📚قصص||روايات||منوعة📚

rwayate

كوثر متلبكة :.... ااااااه..... اناااا اجيت الصبح بس ماطولت اجيت حكيت مع هيا كلمتين ورحت عالمشفى.

المديرة : اي وليش اجيتي هلأ.

كوثر:..... اجيت لانه هيا وصتني عغرض وجبتلا اياه.

المديرة :.... كلامك مو مقنع لانه اول ماوصلتي سلمتي عليها ازا كنتي الصبح شايفتيها ليه لترجعي تسلمي عليها وتبوسيها وماشفتك عطيتيها شي، بدي اعرف شو مخبيين انتي واياها، وانتي ياهيا ليه هيك تغيرتي لما دعت عليكي عطر.

هيا :.........

المديرة : مابدكن تحكو مااااا ماشي الحال انا رح اعرف كل شي وبطريقتي.

بالمغفر.....

المقدم :..... انتي عطر.

عطر : اي.

المقدم :..... اسمك وسنك وعنوانك وشو بتشتغلي.

عطر : عطر ياسين العلي.... عمري 23 ساكنة بحي الصابونة بحارة المسرة وبشتغل آذنة بالمدرسة.

المقدم : امممممم فكرتك معلمة بالمجرسة لهيك استغربت الشكوى ..... المهم اجتنا شكوى عليكي انو سارقة جزدان آنسة معك بالمدرسة صحيح هالكلام.

عطر :.... وشو الفايدة من جوابي ازا رح قلك اياه ماانتو عالحالتين شحطتوني لهون متل اىمجرمة ولو قلتلكن انو ماسرقت مارح تسدقوني.

المقدم : جاوبي عقد السؤال.

عطر : لا ماسرقت شي.

المقدم : بس الانسة عم تقول انو لقت جزدانها بين تيابك بغرفتك تبع المدرسة.

عطر : قلتلك مافي فايدة من جوابي لانه رح تسألني سؤال اتهامي ورح ترجع تعيد اكتر من سؤال، بس انا برجع وبقلك ماسرقت شي ولا بعمري سرقت شي وسهل عأي حدا بدو يتهم حدا تاني يعمل هيك شي ليبليه بللقصة وتنطبش براسو ويبان انو حرامي ومجرم.

المقدم : هالشي مو انتي اللي بتحددي انا بحددو انتي بس جاوبي بدون كترة غلبة.

بقي هالمقدم ياخد ويعطي مع عطر على اسألة....

طالبة من طالبات هالمدرسة مرقت لعند امينة وخبرتها باللي صار مع عطر وانو الشرطة اجت واخدتها..

نزلت امينة بسرعة وراحت لتشوف علي مالقته بالحارة وسألت واحد من رجال الحارة عن كرمو وقالت ماحدا رح يساعد عطر غيرو....

راحت امينة لعند كرمو عالمحل....

امينة عم تلهت :....... دخيلك ياكرمو بسرعة.

كرمو :...... خير امينة شوفي.

امينة : عطر...... عطر اخدتها الشرطة عالمغفر.

كرمو :... شوووووو.... لك ليش شو صاير.

امينة :..... تاهمينها بالسرقة..... بس سرقة شو ماعرفت.

كرمو :... وانتي مين خبرك كيف عرفتي.

امينة : اجت بنت مع عطر بالمدرسة خبرتني بس قال مابتعرف ليه اخدوها.

طلع كرمو وامينة بالسيارة وراحو عالمغفر....

طلب كرمو من الشرطي اللي برا بدو يشوف المقدم وخبرو انو مع جاي كرمال عطر..

المقدم : تفضل... مين حضرتك وشو بتقربها للمتهمة.

كرمو :.... انا ابن حارتها لعطر مابقربها شي بس كنت رفيق المرحوم زوجها وعطر بنت حارتي وواجبي ساعدها بحكم معرفتي القوية فيها.

المقدم شرحلو لكرمو تهمة عطر..

كرمو : مستحيل ياسيدي عطر مابتعمل هيك شي انا بعرفها منيح صحي هي وضعها صعب شوي بس بنت كتير نضيفة وماعندها هيك شغلات ومابتسرق ابدا.

المقدم : البنت عليها شهود.

امينة عم تبكي : ياسيدي بترجاك خليني شوفا الله يوفقك والله عطر كتير انظلمت بهالحياة ولسا عم تنظلم.

بعت ورا عطر واول مادخلت ضمتها امنية وصارو يبكو واجت عينها بعين كرمو اللي طار عقله وقت شاف الكلبشات بأيديها ...

📚قصص||روايات||منوعة📚

rwayate

📚قصص||روايات||منوعة📚

rwayate

❤️الفصل السادس ❤️
Telegram @rwayate
عطر :...... شو جابكن لهون وكيف عرفتو.

كرمو : مو مهم كيف عرفنا، طمنيني ضربوكي اذوكي عملو معك شي.

عطر :... لأ ماضربوني ولا شي.... بس انت ليش هون.

كرمو :..... شو ليش هون هاد سؤال، ليكي كوني متأكدة مارح خليكي ساعة وحدة هون اي وماتخافي من شي انا معك.

عطر :..... مابدك منك شي روح واتركني بحالي، قصة السرقة كلا انا مو مقتنعة فيها واكيد مفبركة من واحد فنان عرف مين يختار وعرف شلون يجرني لهون ليقدر يساعدني ليطلع بعيني بطل.

امينة : شو قصدك عطر عن مين عم تحكي.
Telegram @rwayate
عطر وعينها عكرمو :.... كل واحد بيعرف حالو.

كرمو :..... ليكون بتقصديني الي، لك انتي اكيد في شي بعقلك، هلا معقول كل ماصارتلك مصيبة بدك تلزقيها بضهري اصحي عطر مشان الله فيقي وركزي منيح وشوفي شو اللي صار معك وليش.

عطر :..... انا مركزة منيح وبعرف اكشف الناس منيح روح من هون مابدي منك مساعدة.

كرمو :.... مارح حاسبك عكلامك هلأ النا حكي تاني من لون تاني طولي بالك عليي، المهم هلأ تطلعي من هون وبعدين بنتفاهم.

اتطلع كرمو بالمقدم :.... سيدي لو سمحت ممكن اعرف شو رح يصير هلأ.

المقدم :.... هلأ المتهمة رح اتضل هون لتجي وصاحبة العلاقة وتتنازل عن الشكوى غير هيك رح اتضل بضيافتنا.

كرمو بعصبية :..... مارح اتضل هون ولا ساعة زيادة وازا في كفالة هلأ بدفعها واللي اشتكت عليها هلأ رايح جيبها تتنازل غصب عنها..... بس انو اتضل هون لأشعار آخر هي مو مقبولة لو بدي انحبس عواضها.

طلع كرمو مو شايف قدامو مقهور مخنوق من عطر وشكوكها وظنونها بكل لحظة قهر عم تعيشها يكون سببها ووراها هو.

راح للمدرسة وطلب الآنسة اللي اتهمتها....
Telegram @rwayate
وقت وصلت قام كرمو وراحلها وكأنو قايم عحرب..

كرمو :.... ليكي ومن الآخر التهمة اللي طبشتيها براس عطر هي بدك تغيريها وبدي افهم ليش هيك عملتي ومين وراكي والا والله لسا كرمو مابتعرفيه ولا بتعرفي جنانو وقت يطلع، بقى احكي الحقيقة وقولي ليش اتبليتي عليها وشو غايتك.

الآنسة هيا بخوف :... شوووو انت جاي تهددني والله بشتكي عليك انت كمان.

كرمو :... لا يااااا شو هالحكي انتي عرفانة حالك مع مين عم تحكي، ( وقتا صرخ فيها وزورها بطريقة ارتعبت منها) من قصيرو يابتحكي ليش هيك عملتي يااما رح اعرف بطريقتي ومارح قلك روحي تنازلي عن الشكوى لانو بدي اوصل المغفر لاقيكي قبلي كيف وليش مابعرف.... انا طالع هلأ والقرار بيرجعلك والااا مارح يصير خير.
Telegram @rwayate
بعد ماراح كرمو ضلت الآنسة هيا واقفة مكانا مرعوبة من نظراتو وصوتو.....

المديرة : ليكي آنسة هيا، انا مع اللي قالو كرمو كل قصتك انتي والست كوثر مااقتتعت فيها حتى لو تنازلتي انا لازم اعرف ليه هيك عملتي وانتي بتعرفي انو عطر ماسرقت منك شي، بقى بتروحي لحالك بتتنازلي والا استلقي وعدك من كرمو وهاد الرجال مو سهل اللعب معه انا بعرفه منيح او بروح انا للمغفر وبخبرهن انو انتي والست كوثر وراكن قصة وقتا بتحكو للمقدم انتو براحتكن ليش هيك عملتو بالمخلوقة.....الحقي حالك قبل ليوصل متل ماخبرك.

راحت هيا وهي مرعوبة وتنازلت عن الشكوى اللي مقدمتا بحق عطر.

انهى كرمو كل الاجراءات وطالع عطر من المغفر وماحكى معها ولا كلمة وعطاها وجهو التاني وكان باين عليه انو زعلان كتير.

كرمو ترك عطر وامينة يرجعو عالبيت وامن عليهن وقت صارو بالحارة، وخبرهن انو مضطر يروح عندو مشوار ضروري.
Telegram @rwayate
امينة : بصراحة عطر مالك حق تحكي هيك مع كرمو لك ليش هيك عملتي معه، الرجال تعب وهو عم يركض بين المدرسه والمغفر لقدر يطالعك واتتي بتقابلي بهيك معاملة.

عطر : انتي لمتى رح اتضلي جدبة اااه، لك هالحركات كلا تمويه بس لاقتنع انو مالو يد باللي صار واللي عم يصير، لكن معقول بهالسهولة راح للآنسة هيا واقنعها تتنازل لو ماكان متفق معها عكل شي ماكانت تنازلت، بس حابكها منيح ليطلع بعيونو بطل فهمتي هلا.

امينة : الله اكبر شلون بتفكري، وليه مابتقولي انو قدر يقنعها للانسة تتنازل، وياستي لنفرض كلامك صحيح ليش عمل هيك.

عطر : واضحة مابدها تنين يحكو فيها ليقدر يطالعني هو ويحسسني اني من دونو ولا شي وانو عطول بضهري وحاميني ويقنعني فيه وبالنهاية شو اقبل فيه...... بس لااا بعدو حركاتو هي كلا فاهمتا انا مو عليي ياامينة.
Telegram @rwayate
امنية : ياخوفي بكرة تندمي ويفوت وقت الندم.

****

مرق عهالحادثة اكتر من اسبوع ومارجعت عطر عالمدرسة وحاولت معها المديرة لترجع لكن كرامتها كانت اغلى عليها وقررت تلاقي شغل بغير مطرح.

اما كرمو ماحاكاها بنوب ليوم شافها سهرانة عالأسطوح لحالها....

شافتو عطر قاعد عاسطوح بيته لحاله، وانتكشت هيي فيه لتكتشف سبب سكوتو كل هالوقت...

عطر :..... اي سيد كرم شو محضرلي مفاجآت لسا حاكم مفاجآتك مابتخلص مرة تانية ابقى خبرني خليني جهز حالي بلا ماتجيني السيرة عغفلة شي مرة خليني اعرف لاتجهز لهيك مصيبة ولبطولة من بطولاتك.
Telegram @rwayate

📚قصص||روايات||منوعة📚

rwayate

مشى بالهدا ونط من اسطوحو لأسطوحها....

كرمو:...... قلتيلي بطولاتي لك انا ليه ماعرفت خب حدا غيرك ليه متيس ومجحش كل هالقد ومااخترت الا البنت اللي بتكرهني ليه البي معزبني عطول ومابدو الا اللي شايفتني بعيونها وحش واني سبب كل مصيبة عم تصيرلها، ليه مابتشوفيني بشكل تاني ليه مابتفتحي عيونك منيح لتقدري تعرفي مين عم يحفرلك ياغبية.

عطر بعصبية : احترم حالك كرم انا مو غبية انا فاهمتلك منيح عم تعمل كل هالعمايل لفت انتباه ولضل ممنونتك العمر كله صح، ليش بوقت مصايبي مابيظهرلي حدا يساعدني الا انت ليش مو غيرك.

قرب منها كتير وضمها من خصرها ولزقها بصدرو وحكى بالهمس وانفاسو كانت رح تحرقها من شدة شوقو الها...

كرمو :.... بدك تعرفي ليش.... لاني بحبببببك لاني مو شايف غيرك لاني غرقان بعزابي معك، ومافيي اسمح لغيري يساعدك وانا موجود مو لاني انا صاحب هالمشاكل متل ماعم تتوهمي، متى رح تفهمي انو النفس اللي عم اتنفسه هلأ هو ريحة عطرك متى رح تستوعبي انو ماحدا شغلي بالي الا انتي شو مافكرتي فيي بحبك ورح ضل حبك متمنيكي اليوم قبل بكرا.
Telegram @rwayate
(اجت نسمة هوا وطيرتلا شعراتا لعطر وغطت عوجهها وبينو بس عيونها اللي عكس عليهن ضي القمر).... زاح شعراتها عن وجهها بحنية لمسة ايدو اجبرتها تغمض عيونها ونفسها زاد بسرعة خلا صدرها يعلى ويهبط، كلماتو ريحة عطرو قوتو وقت ضمها من خصرها نظراتو اللي لأول مرة بتشوفهن هيك وبتلتمسهن من قريب كتير، ملامح وجهو اللي كانت واضحة لألها خلت كيانها يتخربط ماعرفت بهاللحظة شو اللي صار معها واستسلمت لنظراتو اللي ما قدرت تقاومهن، كانت عم تبادلوا زات النظرات بس ماكانت بتعرف انو نظراتها بتشبه نظراتو لكن كرمو بزكائو قدر يفهمهن من بين استغرابو وحيرتو انو بتكرهو وبنفس الوقت عندها موعد مع عيونو لتلتقي فيهن..

كرمو بحب:...... يسلمولي هالعيون اللي اسروني ودوخوني من يوم اللي شفتك ، كنت شوفك مع كمال يدوب البي عليكي.

عطر :...... كرم.......

كرمو :..... عيون كرم ياروح كرم حياتو ونبضو لكرم بعشق اسمي وحروفو وقت بتقوليه ماحدا بناديني بأسمي غيرك ياعطري كله بقلي كرمو.

فاقت عطر عحالها بس بين الواعية والدايخة :...... كرم اتركني..... ليقوم يشوفك حدا .

كرمو :..... ماتخافي مافي حدا غيرنا انا وانتي والقمر وعيونك الدبلانة.

عم تخلص حالها من بين ايديه :.... خلصنا كرم اتركني مابقى تزوء عحالك انت عم قلك اتركني.

كرم برومنسية :.... لأ مارح زوء عحالي، مستكترة عليي هالشوية اللي ضامك فيهن هي اول مرة بتكوني هادية معي هيك خليني مبسوط وانتي بين ايديي.

عطر :..... لك شو مبسوط وخليكي متكون سدقت حالك بعد عني، لك حاج عم قلك ماتسوق فيها وتعمللي فيها حبيب هلأ.
Telegram @rwayate
كرمو :..... امبلى حبيب وعاشق ومغروم ومتيم فيكي ياروحي، عطر اقسملك بزات الله انومو انا ورا كل شي عم يصير معك، انا مابقبل تنخدشي او تزعلي مني لقوم ائزيكي مشان الله حاج تظني فيي هيك ظنون.

عطر :.... مو وقته هالحكي بعد عني قبل ليلمحنا حدا ويفكر فينا شمال.

ضحك عليها بصوت عالي :.... هههههههههههههه شو ياااا صايرة عم تحكي دواوين شو شمال ويمين هالحكي مابيطلع غير من الشباب.

وهو عم يضحك انفتنت فيه للمرة الاولى بحياتها واول مرة بتشوف ضحكته وانتبهت انو ضحكته حلوة متل ملامحه القوية.

بعدت حالها عنه بالقوة وزبطت تيابها وخجلت تتطلع فيه اكتر وراحت للجهة التانية وعطتو ضهرها.
Telegram @rwayate
حس عليها وبخجلها قرب منها وكان واقف وراها مباشرة مابيفصل بينهن شي.... ماكانت متوقعته قريب متها هيك وقت التفتت لتكمل كلامها اصطدمت فيه...

كرمو :..... شو حياتي احكي.

حست بدفى صوته واسرتها نظرات عيونه، استغربت من حالها ليش هيك صار معها هالمرة وهيي اللي مابتطيقو ولا بتطيق تسمع بأسمه بس ليش هالشعور الغريب صابها فجأة مابتعرف.

عطر :..... مافي شي مابدي قول شي اعصابي تعبانة وبدي ارتاح تصبح عخير.

كرمو :.... طولي بالك لسا قاعدين ماسدقت ايمت رقتي عليي هي اول مرة بتحاكيني بهالرواق، هيك عشمتيني فيكي وبدك تروحي اقعدي خلينا نسهر.

عطر :..... ماتسدق حالك كرم مارقت ولا شي عم يتهيألك بس انت مدري شو صرلك عغفلة عم تتوهم شغلات روح من هون بدي نام.

مسكها من ايدها قبل لتروح رجعها لحضنو باس جبينها برقة...

كرمو : تصبحي عخير ياعيوني.

تركتو خجلانة وهربت منه وراحت لغرفتها وسكرت الباب.

وقف شوي ابتسم ابتسامة رضى، رفع راسه للسما ودعى ربه تكون هالليلة فاتحة خير بينهن.
Telegram @rwayate
كرم :..... بكرة احلى..... هيك البي حاسسني.

وقفت عطر ورا البرداية عم تتطلع بكرمو بس ماخلته يشوفها وكان البها عم يدق بسرعة مصدومة بالاحساس اللي عم تحسه بهاللحظة، شو عم يصير معها ليش هيك فجأة تقبلت كل شي منه كلامه نظراته همساته لمساته.... كله ماالو تفسير عندها ابدا.

ماكانو بيعرفو انو في شريك معهن بهاللحظات كان في عيون متل عيون الصقر عم تترصدهن وشافت كل شي صار بينهن و

📚قصص||روايات||منوعة📚

rwayate

ماكانت ناوية عخير ابدا ووعدتهن بيوم كله مآسي وحقد وغضب كبير.

بهالليلة نامت عطر مبسوطة رايقة هادية سهرت شوي بعد ماراح كرمو لكن غفيت عينها بسرعة ونامت رضيانة.

📚قصص||روايات||منوعة📚

rwayate

📚قصص||روايات||منوعة📚

rwayate

❤️الفصل السابع❤️

تاني نهار طلعت عطر مع امينة لبيت اهلها تغدو هنيك ورجعو عالبيت، كانت صدمة عطر واضحة عوجهها وقت شافت بيتها بهالحالة..... كل شي مكسر التخت الخزانة المراية تيابها بالأرض منتورين اغراضها عالاسطوح مرميين...... فوضى كبيرة كانت بالبيت حتى المطبخ والحمام ماسلمو وتكسر كل شي فيهن....

ماعرفت عطر شو تعمل ندهت لامينة من فوق وكانت صدمة امينة مو اقل من صدمة عطر، اتطلعت امينة فيها وسألتها عن اللي صار....

عطر ودموعها عم تنزل :..... مابعرف.... ماابعرف شوفة عينك مافي غرض عغرض، (وقتا صرخت بجنون) لك ليييييييييش ليش ماحدا عم ينخنق غيري لك ليش انا شو بعد بدهن مني مين الو مصلحة يعمل معي هيك، اذية ورا اذية مابلحق ارتاح من شغلة بتلحقني اختا، صرت اشتهي اقعد من دون نكد وعي ومشاكل، مشان الله ليش انا ياامينة عم يستقوو عليي لاني لحالي والا لوي دراع القصة والا شوووو.

امينة : طولي بالك ياعطر بلكي حرامي.

عطر عم تضحك بقهر :.... لك حرامي بعز النهار وشو هالحرامي اللي مالقى حدا مشحر اكتر مني ليسرقو لك المفروض يسرق ويبعتلي مو ياخد مني، امينة فكري معي شي يتهموني بالسرقة وشي يضربوني وهلأ بيتي يتكسر كله واولهن قتلو جوزي وغير الشغلات الصغيرة اللي اتغاضيت عنها شو ضل بعد.

نزلت عطر عالشارع متل المجنونة كانو الشباب عم يزينو الحارة لان بهالليلة كان عرس اخو لكرمو...

وقفت بنص الشارع وصارت تصرخ :..... شو بدكن منيييييي.... اتركوني بحالي.... شو ضل بعد بدكن مني.

التم الكل حواليها وهي عم تصرخ، نزل كرمو عن السلم اللي عم يعلق عليه حبال الزينة....

قرب كرمو منها : خير عطر شو صرلك ليه هيك عم تعيطي متل المجنونة.

عطر : لسا جناني ماشفتو منو شي، لسا عطر ماارجتكن خلقتها التانية شو بدكن منيي مشان الله فهموني، اللي الو عندي شي يجي ويواجهني اللي بدو منو شي يخبرني مو يحفرلي ويأزيني لك الرجال منكن يقرب لهون ويقول بالتم المليان شو بدو مني.

كرمو بصوت عالي :.... ماحدا بدو منك شي غيري وماحجا بيسترجي يفكر انو الو عندك شي غيري وماحدا هون بدو اياكي غيري.
التفت بهاللحظة ليزن عم يسألو :..... في حدا بدو منها شي؟..

بعد يزن وجهو للجهة التانية مقهور وقعد عالكرسي بدون مايعلق بأي كلمة.

كمل كرمو كلامه لعطر :.... وهلأ فيكي تفهميني شو صرلك. لشو كل هالحكي، شو صاير معك.

عطر :..... بماانو ياسيد كرم ماحدا بدو مني شي غيرك معناها ماحدا عم يأزيني ويعمل كل هالعمايل غيرك لتجبرني اقبل فيك.

كرمو بصراخ :..... فهميني شو صاير وبلا منها الالغاز.

عطر : رجعت عبيتي لقيتو مكسر كامل مافيو غرض سليم فيك تفهمني مين عمل هيك او مين بيسترجي يعمل هيك...... ماحدا بيزعجني غيرك وماحدا بيقرب مني غيرك معناها ماحدا عمل هالشي غيرك.

كرمو :....... بيتك مكسر!!!!! اقسملك بربي ماطلعت لبيتك ولا بعرف عن شو عم تحكي.

عطر :..... حااااااج حاج بقى مليت تعبت طقت روحي من لعبة القط والفار، كم قصة وقصة صارت معي مابلاقي بوشي غيرك كم مرة احتاج شي مابلاقي حدا يساعدني غيرك كل مااتعب بتكون انت حدي شو معناة هالحكي.

كرمو : اي واللي قلتي بزعل والا بفرح، كل اللي عم يصرلك انا ماالي علاقة فيه بس بتلاقيني حدك وعم ساعدك لاني بحبك وبهمني امرك ومابدي غيرك وبسمع اخبارك لهيك بتلاقيني بضهرك ومعك مو لأني انا السبب بمصايبك..... فيقي مشان الله والله ماالي مصلحة عندك الا بحبك وبس ومافكرت بيوم دايقك او اقهرك فتحي عيونك وشوفي مين عم يحفرلي الي انا ليبشع صورتي عندك وليطلعني ندل وواطي..

صارت تبكي :..... حلو عني مابدي منكن شي مابدي غير عيش براحتي بدي كفي حياتي بدون عزاب وبكى.

حط ايدو عكتفها ليواسيها :..... عطر الليلة عرس اخي اقبلي تصيري حلالي وبنعمل هالعرس عرسين وحياة عيونك وغلاوتك بألبي لعوضك كل ايام البكى والهم بس اقبلي صيري عأسمي لغيرلك حياتك كلا..... شو قلتي.

عطر :..... اي قول هيك من الاول عملت ببيتي هيك وبالزات بهاليوم لتجبرني وافق عليك بماانو ماضل عندي مكان نام فيه صح وانو بيتي ماعاد امان اقعد فيه ازا سهل اي حدا يفوت ويطلع منه ماهيك..... لعبتا صح ياكرم بس مو هالمرة ومو عليي ورقك صار واضح ولعبتك انكشفت.

كرمو :..... شووووو، لك حاج هبل حاج واقفتيلي عسقف حلقي كل ماحكيتلك شي بتعملي منها قصة وبترميني بكل شي عم يصير.

عطر :....... مارح اسكت هالمرة مارح اسكت لهون وبكفي.

طلعت عبيتها وصارت تبكي اكتر وكانت ناوية عنية ماخبرت حدا عنها حتى امينة.

طلعت امينة لعندها روقتها شوي وطلبت منها تنزل لعندها بحكم انو ماضل عندها شي ساغ لتقعد عليه.

بهالوقت كرمو كان مزعوج كتير وكان مفتح عيونو منيح ليقدر يوصل لطرف خيط يقدر يوصلو لياللي عم يعمل مع عطر هيك ويخليها تشك فيه انو هو السبب بكل شي.

المسا بلشت سهرة اخو كرمو وكان صوت الموسيقى والاغاني عالي كتير والكل مشغول بالحفلة...... قالت عطر لامينة انو رح تطلع لبيتها شوي وراجعة.

📚قصص||روايات||منوعة📚

rwayate

استغلت عطر انشغال الكل بالحفلة وضبت اللي قدرت عليه من اغراضها وهربت من الحارة بدون ماحدا يحس عليها.

لكن هيك كان بفكرها وماكانت بتعرف انو واحد من رجال الأفندي شافها ولحقها لآخر مطرح نزلت فيه.

دقت عطر باب البيت......

بعد شوي انفتح الباب...

اياد 😳:..... .

عطر : كيفك اياد.... شو ماعرفتني.

اياد :.... لك كيف ماعرفتك شلونك عطر شو اخبارك، مع مين جاية بهاليل.

عطر : بدك جاوبك عكل هدول وانا واقفة بالشارع مافي تفضلي.

اياد :.... بعتذر والله من صدمتي فيكي نسيت قلك تفضلي... شرفي تفضلي.

ام اياد : مين عالباب امي.

دخلت عطر سلمت عام اياد وضمتها لانه بتزكرها بأمها كانت جارتهن ورفيقة امها ومتل الأخوات.

ام اياد : طمنيني عنك يابنتي شو اخبارك شو عاملة الدنيي معك.

عطر : شوفة عينك هي حالي... والدنيي ماعم تضحكلي بنوب ياخالتي، كل مرة عم تأرجيني مشكل ملون من فنونا.

ام اياد : خير شو صاير معك، بعرف اخر اخبارك انو توفى جوزك وكنت حابة اجي وقوم بالواجب معك بس عمك ابو اياد ماقبل قلي هديك الحارة اهلها صعبين وانو سمعتا مو بزيادة.

عطر : معه حق خالتي من جهة اهلها صعبين مزبوط هالحكي لكن سمعتها مو منيحة هي لأ يعني مو ازا واحد عاطل بيروح الصالح بعروا، بكل مكان لي المنيح وفي القبيح، بس مابلومو والله ازا انا اللي الي سنتين عايشة فيها ما قدرت عيش فيها واتأقلم عناسها، قصتي طويلة بخبرك فيها بعدين.... المهم خالتي وينها سناء مشتاقتلا كتير بس ماتقليلي تجوزت وماعزمتني.

ام إياد : لا اتطمني ماتجوزت لساتا قاعدة بخلقتي ماعم تقبل تتجوز قال بدا تخلص دراسة بالأول.

عطر : معها حقها، الله يرحم عيون امي كانت حابة انو كمل دراسة بس عمي الله يصطفل فيه ماكان يخليني وجوزني قبل لطبق العشرين، والله ياخالتي الدراسة والشهادة عز وقوة للبنت مابتعرفي شو بصير مع الوحدة بالمستقبل بتلاقي شهادتا سلاح بأيدا وبتتحدى اتخن رجال فيها.

ام اياد : البنت ماالها غير بيت جوزها حتى لو درست.

عطر : ماقلنا لأ...... تتجوز بس يكون معها شهادة وعندك انا اكبر دليل لو معي شهادة كنت توظفت وماانهنت كل هالقد ووصلت لهون.

ام اياد :.... استني لفيق سناء واحكيلنا بالزبط شو صار معك.

بعد ساعة كانت عطر مخبرة ام اياد وسناء باللي صار معها هي تبكي وهني يبكو معها كيف صارت ولوين وصل فيها الحال.

سناء : طيب هلأ انتي بتشكي بهاد اللي اسمه كرمو والا بالأفندي والا في طرف تالت.

مسحت عشعرها بتوتر :..... مابعرف..... ماعاد ميزت ولا فرقت..... صرت شك بحالي ماعاد اعرف مين معي ومين عليي، الشخص الوحيد اللي بثق فيه هي امينة جارتي حتى مديرة المدرسة اللي كنت حبها ماوقفت معي منيح يوم اتهموني بالسرقة...... بس اللي محيرني بالنسبة لكل شي صار معي انو ليش بس كرم هو اللي كان يعيني ويوقف معي وشو ماصار كنت لاقيه وكيف مااندرت كنت شوفو، هاد الشي اللي كان مشككني فيه.

ام اياد : بنتي بلكي الله بعتلك هالرجال ليوقف معك وقت الكل عم يدبرلك المصايب.

سناء : وبجوز ياعطر كمان يكون الأفندي مستغل حب كرم الك وعم يدايقك ويطبش كل شي براسه لتكرهي.

عطر : لا مابظن لانه الافندي من بعد مادايقني مرة بالطريق ماعاد شفته ولا بعتلي ولا اجاني عالمدرسة، بس كله كوم وانو اكل عليي حق كمال والتعويض تبعه كوم تاني.

سناء : شلون يعني اكل عليكي التعويض فهميني.

عطر : كمال الله يرحمه خبرني انو الافندي ماكان يعطيه اجرته كاملة بالخان وكان يقلو عم صمدلك اياهن بجمعية لتقدر تشتري بيت وتسكن فيه مع مرتك، هلأ بالبداية انا عجبتني الفكرة لكن بعد موت كمال ولما رحت وسألته عن الجمعية اللي قالا نكر هالحكي ومارضي حتى يعطيني تعويض كونو انضرب بالخان، ومارضي هالواطي يتعرف عليه قال هاي مالي دخل فيها لو مات اصابة عمل كنت بعوضك بس جوزك انضرب من ناس وشكله عندو عداوات.....ولما طالبتو ببقية حقه ومعاشه لكمال مارضي يعطيني قال لأ انا كنت اعطيه حقه كامل ومدري جوزك وين كان يروح بالمصاري.

ام اياد : اي بنتي وجوزك كان عندو هيك حركات يعني.

عطر : لاااا خالة مستحيل كمال اطيب منه واكرم منه مافي بس هاد الافندي ندل عمل هيك ليحرمني حق كمال وليضغط عليي وافق عليه واتجوزو ماقلتلك عرض عليي يشتريلي فيلا وسيارة ودهب ومصاري بس اقبل فيه، لما رفضت حرمني كل شي الله يحرمه نظر عيونه الهي.

سناء : طيب وعشو ناوية هلأ.

عطر : اول شي بدي تقل دمي عليكن تساعدوني لاقي بيت صغير عقدي او اوضة استر حالي فيها وشغل، واهم شي بدي مساعدتك ياسناء بهالشغلة وخبرتها شو بدها منها ....

سناء : وليه بدك تعملي هيك ازا طلعتي من الحارة وماحدا شافك متل ماقلتي.

عطر : لأ انا هيك مفكرة بس شكله حدا لمحني وانا طالعة ولحقني، كل الطريق وانا حاسة حالي مو لحالي وانو في حجا آترني لهيك طلبت منك هالطلب مابدي حدا يعرفني.

ام اياد : صحي بنتي عرفتي عن اخوكي ايمن شو صار فيه.

📚قصص||روايات||منوعة📚

rwayate

عطر : عرفت...... الله مابينسى حدا وهي لاقى جزاته من ربنا وقت اللي سرق مصاري امي والمحل باعو وسافر فيهن وقال رح يرجعهن وهي وجه الضيف راح ومافكر يسأل علي انا وامي الله يرحمها ولما بعتلو انو امي ماتت قال شو ساوي انا هون مطلوب وازا بدخل المطار بيلقطوني دغري، خليه بيستاهل اكل حقي وحق امي بدون وجه حق وعرف انو جوزي مات وبعتله قلت بلكي بياخدني عندو او بساعدني لكن مارضي وقلي لابقى اتدايقيني خليني اعرف حل مشاكلي.... من وقتا ماسألت فيه ولا بدي اعرف اخبارو ولا بدي اياه اصلا.

سناء : طولي بالك عطور قومي نامي هلا وارتاحي وبكرة بنحكي وبنخطط لكل شي تمام.

📚قصص||روايات||منوعة📚

rwayate