قناة

📚قصص||روايات||منوعة📚

@rwayate
📚قصص||روايات||منوعة📚
23.9k
عددالاعضاء
218
Links
2,827
Files
17
Videos
767
Photo
وصف القناة
قصص و كتب pdf 💚📚 محبي القراءة في نعيم لا يدركه غيرهم... لا تشيخ أرواحهم وعقولهم ولو شاخت أجسادهم.💚 فهرس القصص👇🏻💗 @rwayattt للتواصل @Rwayate_BOT بإدارة💙✨ ⴅÂÐЄĦÂ حسابي الانستغرام💚🌿👇🏻 https://instagram.com/madeha_alyan?igshid=YmMyMTA2M2Y=
مرحبا هي مو قصه او متل ما بنتشر بل عاده هاد موقف ص
مشاركة من صديق القناة

حسبيا الله ونعم الوكيل💔💚
هي إرادة ربنا ويلي كاتبو ، الحمدلله ع كل حال ربي يصبر قلبك ويقويك يارب
صعبة كتير بس ربنا قريب منك وبيعلم بوجعك✨
ربي يرحمها♡
Link
0
6.0k
7:072019/10/11
Link
0
5.5k
16:162019/10/12
قصة اليوم: #بنت_الاكابر
............
قراءة ممتعة🦋💙"
#ⴅÂÐЄĦÂ
Link
0
5.9k
16:162019/10/12
ﺍﻟﺠﺰﺀ ﺍﻷﻭﻝ
@rwayate
ﻛﺎﻧﺖ ﻗﺎﻋﺪﺓ ﻗﺪﺍﻡ ﺍﻟﺒﺤﺮ .. ﻧﺴﻤﺔ ﻫﺎﺩﻳﺔ ﻋﻢ ﺗﻄﻴﺮ ﺷﻌﺮﺍﺗﺎ ﻋﻦ ﻭﺷﺎ ﻭﺗﺤﺮﻙ ﺍﻟﻤﻮﺝ ﻋﺎﻟﺨﻔﻴﻒ ... ﻣﺴﻜﺖ ﻛﻮﻣﺔ ﺣﺠﺎﺭ ﻭﺻﺎﺭﺕ ﺗﺮﻣﻴﻬﻦ ‏( ﻧﺴﻴﻨﻲ ؟ ﻣﺎ ﻧﺴﻴﻨﻲ ! ﻧﺴﻴﻨﻲ ؟ ﻣﺎ ﻧﺴﻴﻨﻲ ! ﻧﺴﻴﻨﻲ ؟ ﻻﺍﺍﺍﺍﺍﺍﺍ ﻻﺍﺍﺍﺍ ﻛﺰﺏ ﻫﺎﻟﺤﺠﺎﺭ ﻣﺎ ﺑﺘﺤﻜﻲ ﺍﻟﺼﺪﻕ ﺍﺑﺪﺍ .. ﺣﺒﻴﺒﻲ ﻣﺎ ﺑﻴﻨﺴﺎﻧﻲ ﺍﻧﺎ .. ﻣﺎ ﺑﻴﻨﺴﺎﻧﻲ ﺍﺑﺪﺍ ! ‏)
ﺷﺎﺩﻱ : ﻣﺮﺣﺒﺎ
ﻣﻴﺮﺍ : ﺑﻌﺪﻙ ﻣﺎ ﻧﻤﺖ ؟
ﺷﺎﺩﻱ : ﻻ .. ﺟﻴﺖ ﺍﺳﻬﺮ ﻋﺎﻟﺒﺤﺮ ﺑﻤﺎ ﺍﻧﻮ ﺑﻜﺮﺍ ﺭﺍﺟﻌﻴﻦ ﻭﻛﻞ ﺳﻨﺔ ﺑﻨﺰﻭﺭ ﺍﻟﺒﺤﺮ ﻣﺮﺓ
ﻣﻴﺮﺍ : ﻛﻞ ﺳﻨﺔ ؟ ﻟﻴﺶ ؟
ﺷﺎﺩﻱ : ﻟﻴﺶ ﺍﻧﺘﻲ ﻛﻞ ﻣﺘﻰ ﺑﺘﺠﻲ ﻟﻬﻮﻥ ؟
ﻣﻴﺮﺍ : ﻛﻞ ﺷﻬﺮ ﻣﻊ ﺍﻫﻠﻲ .. ﺑﺲ ﻣﻊ ﺭﻓﻘﺎﺗﻲ ﻛﻞ ﺳﻨﺔ ﻫﻬﻬﻬﻪ
ﺷﺎﺩﻱ : ﻟﻚ ﺍﻟﻒ ﺍﻟﺤﻤﺪ ﻟﻠﻪ ﺍﻧﻲ ﻗﺪﺭﺕ ﺍﺟﻲ .. ﺍﺍﺍﺍﺥ ﺑﺲ
ﻣﻴﺮﺍ : ﺍﻗﻌﺪ ﻟﻴﺶ ﻭﺍﻗﻒ ؟
ﺷﺎﺩﻱ : ﻋﻨﺠﺪ ؟
ﻣﻴﺮﺍ : ﺍﻱ .. ﺍﻗﻌﺪ@rwayate
ﺷﺎﺩﻱ : ﺷﻜﺮﺍ ﻛﺘﻴﺮ
ﻣﻴﺮﺍ : ﻗﻠﻲ .. ﻟﻴﺶ ﺍﻟﺤﻤﺪ ﻟﻠﻪ ﺍﻧﻚ ﻗﺪﺭﺕ ﺗﺠﻲ ؟
ﺷﺎﺩﻱ : ﺍﻧﺎ ﺍﺑﻲ ﻣﺘﻮﻓﻲ ﻭﺍﻣﻲ ﻣﻘﻌﺪﺓ .. ﻭﻣﺎ ﻓﻲ ﻏﻴﺮﻱ ﺭﺟﺎﻝ ﺑﺎﻟﺒﻴﺖ .. ﻋﻨﺪﻱ 4 ﺍﺧﻮﺍﺕ ﺑﻨﺎﺕ .. ﺑﺨﺎﻑ ﺍﺗﺮﻛﻦ ﻭﺳﺎﻓﺮ ﻣﻦ ﻣﻨﻄﻘﺔ ﻟﻤﻨﻄﻘﺔ ﻭﻧﺎﻡ ﺑﻌﻴﺪ ﻋﻨﻬﻦ
ﻣﻴﺮﺍ : ﻭﺷﻮ ﺻﺎﺭ ﻟﺤﺘﻰ ﻗﺪﺭﺕ ﺗﺠﻲ ﻣﻌﻨﺎ ؟
ﺷﺎﺩﻱ : ﺭﺍﺣﻮ ﻧﺎﻣﻮ ﻋﻨﺪ ﺑﻴﺖ ﺧﺎﻟﻲ ﻟﻴﻠﺘﻴﻦ ﻟﺤﺘﻰ ﺍﺭﺟﻊ
ﻣﻴﺮﺍ : ﺍﻧﺎ ﻣﺎ ﺑﺤﺐ ﺍﺟﻲ ﻣﻊ ﺍﻫﻠﻲ ﻟﻬﻮﻥ .. ﻭﺍﺧﺮ ﻣﺮﺓ ﺟﻴﺖ ﻣﻌﻬﻦ ﻟﻬﻮﻥ ﻋﺼﺒﺖ ﻭﺣﻠﻔﺖ ﺍﻧﻬﺎ ﺍﺧﺮ ﻣﺮﺓ ﺍﻃﻠﻊ ﻣﻌﻬﻦ ﻣﺸﻮﺍﺭ ﻣﺘﻞ ﻫﻴﻚ
ﺷﺎﺩﻱ : ﻋﻨﺠﺪ ؟ ﻟﻴﺶ !
ﻣﺴﻜﺖ ﺣﺠﺮ ﻭ ﺭﻣﺘﻮ ﺑﺎﻟﺒﺤﺮ ﻭ ﻣﺴﻜﺖ ﺷﻌﺮﺍ ﺑﺈﻳﺪﺍ ﻣﺸﺎﻥ ﻣﺎ ﻳﻄﻴﺮ ﻋﻠﻰ ﻭﺷﺎ
ﻣﻴﺮﺍ : ﺍﺑﻲ ﺑﻴﺨﺎﻑ ﻋﻠﻲ ﻛﺘﻴﺮ .. ﻋﻠﻰ ﻃﻮﻝ ﺑﻴﺤﺴﺴﻨﻲ ﺍﻧﻲ ﻃﻔﻠﺔ .. ﺍﺯﺍ ﻗﺮﺑﺖ ﻣﻦ ﺍﻟﺒﺤﺮ ﺑﻴﻘﻠﻲ ﺑﻌﺪﻱ ﻋﻨﻮ .. ﻭﺍﺯﺍ ﻗﻌﺪﺕ ﻋﺎﻟﺸﻂ ﺑﻴﻘﻠﻲ ﻻ ﺗﻘﻌﺪﻱ ﺑﻼ ﻣﺎ ﻳﻠﺪﻏﻚ ﺷﻲ .. ﻭﻫﻴﻚ ﺑﻴﻀﻞ ﻳﻘﻴﺪﻧﻲ .. ﻭﺍﻧﺎ ﻣﺎ ﺑﻨﺒﺴﻂ ﺑﺎﻟﻘﻴﻮﺩ ﻫﻲ ﺍﺑﺪﺍ ﺑﻌﺼﺐ ﻛﺘﻴﺮ ﻭﺑﻨﺪﻡ ﺍﻧﻲ ﺟﻴﺖ ﻣﻌﻬﻦ ﻫﻬﻬﻬﻪ
ﺷﺎﺩﻱ : ﻭﻛﻴﻒ ﺟﻴﺘﻲ ﻣﻌﻨﺎ ؟ ﻳﻌﻨﻲ ﻛﻢ ﺳﻨﺔ ﺑﻘﻴﺘﻲ ﺗﻘﻨﻌﻴﻪ ؟ ﻫﻬﻬﻬﻬﻪ
ﻣﻴﺮﺍ : ﻻ .. ﻋﺎﺩﻱ ﻗﻠﺘﻠﻮ ﻛﺄﻧﻚ ﻣﻌﻲ ﻭﻣﺎ ﺭﺡ ﻗﺮﺏ ﻟﻠﺒﺤﺮ ﻭﻻ ﺭﺡ ﺍﻗﻌﺪ ﻋﺎﻟﺸﻂ ﻭﻫﻴﻚ ﺍﻗﺘﻨﻊ
ﺍﺗﻄﻠﻊ ﺷﺎﺩﻱ ﻋﺎﻟﺸﻂ ﻭﻣﺴﻚ ﻛﻤﺸﺔ @rwayate ﺭﻣﻞ ﻭﺍﺑﺘﺴﻢ ..
ﺷﺎﺩﻱ : ﻛﺄﻧﻚ ﻛﺘﻴﻴﻴﻴﺮ ﺻﺎﺩﻗﺔ .. ﻣﺎﻧﻚ ﻗﺎﻋﺪﺓ ﻋﺎﻟﺸﻂ ﺍﺑﺪﺍ ﻫﻬﻬﻬﻬﻬﻪ
ﻣﻴﺮﺍ : ﻫﻬﻬﻬﻬﻬﻬﻬﻬﻪ ﻭﺍﻟﻠﻪ ﻣﺎ ﺑﻜﺴﺮ ﻛﻼﻣﻮ ﺑﺲ ﻛﻤﺎﻥ ﻣﺎ ﺑﺤﺐ ﻫﺎﻟﻀﻐﻮﻃﺎﺕ ﺍﻧﺎ ﻣﻮ ﻃﻔﻠﺔ ﺍﻧﺎ ﻋﻤﺮﻱ 28 ﺳﻨﺔ .. ﺑﻌﺮﻑ ﺣﺎﻟﻲ ﺷﻮ ﻻﺯﻡ ﺍﻋﻤﻞ ﻭﻫﻮ ﺍﺑﻲ ﻭﺑﻴﺨﺎﻑ ﻋﻠﻲ ﺑﺲ ﺍﻧﺎ ﻣﺎ ﻋﻢ ﺍﻏﻠﻂ ﺻﺢ ؟
ﺷﺎﺩﻱ : ﺻﺢ .. ﺑﺲ ﻣﻮ ﺑﺎﻳﻦ ﻋﻠﻴﻜﻲ 28 ﺳﻨﺔ !
ﻣﻴﺮﺍ : ﻋﻨﺠﺪ ؟
ﺷﺎﺩﻱ : ﻳﻌﻨﻲ ﺑﺲ ﺷﻔﺘﻚ ﻓﻜﺮﺗﻚ 20 ﺳﻨﺔ ﻣﻮ ﺍﻛﺘﺮ ﻭﻟﻤﺎ ﻋﺮﻓﺖ ﺍﻧﻚ ﻣﺘﺨﺮﺟﺔ ﺩﺑﻠﻮﻡ ﻣﺤﺎﺳﺒﺔ ﻗﻠﺖ ﻳﻤﻜﻦ 23 ﺳﻨﺔ ﺑﺲ ﻣﺎ ﺗﻮﻗﻌﺖ 28 ﺳﻨﺔ !
ﻣﻴﺮﺍ : ﻫﻬﻬﻬﻪ ﺗﺴﻠﻢ ﻋﺎﻟﻤﺠﺎﻣﻠﺔ ﺍﻟﺤﻠﻮﺓ
ﺷﺎﺩﻱ : ﺑﺲ ﺍﻧﺎ ﻣﺎ ﻋﻢ ﺟﺎﻣﻞ .. ﻭﺑﻴﻌﺠﺒﻨﻲ ﻓﻴﻜﻲ ﺗﻮﺍﺿﻌﻚ ﺭﻏﻢ ﺍﻧﻚ ﺑﻨﺖ ﻏﻨﻴﺔ ﻭ ﺍﺑﻮﻛﻲ ﻣﻌﺮﻭﻑ ﺑﺎﻟﺒﻠﺪ ﺑﺲ ﻣﺎﻧﻚ ﺷﺎﻳﻔﺔ ﺣﺎﻟﻚ ﺍﺑﺪﺍ
ﻣﻴﺮﺍ : ﺍﻋﻄﻴﻨﻲ ﺍﻳﺪﻙ ﺑﺪﻱ ﻭﻗﻒ ﺗﻌﺒﺖ ﻣﻦ ﺍﻟﻘﻌﺪﺓ
ﺣﻄﺖ ﺍﻳﺪﺍ ﺑﺈﻳﺪﻭ ﻭﻗﺎﻣﻮ ﺳﻮﺍ ﻭﻧﻔﻀﻮ ﺗﻴﺎﺑﻬﻦ ﻣﻦ ﺍﻟﺮﻣﻞ .. ﻭﻛﻤﻠﺖ ﻛﻼﻣﺎ ..
ﻣﻴﺮﺍ : ﻟﻴﻚ ﺷﺎﺩﻱ .. ﺻﺢ ﺍﺳﻤﻚ ﺷﺎﺩﻱ ؟
ﺷﺎﺩﻱ : ﺍﻱ
ﻣﻴﺮﺍ : ﻟﻴﻚ ﻳﺎ ﺷﺎﺩﻱ .. ﻣﺎ ﻓﻲ ﺍﻧﺴﺎﻥ ﺑﻴﻄﻠﻌﻠﻮ ﻳﺸﻮﻑ ﺣﺎﻟﻮ ﻋﻠﻰ ﺣﺪﺍ ﻣﻬﻤﺎ ﻛﺎﻥ ﻣﺮﻛﺰﻭ ﻭﻣﺮﻛﺰ ﺍﻫﻠﻮ ﺑﺎﻟﺒﻠﺪ .. ﻷﻧﻪ ﺍﻟﺘﻜﺒﺮ ﺍﻭﻝ ﺧﻄﻮﺓ ﻟﻠﻔﺸﻞ ﺑﻜﻠﺸﻲ @rwayate ﺑﺎﻟﺤﻴﺎﺓ .. ﻣﻘﺒﺮﺓ ﺍﻟﻨﺠﺎﺡ ﺍﻥ ﻛﺎﻥ ﺑﺎﻟﺸﻐﻞ ﺍﻭ ﺑﺎﻟﺤﻴﺎﺓ ﺍﻹﺟﺘﻤﺎﻋﻴﺔ
ﺷﺎﺩﻱ : ﻭﻣﺜﻘﻔﺔ ﻛﻤﺎﻥ ! ﻳﻌﻨﻲ ﺍﻧﺎ ﻛﺘﻴﺮ ﺑﺸﻮﻓﻚ ﺑﺎﻟﺸﻐﻞ ﺑﺲ ﻭﻻ ﻣﺮﺓ ﺗﻮﻗﻌﺖ ﺗﻜﻮﻥ ﺷﺨﺼﻴﺘﻚ ﻭﺍﺧﻼﻗﻚ ﻭﺛﻘﺎﻓﺘﻚ ﺑﻬﺎﻟﻤﺴﺘﻮﻯ ﺍﻟﻤﻤﺘﺎﺯ ﻭﺍﻟﺠﺬﺍﺏ
ﻣﻴﺮﺍ : ﺗﺴﻠﻢ
ﺷﺎﺩﻱ : ﺷﻮ ﻛﻨﺘﻲ ﺗﺤﻜﻲ ﻭﺍﻧﺘﻲ ﻋﻢ ﺗﺮﻣﻲ ﺍﻟﺤﺠﺎﺭ ﺑﺎﻟﺒﺤﺮ ؟
ﻣﻴﺮﺍ : ‏( ﺍﺑﺘﺴﻤﺖ ‏) ﻛﻨﺖ ﻋﻢ ﺍﺳﺄﻝ ﺍﻟﺒﺤﺮ ﺳﺆﺍﻝ .. ﻭﺍﻋﻄﺎﻧﻲ ﺟﻮﺍﺏ .. ﻋﻠﻰ ﻓﻜﺮﺓ ﻓﺮﺻﺔ ﻛﺘﻴﻴﻴﻴﻴﺮ ﺳﻌﻴﺪﺓ ﺍﻧﻲ ﺗﻌﺮﻓﺖ ﻋﻠﻴﻚ ﺍﻛﺘﺮ .. ﺍﻧﺎ ﺑﺪﻱ ﻓﻮﺕ ﻧﺎﻡ ﻛﺘﻴﺮ ﻧﻌﺴﺖ ﺗﺼﺒﺢ ﻋﻠﻰ ﺧﻴﺮ
ﺷﺎﺩﻱ : ﻭﺍﻧﺘﻲ ﺑﺨﻴﺮ
ﻓﺘﻠﺖ ﺿﻬﺮﺍ ﻭﻣﺸﻴﺖ ﻭﺑﻘﻲ ﺷﺎﺩﻱ ﺑﻤﻜﺎﻧﻮ ..
ﺷﺎﺩﻱ : ﻋﻠﻰ ﻓﻜﺮﺓ
ﻭﻗﻔﺖ ﻣﺸﺎﻥ ﺗﺴﻤﻊ ﺷﻮ ﺑﺪﻭ ﻳﺤﻜﻲ ..
ﺷﺎﺩﻱ : ﺍﻟﻠﻲ ﺑﻴﻨﺴﺎﻛﻲ ﺑﻴﻜﻮﻥ ﻣﺘﻞ ﺍﻟﺤﺠﺮ ﻳﻠﻲ ﺭﻣﻴﺘﻴﻪ ﺑﺎﻟﺒﺤﺮ .. ﻷﻧﻚ ﻣﺎ ﺑﺘﻨﺘﺴﻲ ﺍﺑﺪﺍ .. ﺍﻧﺘﻲ ﻣﻦ ﺍﻟﻨﺎﺱ ﻳﻠﻲ ﻣﺴﺘﺤﻴﻞ ﺗﻜﻮﻥ ﺷﺨﺺ ﻋﺎﺑﺮ ﺑﺤﻴﺎﺓ ﺍﻱ ﺣﺪﺍ
ﻣﻴﺮﺍ : ﻳﻌﻨﻲ ﺍﻧﺖ ﺳﻤﻌﺘﻨﻲ ﺷﻮ ﻛﻨﺖ ﺑﺤﻜﻲ ﻭﺍﻧﺎ ﻋﻢ ﺑﺮﻣﻲ ﺍﻟﺤﺠﺎﺭ ؟
ﺷﺎﺩﻱ : ﺍﻱ .. ﺻﻮﺗﻚ ﻣﺎ ﻛﺎﻥ ﻫﻤﺲ .. ﻛﺎﻥ ﻣﺴﻤﻮﻉ
ﺭﺟﻌﺖ ﻣﻴﺮﺍ ﻟﻌﻨﺪﻭ .. @rwayate ﻭﻗﻔﺖ ﻣﻌﻮ ﻭﺍﺗﻄﻠﻌﺖ ﺑﻌﻴﻮﻧﻮ
ﻣﻴﺮﺍ : ﻟﻮ ﻣﺎ ﻧﺴﻴﻨﻲ .. ﻣﺎ ﻛﻨﺖ ﺳﺄﻟﺖ ﺍﻟﺒﺤﺮ ﻋﻨﻮ .. ﻛﺎﻥ ﺧﺒﺮﻧﻲ ﻫﻮ ﺍﻧﻮ ﻣﺎ ﻧﺴﻴﻨﻲ .. ﺑﺲ ﻓﻲ ﻧﺎﺱ ﺍﺯﺍ ﺿﻤﻨﺖ ﻭﺟﻮﺩﻙ ﻣﻌﺎ ﺑﺘﺴﺘﻐﻞ ﺣﺒﻚ ﻷﻟﻬﺎ ﻭﺑﺘﺤﺎﻭﻝ ﺗﻬﺪﻡ ﻛﺮﺍﻣﺘﻚ ﻭﻫﺎﻟﺸﻲ ﺍﻧﺎ ﻣﺎ ﺭﺿﻴﺖ ﻓﻴﻪ .. ﻣﺎ ﺍﻓﺘﺮﻗﻨﺎ .. ﺑﺲ ﻣﺎ ﺭﺡ ﻧﻠﺘﻘﻲ ﻭﺍﺯﺍ ﺍﻟﺘﻘﻴﻨﺎ ﻣﺎ ﺭﺡ ﻧﺮﺟﻊ ﺳﻮﺍ ﺍﺑﺪﺍ
ﺷﺎﺩﻱ : ﻟﻴﺶ ؟ ﻓﻴﻨﻲ ﺍﻓﻬﻢ ﺍﻟﻘﺼﺔ ﻳﻤﻜﻦ ﺍﺣﺴﻦ ﺳﺎﻋﺪﻙ !
ﻣﻴﺮﺍ : ﻣﺎ ﺑﺪﻱ ﺍﺣﻜﻲ ﺷﻲ .. ﺑﺲ ﺷﻮﻑ ﺍﻧﺖ ﺷﻮ ﺣﺒﻴﺖ ﻓﻴﻨﻲ .. ﺍﻟﺸﺨﺺ ﻳﻠﻲ ﺑﺤﺒﻮ ﻣﺎ ﺑﻴﺤﺐ ﻫﺎﻟﺸﻲ ﺍﺑﺪﺍ
ﺷﺎﺩﻱ : ﺗﻮﺍﺿﻌﻚ ؟
ﻣﻴﺮﺍ : ﺍﻱ .. ﺷﻲ ﺑﺪﻭ ﻳﺎﻧﻲ ﻣﺸﻲ ﺟﻨﺒﻲ ﺑﻮﺩﻱ ﺟﺎﺭﺩ ﺷﻲ ﺑﺪﻭ ﻳﺎﻧﻲ ﻣﺎ ﺣﺎﻛﻲ ﺣﺪﺍ ﻣﻮ ﻣﻦ ﻣﺴﺘﻮﺍﻱ ﺍﻟﻤﺎﺩﻱ ﻭﻫﻴﻴﻴﻴﻚ ﻭﺍﻧﺎ ﻣﺎ ﻓﻴﻨﻲ ﻛﻮﻥ ﻣﺘﻞ ﻣﺎ ﺑﺪﻭ ﺍﺑﺪﺍ ..
ﺷﺎﺩﻱ : ﺑﺲ ﻫﺎﺩ ﺍﻟﺴﺒﺐ ؟
Link
0
5.6k
16:162019/10/12
ﻣﻴﺮﺍ : ﺍﻛﻴﺪ ﻻ .. ﻣﻮ ﺑﺲ ﻫﻴﻚ .. ‏( ﺍﺑﺘﺴﻤﺖ ‏) ﺗﺼﺒﺢ ﻋﻠﻰ ﺧﻴﺮ
ﺷﺎﺩﻱ : ﺗﻼﻗﻲ ﺧﻴﺮ
ﻣﺸﻴﺖ ﻣﻴﺮﺍ ﻭﻫﻲ ﻋﻢ ﺗﻐﺺ ﺑﺪﻣﻌﺘﺎ .. ﻭﺗﺤﺎﻛﻲ ﺣﺎﻻ .. ‏( ﻣﻌﻘﻮﻝ ﻋﻨﺠﺪ ﻣﺎ ﻧﺴﻴﻨﻲ ؟ ﺭﺡ ﻳﺠﻲ ﻳﻮﻡ ﻭﻳﺮﺟﻌﻠﻲ ؟ ﺭﺡ ﻳﺘﺰﻛﺮ ﺣﺒﻲ ﻷﻟﻮ ؟ ﺍﻧﺎ ﺑﺸﻮ ﻏﻠﻄﺖ ﻟﺤﺘﻰ ﻳﻌﺎﻗﺒﻨﻲ ﺑﺎﻟﻔﺮﺍﻕ ﻭﺣﺮﻗﺔ ﺍﻟﻘﻠﺐ ؟ ﺑﺴﺘﺎﻫﻞ ﻣﻨﻮ ﻛﻞ ﻫﺎﻟﻮﺟﻊ ؟ ‏)
ﻓﺘﺤﺖ ﺑﺎﺏ ﺍﻟﺸﺎﻟﻴﻪ ﻭﺩﺧﻠﺖ ﻭﻫﻲ ﻋﻢ ﺗﻤﺴﺢ ﺩﻣﻌﺘﺎ ..
ﻧﺴﺮﻳﻦ : ﻳﺎﺍﺍﺍﺍ ﻫﻼ ﻭﺍﻟﻠﻪ ﻭﻳﻦ ﻛﻨﺘﻲ ؟
ﻣﻴﺮﺍ : ﺷﻮ ﻳﺎ ﻷﻧﻮ ﺷﺎﻟﻴﻪ ﺍﺑﻮﻛﻲ ﺑﺪﻙ ﺗﺘﺤﻜﻤﻲ ﺑﻄﻠﻌﺘﻲ ﻭﺩﺧﻠﺘﻲ ﻋﻠﻴﻪ ؟ ﻫﻬﻬﻬﻬﻪ
ﻧﺴﺮﻳﻦ : ﻟﻴﺶ ﺑﻜﻴﺎﻧﺔ ؟
ﻣﻴﺮﺍ : ﻣﺎﻧﻲ ﺑﻜﻴﺎﻧﺔ ﺑﺲ ﻓﻲ ﻧﺴﻤﺔ ﻫﻮﺍ ﺑﺮﺍ ﻃﻴﺮﺕ ﺍﻟﺮﻣﻞ ﻭﺩﺧﻞ ﺑﻌﻴﻮﻧﻲ
ﻧﺴﺮﻳﻦ : ﺍﻱ ﻫﺎﻟﺤﻜﻲ ﺑﺘﺤﻜﻴﻪ ﻟﺤﺪﺍ ﻣﺎ ﺑﻴﻌﺮﻓﻚ ﻣﻤﻜﻦ ﻳﺼﺪﻗﻚ .. ﺑﺲ ﺍﻧﺎ ﻣﺎ ﻋﻢ ﺻﺪﻗﻚ ﺷﺒﻚ ؟ ﻣﺸﺘﺎﻗﺘﻴﻠﻮ ؟
ﻣﻴﺮﺍ : ‏( ﺧﺒﺖ ﻭﺷﺎ ﺑﺈﻳﺪﻳﻬﺎ ﻭﺻﺎﺭﺕ ﺗﺒﻜﻲ ﺑﺤﺮﻗﺔ ‏) ﺍﻱ ﺍﺷﺘﻘﺘﻠﻮﻭﻭﻭﻭﻭﻭﻭﻭ ﺍﺷﺘﻘﺘﻠﻮﻭﻭﻭﻭﻭ ﻛﺘﻴﻴﻴﻴﻴﻴﺮ
ﻧﺴﺮﻳﻦ : ‏( ﻗﻌﺪﺕ ﺟﻨﺒﺎ ﻭﺿﻤﺘﺎ ‏) ﻻ ﺗﺒﻜﻲ .. ﺍﻟﻠﻲ ﺑﺎﻋﻚ ﺑﻴﻌﻴﻪ ﻭﻻ ﻗﻠﻚ ﻻ ﺗﺒﻴﻌﻴﻪ .. ﻛﺒﻴﻪ ! ﺍﺭﻣﻴﻪ ﺍﻧﺴﻲ ﺍﻧﻮ ﻛﺎﻥ ﺑﺤﻴﺎﺗﻚ ﺍﺻﻼ ﻣﺎ ﺑﻴﺴﺘﺎﻫﻠﻚ
ﻣﻴﺮﺍ : ﻣﺎ ﺑﺪﻱ ﺣﺪ ﻳﺤﺲ ﻋﻠﻰ ﺍﻧﻲ ﻋﻢ ﺍﺑﻜﻲ ﺭﺡ ﻏﺴﻞ ﻭﺷﻲ ﻭﺍﺟﻲ ﻧﺎﻡ ..
ﻛﺎﻧﺖ ﻣﻴﺮﺍ ﻭﺍﻟﺒﻨﺎﺕ ﻧﺎﻳﻤﺎﺕ ﺑﺸﺎﻟﻴﻪ ﺍﺑﻮ ﻧﺴﺮﻳﻦ .. ﻭ ﺷﺎﺩﻱ ﻭﺍﻟﺸﺒﺎﺏ ﻧﺎﻳﻤﻴﻦ ﺑﺸﺎﻟﻴﻪ ﺍﺑﻮ ﻋﻤﺮ ..
ﺗﺎﻧﻲ ﻳﻮﻡ ﺍﻟﺼﺒﺢ ....
ﻣﻴﺮﺍ : ﺻﺒﺎﺣﻮﻭﻭ ﺻﺒﺎﻳﺎ .. ﺍﻭﻭﻭﻑ ﻧﻤﺖ ﻛﺘﻴﻴﻴﺮ
ﻧﺴﺮﻳﻦ : ﺍﻱ ﻛﻠﻨﺎ ﺟﻬﺰﻧﺎ ﺣﺎﻟﻨﺎ ﻣﺸﺎﻥ ﻧﺮﺟﻊ ﻭﺍﻧﺘﻲ ﺑﻌﺪﻙ ﻧﺎﻳﻤﺔ ﻛﻨﺎ ﺭﺡ ﻧﺘﺮﻛﻚ ﻫﻮﻥ ﻭﻧﺮﻭﺡ
ﻣﻴﺮﺍ : ‏( ﺍﻟﺘﻔﺘﺖ ﻭﺭﺍﻫﺎ ‏) ﻓﻲ ﺍﻃﻔﺎﻝ ﻫﻮﻥ ﺷﻲ ؟
ﻧﺴﺮﻳﻦ : ﻻ ﻟﻴﺶ ؟
ﻣﻴﺮﺍ : ﻣﻴﻦ ﻋﻢ ﺗﻬﺪﺩﻱ ؟ ﻫﻬﻬﻬﻪ
ﻧﺴﺮﻳﻦ : ﻫﻬﻬﻬﻬﻬﻪ ﻋﻢ ﻫﺪﺩﻙ
ﻣﻴﺮﺍ : ﻃﻴﺐ ﺑﺲ ﺭﺡ ﻏﺴﻞ ﻭﺷﻲ ﻭﺍﻟﺒﺲ ﻭﺍﺟﻲ ﻣﺎ ﻣﻌﻲ ﺷﻲ ﻟﺠﻬﺰﻭ ﺍﺻﻼ ﻛﻠﻬﻦ ﻛﻢ ﻗﻄﻌﺔ ﺗﻴﺎﺏ ﺑﺤﻄﻬﻦ ﺑﺎﻟﺸﻨﻄﺔ ﻭﺑﺠﻲ
ﻧﺴﺮﻳﻦ : ﻳﻼ
ﺑﻌﺪ 10 ﺩﻗﺎﻳﻖ ﻃﻠﻌﻮ ﻣﻦ ﺍﻟﺸﺎﻟﻴﻪ ﻫﻲ ﻭﺭﻓﻘﺎﺗﺎ .. ﺍﺗﻄﻠﻌﺖ ﺣﻮﺍﻟﻴﻬﺎ ﺍﺧﺪﺕ ﻧﻔﺲ ﻋﻤﻴﻖ ..
ﻣﻴﺮﺍ : ﻳﻼ ﻧﻄﻠﻊ ﺑﺎﻟﺴﻴﺎﺭﺓ ﺧﻠﺺ ﺍﺧﺪﺕ ﺟﺮﻋﺔ ﻫﻮﺍﺀ ﻧﻘﻲ ﻫﻬﻬﻬﻪ
ﻧﺴﺮﻳﻦ : ﻫﻬﻬﻬﻪ ﻳﻼ ﺻﺒﺎﻳﺎ ... ﺷﺎﺩﻳﻴﻴﻲ
ﺷﺎﺩﻱ : ﻧﻌﻢ .. ﺻﺒﺎﺡ ﺍﻟﺨﻴﺮ ﺍﻭﻝ ﺷﻲ ﺷﺒﻚ ﻋﻢ ﺗﻌﻴﻄﻲ ؟
ﻧﺴﺮﻳﻦ : ﺍﻧﺖ ﺑﺪﻙ ﺗﺴﻮﻕ ؟
ﺷﺎﺩﻱ : ‏( ﺍﺗﻄﻠﻊ ﻋﻠﻰ ﻣﻴﺮﺍ ﻭﺍﺑﺘﺴﻢ ‏) ﺍﻱ ﺍﻧﺎ
ﻧﺴﺮﻳﻦ : ﻳﻜﺘﺮ ﺧﻴﺮﻙ ﻭﺍﻟﻠﻪ ﺗﻌﺒﺖ ﻣﻌﻨﺎ ﺍﻧﺖ ﻣﻊ ﺍﻧﻮ ﺍﻭﻝ ﻣﺮﺓ ﺗﺠﻲ ﻣﻌﻨﺎ ﻫﻴﻚ ﻣﺸﻮﺍﺭ ﻋﻠﻰ ﺍﺳﺎﺱ ﺗﻐﻴﻴﺮ ﺟﻮ ﺑﺲ ﺗﻌﺒﺖ ﻣﻌﻨﺎ
ﺷﺎﺩﻱ : ﻭﻟﻮﻭﻭ ﻻ ﻣﺎ ﺗﻌﺒﺖ ﺑﺎﻟﻌﻜﺲ ﺑﺨﺪﻣﺘﻜﻦ ﺍﻧﺎ
ﻣﻴﺮﺍ : ﺣﻄﻠﻲ ﻏﻨﻴﺔ ﺣﻠﻮﺓ ﻫﺎ
ﺷﺎﺩﻱ : ﺣﺎﺿﺮ
ﻃﻮﻝ ﺍﻟﻄﺮﻳﻖ ﻭﺍﻟﺒﻨﺎﺕ ﻋﻢ ﻳﻐﻨﻮ ﻭﻳﺮﻗﺼﻮ ﻭﺍﻟﺸﺒﺎﺏ ﻭﺭﺍﻫﻦ ﺑﺎﻟﺴﻴﺎﺭﺓ ﻋﻢ ﻳﺰﻣﺮﻭ ﻭﻳﻄﻠﻌﻮ ﻣﻦ ﺷﺒﺎﺑﻴﻚ ﺍﻟﺴﻴﺎﺭﺓ .. ﻛﺎﻧﺖ ﺭﺣﻠﺘﻬﻦ ﺣﻠﻮﺓ ﻛﺘﻴﺮ ﻭﻏﻴﺮﻭ ﺟﻮ ﻓﻴﻬﺎ ..
ﻣﻴﺮﺍ : ﺧﻠﺺ ﻧﺰﻟﻨﻲ ﻫﻮﻥ ﻗﺮﺑﺖ ﻋﻠﻰ ﺑﻴﺘﻲ
ﺷﺎﺩﻱ : ﻻ ﺑﻮﺻﻠﻚ ﻋﻠﻰ ﺑﻴﺘﻚ ﺑﺎﻟﺰﺑﻂ
ﻣﻴﺮﺍ : ﻣﺎﺷﻲ ﺭﻭﺡ ﻳﻤﻴﻦ ﻟﻜﻦ
ﺷﺎﺩﻱ : ﻭﻫﺎﺍﺍﺍﻱ ﺭﺣﺖ ﻳﻤﻴﻦ ﺍﻣﺮﻙ
ﻣﻴﺮﺍ : ﺷﺎﻳﻒ ﺍﻟﺒﻨﺎﻳﺔ ﺍﻟﺒﻴﻀﺎ ﻫﻲ ؟
ﺷﺎﺩﻱ : ﺍﻱ
ﻣﻴﺮﺍ : ﻫﺎﻱ ﺑﻴﺘﻨﺎ
ﺷﺎﺩﻱ : ﺧﺠﻼﻧﺔ ﺗﻘﻮﻟﻲ ﺍﻟﻔﻴﻼ ؟ ﻫﻬﻬﻬﻪ ﺍﻧﺎ ﺑﻌﺮﻑ ﺍﻟﻨﺎﺱ ﺑﺘﺨﺠﻞ ﻣﻦ .... ‏( ﺍﻟﺘﻔﺖ ﻭﺗﺰﻛﺮ ﺍﻧﻮ ﻓﻲ ﺑﻨﺎﺕ ﻏﻴﺮ ﻣﻴﺮﺍ ﺑﺎﻟﺴﻴﺎﺭﺓ ﻭﻣﺎ ﻛﻤﻞ ﻛﻼﻣﻮ ‏) ﺗﻔﻀﻠﻲ
ﻣﻴﺮﺍ : ﺍﻭﻭﻭﻭﻩ ﺑﺎﺑﻲ ﻫﻮﻥ ..
ﺷﺎﺩﻱ : ﻓﻲ ﺷﻲ ؟
ﻣﻴﺮﺍ : ﻻ .. ﺑﺎﺑﻲ ﺑﺎﻟﺴﻴﺎﺭﺓ ﻫﻮﻥ ‏( ﺍﺷﺮﺕ ﻋﺎﻟﺴﻴﺎﺭﺓ ‏) ﺑﺲ ﻣﺸﺎﻥ ﻫﻴﻚ ﺗﻔﺎﺟﺄﺕ .. ﺷﻜﺮﺍ ﻷﻧﻚ ﻭﺻﻠﺘﻨﻲ .. ﺑﺎﻱ ﺻﺒﺎﻳﺎ
ﻧﺰﻟﺖ ﻣﻦ ﺍﻟﺒﺎﺹ ﻭﺭﺍﺣﺖ ﻋﺎﻟﺴﻴﺎﺭﺓ ﻳﻠﻲ ﺭﺍﻛﺐ ﻓﻴﻬﺎ ﺍﻣﺠﺪ ﺑﻴﻚ .. ‏( ﺍﺑﻮﻫﺎ ‏)
ﻣﻴﺮﺍ : ﻫﺎﻱ ﺑﺎﺑﻲ .. ﻛﻴﻔﻚ ؟
ﺍﻣﺠﺪ : ‏( ﺷﺎﻝ ﺍﻟﻨﻀﺎﺭﺍﺕ ﺍﻟﺸﻤﺴﻴﺔ ﻋﻦ ﻋﻴﻮﻧﻮ ‏) ﻛﻨﺘﻲ ﻗﺎﻋﺪﺓ ﺑﺎﻟﺴﻴﺎﺭﺓ ﻫﻲ ﻭﺭﺍ ﻣﻊ ﺷﻲ 5 ﺑﻨﺎﺕ .. ﻣﻜﺒﻮﺳﺔ ﻣﺘﻞ ﺍﻟﻤﺨﻠﻞ ﻋﺎﺟﺒﻚ ﻫﻴﻚ ﻣﺸﻮﺍﺭ ﻣﺒﻬﺪﻝ ؟
ﻣﻴﺮﺍ ....... :
ﺍﻣﺠﺪ : ﻋﻢ ﺑﺴﺄﻟﻚ ﺟﺎﻭﺑﻴﻨﻲ .. ﻣﺒﺴﻮﻃﺔ ؟
ﻣﻴﺮﺍ : ﺍﻱ ﻣﺒﺴﻮﻃﺔ .. ﻷﻧﻮ ﺍﻝ 5 ﺑﻨﺎﺕ ﻳﻠﻲ ﻛﻨﺖ ﻣﻌﻬﻦ ﺑﺎﻟﺴﻴﺎﺭﺓ ﺑﺸﺮ ﻣﺘﻠﻲ ﻣﺘﻠﻬﻦ .. ﻭﺍﻟﺴﻴﺎﺭﺓ ﻫﺎﻱ ﺣﺪﻳﺪ ﻣﺘﻞ ﺍﻟﺴﻴﺎﺭﺓ ﻫﻲ ﺑﺎﻟﺰﺑﻂ ! ﻭﻳﻦ ﺍﻟﻤﺸﻜﻠﺔ ؟؟
ﺍﻣﺠﺪ : ﺍﺩﺧﻠﻲ ﻋﺎﻟﻔﻴﻼ ﻃﻴﺐ .. ﺑﻌﻤﺮﻙ ﻣﺎ ﺭﺡ ﺗﻌﺮﻓﻲ ﺍﻧﺘﻲ ﻣﻴﻦ ﻭﻛﻴﻒ ﻻﺯﻡ ﺗﺘﻌﺎﻣﻠﻲ ﻣﻊ ﺍﻟﺒﺸﺮ
ﻣﻴﺮﺍ : ﻟﻴﺶ ﻣﻴﻦ ﺍﻧﺎ ؟ ‏( ﺍﺗﻄﻠﻌﺖ ﻋﻠﻰ ﺟﺴﻤﺎ ﻭﺣﻄﺖ ﺍﻳﺪﻳﻬﺎ ﻋﻠﻰ ﻭﺷﺎ ‏)
ﺍﻣﺠﺪ : ﺑﻮﺷﻚ ﻟﻐﺮﻓﺘﻚ ﻓﻮﺭﺍ ﺑﻌﺪﻳﻦ ﺑﺘﻔﺎﻫﻢ ﻣﻌﻚ
ﻣﻴﺮﺍ : ﺣﺎﺿﺮ @rwayate
ﺍﻧﺰﻋﺠﺖ ﻭﺩﺧﻠﺖ ﻋﺎﻟﺒﻴﺖ ﻋﻢ ﺗﺒﻜﻲ ﻣﻦ ﺍﻟﻘﻬﺮ ..
ﺍﻣﻨﺔ : ﻫﻴﻴﻲ ﺷﺒﻚ ﺩﺍﺧﻠﺔ ﻣﻌﺼﺒﺔ ﻓﻲ ﺣﺪ ﺑﻴﺠﻲ ﻣﻦ ﺳﻴﺮﺍﻥ ﻋﺎﻟﺒﺤﺮ ﻣﻌﺼﺐ ؟
ﻣﻴﺮﺍ : ‏( ﺭﻓﻌﺖ ﺷﻌﺮﺍﺗﺎ ﻋﻦ ﻭﺷﺎ ﺑﻨﻌﻮﻣﺔ ‏) ﺍﺳﺄﻟﻲ ﺑﺎﺑﻲ ﻟﺴﺎ ﻛﻞ ﻣﺎ ﺷﺎﻓﻨﻲ ﺑﺘﻨﻔﺲ ﺑﻴﻘﻠﻲ ﺍﻋﺮﻓﻲ ﺣﺎﻟﻚ ﺍﻧﺘﻲ ﺑﻨﺖ ﻣﻴﻦ .. ‏( ﺻﺎﺭﺕ ﺗﺤﺮﻙ ﺍﻳﺪﻳﻬﺎ ﻭﺗﺒﻜﻲ ﻣﺘﻞ ﺍﻻﻃﻔﺎﻝ ﻭﻫﻲ ﻋﻢ ﺗﺤﻜﻲ ‏) ﺣﺎﺝ ﻟﺴﺎ ﻛﻞ ﺷﻮﻱ ﻻ ﺗﺤﺎﻛﻲ ﻫﻲ ﻭﻻ ﺗﺮﺍﻓﻘﻲ ﻫﻲ ﻋﻤﺮﻱ 28 ﺳﻨﺔ ﺑﻌﺮﻑ ﻭﻳﻦ ﻣﺼﻠﺤﺘﻲ
ﺍﻣﻨﺔ : ﻫﻬﻬﻬﻪ ﻃﻴﺐ ﺣﺎﺝ ﺗﺒﻜﻲ .. ﺍﺑﻮﻛﻲ ﺑﻴﻔﻜﺮ ﻫﻴﻚ ﻋﻢ ﻳﻌﻮﺩﻙ ﺗﻜﻮﻧﻲ ﺭﺳﻤﻴﺔ ﻣﻊ ﺍﻟﻜﻞ ﻣﺘﻞ ﺑﻨﺎﺕ ﺭﻓﻘﺎﺗﻮ ﻳﻠﻲ ﻣﻦ ﻋﻤﺮﻙ .. ﺑﺲ ﺍﻧﺘﻲ ﻣﺎ ﻋﻢ ﺗﻔﻬﻤﻲ ﺷﻮ ﻳﻌﻨﻲ ﺑﻨﺖ ﺍﻣﺠﺪ ﺑﻴﻚ ﺧﻠﺺ ﻋﺎﻳﺸﺔ ﺣﻴﺎﺗﻚ ﻣﺘﻞ ﺍﻱ ﺑﻨﺖ ﻟﻬﻴﻚ ﺍﺑﻮﻛﻲ ﺍﻧﺰﻋﺞ
ﻣﻴﺮﺍ : ﻟﻴﺶ ﻣﻴﻦ ﺍﻧﺎ ﻭﻣﻴﻦ ﺍﻣﺠﺪ ﺑﻴﻚ ؟ ﻓﻴﻨﺎ ﺷﻲ ﻣﺨﺘﻠﻒ ﻋﻦ ﺍﻟﺒﺸﺮ ﻳﻠﻲ ﺑﻨﺸﻮﻓﻬﻦ ؟
ﺍﻣﻨﺔ : ﺍﻱ ﻃﺒﻌﺎ .. ﺍﻟﺪﻧﻴﺎ ﻣﻘﺎﻣﺎﺕ ..
ﻣﻴﺮﺍ ...... : ﻣﺎ ﺭﺡ ﺍﻗﺘﻨﻊ
ﻣﺸﻴﺖ ﺑﻌﺼﺒﻴﺔ ﻃﻠﻌﺖ ﻋﻠﻰ ﻏﺮﻓﺘﺎ .. ﺩﺧﻠﺖ ﻋﺎﻟﺤﻤﺎﻡ ﺍﺧﺪﺕ ﺩﻭﺵ ﻭﻃﻠﻌﺖ ﺍﺗﻄﻠﻌﺖ ﺑﺎﻟﻤﺮﺍﻱ .. ﻣﺴﻜﺖ ﺍﻟﻤﺸﻂ ﻭﻣﺸﻄﺖ ﺷﻌﺮﺍﺗﺎ .. ﺭﻓﻌﺘﻬﻦ ﻭ ﻧﺰﻟﺖ ﻟﺘﺤﺖ ﺑﻮﻗﺖ ﺍﻟﻐﺪﺍ ...
ﺍﻣﻨﺔ : ‏( ﺍﺗﻄﻠﻌﺖ ﻓﻴﻬﺎ ﻣﻦ ﻓﻮﻕ ﻟﺘﺤﺖ ﺑﺼﺪﻣﺔ ‏) ﺷﻮ ﻫﺎﺩ ؟
ﻣﻴﺮﺍ : ﺷﻮ ؟
ﺍﻣﻨﺔ : ﺍﻧﺘﻲ ﺑﺪﻙ @rwayate ﺗﺠﻠﻄﻴﻨﻲ ؟ ﻛﻢ ﺍﻟﻒ ﻣﺮﺓ ﻗﻠﺘﻠﻚ ﻻ ﺗﻨﺰﻟﻲ ﻟﻬﻮﻥ ﺑﺎﻟﺒﻴﺠﺎﻣﺔ
ﻣﻴﺮﺍ : ﺣﺎﺍﺍﺍﺿﺮ ﻫﻼ ﺑﺮﻭﺡ ﻋﻠﻰ ﺻﺎﻟﻮﻥ ﺑﻌﻤﻞ ﻣﻴﻚ ﺍﺏ ﻭﺗﺴﺮﻳﺤﺔ ﻭﺑﻠﺒﺲ ﺍﺣﻠﻰ ﻓﺴﺘﺎﻥ ﻋﻨﺪﻱ ﻣﺸﺎﻥ ﺍﺗﻐﺪﻯ ﻣﻌﻜﻦ
ﺟﺎﺩ : ﻫﻬﻬﻬﻬﻬﻬﻪ ﺧﻠﺺ ﺍﻣﻲ ﺗﺮﻛﻴﻬﺎ .. ﺗﻌﺎﻟﻲ ﺍﺗﻐﺪﻱ
ﻣﻴﺮﺍ : ﺻﺤﺔ .. ﺷﺒﻌﺖ
ﻃﻠﻌﺖ ﻋﻠﻰ ﻏﺮﻓﺘﺎ ﻭﺗﺴﻄﺤﺖ ﻋﻠﻰ ﺗﺨﺘﺎ .. ﺳﻜﺮﺕ ﻋﻴﻮﻧﺎ ﻭﺻﺎﺭﺕ ﺗﺘﺰﻛﺮ ﺣﺒﻴﺒﺎ ..
ﻣﻴﺮﺍ : ﺍﺷﺘﻘﺘﻠﻚ
Link
0
3.1k
16:162019/10/12
ﻣﺎﻟﻚ : ﻭﺍﻧﺎ ﻛﻤﺎﻥ .. ‏( ﺣﻂ ﺍﻳﺪﻭ ﻋﻠﻰ ﻭﺷﺎ ﻭﻗﺮﺏ ﻋﻠﻴﻬﺎ ‏) ﻃﺎﻟﻌﺔ ﺑﺘﺠﻨﻨﻲ ﺍﻟﻴﻮﻡ
ﻣﻴﺮﺍ : ‏( ﺑﺨﺠﻞ ‏) ﻋﻨﺠﺪ ؟
ﻣﺎﻟﻚ : ﻗﺮﺑﻲ ﺷﺒﻚ .. ﻗﺮﺑﻲ
ﻣﻴﺮﺍ : ﻻ ﻣﺎﻟﻚ .. ﺑﻌﺪ ﻋﻨﻲ ﺷﺒﻚ ! ﻣﺎ ﺑﻴﺼﻴﺮ ﻫﻴﻚ
ﻣﺎﻟﻚ : ﻟﻚ ﻛﻼ ﺑﻮﺳﺔ .. ﺑﺲ ﺑﻮﺳﺔ
ﻣﻴﺮﺍ : ﻻ ﻣﺎ ﺑﺪﻱ ﺑﺨﺠﻞ
ﻣﺎﻟﻚ : ﻏﻤﻀﻲ ﻋﻴﻮﻧﻚ
ﻏﻤﻀﺖ ﻋﻴﻮﻧﺎ ﺑﺨﺠﻞ ﻭﺷﺪﺕ ﻋﻠﻴﻬﻦ .. ﻟﻒ ﺍﻳﺪﻭ ﻭﺭﺍ ﺭﺍﺳﺎ ﻭﺷﺪﺍ ﻟﻌﻨﺪﻭ ..
ﻣﺎﻟﻚ : ﻫﻬﻬﻪ ﺷﺒﻚ ﻋﻢ ﺗﺒﻜﻲ ﻟﻚ ﻭﺍﻟﻠﻪ ﻣﺎ ﻋﻤﻠﺖ ﺷﻲ ﺑﻮﺳﺔ ﺑﺲ ﻣﺎ ﺑﺪﺍ ﻛﻞ ﻫﺎﻟﺨﺠﻞ

يتبع
Link
0
2.7k
16:162019/10/12
Link
0
2.7k
16:162019/10/12
.....

ﺍﻟﺠﺰﺀ ﺍﻟﺜﺎﻧﻲ
@rwayate
ﻓﺘﺤﺖ ﻋﻴﻮﻧﺎ ﻭﻓﺎﻗﺖ ﻣﻦ ﺯﻛﺮﻳﺎﺗﺎ ﻭﻫﻲ ﻋﻢ ﺗﺒﻜﻲ .. ﻧﺰﻟﺖ ﺗﺤﺖ ﺍﻟﻐﻄﺎ ﻭﻣﺴﻜﺖ ﻣﻮﺑﺎﻳﻼ ...
‏( ﻣﻌﻘﻮﻝ ﻧﺴﻴﻨﻲ ؟ ﻳﻌﻨﻲ ﺍﻧﺎ ﻣﺎ ﻋﺎﺩ ﺍﻟﻲ ﻣﻜﺎﻥ ﺑﺤﻴﺎﺗﻮ ؟ ﺿﻴﻌﺖ ﻣﻦ ﻋﻤﺮﻱ ﻛﻞ ﻫﺎﻟﺴﻨﻴﻦ ﻭﺍﻧﺎ ﻣﻌﻮ .. ﻭﻓﺠﺄﺓ ﻛﻠﺸﻲ ﺍﻧﺘﻬﻰ .. ﻭﻣﺎ ﻋﻢ ﻳﺴﺄﻝ ﺍﺑﺪﺍ .. ﻣﺎ ﻋﻢ ﻳﺤﺲ ﻓﻴﻨﻲ ﻭﻻ ﻋﻢ ﻳﺸﺘﺎﻗﻠﻲ ‏)
ﺩﻕ ﺑﺎﺏ ﻏﺮﻓﺘﺎ ..
ﻣﻴﺮﺍ : ﻣﻴﻦ ؟
ﺳﻌﺎﺩ : ﺍﻧﺎ ﻳﺎ ﺍﻧﺴﺔ ﻣﻴﺮﺍ
ﻣﻴﺮﺍ : ﺗﻔﻀﻠﻲ ﺧﺎﻟﺘﻮ
ﺳﻌﺎﺩ : ‏( ﺗﻀﺤﻚ ‏) ﻭﻃﻲ ﺻﻮﺗﻚ ﻭﺍﻧﺘﻲ ﻋﻢ ﺗﺤﻜﻲ ﺧﺎﻟﺘﻮ ﺑﻼ ﻣﺎ ﻳﺰﻋﻠﻮ ﺍﻫﻠﻚ
ﻣﻴﺮﺍ : ﺍﻧﺎ ﺍﻫﻠﻲ ﺭﺡ ﻳﺒﻘﻮ ﻃﻮﻭﻭﻝ ﻋﻤﺮﻫﻦ ﺯﻋﻼﻧﻴﻦ ﻣﻨﻲ ﻫﻬﻬﻬﻬﻪ
ﺳﻌﺎﺩ : ﻳﺎ ﻋﻠﻴﻲ ﺍﻧﺎ ﺷﺒﻚ ﺑﻜﻴﺎﻧﺔ ﺣﺒﻴﺒﺘﻲ ؟
ﻣﻴﺮﺍ : ﺍﻧﺎ ؟ ‏( ﺗﺒﻜﻲ ‏) ﻣﺎ ﻓﻲ ﺷﻲ ﺑﺲ ﻋﻴﻮﻧﻲ ﻋﻢ ﺗﺪﻣﻊ ﻣﻦ ﺍﻟﻨﻌﺲ ﻣﺎ ﻧﻤﺖ ﻣﻨﻴﺢ
ﺳﻌﺎﺩ : ﻻ ﻣﻮ ﻧﻌﺲ ﺍﻧﺘﻲ ﻋﻢ ﺗﺒﻜﻲ @rwayate
ﻣﻴﺮﺍ : ‏( ﺗﺒﻜﻲ ‏) ﺧﻠﺺ ﻣﺎ ﻓﻲ ﺷﻲ ﺧﺎﻟﺔ ﺳﻌﺎﺩ .. ﺷﻮ ﻛﻨﺘﻲ ﺑﺪﻙ ؟
ﺳﻌﺎﺩ : ﺑﺪﻱ ﻗﻠﻚ ﺍﻧﻮ ﺍﻣﺠﺪ ﺑﻴﻚ ﺑﺪﻭ ﻳﺎﻛﻲ ﺗﺤﺖ ﻫﻸ ﺍﺟﺎ ﻭﻗﻠﻲ ﻧﺎﺩﻳﻠﻚ
ﻣﻴﺮﺍ : ﺧﻠﺺ ﻫﻸ ﺑﻨﺰﻝ .. ﻳﺴﻠﻤﻮ
ﻗﺎﻣﺖ ﺑﺪﻟﺖ ﺗﻴﺎﺑﺎ ﻭﺣﻄﺖ ﻣﻴﻚ ﺍﺏ ﺧﻔﻴﻒ ﻭﺍﺧﺪﺕ ﻣﻔﺎﺗﻴﺢ ﺳﻴﺎﺭﺗﺎ ﻭﻧﺰﻟﺖ ..
ﻣﻴﺮﺍ : ﻫﺎﺍﺍﻱ ﺑﺎﺑﻲ
ﺍﻣﺠﺪ : ﺷﻮ ﻟﻮﻳﻦ ﺭﺍﻳﺤﺔ ؟
ﻣﻴﺮﺍ : ﺑﺪﻱ ﺍﺧﺪ ﻓﺘﻠﺔ ﺑﺎﻟﺴﻴﺎﺭﺓ .. ﺷﻢ ﺷﻮﻳﺔ ﻫﻮﺍ
ﺍﻣﺠﺪ : ﻣﻮ ﺍﻟﻴﻮﻡ ﺭﺟﻌﺘﻲ ﻣﻦ ﺍﻟﺒﺤﺮ ؟
ﻣﻴﺮﺍ : ﺍﻱ ﺑﺲ ﺣﺎﺳﺔ ﺣﺎﻟﻲ ﺗﻌﺒﺎﻧﺔ ﺑﺪﻱ ﻏﻴﺮ ﺟﻮ
ﺍﻣﺠﺪ : ﻃﻴﺐ .. ﺍﻧﺘﻲ ﻻﺯﻡ ﺗﺘﺮﻛﻲ ﺍﻟﻮﻇﻴﻔﺔ
ﻣﻴﺮﺍ : ﺷﻮﻭﻭﻭﻭﻭ !! ﻟﻴﺶ ﺑﺎﺑﻲ ﺷﻮ ﻓﻲ ؟
ﺍﻣﺠﺪ : ﻣﻮ ﻋﺎﺟﺒﻨﻲ ﺗﻌﺎﻣﻠﻚ ﻣﻊ ﻫﺎﻟﺒﺸﺮ .. ﻗﻠﺘﻠﻚ ﺍﺷﺘﻐﻠﻲ ﻣﻌﻲ ﺑﺎﻟﺸﺮﻛﺔ ﻣﺎ ﺭﺿﻴﺘﻲ ﻣﺎ ﺑﺪﻙ ﺍﻻ ﺗﺘﺸﺮﺷﺤﻲ ﻣﻊ ﻫﻴﻚ ﻋﺎﻟﻢ@rwayate
ﻣﻴﺮﺍ : ‏( ﺷﺪﺕ ﻋﻠﻰ ﺳﻨﺎﻧﺎ ﻭﻗﺮﺑﺖ ﻟﻌﻨﺪﻭ ‏) ﻣﺎ ﺭﺡ ﺍﺗﺮﻙ ﺷﻐﻠﻲ .. ﻣﺎ .. ﺭﺡ .. ﺍﺗﺮﻙ .. ﺷﻐﻠﻲ ﻫﺎﻟﻤﺮﺓ ﺑﺪﻱ ﺍﻋﺘﺮﺽ ﻷﻧﻪ ﺣﺎﺟﺘﻲ 28 ﺳﻨﺔ ﻋﺸﺖ ﺑﻨﻈﺎﻡ ﻣﻮ ﻃﺎﻳﻘﺘﻮ ﻭﻣﻮ ﻋﺎﺟﺒﻨﻲ .. ﻫﺎﻟﻤﺮﺓ ﺍﻟﻘﺮﺍﺭ ﺍﻟﻲ .. ﺍﻟﻲ ﺍﻧﺎ ﻭﺑﺲ
ﻣﺸﻴﺖ ﻭﻛﺎﻥ ﺍﻣﺠﺪ ﺑﺪﻭ ﻳﻌﺼﺐ ﻋﻠﻴﻬﺎ .. ﺍﺗﻄﻠﻌﺖ ﻋﻠﻴﻪ ﺍﻣﻨﺔ ﻭﻏﻤﺰﺗﻠﻮ ﻣﺸﺎﻥ ﻳﺴﻜﺖ ..
ﺭﻛﺒﺖ ﻣﻴﺮﺍ ﺑﺴﻴﺎﺭﺗﺎ ﻭﻣﺸﻴﺖ ﻓﻴﻬﺎ ﻭﻫﻲ ﻋﻢ ﺗﺒﻜﻲ ..
ﺻﻔﺖ ﻋﻨﺪ ﻛﺎﻓﻴﻪ ﻭﻧﺰﻟﺖ ﻃﻠﺒﺖ ﻗﻬﻮﺓ .. ﺷﺮﺑﺘﺎ ﻭﺭﻛﺒﺖ ﺑﺴﻴﺎﺭﺗﺎ ﻭﺭﺟﻌﺖ ﻋﺎﻟﻔﻴﻼ ..
ﻓﺘﺤﺖ ﺍﻟﺒﺎﺏ ﺷﻮﻱ ﺷﻮﻱ ﻣﺸﺎﻥ ﺗﻄﻠﻊ ﻋﻠﻰ ﻏﺮﻓﺘﺎ ﺑﻼ ﻣﺎ ﺣﺪ ﻳﺤﺲ ﻭﻳﻌﺎﺗﺒﺎ ﻋﻠﻰ ﻛﻼﻣﺎ ﻣﻊ ﺍﻣﺠﺪ .. ﻃﻠﻌﺖ ﺍﻭﻝ ﻛﻢ ﺩﺭﺟﺔ ﻭﻧﺎﺩﺗﻼ ﺍﻣﻨﺔ ..
ﺍﻣﻨﺔ : ﺗﻌﺎﻟﻲ ﺗﻌﺎﻟﻲ .. ﻭﻳﻦ ﻃﺎﻟﻌﺔ ﻣﻔﻜﺮﺗﻴﻨﻲ ﻣﺎ ﺭﺡ ﺣﺲ ﺍﻧﻚ ﺟﻴﺘﻲ ؟
ﻣﻴﺮﺍ : ﻧﻌﻢ ﻣﺎﻣﻲ .. ﻓﻲ ﺷﻲ ؟
ﺍﻣﻨﺔ : ﺷﻮ ﻫﺎﻟﻜﻼﻡ ﻳﻠﻲ ﺣﻜﻴﺘﻴﻪ ﻣﻊ ﺍﺑﻮﻛﻲ ؟
ﻣﻴﺮﺍ : ‏( ﻧﺰﻟﺖ ﻋﻦ ﺍﻟﺪﺭﺝ ﻭﺭﺍﺣﺖ ﻟﻌﻨﺪﺍ ‏) ﺍﻱ ﻣﺎ ﺭﺡ ﺍﺗﺮﻙ ﺷﻐﻠﻲ
ﺍﻣﻨﺔ : ﺑﺲ ﺍﺑﻮﻛﻲ ﺑﻴﻌﺮﻑ ﻭﻳﻦ ﻣﺼﻠﺤﺘﻚ
ﻣﻴﺮﺍ : ‏( ﻋﻢ ﺗﺤﺮﻙ ﻣﻔﺎﺗﻴﺢ ﺍﻟﺴﻴﺎﺭﺓ ﺑﺈﺻﺒﻌﺘﺎ ‏) ﻭﺍﻧﺎ ﺑﻌﺮﻑ ﻭﻳﻦ ﻣﺼﻠﺤﺘﻲ .. ﺍﻟﺴﺎﻋﺔ ﺻﺎﺭﺕ 6 ﻭﻧﺺ ﻭﺍﻧﺎ ﺑﺪﻱ ﺍﻃﻠﻊ ﻋﻠﻰ ﻏﺮﻓﺘﻲ ﺍﻗﻌﺪ @rwayate ﺷﻮﻱ ﻭ ﻧﺎﻡ .. ﻷﻧﻪ ﺑﻜﺮﺍ ﻋﻨﺪﻱ ﺩﻭﺍﻡ .. ﻻ ﻭﻣﻮ ﺑﺲ ﻫﻴﻚ ﺷﻐﻠﻲ ﺑﺎﻟﻨﺴﺒﺔ ﺍﻟﻲ ﻛﻠﻠﻠﻞ ﺣﻴﺎﺗﻲ ﻳﻠﻲ ﺑﺤﺒﺎ ﺑﺘﻌﺮﻓﻲ ﻟﻴﺶ ؟ ﻷﻧﻲ ﺍﻧﺎ ﺍﺧﺘﺮﺗﻮ ﺍﻟﻲ ﻭﺑﻌﺮﻑ ﺍﻧﻮ ﺑﻴﻨﺎﺳﺒﻨﻲ .. ﺗﺼﺒﺤﻲ ﻋﻠﻰ ﺧﻴﺮ
ﻃﻠﻌﺖ ﻋﻠﻰ ﻏﺮﻓﺘﺎ ﻭﺣﺎﻭﻟﺖ ﺗﻨﻈﻢ ﺍﻧﻔﺎﺳﺎ ﺑﻌﺪ ﺍﻟﺠﺮﺃﺓ ﻳﻠﻲ ﺣﻜﺖ ﻓﻴﻬﺎ ﻣﻊ ﺍﻫﻼ ..
‏( ﻣﻴﺮﺍ ﺍﻧﺘﻲ ﻣﺎ ﻏﻠﻄﺘﻲ ﻣﻴﺮﺍ ﻫﺎﺩ ﺣﻘﻚ ﺷﺒﻨﻴﻴﻴﻲ ﻳﺎ ﺭﺑﻲ ﻣﺎ ﻋﻢ ﺍﺣﺴﻦ ﺍﺗﻨﻔﺲ ﺍﻭﻭﻭﻭﻑ .. ﺍﻧﺎ ﻣﺎ ﻏﻠﻄﺖ ﺍﻧﺎ ﻣﺎ .. ﻏﻠﻄﺖ ﺍﻱ ﻫﺎﺩ ﺣﻘﻲ ﺍﺧﺘﺎﺭ ﻛﻠﺸﻲ ﺑﺪﻱ ﻳﺎﻩ ﻭﻛﻠﺸﻲ ﺑﺮﺗﺎﺣﻠﻮ ﺍﻧﺎ ﻣﻮ ﺻﻐﻴﺮﺓ ﺍﺗﺎ ﻻﺯﻡ ﻗﺮﺭ ﺷﻠﻮﻥ ﺑﺪﻱ ﻋﻴﺶ ‏)
ﻣﺴﻜﺖ ﻣﻮﺑﺎﻳﻼ ﻭﺩﻗﺖ ﻟﻨﺴﺮﻳﻦ ..
ﻣﻴﺮﺍ : ﺍﻟﻮ
ﻧﺴﺮﻳﻦ : ﻫﻼ ﻳﺎ ﻋﻤﺮﻱ
ﻣﻴﺮﺍ : ﻛﻴﻔﻚ ؟
ﻧﺴﺮﻳﻦ : ﺑﺨﻴﺮ .. ﻟﺤﻈﺔ ﺍﻃﻠﻊ ﻋﺎﻟﺠﻨﻴﻨﺔ ﺣﺎﻛﻴﻜﻲ .. ﺍﻟﺠﻮ ﻛﺘﻴﺮ ﺣﻠﻮ ﺍﻟﻴﻮﻡ
ﻣﻴﺮﺍ : ﺍﻱ ﻭﺍﻟﻠﻪ ﺍﻧﺎ ﻃﻠﻌﺖ ﺷﺮﺑﺖ ﻗﻬﻮﺓ ﺑﻜﺎﻓﻴﻪ ﻭﺭﺟﻌﺖ .. ﺣﺎﻛﺎﻛﻲ ﺷﻲ ﺍﺑﻮﻛﻲ ﻣﺸﺎﻥ ﻛﻨﺘﻲ ﻗﺎﻋﺪﺓ ﻣﺘﻞ ﺍﻟﻤﺨﻠﻞ ﻣﻜﺒﻮﺳﺔ ﻛﺒﺲ ﺑﺎﻟﺒﺎﺹ ﻷﻧﻪ ﻛﻨﺎ ﻛﺘﺎﺭ ؟
ﻧﺴﺮﻳﻦ : ﻻ .. ﻟﻴﺶ ؟ @rwayate
ﻣﻴﺮﺍ : ﺍﻱ ﻷﻧﻪ ﺍﻟﺒﺎﺹ ﺻﻐﻴﺮ ﺷﻮﻱ .. ﺻﺢ ؟
ﻧﺴﺮﻳﻦ : ﻟﻚ ﺷﺒﻚ ﺷﻮ ﻫﺎﻷﺳﺌﻠﺔ ﻫﻲ ؟
ﻣﻴﺮﺍ : ﺍﺍﺍﺍﺍﺥ ﻳﺎ ﻧﺴﺮﻳﻦ ﺍﺍﺍﺍﺥ .. ﺑﺲ ﺷﻮﻓﻚ ﺑﻨﺤﻜﻲ .. ﺗﺼﺒﺤﻲ ﻋﻠﻰ ﺧﻴﺮ
ﺗﺎﻧﻲ ﻳﻮﻡ ﻓﺎﻗﺖ ﻭﻟﺒﺴﺖ ﻣﺸﺎﻥ ﺗﻄﻠﻊ ﻋﻠﻰ ﺩﻭﺍﻣﺎ .. ﻓﺘﺤﺖ ﺑﺎﺏ ﻏﺮﻓﺘﺎ ﻣﺎ ﺍﻧﻔﺘﺢ ﻣﻌﺎ .. ﺩﻗﺖ ﻋﻠﻴﻪ ﺑﻘﻮﺓ ..
ﺳﻌﺎﺩ : ﺍﻧﺴﺔ ﻣﻴﺮﺍ ﺍﻧﺎ ﻫﻮﻥ ﻳﺎ ﺑﻨﺘﻲ
ﻣﻴﺮﺍ : ﻟﻴﺶ ﺍﻟﺒﺎﺏ ﻣﺎ ﻋﻢ ﻳﻔﺘﺢ ﻣﻌﻲ ؟
ﺳﻌﺎﺩ : ﻭﺍﻟﻠﻪ ﺍﻣﺠﺪ ﺑﻴﻚ ﺳﻜﺮﻭ ﻭﺍﻣﺮﻧﺎ ﻣﺎ ﺣﺪ ﻳﻔﺘﺤﻠﻚ ﻳﺎﻩ
ﻣﻴﺮﺍ : ﺍﻓﺘﺤﻴﻠﻲ ﻫﻸ .. ﺍﺯﺍ ﻣﺎ ﺑﺘﻔﺘﺤﻴﻠﻲ ﺭﺡ ﻳﺼﻴﺮ ﺷﻲ ﻣﺎ ﻳﻌﺠﺒﻚ
ﺳﻌﺎﺩ : ﻣﺎ ﻓﻴﻨﻲ
ﻣﻴﺮﺍ : ﻋﻢ ﻗﻠﻚ ﺍﻓﺘﺤﻴﻠﻲ ﻫﻸ
ﺳﻌﺎﺩ : ﻣﺸﺎﻥ ﺍﻟﻠﻪ ﻳﺎ ﺑﻨﺘﻲ ﻻ ﺗﻘﻄﻌﻲ ﺑﺮﺯﻗﻲ ﺍﻣﺠﺪ ﺑﻴﻚ ﻗﺎﻝ ﺍﺯﺍ ﺣﺪ ﻓﺘﺤﻠﻚ ﺍﻟﺒﺎﺏ ﻳﻌﺘﺒﺮ ﺣﺎﻟﻮ ﺍﺗﻘﻠﻊ ﻣﻦ ﺍﻟﺸﻐﻞ ﺑﺎﻟﻔﻴﻼ ﻭﺍﻧﺎ ﻫﺎﺩ ﺑﺎﺏ ﺭﺯﻗﻲ @rwayate
ﺳﻜﺘﺖ ﻣﻴﺮﺍ ﻭﺷﺪﺕ ﻋﻠﻰ ﺳﻨﺎﻧﺎ ﻣﻦ ﺍﻟﻘﻬﺮ ﻭﺻﺮﺧﺖ ﺑﺼﻮﺕ ﻋﺎﻟﻲ ..
ﻣﻴﺮﺍ : ﺭﻭﺣﻲ ﻣﻦ ﻫﻮﻥ ﻭﻻ ﺗﺴﻤﻌﻴﻨﻲ ﺻﻮﺗﻚ ﺑﻌﺪ ﻫﻸ ﺍﺑﺪﺍ
ﺍﺗﻄﻠﻌﺖ ﻋﻠﻰ ﻭﺷﺎ ﺑﺎﻟﻤﺮﺍﻱ ﻭﻣﺪﺕ ﺍﻳﺪﺍ ﻋﻠﻰ ﺍﻟﻤﻜﻴﺎﺝ ﻭﺍﻟﻌﻄﺮ ﻭ ﻛﺴﺮﺗﻦ ﻛﻠﻦ
ﻭﻓﺠﺄﺓ ﺍﻧﻔﺘﺢ ﺑﺎﺏ ﺍﻟﻐﺮﻓﺔ ...
ﺟﺎﺩ : ﺍﻧﺎ ﺟﻴﺖ .. ﻟﻚ ﺷﺒﻚ ﺷﻮ ﻋﺎﻣﻠﺔ ﺑﺎﻟﻐﺮﻓﺔ ﺗﻌﺎﻟﻲ ﻣﻌﻲ ﺗﻌﺎﻟﻲ
ﻣﻴﺮﺍ : ﺑﺪﻱ ﻳﻌﺮﻑ ﺍﻣﺠﺪ ﺑﻴﻚ ﺍﻧﻲ ﻣﺎ ﻋﺪﺕ ﺻﻐﻴﺮﺓ .. ﻟﻚ ﺣﺎﺍﺍﺍﺍﺍﺍﺍﺝ ‏( ﺗﺒﻜﻲ ‏) ﻣﺎ ﻓﻴﻨﻲ ﻛﻮﻥ ﻣﺘﻠﻦ
ﺟﺎﺩ : ﻫﻬﻪ ﻭﻻ ﺍﻧﺎ ﺑﺲ ﺍﻫﺪﻱ .. ﺍﻻ ﻧﻼﻗﻲ ﺣﻞ ﺗﻌﺎﻟﻲ .. ﺳﻌﺎﺍﺍﺍﺍﺩ ﻳﺎ ﺳﻌﺎﺍﺍﺍﺩ ﺗﻌﺎﻟﻲ ﺯﺑﻄﻲ ﻭﺿﻊ ﺍﻟﻐﺮﻓﺔ ﺍﻧﺎ ﺭﺡ ﺍﺧﺪ ﻣﻴﺮﺍ ﻭﺻﻼ ﻋﻠﻰ ﺷﻐﻼ
ﺳﻌﺎﺩ : ﺑﺲ ﻳﺎ ﺟﺎﺩ ﺑﻴﻚ ...
ﺟﺎﺩ : ﺷﻮ ؟ ﻻ ﻳﻜﻮﻥ ﺍﻋﺘﺒﺮ ﺣﺎﻟﻲ ﻣﻘﻠﻊ ﻣﻦ ﺍﻟﻔﻴﻼ ﺍﺯﺍ ﻭﺻﻠﺘﺎ ﻋﻠﻰ ﺷﻐﻼ !!
ﺳﻌﺎﺩ ....... :
ﺟﺎﺩ : ﺷﻮﻓﻲ ﺷﻐﻠﻚ .. ﻭﺍﺯﺍ ﺳﺄﻟﻮ ﻋﻦ ﻣﻴﺮﺍ ﺍﺣﻜﻴﻠﻬﻦ ﺍﻧﻮ ﺍﻧﺎ ﻳﻠﻲ ﻃﺎﻟﻌﺘﺎ ﻣﻌﻲ ﻧﺴﺨﺔ ﻟﻤﻔﺎﺗﻴﺢ ﺍﻟﻐﺮﻑ ﻛﻠﻦ .. ﺑﺎﺍﺍﻱ
ﻣﺸﻴﺖ ﻣﻴﺮﺍ ﺑﺠﻨﺐ ﺟﺎﺩ ﻭﻫﻲ ﻋﻢ ﺗﺒﻜﻲ ...
ﻣﻴﺮﺍ : ﺧﻠﻴﻚ @rwayate ﻣﻌﻲ ﻵﺧﺮ ﺍﻟﺪﻭﺍﻡ
ﺟﺎﺩ : ﻋﻨﺠﺪ ؟
Link
0
2.7k
16:162019/10/12
ﻣﻴﺮﺍ : ﺍﻱ .. ﻣﺎ ﺑﺪﻱ ﺿﻞ ﻟﺤﺎﻟﻲ ﻫﻮﻥ ﻣﺎ ﻋﻢ ﺣﺲ ﺑﺎﻷﻣﺎﻥ .. ﻋﻠﻰ ﻓﻜﺮﺓ ﺑﻨﺖ ﺻﺎﺣﺐ ﺍﻟﺸﺮﻛﺔ ﻛﺎﻧﺖ ﻣﻌﻨﺎ ﺑﺎﻟﺴﻴﺮﺍﻥ ﻳﻠﻲ ﻗﺎﻝ ﻋﻨﻮ ﺑﺎﺑﻲ ﺍﻧﻮ ﻳﻠﻲ ﻛﺎﻧﻮ ﻓﻴﻪ ﺷﺮﺍﺷﻴﺢ .. ﺑﺲ ﺍﻟﻔﺮﻕ ﺑﺴﻴﻂ ﺍﻧﻮ ﺍﺑﻮﻫﺎ ﻣﺘﻮﺍﺿﻊ ﻭﻫﻲ ﻣﺘﻠﻮ ﻟﻬﻴﻚ ﻛﻠﺸﻲ ﺑﺘﻌﻤﻠﻮ ﺑﺘﻜﻮﻥ ﻣﺮﺗﺎﺣﻪ ﻓﻴﻪ ..
ﺟﺎﺩ : ﻋﻠﻰ ﻓﻜﺮﺓ ﺍﻧﺎ ﻣﺎ ﺑﺤﺐ ﻃﺒﺎﻉ ﺍﺑﻲ ﻛﻤﺎﻥ .. ﺑﺲ ﻋﻢ ﺳﺎﻳﺮ ﻳﻌﻨﻲ ﺍﺷﺘﻐﻠﺖ ﻣﻌﻮ ﺑﺎﻟﺸﺮﻛﺔ ﻭﻋﻢ ﺣﺴﺴﻮ ﺍﻧﻲ ﻣﺘﻠﻮ ﺑﺲ ﺍﻧﺎ ﻣﻮ ﻫﻴﻚ .. ﻓﻬﻤﺘﻲ ؟
ﻣﻴﺮﺍ : ﺍﻱ .. ﻳﻼ ﺍﻧﺰﻝ ﻣﻌﻲ
ﺟﺎﺩ : ﺍﻱ ﻣﺎﺷﻲ ﻳﻼ
ﺍﺗﻄﻠﻌﺖ ﻣﻴﺮﺍ ﺷﺎﻓﺖ ﺳﻴﺎﺭﺓ ﻣﺎﻟﻚ ... ﺻﻔﻨﺖ ﺷﻮﻱ ﻭ ﻏﺼﺖ ﺑﺪﻣﻌﺘﺎ .. ‏( ﻣﻌﻘﻮﻝ ﺍﺟﺎ ﻳﺸﻮﻓﻨﻲ ؟ ‏)
ﺟﺎﺩ : ﻧﻌﻢ ؟ @rwayate
ﻣﻴﺮﺍ : ﺷﻮ ؟
ﺟﺎﺩ : ﺳﻤﻌﺘﻚ ﺣﻜﻴﺘﻲ ﻣﻌﻲ
ﻣﻴﺮﺍ : ﻻ ﺍﺑﺪﺍ .. ﻣﺎ ﺣﻜﻴﺖ .. ﻟﻴﻚ ﺧﻠﺺ ﻻ ﺗﺠﻲ ﻣﻌﻲ ﺑﺲ ﺍﺭﺟﻊ ﺧﺪﻧﻲ ﻣﺸﺎﻥ ﻣﺎ ﺍﺩﺧﻞ ﺍﻟﺒﻴﺖ ﻟﺤﺎﻟﻲ
ﺟﺎﺩ : ﻻ ﻻ ﻻ ﺭﺡ ﺍﺟﻲ ﻣﻌﻚ ﺧﻠﺺ ﺭﺡ ﺍﺟﻲ ﻣﺎ ﻋﻨﺪﻱ ﺷﻲ ﺍﺻﻼ
ﻣﻴﺮﺍ : ﻣﺎﺷﻲ
ﺩﺧﻠﺖ ﺍﻟﺸﺮﻛﺔ ﻭﻃﻠﻌﺖ ﻋﻠﻰ ﺍﻟﻤﻜﺘﺐ ﻳﻠﻲ ﺑﺘﺸﺘﻐﻞ ﻓﻴﻪ .. ﺍﻭﻝ ﻣﺎ ﺩﺧﻠﺖ ﻛﺎﻥ ﻣﺎﻟﻚ ﻋﻢ ﻳﻨﻄﺮﺍ .. ﺍﺗﻄﻠﻌﺖ ﺑﻨﺴﺮﻳﻦ ﻭﺑﺠﺎﺩ .. ﻭﻗﻒ ﻣﺎﻟﻚ ﻭﺳﻜﺮ ﺟﺎﻛﻴﺘﻮ ﻭﺯﺑﻂ ﺳﺎﻋﺘﻮ .. ﻣﺸﻴﺖ ﻣﻴﺮﺍ ﻟﻌﻨﺪﻭ ﺧﻄﻮﺗﻴﻦ ..
ﻣﻴﺮﺍ : ﻣﺮﺣﺒﺎ !
ﻣﺎﻟﻚ : ﺍﻫﻠﻴﻦ
ﺟﺎﺩ : ﻣﻴﺮﺍ ﻓﻲ ﺷﻲ ؟
ﻣﺎﻟﻚ : ﻛﻴﻔﻚ ﺟﺎﺩ ؟
ﺟﺎﺩ : ﺍﻟﺤﻤﺪ ﻟﻠﻪ .. ﺑﺲ ﺑﻌﺮﻑ ﺍﻧﻜﻦ ﺗﺮﻛﺘﻮ ﺑﻌﺾ ﺍﻧﺖ ﻭﻳﺎﻫﺎ ﺷﻮ ﺟﺎﺑﻚ ؟
ﻣﺎﻟﻚ : ‏( ﺍﺗﻄﻠﻊ @rwayate ﺑﻤﻴﺮﺍ ‏) ﻣﻤﻜﻦ ﻧﺤﻜﻲ ﺷﻮﻱ ؟
ﻧﺴﺮﻳﻦ : ﺳﻴﺪ ﺟﺎﺩ ﻣﻤﻜﻦ ﺗﺠﻲ ﻣﻌﻲ ﻓﺮﺟﻴﻚ ﺍﻟﺸﺮﻛﺔ ؟
ﺟﺎﺩ : ﺣﺪ ﻗﻠﻚ ﺑﺪﻱ ﺍﺷﺘﺮﻳﻬﺎ ؟
ﻛﺘﻤﺖ ﻣﻴﺮﺍ ﺿﺤﻜﺘﺎ ﻭﺍﺗﻄﻠﻌﺖ ﺑﻨﺴﺮﻳﻦ ﻭﺍﺑﺘﺴﻤﺖ .. ﻭﺭﺍﺣﺖ ﻟﻌﻨﺪ ﺟﺎﺩ ﻗﺮﺑﺖ ﻭﻫﻤﺴﺘﻠﻮ .. ‏( ﺭﻭﺡ ﻣﻌﺎ ﺷﻮﻱ ﺑﺲ ‏)
ﻃﻠﻊ ﺟﺎﺩ ﻣﻊ ﻧﺴﺮﻳﻦ ﻣﻦ ﺍﻟﻐﺮﻓﺔ .. ﺳﻜﺮﺕ ﻧﺴﺮﻳﻦ ﺍﻟﺒﺎﺏ
ﺟﺎﺩ : ﻟﻚ ﻟﻴﺶ ﺳﻜﺮﺗﻴﻪ ؟ ﺍﻓﺘﺤﻴﻪ ﻣﺎ ﺑﻴﺼﻴﺮ ﻫﻴﻚ
ﻧﺴﺮﻳﻦ : ﻟﻚ ﺷﺒﻚ ﺑﺸﺮﻛﺔ ﻧﺤﻨﺎ ﻣﻦ ﺷﻮ ﺧﺎﻳﻒ ! ﻻ ﺗﺨﺎﻑ ﺧﻠﻴﻬﻦ ﻳﻌﺮﻓﻮ ﻳﺤﻜﻮ .. ﺗﻌﺎﻝ ﻋﺮﻓﻚ ﻋﺎﻟﻤﻮﻇﻔﻴﻦ
ﺟﺎﺩ : ﺍﻧﺘﻲ ﺷﻠﻮﻥ ﻋﺮﻓﺘﻲ ﺍﻧﻲ ﺍﺧﻮﻫﺎ ؟
ﻧﺴﺮﻳﻦ : ﻣﻦ ﺍﺳﻤﻚ ﻭﺷﻔﺖ ﺻﻮﺭﺗﻚ ﻣﺮﺓ ﻋﻦ ﺍﻟﻔﻴﺲ
ﺟﺎﺩ : ﻋﻢ ﺗﺘﺠﺴﺴﻲ ﻋﻠﻲ
ﻧﺴﺮﻳﻦ : ﺍﺗﺠﺴﺲ ؟ ﻫﻬﻬﻬﻬﻬﻬﻬﻪ ﻻ ﻭﺍﻟﻠﻪ .. ﺍﺻﻼ ﻫﻲ ﻓﺮﺟﺘﻨﻲ ﺻﻮﺭﺗﻚ ﻣﻮ ﺍﻧﺎ ﻳﻠﻲ ﺷﻔﺘﺎ ﻟﺤﺎﻟﻲ
ﻓﻲ ﻣﻜﺘﺐ ﻣﻴﺮﺍ ...
ﻣﺎﻟﻚ : ﻣﺎ ﺗﺤﻤﻠﺖ ﻏﻴﺎﺑﻚ .. ﺍﺷﺘﻘﺘﻠﻚ
ﻣﻴﺮﺍ : ﻫﻬﻬﻬﻬﻬﻬﻬﻬﻬﻬﻬﻬﻬﻪ @rwayate ﺑﻜﻴﻴﻴﻴﻴﺮ .. ﺑﻌﺪ 4 ﺷﻬﻮﺭ ﺟﻴﺖ ﺗﻘﻠﻲ ﺍﺷﺘﻘﺘﻠﻚ !
ﻣﺎﻟﻚ : ﻭﺍﻟﻠﻪ ﻣﺎ ﻋﻢ ﺍﺗﺤﻤﻞ ﻏﻴﺎﺑﻚ ﻣﺎ ﻓﻲ ﺍﺣﻠﻰ ﻣﻨﻚ .. ‏( ﻗﺮﺏ ﻣﻨﻬﺎ ﻭﺍﺗﻄﻠﻊ ﺑﻌﻴﻮﻧﺎ ‏) ﻭﻣﺎ ﻓﻲ ﺍﻃﻴﺐ ﻣﻨﻚ ﻭﻣﺎ ﻓﻲ ﺍﺣﻠﻰ ﻣﻦ ﺭﻳﺤﺘﻚ ‏( ﻗﺮﺏ ﺍﻧﻔﻮ ﻟﻌﻨﺪ ﺭﻗﺒﺘﺎ ﻭﺍﺳﺘﻨﺸﻖ ﻋﻄﺮﺍ ‏) ﺍﺭﺟﻌﻴﻠﻲ
ﺍﺗﻄﻠﻌﺖ ﻣﻴﺮﺍ ﺑﻌﻴﻮﻧﻮ ﻭﺣﻦ ﻗﻠﺒﺎ ﺗﺮﺟﻌﻠﻮ .. ﻭﻗﻔﺖ ﻭﻟﻔﺖ ﺍﻳﺪﻳﻬﺎ ﻋﻠﻰ ﺧﺼﺮﻭ ﻭﺻﺎﺭﺕ ﺗﺒﻜﻲ ﻭﺗﻀﺮﺑﻮ ..
ﻣﻴﺮﺍ : ﺍﺷﺘﻘﺘﻠﻚ ﺍﺷﺘﻘﺘﻠﻚ ﺍﺷﺘﻘﺘﻠﻚ ﻛﺘﻴﻴﻴﻴﺮ
ﻣﺎﻟﻚ : ﻃﻴﺐ ﺍﺳﻒ .. ﺍﻧﺎ ﺍﺳﻒ ﻣﺎ ﺑﻌﺮﻑ ﺍﻧﻚ ﺑﺘﺤﺒﻴﻨﻲ ﻛﻞ ﻫﺎﻟﻘﺪ
ﻣﻴﺮﺍ : ﺭﺡ ﺗﺘﻐﻴﺮ ﻛﺮﻣﺎﻟﻲ ؟
ﻣﺎﻟﻚ : ﺍﻭ ﺍﻧﺘﻲ ﺑﺘﺘﻐﻴﺮﻱ ﻛﺮﻣﺎﻟﻲ .. ﺍﻟﻤﻬﻢ ﻣﺎ ﻧﻔﺘﺮﻕ
ﻣﻴﺮﺍ : ﺍﻧﺎ ﻣﺎ ﺭﺡ ﺍﺗﻐﻴﺮ .. ‏( ﻗﻌﺪﺕ ﻭ ﺭﺟﻌﺖ ﺑﺎﻟﻜﺮﺳﻲ ﻟﻮﺭﺍ ‏) ﺍﻧﺎ ﻣﺎ ﺑﻘﺘﻨﻊ ﺑﻨﻈﺮﻳﺔ ﺍﻧﺘﻲ ﺑﻨﺖ ﻣﻴﻦ ﻭﺍﻧﺖ ﺍﺑﻦ ﻣﻴﻦ .. ﻛﻠﻨﺎ ﺑﺸﺮ ﻭﻣﺎﺣﺪ ﻓﻴﻨﺎ ﻋﻨﺪﻭ ﺑﺪﺍﻝ ﺍﻟﺪﻡ ﺩﻫﺐ .. ﻛﻠﻨﺎ ﻟﺤﻢ ﻭﺩﻡ ﻭ ﻭﻻﺩ ﺗﺴﻌﺔ ﻣﺎ ﺣﺪ ﺑﺤﻘﻠﻮ ﻳﺸﻮﻑ ﺣﺎﻟﻮ ﻋﻠﻰ ﺣﺪﺍ
ﻣﺎﻟﻚ : ﻳﻌﻨﻲ ﺑﺪﻙ ﺗﻘﻨﻌﻴﻨﻲ ﺍﻧﻚ ﺗﺮﻛﺘﻴﻨﻲ ﻛﺮﻣﺎﻝ ﺿﺮﺑﺖ ﺍﻟﻄﻔﻞ ﺍﻟﻤﺘﺸﺮﺩ ؟
ﻣﻴﺮﺍ : ﺍﻭﻝ ﺷﻲ ﻣﺎ ﺍﺳﻤﻮ ﻣﺘﺸﺮﺩ .. ﻭﻟﻮ ﺍﻟﻐﻨﻲ ﺳﺎﻋﺪ ﻳﻠﻲ ﺑﻨﻈﺮﻙ ﻣﺘﺸﺮﺩﻳﻦ ﻛﺎﻥ ﻃﻠﻊ ﻣﻨﻬﻦ ﻣﺒﺪﻋﻴﻦ ﻭﻣﻮﺍﻫﺐ ﺑﺘﺠﻨﻦ ﻭﺻﺎﺭﻭ ﺍﺣﺴﻦ ﻣﻦ ﻋﺸﺮﻳﻦ ﺍﻟﻒ ﻏﻨﻲ ! ﻣﺎ ﻛﺎﻥ ﺍﻓﻨﻮ ﻋﻤﺮﻫﻦ ﻋﺎﻹﺷﺎﺭﺍﺕ ﻳﺒﻴﻌﻮ ﻋﻠﻜﺔ ..
ﻣﺎﻟﻚ : ﻭﻟﻴﺶ ﻧﺠﺒﺮ ﺣﺎﻟﻨﺎ ﻧﺘﻌﺎﻣﻞ @rwayate ﻣﻊ ﻫﻴﻚ ﺻﻨﻒ ﺑﺎﻟﻤﺠﺘﻤﻊ !
ﻣﻴﺮﺍ : ﻷﻧﻮ ﻛﻠﻨﺎ ﻧﻬﺎﻳﺘﻨﺎ ﻭﺣﺪﺓ .. ﻭﻣﻬﻤﺎ ﺟﻤﻌﻨﺎ ﻣﺼﺎﺭﻱ ﻭﺍﻧﺒﺴﻄﻨﺎ ﺑﺤﻴﺎﺗﻨﺎ ﺍﺧﺮﺗﻨﺎ ﺷﻘﻔﺔ ﻗﻤﺎﺷﺔ ﺑﻴﻀﺎ .. ﻭﻛﻮﻣﺔ ﺗﺮﺍﺏ ! ﻭﻣﻬﻤﺎ ﺑﻨﻴﻨﺎ ﺑﻴﻮﺕ ﻭﻗﺼﻮﺭ ﻭﻋﺸﻨﺎ ﻓﻴﻬﻦ ﺍﺧﺮﺗﻨﺎ ﻏﺮﻓﺔ ﻣﺘﺮﻳﻦ ﺑﻤﺘﺮ
ﻣﺎﻟﻚ : ﻳﺎ ﺍﻟﻠﻪ ﺷﻮ ﻧﻜﺪﻳﺔ .. ﻭﻛﺌﻴﺒﺔ .. ﻭﺍﻟﻘﻌﺪﺓ ﻣﻌﻚ ﺑﺘﻨﻐﺺ ﻋﻴﺸﺔ ﺍﻛﺒﺮ ﻣﺘﻔﺎﺋﻞ ﺑﺎﻟﺪﻧﻴﺎ
ﻣﻴﺮﺍ : ﻫﻬﻬﻬﻬﻬﻬﻬﻬﻪ ﻫﻸ ﻫﻴﻚ ﺍﻧﺎ !
ﻣﺎﻟﻚ : ﺍﻱ ﻫﻴﻚ .. ﺍﻟﻤﻬﻢ ‏( ﻟﻒ ﻭﻗﻌﺪ ﻋﺎﻟﻜﺮﺳﻲ ﻳﻠﻲ ﻗﺒﺎﻻ ‏) ﺍﻃﻠﺒﻴﻠﻨﺎ ﺷﻲ ﻧﺸﺮﺑﻮ
ﻣﻴﺮﺍ : ﺷﻮ ﺭﺃﻳﻚ ﻧﻠﺘﻘﻲ ﺑﻌﺪ ﺍﻟﺪﻭﺍﻡ ؟ ﻷﻧﻪ ﻋﻨﺪﻱ ﺷﻐﻞ
ﻣﺎﻟﻚ : ﺑﻌﺪ ﻛﻞ ﻫﺎﻟﻐﻴﺎﺏ ﻭﺍﻟﺸﻮﻕ ﻋﻢ ﺗﻘﻠﻌﻴﻨﻲ ﻣﺸﺎﻥ ﺍﻟﺸﻐﻞ ؟
ﺩﻕ ﺑﺎﺏ ﺍﻟﻐﺮﻓﺔ ﻭﺩﺧﻠﺖ ﻧﺴﺮﻳﻦ ...
ﻧﺴﺮﻳﻦ : ﻳﻼ ﻧﺒﻠﺶ ﺷﻐﻞ ﻟﻔﻴﻨﺎ ﺍﻟﺸﺮﻛﺔ 10 ﻣﺮﺍﺕ ﺍﻧﺎ ﻭﺟﺎﺩ ﻣﺎ ﻋﺎﺩ ﻓﻴﻨﺎ ﺣﻴﻞ ﻫﻬﻬﻬﻬﻬﻪ
ﺟﺎﺩ : ﻣﻴﺮﺍ ﺍﻧﺎ ﺭﺡ ﺍﺧﺪ ﻓﺘﻠﺔ ﺑﺎﻟﺴﻴﺎﺭﺓ ﻭ ﺯﻭﺭ ﺭﻓﻴﻘﻲ ﻭﺍﺭﺟﻊ ﺍﺧﺪﻙ ﺑﻴﻜﻮﻥ ﺧﻠﺺ ﺍﻟﺪﻭﺍﻡ
ﻧﺴﺮﻳﻦ : ﺍﺯﺍ ﺑﺪﻙ ﺭﻭﺣﻲ ﻭﺗﻌﺎﻟﻲ ﺑﻜﺮﺍ ﺍﻧﺎ ﺑﺤﺎﻛﻲ ﺍﻟﺒﺎﺑﺎ ﻻ ﺗﻬﻜﻠﻲ ﻫﻢ
ﻣﺎﻟﻚ : ﺍﺣﻢ ﺍﻧﺎ ﻫﻮﻥ
ﻛﺎﻧﺖ ﺍﻟﻔﺮﺣﺔ ﻣﺒﻴﻨﺔ ﺑﻌﻴﻮﻥ ﻣﻴﺮﺍ .. ﻛﺎﻧﺖ ﺗﻨﻄﺮ ﺍﻟﻠﺤﻈﺔ ﻳﻠﻲ ﻳﺮﺟﻌﻼ ﻣﺎﻟﻚ ﻓﻴﻬﺎ ﻭﻳﻠﻤﺲ ﺍﻳﺪﺍ ﻭﺗﺸﻢ ﻋﻄﺮﻭ
ﺟﺎﺩ : ﻃﻴﺐ ﻣﺎﻟﻚ ﺗﻌﺎﻝ @rwayate ﻣﻌﻨﺎ ﺑﻨﺸﺮﺏ ﻗﻬﻮﺓ ﺳﻮﺍ
ﻣﺎﻟﻚ : ﻣﺎﺷﻲ .. ﺍﺻﻼ ﺍﻧﺎ ﺑﺪﻱ ﺍﺣﻜﻲ ﻣﻌﻜﻦ ﺑﻤﻮﺿﻮﻉ ﻣﻬﻢ
ﺍﺗﻄﻠﻌﺖ ﻣﻴﺮﺍ ﺑﻨﺴﺮﻳﻦ ﻭﻏﻤﺰﺗﻼ ﻭﺿﺤﻜﺖ .. ﻭﻃﻠﻌﻮ ﻣﻦ ﺍﻟﻤﻜﺘﺐ .. ﺍﻭﻝ ﻣﺎ ﻃﻠﻌﺖ ﺷﺎﻓﺖ ﺷﺎﺩﻱ ﺟﺎﻱ ﺑﺈﺗﺠﺎﻩ ﻏﺮﻓﺔ ﺍﻟﻤﻜﺘﺐ ﻳﻠﻲ ﺑﺘﺸﺘﻐﻞ ﻓﻴﻪ ﻫﻲ ﻭﻧﺴﺮﻳﻦ ..
ﻣﻴﺮﺍ : ﻟﺤﻈﺔ ﺑﺲ ﺑﺪﻱ ﺳﻠﻢ ﻋﻠﻰ ﺭﻓﻴﻘﻲ
ﻣﺎﻟﻚ : ﺭﻓﻴﻘﻚ ؟
ﻣﻴﺮﺍ : ﺯﻣﻴﻠﻲ ﺑﺎﻟﺸﻐﻞ ﻭﻟﻮ .. ﻟﺤﻈﺔ
ﻣﺸﻴﺖ ﺧﻄﻮﺗﻴﻦ ﻭﻗﺮﺑﺖ ﻟﻌﻨﺪ ﺷﺎﺩﻱ ..
ﻣﻴﺮﺍ : ﻣﺮﺣﺒﺎ .. ﻛﻴﻔﻚ ؟
ﺷﺎﺩﻱ : ﺍﻟﺤﻤﺪ ﻟﻠﻪ ﺑﺨﻴﺮ .. ﻭﺍﻧﺘﻲ ؟ ‏( ﺍﺗﻄﻠﻊ ﻋﻠﻰ ﻣﺎﻟﻚ ﻭﺟﺎﺩ ﺑﺈﺳﺘﻐﺮﺍﺏ ‏)
ﻣﻴﺮﺍ : ﺍﻟﻒ ﺍﻟﺤﻤﺪ ﻟﻠﻪ .. ﻫﺎﺩ ﺍﺧﻲ ﻭﺍﻟﻠﻲ ﻣﻌﻮ ﺣﺒﻴﺒﻲ
ﺍﺗﻄﻠﻊ ﺑﻌﻴﻮﻧﺎ ﻭﺍﺑﺘﺴﻢ ..
ﺷﺎﺩﻱ : ﺭﺡ ﺳﻠﻢ ﻋﻠﻴﻬﻦ .. @rwayate
ﻗﺮﺏ ﻟﻌﻨﺪﻥ ﻭﻣﺪ ﺍﻳﺪﻭ ﻭﺳﻠﻢ ﻋﻠﻰ ﺟﺎﺩ .. ﺿﺤﻚ ﺟﺎﺩ ﺑﻮﺷﻮ ﻭﺣﻜﻰ ﻣﻌﻮ ﻋﺎﺩﻱ .. ﻣﺪ ﺍﻳﺪﻭ ﻣﺸﺎﻥ ﻳﺴﻠﻢ ﻋﻠﻰ ﻣﺎﻟﻚ .. ﺍﺗﻄﻠﻊ ﻓﻴﻪ ﻣﻦ ﻓﻮﻕ ﻟﺘﺤﺖ ﻭﺳﻠﻢ ﻋﻠﻴﻪ ﺑﻼ ﻧﻔﺲ
ﻣﻴﺮﺍ : ﻳﻼ ﺟﺎﺩ ﻧﺮﻭﺡ .. ﺑﺎﻱ ﺷﺎﺩﻱ

يتبع....
Link
0
2.6k
16:162019/10/12
Link
0
2.5k
16:162019/10/12
مشاركات مشابهة

الكتب والمواضيع والآراء فيها لا تعبر عن رأي الموقع
تنبيه: جميع المحتويات والكتب في هذا الموقع جمعت من القنوات والمجموعات بواسطة بوتات في تطبيق تلغرام (برنامج Telegram) تلقائيا، فإذا شاهدت مادة مخالفة للعرف أو لقوانين النشر وحقوق المؤلفين فالرجاء إرسال المادة عبر هذا الإيميل حتى يحذف فورا:
alkhazanah.com@gmail.com

الرئیسيه
المجموعات و القنوات
Disclaimer

All contents and books on this website are collected from Telegram channels and groups by bots automatically. if you detect a post that is culturally inappropriate or violates publishing law or copyright, please send the permanent link of the post to the email below so the message will be deleted immediately:
alkhazanah.com@gmail.com