اسمع اسما بالبيت و نبهي على اخواتا ما حدا يتواصل معا , و انت اوعى تفتحي سيرتا قدامي لو شو ما بصرلا , ما النا علاقة فيا و لو حتى بتموت , هاي البنت ما بقا بنتي
بعتلو رسالة لناصر
سوزان : بنتي اخدتو انتو و انا ما عاد بدي اياها , و صرت بكرها على قد كرهك و اكتر
مرت ايام و شهور على زواج بنتي سالي و ما بقا عرفت عنا شي , كان قلبي عم ينعصر على بعادا , كنت كتير احيان نام انا و عم ابكي بس ارجع قسي قلبي ,حتى سحر و سارة حاولت تتواصل معن بس صدوها و بقيت بنتي سحر على تواصل مع فادي من ورا اهلو , انعزمت على عرس ابن رفيقتي , رحت انا و سحر لاحضرو و انا هناك لمحت وحدة عم تطلع فيني من بعيد , كانت بنتي سالي , اول ما شفتا تلبكت , حسيت بنفس اللهفة يلي حسيت فيا اول مرة شفتا و مسكتا بين ايدي , كانت متغيرة كتير , سرقت كذا نظرة عليا من غير ما تنتبه و اول ما تلتفت علي ,دير وجهي عنا و اعمل حالي ما شايقتا ,التفتت لعند سحر
سوزان :هديك اختك سالي شي ؟
سحر : أي ,ما حبيت قلك حتى ما تتوتر اعصابك
سوزان : اممم ,شبو بطنا ؟
سحر : حامل
سوزان : حامل !
دق قلبي بسرعة و قمت من كرسيي و فتت على الحمام بكيت كتير بنتي حامل و انا رح صير تاتا و رح يصير عندي حفيد , ما عرفت ابكي فرح الا حزن , اتصلت بمحمد و قلتلو يجي ياخدنا لانو ما كنت قادرة خبي دموعي اكتر , انا و طالعة من باب الحمام طرقت بصبية
سوزان : عفوا
سالي: امي
اطلعت فيا و اطلعت ببطنا , كان بطنا ظاهر و كانو حامل بالشهر السادس
سوزان : بعدي من طريقي
سالي: اسمعيني الله يخليكي ولله حرام عليكن تعاملوني متل المنبوذة , انا ما كفرت ,تزوجت الانسان يلي بحبو
سوزان : انت تزوجتي ابن اكتر شخص امك بتكرهو
سالي: خالي ندم ولله وانت و خالي قسيتو عليه كتير
سوزان :حطك محامي دفاع عنو , فورا لعب بعقلك
سالي : هو كتير منيح , بيعاملني احسن من اولادو و انا مبسوطة معن , بحسن متل اهلي
سوزان : منيح اذا متل اهلك , شو بدك فينا لكن ؟
سالي : هن متل اهلي بس انتو اهلي و انا ما توقعت يكون قلبكن قاسي علي لهل الدرجة , انا قلت فترة و بتروقو و منرجع متل اول
سوزان : نحن ما قلبنا قاسي بس انت الانانية , كبيتينا ورا ضهرك , كان نفسي شوفك بالابيض و افرح فيكي بس انت حرمتينا هالفرحة انا و ابوكي
سالي : انا عملت هالشي كرمال الكل , لايمت بدك اضلي محاربتيه لخالي , كلنا منغلط و الله بيغفر و بيسامح و نحن البشر اللله قايم الرحمة من قلوبنا , امي انا حامل , هيدا اول حفيد الكن و رح اولد بعد شهرين ما مبين لهلا شو معي , , اذا كانت بنت ,خالي رح يسميا امينة على اسم ستي و اذا صبي انا رح سميه محمد , امي ولله اشتقتلكن و اشتقت لابي و لاخواتي
سوزان : بعدي من وجهي
جيت لاطلع من الحمام وقفت بوجهي
سالي(تبكي): طيب انا ندمت ولله ندمت انو تزوجت بهالطربقة و خسرتكن بس ما كان قدامي حل تاني , هاتي ايدك لبوسا
سوزان : انت و اياه بتشبهو بعض كتير , متل ما عمل بامو انت عملتي فيني
بعدتا من طريقي و طلعت لبست علي و طلعت من الصالة انا و سحر حتى بدون ما بارك لرفيقتي , وقفت بالشارع لانطر سيارة محمد , اجت سيارة زمرتلنا لنبعد من الطريق , بعدنا انا و سحر و نطرناه ليمر , وقف بسيارتو و ما بقا يمشي
سوزان : شبو وقف هيدا هيك , يمر بقا
سحر : امي ......هيدا عامر و ابوه , شكلن جاين ياخدو سالي

سارة : موبايلا معك , قلتلا ما تنزل بس ما ردت علي و اخدت تيابا معا كمان
سوزان : شووو عم تقولي؟
الجزء التاسع:
صار كل جسمي عم يرجف و نملو ايدي
سارة : اتصلي بابوكي فورا
حكيت محمد و قلتلو يترك شغلو و يجي فورا على البيت لانو في مصيبة وقعت على راسنا , وصل على البيت عم يلهت
محمد: شوفي ؟ احكي
سوزان : سالي ..(تبكي) . ...سالي هربت من البيت
محمد: ما فهمت
حكتلو كل شي و هو عم يطلع فيني و معصب و بس خلصت بلش يصرخ علي, قلب الطاولة على الارض
محمد: لك وين انا .....وين انا ..... ليش ما حكتيلي من الاول , انا ما ابون لهل البنات , عم تتصرفي لحالك من دون ما ترجعيلي
سوزان : كنت بدي احكيلك بس بطلت لانو انت كمان عم تتصرف لحالك بدون ما تاخد رايي بشي
محمد : وينا هي هلا , من ايمت بتعرفو ؟
سوزان : ما بعرف
سارة : من سنة تقريبا
سوزان : بتكون عندن
محمد: اتصلي فيه لاخوكي
سوزان : انا مستحيل ..ما معي رقمو و حتى لو معي ما بيناطق لساني لسانو , انت احكي معو
سارة : امي احكي انت مع عامر , موبايل سالي معك
سوزان : اه صح
اتصلت بعامر , ما رد علي اول مرة , رجعت اتصلت فيه لرد
سوزان : عامر سالي معك؟
عامر :...ايه
سوزان : ابوا بدو يحكي معا
عامر : خدي حكي ابوكي
سالي: ما بدي
عامر : ما بدا ...عمتي انا ما كنت حابب توصل الامور لهون بس ..
محمد: هاتي لايدي
اخد الموبايل محمد مني هو و عم يرجف
محمد: الو اسمع قلا لسالي ترجع هلا هلا على البيت , ما عندي بنات يروحو شريدة , قلا اذا ما رجعت من هون للمسا تنسى انو عندا اهل و تنسى هالبيت , لا هي بنتا و لا انا بعرفا , هيك بتقلا بالحرف الواحد
عامر : حاضر عمي
سكر الخط زوجي بوجهو لعامر , و لون وجهو مخطوف
محمد: شو هالمصايب , الحق عليكي , لو حكتيلي من الاول ما كنا وصلنا لهون
سوزان : يلا بقا , لو خبرتك شو كنت عملت اكتر من يلي انا عملتو ؟
محمد: ااااخ , اعملولي قهوة , اذا بنتك ما بترجع للمسا , رايح جيبا من شعرا
سوزان : بترجع بترجع , هلا ما بتشوفا الا اجت , بس هي عم تضغط علينا بهالاسلوب
قعدنا ننطر رجعة سالي . بعد ساعة رن موبايلي , كان رقم غريب , رديت على المتصل
سوزان : الو ....الو .....ردو
مجهول :...... كيفك سوزان ؟
سوزان :منيحة , مين معي ؟
مجهول : انا ناصر , سوزان الاولاد ما الن علاقة
سوزان : ما اوقحك , قلا لهل الغبية يلي عندك ترجع على البيت , بعطيا لاوسخ واحد بالعالم و ما بعطيا لابنك لانو ابنك
اخد الموبايل مني محمد
محمد: ناصر شو عم تحاول تعمل ,بدك توطيلي راسي , ولا ما فارقة معك لانو ما عندك بنات , سمعتا بتاثر على سمعة اخواتا , قلولا ترجع و خلينا نتفاهم احسن ما جبلكن الشرطة و اشحطا من شعرا
ناصر:البنت اجت بارادتا , ما خطفناها , و ما قاعدة البنت بالشارع ولا عند حدا غريب , هي ببيت خالا , بس تهدو شوي انا بقلا ترجع
محمد: ما بريد بنتي تنام برا البيت
ناصر: و هون بيتا كمان , هاي بنتك التانية رح تعطى لابن اخوك و انت ما بتحكي معو لاخوك
محمد: ما دخلك انا لمين بعطي بناتي , انا بعرف مصلحتن اكتر منن
سكر بوحهو لناصر
محمد: ما رح ترجع بنتك , بروح بجيبا من شعرا و بلم الناس علينا , شو بعمل ؟ قليلي شو بعمل مع بنتك
فتت على غرفتي ابكي, حسيت حالي رح انجلط بهديك الليلة من كتر التفكير , اخدت حبة مهدئ اعصاب و نمت لتاني يوم , فقت ما شفت محمد جنبي , كان رايح على شغلو , فتت على غرفة بناتي , كانت سحر بعدا نايمة و تخت سالي فاضي , فتت عملت قهوة و قعدت , فكرت كتير البس و روح على بيت ناصر واسحبا لسالي من ايدا بس كان في شي مانعني , ما كنت قادرة شوفو وجهو لناصر , رح اتذكر وجه امي وقت رفعت الغطا الابيض عن وجها هي و ميتة, حسيت حالي ضايعة اتصلت بحامد انا و عم ابكي و قلتلو يجي لعندي و حكتلو كل شي صار معنا , نزل راسو بالارض و كانو عم يتذكر انو كان في اخ الو اسمو ناصر
سوزان (تبكي ): ليش هيك , هيدا عقابي, بشو غلطت انا يا ربي حتى بنتي تهرب لعندو مني, حامد ليش الدنيا لفت هيك علي, تصور حط ايدي بايدو بعد كل هالعمر , تصور نصير نسايب , مستحيل حتى لو ما بقا بدي شوف بنتي العمر كلو مستحيل
حامد: ..............
سوزان : شبك ساكت
حامد: متفاجئ بس , طولي بالك , بتنحل بتنحل
سوزان : حكيه انت
حامد: ....انا ...لا
مضي 3 ايام على غياب سالي عن البيت و انا ما نشفت دمعتي و محمد ما حكاني و كانو الذنب ذنبي , بعد 3 ايام بعت ناصر رسالة
رسالة ناصر : سوزان , عامر و سالي كتبو كتابن, بعرف الشي صار بسرعة بس بنتك بالغة قانونيا و بتعرف شو عم تعمل و قلبا صافي , انا بحبا بمحبة ابني عامر و نا متاكد انو لو رجعت لعنكن كنتو رح تقتلوا و تحبسوا , خلينا نزت الماضي ورا ضهرنا و نعملن عرس بوجودكن , ناطر ردك
سوزان : سحرررر ...ساااارة
سحر : شوفي امي
سوزان (تبكي): اختكن سالي تزوجت
سارة : يااااه , شو وقحة
سحر : طولي بالك ماما , تصطفل , هي اختارت

الجزء العاشر.

اطلعت عليه , ما عرفتو , بعد عشر سنين رجعت التقيت فيه , هو قتل امي و ابنو قتل فرحتي ببنتي , كان الشيب اكل راسو , كان هرمان كتير و كانو الذنب كبرو مية سنة , صفنت فيه لا اراديا و انا عم دقق بكل تجعيدة يوجهو , تذكرت ايامنا و طفولتنا سوا , كيف كان على طول يتغالظ علي و يقرصني من خدي و يناديلي سوسة , كيف كنا نلعب سوا و نعمر قلعة من رمل , تذكرت كيف كان سندي انا و صغيرة و شوف حالي فيه , أي حدا كان يضربني كنت قلو بناديلك اخي ناصر يضربك , و هلأ اقل من متر بيناتنا بس بعاد عن بعض بعد الشرق عن الغرب , قلبي وجعني كتير , بقي واقف بسيارتو يطلع فيني من ورا الازاز و انا اختنقت بالذكريات
سوزان : خلينا ..... خلينا ..نمشي من هون
قطعنا سيارتو , كان جاي محمد , طلعنا معو نحن و ساكتين
محمد: شبك ما على بعضك ؟
سوزان : ولاشي, شكلو ضغطي طالع شوي , هلا بس وصل عالبيت بشرب عيران بيزبط
رجعت على البيت شربت دوا وجع راس و نمت ,فقت تاني يوم على امل كون نسيانة كل شي , اتصل فيني محمد
محمد: احمد علق مع ابن حماه و فض الشراكة معو
سوزان : ولله , شو عرفك ؟
محمد: هلا خبرني فادي
سوزان : مبسوط انت ؟
محمد : طبعا مبسوط , ولله هالفادي عجبني كتير , عم يدخل بابوه متل السوسة
سوزان : وهناء ؟ وين دورا و سلطتا ؟
محمد: علقانة مع مرة اخواا من وقت خطبة فادي
سوزان : خير انشالله
محمد: سوزان شبك من مبارح ما مبسوطة , من وقت جيت اخدك من العرس انت و ما مزبوطة
سوزان : تعب بس , ما رح اطبخ اليوم , جيب معك اكل انت و جاي
بعد شهرين , اجت بنتي سارة لعندي و ماسكة موبايلا بايدا
سارة : شوفي امي هالصورة
سوزان : لمين هالولد؟
سارة : ابن سالي
سوزان : هيدا ابن سالي , جابت صبي , ما بنقدري تكبريلي الصورة اكتر
سارة : ايه ....حسيتو بشبه سالي ......بابا تعا شوف ابن سالي ...اسمو محمد
اطلعت بسارة و زورتا , رجعت اطلعت على محمد , سحب الموبايل من ايدي و ضربو بالحيط
محمد: انا ما قلتلكن ما حدا يتواصل معا
سارة : بابا ما عم نحكيا ولله بس هالصورة حاطتا صورة شخصية على المسنجر و انا سحبتا
تركتن و فتت على غرفتي , طالعت صورا لسالي هي و صغيرة , كان الشبه بينا و بين ابنا كبير هي و صغرة , فتت عند سارة و قلتلا اذا بتقدر تبعتلي الصورة على موبايلي , فتحت اللابتوب و سحبتا و بعتتلي اياها , فتت على غرفتي و فتحتا و شفتا على هدوء , اشتهيت امسكو بين ايدي و لعبو و حممو و غيرلو تيابو , حسيت قلبي ضعيف كتير , حبيتو كتير للولد من ورا شاشة اصغر من كف الايد , صرت كل يوم افتح شوف الصورة فوق العشر مرات , فتت عند سارة
سوزان : سارة دبة ..سالي ما عاد نزلت صور لابنا
سارة : أي و معي فيديوهات كمان
سوزان : أي ابعتيلي بس ما تخبري حدا
بعتتلي سارة الصور و الفديوهات و من فرحتي نسيت اسالا من وين جابتن , فتت اتفرج علين لحالي , كنت حس حالي عم اسرق هاللحظات سرقة و عم اتخبى و كانو عم اعمل شي غلط , فتحت اول فيديو, كان فيديو لسالي اول هي و متسطحة على التخت بالمشفى و بحضنا ابنا و جنبا زوجا و مرة ناصر , دمعو عيوني انا و عم اتفرج و خفت كتير , خفت يكبر الولد بعيد عننا , يمشي اول خطوة و يحكي اول كلمة و ما كون اول الناس تشوفو , خفت فاتحو لمحمد بالموضوع و قلو بدي شوف ابن بنتي يلي قلبي حبو من غير ما شوفو و يرفض , لهيك فتت عند سارة
سوزان : سارة , انت عم تتواصلي مع سالي ؟
سارة : لا
سوزان : احكي عادي , ما رح اعملك شي
سارة : عالنت بس
سوزان : طيب ما فيكي تجيبيه لابنا نشوفو
سارة : و سالي و ابي ؟
سوزان : بس ابنا , هي لا و ابوكي ما ضروري يعرف , ما رح نقلو , منجيبو ساعة بالنهار
سارة : بقلا
سوزان : ايمت ولدت ؟
سوزان : على مهل شوي , بعدو صغير كتير بس اسمعي خبريا انو انتو ما رح تجو لعندا لانا ساكنة فوق بيت خالك , خليا تجيب الولد عند رفيقتا امل و انتو هنيك بتلتقو فيا و بتاخدو منا
سارة: ماشي
بعد اسبوع اجا زوجي محمد و خبرني انو اخوه كان عندو و اجا يعتذر منو و طلب منو يرجعو الشراكة مع بعض متل قبل بالرغم من اعتراض مرتو و مشاكلن مع بعض كرمال هالموضوع , بس زوجي ما وافق فورا مع انو كان طاير من الفرحة من جوا لانو رح يرجع على محل ابوه و ترجع علاقتو مع اخوه متل اول , بعد شهر راحت سحر و سارة و جابوه لمحمد ابن سالي , اول ما مسكتو بين ايدي , خفق قلبي من الفرحة و كانو ابني , صرت لعبو و قلو يا روح التاتا , صدق مين قال محبة ولد الولد اكتر من الولد, صارو بناتي كل فترة اسبوعين يجيبوه لمحمد ساعة بالنهار , لليوم يلي كنت شارية فيه افرول لمحمد و مخبيتو بالخزانة حتى ما يشوفو زوجي و بالصدفة جابو
محمد: لمين هيدا ؟
سوزان : ...
محمد: سوزان .....ردي ....هيدا لابن سالي ........سالي عم تجي لهون
سوزان : لا , ولله ما عم تجي
محمد: لكن ؟
سوزان : بس ابنا , سحر وسارة بجيبوه كل فترة , محمد انا بضل ام و قلبي ضعيف , ما بقدر شوف ابن بنتي بالصور بس
محمد: ....لكن كيف بتعملي هيك ؟نسيتي شو عملت فينا

سوزان : ما نسيت بس تعب قلبي , ولله تعب من الحقد على هيدا و على هيدا .(تبكي) ..هاي انت علقت مع اخوك و رجعتو اصطلحتو و رجعت المي لمجاريها و اناسكتت ما حكيت شي ولا ادخلت بيناتكن و لا قسيت قلبك عليه لانو بضلو اخوات , صح سالي غلطت بحقنا و خانت ثقتنا بس انا كمان قسيت عليا وحبستا و ما استوعبتا , كان حقدي على اخي عامي عيوني
محمد: شو يعني , طلع الغلط عليكي و ندمانة هلا!
سوزان : أي ندمانة , ما بقي من العمر قد ما مضي , و ليش انا لحاسب العبد و عاقبن , في الله هو بيعاقب و هو بيغفر
محمد: على شو عم تمهدي؟
سوزان : ولاشي , وقت قرر ما رح خبرك لانو هيدا موضوع عائلي و ما دخلك فيه
محمد: يمكن من قبل كان ما دخلني بس هلا دخلني لانو الموضوع صار شخصي بيني و بين اخوكي , و اوعى تقليلي بدك تتصالحي معو
سوزان :............
محمد: سوزان ما تخليني كبر المشكلة اكتر و احلف عليكي يمين طلاق بالتلاتة
سوزان : شو ؟ههههههه بعد هالعمر بدك اطلقني , هاي وافقت على فادي و ليش حتى ما توافق على عامر
محمد: نعم , شو صرلو لعقلك , شو يلي غير رايك فجاة , اخي ما موت حدا , اخوكي موت امك
سوزان : كان ممكن اخوك يموتك بشي جلطة بس انت تحملت الصدمة و امي ما تحملت
محمد: انت ما بقا بينحكى معك , انا طالع من البيت
طلع محمد و خبط الباب وراه و انا بقيت قاعدة و صافنة بالارض و بهالعمر يلي عم يركض بسرعة , رجع بعد ساعة كنت عم اتفرج على التلفزيون , فات ساكت و لا حتى سلم علي , بعد اسبوع اجت بنتي سارة عندي
سارة : امي ... خالي ناصر اخدو عالمشفى
سوزان : عالمشفى ليش ؟
سارة : جلطة قلبية
سوزان : ....
سارة : ما بدك تروحي لعندو
سوزان : لا
سارة :حالتو خطرة بلكي مات
سوزان : هو ميت من زمان
فتت على غرفتي ,ما كننت بقدر انكر انو زعلت و حزنت و خفت يموت , اتصلت بحامد و خبرتو , سكت و غص
حامد: باي مشفى ؟
سوزان : هلا بعرف , رح تروح
حامد: .... ايه
سالت سارة عن اسم المشفى و اعطيتو اسما لحامد و قعدت على نار , بعدين ما تحملت و فتت البس و انا و طالعة من غرفتي ,شفت بوجهي سارة , كات لابسة و ناطرتني
سوزان : لوين ؟
سارة : كنت عارفة انو بدك تروحي لهيك لبست , بدي روح معك
سوزان : خليكي هون
سارة : لا بدي روح , بلكي تاخرتي و اجا ابي و سالني وينك , ما بعرف اكذب عليه
سوزان : اوووف , طيب
لحقتو لحامد, كنت رايحة انا و متلبكة و متوترة
الجزء الحادي عشر:
وصلت على المشفى و سالت ممرضة الاستعلامات عن اسمو و كنيتو يلي بتجمعنا سوا , قالتلي الطابق التالت , طلعت على الدرج انا و مترددة , وقفت شوي اخدت نفس و تابعت طلوع , شفت من بعيد مرتو و اولادو عامر و معمر و بنتي سالي و اخي حامد , انتبهو علي , انا وقفت شوي بنص الممر , حسيت حالي متل الغريبة , اجا لعندي حامد
حامد: سوزان , ما توقعتك تجي
سوزان : كيف صار ؟
حامد : هو بغرفة العمليات , عم يركبولو شبكة, تعي
قربت لعندن , سلمت علين سلام و رحت قعدت جنب حامد ,نحن و قاعدين , اجا شاب باول عمرو , كان واضح انو هيدا رائد ابنو الصغير , اول ما شافو عامر , هجم عليه و ضربو
عامر: انت انقلع من هون , انت السبب, اذا بصرلو شي لابوك رح اطلع بجنازتك
حامد: طولو بالكن , بعدو عن بعض ,ما بصير هيك انتو بالمشفى
قام حامد يفصل بيناتن هو و ام عامر , رجع خطوتين رائد لوراا
رائد: هااا , عمتي و خالي هون , كيف هيك رضيتو على ابي و جيتو و اخيرا
معمر : رائد احترم حالك و روح من هون , الوضع ما ناقص
سكت و نزل , حسيتت للحظة انو التاريخ عم يعيد نفسو قدام عيوني و ينفس المطرح , رجع قعد جنبي حامد
حامد: هيدا رائد ابنو الصغير
سوزان :أي توقعت , شو القصة ؟
حامد : قلتلي سالي ابنو هو يلي جلطو
سوزان : بتحس كانو ...
حامد: التاريخ عم يعيد حالو
سوزان : صح من عشر سنين كنا هون , شو عمل لابوه ؟
حامد: سارق منو مبلغ منيح و مروحو على السكر و القمار , ابنو هيدا فاشل كتير و سمعتو ما بتسوى ابدا , فيكي تقولي بلوعة العيلة
سوزان : اممم, الله يهديه احسن الشي
بعد شوي طلعوه من غرفة العمليات و نزلوه على غرفة لحالو ,كان وجهو اصفر كتير , طمنا الدكتور عن وضعو و انو شوية وقت و بفيق من البنج , نزلت انا و حامد و سارة على الكافتريا نشرب قهوة , لحقتنا سالي بعد شوي , كان شكلا بكيانة كتير على عما , هي بكيت على اخي و انا ما بكيت , سحبت الكرسي و قعدت
سوزان : وينو ابنك ؟
سالي : تركتو عند جارتنا
سوزان : ابنك صغير و بيرضع لسا , روحي لعندو
سالي : تاركتلو ببرونة حليب , هلا بس يفيق عمي و اطمن عليه برجع
حامد: سوزان , محمد بيعرف انك انت هون
سوزان :لا, ما لازم يعرف و الا بيعصب كتير علي
سالي: امي
سوزان : سالي شايفة الوضع ما خرج ينحكى شي فيه
سالي : لا طبعا بس كنت بدي قلك انو انا انبسطت كتير انو جيتي
اجا عامر وخبرنا انو ابوه فاق , طلعت سالي و سارة لعندو و انا بقيت انا و حامد عم نطلع ببعض
حامد: منطلع
سوزان : على مهل شوي , اذا بدك اسبقني انت
حامد: طيب , انا سابقك

الجزء التالت:
@rwayate
اسم امي و سمعتا رح يضل ملاحقني العمر كلو قد ما حاولت اهرب من هالواقع و احلم بحياة بتشبه الحياة رح يكون هالكابوس بالمرصاد لينغص علي عيشتي , ما بقى عندي شي لاخسرو, و تمنيت انو اقدر تابع حياتي متل اول و انسى خيبة الامل بس ما قدرت , لاني تغيرت من جوا , اتصلت بامي و طلبت منا مصاري و رحت اخدتن منا و رحت على السوق اشترتلي كام قطعة تياب جديدة على شكل الفستان يلي اشتريتو وقت عزيمة الغدا عند اهلو لحسام و عجبو كتير , و رجعت على السسكن انا و حاسة حالي مرتاحة , تاني يوم نزلت على شركة الادهم و جبت رقم فادي من الموظفين بالطابق الارضي ,كنت بعرف انو موجود فوق بس ما كنت حابة اطلع لانو خفت شوف حدا غيرو من اخواتو او التقي بحسام و اضعف , طلعت من الشركة و دقتلو
سارة :انا سارة
فادي اهلين
سارة : فادي ممكن اخد من وقتك شوي
فادي : سارة انا حكيتو لحسام كرمال يلي ....
سارة : بعرف و بعرف انو حسام خطب الله يهنيه , انا ما اتصلت فيك كرمال حسام لانو تجاوزت هالقصة
فادي : لكن ؟
سارة : انا بدي تساعدني , انا عم دور على شغل بشركة خاصة و بتعرف انا بدرس تجارة و اقتصاد و قلت اكيد انت الك معارفك و بتقدر تخدمني بهالموضوع
فادي : طيب بشوف
سارة : هيدا رقمي سيفو عندك و ناطرة اتصالك , اذا بتريد ما تنساني انا بحاجة الشغل هالفترة لانو ما بقا عم اعطي دروس بالبيوت
فادي : طيب بس ما بوعدك انو لاقيلك
سارة : .......طيب ....على كل حال انا عم اسال كمان و شكرا الك بكفي اعرف انك حاولت و ما قصرت
مر اسبوع على مكالمتي مع فادي , اتصل فيني و خبرني انو في ميني مول للمواد الغذائية فاتحو جديد رفيقو و بدن موظفين كاشير
فادي : بناسبك هيك شي ؟
سارة : أي تمام , ابعتلي العنوان ؟
فادي : انا بدي مر لعندو باركلو فيه و اشتري شوية اغراض للبيت , باخدك بطريقي
سارة : طيب رح كون ناطرتك تحت الجامعة منيح ؟
فادي: ايه على الساعة 8 المسا
جهزت حالي و لبست فستان اسود طولو لفوق الركبة بشوي و رتبت حالي بطريقة ملفتة ,نطرتو بالشارع لاجا , فتحت باب السيارة و قعدت جنبو , اطلع فيني نظرة سريعة و بعدين دار وجهو لقدام
سارة : مسالخير
فادي: مسالنور
فادي كان بيشبه حسام ,بس اطول و كتافو عريضين و الو شوارب كثيفة ,كان طول الطريق ساكت
سارة كيفن الاهل ؟
فادي: لحمدلله و انت كيفك ؟شايفك احسن من اخر مرة
سارة : ايييه لحمدللله , بضحك على حالي كيف كان شكلي بهداك اليوم , تنذكر و ما تنعاد
فادي: اممممم
سارة : انشالله ما يكون حامل حسام علي و بيكرهني او انجرح مني , انا فعلا غلطت و ندمت لانو كنت لازم صارحو من الاول كرمالي ما كرمالو , لانو انا قضيت بحياتي كتير و يلي متلي بنت ضعيفة ما ممكن ترتبط باي شاب الا اذا كان رجال قوي قادر يستوعب ظروفا و يكون سند الا و يحميا من أي كلمة غلط ممكن تنقال فيا
فادي: يعني اخي حسام طلع معك مانو رجال؟
سارة : انا ما قلت هيك , حسام أي بنت بتتمناه مشالله ما ناقصو شي , انا يلي ناقصني و بدي مين يكمل النقص يلي عندي و اخترت الشخص الغلط , فهمت قصدي ؟
فادي: كلو قسمة ونصيب , الله يعوض عليكي
سارة : وقت منخسر بقولو الله يعوض عليكي و انا ما خسرت لحمدلله , بالعكس منيح تركنا قبل ما نتزوج و يعرف و اتورط , اكيد رح يضل يهتني بهالموضوع
فادي: وصلنا تفضلي
سارة : شكرا الك على التوصيلة رح فوت قبلك لانو ما بدي اعملك مشاكل اذا حدا شافنا مع بعض و يفهم غلط
فادي:بس بدي عرفك بلاول على رفيقي لازم يشوفك و يسالك كام سؤال كرمال يشوف امكانياتك
سارة : اكيد كرمال هيك انا جاي
نزلت انا و اياه وفتنا سوا , طلعنا على الطابق التاني , كنت عم اطلع عليه انا و ماشية , كان شخص واثق من حالو مشينا لاخر الممر حتى التقينا برفيقو , كان واقف و عم يشرف على العمال كيف عم يوزعو السلع الغذائية
مازن: ها انت هون , عم قول ليش نور المول
فادي : منور بصحابو , هيدي سارة يلي خبرتك عنا
.

الجزء الرابع
@rwayate
خبطت على ازاز الشباك لينزلو
سارة : نسي سعيد يحطلك هالكيس
فادي: بسيطة
نزل اخدو مني و شلحو ورا
سارة : فادي انا بعتذر مرة تانية يا ريت ما حكيت هيك
فادي: راينا بالناس ما معناه هيدا الواقع او الحقيقة , كل حدا بشوف من زاوية
سارة : يعني يلي قلتو عن مرتك ما واقع و شفتو من زوايتي بس !
هزيت براسي
سارة:طيب , انت معك حق ادافع عنا بضلا مرتك و ام اولادك , انت رجال ما في منك عنجد
اطلعت فيه و ابتسمت و انا ساكتة لرن موبايلو , استاذنت و رجعت , كبر بنظري بعد الكلام يلي قلي اياه مع انو زعجني , كنت جريئة مع فادي بنظراتي و حكيي اما هو كان خجول كتير , ما كانو رجال عمرو فوق ال 35 سنة او متزوج و عندو اولاد , كان يتلبك متل طفل صغير ,بالمرة التانية يلي اجا فيا فادي و صارت الفترات بين جياتو قريبة كتير , صرت اتجاهلو و ما بقا اطلع فيه ابدا و لا حتى الحقو بس كنت اطلب من سعيد يقوم بالمهمة عني
سارة : شوفو عم يطلع لهون
سعيد: ايه عم يطلع , شوفي بينك و بينو ؟باينتو كبير و متزوج , ما عرفتي تحطي عينك االا عليه
سارة : ما دخلك سعيد
سعيد: طب شوفيني انا , عبريني , ولله بنحب و ودمي قشطة و اديش بضحكك , ولا ما بعبي عينك ؟
سارة : سعيد بلا مسخرتك هلا , ركز بيلي قلتلك عليه
سعيد: وليه جدبة بخاف يفكرني اني حابو و يفهمني غلط ههههههه
سارة : ههههه حاكم شكلك بيوحي
سعيد : اسكتي دبة , لو انا هيك كنت شفتيني مزروب ورا اهاالالة 7 ساعات
سارة وين كنت شفتك لكن ؟هههههه
سعيد : مع رفقاتي عم نرقص و نهيس و نطبق شباب ههههههه يايييييي هيدا شحلو ياييييي هيدا بدي منو شو قوي
سارة : خلص بربك فرطت
سعيد : اووووه ماي كاد كتير حمش, ليكو اجا ابو العضلات المفتولة شكلو بيلعب حديد
سارة : تعا انت مشيه
وقفت ورا سعيد و عملت حالي ملتهية بالموبايل
سعيد: طيب و انت خدي وضعية التقيلة و الراكزة ....اهلين حبيب
مد راسو من ورا سعيد
فادي: كيفك سارة ؟
سارة : اهلين فادي
اخد اغراضو و طلع , بعد شوي اجتني رسالة منو
فادي: اطلعي شوي بدي احكي معك كلمتين , ناطرك بالسيارة
دق قلبي من الفرحة
سارة سعيد انا راجعة ما بطول
زبطت شعراتي و شلحت اليونيفورم و طلعت , فتحت الباب و قعدت جنبو
سارة : ايه فادي في شي؟
فادي: ما بعرف , انا يلي لازم اسالك , شبك ,عم حسك عم تتجاهليني كل ما بجي
سارة :.......
فادي: شبك سكتي , يمكن ما بحقلي اسال بس خفت كون متصرف معك تصرف ما مزبوط او انزعجتي من طريقة حكيي معك اخر مرة
سارة : لا ابدا بالعكس , انا فعلا عم حاول اتجاهلك ما لانو مدايقة منك بالعكس .....انا خايفة اتورط
فادي: تتورطي !بشو بدك تتورطي ؟
سكتت و اطلعت فيه بهدوء بعدين قربت لعندو اكتر و بستو من شفايفو , ما اعطى أي ردة فعل , بعدين فتحت باب السيارة بسرعة و نزلت , انا و راجعة فتلت وجهي لشوفو , كان بعدو قاعد بعدو السيارة عم يحاول يستوعب شو يلي صار هلا , بعد بساعة بعتلو مسج
سارة : انا اسفة ما بعرف كيف هيك طلع معي , ما بدي تاخد عني فكرة ما منيحة عنجد تصرف غبي مني , بتمنى ما بقا ارجع شوفك ابدا
ما بعرف ليش هيك تصرفت معو , حسيت حالي استعجلت كتير , خفت خرب كل شي عم اعملو و يفهم اني انا متل امي , بس تاني يوم الصبح اتصل فيني
فادي: انت بالسكن؟
سارة : ايه
فادي: انزلي بدي شوفك هلا ؟
سارة : فادي ....كرمال يلي صار مبارح , اعتبرو ما صار
فادي: الساعة 2 بتلاقيني ناطرك تحت
سارة : طيب
لبست بنطلون جينز و تيشرت ابيض و نزلت , شفتو قاعد بالسيارة , كان واضح انو ما مرتاح و مدايق , قعدت جنبو
سارة : كيفك ؟
فادي: انت شو بدك مني؟
صرت افرك بايدي و احمر وجهي
سارة : انا ...ولاشي
مسكني من ايدي و صار يهزني
فادي: شو مفكرة حالك عم تعملي, بدك تنتقمي من حسام فيني و بدك تعمليني طعم , مفكرتيني لعبتك ,ولا بدك تنتقمي مني لانو خبرت حسام عن امك شو بدك مني , قولي
دمعو عيوني و غصيت و ما توقعت ابدا انو فادي يكون بدو يشوفني ليبهدلني هالبهدلة
سارة ولاشي .....ما بدي شي ...انت يلي بعتلي رسالة مبارح لاطلع شوفك و اليوم انت يلي اتصلت فيني , خلص ما بقا تجي على المول , في عشرة غيرو
فادي: انا بجي على المول يلي بدي اياه
سارة طيب طيب ما توقعتك بدك تشوفني كرمال تبهدلني
فادي: لكن شو توقعتي , مفكرتيني اهبل و ما فهمان على لعبتك , انت وحدة معقدة نفسيا ...
سارة(تبكي) :خلص بقا , ما بسمحلك تحكي معي هيك و توقعتك محترم
فتحت باب السيارة و جيت انزل , رجع ششدني و سكر الباب
فادي: انا لسا ما خلصت كلامي , انا محترم و لو ما كنت محترم كنت مشيت معك و سايرتك و تسليت شوي
سارة : طيب انا يلي ما محترمة و انا المعقدة نفسيا و انا البنت اللعوبة و انا يلي بدي اتسلى
فادي: ما مستاهلة ضيعي حالك كرمالو , هو تزوج و متابع حياتو و بكرا بصير عندو اولاد و انت راكضة لتنتقمي منو و بعدك عم تفكري فيه , شيليه من راسك
سارة :.......

الجزء الخامس
@rwayate
صف السيارة و نزل , شفتو من بعيد و درت وجهي , اجا قعد جنبي هو و عم ينفخ و كانو شعراتي عم يطيرو على الهوا و يضربو بوجهو , ربطتن و بعدين كتفت ايدي
سارة : ليش هيك تصرفت معي , حسيتا بس بدا تذلني
فادي: ما بعرف
سارة : بس انا بعرف , الغيرة و الكيد عن مرتك اوفركنترول , قهرتني كتير , قطعت بنصيبي اول مرة و هلا قطعتلي برزقي طلعت انا و مقهورة ما عرفت لوين بدي روح اتصلت بسعيد مشغول رحت عند امي مشغولة (تبكي)ما حدا فاضي
فادي : يلا هاي انا فاضي
حط ايدو على المقعد ورا ضهري و حسيت برغبتو بانو يضمني و يخفف عني ,قربت لعندو اكتر و سندت راسي على كتفو , لفني اكتر و بكيت كتير
سارة : وسختلك قميصك
فادي: فداكي
حطيت ايدي بحضني و صرت افرك فين , كان شعور خجل و توتر و فرح بنفس الوقت , حط ايديه على ايدي
فادي: خلص ارحمين لايديكي
سارة : كانت مرة حسام معا........ رايقة و مؤدبة كتير شو بتفرق عنا كيف هدول رفقة ما بعرف
فادي: خلص انسي
بقينا ساكتين و عم نطلع على البحر شي ساعة وهو لاففني و عم يلمس على شعراتي ،بعدت عنو فجاة و قمت وقفت
فادي: شبك ؟
سارة : انا لازم روح
فادي: طيب انا بوصلك
طلعنا بالسيارة , وصلني على السكن و نزلت انا و ساكتة و اطلعت على غرفتي , المسا بعتلي رسالة عم يطمن عن حالي كيف صرت , رديت عليه كلمتين لحمدلله احسن , تاني يوم اتصل فيني الصبح
فادي : ارتاحي يومين و بعدين بتشوفي الشغل يلي جايبلك اياه
سارة : ما بدي أي شغل من طرفك ؟
فادي : ليش ...طيب طيب لتروقي منحكي
سارة : انا رايقة هلا , انا قررت ارجع لعند امي
فادي : لا , لوين بدك ترجعي لعندا ..ما عارف شو بدي احكي لانو ما بدي اغلط
سارة : انا قررت و خلص و هي بدبرلي شغل من معارفا
فادي : لا ما تحلي غلط بغلط , قرار غلط انك ترجعي لهديك البيئة و الحارة , ارتاحي يومين هلا بدون ما تتصرفي شي
سارة : فادي انت متزوج و عندك اولاد و انا بدي اياك تطلع من حياتي
فادي : طيب ماشي بس لترجعي توقفي على رجليكي
سارة :.....
فادي : شو ؟
سارة : طيب شو الشغل ؟
فادي : عنا
سارة : وين عنكن ؟
فادي : بالفرع التاني مستلمو لؤي
سارة : لا مستحيل , انا بدي ابعد عن النار و انت بدك تقربني اكتر
فادي : انا حكيت لؤي بالموضوع و نحن ناقصنا موظفة و خاصة انو الفرع برا البلد شوي , هيك اريحلك و المواصلات مأمنة
سارة : مابعرف مابعرف
بعد يومين اجا فادي اخدني من تحت السكن على الفرع التاني , طول الطريق ما رجعنا حكينا بيلي صار و لا حتى جبنا سيرة نتالي, نزلنا على معمل مساحتو كبيرة , شفنا لؤي , سلم علي عادي و فرجاني شو بدي اشتغل , كان كل شغلي على اللابتوب بعدين تركنا و راح و بقيت انا قاعدة على الكرسي و فادي واقف فوق راسي عم يشرحلي على الشغل , كان يتحاى النظر فيني
فادي: يلا انا لازم ارجع , بالنسبة للمواصلات الباص بمر بياخدك من جنب الجامعة
سارة : ماشي ما عارفة كيف بدي اتشكرك هاي تاني مرة بتساعدني
فادي: ما في داعي , بس التزمي باالمواعيد و اشتغلي مزبوط و ما طلعيني بالخجلة
سارة : لا اكيد , هلا انت بتجي لهون ؟
فادي: نادرا
سارة : طيب شكرا مرة تانية
طلع من الغرفة و انا واقفة عم اطلع عليه , كان فيه سحرو جاذبية بشخصيتو الجدية , بعد يومين من شغلي بمعمل الادهم , اتصل فيني سعيد يسالني ليش ما عم يشوفني بالمول , خبرتو انو تركت الشغل
سعيد: ليش؟
سارة : قصة طويلة
سعيد: ابو عضل الو علاقة بالموضوع
سارة : ايه ما هو يعني, حدا من طرفو
سعيد: طيب ايمت بقدر شوفك , شو عندك اليوم المسا ؟
سارة :ولاشي
سعيد: طيب معناها بس علملك انزلي , بكون ناطرك تحت
سارة : طيب
المسا نزلت شفتو لسعيد و خبرتو كل شي صار معي
سعيد: شو بدك بواحد متزوج , ولله الف شاب عذابي بيتمناكي
سارة : انا الي وضع خاص
سعيد: شو وضعك؟
سارة : قلتلك وضع خاص ما عام يعني اكيد ما رح خبرك
سعيد : على اساس معتبرتيني رفيقتك مدري رفيقك
سارة : اوووف المهم شو اخبارك انت و رغد؟
سعيد : رغد اخ طلع قصتا قصة هالبنت , يا حرام ابوا و اما و مطلقين و كل واحد متزوج و الشاطر يلي بزتا على التاني , و هي ضايعة و ما عارفة وين تروح بحالا بين مرة اب لئيمة و زوج ام متسلط و لسانو وسخ
سارة : ايييه و انت ؟
سعيد : انا شو ؟ انا متعاطف معا ولله
سارة (تضحك): يالله بس تعاطف يعني
سعيد :هههههههه ما اقواكي شو بدك تعرفي
سارة : انت شو بتخبرنا
سعيد:طيب ما بعرف يعني بس حاسس انو انا حابة كتير , بحب كون معا على طول بحس حالي صرت مسؤول عنا ما عارف كيف بدي وصلك هالاحساس
سارة (مبتسمة):ايه؟
سعيد:بحس حالي اني رجال معا ما بقا سعيد الولد الطايش يلي كل همو يضحك و ينبسط و يصرف ما في الجيب ياتيك ما في بالغيب , صار كل همي انو شوفا مبسوطة معي بحس انو ضحكتا و سعادتا صارت من مهمتي
سارة الله سعيد العشقان
سعيد: بلا مسخرتك , عنجد عم احكي بس فيها خصلة بشعة
سارة : شو هي ؟

سعيد: حاولت بس رفض رفض قاطع و قال انا ما عندي ابن اسمو سعيد , المهم هاي انا حكتلك قصتي و انت شو قصتك ؟
سارة انا ....طيب ....رح احكيلك اياها بس بخاف تتغير اتجاهي و ما يعود بدك رفقتي
سعيد: يا لطيف كل هالقد يعني
حكتلو لسعيد و انا عم راقب ملامح وجهو يلي كانت باردة كتير و هالشي ريحني و خلاني احكي كل يلي بقلبي
سعيد: امك هيك , انت شو ذنبك فيا و هلا اا يمكن نسمع لامك يكون الها اسباب مقنعة , على كل حال ما تخلي هيك شي ياثر على نظرتك لحالك ,يلي بدو يتقبلك بكل شي و متل ما انت اهلا و سهلا و يلي ما بدو هو الخسران , المهم انا لازم عرفك على رهف عن قريب حبابة كتير
سارة : اكيد
رجعت على السكن انا و عم فكر بحالي ايمت بدي حب بدون ما خاف , ايمت رح يجي الشخص يلي تقبلني و يفهم الشي يلي مريت فيه , اول ما حطيت راسي على المخدة مرق براسي فادي , حاولت ابعدو عن تفكيري بس ما قدرت ,كنت حابة ارجع شوفو مرة تانية بس مر اسبوعين و ما شفتو و لا حتى سمعت صوتو , كنت شوف اخوه لؤي عم يتفتل بين العمال و يمر علي ليتاكد من شغلي , بعد شهر قبضت اول راتب , كان اكتر بشوي من الراتب يلي كنت اخدو بالمول ,فكرت اتصل بفادي و اتحجج انو بدي اعزمو على فنجان قهوة و طعميه حلوان اول راتب , بس حسيت حالي غبية كتير و رح يعرف فورا نيتي من ورا هالاتصال بس فاجئني هو و اتصل
فادي: انشالله عجبك الراتب ؟
سارة : ايه لحمدلله ,فكرت انو ....كيفك انت ؟
فادي:فكرتي بشو ؟
سارة : ولاشي
فادي: طيب يلا بكرا بشوفك
سارة : جاي ؟
فادي : ايه بدي مر شوف القمايش يلي وصلت
سارة : ايه بشوفك اكيد معناها
تاني يوم احترت شو بدي البس لهل المناسبة ,اتانق كتير او ضل عادي , رسيت بالاخير على فستان طويل ناعم لونو ابيض و معرق زهر و رفعت نص شعري و هدلت التاني على وجهي , كنت طول اليوم بالشغل على اعصابي و ناطرتو , خلص دوامي و ما شفتو , المسا اتصلت فيه ما رد , بعد ساعة اتصل
سارة : صار معك شي حتى ما جيت اليوم
فادي : لا جيت
سارة : عنجد ؟ايمت ؟ما شفتك
فادي : كنت مستعجل خلصت شغلي تحت و رجعت , ما طلعت لفوق
سارة : اممم يلا ما مشكلة المهم اني طمنت عليك سلام
سكرت و زتيت الموبايل على التخت
سارة : (ليش هيك عمل ؟ عم يلعب فيني ؟او انا عم يتهيالي انو في شي من جهتو اتجاهي او يمكن عم يتقل حالو . ما كنت لازم اتصل فيه انا غبية كتير و مندفعة , اكيد فهم من اتصالي اني راكضة وراه )
ما نمت منيح هديك الليلة انا و عم فكر بتصرف فادي و عم لوم حالي على غبائي ,بعد يومين كنت قاعدة عم اعمل جرد حسابات طلبن مني لؤي
فادي: صباح الخير
رفعت نظري و شفتو واقف على الباب , تلبكت و حطيت ايدي على شعري لزبطن , ما كنت محضرة حالي ابدا و كنت لابسة تياب مبارح
سارة : اهلين فادي
فادي: الي شوي واقف بس ما انتبهتي علي , كنت مركزة بشغلك
سارة : أي تفضل
فادي: رايح بس مريت سلم عليكي
سارة : ليش جيت اليوم ؟ قصدي يعني ما خلصت شغلك من يومين ؟
فادي: لا ما خلصتو على الاخر , اليوم جيت كفيتو , كيف الشغل معك انشالله مرتاحة ؟
سارة : أي كتير
فادي:يعني لؤي ما عم يزودا عليكي؟
سارة : لا ابدا بالعكس الشغل معو مريح و رايق كتير
فادي: منيح يلا ديري بالك على حالك سلام
قمت وقفت
سارة : الله معك
فادي: شبك ليش وقفتي؟
سارة : انا ....بدي روح اشرب مي
فادي: ليكا كاسة المي جنبك
سارة اه ما انتبهت
طلع من الغرفة و انا رجعت قعدت و حطيت ايدي على تمي لاكتم شهقتي
سارة :(يالله شبني حاسة حالي اغبى وحدة بالعالم طب ليش وقفت و شو عم يصير معي بس عم شوفو او احكي معو عم خبص كتير)
حاولت ارجع ركز بشغلي مرة تانية بصعوبة بس كنت اشرد كل شوي , كانت اعصابي عم تنحرق برغبتي لاعرف فادي كيف بفكر فيني و كيف بشوفني و شو بحس وقت بشوفني و ليش هيك عم يعمل بنطرو ليجي و ما بيجي و فجاة بطل قبالي , بس كان راكز كتير و هادي حتى ملامح وجهو بتكون مرتاحة غير عني يلي بحس انو لون وجهي انخطف و دقات قلبي تخربطت و بتلعثم بالحكي و بحس فقدت السيطرة على عقلي و انشل تفكيري , صرت كل يوم رتب حالي كانو اليوم بدي شوفو و على امل اني شوفو رغم الفوضى يلي بتعملا فيني طلتو و نظراتو بس كان احساس حلو ,مر اسبوع و اتنين ما شفتو فين بس شفت حسام بالصدفة , كنت رايحة عند لؤي دقيت دقتين و فتت ومعي اوراق و شفت لؤي قاعد على الكرسي و حسام مسند حالو على الطاولة جنبو و عم يشوفو مساطر , اول ما فتت وشفتو تلبكت و يلي زاد الوضع سوء انو لؤي توتر كمان اما حسام وقف و صفن

سارة : كنت اشتغل عندو بالشركة و تركت الشغل
ام سارة : ليش تركتي ؟
سارة : هيك ما ارتحت , اذا رجع سال قليلو.....قليلو ...انو سارة توظفت بمحل البسة
ام سارة : طيب بس انا حسيتو محترم فات قعد و شرب قهوة و سالني اذا عم تنامي هون الا بالسكن
سارة : و انت اكيد اخدتي و اعطيتي معو , تاني مرة ما بتفوتيه
ام سارة : طيب طيب
انا و عم احكي مع امي رن موبايلي , كان رقم فادي , ما رديت عليه , انتبهت علي امي تغيرت ملامحي تركتني و طلعت حتى رد بس انا ما كنت حابة رد , بعتلي مسج
فادي: ردي اذا بتريدي
رن كذا مرة , ما رديت عليه , قفلت الموبايل و شلحتو تحت المخدة , على الساعة 100 بالليل رن جرس بيتنا ما قمت فتحت لانو توقعت من ضيوف امي , بعد دقيقتين انفتح باب الغرفة و شفت امي و وراها فادي
ام سارة : تفضل
فادي : شكرا الك
فات و سكر الباب وراه , انا كنت بعدني قاعدة على التخت مصدومة بوجودو
فادي : كيفك ؟
سارة : كنت كتير منيحة قبل بخمس دقايق
فادي : ليش ما عم تردي , ما حلو هالتصرف ابدا كتير مولدن , و غيرتي رقمك و اختفيتي او بالاحرى هربتي من المواجهة بدون ما تتركيلي فرصة لاحكي و لانت تسمعي
سارة : تفضل عم اسمع
فادي :ما انا يلي بعتت نتالي لعندك على المول , بسمة شافتك بالصدفة و خبرت كل العيلة اما حسام انا فعلا بعتو بس ما توقعت تحتكي انت و اياه و يحكي معك بهالطريقة , انا بعتذر نيابة عنو بس انت ما بصير تتركي الشغل بهالطريقة , طلعتي حتى بدون ما تخبري لؤي
سارة : ما كان فيني ضل بعد ما اخوك هاني
فادي : كنت خبريني و انا بتصرف
سارة : ما في مشكلة انا تعودت انو ما بيجي من طرفكن الا الاهانة
سحب الكرسي و قعد قبالي على التخت
فادي : طرفنا ؟ شملتي الكل بكلامك , نكرتي وجودي جنبك اول مرة و تاني مرة و هلا جيتي لهون كرمالك
سارة : فادي انا صرت بعرف اسلوبك جاي تقنعني ارجع على الشغل كرمال ارجع اتبهدل مرة تانية
فادي: لا ما جاي قلك ارجعي على الشغل انا جاي لقلك الشي يلي ما قبلتي تسمعيه و فهمتيه غلط
سارة : كلك ذوق ....
سكتت وقت فاتت امي و حامل صنية القهوة , ضيفتو لفادي
فادي : يسلمو
طلعت و سكرت الباب و انا كنت بعرف انو عم تتسمع على الحكي
سارة هاي سمعتك و عذرتك , شكرا الك ما كان في داعي تغلب حالك و تجي لهون
فادي : عادي , بكرا بتاخد رجلي اذا كل ما دقتلك و ما رديتي
سارة : ما عاد في اتصالات بيني و بينك , لانو ما عاد في شغل و ما فاضية هالفترة خطبتي بعد اسبوع
فادي : ولله لمين انخطبتي؟ ما تقليلي لسعيد يلي كان يشتغل معك بالمول
سارة : صح هو نفسو
فادي : لهل الولد !
سارة : اخوك هو الولد اما هيدا يلي ما عاجبك بيعرف كل شي عني و رغم هيك ما بيخجل او بيستحي و ما عندو مشكلة
فادي: و هلا انا لازم صدق هيك حكي يلي طلع فجاة بهاللحظة , يعني لو تاخرتي شوي كنت جيت لقيتك متزوجة و عندك اولاد
سارة : على راحتك , ما مطلوب منك تصدق , المطلوب انو تبعد انت و أي حدا من عيلة الادهم من طريقي
فادي :انا يلي اتصلت فيكي ولا انتي ؟ مين يلي طلع بطرق التاني ؟
سارة : انا , انا يلي قصدك لتساعدني و انا توددلك و كانت نيتي عاطلة اتجاهك و كنت بدي اقهر مرتك و اخوك بنفس الوقت و انت كنت الطعم متل ما قلت بس بعدين حسيت حالي عم استهلك طاقة و مجهود ما بمحل .......او قلك شي .....ما بقا بدي كذب و لف و دور ......انا فعلا كانت نيتي اتجاهك هيك بالاول بس بعدين انت .....انت فعلا عجبتني و ما بقا فكرت لا باخوك و لا بمرتك بس برافو عليك قتلت كل شعوري اتجاهك ب لعبك باعصابي , بالاخير انت متزوج و عندك اولاد و انا من حقي يكون هيك شعور اتجاهي و ما رضيت فيني لاخوك حتى ترضاني الك
حط الفنجان على الطاولة , و مسح وجهو بايدو بتوتر بعدين حك دقنو , انا وقفت حكيي لانو حسيت حالي بلشت تعفيس بالحكي و بلش صوتي يرجف
فادي: ايه؟
سارة :......
فادي : شبك سكتي, كملي
سارة : خلصت
ضل قاعد ساكت و عم يطلع فيني و انا حطيت عيوني بالارض و عم ارجع عيد شو حكيت بيني و بين حالي
فادي: طيب بما انك كنت صريحة معي انا رح كون صريح اكتر, انا فعلا بعتت حسام على المول اول مرة مع مرتو عن قصد و بعتو تاني مرة على المعمل لتشوفيه و تحتكي معو و اعرف مشاعرك اتجاهو اذا بعدك بتحبيه و رح تتاثري او لا
سارة : وشو .....
فادي : بعرف شو رح تقولي
زاد توترو اكتر
فادي : انا خفت تكوني بعدك بتحبيه و عم تلعبي فيني....كنت بدي اتاكد بس
سارة : و شو طلع معك ؟
فادي : ما طلع معي شي
سارة و ليش بدك تتاكد؟
فادي :..انت هيك عم تحاصريني اكتر , انا ما رح انكر سارة انو انا صرت عم فكر فيكي كتير بالنهار بالشغل و بالليل قبل ما نام و بشتاق لشوفك و برتاح وقت شوفك و عم حس معك ي بحياتي ما اختبرتو من قبل , حتى حاسس حالي متل المراهقين ..شغلتيلي تفكيري و عجبتيني و حبيت للحظة انو تكوني الي بس .....

سارة : بس صعب كتير , انت متزوج و انا كنت رح كون خطيبة اخوك و رح توقع بمشاكل كتير مع اهلك و فوق كل هيدا اانا ما بناسبك , صح , هيدا يلي بدك تقولو
فادي: لا لا ما هيدا يلي كنت بدي قولو مع انو فكرت فيه بس ما اخد من تفكيري كتير انا كبير و واعي و بعرف شو بدي و كيف اخد يلي بدي اياه بدون ما اسال على راي حدا , بس كنت بدي قول انو كان يلي موقفني عن أي خطوة هو انت و انو ما تكوني عم تبادليني نفس الشعور
سارة : .........
فادي : ما عندك تعليق على هالحكي ؟
سارة : عندي ايه تزوجني
.........................................

بس خلصنا فطور رحت اشتريت تياب الي من قمصان نوم و فساتين ناعمة و كام قطعة للطلعة بس ما فرجيتن لفادي , تركتن مفاجاة ليشوفن علي و رجعنا على الفندق ارتحنا شوي و نمنا و بعدين ضبينا اغراضنا و رحنا على المينا لنطلع بالباخرة و نتوجه على جزر الاميرات , كنت عم شوف العالم و كانوا ول مرة بشوفو , نحن و على الباخرة و عم نشوف اسطنبول مضواية
سارة : كانك جاي من قبل لهون ؟
فادي: ايه
سارة : انت و مين ؟
فادي: انا و نتالي اول ما تزوجنا جينا قعدنا اسبوع هون
سارة : اممم
هزيت براسي
فادي: بس كنت جاي مغصوب على امري
سارة : عنجد , طب بما انو انفتحت هالسيرة , بدي اسالك سؤال جاوبني بصراحة
فادي: تفضلي
سارة : انت عنجد ما بتحبا لمرتك ؟
فادي: شو خطر على بالك تساليني هالسؤال ؟
سارة لانو خايفة كون اخدت شي ما من حقي و سرقتك من مرتك و اولادك و ضميري عم يعذبني , لو ما طلعت بحياتك كنت هلا ببيتك بين عيلتك
فادي: لو ما طلعتي بحياتي كنت فعلا ببيتي, محل ما بحب كون فيه وما ملاقي حالي فيه , اعتبري حالك جيتي و انقذتي غريق ,و اطمني يلي بيني و بين نتالي ما حب هو عشرة سنين و اولاد ,هي ما كانت الانسانة يلي انا برغبا بالشكل و المضمون
سارة : شو قصدك المضمون؟
فادي: هي صح بتحبني كتير و انا بشعر بهالشي بس هي ما بتعرف تحسسني بهالحب,ما بتعرف تعطي , بتاخد و بس , عنيدة كتير و شايفة بحالا ,هيك ربيت مدللة كتير عند اهلا و لهلا و شخصيتا قوية كتير زيادة عن اللزوم بطريقة منفرة , احيانا بحس وجودي و عدمو واحد بحياتا , يعني تركتا اسبوع مع الاولاد بس مطمن رح تابع بروتين حياتا , اسواق زيارات مطاعم هي و اهلا و رفقاتا , ما رح توقف حياتا علي
سارة: ليش انتو ما بتحبو المرة تكون شخصيتا قوية ؟
فادي:ايه بس وقت اللزوم , ما على طول لدرجة تلغي دور الرجال , هلا نحن بدنا نقضي القعدة على سيرة نتالي
سارة : اكيد لا بس فضول , خلينا فيك و بتعرف انا شو عجبني فيك
فادي: لا قليلي
سارة : بحسك واثق من حالك باي شغلة بتعملا و بحسك قوي عاطفيا و بتقدر تسيطر على عواطفك و بتحكي كلمتك بدون ما تخاف غيري انا
فادي /مبتسم/: ايه و شو كمان ؟
سارة : و بحس حالي وقت كون معك متل البنت الصغيرة بحضن ابوا
قمت قعدت جنبو وحطيت راسي على صدرو, لفني هو و عم يضحك
فاديك ابوا ؟ صح في فرق 14 سنة بيني و بينك بس كبرتيني كتير
سارة : و انت كبير بنظري يعني ما كبير بالعمر كبير بالافعال , المهم انو انا بحس بالامان جنبك و اذا بتغيب عني للحظة بصيبني خوف و بيرجف قلبي و اكلة هم من هلا بس نرجع كيف بدنا نبعد عن بعض بس ما مسموح ابدا انك تبعد كتير
فادي : ما كتير
بعد ساعة و نص نزلنا على الجزيرة الكبيرة بجزر الاميرات , حجزنا فندق لمدة يومين , قضينا نهارنا عم نتفرج على الجزيرة اخدنا بسكليتات و ركبنا عربة الخيل , كان الوقت مع فادي متل الحلم و ما كنت اترك أي فرصة لعبرلو عن سعادتي معو و اني كنت متل المحبوسة بين اربع حيطان و هو اخد بايدي ليفرجيني على العالم من عيونو يلي كنت شوف اللمعة فين وقت يطلع فيني , كنت كل ما البس شي جديد يبدي اعجابو فورا و يقلي انت يلي محليا القطعة , رجعنا على اسطانبول و كفينا سياحة بالاسواق المسقوفة و متاحف و مساجد و مناظر طبيعية , كان طول الوقت هو مقفل موبايلو و انا ما استعملو الا للصور , كنا منفصلين عن العالم و عم نعيش انا و اياه كل شي حلو , لليوم يلي حجزنا فيه لنرجع , بكيت بالحمام بدون ما حسسوا لانو حسيت انو انا طالعة من الجنة على جهنم , كان قلبي قابضني و قلقانة , بالليلة الاخيرة النا من الفندق كنا عم نتعشى على برندة الغرفة
سارة : انا بدي ارجع على السكن الا عند امي؟
فادي:لا هون و لا هون , رح ترجعي على بيتك
سارة :بيتي ؟ وين بيتي ؟
فادي:سارة انا ما دخلني بامك و طريقة حياتا و ما بمنعك انك تشوفيا بس ما بدي تروحي لعندا , التقي فيا بمكان عام
سارة :أي اكيد متل ما بدك ,طيب انا كل اديش بدي شوفك ؟ انا ما بدي تحس انو صرت تقل عليك او اطلب منك انو تعدل بيناتنا .....
فادي: كل ما تشتاقيلي بتشوفيني صرت قدامك
سارة : هههههه لا هيك بضل جنبي
فادي:ما اقواكي
سارة :انا قوية !انا معك ضعيفة كتير
تاني يوم الضهر كنا بالبلد , اخدني فادي على بيت الو , غرفة و صالون بس مرتبين
سارة :هيدا البيت الك الا اجار؟
فادي:لا ملك , الملك لله
سارة : يعني انت شاريه لتتزوج فيه ؟
فادي: ايه بس ما كنت منقي العروس لسا
سارة : عنجد؟
فادي:ههههههههه فوتي فوتي غيري تيابك
قعد على الكنباية و فتح موبايلو بعد اسبوع كامل , بلشت توصلو رساائل و مكالمات كتيرة
فادي: يلا انا لازم روح
سارة : لوين بدك تروح ؟ هلا جينا لسا
فادي: سارة بدك تتعودي على غيابي شوي
سارة : طيب بس قلي لوين بدك تروح حتى اطمن و اعرف اذا بقدر دقلك الا لا
فادي: بدي مر على الشركة بالاول و بعدين عند اهلي و بعدين على بيتي
سارة : يعني اليوم ما بشوفك ؟

فادي: بكرا بتشوفيني انشالله هلا روحي تحممي و غيري تيابك و شوفي البيت شو ناقصو اغراض و حطتلك مصاري فوق الطاولة بالمطبخ اشتري شو لازمك بس ما تنزلي من البيت بدون ما تخبريني اوك , ابعتيلي مسج عالاقل
سارة ماشي
ب لمح البصر قرصني من خدي و باسني و طلع وانا قعدت ابكي ما بعرف ليش بس كنت عم قوي حالي و انو لازم اتعود على هالوضع , انا اخترت هالحياة بايدي و ما ندمانة , مرت اول ليلة بعيدة عن حضنو لفادي صعبة كتير و خاصة انو ما عاد اتصل فيني و لا انا رجعت اتصلت فيه , تركتو يحل الفوضى يلي سببا زواجنا المفاجئ بس كنت ناطرتو تاني يوم بفارغ الصبر لافهم منو شو صار معو , جهزت حالي على اساس انو يجي و مر يوم كامل و ما اجا و لا حتى اتصل , حاولت الهي حالي بالبيت و شغل البيت و بالاخير ما تحملت بعتلو مسج
سارة : مسالخير حبيبي كيفك انشالله تكون منيح و كل شي تمام انا نازلة بكرا على الجامعة لشوف شو فاتني محاضرات
اعطاني تم تسليم الرسالة و لا رجع اتصل فيني او حتى بعتلي مسج انو ايه او لا , ادايقت منو كتير , نزلت تاني يوم على الجامعة و اتصلت بامي لخبرا عن رحلتي على اسطنبول مع فادي
ام سارة : سارة و اخيرا اتصلتي يا بنتي مين متزوجة مين هيدا يلي تزوجتيه
سارة : ليش عم تحكي هيك ؟
ام سارة : اجو خربو الدنيا عليكي , نكشو بيتي و هددوني بالقتل لقول وين انت و لو ما اجا ابو سليم لعندي و شافن لكانو قتلوني
سارة :مين هدول؟
ام سارة : ما بعرف , ما بعرف يمكن من طرف اهل مرتو لفادي , سارة ديري بالك على حالك و اذا حسيتي في خطر على حياتك ارجعي لهون و بلا منا هالجازة , حياتك اهم
سارة : طيب طيب خلينا احكي مع فادي و افهم منو
اتصلت فيه بس ما رد , تاني يوم هو اتصل فيني
سارة : فادي شو صاير ؟وينك انت ؟
فادي: انا بالمشفى
سارة : بالمشفى ؟ أي مشفى ؟ شو عملولك ؟
فادي:طولي بالك ما انا , نتالي
سارة : شبا ؟
فادي : كانت بدا تقتل حالا بس الله ستر , اسمعي سارة انا ما خرج كتير حكيكي هالايام لبين ما يتحسن وضعا لنتالي و بعدين منشوف شو بدنا نعمل يلا سلام
سكر حتى قبل ما قلو عن يلي عملوه بامي ,ومر اسبوع و ما شفتو فين لفادي , الاسبوع يلي قضيتو بالجنة معو قضيت مقابيلو اسبوع بجهنم , تعب اعصاب و تفكير و قلق ,و عذاب و تانيب ضمير و شفقة على نتالي , حسيت انو نحن كنا انانين كتير بتصرفنا و هلا عم نتعاقب على هالشي , بعد اسبوع المسا كنت عم حاول ركز بمحاضراتي و حاطة على اغانيه و عم اشرب نسكافيه , سمعت صوت طقة المفاتيح بالباب , قمت ركض و نطيت فوق الطاولة انا و عم زبط شعري و تيابي , اول ما فتو لفيتو فورا و تعربشت فيه , حملني هو و عم يضحك
سارة : طولت كتير كتير
فادي:هههههه شوي شوي بس خليني القط نفسي
سارة وين يلي بدي شوفو قدامي بس اشتقلو
فادي : ما كنت متوقع الامور تكون سيئة هيك
قعدنا على الكنباية انا و قاعدة عللى رجليه
سارة : كيفا نتالي ؟
فادي : صارت احسن
سارة :احكيلي بالتفصيل الممل شو صار
فادي: الوضع لسا مكركب و خطفت حالي لشوفك ساعة زمن لانو مشتقلك كتير تعالي
سارة بس خبرني بالاول
فادي: بعدين بحكيلك كل شي
ساعة وحدة بس كانت كفيلة لتخليني انسى كل اللوم و العتاب يلي كنت محضرتو لفادي و حاملتو بقلبي عليه , قلبي رجع متل الصفحة البيضا من اول ما شفتو و رجع غاب 3 ايام قبل ما يرجع يفاجئني مرة تانية الصبح الساعة 7 كنت نايمة وقت حسيت بشي عم يمشي على خدي , فتحت عيوني و شفتو قاعد جنبي عم يبتسم و بايدو وردة حمرا
سارة : متل الحلم عم حسك بتجي و بتروح بسرعة
فادي: معلش بس اول فترة و يسعدلي هالصباح واليوم رح افطر عندك
سحبتو من ايديه لجنبي هو و عم يضحك
سارة : تعا لهون يا بو عضل
فادي: عليكي حركات مجنونة
نحن و عم نفطر طلبت نو يحكيلي شو سبب كل هالغياب
فادي: طيب , ما قلتلك بدي ارجع على الشركة , رجعت و طلع حسام بوجهي , طلع فيني و زورني بدون ما يحكي معي ولا كلمة , انا تجاهلتو و فتت على المكتب و شفت الامور كيف ماشية بغيابي و الا بدخلتو لعندي علقت انا و اياه و عليت اصواتنا و صار يقلي اني اناني و انو انا وقت خبرتو بموضوع امك خبرتو مخصوص حتى فشكل خطبتكن لانو كنت حاطط عيني عليكي من الاول و بدي اياكي الي , صرت اشرحلو كتير بس صار يجرح بالحكي انو انت ما بتحبيني و تزوجتيني كرمال تجاكريه
سارة : اها شو واثق من حالو كمل
فادي: بعدين نزلت من المكتب و تركتو عم يصرخ لحالو و رحت على بيت اهلي و فتت لقيت امي عم تصلي , قعدت نطرتا لتخلص , خلصت و قامت بدون ما ترد السلام علي , لحقتا لاشرحلا ما كانت تستوعب مني و قلتلي ما رح حاكيك و لا رد عليك حتى تطلقا
سارة : ايه و بعدين ؟
فادي: تركتا لتروق و اطلعت على بيتي و هون بقا الكارثة اول ما فتت هجمت علي نتالي تضربني و تقلي يا خاين مع شوية مسبات عليكي وحاولت هديا و امتص غضبا بس تركتني و فاتت لجوا و انا كنت عم شوف اولادي , ما شفتا الا و طالعة و كل تيابا دم و بايدا سكينة
سارة : شو ؟

ما وعيت الا و انا بالمشفى , اول ما فتحت عيوني, شفت جمال قاعد على الكرسي قبالي , اول ما صحيت وجعني كل جسمي, انتبه علي جمال و قرب لعندي

جمال : سارة , كيف صرتي ؟شو عم يوجعك؟

سارة :اخ.... كل جسمي عم يجعني

جمال : رح نادي الدكتور

طلع جمال من عندي و رجع هو و الدكتور , بعد ما فحصني الدكتور و سالني عدة اسئلة عن اسمي و عمري و الوجع يلي عم حس فيه

الدكتور : ما في شي بخوف ...رضوض بس ....بس احتياط خليا يومين بالمشفى تحت المراقبة معافاية

طلع االدكتور من غرفتي , اجا فادي و وقفو شوي و سالو عن وضعي , بعدما طمنو الدكتور فات هو و عم يزورو لجمال

فادي: كيفك؟

سارة : لحمدلله

فادي: لحمدلله على سلامتك

سارة : الله يسلمك

سحب كرسي و قعد قبالي

فادي: خبرني الدكتور انو وضعك تمام

سارة :ايه لحمدلله

التفت على جمال

فادي: شو قنعتا تسقط حقا الا لسا ؟

جمال : ما حكينا لسا , لاتنسى يلي عم تحكي عنا بتكون مرتك

فادي: و هاي اخر دلالكن الا و مسايرتا , بس السؤال الاهم شو كانت سارة عم تعمل عندك فوق ؟

جمال : شغل

فادي: شغل ؟ شغل شو ؟

جمال : ما وقت هالحكي هون

فادي: بالعكس انسب وقت

جمال : روح لعند مرتك هلا هي بحاجتك اكتر

فادي: براايي انت تروح ما انت سندا و داعما بكل شي و انت الراس المدبر , انت يلي وصلتا لهون انت و عم تكبرلا راسا , اصلا انا مستغرب ليش قاعد هون , و ما رحت حليت القصة بمعارفك

جمال : لانو بدي ربيا شوي و عاقبا على عملتا

فادي : سارة بتعرفي انو نتالي هي يلي ضربتك بالسيارة

سارة : اممم...بعرف

فادي : اوعى تسقطي حقك

جمال : انت ما تدخل , صف على جنب

فادي : انت الك ايد بهالموضوع

جمال : لا ، اجت نتالي صدفة و شافتا عندي و علقو و بعدن عن بعض و شكلا نطرتا تطلع من الشركة و ضربتا و بعدين اتصلت فيني عم ترجف بعد ما التمو الناس و نزلت اسعفتا

سارة : وين موبايلي ؟

جمال : مع مين بدك تحكي ؟

سارة : مع رفقاتي

جمال حافظة رقمن؟

سارة : ايه

اعطاني موبايلو و اتصلت بسعيد ما رد , اتصلت برغد و خبرتا انو انا بالمشفى اذا بتقدر تجي هي و سعيد ,قعدو جمال و فادي يحكو و يتجادلو و انا كنت بدي بس اطلع , اهرب منن و من هالمتاهة يلي فتا باراداتي و بغبائي , بعد ساعة اجت رغد

رغد : كيفك انشالله ما مضررة كتير

فادي: لا لحمدلله

جمال : بدا رياحة بس

سارة : شكرا الكن ممكن تتركوني بحالي هلا , الحكي الك فادي و الك استاذ جمال و بالنسبة لنتالي رح اسقط عن حقي

فادي: سارة ..

جمال : طيب رح نتركك ترتاحي شوي هلا و برجع المسا بمر عليكي

قرب علي فادي ليبوسني من جبيني, درت وجهي للجهة التانية

فادي: طيب ...برجع بشوفك , ديرو بالكن عليا

رغد : اكيد

طلعو الاتنين من الغرفة و تنهدت , حاولت قوم و اقعد , ساعدتني رغد بصعوبة

رغد: كيف هيك صار ؟ و هدول شو عم يعملو هون ؟

سارة : قصة طويلة بس صحصح بقلك اياها , وينو سعيد ؟

رغد : جاي على الطريق

سعيد: هاااااااااااااي , يه يه يه عنجد انت بالمشفى

رغد : لا عن مزح

سارة : اجا النهفة و انا قلت اكتر واحد بيلزمني بهالوضع هو سعيد

سعيد: اييه صرلا شي للسيارة يلي فتي فيا ؟

رغد:ههههههههه

سارة : انا يلي فتت فيا ؟انا الحق علي انا غبية

سعيد: غبية و بس

رغد:سعيد

سارة : عادي رغد انا بلقى مزح

سعيد: على اساس انا عم امزح يعني يا هبلة

سارة : ما ناقصتك

اجاها اتصال لرغد على موبايلا , تلبكت شوي و اطلعت بسعيد

رغد: هيدا البابا

طلعت برا الغرفة لترد عليه و شرد سعيد

سارة : اييييه وين رحت ؟

سعيد: ولاشي , المهم انت هلا كيف صرتي

سارة : احسن لحمدلله شوية رضوض بس

سعيد: طيب انا نازل جيب قهوة الي و لرغد و رح جبلك الك و بعدين رح تحكيلي كيف صار معك هالحادث

سارة : طيب

طلع سعيد و غاب نص ساعة , رجعت فااتت رغد , سالتني عنو , قلتلا راح يجيب قهوة , رجع سعيد بس كان ملامح وجهو ما مرتاحة , قعد على الكرسي شرب القهوة على الساكت , بعدين استاذنت رغد لترجع على بيتا كرمال ابوا , بعد ما طلعت

سارة : شبك في شي,تغيرت ملامح وجهك فجاة

سعيد: ولاشي ولاشي , سارة بتزعلي مني اذا تركتك و رحت هلا , عندي مشوار ضروري , ما بطول , بقضي هالمشوار و برجع

سارة : لا عادي روح و روح على شغلك كمان

سعيد: نسيت شغلي , طيب باخد اذن اليوم و بجي لعندك

سارة : لا ولله انا منيحة

سعيد: سلام هلا

طلع سعيد ورا رغد و انا قبضني قلبي و حسيت في شي ما طبيعي عم يصير بين رغد و سعيد , راح سعيد و رجع على الساعة 8 المسا , فات من الباب شاف عندي شابين عم ياخدو اقوالي كرمال الحادث و انا خبرتن انو ما كنت منتبهة على السيارة و الحادث قضاء و قدر و ما رح اشتكي على حدا , طلعو من عندي و قرب سعيد و قعد على الكرسي , كانو وجهو مخطوف لونو و عيونو حمر متل االدم

سعيد: مين هدول يلي كانو عندك

حكتلو كل شي لسعيد , بس حسيتو مدايق و مزعوج و هو قاعد