قناة

📚قصص||روايات||منوعة📚

@rwayate
📚قصص||روايات||منوعة📚
23.9k
عددالاعضاء
218
Links
2,827
Files
17
Videos
767
Photo
وصف القناة
قصص و كتب pdf 💚📚 محبي القراءة في نعيم لا يدركه غيرهم... لا تشيخ أرواحهم وعقولهم ولو شاخت أجسادهم.💚 فهرس القصص👇🏻💗 @rwayattt للتواصل @Rwayate_BOT بإدارة💙✨ ⴅÂÐЄĦÂ حسابي الانستغرام💚🌿👇🏻 https://instagram.com/madeha_alyan?igshid=YmMyMTA2M2Y=
قصة بقلم صديقة القناة"ضحى"
بعنوان : #لسا_ما_نخطبتي
.............
قراءة ممتعة🦋💙"
#ⴅÂÐЄĦÂ
Link
0
4.4k
16:162019/05/01
#لسا ما نخطبتي#


اسمي سارة عمري21 أخدت البكالوريا من كم سنة وقعدت بالبيت بسبب الأوضاع بالبلد ولانو الجامعة بعيدة عن ضيعتنا وانا متل مابيقولو بنت وأهلي بيخافو علي لانو البنت مو متل الشب فقرروا أهلي إني ضل بالبيت رفقاتي إلي بعمري إلي ماكملت دراستها اتجوزت والي عم تدرس مخطوبة وكل ماتشوفني وحدة من رفقاتي بتسالني #لسا ماانخطبتي# بصراحة أنا الموضوع ولا هاممني يعني عايشة مبسوطة عندي اختين متجوزات وعايشات برات البلد وأخ واحد أكبر من باربع سنين متجوز من كم شهر وانا ومرتو كتيير متفاهمين بس بقى الحماس عند أمي انو لازم تامني ببيت عدلي


امي:قومي فيقي لك أنا بس بدي افهم انتي شلون بدو حدا يشوفك وانتي بتقضي نص النهار نوم


انا:يافتاح ياعليم يارزاق يا كريم اصبحنا وأصبح الملك لله

ماما:لك قومي نفضيلي هل موديل والله اخواتك كانو متل الاميرات جمال ونوعمة وانوثة بس انتي لمين طالعة مهملة ماني عرفانة

انا:والله يا أم حسون (أخي اسمو حسن)أنا عاجبني شكلي ومابدي انفضو لانو ازا نفضتو رح تختنقو من غبرتو😂😁

ماما :عم تنكتي يا بعدي لا قومي معليش قومي روحي لعند مروة (مرت اخي)خليها تجهزك لانو اليوم خطبة بنت جيرانا بلكي ينطلق نصيبك وارتااح

انا:هلق أمي والله أنا ماباكل كتير😂 وماني مكرسحة يعني عم أخدم حالي وماني مضايقة حدا ليش بدك تخلصي مني

ماما:أي تمسخري لقلك الله يصبرني على ولدنتك يالله لحقيني

قمت من تختي بس قبل أجري مايصلو الأرض كان وشي عم يعانق أرض غرفتي لانو السماعات كانو ملفوفين على اجري مع إني بتزكر وقت نمت كانو باداني بس ماذا أفعل لنومي الملاكي 😂😂


انا:صباح الخير لعائلتي بلا استثناء

بابا:صباح النور يالله بابا تعي فطري

حسن:اهلين أبو الشباب😂

انا:شو قصدك😒

حسن:لك هاد موديل أنثى ليش هيك تقولي طالعة من حرب😂

ماما :أي ماهي هيك فعلا لو تشوفو غرفتها تقولي الحرب العالمية الثالثة صايرة فيها الله وكيل لبين ماوصلت لعندها ع التخت كنت عم أمشي بكل حذر منشان اجتاز العوائق إلي بطريقي


انا:ماما هلق عملتيلي قنينة الكولا الفاضية وكم قشر البسكويت واللابتوب والموبايل والشاحن عوائق


مروة:خلص أم السوس لا تردي عليهن والله انتي ما في منك يالله ع السرريع فطري منشان نجهز حالنا لنروح على الخطبة


انا:لك خليلي البك انتي

حسن :أنا برأيي الخطبة للنسوان شو رأيك بلا ماتروح شريك منشان ياخدو راحتهن😂نحنا بنجي مع العريس

انا:أولا مارح تقدر تعصبني😝 تانيا أنا بعرف حالي اني حلوة ومابيهمني رأيك وبعدين كانو بابا نزل على المحل وحضرتك مبلط هون مانك ناوي تلحقو

حسن:😂قلتيلي حلوة طيب شو رأيك ياحلوة مافي روحة 🤨لشوف رايي بدو يمشي ولا لا

انا:اكيد لا رأيك بيمشي على هل مسكينة ألا اسمها مرتك إلي مابعرف شلون متحملتك أنا أخدت ال اوكي من البابا حبيبي😜😘


حسن:يااارب تعي لهون لفرجيكي بقا إلي كلمة عليكي ولا لا


انا:ولي جحش عبدك😂 ياالله أنا بحماية أمي


حسن:يعني مارح امسكك والله لفرجيكي التجحيش على اوصولو

ماما:خلص انت وياها ايمت بدكن تعقلو حاج تبرمو حوليي دوختوني يالله لعند أبوك على المحل وانتي روحي اجلي الجليات

حسن:كرمال أمي هل مرة وبس أرجع حسابك يا أم لسان بدو قص

انا:عم انتظرك على أحر من الجمر🤪

مروة:الله يخليكون لبعض هههه تعودت على برنامجكن الصباحي


ماما:منيح راح يالله بلشي جهزي حالك انتي ولبين ماتخلص سارة الجليات تبقى تجهز حالها كمان

مروة:ماشي رايحة


انا:أمي هلق مين بدو يخطبها لرهف بربي انو قليل زوق ومابيعرف ينقي لك ماشاف قوس قزح إلي بتعملو بوشا😂 ولا بلبسها قال شو لا وكمان الحفلة بصالة والله ازا عملولها ياها بدكانة أبوها كتير😂سيدي مابدي احكي ع الناس الله يهنيها

ماما :أي حبيتي لا تحكي لانو ضل شي لتحكيه من هلق عم قلك بلا مسخرتك ولا تفضحينا قدام الناس الصالة رح تكون مليانة ناس مو تقضيها مقلسة ديري بالك خلي ولدنتك بس بالبيت

انا:تمام افندم رح كون البنت العاقلة الرزينة

ماما :أي الله يرضى عليكي بلكي متل ماقلتلك الله يطلق نصيبك كمان واعملك احلا خطبة وانفش رياشتي متل هل مقوسة أم رهف مي نافشة ريشاتها تقولي محدا خطب ألا بنتها

انا:لك أمي لا تعيدي نفس موال الصبح وبعدين يعني أم رهف حقها انو ماتصدق انو رهف بدها تنخطب يعني المخلوقة رح يصير معها عمى ألوان من كتر ما عم تشوف بنتها وهي مي مخليه لون يعتب عليها ألا لابستو وحاطة منو على وشها وبعدين وحيدتها إلي طلعة فيها من الدنيا بعد أبو رهف الله يرحمو نسيت الباقي كملي عني موشح أم رهف الشهير😂


ماما:يالله بلا كتر حكي روحي على غرفتك جهزي حالك هلق بدك كم ساعة لتجهزي وماضل وقت


أنا :حاضر

دخلت على غرفتي وقفت قدام خزانتي اتامل هدوئها الجميل من الخارج بصراحة بتسمعو بهدوء ماقبل العاصفة أي هاد نفسو هدوء خزانتي إلي ادوبها متسكرة من كتر التياب إلي فيها مو بايدي بحب اللبس كتير يعني كل مصاري نبع الحنان رايحين للبسي طبعا أكيد ع
Link
0
3.9k
16:162019/05/01
م تسالو ليش مصاري نبع الحنان ليش مو مصرياتي لانو وبكل بساطة أنا مصرياتي ع قولت أمي بصرفن على شغلات الولاد ههههههه مثل الشيبس والكولا والشوكلا التي هيا معشوقتي ييي ع هل نسوة ماعرفتكت على شخصيتي الخارجية والظاهرية 😅الخارجية نفسها الباطنية مو يالله المهم
اسمي سارة عمري21 عيوني لونهن اخضر فاتح بشرتي بيضا جسمي ناعم قصيرة شوي😐لهيك الكل بيستوطي حيطي
انا انثى مرحة ممزوجة بقليل من شيطنة الاولاد هلق بدكن تتحلوني لبين ماتخلص هل قصة على خير يعني لا تدققو معي شوي بيحكي بالفصحى شوي بالعامية يالله نرجع لموضوعنا أي أنا وقت بيكون وقت الجمال فأنا وبلا فخر سوف انال المركز الأول بلا منازع😌ليس غرورا بل هي ثقة بالنفس ووقت المشاكسة فانا يصبح عمري نصف عمري الحالي يالله عليكن الحساب😜
يعني بالمختصر كل ساعة عندي والها ملائكتها عايشة حياتي مع عيلتي ضي عيوني الله لا يحرمني منهن بحبهن وبيحبوني وكلشي تمام لو مو أمي بتضل بتحسسني أنها لاقيتني عند شئ جامع بس بدها تخلص مني هلق بنرجع للواقع إلي هو إني قدام خزانتي ونبع الحنان بعد شوي رح تعملي مداهمة ومنشان ما اتبهدل لازم استعجل يارب ياكريم وهي فتحنا الخزانة والحمد لله مافي أضرار
Link
0
2.7k
16:162019/05/01
وقع اختياري على فستان لونو زهر ناعم طويل ومستر هلق أنا مابحب انو ألبس لبس مشلح يعني خلص أنا محجبة ليش لغير من اللوك تبعي وازا مافي غير نسوان مابحب خجولة مو بايدي لبست الفستان ولفيت شالي وحطيت شوية مكياج ووقفت على المراية اتغزل بحالي فجأة بيقطع علي هل لحظة الرومنسية مع نفسي رنت موبايلي شفت المتصل وكانت رفيقتي سهى هيا رفيقت دربي قصتها متل قصتي بكلشي وطباعها نفس طباعي يعني فيكن تقولو فولة وانقسمت نصين

سهى:كيفك ولييه

انا:لك اهلييين مشتاقتلك كيفك انتي

سهى :وأنا بالاكتر شو عم تعملي يمكن بعد شوي بدي أجي لعندك

انا:أي يامية السلامة بتشرفي بس والله يمكن ماتلاقينا بالبيت

سهى:سمعتي بدي أجي زوك بدك تهجي من البيت😂

انا:ههههه لا بس اليوم خطبة جارتي رهف بتعرفيها مو

سهى:أي مو هي إلا مرة قلتلها خالة وكانت رح تموتني😂

انا:ايوا هيا بزاتها كمان انتي لعما بقلبك مبين عليها أنها مي كبيرة لهلدرجة يعني كل إلي بينا وببنها كم سنة

سهى:لك أنا قصدت أحكي معها هيك ماشفتيها كيف استلمتنا على ليش لسا ما انخطبتو وليش مابعرف شو قلت بذكرها أنها أكبر مننا ولسا ماانخطبت

انا:😂لعما مااقواكي

سهى:أي ومين المرحوم قصدي العريس😂


انا:مابعرف والله بس قال شب مو متجوز وزنكيل وطاير عقلو فيها

سهى:ليكون طاير منها مو فيها 😂 هلق خلينا بالمهم معناتو اليوم مارح نحسن نشوف بعضنا بكرى بالحديقة بشوفك شو قلتي

انا :أن شاء الله يالله باي حاج تلعي أمي عم تندهلي

سهى :بأي

وطلعت من غرفتي وبلشت أمي ومروة يتغزلو فيني😌

ماما:اللهم صلي على سيدنا محمد لك وين كنتي مخبية كل هل حلا يعني حرام ازا بتضلي على طول هيك

مروة:لك أم السوس مشالله طالعة مااحلاكي بتعرفي ماقصرتي أنك مابتغيري شئ من اللوك تبعك منشان ماتتعزبي لا اجا العريس تغطو ولا راح العريس شيلو الغطى

انا:والله خجلتوني🙈☺️

ماما:لك يسلملي الخجول الله يسعدك يا روحي والله كل أخواتك بحبهن بس بحس معزتك بقلبي غير


مروة:طبعا آخر العنقود

ماما :هههه يالله خلونا نمشي

وطلعنا من بيتنا باتجاه الصالة إلي كانت أفخم صالة بضيعتنا طبعا لا تغركن كلمة ضيعة صحي اسمها ضيعة بس كبيرة تقريبا شبه مدينة كتير بحبها بحب هدوئها وأهلها إلي تقريبا كلهن بيعرفو بعض وكانت أمي طول الطريق مقضيتها سلامات وعم تعرف الناس على مروة لانو الاكترية مابيعرفوها لمروة لأنها مو من ضيعتنا من غير ضيعة شافها أخي وعجبتو وبعت أهلي خطبولو ياها وتم النصيب وبين ما كانو أمي ومروة واقفين مع أم سعيد وماادراكم ما أم سعيد يعني أقل شئ لبين مايخلصو سيرها بدها ساعة وطبعا أمي لو مي مامنة انو لسا في وقت للخطبة مابتجازف هل مجازفة الخطيرة وبتوقف مع أم سعيد وانا طبعا استغليت الفرصة لحتى روح زور {{تيتا صفية تيتا صفية مابتقربنا بس أنا كتير بحبها هيا مرا وحدانية عندها بنت وحيدة مجوزة بالمدينة كل فترة بتجي بتزورها أنا كتير بحبها وهيا كمان بتحبني هيا كتير طيبة وحنونة بس ياحرام شقد بزعل عليها لأنها وحيدة بس مشالله صحتها رغم عمرها إلي مو قليل كويسة يعني بتقوم بتطبخ وتغسل وتعمل كلشي لحالها من دون ماتحتاج لحدا الحمدلله}} وصلت على بيتها دقيت الباب اجاني صوتها إلي كلو دفا تفضل الباب مفتوح
Link
0
2.5k
16:162019/05/01
تيتا:أهلا وسهلا ببنتي الحلوة

انا:بالمهلي كيفك تيتا

تيتا:الحمد لله انتي كيفك شو قصتك كانو اليوم حلاكي زايد

انا :تسلميلي ياتيتا عيونك الحلوين اليوم في عنا خطبة لجارتنا وكنا رايحين أنا وامي ومرت أخي هنا وقفو مع أم سعيد وانا قلت بجي بشوفك

تيتا:أي يامية اهلا وسهلا بسارة حبيبت قلبي

انا :انتي حبيت قلبي والله مافي غيرك بتفهمي علي تقبريني شو بحبك

تيتا:والله والله مابياخدك غير ابن بنتي {{ابن بنتها للتيتا دائما بتسمعني انو ماحدا بياخدني غيرو هو وحيد لبنتها ماعندها غيرو دارس برات البلد وهلق مستلم ادارة شركة أبوه احوالن المادية منيحة طبعا أنا هل معلومات بعرفها من تيتا لانو ولا مرة شفتو أو شافني قال مابيفضو يجو على الضيعة كل مايشتاقو للتيتا ببيعتو الشوفير بياخدها لعندهن بس هيا كتير بتحبهن وهنا كمان يعني متكفلين بكل مصاريفها }}

انا :لك ياتيتا يا حبيبتي لسا هلق كنت عم قلك مافي حدا بيفهم علي غيرك شو صرلك ماحلك تعرفي اني ازا اتجوزت ولا لا عااادي

تيتا:لك والله بعرف كيف بتفكري وبفهم عليكي بس الوحدة نهايتها لبيتها ولجوزها

انا:أي آي بعرف يالله كلو قسمة ونصيب وعلى قولتك وقت بيجي النصيب ماحدا بيوقف بطريقو

تيتا:أي والله مزبوط والله أنا حكيت لبنتي عنك وانبسطت قال لانو هيا وأمك كانو رفقات ومارح تلاقي احسن منك لابنها

انا:هههه خليلي قلبك شو بحبك وبحب حكياتك يا لله سلااام هلق أم سعيد بتكون عم تختم النشرة😂

تيتا:الله معك😘

وصلت لعند القوم وكما توقعت في ختام الموجز

امي:يالله امشو يابنات

مروة:مرت عمي اجري تكسرو من الوقفة😣شقد بتحكي هي

انا :والله يا مرومة ياقلبي اجريكي تكسرو من هل ناطحة السحاب إلي بستيها
Link
0
2.4k
16:162019/05/01
امي:لا لازم رايحين على عرس وتعمل متل حضرتك زحيفي لك والله انو مابتلبسي فساتين سهرة متل هل بنات فهمناها كمان مابتلبسي كعب ليشش والله البيشوفك بفكرك صف تاسع

انا:أمي رجاءا تمسخري على ابني ولا تتمسخري على طولي😪


امي:😳مين ابنك ولييه

مروة:هههه الموبايل مرت عمي


أمي :حسبي الله ونعم الوكيل وبعدين وين رحتي وقت كنا مع أم سعيد

انا:رحت لعند تيتا صفية بتسلم عليكون

امي:الله يسلمك ويسلمها والله صرلي زمان مارحت لعندها أن شاء الله بدي اعمللها زيارة

مروة:اففف واخيرا وصلنا

وصلنا على الصالة بصراحة باين انو متعوب عليها وكمان واضح انو العريس احوالو المادية مرتاحة دخلنا النسوان متل النمل وخالة أم رهف عم تستقبل المعازيم هيا وأم العريس مابعرف ليش حسيت انو شايفتها قبل هل مرة لأم العريس

ماما:ألف مبروك يا ام رهف أن شاء الله التمام على خير

أم رهف:الله يبارك فيكي يا ام حسن أن شاء الله عقبيل عند سارة

ماما :الله يسلمك ماعرفتينا

أم رهف:حماتي بنتي المستقبلية امو لصهري أشرف أم أشرف يوه شبك إم حسن لتكوني ماعرفتيها هيا من ضيعتنا بس من كم سنة نقلو ع المدينة

ماما :ايواا اأهلا وسهلا تشرفنا

وأنا عم قول شايفتها قبل هل مرة أكيد هون أي واجا الدور لعندي منشان سلم على خالة أم رهف وام أشرف

انا:ألف مبروك خالة

أم رهف :الله يبارك فيكي ياروحي ع قبالك مشالله قمر قمر الله يحميكي

أنا :تسلمي☺️

أم اشرف:والله لو عندي ولد تالت غير اشرف وسامر كنت خطبتك الو لانو ابني سامر خاطب تقبرني ع هل حلا والنعمومة يا هيك البنات يابلا

دخلنا وقعدنا ع الطاولة

امي:عجبن هدوئك وحلاكي لو يشوفكي الصبح شو كان قالو

مروة:كانو قراو المعوذات😂

انا:نننننن ضحكتوني😒

امي:لك والله هل رهف طالعة حلوة

مروة:أي والله الله يهنيها

انا:أي والله بدي قوم سلم عليها

وصلت لعند رهف

انا :كيفك أم الرور ألف مبرووك أن شاء الله

رهف:اهلين سارة الله يبارك فيكي يالله عقبالك😏

طبعا عم تسمعني يعني

انا:يوووه حبيبتي لاحقة الحمدلله أنا اهلي مانن مضايقين مني ومين مااجه لعندين بيسمعوه انو عندن بنت للخطبة

رهف:شو قصدك

انا:سلامتك البي يالله عن ازنك (تم قصف الجبهة بنجاح ☺️😂بعجبكن انا)
رجعت على الطاولة مالقيت لا امي ولا مروة القيت نظرة شفت مروة عم ترقص ومحاصرة من قبل كم وحدة وأمي وأم رهف الله عليم عم يغتابو مين لهيك قعدت على الطاولة واخدت راحتي لانو أكيد مارح يرجعو يعملو كبسة عليها مشالله بيعرفو الطاولة إلي مرو عليها منيح منشان مايسحبوني ع الرقص وأنا بعيد عنكن لما بتلبك بصير متل الرجل الآلي وبين ما النسوان منتشرين بهل صالة على رقص وغيبة ونميمة فجأة بتجي أم العريس تغطو يا نسوان اجا العريس وببلشو هل نسوان تقولي ثيران هايجة😂الشاطرة إلي بدها تلبس عبايتها وأنا قاعدة عم اتفرج عليهن بكل هدوء😌 شوي ودخل العريس والله مااشبو شي حليوة وقعد جنب رهف إلي سخسخت بالاراضي قال يعني خجلانة شوي وما شفت إلا أم اشرف (أم العريس)وقفت جنبي

أم اشرف:حبيبتي ممكن اطلب منك طلب

انا:طبعا خالة تفضلي

أم اشرف:يزيد فضلك والله انا يابنتي معي ربو وحاسة بدها تجيني ازمة ربو من ريحة هل عطورات بخاخ الربو تبعي مع ابني التاني هو برا بالسيارة ازا مافيها سقلة ولو بدي عزبك ممكن تجبيلي ياه تعرفي انا أم العريس مي حلوة أطلع واتركو وانتي لابسة وجاهزة يعني مارح تتلبكي

انا:أي خالة تكرمي هلق بطلع بجبلك ياه بس ليش ابنك مادخل لهون

أم اشرف:هو مابيحب العجقة ووقت دخلنا كان عم يحكي مع خطيبتو

انا :اممم طيب ماشي طالعة جبلك ياه

أم اشرف:ربي يسعدك

وطلعت برات الصالة لدور على ابنها لأم أشرف قالتلي هو بالسيارة شفت واحد بقلب سيارة وماسك بايدو موبايل قلت معناها هاد هو قربت على السيارة ودقيت على البلور نزل الشباك

هو/انا😳😳

لحظة صمت

هو:لك سارة هي انتي

انا:سااامر مو

سامر:هو بذاتو لك كيفك والله بعد زمانا

انا:أنت أخوه للعريس

سامر:أي شو هل صدفة الحلوة فعلا رب صدفة خير من ألف ميعاد مين قال انو نرجع نشوف بعض بعد كل هل سنين

《《تعالو لعرفكن على سامر هاد يا سيدي ملا انتو سامر من جيلي كنا أنا وياه بنفس الصف من الأول للسادس كنا أنا وياها بنحب بعض😂😂😂يعني بتعرفو حب الطفولة وقت كنا صف خامس اعترفلي بحبو أي والله وانا كمان بادلتو نفس المشاعر بس للاسف مادام حبنا غير سنة وفرقنا القدر لانو اهلو نقلو على المدينة ومن وقتها ماعاد شفنا بعض بس شكلو هل خاين نسيني😂عايش حياتو وخاطب ))

سامر:أي كيفك شو اخبارك خطبتي تجوزتي شو عم تدرسي احكيلي هاتي لنشوف

انا:والله لا خطبت ولا تجوزت ولا درست بهل بيت وأنت شو آخر اخبارك

سامر:أنا ياستي هي آخر سنة إلي بالجامعة وبتخرج عم ادرس إدارة اعمال وخطبت وبس اتخرج أن شاء الله رح أتزوج

انا:أن شاء الله ألف مبروك

سامر:الله يبارك فيكي بس والله لو بعرف انو حبي الأول لهل درجة حليان وكبران ماكنت فرطت فيه 😉😂

انا:هههه ييي نسيت أنا ليش
Link
0
2.4k
16:162019/05/01
اجيت عطيني دوا خالة أم أشرف البخاخ

سامر:خير بس ماتعبت أمي

انا:لا الحمد لله قالتلي بس احتياط بدها تخليه معها

سامر:ايوا تفضلي هاد هوا

انا:يسلمو عن ازنك

سامر:الله يسلمك لك وين رايحة عطيني رقمك أو حسابك ع الفيس خلينا نتواصل

انا:نعم😳 والله شكلو قعدتك بالمدينة نستك انو نحنا هون عنا عادات وتقاليد وماعنا هل شغلات

سامر :لك أي ولوو خلص بلا رقمك حسابك منشان اعزمك على عرسي

أنا :طيب ماشي والله لساتك متل ماانت سقييل

سامر:والله وانتي كمان لساتك متل ماانتي لسانك متبري منك

عطيتو حسابي ورجعت عطيتها لا ام أشرف الدوا وخلصت الحفلة ورجعنا على البيت بسلام

مروة :خييي مااحلا القعدة بالبيت والله تعبنا

امي:أي والله قال إلي بيطلع من دارو بيقل مقدارو

انا:إلي بيسمعكن بيقول صارللكن شهر برات البيت كلها كم ساعة إلي غبتون عنو

ماما :انتي اهمي شئ تضلي معترضة يالله قومو بدلو تيابكن شكلو حسن وأبوه لسا مااجو يالله ع السريع منشان نحضرلن العشا

مروة:يالله أنا قايمة ها

ماما :وانتي قومي الحقيها ولا بدك تضلي بالفستان

انا:أمي أنا كتير تعبانة رح روح على غرفتي بدي ناام لا تفيقوني ع العشا ماني جوعانة

امي:أي تصطفلي أنا قايمة حضر العشا

دخلت على غرفتي العزيزة بدلت تيابي ولبست بيجامتي العزيزة وفردة شعراتي ومسكت موبايلي كان فيه رسائل ع الوتس من سهى ورسالة من رقم غريب بتعرفو حب الفضول الواحد أول مايشوف رقم غريب عم يبعتلو كان باعتلي❤️😘 قلت اوووه مين هل معجب الخفي كتبتلو مين معي وكان متصل شفتو صار يسجل مقطع صوت قلت ايييه ياعيني لنشوف مين هل واثق بحالو فورا رح ييلش بالصوات وصل الصوت لعندي وفتحتو احزرو مين طلع😅😂 تيتا صفية أي والله متل ماعم قلكن😂😂 كان محتوى الصوت كيفك سرسورة الحلوة أنا صفية أم ضحى (ضحى بنتها)هاد الرقم إلي اليوم بعد مارحتي من عندي اجا الشوفير تبع بيت بنتي واخدني لعندهن هلق أنا عندهن وبنتي شاريتلي هاد الهاتف وصارلها من الصبح عم تعلمني عليه أي الحمد لله وتعلمت وشو كان عندي أرقام بالدفتر الصغير إلي بضل حاملتو معي حطتتلي ياهن بالهاتف ومن بيناتن رقمك

هاد كلو محتوى الصوت الله وكلكن الصوت شئ دقيقتين😂😂😂 وأنا لانو مابحب ابعت صوات فكتبتلها كاتبة الحمد لله بتعرف تقرأ أي لا تستغربو يعني صحيه أنا بقلها تيتا بس هيا مو كبيرة كتير يعني عمرها 75 سنة مي كبيرة كتير كتبتلها اهلين تيتا أن شاء الله ألف مبروك تشوفي على وشو الخير وصار يجيني اشعارات ع الفيس طلعت من الوتس باتجاه الفيس كان في طلب صداقة من سامر قبلتو فورا بعتلي مساالخير
انا:مساالنور

وسكرت الموبايل وحطيت رأسي ورحت نايمة
Link
0
2.4k
16:162019/05/01
فقت الصبح من غير أمي ماتفيقني😌 رتبت غرفتي وطلعت كانت عائلتي الحبيبة مجتمعين على الفطور

ماما:هاا منيح فقتي كنت بدي قوم فيقك

انا:صباح الخير

الكل:صباح النور

بابا:بنتي الحلوة لازمها شي بدك شئ بابا صرلك زمان ماطلبتي مني مصاري

انا:لا بابا الله يخليلي ياك مابدي غير سلامتك ماما عطتني

بابا:الله يخليلي ياكي ويسعدك يارب

ماما:الله لا يحرمني منكن والله هل لمة ناقصتها نور وهدى (اخواتي)

حسن:أي بابا كانو الدلال بس لهي الشبر ونص ولا كأني أنا وحيدك

بابا:هههه بس كانو أنت صرت رجال وتجوزت وماعاد بدك مني مصروف

انا:مين شبر ونص حسن افندي

حسن:ليش شايفة قزمة هون غيرك

انا:رجاءا أنت أكبر مني لا تضطرني أكبر بالحكي معك انا كلشي فيني عاجبني وبالناقص مايعجب هيك شكيلات

مروة:يعني هيا مابدها تكبر بالحكي😂

بابا/ماما :ههههههه


حسن:خليني فايق ورايق من هل صبح أحسن ماقملك

انا:والله اليدق الباب بيسمع الجواب
بيرن موبايلي آلو..اهلين سوسو. ..الحمد لله انتي كيفك....لا ليش....طيب يوصل بالسلامة ....سلميلي على خالة أم هادي كتير ....باي

ماما :خير شبها سهى مو هيأ إلي كنتي عم تحكي معها

انا:أي هيا ما فيها شي بس كنا متفقين اليوم نروح ع الحديقة وهلق عم تقلي انو مافيها تجي لانو اخوها بكرى بدو يجي من السفر وعم يحضرو حالهن

بابا:ايواا الله يجيبو بالسلامة والله هل هادي مافي منو

حسن:لكن لانو رفيقي مافي منو


ماما :يعني جاي زيارة ألا بدو يستقر هون

حسن:لا بدو يستقر هون انا من يومين حكيت معو قلي انو بدو يجي يستلم الفرع إلي هون عنا بالضيعة لانو بالمدينة صاحب المعمل موجود هنيك بس هون مافي حدا وصاحب المعمل كتير بيوثق فيه بقى نقلو لهون وهو ماعارض منشان يضل قريب من امو واختو لانو صارللو سنتين بعيد عنن اشتقلن

بابا:يالله ع الخير أن شاء الله لكن بتجهزو حالكن مو بكرى بعد بكرى بس يرتاح نروح كلنا منشان نسلم عليه

ماما :أي أن شاء الله

بابا:يا لله حسن نمشي

حسن:يالله تفضل

بابا:بدكن شي

ماما :سلامتك

حسن بهمس بادن مروة:حبيبت البي بدها شي

مروة:سلامتك حبيبي

طلعو وراحو على شغلن

انا:هلق بتكون خالة أم هادي مبلشة تعزيل وطبخ وترتيب وبتكون سهى جنت😂😂

ماما :أي لكن ابنا وحيدا والله هل صبي قضا عمرو مسافر ضل أربع سنين عم يدرس بالمدينة وبس خلص كمان اشتغل سنتين يعني مابيشوفو للمناسبات والله حقها تشتاقلو

مروة:طيب هو من جيل حسن واحوالن منيحة ليش لهلق مو متجوز

ماما :أي مزبوط والله امو منا عينها تجوزو بس هو ماكان يرضى أكيد هلق بجيتو لهون رح تجوزو يعني لايمت بدو يضل عزابي هي صار عمرو27

انا:رح ضب السفرة واجلي الجليات

قربت من ادن مروة حبيبت قلبي شبعت😂😂

مروة:ههه تضربي مااغلظك

ماما:شو عم توتو انتي وياها

مروة:ولا شئ مرت عمو يالله أنا رايحة أنشر الغسيلات

وبلشنا حوسة الصباح بين جلي وغسيل وتنضيف وتنفيض غبرة كل يوم هل موال لانو ست الحبايب بتحب دائما البيت عم يضوي أي طبعا في بدال السرلنكية تنين ليش لا بيطلعلنا إجازة على موعد صلاة الظهر نصلي ونرجع للعمل ومابنخلص ليادن العصر يوميا ع هل موال😣

أشهد أن لا إله إلا الله وأشهد أن محمد رسول الله هي خلصنا نحنا وادان العصر مع بعض

نبع الحنان عليها الطبخ ومروة بتساعدها وأنا على غرفتي اخدلي قسط من الراحة واصلي العصر وأمسك موبايلي شوي

صليت ومسكت موبايلي وفتحت نت وبلش الموبايل إشعارات من الوتس والفيس واليوتيوب طبعا كل يوم ع هل موال من مبارح بالليل مافتحت صار علي تراكم رسائل😂 كان فيه رسالتين من تيتا صفية ع الوتس صوات لسا مامتحملين تركتن ليتحملو ورحت ع الفيس رسالتين من سامر لك وين رحتي طبعا هدول من مبارح باعتن بعتتلو


انا:والله كنت تعبانة كتير ونمت
كان مو فاتح
رحت ع الوتس شفت اصوات التيتا كان محتواهن

مرحبا كيفك يا بنتي أنا ضحى (بنتها للتيتا) والله يابنتي أمي تعبت شوي ارتفع معها السكر وجبنالها الدكتور وهلق هيا نايمة وقالتلي ابعتلك منشان تجي لعندها لأنها حابة تشوفك

بصراحة مابعرف شو بدي اوصف الشعور إلي اجاني بعد ماسمعت هل حكي كتيير خفت معقول التيتا لا سمح الله يصيرللها شئ والله أنا مابتحمل أنا كتير بحبها😢 لا اراديا نزلو دموعي وبعتت صوت لبنتها

انا:اهلين خالة الحمد لله انتي كيفك كيفها تيتا طمنيني عنها خير شو صاير معها والله مبارح حكيت معها ماكان فيها شي

ضحى:أي والله يابنتي اليوم الصبح تعبت جبلها ابني الدكتور قاللنا انو السكري عندها مرتفع شوي وطلبت تشوفك والله قلبي عم يتقطع عليها


انا:طولي بالك خالة أن شاء الله مافيها شي أن شاء الله أنا هلق بخبر اهلي وأن شاء الله بكرى بنكون عندكن بس بعتيلي العنوان

بعتتلي العنوان وسكرت الموبايل بصراحة مابقا إلي نفس حاكي حدا معقول تيتا يصرللها شئ لا لا أعوذ بالله من الشيطان الرجيم شو هل أفكار أن شاء الله مافيها شئ هيا ع طول تتعب وترجع تتحسن طلعت لبرا وأنا عم أبكي فتت ع المطبخ وحضنت امي

م
Link
0
2.3k
16:162019/05/01
اما:بسم عليكي شبك لك بنتي ليش عم تبكي

مروة :شبكي سارةحبيبتي ليش عم تبكي☹️

انا:............

ماما :لك احكي ليش عم تبكي شبك شو صاير معك

مروة:لك والله قطعتيلي قلبي وقفي بكي وفهمينا شو صاير هلق ماكان فيكي شي

انا:تيتا صفية تعبانة هلق حكيت معي بنتها وخبرتني انو السكري عندها مرتفع وطالبة تشوفني

ماما :لا حول ولا قوة إلا بالله الله يشفيها يارب والله مابتستاهل

مروة:أي حبيبتي أن شاء الله عادي مو انتي مرة قلتيلي انو هيا ع طول بيرتفع معها السكري

انا:أي هيا عطول بيرتفع معها بس هل مرة قالتلي بنتها أنها تعبانة وطالبة تشوفني

ماما:خلص أمي طولي بالك هلق ليجي ابوكي بنخبرو ونستازنو نروح بكرى نشق عليها اخدتي من ضحى عنوانها

انا:أي

ماما:خير أن شاء الله خلص لا تبكي ادعيلها وبالنهاية مابيصير غير آلي الله كاتبو
Link
0
2.3k
16:162019/05/01
اجو بابا وحسن ع الغدا قعدنا على السفرة

بابا :سارة شبك بابا ليش ماعم تاكلي

انا:مافيني شئ بابا ليكني عم أكل

حسن:لا تخاف عليها بابا بتاكل عن بلد

مروة بتهمس لحسن خلص تركها بحالها مانك شايف حالتها

حسن:ليش شبها شوفي

ماما :أبو حسن كنت بدي احكي معك بموضوع

بابا:خير أن شاء الله احكي لنشوف

ماما:الحجة صفية تعبانة وهيا عند بنتها بالمدينة وطالبة تشوف سارة ازا ماعندك مانع نروح بكرى انا وسارة منشان نشوفها

بابا:لا حول ولا قوة إلا بالله الله يشفيها يارب منشان هيك سارة زعلانة أي خلص مو مشكلة بكرى روحي انتي وسارة بس لا تطولو منشان متل مابتعرفي بعد بكرى بدو يجي هادي مو حلوة ماتروحي معنا منشان نسلم عليه

ماما :أن شاء الله خير

انا:دايما😞

وقمت على غرفتي

على السفرة

مروة:ياروحي يا سارة شقد زعلت عليها كتير بتحبها

ماما :أي والله الحجة صفية مافي حدا إلا مابيحبها الله يشفيها يارب

بابا:أمين يارب يالله حسن نمشي

حسن:يالله بابا بس شوي بدي روح احكي مع سارة شوي

بابا:يالله رح اسبقك لكن

دق دق دق

انا:تفضل


حسن:كيفها اختي


انا:منيحة انت كيفك

قرب قعد جنبي على التخت وحضني


حسن:لك وليه قزومة والله مانك حلوة وانتي زعلانة خلص بقا افرديها والله ماحبيت إطلع من البيت قبل مااشوف هل غمازات الحلوين

انا:الله يخليلي ياك ومايحرمني من قلبك الطيب

حسن:أي هيك ها تسلملي هل ضحكة مسكي هدول

انا:لا أخي الله يعطيك العافية مالازمني شي

حسن:أنا ماعم خيرك عم اامرك امر🤨 مسكي لشوف

انا:الله لا يحرمني منك يارب

حسن:ولا منك يالله سلام أنا نازل على الورشة لعند ابوكي 😘


أنا:الله معك

فتحت موبايلي منشان اخبرها للخالة ضحى انو أن شاء الله بكرى أنا وماما رح نجي لعندهن ماكانت متصلة بعتتلها وجيت لسكر صارت تبعتلي سهى


سهى:بست كيفك ولييه وين غاطة

انا:اهلين أم السوس لا غاطة ولا شي كيفك

سهى:الحمد لله والله هلاكاانة أمي هلكتني من التعزيل


انا:ههههه يالله معليش عمليلك شئ مهم بحياتك

سهى:ها ها ها بايخة أي اليوم خلصنا كلشي يعني بكرى عندي إجازة بس بعد بكرى مارح أطلع لانو بدي استقبل أخي حبيبي شو رأيك بكرى نطلع

انا:لا والله ما خرج بكرى ماني فاضية

سهى:وبشو مشغولة يابعدي

انا:بكرى بدي أنزل أنا والماما على المدينة

سهى:-😳ليش خير

انا :تيتا صفية عند بنتها تعبانة وطالبة تشوفني يالله يا سوسو لو تعرفي شقد زعلانة وخايفة عليها

سهى:شووو خير شبها ياروحي ياتيتا

انا:مابعرف قالتلي بنتها مرتفع معها السكري

سهى:الله يشفيها يارب والله مبارح حكت معي ماكان فيها شي كانت عم تقلي هاد رقمي وفرحانة على موبايلها الجديد

انا:أي وأنا كمان حكت معي

سهى:والله لو أخي مابدو يجي كنا جينا أنا وامي معكن أمانة سلميلي عليها كتير وطمنيني عنها أول بأول

انا :أن شاء الله يالله باي

سهى:مع السلامة

قمت طلعت لعند أمي ومروة
Link
0
2.2k
16:162019/05/01
مشاركات مشابهة

الكتب والمواضيع والآراء فيها لا تعبر عن رأي الموقع
تنبيه: جميع المحتويات والكتب في هذا الموقع جمعت من القنوات والمجموعات بواسطة بوتات في تطبيق تلغرام (برنامج Telegram) تلقائيا، فإذا شاهدت مادة مخالفة للعرف أو لقوانين النشر وحقوق المؤلفين فالرجاء إرسال المادة عبر هذا الإيميل حتى يحذف فورا:
alkhazanah.com@gmail.com

الرئیسيه
المجموعات و القنوات
Disclaimer

All contents and books on this website are collected from Telegram channels and groups by bots automatically. if you detect a post that is culturally inappropriate or violates publishing law or copyright, please send the permanent link of the post to the email below so the message will be deleted immediately:
alkhazanah.com@gmail.com