📚قصص||روايات||منوعة📚

وقال رح تجي بآخر الأسبوع امو واخواتو ليتعرفو عليكن او بالأحرى عليها وبعدها بيطلبوها رسمي .....وهلأ باباشو رأيك فيه .
كانت سارة خجلانة من سؤال ابوها الأولاني كيف هلأ وقت عرفت انو طالبها رسمي ..
ماعرفت شو تجاوب وضلت خجلانة كل الوقت .
ابوسامر: لك بنتي مافيها شي جاوبي ازا الشب عاجبك على خيرة الله وانا رح بسأل معارفي وبعرف ناس كتير من بيت العطار واكيد رح بيعرفو بماانو مشهور كتير بشغلتو واكيد الأغلبية بتعرفو .
ام سامر: ...والله يااريت ياابو سامر هالشب دخل لألبي كيف مابعرف وارتحتلو كتير حسيتو متل ولادي من اول مرة شفتو فيها ..
ابو سامر: ...اي ولنشوف العروس الخرسا شو رأيها ....لك شوبك بابا احكي ليه هيك ساكتة اول مرة بشوفك هادية بهيك موضوع بالعادة بتجني وبتحكي ومابفوت لسانك لحلقك ليه هالمرة ساكتة ووشك ماعم يتفسر .
ام سامر ضحكت وفهمت عبنتها : ....اي لأنها موافقة اكيد والا ماكانت ساكتة كل هالوقت ...ماهيك امي ..
ابو سامر عم يستفزها لتحكي: ...بابا شكلك مو موافقة ..خلص انا رح احكي مع الشب وقلو مايبعت اهلو لأنك مو موافقة .
كأنو كهربا ونفضتها لسارة واتطلعت بأمها نظرة ترجي انو خليهن يجو .
ام سامر: ...خلص امي روحي لغرفتك رح احكي مع ابوكي شوي وغمزتها انو فهمت عليكي .
راحت سارة وضلت ام سامر وابو سامر مع بعض .
ام سامر: ...لك شو صرلك يارجال يعني من وشها للبنت المفروض تكون فهمت عليها انو موافقة ...
ابو سامر: ..لك بعرف انها موافقةةبس كان بدي اسمع موافقة صريحة منها .
ام سامر: ...وانا بقلك انها موافقة .
ابو سامر: روحي لغرفتها واسأليها هلأ وارجعيلي اوام .
راحت ام سارة وسألتها لسارة .
سارة : .....امي انا كنت حاسة انو معجب فيني بس ماتوقعتني يخطبني بهالسرعة.
ام سامر: اي امي وهي خطبك هلا ابوكي بدو رأيك شو قلو .
سارة بخجل ☺: .....اي امي ......موافقة .
ضحكت امها عليها وضمتها وباستها وقالتلا : ...الله يقدم اللي في الخير .
بنهاية الأسبوع اجت امو واخواتو لباسم وتعرفو عسارة وامها وحبو سارة كتيرواعجبو فيها وبهدوئها وجمالها وحددو موعد ليجو ويطلبوها رسمي .
بعد اسبوع انخطبت سارة لباسم وكانو مبسوطين كتير .
باسم : حبيبي ....بدي منك تجهزي اشياء بسيطة للاني انا مصمم اشياء كتير حلوة رح ابعتلك اياهن تشوفيهن واللي بتختاري وبيعجبك ببعتو عدور الأزياء اللي بتعامل معهن ليجهزولك اياهن بسرعة ...والك عندي مفاجأة .
سارة بنعومة: ....شوهيي .
باسم باس ايدها وحطها عألبو والأيد التانية عم يزيح شعراتها عن وشها : ....فستان عرسك انا بدي صمملك اياه عزوئي رح خلي الكل يحكي فيه .
سارة بفرح كبير : ...جد باسم اتتي اللي رح تصممو ..بسسسسس مو لازم يكون فستان عرسي مفاجأة الك انت ومالازم تشوفو علي الا بيوم العرس.
باسم عم يضحك عليها : لك هبول .....انا رح صممو بس والخياطة مو عليي يعني انا مارح شوفو عليكي الا يوم العرس رح ضل اتخيلو عليكي ليوم تلبسي .
سارة: ....ازا هيك متل مابدك ...بس اتوصالي فيه .
باسم: ....مو عيب هالحكي لك كون مصمم ازياء ولبس مرتي فستان عادي ولك رح خلي كل العالم تحكي وتتحاكى فيه ....(قرب منها وهمس بأدنها ) رح اعملو عزوئي مشلح كتير ومغري كتير وملفت كتير .
خجلت سارة ونزلت راسها وابتسامة عريضة عوشها .

الجزء الخامس
@rwayate
بالسهرة قعدت لين ونهار عم يحكو ويتسايرو ليتعرفو عبعض اكتر وفي سؤال كان حايص بألبها للين وكانت خجلانة تسال مرت عمها عنو....
لين: .... نهار فيي اسالك سؤال.
نهار: اي اكيد تفضلي.
لين: ليش اسمك نهار ومين سماك هالاسم وشو خطرلو اللي سماك يسميك بهيك اسم.
ضحك نهار بصوت عالي: ...... هههههههههههه هلأ هاد سؤال هدول تلاتة بسؤال..... يا ستي اللي سماني نهار ابي وشو خطرلو يسميني هيك لاني الوحيد اللي بأخواتي اجيت بالنهار والا كلهن ابي تعزب وقت كان ينقل امي بنص الليل عالمشفى لتلد الا انا بوقت الضهر امي جابتني.
لين: ...... مين يعني غير اخوك احمد قبلك ميار واسعد اصغر منك مو؟
نهار: ... اي مزبوط اصغر مني بكتير بس امي قبل لأجي انا ماتولا تنين صبي وبنت ورا بعض ومع اخي احمد صارو تلاتة والتلاتة جابتهن بنص الليل وقت اجيت انا وقت الضهر سماني ابي بهالاسم.
لين:...... تعيش وتحمل اسمك يارب.... بس ليه ماتو اللي قبلك يعني من شو.
نهار:..... مابعرف بس عقولة امي انو كان عندهن مشاكل بالامعاء لهيك ماكانو يعيشو.
لين: اهااااااا طيب وميار واسعد اجو كمان بالليل والا بالنهار.
نهار: هههههههه برضو بالليل.
لين: سبحان الله مع انهن بعدك وضل اسم نهار لابق لالك بس.
نهار: مزبوط ......بس تهي لعون ليكون اسمي مو عاجبك.
لين:.....لا والله بالعكس اسمك غريب وحلو كتير اول مرة بسمع بهيك اسم.

*****
مرق اسبوع عزواجهن ونهار ولين بلشو يتعودو عبعض ويرتاح لبعض اكتر واكتر... بيوم اتصل ابو نهار فيه وخبرو انو بدو اياه بموضوع ضروري... نزل نهار لعند ابوه كان عم ينتظرو وعندو كلام كتير بدو يحكي فيه، وام احمد كانت قاعدة على اعصابها من ردة فعل نهار بسبب الموضوع اللي نزل نهار مشانو ...
نهار: خير حجي شو الموضوع اللي عايزني فيه.؟ ...
شبك ابو احمد ايديه ببعض وطلب من لين تعمللهن قهوة.
ابو احمد:.....اي ابني بدي فاتحك بموضوع وبدي اياك تتفهّم كلامي وتكون رايق.
نهار:....هههه خير ابو احمد محسسني كأنو في شي خطير وما عرفان من وين بدك تبلش....شوفي يابي احكي بالمشرمحي ما بدها كل هالمقدمات.
ابو احمد:....ابني بصراحة الليلة يعني كمان شوي بدو يجي لعنا عمك ابو خالد وعيلته.
نهار:......مين مين؟!!!
ابو احمد:.....مشان هيك قلتلك خليك رايق.
نهار اتدايق كتير واتطلع بأمه وابوه:.......شو اللي بدو يجيبهن لهون بعد شو اااااه.
ام احمد: امي طول بالك وماتعصب وخلي ابوك يكمل كلامه.
نهار بعصبية:...لك امي كيف ما بدك عصب بعد كل شي عملو صهيب.
ابو احمد: يا ابني صهيب اللي عمل عملتو عمك شو دخلو؟
نهار : كيف عمي ما دخلو يابي وعمي سدق ابنه بالاول واجى معه علينا وصار يحكي متلو.
ابواحمد: مزبوط هالحكي بس عمك ما كان بيعرف الحقيقة لحتى شاف كل شي بعينه وكل شي صار على ايدك صح؟!
نهار : اي صحيح بس من البداية عمي ما بصير يسدق ابنه وهو بيعرف انه عندو حركات مو مزبوطة بس اللوم مو على عمي لحاله انا بلوم اسعد قبلو.
اتطلع نهار بأسعد وعطى نظرة غضب وفهمه انو الحق عليك.
ابو احمد: المهم هلأ انه عمك من وقتها فهم القصة وعرف غلطه و اجانا من يومها و اعتزر بس انت اللي ضليت آخد عخاطرك منه وماتنسى عمك قديه بحبك وبدو الامور ترجع متل ماكانت.
نهار بعصبية : هاد بعدو يابي بعدو يرجع كل شي متل ماكان...... لحظة اللي ملاحظو انا انو انت الك خاطر يرجع عمي يدخل هالبيت.
ام احمد : لك يا امي شو ما كان بضلو اخوة وما بصير هالزعل يطول وابوك وعمك ما الهن غير بعض ومو شغلة ولاد تخرب علاقتهن ببعض.
نهار: اي امي ما تخرب علاقتهن ببعض لو ما تدخل عمي بين الولاد و نزل عقله لعقل ابنه وسدقو.
لين بهاللحظة جابت القهوة هي وميار اللي لاحظت لين عليها التوتر والخوف لكن ما فهمت السبب. ضيفت لين القهوة وقعدت عأيد الكنباية جنب ميار مستغربة عصبية نهار اللي اول مرة بتشوفه بهالحالة.
ابو احمد : نهار انا بعرف انه صهيب غلط وغلطو كبير كمان بس اعترف بغلطه صحي متأخر المهم انه اعترف واعتزر وعمك شرحه... يا ابني صلي عالنبي خلينا نهدي النفوس ونرجع نحنا وبيت عمك حباب، بعدين عمك اللي طلب يجي لعنا الليلة شو بقلو لا تجي ابني مانعني.
نهار: لا يابي العفو ما هاد قصدي ازا بدك اياه يجي لعندك يجي انا بطلع عبيتي و وقت بروح برجع لعندكن يلا لين.
قام نهار ليروح مسك ابوه بأيدو وقعدو من جديد.
ابو احمد : شو مالي مونة عليك يا نهار !!!
مالي خاطر عندك !!
بدك تروح وعمك جاي مخصوص كرمالك كرمال يصالحك ويباركلك بجوازتك!!
نهار: انا مابدي لا يصالحني ولا يباركلي. ق
اطعو ابوه ومسح علحيته:..... وازا قلتلك مشاني.
خجل نهار يكسف ابوه اكتر :...... لا حول ولا قوة الا بالله العلي العظيم..... ماشي يابي كرمالك هالمرة، لكن الندل ابنه مالو حكي معي بنوب ومالو فوتة لهون.
ام احمد بقلق : بس يا امي..... صهيب جاي معهن لحتى يعتزر منك كمان.

ابو احمد : ما بدي مين يعلمني عليك انت بالزات بتعرف ليش.... لأني صرت بعرفك اكتر من حالك وقت بتحكي بعرف شو بدك تكمل ووقت بتسكت بعرف شو رح تبلش لهيك بتركك تحكي لان بحب اسمع صوتك وبحب آخد رأيك وبحب ناقشك انت واحمد اما اسعد لساتو صغير رغم انه طبق ال28 الا انه ما بحسه واعي متلك انت واحمد وبحكم بعد اخوك ما حدا بيفهم علي غيرك لهيك مشيت معك من نظرتك لكن اللي مافهمته انو ليه أجلت القصة.
نهار:.... بصراحة مابنكر انو لسا البي ماراق من ناحو لصهيب رغم انو سامحته لكن بقيت غصة صغيرة ومتل ما قلت لعمي مع الوقت بتروح.... لكن حبيت عزب صهيب وعمي شوي لحتى يحسبو حساب لقدام مايفكرو يزعلوها لميار او يجرحوها لو بكلمة ويعرفو انو الغلطة عنا تعتبر زنب والزلة مو سهل تنغفر وشي تاني لازم نسأل ميار بينا لو سألناها قدامهن يمكن نكون عم نحرجها وتاخد قرار متسرع نندم كلنا عليه.
ابتسم ابو احمد وحط ايدو عأيد نهار وقال :..... الحمدلله هلأ اتطمنت عولادي بوجودك يا نهار ومتأكد انو مارح يصيرلهن شي يضيمهن من بعدي.
باس نهار جبين ابوه وايدو وقلو:..... الله يمد بعمر يابي واتضل معنا وحوالينا يارب.
طلعو نهار ولين عبيتهن وحست عليه انو مشغول بالو كتير ما حبت تاخد وتعطي معه بالحديث خافت تثير غضبه او ترجع تشوفو متل ما شافتو ببيت اهله. تاني يوم بعت نهار ورا ميار ليحكي معها... قعدت لين معهن واخد نهار وضعية الكلام الجدي اللي بيحكي فيه مع الكل بالعادة.
ميار:...... خير اخي بشو بدك تحكي معي.
نهار: ... يعني عأساس مابتعرفي ماااا..... ماشي الحال رح غشم حالي متلك وبلش بالحديث معك وكأنك مابتعرفي شي وبدي تكوني سادقة معي بكل شي اتفقنا.
بلعت ميار ريقها من الخوف : اتفقنا.
نهار:.... اي ست ميار في شغلات بهالدنيا مو بالساهل بتجي ومو متل مابدنا بناخد في شغلات بنتعب كتير لنوصللها، لكن في شغلات بنتعب وبنستنى كتير لتصير لكن ارادة ربنا بتكون اقوى وما بتصير، ليش؟ لحكمة الهية بنعرفها بعدين وبنكتشف انو ربنا منع عنا هالشي لمصلحتنا لان بكون منع عنا شر او شي مو منيح رح يصيرلنا وقتها بنحمد ربنا عالمانع اللي زعلنا عليه...... عندك مثلا بتتزكري احمد اخوكي لما كان مصر يتزوج بنت الجيران شو كان اسما نسيت... المهم وزعل لانو ما صارت من نصيبو لما رفضوه اهلها مع انو عاند امي وابي وقتها انو ما رح يتزوج غيرها ازا ما رضيو يخطبولو اياها والحكمة من رفض اهلها انو بعد ما سافر احمد طلعت البنت مو متل ما كان متخيلها وبتعرفي القصة ما في داعي كمل وقتها احمد حمد ربنا عالرفض وانا اخدت من اللي صار معو درس بحياتي انو ما ازعل عشي ربنا ماكتبلي اياه...... عندك مثلا مين كان بيعرف انو انا ولين رح نصير لبعض هيي ببلد وانا ببلد تانية لكن النصيب جمع بينا وهاي كلها ارادات الهية.
ميار : اي مزبوط كلامك بس ليش عم تقلي هالحكي.

نهار عم يبتسم : لك عليي هالحكي يلا غشمي حالك واعملي انو ما بتعرفي ليش انا باعت وراكي ماهيك.

ميار بخجل:..... لا اخي ما بعرف ليش نادتني لين وقالتلي نهار بدو اياكي قلتيلي شي تاني غير هيك لين.

لين: لأ ما قلتلك لاني اصلا مابعرف شو بدو منك.

نهار: طيب ضلي سوقي الهبل عليي وانتي فهمانة اصلا شو بدي عموما يا ست الغشيمة انتي مبارح سمعتي عمي شو طلب و قصدا انا وبابا اجلنا الرد عليهن اولا لعلي من قيمتك عندهن لحتى ما يفتكرو انو نحنا كابّينك عليهن وما سدقنا صارت الصلحة ليخطبوكي وشي تاني لازم احمد يكون عندو علم بالموضوع اخيرا نسألك عن رإيك رغم انو بعرف جوابك انك موافقة.

ميار : بس انا لسا ما اعطيتكن رأيي على اي اساس صرت بتعرف اني موافقة.

قرب منها ومسك ادنها عم يمازحها : ما يكون ولي مفكرتيني اجدب وريالتي شاطة ومابعرف انو من زمان انو انتي واياه بدكن بعض اااه والا ليكون مبارح ما انتبهتلكن وانتو عم تتطلعو ببعض بس انا بطنش بمزاجي ووافقت صالحهن لحتى ما احرقلك البك بس كان بدي افركلو ادنو لصهيب لحتى يعرف لقدام مع مين رح يعلق ازا بفكر يزعلك فهمتيني يا مستهبلتيني.

ضحكت ميار : يعني انت موافق؟

نهار : ايوااااا.... بشوف هلأ عم تعترفي انك موافقة ماهيك.

ابتسمت ميار:.... مارح خالفك انت وبابا حتى لو كان هالشي رح يجي على البي لان بعرف انكن سندي بهالدنيي وبعرف انو مارح تظلموني لهيك شو ما قلتو مارح ازعل منكن.

نهار ; اي يعني لو قلتلك اني مو موافق عليه لصهيب مارح تزعلي.

ميار :............. لأ .

نهار : اي كزابة ومكترة كمان ازا من هلأ عالحكي زعلتي كيف لقدام...... ليكي حبيبتي قلتلك صالحتهن كرمالك انتي وبابا ولحتى ما اقسى عليكي واحرمك من الرجال اللي تمنيتيه لكن ما بساير ناخد وقت حتى لو كان جوابنا معنا ما هيك قدر وقيمة الك يا البي.

ضمت نهار وبكت :... الله يخليلي اياك يا رب وما يحرمني منك...... لك لين نهار بالدنيي كلا مارح تلاقي بحنيته اوعك تخافي منه او تتوقعي انو رح يجي يوم ويظلمك فيه.... يمكن يقسى عليكي شوي بس بعدين بينسى.

ام احمد : لك يا امي طول بالك بلكي الشب كان قصدو يتأكد ازا كانت لين لابسة الفستان صح او بدو تعديل.
نهار : اي امي وشو رأيك ارجعله العن اللي نفضه وحملو على قفاه.
ابو احمد عم يضحك : يا ام احمد مافي رجال عندو نخوة وغيرة بيسمح لرجال غريب يلمس مرته او يتطلع فيها حتى، صحي نهار عصبي ودمه حامي بس كمان حقه افرضي هالعامل لمسها لو بالغلط او تحركشها وتحجج انو بالغلط هيك احسن بنظرك، وقتها شو رح يعمل ابنك رح يقتلو ويدخل السجن هيك بدك يعني.

ام احمد : لأ اعوذ بالله اكيد ما بدي هيك بس كان قصدي يتأنى لحتى ما يندم بعدين.

ابواحمد : ابني خود مرتك واطلعو ارتاحو امك ما بتعرف شوو يعني رجال يشوف مرته عم يلمسها رجال تاني وياكلها بعيونو.

ضحك نهار وانبسط من رد ابوه وتأكد انو اللي عمله مع العامل ما فيو الغلط بنوب

واخيرا تمت خطبة ميار وصهيب وكانو كتير مبسوطين وقال نهار بحاله انو إن شاء الله هالخطبة فال خير عليهن.

كانت لين تتصل بأهلها لتتطمن عليهن واتطمنهن عليها وخبرتهن انها كتير مرتاحة ومبسوطة مع نهار وانو طلع عكس اللي كانت خايفة منه.

الجزء السابع
@rwayate
قربت رجعة نهار على دوامه وما بقيلو شي كتير وتغيرت نفسية لين كتير وحزنت كتير انو رح يتركها بأقرب وقت بعد ما تعودت عليه وعلى وجودو معها.

نهار لاحظ هالشي عليها وحب يغيرلها جو اخدها بيوم وسهرو برا البيت ومع هيك وقت دخلت البيت وشافت شنتايتو وقت جهزتها قبل بيوم غص البها ورجعلها الحزن من جديد.

نهار :...... شو ساويلك ياعيوني قليلي كيف فيي خفف عنك لك والله حالك مو احسن من حالي.

لين عم تبكي : نهار انا تعودت كتير عليك مابعرف كيف رح قضي وقتي بدونك.

نهار :وانا تعودت عليكي وتعلقت فيكي كتير بس شو ساوي هاد شغلي واجازتي خلصت الي شهر معك ما مليتي مني، بعدين انتي علاقتك طيبة بأمي واختي ضلي معهن وقت اللي بتحبي وهاد بيتك ايمت ما حبيتي اطلعي عليه وارتاحي بس اوعك تنامي عندهن من هلأ عم قلك.

مسحت دموعها مستغربة : ليش نهار؟

نهار : انتي نسيانة انو اخي اسعد بالبيت مابصير تنامي انتي واياه ببيت واحد.

لين : اي بس انا مارح نام معه بنفس الغرفة.

نهار : حتى ولو اللي بيفصل بينكن حيط مو بيت والشيطان ماعندو اسهل من انو يغوي البني آدم.

لين : اي هالحكي ازا كان الانسان ضعيف ومابيقدر يتغلب عغريزتو وبعدين انت ما بتثق بأخوك؟

نهار : اكيد بثق فيه وفيكي بس الشيطان ما مات يا لين ومتل ما قلتي ممكن الشخص يضعف ويغويه شيطانه حتى لو كانت مرت اخوه...... عموما كلامي واضح ما بدي عيدو ازا بتخافي تنامي لحالك بالبيت فيكي تبعتي ورا ميار لتنام عندك وانا رح وصيها هي وامي بهالشي اتفقنا البي.

لين :...... امرك متل مابدك.

رجعت تزكرت قبل لتنام انو تاني يوم رح يروح نهار ويغيب قريب العشر ايام...... سمعها عم تبكي قرب منها وضمها الو ونامت بحضنه بهديك الليلة.

من بكير فاقت لين وفيقت نهار ونزلو لتحت ليفطرو سوا.

اجت لحظة الوداع المؤقت اللي بكت فيها لين بشكل مو عادي وعلى بكاها ساندوها امه واخته لنهار وصارو يبكو معها.

نهار عم يضحك :...... لك شو صارلكون وكأني اول مرة بروح لشغلي امي ميار لو بكت لين بنقول اي مو متعودة وانتو ليش عم تبكو هاد عواض ما تصبروها للمخلوقة عم تزيدوها عليها ( غمز امه) امي شو صرلك روقينا ام احمد مو قدام لين يا امي خففي عنها واسيها صبريها شوي وكأني رايح ومو راجع.

لين بخوف :.... بعيد الشر ماتحكي هيك.
ابو احمد : لك شو صارلكون شو هي اول مرة بروح ابنك لشغله خلصينا بقى يا ام احمد ادعولو بالتوفيق وبطريق السلامة مو تقعدو تبكو وكأنو مسافر لمطرح بعيد.

ضم امه واخته وسلم عأبوه وباس راسه اما لين اللي كانت غامرة راسها بين ايديها عم تبكي كتير.... قرب منها وهمسلها شو مابدك تسلمي علي قبل لروح؟

اتطلعت فيه بعيون مليانة دموع وضمته بقوة حس نهار بالخجل رغم انه ما بحب يظهر مشاعرو لمرته قدام الناس لكن ما حب يكسفها وباس جبينها.

نهار : ديري بالك عحالك اي البي وضلي عم تفكري فيي واحلمي فيي كمان اي هههههه.

لين : انت اللي دير بالك عحالك اوعدني يا نهار تاكل منيح وتتغطى منيح وتسأل عني عطول ولا تقطعنا من اتصالاتك.

نهار : ههههههه اي اكيد رح بتصل كتير لتملي مني.

ماقدر يبقى اكتر وسط الدموع والحزن اللي تركهن ببيت اهله وخاصة لين اللي كان قلقان عليها وقت حس انها تعلقت فيه متله تمام.

انهارت لين بعد ما راح نهار وما قبلت تاكل شي ابدا لحتى اتصل لما وصل واتطمنت عليه وسمعت صوته.

******

مرقت الايام وبقيت لين اغلب وقتها ببيت حماها تطلع اوقات لبيتها ترتاح شوي رغم انها كانت مستصعبة تفوتو بغياب نهار لكن ما قدرت تكسر كلامه وضلت تنام ببيتها هي وميار يسهرو لوقت متأخر وبعدها ينامو.

بيوم اجى اتصال من نهار وردت امه...

نهار : كيفك يا ست الكل طمنيني عنك كيف صحتك وكيف ابي واخواتي ووولين.

امه : الحمدلله يا امي كلنا بخير مو ناقصنا غير شوفتك متى راجع عأساس عشر ايام وهي صرلك اسبوعين شو القصة.

نهار : خبرتكن من قبل انو وقت رجعت كان مستنيني شغل كتير والحمدلله هانت وزبطت اموري وبكرة بأزن الله جاي.

امه : اي الحمدلله لكان احكي انت مع مرتك وخبرها انك جاي بلكي بتتنشط شوي.

اخدت لين التلفون بلهفة : اهلين ياعيوني كيفك شو اخبارك.

نهار: يسعدلي اوقاتك يا البي انا تمام بالف خير المهم انتي كيفك ليش امي عم تشتكي كتير منك.

لين : مرت عمي عم تشتكي مني..... ما ساويت شي والله.

نهار : امبلى عم تعزبيها وماعم تاكلي منيح وعطول بكيانة وزعلانة بكرة لما اجي مابدي سلم عليكي.

لين بصدمة:........ بكرة جاي... عن حق نهار ماتضحك عليي.

نهار : ههههههههههه والله بأزن الله بكرة جاي شو رح تعمليلي اكلات طيبة.

لين :........ كل اللي بدك اياه يا البي من هلأ رح بلش جهز بالأكل.

كانو بيت حماها عم يضحكو عليها وهي عم تجهز لكل شي من قبل بيوم وعم تشتغل مبسوطة وناطرة تاني يوم على نار.

******

جن الليل وحسته لين طويل كتير ماعندها صبر ابدا لتشوف شريك حياتها الغايب عنها حست كأنه غايب سنين مو ايام شوقها الو كان كبير لكن شوقو الها كان اضعاف بس بطبيعتو لنهار مابيظهر كتير بيضل اتقل شوي كونو رجال.

نزلت تاني يوم متنشطة ومبسوطة وحضرت كل شي مع حماتها وميار وكل شوي تتطلع بالساعة وكأنها ماعم تمشي.

كانت عم تحرك بالسلطة وقت رن التلفون...

لين :...... الو.

نهار : شو يا البي الاكل جاهز والا ما كمل طريقي وارجع.

لين :...... لك شو ترجع ماسدقت انا.... بس ما تقلي مطول شوي.

نهار بصوت واطي : لأ مو مطول شي ساعة تقريبا... حاج تحركي هالسلطة وناوليني الصحن.

استغربت لين انو كيف عرف شو عم تعمل.

لسا ماحكت شي بس انتبهت لورا وشافت نهار واقف مرتكي عالحيط وراها لابس بدلته العسكرية وعم يتطلع فيها وقتها ضحكو عليها ميار واسعد بصوت عالي.

اما نهار كان عم ياكلها بعيونو..... هجمت عليه وضمته وبكت كتير.
لك خلصنا لينو شلقتيهن علينا خلي شوي للبيت .

خجلت لين وبعدت عنه واعتذرت منهن عالموقف اللي صار وبدورهن عذروها على تصرفها العفوي.

ابو احمد : اي ابني شو صار معكن بالكتيبة المرة الماضية وقت اللي اجى العميد خبرته باللي قلتلي عليه

نهار : اي يابي ووعدني يتصرف بمعرفته وانه ما حدا ياخد باله من الموضوع غير هو شخصيا.

ابو احمد : اي منيح العميد عندو خبرة احسن من غيرو وخاصة ازا كان واصل يعني بيتصرف بثقة وحرية اكتر.

اسعد : ليش شو صاير عندكن بالكتيبة اخي.

ابو احمد : انت التهي بحالك وما تتدخل بشغل اخوك والتفت لمشكلتك احسن.

نهار : مشكلة شو..... شو صاير معك ولااا.

اسعد : كنت ناطر لتجي ووقتا بخبرك وقلت اكيد رح بتلاقيلي حل لمشكلتي بتعرف ابي ما فيو يطلع من البيت وهو بهالحالة.

( خبرو اسعد لنهار عن مشكلته وقلو نهار انو رح يتصرف هو بالموضوع وقت بصير الموعد).

مال نهار بحاله على لين وهمس بأدنها وهو عم ياكل : اي وانتي ما رح توصيلنا عالنونو بقى.

لين :...... مافهمت.

نهار بخباثة :.... اي وقت نطلع عالبيت بقلك كيف رح نوصي عليه.
وقت طلعو عبيتهن سلمو عبعض بطريقتهن الخاصة اللي كلها شوق ورومنسية واحضان دافية حنونة. ا
لمسا قبل لينزل نهار لعند اهله دخل عالمطبخ كانت لين عم تحضرلو حلو باس ايديها....
نهار :..... البي انا نازل شوي لشوف اسعد شو قصته وشو المشكلة اللي عنده بدك شي
. لين :..... مو قلتلي انو مو بالبيت.
نهار : دقلي هلأ وقال انو رجع
. لين :...... رح تتأخر.
قرب منها ونضّف الطحين اللي عأنفها وهو عم يضحك عليها..
نهار: مابدك اتأخر والا آخد وقتي عادي.
لين :..... اكيد مابدي تتأخر بس ازا اخوك عايزك ضروري خود وقتك.... بس مو كتير.
نهار :..... هههههه حيرتيني معك، طيب بشوف شو بدو وبرجعلك حضري العشا لوقت ارجع اوك.
لين :..... من عيوني.
نزل نهار ونادى لأسعد وقعدو لحالهن بغرفة اسعد.
نهار : اي ابوسعود خبرني شو صاير معك؟
اسعد : .... ليك اخي انا من زمان بدي قلك بس كنت متردد وكنت بدي خبر ابي بالقصة بس متل مو شايف وضعه الصحي ما بيسمح احكيله هيك شي ما بدي يصرلو شي من تحت راسي.
نهار :.... الله يستر من عمايلك معناها خابصلك خبصة كبيرة احكي احكي ما عاد عندي صبر.
تلبك اسعد وصار يتطلع يمين وشمال :..... بتتزكر من فترة وقت قلتبك انو في جماعة بجوز اشتغل معهن وبعدا مارجعنا حكينا انا واياك بالموضوع.
نهار :...... بتزكر قلتلي هيك شي ولأنك ما رجعت حكيت بالموضوع فكرت انو بطلت شغلك معهن.
اسعد :...... لا مابطلت...... المصيبة حاسس حالي متورط معهن يا نهار ما عاد بدي اشتغل معهن بدي افقس الشغل معهن.
نهار:.... طيب وين المشكلة ؟ خبرهن بقرارك مابدها كل هالقلق.
اسعد : مهون المشكلة انو ماعم يقبلو انو اتركهن قال صرت واحد منا وفينا وصرت شريكنا ومو من صالحي اتركهن.
نهار :... شو بالغصب يعني !! اول شي قلي شو طبيعة الشغل.
اسعد:...... بدهن كون معهن وقت ينقلو خشب عن طريق البحر لجماعة
نهار : مافهمت كيف يعني ينقلو خشب وعن طريق البحر كلامك مو واضح....
شرح اسعد لنهار بعض شغلات ونهار قدر يفهم لشو عم يخططو وليش مصرين انو اسعد يضل معهن.
نهار :..... معناها بكرة من الصبح بنروح سوا لعندهن واتروك الموضوع عليي خليني انا احكي واتصرف.
اسعد :.... معقول اخلص منهن.
نهار بعصبية :...... الله لا يوفقك مارح تبطل تخابيصك انت متى رح تكبر وتعقل، لك لمتى رح اتضل اجدب هيك منيح اللي ما قلت لأبوك من هلأ.... بس من هلأ عم قلك وقت تخلص القصة ما رح خبي عليه هيك شي ابوك لازم يكون عندو علم مو ازا مابيقدر يطلع من البيت معناها ما نعمللو حساب وقيمة بلا ما يعرف صدفة او بالغلط ويفتكر انو خبينا عليه قصدا ويتحسس.
اسعد : اللي بتشوفو اخي المهم اخلص.
زورو نهار :..... رح تخلص اتطمن بس بعدا الي تصرف تاني معك، والله يطعمك يا اسعد مرة تانية تتصرف هيك شي او تاخد قرار بدون ما تشاور ابوك او تشاورني.
اسعد :..... ليش اخي شو انا صغير.

********

الجزء الثامن
@rwayate
بالبيت عند لين فاقت من النوم وما كان نهار موجود ولاحظت انو مبدل تيابه وطالع من البيت وشكت انو طالع مع اسعد وكانت ملاحظة عليه كل الليل مو نايم.

بدلت لين تيابا ونزلت لبيت حماها....

بعد ساعة وصلو نهار واسعد وكان باين عنهار انو مزعوج كتير...

ام احمد :...... شو امي وين كنتو انت واخوك.

اتطلع نهار بأسعد :..... ما تقلقي امي كنا بمشوار بخص اسعد وان شاء الله كل الامور تمام.

ام احمد :.... اي برضه ما فهمت وين كنتو يعني.

نهار : كنا عم نخطط انا واسعد لمشروع صغير وازا زبط معنا بخبرك فيه ارتحتي هلأ.

ام احمد :...... طيب وانت ليش ضايج هيك.

نهار :...... لاني عم فهمه للأفندي انو مشروعو مو زابط مع عقلي ما عم يفهم، ما هيك ياااااا سيد.

اسعد :..... خلص اخي متل مابدك ما عجبك المشروع اعتبرو التغى.

نهار بعصبية :.... وما احلاه ما يلتغي هو انتهى نهائي مو بس التغى..... واضح.

اسعد :...... بأمرك اخي بس خليك رايق.

لين :...... حمدالله عسلامتكن.

نهار :...... الله يسلمك... لين جهزو الفطور لروح لعند ابي.

تقصد نهار يلهي امه ومرته ليعرف يحكي مع ابوه ولحتى ما يسمعو باللي صار مع اسعد وينشغل بال امه عليه.

ام احمد عم تجهز الفطور هي ولين وميار...
ام احمد :..... بس لو اعرف نهار من شو ضايج وطالعة اخلاقو على اخوه هيك.

ميار :..... امي يعني ما بتعرفي اسعد ..... تلاقيه خابصلو شي خبصة ونهار كالعادة عم يرقع من وراه..... الله يكون بعونو شو عم يتحمل من وراه.

ام احمد :...... متى رح يعقل هالصبي ويكبر، لك والله احمد ونهار شخصيتهن كتير بتختلف عنه لك لمين طالع هيك ما كنت اعرف.

لين عم تحط الشاي عالنار وعم تسمع كلام حماتها وميار.

********

نروح للقنبلة اللي مستنية اسعد....

نهار شرح كل شي صار معهن لأبوه وخبرو عشو كان متفق اكرم مع اسعد وكيف نهار قدر ينهي الموضوع.

ابو احمد بصراخ :....... الله لا يوفقك كنت رح تخرب بيتك بأيدك لمتى رح اتضل هيك انت ااااااااه، لك بتعرف لو انمسكت شو رح يصير فيك رح تختفي ورا الشمس وما حدا بيقدر يطالعك او يشوفك.

اسعد :......

ابو احمد :...... لأ وفوق هاد كله اخوك هاد رح يتسرح من شغله هاد غير الحكي اللي رح نسمعه من الكل ورح تطلع علينا سمعة ما شاء الله شي بيرفع الراس، بس مشان تتصرف من راسك وما تشاور هالعاجز اللي عندك ما هيك.

اسعد نزل لعند رجلين ابوه عم يبكي :...... سامحني يابي ببوس ايدك تسامحني غلطت وما عاد عيدا بس انت ارضى عني.

نهار :.... يابي اسعد عرف غلطه وانو تسرع بهيك قرار ووعدني ما حيتصرف من راسو وانو رح يرجعلك بكل كبيرة وصغيرة ما هيك اسعد.

رفع راسه :....... اي اكيد بوعدك يابي مارح اتصرف بشي بدون شورك.

ابو احمد :....... لك يا ابني انا شو بدي غير تكونو واعين ومفتحين لكل شي حواليكن وخاصة انت لان بتخبص كتير وبتورط حالك بشغلات الله مولاها.

اسعد :..... من هاللحظة رح تشوفني واحد تاني.

ابو احمد :..... لنشوف.

اجت ام احمد لتناديهن للفطور وشافت الوضع مكركب شوي...

ام احمد :...... دخيل الله تفهموني شو السيرة ليش كل هالسرية والصراخ.

ابو احمد :...... مافي شي شو صار بالفطور.

ام احمد ومو مقتنعة : تفضلو صار جاهز.
قعدت لين حد نهار وسألتو بشويش :.... اي نهار وين كتتو لهلأ.

نهار :...... مشوار صغير ومات كتري اسئلة.

اخدت لين عخاطرها منه وانو ليه هيك حاكاها وضلت كل الوقت قاعدة وساكتة.

طلعت لين عبيتها قبل نهار....
وقت طلع نهار نادالها ليسألها عن شغلة وشافها بكيانة وزعلانة.

قرب منها :....... الحلو ليش بكيان وزعلان.

لين : ما في شي.

نهار :..... يووووو ازا ما في شي لكن ليه هالعيون الحلوة عم تبكي.

لين :........ ما في شي.

نهار : لك ااي ليكون لان قلتلك لا تكتري اسئلة.

رجعت لين تبكي من جديد.

صار نهار يضحك عليها :...... لك ياهبلة هلا عم تبكي لان قلتلك هالكلمة شوفيها اااه...... انا قلتلك هيك لتعرفي انو الموضوع خاص بأخي وانو الامر ما بهمك كتير ولحتى ما توجعي راسك اتركيلي الموضوع الي.

لين : ..... ماكان قصدي اتدخل وما بعرف انو الموضوع بهالسرية.

نهار :.... لك مو قصة سرية ولاشي بس ازا القصة ما بتخصني معناها ما بتخصك هي خاصة بأسعد مو فيي فهمتي يا جدبة.

مسح عخدها برقة :.... خلصنا ولوووو والله ماقصدت زعلك، وهي بوسة راس هي اول مرة بشوفك عم تبكي يا باطل عليك يا نهار هيك بتزعل هالقمر اللي عندك.

ضحكت عليه ونسيت القصة كلا ورجع الوضع طبيعي.

******

عم تقضي لين مع نهار اوقات حلوة كتير شي طلعات وقعدات وسهرات بالبيت وسهرات عند اهله واحيانا يطلعو مناسبات وزيارات بس ماكان فيها تروح لأهلها الا مرة وحدة بسبب بعد المسافة بينهن.

مرقت شهور وعم يتعلقو لين ونهار ببعض اكتر من اول وكل واحد عم يزيد احساس الحب عندو، كانت لين كل ما رجع نهار لشغله وغاب عنها تتدايق واحيانا تحس بتعب ما تخيلت حالها رح تتعلق فيه هيك وتعجب فيه لدرجة غريبة.

من شغله اتصل فيها وحاكاها....

نهار :..... اي حياتي فهميني ليه هيك عم تعملي بحالك هلا معقول كل ما رجعت عدوامي بدك اتضلي منكدة عحالك هيك.

لين :...... والله مو بأيدي يا نهار بحس كل شي حلو وانت معي ووقت تروح مابعرف شو بصرلي بقلب وحدة تانية ولولا مرت عمي وميار مهونين عليي والا ما بعرف شو بصرلي.

نهار :..... ايوا..... اي يعني عأساس بتحبيني كتير ما هيك.....لهلا ما سمعتا منك.

لين بخجل :...... الله يسامحك انت بتعرف قيمتك وغلاوتك عندي.

نهار عم يستفزها ليخليها اتطالع اللي بقلبها :.... اي لو هالحكي صحيح كنتي ما استنيتي لهلا وكنتي قلتيلي بحبك يعني انا بشوف هالشي عليكي اي بس بحب اسمع هالكلمة منك ... لك بفرح وقت بحس بحبك الي بس بفرح اكتر وقت اسمعها منك.

لين :..... مو انت جاي بكرة.

نهار :.... اي.

لين :...... وعد مني بكرة اول ما تجي رح قلك اياها.

نهار :...... وليه مو هلأ.

لين :...... بدي اتطلع بعيونك وقت قلك اياها وشوف وجهك.

نهار :....... اي شو عليه بنستنى لبكرة.

.

الجزء التاسع
@rwayate
بهديك الليلة نامت لين وكان شوقها اكبر من كل مرة حست حالا زمان ما شافتو لنهار رغم انوما غاب غير اسبوع الا انها ما بتعرف ليش خافت من شوقها الو.... صارت تتعوذ من الشيطان وتدعي تمرق هالليلة عخير.

**********
بالكتيبة عند نهار...

العسكري: سيدي في شاحنة واقفة حد المعسكر من الصبح ولهلأ ما تحركت ومو باين انو في حدا فيها.

نهار :..... خبرت العميد.

العسكري:.... اي سيدي وراح وقلي انو خبرك وتلحقه.

راح نهار هو ومجموعة كبيرة من العساكر ناح الشاحنة تفحصوها من بعيد قربو اكتر ليشوفو شو فيها.

العميد :..... شو رأيك نهار ليش هالشاحنة واقفة هون.

نهار :...... سيدي احساسي انو في شي مو مزبوط.

العميد :..... بجوز يكون صاحبها خلص البينزين معو لهيك اضطر يتركها.

نهار :..... ازا هيك من الصبح وصارت الدنيي ليل ليش لهلأ ما رجعلها.

العميد :..... كلامك في روح.

شرارة صغيرة مو مقصودة من عسكري حب يتأكد ويتفحص حوالين الشاحنة وما انتبه عحالو انو قريب من خزان البينزين بلحظة انفجر كل شي وانحرق الكل وراح اللي راح شي مات وشي احترق بالكامل وشي تشوه وشي تأذى كتير..

قامت الدنيي وماقعدت بسبب اللي صار، ووصل الخبر للداخلية وصار التحقيق باللي صار.

اللي صدم الكل انو راح كتير عساكر والعميد وكل اللي كانو معو والخساير كانت كبيرة واولهن الارواح اللي راحت.....

******

ببيت اهله لنهار..

ابو احمد :...... اي بنتي خبرني عمك مبارح انو هالاسبوع حايين لعنا ليحددو موعد للعرس.

ميار :.... اي بابا خبرني صهيب البيت صار جاهز وما بقي علينا الا شغلات بسيطة يعني بوقت صغير بصير كل شي جاهز بأزن الله.

ابو احمد :....... شو ام احمد ما سمعت صوتك اليوم خير.

ام احمد : ما في شي بس شفت منام مو منيح ولهلا مزعوجة منو.

ميار : خير اامي شو شفتي.

ام احمد :..... بقولو المنام المو منيح ما لازم نحكي لحتى ما يتفسر قبضني البي منو يا لطيف.

نزلت لين مبسوطة انو نهار رح يجي بهاليوم...

لين :.... صباحووو..... كيفكن ما حكى معكن نهار اليوم.

ام احمد : لا والله يا بنتي ليش ما حكى معك.

استغربت لين هي اول مرة نهار ما بيحكي...

لين :.... غريبة ما حكى معي كمان.... معقول اجل جيتو لبكرا؟

ابو احمد :..... خير ان شاء الله.

بعد شوي فتح ابو احمد عالاخبار وتفاجئ باللي سمعه و شو صار بالكتييبة عند نهار وقدر يفهم انو اللي صاير كارثة كبيرة وتأخير نهار كان سببه هالانفجار الي صار.

ام احمد :.... يا ساتر يا رب.

ميار :... معناها هاد سبب تأخير نهار لهلأ.

لين :.... ان شاء الله يكون المانع خير.

حاول ابو احمد يتواصل بأي طريقة مع رفقات نهار وبالكتيبة لكن ما استفاد شي ابدا..... هيك لمرق اليوم كلو.

بقي بالهن مشغول كتير وفرطت اعصابهن وماعادو يتحملو اكتر وكانو يترجو لو اتصال يطمن بالهن عليه.

تاني يوم من الصبح دق الجرس....

فتح اسعد الباب وهو متأمل يكون نهار...
اسعد :....... اهلا وسهلا بشو بخدمك.

الرجال :.... صباح الخير.... هون بيت الرائد نهار رمضان.

اسعد بقلق :..... اي وصلت تفضل.

دخل الرجال ونادى اسعد لأبوه وخبرو انو في رجال عم يسال عن بيت نهار.

ابو احمد :.... اهلا وسهلا انا والد الرائد نهار خير صاير شي.

الرجال :..... بعرفك بحالي انا اللواء مصطفى جبر من الجيش العسكري.

ابو احمد :... اهلا وسهلا سيادة اللواء تفضل ارتاح.

اللواء :..... ما بعرف ازا سمعت باللي صار اول مبارح بالكتيبة.

ابو احمد : سمعت فيه مبارح الصبح بس ما فهمنا شو اللي صاير بالزبط حتى انو ابني نهار عاساس يجي مبارح وما اجى ولا حتى اتصل فينا يطمنا عنو وقلنا بحوز تأخيرو بسبب اللي صار.

اللواء ماعرف شو يحكي :..... والله يا ابو احمد ما بعرف من وين بدي بلشلك او شو قلك والا شو خبرك.

ابو احمد على اعصابو :..... خير سيادة اللواء ابني صاير عليه شي طمني الله يخليك.

اسعد :... لا يابي اكيد نهار بخير ما هيك حضرتك.

اللواء : انت اخوه.

اسعد : اي اخوه الصغير.

نزل اللواء راسو :..... بيإسفني يا ابو احمد انقلك اخبار مو منيحة مع اني ما بحب حط حالي بهيك مواقف بس ما حبيت يجي حدا ويدجلك الكلام بطريقة غليظة ومخيفة.

ابو احمد :... فرطت اعصابي بترجاك احكي.

اللواء :.... نحنا بالجيش ليش... مو لنحمي هالبلد مو لندافع عنها مو لتكون بلدنا بخير وارواحنا فدى الها....... وهالروح كتير غالية مو بس عاهالي العساكر لأ وعلينا كلنا كمان، لما شبابنا بيفدوا ارواحهن مشان البلد معناها البلد ولادة وما خسرت شي غير شباب رجال قد الحمل ورجعت من جديد جابت رجال اقوى من قبل، بتروح رجال بتجي رجال تانية، وربك بيختار لعندو اللي بحبه ليجاورو والشهيد حي عند الله ولازم اي بيت فيه شهيد يفتخر فيه.

لين وام احمد واقفين بقفا الباب عم يسمعو الكلام لكن ما بقى فيهن حيل وقوة ليسمعو اكتر بالبداية كانت لين عم تبكي لكن وقت قال شهيد ومن هالكلام ما عادت سمعت شي بعد وقف عقلها عن التفكير.

الجزء العاشر
@rwayate
ركضت عليها ميار واسعد و حاولو يفيقوها اكتر من مرة وكل ما فاقت ترجع تِغمى من جديد...
مرقت اوقات صعبة كتير ما حدا قدر يستحمل الخبر ولا يستوعبو كل العيلة جنت عموت نهار كان محبوب كتير قوي عندو جاذبية بتلفت النظر هيبتو وطلتو بتخلي الواحد ينفتن فيه وهاد اللي شد لين الو من بعد خوفها وقلقها مايطلع معقد متل اخوها، صاؤ موت نهار حديث الكل بهاليوم.
راحو ابو احمد واسعد عالمستشفى ليتأكدو من جثة نهار، كان هالشي صعب عليهن انهن يشوفو نهار راقد وماعم يتنفس معهن.
دخلو عغرفة فيها جثث كتير، شراشف بيضا مغطى تحتها اجسام بلا روح راحت لعند صاحب الامانة ليصفى هالجسد بلا حركة بلا نفس بلا قوة.
الدكتور :...... تفضلو فيكن تتعرفو ع إبنكن.
وقت اللي كشفو عن وجهو ابوه بالبداية ماقدر يتطلع لكن انجبر وقت شهق اسعد بخوف.
اتطلع ابو احمد عالجثة وما شاف منها ملامح تنعرف كان مشوه ومحروق كتير واغلب جسمه محروق مو باين منو شي
ابو احمد بصدمة :.... انتو كيف تأكدتو انو هاد ابني.
اللواء :.... تفضل هي الشارة تبع نهار عليها اسمه كانت حدو وقت صار الانفجار.
بكى ابو احمد متل طفل صغير على موت ابنه ع هالشاكلة وحمد ربه انو ما قبل يجيب معه ام احمد ولين عالمستشفى والا كانو رح يجنو من هالشوفة.
*******
بالبيت كانت لين حالها مو احسن من حال ام احمد وميار...
رجعو ابو احمد و اسعد عالبيت حاولت لين تقوم وقت شافتهن لكن خانوها رجليها، بقيت صافنة متأملة عمها ينفي خبر موت نهار.
ام احمد عم تبكي :...... طمني الله يخليك تأكدتو انو نهار والا مِستَشبهين عليه.

ابو احمد نزل راسو خاف من ردة فعلهن الجديدة كيف رح يتعاملو مع تأكيدو ل ياللي عرفو وشو رح يوصف وضع نهار وشكله.
لين :....... شووو...... شو عمي..... ما طلع نهار ما هيك... قلي بردلي البي الله يخليك قلي انو ما طلع نهار قلي انو لساتو عايش وانو اللي شفتوه واحد تاني ما هيك عمي..
قعدت عالارض تحت رجليه وصارت تبكي :..... عمي ببوس ايدك اتطمني.
ابو احمد :...... قلتا من قبل...... ورح ارجع قولا.... الله اعطى والله اخد.
داخت ام احمد ووقعت بين ايدين ميار ماقدرت تحكي شي غير دموع مخنوقة والب مجمور ع موت ضناها.
نزلت لين راسها مكسورة مقهورة ودموع سخنة نزلت ع موت الغالي، بكت بجنون لتعبو عيونها البها وجعها كتير ما توقعت بعد ما جنت بنهار وحبتو بلا حدود يروح من بين ايديها بهالسرعة.
ابو احمد بصعوبة :...... اسعد.... جهز كل شي بيلزم لعزا اخوك.
لين بصراخ :..... لااااااااا بترجاك يا عمي ما تعملو عزا مشان الله...... مافيي اتحمل يكون هالعزا لنهار..... مافي اتحمل الناس تاخد بخاطري.....صعب عليي والله صعب ااااااااااااااااااااه.
ابو احمد غمض عيونو بقهر :.... روح اسعد واعمل متل ما قلتلك.
مرقو ايام العزا ولين مانزلت من بيتها حاولو الناس يشوفوها لكن رفضت اي حدا يعزيها ويكرر ع مسمعها موت نهار.
ام احمد من صدمتها انعقد لسانها وما قدرت تحكي وكل الوقت صافنة ودموع عم تنزل بلا صوت..
*****
وصل الخبر لأحمد اخوه الكبير لنهار متأخر ماقدرو يخبرو من اولها لان كان بوعكة صحية وكان داخل المشفى عم يعاني من امراض بالكلى.
لكن وقت عرف كان مارق شهر عموت نهار طار عقلو وجن جنونو بالخبر وقرر ينزل لعند اهله.
وصل احمد وعانق ابوه وبكى هو و اياه لتعبو...
احمد :......ماعم سدق نهار يروح هيك والله ما عم سدق.

الجزء الحادي عشر
@rwayate
مرق الوقت وسافر احمد، لكن ام احمد رجعت انتكست صحتها متل قبل بس ما انربط لسانها لكن تعبت وخاصة بعد سفر احمد كان مهون عليها برجعتو.
طلع ابو احمد لعند لين لحتى يشوفها بحكم انو صارت بوضع مو طبيعي.....
دخل ابو احمد عليها لقيها قاعدة ضامة رجليها لصدرها وجهها شاحب وعيونها دبلانة وشعرا ساحل ع كتافها بلا اهتمام وسرحانة لبعيد كتير لدرجة انو ماحست عليه وقت دخل.
ابو احمد:.... لين يابنتي ما بصير اللي عم تعمليه بحالك، مو لحالك اللي البك انلدع عغيابو شو قول انا ابوه والا امه اللي انعقد لسانها وما تروحنت الا وقت إجا سلفك احمد و رجعت انتكست لما سافر... سأل عنك احمد وبسلم عليكي كتير كان حابب يشوفك بس بتعرفي مابصير يشوفك.... بنتي حاكيني برضاي عليكي.
نزل راسو وصار يحكي مع حالو بصوت مسموع...
ابو احمد :..... نهار عزيز ع ألبي كتير، بحب ولادي كلهن بس نهار ما كان ابني كان رفيقي وعكازي وعيوني اللي بشوف فيهن كنت اتباهى فيه قدام الناس شوف حالي فيه انو عندي رجال واعي فهمان كنت اتكل عليه بشغلات كتير، سلمو كل زمام اموري اطلعو عكل شي بفكر فيه، كنت حب تفكيرو اسلوبو بالحوار، ااااااخ نهار رجال ما بيتكرر يا لين، اي ام بتتمنى يكون عندها ولد متلو يكون عون الها ولولادها من بعد زوجها او حتى بوجودو بتعرفي ليش لانو رجال من حق وحقيق، وقت الشدة بتلاقي سند بتلاقي بضهرك حاميكي، هه عندك اكبر دليل شو عمل كرمال اسعد اول ما تزوجتو بتتزكري شو عمل مع صهيب وكيف دافع عنو لك حتى عمو كان بيحسبلو حساب و الا بآخر مصيبة كان رح يوقع حالو اسعد فيها مين كان بقفاه و معه و نهالو مشكلتو مو نهار.
كان عم يحكي معها وهي من تم ساكت عينها ما تحركت من مطرحها وكأنها قاعدة لحالها.
كمل ابو احمد:.... اللي راح ما كان عزيز عليكي لحالك، ازا انتي عشتي معو كم شهر و تعلقتي فيه هيك ( وقتها بلشت دموعو تنزل متل طفل صغير) لك شو نحكي نحنا انا وامه واختو واخوه هاد نهار يا لين نهار اللي حرقلي البي انو ما رح شوفو ولا المح عيونو من جديد.

لما سمعت عمها عم يبكي و زكر اسمه اكتر من مرة لا إرادي نزلت دموعها وضمت عمها لتبكي معه...

لين :....... يعني ما رح يرجع يا عمي ما رح يرجع..... هو قلي انو مارح يتركني، ليش ليكزب عليي ويروح بلا ما يودعني ما استنى قلو اني بحبو.
غمض عيونو ابو احمد محروق البو عليها وعليه.
ابو احمد :... انا سلمتو لرب العالمين ورح نلتقي فيه بالجنة ان شاء الله بس ضلي ادعيلو بالرحمة و اتزكريه بالخير.

بعد اسبوع دخلت ميار لعند اسعد سمعتو عم يبكي..
ميار :.... اسعد عم تبكي.
كان اسعد واقف عم يتطلع بصورة نهار.
ميار :..... الله يرحمه يا اخي ويعطيك انت وبابا الصحة وطول العمر.

اسعد :.... لك اي عمر اللي بدي اياه يطول ازا كان حبيبي وصديقي وكل دنيتي راح يا ميار اي عمر اللي عم تحكي عنو اللي مارح يكون نهار فيه، غياب نهار كسرلي ضهري يا اختي حاسس حالي وحيد بدونو، حاسس بفراغ كبير كتير بحياتي عم حس في شي ناقصني، كل يوم كنت عد الايام لبجي نهار و نلعب انا واياه وابوكي طاولة لنسهر سوا ونحكي و يخانقني لك موافق يخانقني ويعيط علي لأ و يضربني كمان بس يرجع يا ميار يرجع نهار والله لكون خادم عندو، ما حدا استحملني انا و تفاهاتي غيرو ما حدا استحمل جنوني غيرو كسرتلي ضهري يا اخييييييي.
ميار :.... معك حق نهار متل ما قال بابا رجال ما بيتعوض كان وقت يشوفني مالة ياخدني مشاوير وقت يحس اني زعلانة يراضيني مع انو ما كون زعلانة منو كان حنون عليي كتير كان يفهمني عطول.
دخلت عليهن امهن وهنن عم يحكو لحتى ما تنتكس اكتر غيرو الموضوع وراح كل واحد لحال.
******
بالوقت اللي توفى فيه نهار اهلها ل لين عرفو و اجو بأول يومين وقعدو واخدو بالخاطر و مرقت الايام وبعد مرور شهرين من موت نهار اتصل ابو لين بابو احمد...
ابو لين :.... كيفك وكيف صارت اختي ام احمد ان شاء الله صارت احسن.

ابواحمد : الحمدلله عكل حال اللي من الله يا محلاه هاد امر الله وما فينا نعترض.
ابو لين :.... ونعم بالله من يومك قوي وقد الشدة.
ابو احمد :..... بس موت ابني هدني يا صاحبي والله هدني عم اتظاهر بالقوة لحتى ما زيدها عالكل وخصوصي ام احمد ولين عم صبر فيهن وانا اللي بدي مين يصبرني.
ابو لين : معك حق الضنى غالي والله حتى لو كان عاصي فكيف ازا كان زينة الشباب ونوارة متل نهار رحمة الله عليه... شد حيلك وخليك متل ما بعرفك.
ابو احمد :.... الله يجيب اللي فيه الخير.
ابو لين :.... شو كان بدي قلك... بدي قلك عشي وما بدي اياك تاخد عخاطرك مني.
ابو احمد :... مافي بينا زعل بأزن الله تفضل قول.
ابو لين :....بصراحة انا بهاليومين جاي لآخد لين لعنا يا ابو احمد.
ابو احمد :.... شوو ليش سمعت شي عنا حدا اشتكى مننا لين قالتلكن شي انو متدايقة منا مثلا.
ابو لين :... لا والله ابدا اصلا لين من وقت اللي كنا عندكن كل ماندق لنتطمن عليها بتقلنا ميار او ام احمد انها ما عم تقبل تحكي مع حدا او مو رايقة وما سمعنا صوتها من يومها لهيك قلت بجوز تكون تعبانة وما بدكن تخبرونا.
ابو احمد بتوتر :... اااااه... لا لا البنت منيحة ما فيها شي بس اكتر الاوقات اللي بتتصلو فيها بتكون اما نايمة او مشغولة بس هيك.
ابو لين ; اي طيب وبعدين ليه ما بتتصل هيي فينا بصراحة انا وامها مشغول بالنا كتير عليها.... لهيك انا رح اجي و آخدها لعنا وبدون زعل رح آخدها ويدون رجعة.
ابو احمد :.... اكيد انت عم تمزح شو بدون رجعة ليش ؟
ابو لين : بصراحة يعني قعدتا عندكن مو زابطة يعني البنت لو حامل او عندها ولد كنت بخليها وربي شاهد لكن يا ابو احمد البنت مالكن شي عندها لا ولد ولا شي صح لهيك صار لازم ترجع لبيت ابوها.
ابو احمد :... اي بس نحنا اهلها كمان والا ما عدنا قد المقام.

ابو لين : الله يسامحك ما هاد قصدي بس ما تآخزني انت عندك شب عزابي بالبيت وانا ما بقبلها تبقى بنتي عندكن بهيك وضع.
ابو احمد حس بكلام ابو لين انو في روح...
ابو احمد :... حقك بس اقل ما فيها ما بصير تاخدها هلأ انت نسيان انو البنت لساتا بالعدة ولازم تقضيها ببيت زوجها ومن بعدها لكل حادث حديث.
ابو لين :... بهي غلبتني وحقك عموما متل ما قلت لوقتها فرج سلملي عالكل عندك وخبر لين تحاكينا امها ناطف البها عليها.
ابو احمد :... ازا الله راد.
********
كان ابو احمد قلقان من جية ابو لين على غفلة ويشوف وضع لين اللي حاولو بكل الطرق ل يعالجوها وترجع متل ما كانت.
طلع ابو احمد لعند لين...
ابو احمد :..... كيفك يابنتي.
لين :.... عمي احكي لنهار يجي يتغدى معنا ما عم يرضى مني.
نزل ابو احمد راسه بحزن عحالها :..... ليش وينو نهار يا لين.
لين :.... قاعد بالغرفة التانية زعلان مني ماعم يقبل ياكل معنا لان قلتلو ما يدخن عندي ما بحب ريحة الدخان قام زعل وراح للغرفة التانية.....
ابو احمد :.... بنتي..... كرامة ل ألله هدي وروقي علينا شوي والله محروق البنا ع موت نهار وهلأ انتي عم تحرقي البنا عليكي، اقتنعي انو نهار راح يا لين راح وما رح يرجع.
عصبت لين وصارت تبكي :..... لااااااااااا مشان الله ما تحكي عليه هيك حاج تقولو نهار مات نهار ما مات نهار عايش هون بألبي وروحي نهار عم شوفو بعيوني كرمال الله ما تحكولي هيك..... هههههههههههه اصلا هو عم يضحك عليكن عمل حالو ميت ليشوف شقد بتحبو بس انا كشفتو هههههههه ( قربت لعند عمها وشوشتو بأدنه) هو قلي ما تخبريهن اني عايش بدو يفاجئكن ويجي فجأة... ششششش ما تقلو اني قلتلك اي مابدي يزعل مني ..... ليك ما احلاني لبست هالفستان الو مشان وقت يوصل يشوفني بأحلى لبس.

قامت وصارت اتدور بالفستان اللي لابسته وتضحك بجنون.
نزل ابو احمد ماعم يعرف شو يعمل ليردلها عقلها..
ام احمد : شو صار معك.
ابو احمد : ياااااارب يارب افرجها ورد لهالبنت عقلها ما عم سدق انو لين هيك صار فيها لك شو ساااااااوي ياالله شو ساوي ما خلينا طريقة لنرجعها متل قبل ما في فايدة.
ام احمد :..... شو قلك الدكتور متى ح يرجع يشوفها.
ابو احمد : قلي هاليومين رح يرجع ان شاء الله يلاقيلنا حل.
المسا طلعت ميار وام احمد لعند لين شافوها عم تبكي متل الاطفال ...
ام احمد : لين شو صاير ليه عم تبكي.

لين : عملت كيكة الفراولة اللي بحبا نهار قام نسيتا واحترقت، خايفة يا مرت عمي يخانقني نهار ويضربني بترجاكي ما تخليه يضربني والله ما عاد عيدا.
ام احمد بحزن :... لا امي ما تخافي ما حيخانقك ما رح خليه المهم انتي ابقي انتبهي مرة تانية.
ضحكت لين :... اي ماشي...... طيب هيك تورطت انا شو رح اعمللو حلو لما يرجع.
ميار : ولا يهمك لينو انا بساعدك.

الجزء الثاني عشر
@rwayate
قامت ميار وعملت هي ولين كيكة وحلو بس لتغيرلا نفسيتا..... كانت لين مبسوطة لان ساعدتها ميار وافتكرت هيك ان. نهار ما حيخانقها....

لين :...... ساعديني كمان واختاريلي شو البس انتزع فستاني هاد بدي شي يكون حلو بعرف نهار بحب اللون الاحمر عليي كتير ورح حط من العطر اللي بحبو كمان تعي لأرجيكي شو جابلي وقت اجى آخر مرة..

راحت معها ميار والبها عم يحترق عليها وكيف كانت عم تحكي بحب كبير وثقة انو نهار رح يجي اليوم.. خافت تحاكيها وتقلا انو ما رح يجي تقوم تنتكس اكتر.

طالعت لين من خزانتها صندوق فيه قزازة عطر ومنديل مرسوم عليه قلبين بقلب بعض و فيهن اسمين لين ونهار ووردة كانت دبلانة وناشفة كان جايبلا اياها نهار...

لين :... شايفة شو حساس وحنون يؤبرني ربي يجعل يومي قبل يومو..

وقتا ميار انفجرت بالبكى وماقدرت تتحمل، راحت لين لمرايتها وصارت تحط مكياج بلا عقل...

قعدت ميار على طرف التخت وكانت ماسكة صورة نهار بأيدها وعم تبكي...
ميار :..... مابتعرفي يا لين غياب نهار شو عمل فيي حرقلي البي وكسرني كسرني فوق ما بتتصوري، كان احن واحد بأخواتي رغم عصبيتو الزايدة الا انو حنون كتير اكيد هالشي حسيتيه عليه والا ماكنتي تعلقتي فيه وصار فيكي هيك عغيابو، عفراقو غابت الضحكة من بيتنا كان الروح للبيت كان السند والقوة كنت وقت يديق خلقي وتضيق الدنيي فيي احكي معو حتى وهو بدوامو.... هه بتسدقي يا لين بيوم اتصلت فيه كنت مخنوقة وضايجة كتير اتصلت فيه ولسا ما قلتلو من شو ضايجة قام قلي مين مزعلك تخيلي حس فيي من قبل ما احكي رغم اني حاكيتو عادي لكن حس عليي، ومرة تانية بنفس اليوم اللي اجى فيه عملتلو ارجيلة وسهرت انا واياه عالبلكونة من قد ما ضحكنا بتعرفي شو قلي..... ( سرحت وقتها ميار وكأنها عم تستعيد الزكرى اللي صارت) قلي شو مدايقك يا اختي الضحك اللي ضحكتيه هلأ مخبى وراه حزن كبير في ب ألبك شي واجعك بكيت كتير بيومها ولقيت عندو الحضن الحنون اللي رميت عليه كل همي وقتها صارحتو باللي كان مدايقني.

كل هاد كانت عم تحكيه ميار ولين مو منتبهة عم تلون وجهها بالمكياج بدون انتباه او وعي.

هالمرة كملت ميار كلامها بس مو مع لين مع صورة نهار اللي دموعها نزلت عليها :...... يرحم روحك يا غالي تركت فراغ كبير بحياتي ما رح يجي رجال يحس فيي متلك حتى لو كان صهيب كسرتني يا اخي والله كسرتنييييييي.

راحت لين لعند ميار وقت سمعتها عم تبكي :...... ليه عم تبكي خانقك نهار ما هيك.

ميار :...... نهار...... نهار راح يا لين راح واخد معوو كل شي حلو كل شي .

اخدت لين صورة نهار من ميار و اتطلعت فيها وانهارت فجأة بالبكي....
لين :....... نهاااااااااااااااااار تعى يا البي تعى.... اشتقتلك يا حبيبي حاج تقسّي البك عليي و اتضل غايب كل هالوقت حرام عليك والله حرام اااااااااااه ااااااااااااه.

ضمتها ميار وبكو مع بعض بصوت عالي لداب المكياج اللي عوجهها للين وعمل خطوط رسمت فيها حزنها وشوقها.

نامت لين بين ايدين ميار وهي عم تشهق وتنادي لنهار.

بعد يومين اجى الدكتور ليتطمن علين ويشوف وين وصلت بالعلاج...

ابو احمد :... طمني حكيم شو طلع معك انا ما عم حس البنت عم تتحسن كل مالا حالتها عم بتسوء اكتر.

الدكتور :..... طول بالك ياسيد ابو احمد البنت صدمتها مو قليلة واللي هي فيه هلأ نتيجة لعاطفة قوية كانت فيها بفرح انتقلت بدون مقدمات لحزن هالشي سببلها صدمة عاطفية ونفسية وعلاجها مو بيوم ويومين الشغلة بدها وقت وطولة بال.

ابواحمد :...... يعني رح تتحسن.

الدكتور : بأزن الله بس متل ما قلتلك بدها وقت لتقدر تستوعب انو الي صار حقيقة مو وهم او حلم،هلأ الي بدي اياه منكن تاخدو بالكن منها منيح ما تتركوها لحالها بتخاف تعمل بحالا شي ونصير بشي تاني.

ابو احمد :..... لا كلو بهون ولا تعمل بحالا شي.... صحيح شو كنت بدي قلك دكتور يعني لو نقيم صور ابني من قدامها مو جايز تتحسن يعني بجوز تكون صورو مأثرة عليها سلبيا.

الدكتور : اوعك هالشي اكبر غلط بعدين بتتعب اكتر و بتصير اتدور عليهن وحالتها بتتراجع اكتر من قبل خلو كل شي عحالو احسن، وتعاملو معها بوضعها الطبيعي يعني حتى انتو ما تتغيرو معها.

قضت لين العدة وخلصت وبعد كم يوم من عدتها اجى ابوها للين.

ابو احمد : ياميت اهلا وسهلا شرفت ونورت يا ابو رامي.

ابو رامي : الله يزيدك شرف يا ابو احمد كيف صحتكن وكيف العيلة ان شاء الله بخير.

ابو احمد : الحمدلله كلنا بخير.

ابورامي : اي ولين شو اخبارها وينها مو شايفها كنو مابتعرف اني هون.

ابو احمد : يلا رح ابعتلا..... يا ميار ميار..

ميار : نعم بابا.

ابواحمد : ناديتي للين والا لسا.

ميار : اي يلا طالعة ناديلا.

ابو احمد :... ليش ما جبت العيلة معك.

ابو رامي : ماعندي وقت والله دوبني اقضي مشواري وضل راجع علمك الطريق طويلة ومافي وقت كتير...... المهم يا ابو احمد ما بخفيك انو انا اليوم جاي لآخد لين معي بدك ما تواخزني صار لازم ترجع لبيت اهلها قعدتا عندكن صارت صعبة شوي.

ابو احمد :... بس بنتك متل بنتي والله العالم مدارينها برموش عيونا.

ابو رامي : ما في شك بهالشي بس انت رجال بتفهم بالاصول وبتعرف شو الناس رح تحكي وقلتلك من قبل والله لو البنت الها من المرحوم ولد ماكنت باخدها بس شوفة عينك رح ترجع معي متل ما جبتها لعندكن.

ابو احمد:.... انا فهمان عليك وبعرف شو بدك تقول انو ما حدا رح يرحم ازا ضلت البنت عنا بس نحنا تعودنا عليها وصارت وحدة منا.

ابو رامي : بعرف بس هيك الاصول وانت ما بينقصك الفهم لتعرف انو قعدتها عندكن مو زابطة.. غلطان انا شي.

ابو احمد نزل راسو بيعرف انو كلام ابورامي مزبوط مية بالمية وهيك الاصول بتقول وماطلع بأيدو حيلة غير انو يخضع ويوافق.

بعد شوي نزلت ميار ولين ولما لين شافت ابوها صفنت فيه شوي وبعدين ركضت عليه وبكت بحضنو كتير.

ابو رامي :.... خلص يا عيون ابوكي ما تبكي كلو امر رب العالمين وما فينا نغير المكتوب.

لين : مكتوب شو بابا مين قلكن تبعدو عني كتير انتو ما بتحبوني.

اتطلع ابو رامي فيها :..... شو هالحكي يا بابا نحنا تاركينك هون لخلصت العدة وما فينا ناخدك غير هلأ.

بعدت لين عنو : لوين بدك تاخدني.

ابو رامي :.. لعنا عالبيت خلص يابي ماعاد الك قعدة هون ما بصير ، وهالحكي اتفقت انا وعمك عليه.... يلا برضاي عليكي روحي وجهزي حالك وضبي اغراضك.

لين :.... لك لوين رح تاخدني انا ما بروح ليجي نهار.... بيزعل مني ازا بطلع بلا ما خبرو.

انصدم ابوها من كلامها واتطلع بابو احمد وقلو :..... شو عم تحكي البنت اي رجال اللي بدها تخبرو بنتي عن شو عم تحكي.

ابو احمد : طول بالك ورح فهمك السيرة كلا.

بعد شوي كان ابو رامي عرفان بالقصة وشو صار للين طار عقله وجن جنونو.

ابو رامي بعصبية :...... لك بنتي كل هالمدة عم تعاني من مرض نفسي وما جبتلي سيرة ليش يا ابو احمد ليش مو من حقي انا ابوها اعرف شو صار معها!! .... ايوااااااا لهيك كل ما اتصلنا فيها بتطالعولنا حجج وما بتخلونا نحاكيها لانو البنت فاقدة عقلها.

ابو احمد :.... روق يا ابو رامي وخليني فهمك بالهداوة.
... قعد ابو رامي ضايج و متدايق.

ابو احمد :..... اول شي ماخبرتك مابدي بالك ينشغل عالبنت وانت بتعرف مشوار الطريق تبعك مو سهل وتاني شي كنا ناطرين لتتحسن عالادوية اللي كتبلا عليهن الدكتور وقلنا لوقت تمضى العدة بتكون تحسنت ما توقعنا اتضل عحالها هاد وما فينا نخبركن وتفكرو انو ما بدنا نعالجها وتفهمو قصدنا انو تعو خدوها انتو وعالجوها وما تنسى يا ابو رامي هي مرت الغالي الله يرحمه يعني هاد بيتها و الها عنا حصتها وورتتها من جوزها.

ابو رامي : شو ما كان ما بصير تخبي عليي هيك شي كنت خبرني بضل بشق عليها كل فترة مو نهملها عاساس البنت بوعيها وعقلها ماحبيتا منك والله.

ابو احمد : شو بدك مني قلك تعى شوف بنتك فقدت صوابا عموت ابني ااااه بنتك غالية عليي متل نهار تمام بكفي انها بنتك يا صاحبي بكفي انها من ريحة نهار.

ابو رامي : طيب وشو حلها للبنت رح اتضل هيك عطول.

ابواحمد : لا بأزن الله بس تاخد ادويتها بانتظام قال الدكتور رح تتحسن بس بدها وقت وطولة بال.

نادى ابو احمد للين :...... تعي عمي ابوكي بدو ياخدك لعندهن زيارة بس لتغيري جو وتروقي اي.

لين : لا عمي ما بقدر اطلع ليجي نهار ويقلي اي.

ابو احمد : ما يكونلك فكرة من نهار انا بخبرو وبقلو انو انا قلتلك تروحي مع ابوكي اي.

لين : ما بقدر ما بقدر بدي جهزلو تيابو وحضرلو الغدا بعدين بيزعل مني بكفي محاربني لهلأ والو فترة ما اجى ما هيك مرت عمي.

ام احمد : خليها عنا يا ابو رامي مشان الله هي اللي بقيانة من ريحة نهار.

ابو رامي : انت ست كبيرة يا ام احمد وبتعرفي شو يعني تبقى الوحدة ببيت جوزها بدون ما يكون عندها شي يثبتها صح كلامي.

ام احمد : اي بس....
سكتت لما قاطعها جوزها : خلصنا ام احمد سكري عالسيرة ابو رامي معه حق صحي صعبة علينا بس الاصول اصول.

طلعت ميار وام احمد ضبو أغراض لين والدموع ما فارقتهن من زعلهن عليها.

لما جهزو لين فهمت انو رح تروح مع ابوها.

لين بصراخ :.... ما بدي روح ما بدي روح معك بعد عني..... هاد بيت جوزي هلأ بيجي وبخانقني ازا طلعت بدون ازنه..... ياعمي مشان الله خليني عندكن مابدي روح معه.

ابو احمد احترق البو عليها :..... اهدي عمي انتي رح تروحي مع ابوكي يعني مو مع رجال غريب بعدين شغلة وقت صغير وبترجعي لهون ما رح خليكي عندهن.

لين : عم تكزبو علي رح ياخدني وما رح يرجعني....... بعدو عنيييييييي يا مرت عمي ببوس ايدك خليني عندكون والله انا بحبكون وبحبو لنهار ليش هيك عم تعملو فيي...... يا نهااااااااااااااار ارجع مشان الله ما بدي روح معو ما بدي.

ابو رامي : يا بنتي رح رجعك لهون ماتخافي.

الجزء الثالث عشر
@rwayate
راحت لين مع ابوها وتركت فراغ و قهر بقلوب الكل زعلهن عليها كان قوي كتير كانت لين منيحة طيبة بتحب الكل ما زعلو منها ولا مرة كانت حنونة تزكروها كلهن وقت تعبت ميار وبقيت لين حدها كل الوقت و اما اسعد كان يرجع جوعان تنط قبل ميار لتحضرو الاكل وعمها اللي كانت تساعدو بالتغسيل و تعمللو القهوة من بكير وحماتها اللي كانت هي واياها ايد بايد بكل شي وكانو متل بنت وامها واكتر شي زعلو عليه لما تزكرو كيف كانت علاقتها بنهار وحبها واهتمامها فيه وخاصة انو تعبت وتغير حالها بسبب موتو وهالشي دليل حبها وجنونها فيه...

كل هاد كان اكبر من انو ما يزعلو عليها ويتمنو تبقى عندهن رغم انها شبه فاقدة وعيها وكانو مخنوقين عليها لوضعها.

وصلت لين لبيت اهلها وهي عم تبكي وتصرخ كل الطريق وهلك معها ابوها لقدر يسيطر عصراخها ويهديها.

بعد اسبوع ضعفت لين ودبلت لان اهلها ما عرفو يتعاملو مع وضعها اللي كانو عليه بيت حماها، عرف ابو احمد بهالحكي وراح زيارة هو ومرتو لعند لين ركضت عليهن وبكيت بحضنهن لتعبت وترجاهن ابو احمد يرجع ياخدها معهن لكن ابوها رفض، وبالنهاية ما الو ابو احمد الا يطلعو شلون يتعاملو معها وكيف يهدوها وقت تعصب و اتضوج.

مرق شهر وشهرين وراحت ايام واجت ايام وبلشت لين تتحسن وترجع لطبيعتها و بهالوقت استوعبت انو نهار راح لكن ما راح من بالها ولا غاب من تفكيرها ولا فارق البها اللي كان مدمي عفراقو...... وبيت ابو احمد ما كانو يتركوها كتير بين كل مدة ومدة يروحو ويشقو عليها وهالشي كمان كان الو دور بتحسين نفسيتها وصحتها.

سامر ابن خالتها للين كان يزورهن كتير بالذات بعد ما رجعت لين لبيت اهلها وكأنها ما تزوجت من اصلو، ضل سامر على حبه للين وما راحت من تفكيرو بنوب وضل رايدها حتى بعد ما تزوجت وصارت ارملة.

بعد فترة تفاجأت لين بزيارة بيت خالتها لعندهن حست انو هالزيارة مو لله وانو في من وراها شي.

سيلين :.... انتي ليش خايفة كل هالقد يعني.

لين بملل :...... مو من حقي خاف لما شوف سامر و نظراتو اللي لهلأ ما تغيرت، مو من حقي خاف لما شوفو اليوم جاي ولابس كأنه عريس وخالتي داخلة عم تحضني كتير وكأنها من زمان ما شافتني.

سيلين : اي والله مزبوط كلامك...... لحظة لك معقولة يكونو جاييين....
لين :..... يا ويلهن يكونو جايين لهالسبب.

سيلين : اي وليش ما بدك.

لين :..... بعد نهار ما حدا بيدخل لألبي ماحدا، ما اجى متلو و ولا رح يجي ما حدا بيستحق يقعد مطرحو ولا حدا بيعبي الفراغ اللي تركو.

تركتها لين وراحت لغرفتها عم تبكي البها عم ينزف وعقلها عم يصرخ ما بدها رجال تاني بحياتها ما بدها الا نهار حتى لو صارت عجوز بعكازة مارح تفكر ترتبط برجال تاني وتعيش معه متل ما كانت مع نهار.
******
اللي خافت منو لين طلع مزبوط وسامر كان جاي ليخطبها بعد ماتحسنت ظروفو وصار قادر انو يفتح بيت ويتزوج من البنت اللي تمناها وحبها.
ما اعطاهن ابو رامي كلمة ليخبر لين ويشوف شو رأيها ووعدهن وقت يصير الجواب عندو بيخبرهن مباشرة.
نادالها ابوها وخبرها بطلب سامر الها...
لين بصراخ :...... لأ لأ مابدي مستحيل فكر بالزواج من بعد نهار ، ما رح جرب ارتبط برجال تاني حتى لو بدكن تقنعوني انو سامر بحبني ورح يسعدني، سعادتي كانت مع نهار وراحت وقت اللي راح من هالدنيي.
ابو رامي : يا بابا ليش هيك عقلك انتي طيب فكري بالموضوع شو بتخسري ابن خالتك شب محترم ورايدك من زمان و مادياتو منيحة يعني قادر يعيشك عيشة منيحة.
لين : ماحدا بيستاهل انو الغي للحظة تفكيري بنهار وفكر فيه مين ما كان يكون.
ام رامي :.... لك يا امي والله سامر عسلامته مافي منه بكفي انو بحبك و بكفي انو ما تكبر وعارض انو كنتي متزوجة من قبل.
لين بعصبية :...... شو هالحكي كمان بدو يعارض لا والله كتر خيرو انو ما مانع...... لك مين هو اللي بيستحق يكون بديل الو..... امي ما رح آخد واعطي معكن كتير بالحكي سامر منيح واحسن مني بس للزواج انا لا اصلح بتاتا هالحكي بتفهموه اياه والا بخبرو اياه انا بطريقتي.
رامي اخوها للين انجلى مع اهله كمان بس بعد فترة مو مباشرة وهلأ صار عايش معهن بنفس الضيعة وقريب كتير من بيت اهله.
بهالوقت دخل رامي اخوها وسمعها وهي عم تصرخ.
رامي بعصبية :..... ليش عم تصرخي وصوتك طالع لبرا شو فيه.

سيلين :..... ليكي اختي ماتقولي صرت متلهن بس امك معها حق باللي قالتو اخوكي متخلف وبيعمل اكتر من اللي قالو لهيك برأيي انفدي بريشك واختاري احلى المرّين و وافقي ع سامر اللي شاريكي عنجد و اقل ما فيها بتخلصي من رامي وجنانو.
رمت حالها عالتخت وصارت تبكي بالب موجوع.
********
بعد كم يوم اجو بيت ابو احمد زيارة لعند لين وشافوها ضعفاتة وتعبانة…
ام احمد :.... لين يامو ليش ضعفانة هيك شو صرلك كنتي منيحة باخر زيارة النا.
لين :.... مافي شي مرت عمي.
ام احمد :.... لأ شكلو في شي احكي بنتي قولي صاير معك شي حدا عم يدايقك هون.
بهالوقت دخلت ام رامي ومعها جاط الفواكه..
ام احمد :.... امي رامي ليش هيك لين متغيرة صاير معها شي ليكون رجعت انتكست او في حدا عم يدايقها.
ام رامي :..... لا والله يا اختي بس بصراحة القصة انوووووو....
لين :..... امي سكري عالسيرة.
ام احمد :... سيرة شو شوفي يالين اتركي امك تحكي.
ام رامي :.... القصة انو ابن خالتا للين اجى من كم يوم وخطبها.
ام احمد مصدومة وبنفس الوقت مافيها تقول شي او تعترض..
ام احمد :..... اي ولين شو رأيه ؟ .
ام رامي :.... شوفة عينك محرمة عحالها الاكل والشرب و رافضة ينحكى بالقصة لانها مو موافقة والمصيبة اخوها جاي بكرة من دوامو وكان عاطيها مهلة تفكر لوقت يرجع.... الله يستر شو رح يصير بكرة.
ام احمد :..... لين انتي ليش مو موافقة؟
لين :..... مرت عمي ازا نهار راح من الدنيي فهو لساتو لهلأ عايش بألبي ورح يضل فيه انا مافيي كون لغيرو مافيي حب غيرو وهو جواتي.
ام احمد :..... لأنك اصيلة وما بتنسي العشرة اللي كانت بينكن، بس يابنتي متل ما بقولو الحي ابقى من الميت ونهار راح بس انتي لسا عايشة وان شاء الله بيعطيكي طولة العمر واكبر غلط ترفضي رجال شاريكي متل ما فهمت من امك وما همو انك ارملة او كنتي من قبل لغيرو اللي همو انو لساتو متعلق فيكي وبحبك، و ازا خايفة على زعلنا فما تخافي انتي بنتنا وبنفرحلك ورح نحاسبو قبل امك وابوكي ازا بزعلك واعملي حسابك بدنا احفاد كتير هااااا كلون حلوين متلك.
لين :...... كيف فيكي تقنعيني كون لغير ابنك.... معناها انتي ما بتحبيني متل بنتك ميار.
ام احمد : بالعكس لاني بعتبرك متل ميار بدي مصلحتك، فيكي تفهميني مين رح ياخد بالو منك بعد عمر طويل لامك وابوكي مين رح يحن عليكي مين رح بيسأل شو ناقصك وشو بيحعك وشو مدايقك...... ماحدا الا شريك حياتك هو بس اللي رح يحس فيكي ازا كان بحبك.... ما هيك ام رامي.
ام رامي :..... ما خليتيلي شي قولو صدمتيني برأيك كنت مفكرتك رح توقفي معها و تدعميها.
لين عم تبكي :..... اي وانا هيك كنت مفكرة انو لساتك بتشوفيني كنتك ما تخيلتك تزفيني لغير نهار.
ام احمد :.... انتي كنتي ورح اتضلي هيك بنظري بس بكون انانية ازا بفكر بغير طريقة.
ميار قاعدة عم تحترق علين وشافت بعيونها الرفض والقهر.

الجزء الرابع عشر
@rwayate
ابو احمد كمان صار عندو علم انو اهلها للين رح يخطبوها صحي ابنو فارق الدنيي لكن هو مابحس لين الا كنتو ومرت ابنه اللي كان يحبه كتير، لكن ما بأيدو حيلة الا انه يتصنّع انو موافق ورضيان بجوازة لين من رجال تاني.
بعد مارجعو بيت ابو احمد لبيتهن وهنن بالطريق صارت ام احمد تبكي..
ابو احمد : خير يا ام احمد ليش عم تبكي خير شو صاير.
ميار :..... شكلو يا بابا ما عندك علم انو اهل لين رح يزوجوها.
ابو احمد :...... و مشان هيك عم تبكي امك.
ام احمد متدايقة : يعني عندك علم.
ابو احمد :....... ااااااخ اي خبرني ابو رامي...
ام احمد : اي وانت شو رأيك.
ابو احمد: شو بدو يكون رأيي يعني..... ما بحقلي عارض او ابدي رأيي بالموضوع اصلا....... البنت كانت مرت ابني وابني الله يرحمه انا لهلأ بعتبرا كنتي لكن ما فينا نضحك عبعض البنت صارت ببيت اهلها وتقريبا شبه العزبا يعني لا ضل جوزها معها ولا عندها ولد يثبتها ويربطها ببيت جوزها.
ام احمد :..... ياويلي يا ابو أحمد لو تشوف لين عم تبكي وما بدها بس حسيتا مجبورة والله.
ميار :..... عم تبكي وزعلانة عليها يا امي وانتي اللي كنتي تقنعي فيها توافق.
ام احمد :..... يا بنتي انا مابقدر قلا ما توافقي متل ما قال ابوكي مالنا عندها شي وما بيطلعلنا نمنعها انو نعترض فهمتي علي.
ميار : اي بس لو اقل ما فيها ما قلتي شي هيك هلأ بتفكر انو انتي مو سائلة فيها.
ام احمد:.... كيف مو سائلة فيها لين عاقلة وبتعرف قديه بحبها وقدرت شوف بعيونها انو فهمت عليي انو ماب أيدي اعمللها شي بس حاكيت امها وقت قامت وقلتلها حرام تجبروها بس اللي حيرني انو قالت انو لين موافقة والبنت كانت عم تبكي قدامنا وتقول انها ماب دها معناها البنت مجبورة صح هالحكي.
ابو احمد : خطية هالبنت برقبتهن ازا كانو جابرينها...... ومع هاد كلو ما فينا نقول رأينا البنت طلعت من عنا...... حسبي الله ونعم الوكيل.
********
رجع رامي من دوامو وراح لأمه وسألها شو صار مع لين.
ام رامي بتردد:... والله يا امي مابعرف شو بدي قلك..... هو بصراحة اختك خايفة مو انها مو موافقة بس خايفة ما ترتاح مع سامر متل ما كانت مرتاحة مع نهار الله يرحمه.
رامي بمسخرة :.... شو هالحكي اي اللي خلق نهار ما خلق غيرو.... امي هالحجج تبعها فاهمها بتفهميها انو سامر رح يجي بنهاية الاسبوع مع خالتي وجوزها و يطلبوها والله يطعمها تحكي غير موافقة.
دخلت لين وهو عم يحكي لامه هالحكي...
لين :..... اي مو موافقة وما رح اتجوز لا سامر ولا غيرو انت شو مدايقك وقت صير لحالي بهالدنيي وما عندي حدا ما تسأل عني انا مسامحتك بس حلو عني بقى.
متل التور هجم عليها رامي وبلش فيها ضرب وقعها عالارض وضربها لورمها وخلصت بين ايديه.
حاولت ام رامي تفكها منو ما قدرت عليه لاجى ابوها وخلصها منو وكانت لين عآخرها.
ابو رامي بصراخ :..... ولك انت مجنون مجنووون شلون بتضرب اختك بهالشكل لك انت مو بني آدم.
رامي عم يلهت : بدي ربيها لهالكلبة كيف بترد جواب بوجهي والله لتاخديه يا حيوانة غصب عنك وبتشوفي..... ابي هالشكل ما بينعطى ريق حلو اللي متل هي لازمها رجال يرصها ويدعس عليها.
لين عالارض عم تبكي :..... ااااااااخ الله لا يسامحك.... الله لا يسامحك...... نهاااااااااااار وينك يا نور عيوني تشوف اخي شو عمل فيي ...... لك ازا بوجود اهلك وهنن عايشين عم تضربني و تعاملني هيك كيف بغيابهن، الله لا يسامحك يا رامي .
اجى ليهجم عليها مرة تانية بس منعو ابوه ههالمرة...
ابو رامي :...... خلص بكفي حاجتك ضرب فيها احترم اني واقف .... قومي بابا قومي غسلي خديها يا سيلين غسليلها وجهها وخليها ترتاح.
رامي : الخميس رح يجي سامر مع اهله و يخطبوها رسمي الله يطعمها وتقول مو موافقة الا اطلع بروحها هالمرة.
بعد يومين اتصلت ميار بلين لتتطمن عليها وعرفت منها انو اخوها ضاربها و مورمها و رح يجبرها على ابن خالتها ، زعلت عليها ميار كتير وخبرت اهلها وبكت عليها ام احمد لتعبت.
******
سامر :..... بس اللي حسيتو وقت شفتها انها مو رضيانة كيف بدي آخد وحدة ما بدها اياني.
رامي :.... لك انت خروق ولااااا، خليك قد حالك لين اول ما خطبوها بيت حماها ما كانت موافقة عليه لنهار لكن بس عاشت معه وعاشرها بالحسنى تعلقت فيه وحبتو وانت اعمل متلو تمسكن لتتمكن حببها فيك خليها تتعلق فيك.
سامر :..... والله حسيتا لساتا بتحبو لك يا اخي مو راكبة معي اتزوج منها وهي لساتا بتحب جوزها بتقبلها عحالك انت.
رامي بعصبية :....اي لأنك غشيم واجدب لك عم قلك ما كانت موافقة عليه وكانت رافضة قالتلي امي لكن وقت تزوجو شافتو غير اللي كانت خايفة منه وانت بشطارتك فيك تنسيها مية متل نهار شو قعدت معه كم شهر وانت فيك تنسيها اياه وتنسيها اهله كمان مو قلتلي انو كنت بدك اياها من زمان.
سامر : امبلى واحترق البي لما تجوزت.

الجزء الخامس عشر
@rwayate
نايمة لين ودموعها كانت مغرقة مخدتها غفيت وهي عم تقاوم لتنام بدها تخلص مابدها اتضل تفكر بالموضوع....
كوابيس واحلام مزعجة شافتها لين تطلع من كابوس وتفوت بغيرو وآخر واحد شافتو هو اللي فيقها مرعوبة...
شافت حالها قاعدة عند نهر وقبالها مغارة سودة بتخوف وكان سامر واقف قريب منها عم يحكي معها وما عم تسمع صوتو.... شافت واحد عم يقرب منها كتير وقدرت تميز انو نهار.... صارت تبكي وحاولت تضمو وكل ما قربت لتضمو يختفي متل الهوا صارت تبكي
لين...... ليش لتروح يا نهار حرقت البي بغيبتك.
نهار بزعل :..... اي وانتي رح تحرقي البي لما بدك تتجوزي من غيري.
لين :...... نهار انا ما بدي والله ما بدي اخي اللي جبرني...
وهي عم تحكي هبت ريح قوية خلت نهار ما يسمع شي من كلامها..
نهار:..... كأنه ما سدقتي انو روح وما ارجع لحتى تتزوجي من هاد.
لين عم تبكي :.... لا يا نهار حرام عليك ما تظلمني والله انا جنيت عغيابك وبتمنى ترجع وياريتك ترجع...
نهار :...... ازا بدك قليلي ارجع او بجيبك لعندي.
لين :..... اي اي يا ارجع يا خدني لعندك ما بدي ضل لحالي.
نهار :....... هههههههههههه طولي بالك قريبا كتير رح تجي لعندي.
وبعدها راح نهار وما عاد لمحتو بنوب...
فاقت لين عم تشهق وتنادي لنهار بصوت عالي...
حطت ايدها ع ألبها :..... ياربي شو تفسير هالمنام ههههههههههههه معقول..... معقول الميت مابيرجع بس انا فيي روح لعندو... هههههههه واخيرا يمكن قربت موت لهيك قلي انو رح ياخدني لعندو..... اي بس ياريت روح لعندو قبل ما اتزوج من سامر.

بنفس الليلة حلمت ام احمد بنهار وكأنها هي ولين متفقين يحلمو فيه....
شافت ام احمد نهار جاي لعندهن عالبيت ونادى للين، انبسطت امه وقت شافتو وقالتلو يفوت لعندهن لكن نهار ما رضي وفضل يبقى برا البيت ولما اجت لين كمشها من ايدها وودع امه وابوه واخد لين وراح
الصبح لما فاقت ام احمد شافها جوزها مو عبعضها كل ما مسكت شي بأيدها يوقع منها....
ابو احمد :..... خير شو صايرلك اليوم متوترة وما عم تسيطري عشي تعبانة؟
ام احمد :..... لا مافي شي.... بس....... شفت منام وخايفة منو كتير.
ابو احمد : خير يارب شو شفتي.
قالتلو ام احمد على اللي شافتو وابو احمد كمان استغرب من هالمنام.
ابو احمد :.....قولي خير وما اتضلي خايفة هيك..... اضغاث احلام بجوز لانك عم تفكري بلين كتير هالكم يوم ولأنه بكرة عرسها لهيك بجوز حلمتي وهيك حسيتي انو نهار حاسس بانها رح تصير لغيرو.
ام احمد :... بس يا رجال الميت يجي وياخد واحد مو منيح هيك تفسيرو..... وانا خايفة لا سمح الله لين يصيرلها شي.
ابو احمد :..... خليكي متفائلة يا بنت الحلال ليش بتحبو النكد انتو و الافكار السودة هي كلا وسوسات شيطانية قيميها من بالك وتوكلي ع الله.
'' '********
ببيت لين عم يجهزوها لتاني يوم...
كانت معها امها ومرت خالها وخالتها التانية عم يجهزو بكل شي بخص العروس قبل بيوم..... هنن عم يجهزو كل شي وهي متل المضروبة عراسها ما ببالها الا المنام اللي شافتو وصورة نهار اللي ما عم تفارق عيونها.
ببيت ابو احمد
صار الوقت المسا و اسعد ما كان بالبيت وكانت ام احمد وميار قالبينها مناحة وهنن عم يجهزو بالعشا لان خلص انتهى كل شي وتاني يوم رح تتزوج لين.

نهار :...... شغلتو بالي بنظراتكن مشان الله حاج هالالغاز معي احكو معي بالمشرمحي.... لين صاير عليها شي.
ابوه :....... لا يا ابني والله لين منيحة بس....... بس لين انخطبت وعرسها بكرة.
نهار مصدوم :...... شوووووووو كيف يعني بكرة عرسها لك كيييف...... لك شو اللي عم يصير ليش هيك...... طيب كانت تستنى ليصيرلي سنة مختفي...... هيك اوام بتتجوز.
ام احمد :...... لا يا امي لا تظلمها حرام البنت مو موافقة بنوب وحاولت كتير تمنع هالجوازة حتى انو اكلت قتل من اخوها لتنهنهت لأنها رافضة.
نهار :..... لك امي مشان الله ما تجننيني..... لك لو شو ما صار مابصير تتجوز عطول ليكني عايش مو ميت كيف يعني هيك رح تتجوز وانا عايش فهميني.
امه:....... يا امي والله مرتك بتحبك وبتموت فيك بس اخوها الله يسامحه هو اللي جبرها عهالجوازة..... لو تعرف شو صار فيها عفراقك.... قلو يا ابو احمد قلو يا اسعد شو صار بلين لما اجانا خبر و فاتو لنهار خبروه كيف جنت وتعبت.
ميار :..... طول بالك يا نهار مرتك صابتا حالة نفسية وانهارت اعصابها وصابها شبه جنون عبعدك حتى انو بابا كان يجبلا طبيب نفسي عالبيت وكانت تتصرف بلا وعي ومتل المجانين.
ابو احمد : مزبوط يابي مرتك ما نسيتك ولا تكة وعطول تبكي وتقول نهار لساتو عايش ومو مسدقة انك ميت.... مرتك عانت كتير متل امك تمام.... لاتظلمها.
حط راسو بين ايديه وصرخ :....... لك ااااااااااااخ.
ميار :... والله لين عطول كانت عم تتواصل معي وتقلي انو اخوها ضربها لانها مانعت وحاولت اكتر من مرة انو تهرب لتجي لعنا.... وحتى كمان خبرتني انو حاولت تنتحر بس ماحبت تموت كافرة....... نهار والله لين مظلومة ولو ماشفنا هالشي عليها كنا قلنا انو عم تبالغ او عم تكزب بس والله لين لهلأ بتحبك ورايدتك.
نهار :..... اي والعمل هلأ.
ابو احمد :..... العمل انو بكرة رح ينحل كل شي..... بتعرف شو رح يصير.... بكرة رح نروح ونرجع لين لهون.
نهار :... اي وليش ما رجعتوها من الأول.
ابوه:....... لانك كنت غايب و عأساس ميت لهيك ما بنقدر نرجعها اما هلأ بعين قوية بنقدر نرجعها...
ميار :...... كيف يابي.
ابواحمد :.... هلأ زواجها من ابن خالتها باطل لأنه نهار طلع عايش ولين هلأ لساتا مرته ولازم بكرة نروح ونرجعها.
نهار :..... اي اكيد لازم ترجع لين الي.. الي وبس..... ومع هيك لازم عاتبها ليه تقلل تتزوج بغيري.
امه:..... لا يا امي حرام بكفيها اللي صارلها بغيابك ومن اهلها كمان انت رح تزيدها عليها..... خليها تفرح معنا برجعتك.
اسعد :..... طيب ليه ما بنروح لعندهن.
ابوه:..... تأخر الوقت والمسافة طويلة بينا وبينهن..... الصباح رباح والنهار الو عيون بتخاف ل اسمح الله يصير معنا شي بهالليل..... الصبح احسن شي.

الجزء الأخير
@rwayate
اول مادخل بيته شم ريحة عطرها دخل لغرفة النوم كانت تاركة شوي من تيابها عالعلاقة مكياجها، روبها، شغلات كتير كانت بتحسسو انها لساتها بالبيت وكأنها رايحة زيارة وراجعة.
ما نام نهار بهالليلة وهو عم يفكر باللي صار ل لين و شرحولو اهله اكتر عن حالتها وشو صار معها وكيف انهارت وتصرفت شبه المجانين وكيف اخدها ابوها بالقوة وكيف سائت حالتها اكتر ببيت اهلها وبعد ما خفت ورجعت لوضعها الطبيعي كملها معها اخوها لما جبرها عابن خالتها....
مسك صورتها عم يبكي :...... الصباح رباح يا لين جاييكي استنيني..... وبعدا نام نهار وصورة لين بحضنه.
تاني يوم نزل نهار من بكير لعند اهله ليروحو لبيت اهلها للين...
ببيت لين....

بعد الضهر اجت ام سامر لعند بيت اختها لتشوف لين شو بدها وشو ناقصها قبل العرس..
لين :...... مابدي شي.
خالتها :..... وليش هيك زعلانة.
لين :..... مافي شي خالتي.
ام رامي :.... لك يا اختي ما في شي البنت خجلانة هي كل القصة المهم كل شي جاهز عنا وما ناقصنا شي.
ام سامر :..... اي ماشي الحال وانتو حاولو تعجلو بتجهيز لين ما بقى في وقت كتير..... رح ياخدها سامر ويسافرو الليلة يعني لازم كل شي يتم قبل المسا ليلحقو الطيارة.
جهزت لين وكأنها عم تتجهز للموت تمنت البدلة اللي لابستا تكون كفن مو بدلة عرس..... وصارت تحكي بحالا....
لين :..... ما صار شي وما تفسر منامي بشي معناها خلص راحت عليكي يا لين..
بكت كتير وخربت مكياجها اللي بالزور لوافقت يحطولها شوي منه.... و رجعو زبطولها اياه مرة تانية وتالتة.
بهالوقت كان نهار واهله عالطريق خايفين يتم كل شي قبل ليوصلو وتسافر لين متل ما خبرت ميار انو رح تسافر بعد كتب الكتاب مع سامر.
اجت اختو لسامر عم تخبرهن انو العريس وصل والصالة تحت صارت مليانة والكل ناطر لين لتنزل...
ترددت تنزل بالأول لكن نزلت بعد الحاح من امها وتهديد اخوها اللي طلعلها وقت تأخرت.
نازلة لين وماسكة بأيد سيلين والحزن باين عليها منزلة راسها مكسور خاطرها.....
صارت بنص الدرج وسمعت صوت الزلاغيط والاغاني...
رفعت عينها لتشوف سامر قبالها....
لكن شهقت و فتحت عيونها ع وسعهن لماشافت اللي ورا سامر...
ضلت واقفة وصافنة حصة طويلة، حطت ايديها ع تمها وصارت تضحك بصوت عالي كتير.... رفعت بدلتها ونزلت عالدرج ركض..
ابتسم سامر وقت شاف فرحتها وانو عم تركض لعندو، فتحلها ايديه ليمسك بأيديها...
وصلت لعندو ومرقت من حدو وتعدتو لتركض لوراه وترتمي بحضن نهار اللي كان واقف مع اهله عم يستنى نزولها.
سامر عم يتطلع فيها لما تجاهلتو والتفت لورا وشافها معانقة نهار وم اكان بيعرف انو هاد نهار...
تعانقو بقوة وصارت تصرخ بأسمه بصوت عالي :. نهااااااااااااااار.... يا حبيبي يا نهااااار..... يا ربي ما كون عم احلم ياربي ازا حلم ما بدي فيق ما بدي فيق.
ضحك نهار وبكى بنفس الوقت :...... هههههههه يا عيون نهار يا روح البو لنهار يا حياته لنهار....
مسك وجهها بحنية وعم يتطلع بعيونها الحزينة : .. اشتقتلك يا عمري اشتقتلك ياروحي.
لين :.....انت عايش.. عايش...
نهار :.... اي ياروحي عايش.... نهارك ما مات يا ضو النهار.... نهارك لساتو عايش وبين ايديكي هلأ..
ضمته من جديد بقوة اكبر :........ ياربي الف الحمد والشكر الك كنت حاسة انك عايش والله قلتلون انك عايش ما حدا سدقني....... لاتتركني لا تبعد عني بعد.
نهار :...... مارح اتركك بوعدك هالمرة ما رح يفرقنا الا الموت عنجد.
حطت ايدها عتمه :..... لا تقول هيك الله يخليلي اياك ويقيم من عمري ويحط بعمرك.
نهار :.... هيك بدك تتزوجي غيري.
صارت تبكي : والله العظيم على عيني كل اللي عم يصير حتى انه عمي ومرت عمي عندهن علم بكل شي.
كان الكل واقف ومصدوم باللي صار وخاصة لما عرفو انو هاد زوجها الميت للين....
اتطلع نهار بسامر :...... انت العريس.
سامر :...... كنت من شوي عريس بس هلأ انا اللي متت وصرت انت العريس.......هه اصلا لين ما كانت مقتنعة وكانت عطول رافضيتني وكأنها حاسة انك رح ترجع.
نهار :...... اي راجع و رح رجعها معي.
رامي :....... اول مرة بسمع بميت بيرجع.
قرب منه نهار وكان رح يضربو عاللي عمله مع لين لو ما ابوه مسكو ومنعو...
نهار عم يلتفت عرامي :...... ازا محسب حالك واحد من الرجال بدي روح وادفن حالي لان ماب شرفني انا وانت ينقال عنا متل بعض رجال...
رامي : غصب عنك انا رجال.
نهار :..... الرجال مو بس بشواربو و اوامرو و الضرب تبعه...... الرجال افعال بس انت افعالك همجية... وضربك للين واجبارك عشي هي ما بدها اياه هاد الايام بينا ورح تأرجيك كيف رح يكون حساب نهار.
رامي : ..... عم تهدد.
نهار بصراخ رعب الكل فيه :.... اي عم هدد واللي بيطلع بأيدك اعملو...... انا رح آخد مرتي معي بس كلامنا ما انتهى يا رامي و انا قد القول والفعل.
ودعت لين اهلها ورجعت مع بيت حماها وفرحة الدنيي كلها بعيونها.
وصلو البيت قعدو حصة ببيت عمها واخيرا طلعو لبيتهن.