بلبيت قاعدة ليان والبنات بلجنينه بيوم العطله وعم يحكو ويقرقرو اجت زهاء وحبت تثبت وجودها لكن بطريقة فظه متل العادة
زهاء :اي ليان انتي لي ماتجوزتي لهلأ
ليان:لانو ماصار وقت لفكر بهيك موضوع والله
زينب :ليش الموضوع بدو تفكير
ليان:اكيد خلصت دراستي ومرضة امي وضليت معها وكانت شغلي الشاغل وماكان في وقت لشوف حالي قبل ماشوف امي منيحه ولما ماتت تركت كل شي وراي وأجيت لحتى شوف حياتي هون واشتغل وخلص الديون الي ضلت وراي من مرض امي الله يرحمها
زهاء:اي يعني انتي جيتي لهون لحتى نسددلك ديونك
ليان:شو تسددولي ليش انا طلبت منكن شي
زهاء:ليش انتي من يوم مااجيتي مافي شي وراكي غير تطلبي
ليان:وبشو تألت عليكون انا وشو طلبت غير الشغل
زين:لا ليان هي زهاء مزحها تقيل
زهاء:ومين قال اني عم امزح ليكها قاعدة بينا وعم تشتغل عنا وعم تاكل وتشرب وهاد كلو شو أسمو انا بصراحه مابحب التطفل
ليان قامت على حيلها وبنرفزة: والله يا ست زهاء جيت لروح اهلك مسكو فيني والي عم تحكي في صحيح لهيك انا بعتذر اذا تألت عليكي بشي وراحت من عندهن
زينب :لك انتي مابتستحي مو عيب عليكي وهي بشو البنت مأثرة عليكي ولا مدايقتك
زيدان:اي صار لازم تستحي على حالها وتروح مو بدها شغل ليكها لقت شغل مابتحلم في كل حياتها صار لازم تزوء وتروح من عنا
زين :بس امك وابوك واخوك الي ماعم يتركوها تروح
زيدان:اي دخيلهن ودخيل حنيتهن الي راح تقل من هيبتهن
ليان بغرفتها معصبه وعلى شوي دموعها كانو راح ينزلو لكن مسكت حالها وقالت انو مو اي شي بهزني شوبني انا زعلت صحيح هي معها حق بس مو زنبي اني ماعم اطلع من عندهن بس خلص ليان حاجتك عم تقلي من قيمتك صار لازم تروحي.
تاني نهار طلعت عالشغل مع زياد وماقبلت حتى تشرب فنجان القهوة ولا تفطر والكل حس عليها انو مو رايقه
ام زياد:يابنات شبها ليان مبارح ما تعشت معنا وهلا ماأفطرت اخر شي كانت معكن صار شي زاعجها
زهاء :شو امي بشوف عم تزعلي عليها وعم تراقبيها وتشوفي اخبارها اكتر منا نحنا بناتك متى اخر مرة سألتينا كيفكن او اخباركن
ام زياد:ايوا ست زهاء خير شو في من عند الصبح
زهاء : ولاشي امي بس انتي مزودتيها كرمالها مابنعرف اصلها من فصلها ولا الله اعلم من وين جاية والا لشو جاية.
زيدان:مزبوط امي حاجتكن بقى وكلام زهاء صحيح
ام زياد:ايوا ومين بدو يشهد معها ليش في غيرك مقوي عصها مابكفي انا بعرفها وبعرف اصلها ولهيك أقسم بلله يا زهاء انتي وزيدان ازا بطلع الكن ايد بزعلها لتشوفو شي ما يعجبكن
بالشركه عند زياد استغرب انو ليان كل النهار مااجت لعندو ولا شرحتلو عن اي جديد حب يروح ويشوف كل شي بعينو ويتطمن عليها لانو حس عليها مو رايقه دخل لمكتبها مالاقها سأل عنها السكرتيرة قالتلو انها طلعت من بكير وصار وقت الدوام بدو يخلص ومارجعت رن على تلفونها ماردت لبعد مكالمتين منو ردت.
ليان:الو
زياد:شو ياخانوم مانك بمكتبك وطالعه يعني ازا مديرة بتشوفي حالك علينا ومابتردي كمان خير وينك من الصبح
ليان:مافي شي بس كان عندي شغله طلعت منشانها واجيت لحتى خبرك السكرتيرة قالتلي انو عندك اجتماع وانا مافيي اتأخر وخبرتها تخبرك
زياد:ماخبرتني عكل حال وينك هلأ خلصتي بتييجي لشركه والا على البيت عطول
ليان :لا على البيت راح روح
زياد:اوك بشوفك على العشا لكن باي
بلبيت وعالعشا عم يتجهز على السفرة دخلت ليان وهي عم تمشي على مهل
ليان:مسالخير ياجماعه
كلهن سوا ماعدا زيدان وزهاء مسالخيرات
ام زياد:طولتي بنتي
ليان:بعتزر بس كنت مشغولة شوي
زياد بعصبية وواضح على وشو : ليش حضرتك وينك من الصبح لهلأ شو هالشغل دخلك الي بخليكي تتركي شغلك وترجعي لحالك للبيت
ليان:اول شي بعتزر من جديد وتاني شي كنت عم جهز بيتي.
كلهن سوا: شووووووووو😗
ليان :اي بيتي ليش مستغربين مو هاد الي لازم يصير من زمان
ام زياد:ليش يابنتي شو ناقص عليكي هون ووالله مبسوطين فيكي
ليان :وانا اكتر والله بس حاجتي وحاجتكن وبعدين مو الكل مبسوط فيني لهيك ما حبيت تقل عليكن اكتر من هيك
زياد:اي وهلأ شو
ليان:هلأ صار لازم اخد غراضي وودعكن وروح
زينب:ليان هلأ هلأ يعني
ليان:اي والله هلأ هلأ
زياد راح لعندها ومسكها من ايدها وبصوت مزعوج: انتي كأنو عم تتصرفي من راسك وماعم تعملي حساب لحدا.
ليان:من قبل قلتلك انا مو بسجن وتاني شي لشو هالزعل هاد كلو كلكن بتعرفو اني بدي اطلع وعيش ببيتي.