طلعت ليال وطلع ساري طئم رسمي أسود مرتب علئ ئميص أبيض وكرافة سودة ولبس وسرح شعرو الدهبي ورجع شبع بدلتو بالعطر وطلع جنتل وشيك 😍
Telegram:@rwayate
"'"'"'"'"'"'"'"'"'"'"'"'"'"'"'"'"'"'"'"'"'"
سكبتلو الشاي وحطتو ئدامو وهوة عم ياكل بسرعة ..
....:ماما سراج عمهلك شوي محدا لاحئك بعصاية ..
سراج: بدي الحأ اوصل عالشركة ئبل ساري .. لأنو مو نائصني اسمعلي كلمتين حلوين منو عند هالصبح
ام سراج: وليش لحتا يسمعك كلام ..متلك متلو بالشركة ..هوة مدير وانتة مدير
سراج؛:ههههه انا مجرد مدير تنفيذي ..هوة المسؤل عن كلشي ومو من مصلحتي زعلو ..
طلعت بنت من الغرفة وئعدت عكرسي ولبست كندرتا ..
... :اي ماما تركي خلي راكد ورا هالعيلة لشوف شو رح يطلعلو من وراهون
سراج: شو أمورة ..خلصتي لبس ..مشان الحأ وصلك ئبل ماروح عشغلي
قمر: لا اخي بروح لحالي ..ههه لأنو انتة يادوبك تلحأ توصل ئبل ساري بيك عالشركة لأنو معلومك بئلعك اخي.. 😏
سراج: هههه أمورة اختصري لأنو اللي عم تحكي كلو بلا معنئ .. ساري أخي وعم بعاملني علئ اني ..
ئاطعتو قمر: علئ انك مجرد موظف عُاَدّيَےّ.. مو أخ
سراج: ...
قمر: يلا ماما انا رايحة عالجامعة ..اُدُعُيلےّ
ام سراج: الله معك ماما..
طلعت قمر من البيت واتطلعت ام سراج علئ ابنها لئتو شارد ...
ام سراج: ماتزعل منها حبيبي ..هية اصدا انو ..
سراج«مع ابتسامة »: فهمت أصدا امي ..
شرب سراج كاسة الشاي برشفة وحدة ووئف ..
سراج: اي ماما انا رايح ..عاوزة شي
ام سراج: لا مابدي الا سلامتك ..الله يرضئ عليك ..
باس ايد امو وطلع من البيت ..
Telegram:@rwayate
ام سراج «عفاف » مرة بعمر الـ 47 سنة عايشة هية وابنها سراج وبنتها قمر ببيت عادي ..بيت كتبلا اياه جوزها أبو سراج ئبل مايطلقها لحتا ماتئعد بالشارع وبعد طلاقها من أبو سراج بسنة جوزوها اهلها لإبن عمها وخلفت منو بنتا قمر ...قمر هلأ عمرا 21 سنة طالبة أدب عربي سنة تالتة .. حلوة بعيون بنيات وشعر كيرلي وبشرة حنطية ..
"'"'"'"'"'"'"'"'"'"'"'"'"'"'"'"'"'"'"'"'"'"
وصل سراج عالشركة وفات وبلش يصبح عالموظفين ..
دخل عمكتبو ولحئتو السكرتيرة ..
سراج: اي زينب اجا السيد ساري؟
زينب: لسا استاز سراج .. بس اللي وصلو هنن المتقدمين عالوظيفة ..
سراج: واجا كتير؟
زينب: يعني بحدود العشرة
سراج: تمام رايح شوفهون لكن ..
Telegram:@rwayate
طلع من مكتبو لغرفة الإنتظار وشاف المتقدمين مشان الوظيفة ئاعدين ..
سراج: صباح الخير عليكون ..
ردو: صباح الخير ..
سراج: رح عرفكوون عن حالي أنا اسمي سراج عبد المجيد المدير التنفيذي هون بالشركة .. طبعا اللي رح يختار المتقدمين عالوظيفة هوة ساري بيك وانا رح كون معو ..اجيت لحتا ارفعلكون معنوياتكون واتمنالكون الحظ .. وبتمنئ ماتتلبكو أو تتوترو لأنو كلنا هون بالشركة عيلة وحدة .. أي سؤال! ؟؟
وئف شب وسألو: ممكن أعرف غير شروط التوظيف شو بدنا كمان
سراج :أهم شي الثقة بالنفس ويكون عندكون حضور وكاريزما ..
ئامت بنت وسألتو: كاريزما استاز سراج! شو نحنا جايين لدورة تمثيل؟
سراج «ابتسم »:أكيد لا ..بس شكل الإنسان كمان الو دور كبير وملامحو يا أما بتخلي محل أنظار ومحل ثقة او لا ..أي سؤااال تاني؟
محدا رد .. ضرب سراج كفوف ايديه مع بعض ..
سراج: اوك معناتا .. بتمنا التوفيق للجميع .. بالإذن
طلع من غرفة الانتظار وبعد شوي دخلت دارين وهية عم تلهت .. ولما شافت المتقدمين عالوظيفة معبيين الكراسي لدرجة مافي كرسي تئعد عليه ..
دارين: يااا الله اتأخرت .. افففف علئ حظي الزفت ..مبين أكترهن أحسن مني ..
فاتت واستندت عالحيط وبلشت اتطلع عليهون واحد واحد وهية موعاجبها شي ...
Telegram:@rwayate
رجع سراج عمكتبو لئا فنجان ئهوة ..
سراج: ياسلام اجا بوئتو ..
كان بدو يشرب لما دخل عليه شب متوسط الطول أنيق بشعر أسود وعيون زرق متل زرقة السما بالصيف ..
.... :صباحو شريك
سراج: صباح الخير استاز قيصر .. تفضل ..