📚قصص||روايات||منوعة📚

rwayate

قصة اليوم: #حمامة_السلام
............
قراءة ممتعة🦋💙"
#ⴅÂÐЄĦÂ

📚قصص||روايات||منوعة📚

rwayate

كتير منا بدور ع حضن حنون يطبطب عليه..او عالاقل حدا يسمعه..وما اكتر الاشخاص اللي حوالينا بس الخوف دايمآ بكون انه نصحى ونكون بحلم مو حقيقة

بعدنا وغبنا وتفرقنا وانصدمنا من كتير تصرفات وكثير اشخاص كنا نفكرهم السند النا..خسرنا وخسرنا بس بالاخر متل نسمة خفيفة ونسمة رقيقة..
كانت بينا وبقلوبنا لو غاب العمر ..بتضلها ترفرف بجناحها
وتخفف عنا اوجاعنا ولو كانت اليوم بعيدة عنا

__________________________________
الجزء الاول
صحيو ع صوت صراخ وتكسير ودموع مخلوطة مع دعاء
*: بتفكروا رح اتركم اتروحو وين ما بدكم ، مو بكفي انغضب علي وما اجاني غيركن وهلا بدكن تقضنها من مشوار لمشوار
**: ببوس ايدك سيب البنت ما تركت فيها عضمة سليمة.. ولك حرام عليك هدول بناتك واختك من لحمك و دمك حرام اللي بتسويه فيهم حرام
*: جاي تعلميني الحرام اساسٱ الحلال والله دبحكن
حسبي الله ونعم الوكيل الله يهدكن ويريحني من همكن الله لا يوفقكن

طلع وهو عم بدعي وطرق الباب والجيران كلها واقفة بتتفرج، شي شايفه متل فيلم
وناس عايشة بقهر لانه ما فيها تدافع عنهم
وست كبيرة بالعمر الوحيدة اللي تحركت ودقت بابهم وهي بتطلع بقرف ع كل زلمة منهم
- خلصتو فرجة منك اله، يلا كل واحد على شغلو وولا واحد بدي اسمعه بيفتح تمه وبحكي عنهم، لانه قبل ما يواجه ابوهم رح يشوفني قدامه

_هاد هو أبو نغم يلي عايش بالطابق الأول من العمارة متزوج وعنده اربع بنات ربنا ما طعمه ولد ..... بشوف انو البنت هم و عار والبنت بيت زوجها اولى فيها حتى لو عمرها صغير المهم ما تعمل شي عملة اتجيب العار لأهلها

(نيجي نحكي اشوي عن سكان هالعمارة
_ بالطابق الثاني ساكنه ام جابر وهي و زوجها ست مقدرة والكل يحبها عندها ثلاث اولاد و بنتين البنات متزوجين برا البلد اما اولادها كل واحد عنده بيته وأولاده و قليل جدآ ما يجو لعندها كرمال هيك بتحس كل سكان العمارة اهلها و ناسها أما أبو جابر متقاعد كان عميد وهلأ فاتح مكتب استشارات كرمال يتسلى فيه

_يالطابق الثالث هاد الطابق قصته قصة ما في يوم ما صار بهالبيت مشكلة بس مشاكله مو مثل بيت أبو نغم لأ هاد من نوع ثاني في طابع كوميدي ....
هاد هو حال ابو احمد متزوج ثنتين وعايشين بنفس البيت كل يوم خناقة شكل وهو دايمآ بالنص عم يفك بين سميرة و سعاد .... واخ شو بصير فيه اقل شي انو لازم يطلع مبهدل على شغله

_ أما الطابق الرابع هو هلأ مسكر صحابه مسافرين بس اكيد راح يرجعو بإحدى إجراء القصة كرمال نتعرف عليهم سوا )

هلأ خلينا نرجع انكمل قصتنا

دخلت وكل واحد رجع ع بيته واللي طلع ع شغله، واللي كان بس بدو كلمة ليدخل باعراض العالم ويبلش يفتي من عنده
ام جابر : وبعدين معاه زوجك متى راح يبطل تخلف
ام نغم (ببكاء):والله اتعبت معاه هالزلمة
ام جابر : شو جابرك اتضلي معه
ام نغم : انتي شايفة الوضع عندي اربع بنات وين اروح فيهم هدول حمل كبير علي ما عندي ولد استند عليه
ام جابر شو هالحكي هاد والله عندك بنات احسن من مليون زلمة مربيات ومحترمات
ام نغم : بس من دون اخ من دون سند
ام جابر : له بعرفك بتفهمي و متعلمة ولا خلص صرتي مثل زوجك
ام نغم : بدي داري حياتي وايامي
ام جابر : الله يفرجها احسن شي

هاد جزء بسيط من قصتنا تابعوا باقي القصة لحتى تتعرف على باقي سكان هالعمارة
يتبع

📚قصص||روايات||منوعة📚

rwayate

📚قصص||روايات||منوعة📚

rwayate

الجزء الثاني
ياما حكو عن الضراير وقديش الضرة مرة وجوز التنتين معتر
وهيك كانو سميرة وسعاد، ازا مرق اليوم بدون حرب مقشات وحفايات فعالاقل لازم يشغلو اللسانات
متل العادة وحدة حايصة ولايصة بالدار والتانية همها بس اصابع ايديها ورجليها والسواد اللي تحت عيونها وكيف تزبط شوي بدقنها وتعمل فلر وملر لتضل الزوجة الأنيقة
ما بنفع يقعدو بمكان من دون ما يتخانقو

سميرة : يا صباح يا عليم يا رزاق يا كريم ليه هيك عم تزويني
سعاد : انا عم ازورك!!!
سميرة : اي و احسن ما انتي نازلة نتف بحواجبك تعي نقي ملوخية معي
سعاد: ييييييييي شو عم تحكي انتي انا بدك نقي ملوخية هلأ لسى خلصت بدكير و منكير .... وبعدين والله ما يدري زوجنا لحتى يطلقك انتي عارفة انو ما يحب الاكل الا من تحت ايدك، وانا جاهلة بخاف بعدين يحرد منا التنتين لانك عارفة ما بعرف اطبخ

سميرة رمت عرق الملوخية من ايدها وبلشت تضحك وتطلع فيها وهي نفسها تدبحها ههههههههههههههه قال يطلقني لك انا ام ابنه يلي لهلأ ما جبتيه يختي ومش بس هيك بدك يركن عالحيط المايلة، هه قال منكير وبدكير واضافيري وانتف متل الجاجة
سعاد(بنوع من العصبية)؛ لك حبيبتي انا ما راح جيب اولاد هلأ بدك جسمي يخرب و ينصح و يصير مثلك مكعبر لا بنعرف هاد وجه ولا ضهر كلو شبه بعضو
اصلا انت شو مفهمك
لك انا يؤبر قلبي سعودي بموت علي هيك وبجمالي بدنا انضل مثل عصافير الحب
سميرة : عصافير حب حكيتي اشوف مين بدو يطعميكم اليوم، وها

قامت مسكت كل اللي لمته ورمته بكيس الزبالة وسعاد صافنة فيها وع شفا حفرة تنخنق من هالحركة
سعاد : لك ليه هيك كبيتي الاكل
سميرة : ولا كلمة انتي احسن هلأ ما اجيبك من شعرك
سعاد : استرجي
سميرة : ماشي رمت الحفاية على سعاد بس ما اجت فيها اجت بالمعتر يلي لسى دوبه فتح الباب
سعيد : لك وبعدين معاكم انتو الاثنتين
سعاد(ببكاء مصتنع): شايف شو عم تعمل فيني بغيابك
سميرة: عم تبكي كمان يا مقصوفة الرقبة اسمع علي سعيد انا ما عاد اشتغل شي بالبيت
سعيد : يعني ما في اكل
سعاد : حبيبي عم احكيلك ضربتني
سميرة : وانا عم احكيلك ما عاد اشتغل شي بالبيت
سعيد : وانا عم احكيلكم انا رايح لعند امي

وطلع سعيد من هالبيت تارك وراه براكين راح تنفجر و هو نازل شاف ام جابر على الدرج
سعيد: كيفك يا بركة هالعمارة
ام جابر: اهلين ابني انت كيفك
سعيد : انا حالتي مثل ما انتي سامعة فوق صراخ و مشاكل
ام جابر: هو في حدا بعمل عملتك
سعيد: اخ يا خالتي هو إيدي وحده بنت عمي و وحدة بنت خالتي
ام جابر: شو يعني راح اتضل هيك انت
سعيد : شو اعمل يعني
ام جابر : الحل عندي بس انت شو ما بحكي بتحكي أنو صح
سعيد : ماشي خالتي
ام جابر : انا طالعة لعندهم
سعيد : الله يقويكي

وك يا مقصوفة منك الها افتحوا الباب
سميرة و سعاد مع بعض يييييي خالتي ام جابر رحنا فيها
بسرعة ركضت سعاد و فتحت الباب وصارت تبكي شفتي يا خالتي شو عملت ......
تعي لهون هاتي ذانك وانتي سميرة تعي لهون و هاتي ذانك
_اخ خالتي والله بتوجعي
_خلص خالتي اخر مره

ام جابر : كل مرة اخر مرة شوفو علي انا هلأ شفت سعيد و حكالي انو بدو اياني اشوفله عروس شو اسمعتو اشوفله عروس

سميرة: شو والله هاد يلي كان ناقص ما بكفي هالحرباية يلي عندي
سعاد: انا حرباية يا بومة تعالي لهون
_لك بس بعدي عن شعري
_يا عضاضة الله لا يوفقك

ام جابر (بصراخ ): والله انو سارة الممرضة يلي بتيجي لعندي عز الطلب لسعيد
سميرة و سعاد وقفو مكانهم من دون حركة
سميرة : لأ خالتي الله يخليكي
سعاد : خلص انا راح احاول اعيش مع هالمخلوقة
سميرة : شو حكيتي ... اي اي خلص وانا راح احاول اتحمل هالمخلوقة

ام جابر: روحو انتو الاثنتين اعملولي فنجان قهوه على السريع ...........

يا تري ام جابر راح تقدر على سميرة و سعاد و يبطلو هيك حركات
يتبع

📚قصص||روايات||منوعة📚

rwayate

📚قصص||روايات||منوعة📚

rwayate

الجزء الثالث
هدوووووء بكل المكان وعتمة ما في الا ضوء خافت ...
مشي اشوي اشوي لحد ما اشتغل الضو فجأة ما قدر يكتم صوت ضحكته من قوس القزح يلي قدامة
وحده باللون الاحمر و الاصفر و الثانية باللون الازرق و الاخضر

سميرة و سعاد بغضب شو يعني حضرة جنابك مو عاجبك شكلنا
سعيد: روحو على المراية و شوفو شكلكم أما شو هالسفرة بتجنن
قعد سعيد ياكل ما بسمع الا صوت سميرة و سعاد من جوا

سعاد : الله لا يوفقك يا مكيودة لك شو عاملة بوجهي
سميرة : يعني انتي انظم شو عاملة فيني
سعاد : لك اللهي اتروحي فعس وانا بحكي هالمحبة مش لله
سميرة : عم تدعي لك روحي الهي يبعتلك 15 سوا
نار و بارود و هوا و حريق و غريق و موتة بالطريق
صياح و نواح و غز رماح و فالج و كرساح و فقر و غضب الوالدين يا مئطعة العينتين
سعاد : الله لا يوفقك لك يا سعيد يا سعيد

سعيد متسطح على الكنبة بعد ما مسح حتى صحون الاكل (يييي على قلبي عليه من وقت ما صار زوج الاثنتين ما الك مثل هيك اكل)

خير شو في بس بدي افهم شغلة وحده يعني لمتى راح اتضلو هيك لمتى
سعاد: أسأل هالمكيودة
سميرة: بتطلعلي سنين مكيودة

ورجع الخناق من اول وجديد عم يفكر سعيد شو ممكن يعمل واخيرآ لقى الحل
سعيد : بتعرفو شو والله كلام خالتي ام جابر صح و راح اعمله (بقلبه يا ربي هي شو حكت)

سكوت لدقائق حتى نفس ما في بالغرفة سعيد عم يتأمل الوجوه يلي قدامه حاسس انو براكين و زلازل واعاصير راح تجتمع لاول مره بالكون بس وين ببيته......
ابدآ شكل سميرة و سعاد ما بوحي على خير جاي

احم احم جاهزين لحتى اتشوفو كل هالكوارث سوا

سميرة بنظرة ما بتتفسر لسعاد معناها اكلنا الهوا سوا ليه لحتى انخلى حدا يشاركنا فيه لازم هدنة ..... مشيو وكل وحدة راحت على غرفتها من دون أي ردتت فعل لسعيد

هون سعيد المسكين فكر حاله ارتاح وانو المشاكل خلصت لحد ما سمع صوت موسيقى .....
ركز بالصوت اشوي واندمج وكيف ما بدو يندمج الصوت عم يحكيليو (نداء للجميع .....اكو عرب بالطيارة)
يا مشحر يا سعيد الببجي صار عندك بالبيت

سميرة لابسة روب الحمام فوق الاواعي على اساس انو جكيت جلد اصلي مع رفعت شعر غريبة وحاملة سلاحها القلاية و الشوكة.....

أما سعاد يلي بتحسها جاي من المكسيك مع الخطين يلي على وجهها و حاملة سلاحها عصابة المشقة و غطا الطنجرة

كل مال صوت الموسيقى عم تعلى (احنا بساحة الببجي ...الاولى بصدارة...نداء للجميع ...اكو عرب بالطيارة )و الحماس عند سميرة و سعاد عم يزيد .... لحد ما صار مصير سعيد مجهول يا شلل .... او عاهه طول العمر ...اكيد راح نعرف بس يصحى .....هيك حكو الدكاترة
___________________________________
تعالوا ننزل اشوي على الطابق الاول لعند عيلة ابو نغم وبنرجع بالجزء الجاي لعند سعيد اكل السبع ضربات

ام نغم : لك شو صار معاكم ابوكم على وصول رتبو هالبيت ... وانتي يا نغم الله يرضى عليكي اعملي قهوة الي و لعمتك
نغم : تكرمي ست الكل
نعمة : الله يعطيكي الف عافية يا مرت اخي اتعبتي اليوم
ام نغم : وانتي كمان اتعبتي .... بس انتي اليوم وضعك مش عاجبني
نعمة: اخ مليت والله شايفة وضعي ارملت وانا صغيرة الله يسامحك يا ابي الا بدك زواج القرايب حتى لو كبير بالعمر
ام نغم : هاد نصيبك وان شاء الله بكره ربنا ببعثلك ابن الحلال يلي تنسي فيه وجع هالحياة
نعمة: هههههه كيف بلا واحنا محبوسين بالبيت لا طلعة و لا فوته وازا اطلعنا هاد بعد مليون مشكلة ما بنتهنى بالطلعة
ام نغم : هاد طبع اخوكي وانتي عارفتيه
نعمة : الله يعين قلبك عليه
ام نغم: يلا نشرب القهوة و احضر السفرة دوبه يوصل
نعمة : يلا جاي معك

ان تتحكم بضلع قاصر و تحرمها من الحياة و هي يلي اساسا شايفة الحياة من خلالك ما بخولك تكون ضمن قائمة الرجال

يتبع

📚قصص||روايات||منوعة📚

rwayate

📚قصص||روايات||منوعة📚

rwayate

الجزء الرابع

كل يوم جديد عم يحمل معه حكاية جديدة بالعمارة

سعيد بسلم عليكم و بحكيلكم اليوم انسوه وانسو نسوانه من هاد الجزء شوفو حدا غيرينا لحد ما يطلع من المشفى (مع اني خبرته الكل مشغول عليه بس خلص ما رضي بيني وبينكم الكلام خايف اتشوفو شكله بخوف من ضرب سميرة و سعاد )

طيب عند مين لازم انروح راح نرجع ننزل للطابق الاول وانشوف شو هالجلسة الهامة بين بنات ابو نغم

نغم : عمتي والله ملينا من قعدة البيت راح اتطق روحنا
نغمة :شو طالع بأيدنا ما شفتي ابوكي شو عمل معنا المرة الماضية ما خلا فينا عضمة سليمة ولا نسيتي
نغم : اخ لأ لهلأ ما انسيت هلأ على هالسيرة وجعني جسمي
يارا : وانا كمان لسى جسمي ازرق
ام نغم : الله يوفقكن لا تعملو شي يخلي ابوكم يعصب عليكن
نغم: أمي كرمال الله حاكيه يخلينا انروح ع العرس يلي بالحارة
ام نغم : يعني ابوكي برد علي
نعمة :عندي فكرة
نغم: شو قولي عمتي
نعمة: شو رأيك ام نغم تحكيلو انو يخليهم يروحو بلكي الله ببعت نصيبهم وهيك مابتوقع يرفض لانو كل همه يخلص من البنات
أم نغم : ههههههه والله ضحكتيني من زمان ماضحكت هيك كيف خطر ع بالك ع هالشي
نغم: أمي احسن من الحبس يلي عايشينها راح يطلع معنا اكتر من هيك بشوف من الشباك بنات عم تمشو ورايحين مشوار بس نحن غير عن كل العالم
أم نغم : بنتي مو كل الاباء متل ابوكي بس ابوكي متعقد ليش ما اجاه صبي ويمكن من خوفو عليكم هيك عم يعمل لان ما عندكم سند بعد ما يكبر ابوكم
نغم: بس امي ابي هيك عم يهدم حياتنا يعني بعد البكلوريا ما في جامعة والله حرام ما عم يخلينا نأمن مستقبلنا
يارا: صح والله كنت بحب المدرسة كتير
لارا :انا من هلق معد بدي كمل مدرسة لشو اوصل للبكلوريا وبعدين اقعد
زهور: انا لساتني صغيرة بس مابدي مدرسة
نغم :شفتي امي برأيك هيك صح تصرف ابي
ام نغم : لا بنتي وبعرف هالشي انا بس شو طالع بأيدي اعمل بدك اترك ابوكي وين منروح وكيف بدنا نعيش
نعمة: كرمال الله بكفي نكد وخلينا نشوف كيف بدنا نروح ع العرس
ضحكو الكل على كلام عمتهن
ام نغم :تكرمو اليوم بحكي و أن شاء الله بقتنع

بعد الغدا
ام نغم :نغم اعملي كاسة شاي بسرعة.... ابو نغم بدي اطلب طلب
ابو نغم: خير ان شاء الله
ام نغم :في عرس بالحارة وبدي اخد البنات عليه
ابونغم: لا
ام نغم: طيب سمعني انا عندي فكرة حلوة
ابو نغم :هاتي لشوف شو عندك مع اني ما بعتقد بتعرفي تفكري
ام نغم : الله يسامحك طيب هلأ اذا رحنا على العرس في نسوان كتير هناك ويمكن تعجبهم وحدة من البنات يعني اذا بقيو بالبيت كيف بدك ياهم يتزوجو
ابو نغم :ها والله بصراحة مافكرت بهالشي بس قلت يلي بعرفنا او الجيران بدل ع البنات
ام نغم : وبلكي مادلو عليهم لازم البنات يطلعو وتشوفهم الناس
ابو نغم؛ موافق اتروحو بس ما بتطولو
ام نغم :حاضر متل مابدك

انبسطو البنات كتير وفرحو وبلشو يجهزو شو بدهم يلبسو على العرس

يا الله اديه قلوبهم تعبانة ومشوار صغير فرحم وخلاهم يحلمو
نغم بتحلم بانسان يكون واعي ومتحرر مو متل ابوها
وكل وحدة منهم تفكيرها بشي وع قد عمرها
يارا ولارا وزهور كل وحدة عمتفكر بشي
اللبس وانها تكون حلوة بالعرس
_________________________________
تاني يوم لبسو وراحو ع العرس
وكانو كتير حلوات وانيقات والبسمة مرافقتهم والفرحة يلي بقلبهم ماعاطينها لحدا

فاتو لعند العروس وشافو ناس كتير من زمان ماشافو ناس بهالعدد
انبسطو واتسلو وضحكو
وام نغم تقلهن خلينا نروح والبنات يترجوها لا خلينا شوي
ومن فرحتهم تأخرو وما حسو

وبعد هالسعادة كلها شو ناطرهن
دخلو ع البيت وهني عمحكو شو شافو بالعرس
بلاقو ابو نغم ناطرهن والنار عمتطلع من عيونو
ام نغم: احطلك عشا
ابو نغم: والله لخلي ليلتكم سودا انا بناتي يرجعو بهالوقت ع البيت
ام نغم :طول بالك لسا بكير والمكان قريب وكل الناس بالشارع
ابو نغم: وعمتحكي وتردي كمان هجم عليها ضربها كف قوي كتير
البنات خافو ع امهم كتير وصارو يبكو

نعمة عم تبعد ام نغم عنو بس هيي ما سلمت من القتلة
ضل يقتلهم ساعة والصريخ عبى العمارة

وكل الناس وقفت ع الشبابيك يتفرجو ويشوفو شو صاير
صراخ البنات وبكاهم ع امهم وع حالهنم خلا ناس تبكي بس من سماع الصوت
نغم عمتبكي وتصرخ بترجاك بكفي بكفي انت ماعندك قلب ماعندك رحمة
ابو نغم: يابنت الكلب عمتعلي صوتك وتحكي ابوكي هيك والله لربيكي من اول وجديد
كسر نغم تكسير وماتركهم لحتى تعب وصار الدم ع وجه كل وحدة فيهن
دخلو ع غرفهن والدموع مو راضية تفارق وجهن ابدا
نامو من التعب ونامت معهم كل ضحكة حلوة ضحكوها بهالمشوار

بالطابق الثالث
دخلت ام جابر على البيت ولقت ابو جابر قاعد بالبرندة
ام جابر : ليه قاعد هون و ليه كل هاي القهوة
ابو جابر : اقعدي احكيلك شو صار
حكى ابو جابر شو صار ببيت ابو نغم
ام جابر ما اتحملت هالكلام ونزلت لعند بيت ابو نغم

ام جابر من على باب البيت : انت ما عاد استحيت ما عندك شغلة بالحياة الا تضرب هالبنات
ابو نغم : شو خالتي انا

📚قصص||روايات||منوعة📚

rwayate

بحترمك بس لا تتدخلي
ام جابر : لأ مو على كيفك
ابو نغم : لعاد يلا مع السلامة
ام جابر : شو لاحكيلك هاي آخر مرة بتفكر تضربهم المرة الجاي راح اشتكي عليك
ابو نغم : لأ ليكون مفكرة حالك حمامة السلام

ما ردت عليه وطلعت على بيتها

بكفينا اليوم هالتعب النفسي يلي عمله ابو نغم لنشوف بكرة شو في أحداث جديدة راح تصير بالعمارة
يتبع

📚قصص||روايات||منوعة📚

rwayate