احمد:خالتي مية السلامة بيشرفنا انو معن يصير صهرنا
شهد احمرو خدودها من الخجل
أم احمد:تفضلو ياجماعة ليش ما عم تاكلو
أم عمر:لا والله عم نأكل يسلم ايديكي
تيم:والله ياحماتي نفسك على الطبخ بيجنن
أم احمد:صحة وهنا
رنيم عم تأكل بدون ماتتطلع بحدا أو تحكي شئ
احمد:رنيم ليش ما عم تركبي سيارتك
رنيم:لسا ماتعلمت ع السوا
تيم:لا تنسي تتصلي بمديرك وتخبري أنك تركتي الشغل
اتطلعو الكل ببعض
ورنيم زورتو
رنيم:أي
خلصو غدا ورنيم وشهد ضبو الأكل وقامو يجلو وأحمد وتيم طلعو ع الحديقة وأم عمر وأم أحمد قعدو مع بعض
شهد:ليش بدك تتركي الشغل
رنيم:ع أساس مابتعرفي
شهد:والله هل صهري رجااال كلمتو مابتصير تنين
رنيم:خرسي واجلي
احمد:والله ياصهر مانك قليل مافي شغل يعني ما في شغل بس كيف اقنعتها
تيم:ههههه أي لكن بس اطمن أختك مي قليلة كمان قال هيا مابتقعد بالبيت عرضت عليها تجي تشتغل معي طبعا وافقت غصب العنها
احمد:هههههه أي وايمت ناوي تعرض عليها تسكن معك كمان
تيم:لك والله صار عرضت عليها أكتر من مرة بس راسها يابس
احمد:والي بيقلك على خطة تخليها ترجع تسكن معك
تيم:ببوسو من بين عيونو
احمد:ههههه اسماع لكن........حكالو خطتو
تيم:فكرة حلوة بس بلكي مامشي حالها
احمد:لا بيمشي بيمشي أنا متأكد
تيم:هلق أجلها فترة رح حاول معها كمان مرة ازا مامشي الحال بستعملها
فاق أحمد الصغير وجابتو رنيم لعند نانتو منشان تشوفو أم عمر
أم عمر:بسم الله مشاء الله ربي مايحرمني من تيم الصغير مشالله نسخة عن ابوه
أم احمد:أي والله مو بيقولو إلي بتحب جوزها بتجيب ولادها شبهو
تيم:😌😌
شهد:أي والله ياصهري شو هل حب العميق إلي بينك وبين أختي والله شئ مابتسدق
ضربتها رنيم بكوعها
رنيم:ههههه هلق بيصدق أنا هاد إلي قدامك مابطيقو
احمد:أي وا لكن شو عم تعمل صورتو بكتابك
رنيم احمرت
رنيم:بتكون قديمة وأنا نسيتها
أم عمر:والله مو بس هيا وأبني كمان وقت كنت شوفو شلون زعلان وعايش معنا جسد بلا روح قول بيني وبين حالي معقول لسا في هيك حب تخيلو يوم عرسو خلا راما ترقص لحالها وهو ماقام البيت إلي كان ساكن فيه هو ورنيم سكرو وقعد هو وراما بغير بيت والله كانت دائما راما تشكيلو منو انو كتير هاملها وأنا قلها معليش لك بنتي هو هيك طبعو مع إني بعرف انو مابيحبها ولساتو بيحب رنيم وهلق اتفقوا ع الطلاق
تيم:أمي فضحتينا
الكل:هههههههه ماعدا رنيم
رجعو تيم وامو على بيتهن وخبرو معن انو بكرى يروح معهن منشان يتفقو على كلشي
ورنيم اتصلت بالمهندس مجد وخبرتو أنها تركت الشغل وتحججت بابنها
شهد ومعن قضو الليل كلو عم يحكو مع بعض ويخططو لمستقبلهم
وتيم كان حاط على رقم رنيم وعم يفكر يتصل ولا لا
رنيم عم ترضع ابنها وماسكة صورة تيم
وهيييك قضوا ابطالنا ليلتهم