📚قصص||روايات||منوعة📚

rwayate

صباحكن ورد💚🌸 قصة اليوم: #دوامة_الذاكرة .........

📚قصص||روايات||منوعة📚

rwayate

بـدايـة الـقـصـة..💛✨

📚قصص||روايات||منوعة📚

rwayate

📚قصص||روايات||منوعة📚

rwayate

قصة بقلم صديقة القناة " منى "
بعنوان: #فايق_يا_هوى
.............
قراءة ممتعة🦋💙"
#ⴅÂÐЄĦÂ

📚قصص||روايات||منوعة📚

rwayate

#فايق يا هوى
#بقلمي: Mona As

الجزء الاول

فايق ياهوي لما كنا سوا فايق يا هوى لما كنا سوا ودمع سهرني وصفلي دوا تاري الدوا حبك وفتش عن دوا...

ست بالخمسين قاعدة ع الكرسي الهزاز وجنبها الراديو ركوة قهوة كبيرة...وحاطة كم حطبة بالمجمر حتى تكسر برد الصبح...

سحر: الله شو هالصباح هاد وفيروز كمان...صباحك ستي..
Telegram @rwayate
الست جهيرة:صباح النور يا وجه الخير انتي..

سحر:اي شو هالرواق اليوم...صبيلي قهوة ستي حتى ألحق شغلي ع بكير...

الست جهيرة:شو اليوم كمان عندك شغل بكير..يا ستي ارحمي حالك شوي عم تطلعي من وجه الصبح وما بترجعي ألا لأخر الليل..

سحر: شو بدك ياني اعمل يا ستي يعني اذا انا ماوقفت مشيت الشغل ماراح حدا يكلف حالوا ويستلم الشغل عني وانتي بتعرفي بابا الله يرحموا وصاني اني اكون مخلصة لشغلي وما أكون مهملة..احافظ عليه...

الست جهيرة: بس ياستي هاد الشغل عم ياخد شقفة من عمرك شوفي صار عمرك 32سنة ولهلق لسا ما جوزتي..والبنت لما تكبر بصير صعب جيب ولاد...

سحر: ستي شو ألو لزوم هالحكي هلق..انتي بتعرفي انوا انا عماد مأجلين الموضوع سنة زمان وهو ماعندوا مانع بالعكس ...

الست جهيرة: ليش عماد شو راح يصير عليه...البنت مو متل الشب يا ستي...البنت أذا صار عمرها فوق 30وبقل عندها الانجاب...

سحر:الله يخليلي ياكي يا ستي سكري ع الموضوع هاد خلص انا اخدت قراري ماراح اتراجع عنو...

الست جهيرة:تصطفلي قولي ستك ماحكت ونبهتك...

رن تلفون سحر راحت لتشوف مين...

سحر: هو هو علينا..انا مابدي اخلص من هالدبقة عنجد واحد تافه...

سكرت الخط رمت الموبايل ع التخت وفتحت الخزانة طالعت تنورة سودا مع جاكيت اسود وقميص ابيض وسكربينا سواد...سحر يلي بميز انو جمالها اوروبي يلي اخدت شعرها الاشقر ووعيونا الأزرق الفاتح متل لون البحر...وجسمها الممشوق طولها متوسط..وبرغم من عمرها فوق30بس يلي بشوفها بقول بنت العشرين..على نعومة بشرتها وجسمها...جهزت حالها وحطت مكياج خفيف ورشت على حالها عطر فرنسي فاخر..واخدت شنتتها ومفتاتيح السيارة والبيت ورجعت لعند ستها يلي كانت لسا قاعدة ع كرسيها عم تشرب القهوة...

سحر:ستي بدك شي انا طالعة...
Telegram @rwayate
الست جهيرة: لا سلامتك وديري بالك على حالك...لا تسوقي السيارة بسرعة..

سحر: امرك ستي...راح اقول لزمردة تعملك فطورك...

الست جهيرة:اي ماشي ستي...انتي روحي قبل ما تتأخري...

سحر:سلام ...

نزلت سحر من الطابق الثاني لطابق الاول يلي كان البيت من طابقين وتصميم على طراز الأروبي..ارضية خشب وأثاث على طراز كلاسكي

سحر: زمردة....يا زمردة...وينك...

زمردة: اي يا خانم...اجيتك..

سحر: انا طالعة هلق وعملي لست جهيرة الفطور ولا تنسي تعطيها ادوتها...ماشي

زمردة:ولا يهمك يا خانوم...انتي تيسري ولا يهمك..

سحر:انا كل ساعة بحكي معك بطمن عنها...

زمردة:ولا يهمك يا خانوم حطي أديكي ورجليكي بمي باردة ..

سحر: طيب...بخاطرك

زمردة:الله معك يا خانوم..بدرب السلامة..

طلعت سحر من الباب الڤيلا ونادت على حارس الڤيلا انو يطلع سيارتها من الكراج يلي كان يبعد عن الڤيلا..

سحر: أبو محمد...ممكن طالعلي سيارتي..

ابو محمد: امرك يا خانوم ثواني بتكون سيارة مصفوفة قدامك..
Telegram @rwayate
جاب ابو محمد سيارة لسحر.. ركبت السيارة وطلعت من باب الڤيلا اساسي وهي حاطة اغنية ورافعة الصوت ع الاخير..فجأة منتبهت انو نسيت الموبايل بالبيت...

سحر: اوه كيف نسيت الموبايل بالبيت...يا الله على هالنسوي..يلي بدو يتصبح بمروان الزفت اكيد بدو ينسى حالو...هلق شو بدي اعمل يعني ارجع انا راح اوصل ع الشركة...

لفت سحر السيارة ورجعت لتجيب الموبايل يلي نسيتوا وبالها مشغول بالاجتماع يلي راح تتأخر عليه بتوصل سحر ع الڤيلا وبنزل من السيارة بتمشي بسرعة وبتفتح الباب...

سحر:زمردة وينك...يا زمردة...هي وين راحت التانية...ياربي راح اتأخر لروح اجيبوا امري ل الله..

بتطلع سحر ركيض ع الدرج وتدخل غرفتها بتاخد الموبايل وبتشوف خمس مكالمات فائتة بتجاهل المكالمات وبتطلع بسرعة..وبتنصدم بالست جهيرة...

الست الجهيرة: اسم الله عليكي شبك هيك متل ملهوجة وكانوا في شي لحقك...انتي شو رجعك

سحر: اسفة ستي والله أنعمى على قلبي ...انسيت الموبايل ما ذكرت ألا لما كنت راح اوصل ع الشركة ورجعت اخدوا...بعتذر منك :ستي لازم امشي لاني عنجد تأخرت ع الأجتماع....سلام

الست جهيرة: مع سلامة ...
Telegram @rwayate
بتطلع سحر ع السيارة وبتشغل بتمشي بأقصى سرعة...بتوصل ع الشركة بتاخد أغراضها من السيارة بتدخل..بتصبح ع الكل وبتفوت بالأسانسير...بتوصل ع الطابق الرابع يلي مكتبها موجود فيه...بتدخل ع مكتبها وبطلب السكرتيرة...

سحر: سعاد تعي لعندي شوي...

سعاد:حاضر استازة...

سحر يترتب اوراقها وتحطن بظرف جلد اسود وبتطلب من السكرتيرة انو تحملوا وتسجل كل شي ملاحظات عليه بالاجتماع..بتطلع وهي وسكرتيرة من المكتب وبتتوجه لغرفة الاجتماعات يلي كان كل الأعضاء مجتمعين وعم يس

📚قصص||روايات||منوعة📚

rwayate

تنوا سحر...دخلت سحر وهي كلها كبرياء وعيون الكل عليها بتصبح ع الكل..سحر: صباح الخير...انا اسفة يا جماعة ع التأخير..بس صارت معي شغلة وكانت سبب تأخري..

محمد: ان شالله خير...

سحر: لا كلو خير شغلة بسيطة ولا يهمك...
Telegram @rwayate
بتقعد سحر ع الكرسي وبدها تبلش بالأجتماع بنتبه على الكرسي الفاضي...

سحر: شو وين الاستاز مروان..شو كأنوا مو حاب يحظر الاجتماع اليوم..

كرم: والله مابعرف حاولت اتصل عليه أكتر من مرة يطلع خارج التغطية...

سحر: طيب مو مشكلة..خلنا نبلش هلق احسن ما ضيع وقت اكتر من يلي ضاع..

فتحت سحر الأوراق يلي قدامها..وبلشت تناقش بمشاريع جديدة لتطوير الشركة محليا وعالميا..فجأة فتح الباب شب حنطي اللون ألو دقن خفيفة سودا وشعروا الاسود ولابس طقم رسمي..أستأذن ودخل..طلعت سحر عليه بطرف عينها وتابعت بالحكي من دون ما تعطيه أي اهتمام..مشي بأتجاه طاولة الاجتماع سحب كرسيه وقد محلوا وهو عيونوا متجهة على سحر يلي كانت منتبه عليها بس تجاهلت نظراتوا...
Telegram @rwayate
سحر:الكل بيعرف هون بالشركة انو النظام عندي اهم من اي شي..اي تأخير من اي موظف بتبرير ومن دون تبرير مو مقبول عندي..وانا عم احكي هاد الحكي حتى مايتكرر متل صار اليوم...مفهوم

طلعت ع مروان بنظرة بعد ما حكت كلامها ورجعت تناقش بموضوع يلي كانت تحكي فيو..خلصوا أجتماع ورجع كل موظف على مكتبوا ورجعت سحر وسكرتيرتها كمان ع مكتبها..دخلت على مكتبها سحبت كرسيها وقعدت تراجع بأوراق مهمة...فتح مروان الباب ودخل من دون محدا يستأذنوا بأنو يفوت ..

يتبع..

📚قصص||روايات||منوعة📚

rwayate

📚قصص||روايات||منوعة📚

rwayate

الجزء الثاني
Telegram @rwayate
فتح مروان الباب ودخل على سحر من دون ما تستأزن انو يفوت...

سحر: انت كيف هيك بتدخل من دون مادق الباب نحنا مو هيك تربينا يا استاز مروان...

مروان: بعتذر منك بس انا أذا ما عملت هيك مستحيل تعطيني فرصة تسمعيني فيها...

سحر: تفضل شو بدك تحكي..

مروان:هيك وانا واقف من دون ما تقليلي تفضل وأستريح..

سحر: والله فيك تقعد من دون تاخد اذني متل ما تفضلت ودخلت علي من دون احم ولا دستور..

مروان: سحر لاتكوني قاسية على لهدرجة...

سحر:قاسية...ليش انت بتعرف شو هو القسوة..اصلا لو بتعرف ما كان وصلنا لهون..

مروان: سحر سمعيني بس..

سحر: سمعت منك مافي الكفاية..انا عندي شغل. هلق ماني فاضية لا أسمعك ولا حتى اشوفك..
Telegram @rwayate
مروان: بسيطة يا سحر..

سحر: أستازة سحر لو سمحت نحنا هلق بالشغل يعني مافي داعي ترفع الكلفة..

مروان:حاضر استازة سحر..يعني مصرة انك ما تسمعيني...

سحر: اسف والله كان بودي اني اسمعك بس الشغلي اهم من اي تفاهة ع وجه الارض..

مروان: تفاهة قلتيلي..بسيطة ..بخاطرك..

سحر:الله معك..

طلع مروان من مكتب وسكر الباب بقوة..حاولت سحر انو ما تتوتر ولا يظهر على حالها انو نزعجت من تصرف مروان معها..بلعكس حست بالفخر انو عم تأثر فيه عم تحركلوا احساسوا ومشاعروا بعد ماتركها من خمس سنين من دون سبب.. دخل مروان على مكتبوا قعد ع الكرسي بعصبية وهو عم يتأفف..وطلب فنجان قهوة سادة من بوفيه الشركة...

محمد: شبك يا زلمة مو ع بعضك..طلعت بشكل ورجعت معصب عم بتتأفف..شو صاير معك..

مروان:بربك روح من وجهي محمد احسن يطلع خلقي عليك هلق...

محمد: اوف اوف اوف..هاي باين الشغلة كبيرة..شو صاير معك حكيلي..

مروان:........

محمد: سحر ما...

مروان: أوعك تغلط ها قول الاستازة سحر..حسن ماتسمع هلق تطرقلك محاضرة طويلة عريضة..عن ترفيع الكلفة لانو مابصير ولو عشان واجبها..
Telegram @rwayate
محمد: أتركها للبنت مروان شو بدك فيها...مو انت يلي اخترت تبعد عنها..وتركتها بالوقت يلي هي كانت بالأمس الحاجة لحدا وقف معها ويسندها..انت شو عملت تركتها وسحبت حالك وسافرت من دون ما تعطي اي عذر...

مروان: بس انا كنت مضطر اني سافر..لانو الفرصة يلي اجتني ما كنت بحلم فيها..

محمد:وشو أستفدت من هالغرصة..اخر شي أرجعت على هالبلد اخسرت شغلك وخسرت سحر..أصلا لو ما كنت ابن عمها لسحر ما كنت ارجعت دست عتبة شركة..

مروان: خلص مروان انا يلي فيني مكفيني لا ترجع تفتح قصص الماضي..

محمد: حبيبي انا اصلا ما عم افتح قصص الماضي انت عم ترجع لحبك القديم وحبك القديم مو راضي او بالاحرى مستحيل..انت ناسي انو سحر مخطوبة وهاد بدل انو مسحتك من حياتها ماعاد ألك وجود...

مروان: عماد هو وسيلة حتى سحر تنتقم مني..

محمد: ع فكرة انت كتير واثق من حالك..انت بتفكر سحر من هاد النوع ..لك سحر ابدا ما بتفكر بالطريقة السخيفة يلي عم تفكر فيها حظرة جنابك..انت لو بتعرف فترة غيابك كيف كانت وفجأة كيف صارت...يا زلمة تحولت من بنت دلوعة وشايفة حالها لبنت ناضجة واعية كلها كبرياء...فوق كل هاد وذكاء يلي خلت شكرتنا تقدم عشرين خطوة بالخمس السنين يلي استلمت فيهن الشركة بعد ما توفى ابوها خالد بيك الله يرحموا..

مروان: ماعم صدق لك والله ما عم صدق..
Telegram @rwayate
محمد: صدق ليش ماتصدق..حاول انو تشيل سحر من بالك وعيش حياتك..

مروان: أخ يا صاحبي أخ كيف بدك ياني انساها وشيلها من بالي..انت ما بتعرف تجاهلها لألي كيف عم أثر فيني...

محمد:لهيك عم قلك انساها..لانو شو ماعملت شو ماتصرفت ماراح تتغير سحر معاملتها معك..

مروان: مستحيل ألا ما خليها تتغير معي يوم من الايام..وأقنعها انو ترجعلي

محمد: كيف بقى..

مروان:بكرة بتشوف...

طلع مروان من مكتبوا وترك محمد وهو مو فهمان شو يلي راح يعملوا...
خلص دوام وسحر بمكتبها عم ترتب اوراقها قبل ما تطلع...اخدت شنتتها وطلعت ودعت السكرتيرة ونزلت من الشركة واخدت مفاتيح السيارة وبدها تفتحها أنتبهت ع دولاب السيارة انو منفس...

سحر:يالله على هالشغلة هلق وقتك...هلق شو بدي اعمل..لأتصل على عماد خلي ياخدني بسيارتوا...

فتحت سحر شنتتها ومسكت الموبايل عم تتصل على عماد..فجأة بيطلع مروان وبدوا ياخد سيارتوا..

مروان: شو خير شبك واقفة..عم تستني حدا..

سحر:....

مروان:ليش هيك ما تردي علي عم احكي معك...

سحر: ياربي شبو هاد التاني ما عم يرد...
Telegram @rwayate
مروان:سحر لك انا يلي عم احكي معك...لا تقوليلي كلفة وما كلفة نحنا هلق برا الشركة يعني ما ألها داعي استازة سحر مو هيك...

سحر مطنشة مروان ع الأخير وهو عم يحاول بشتى الوسائل انو تجاوب معاه بس العبث ما كانت ترد علية فجأه بينتبه ع دولاب السيارة..

مروان: دولاب سيارتك منفس ولهيك معصبة اي طلعي لو صلك حسن ما ضلك عم تحاولي تتصلي عليه وهو ما عم يرد...

سحر: مروان روح من وجهي احسن ما يطلع كل عصبيتي فيك...

مروان: اي روقي بلا هالعصبية...اطلعي هلق وبعدين عصبي قد مابدك.

📚قصص||روايات||منوعة📚

rwayate

.هلق بتصل ع المصلح يجي ياخدلك سيارتك..

سحر: شكرا مافي لزوم...

مروان: عم قلك اطلعي انا ع الحالتين رايح ع بيتكن بدي أشوف ستي لاني كتير مشتقلها...

سحر:....

مروان:لك أطلعي احسن ما ضلك واقفة هون بشارع..وبعدين بيحكوا علي ويقولوا هالقليل الاصل ترك بنت عموا واقفة بالشارع ما ساعدها...

سحر بينها وبين حالها: ما أنت ع الحالتين قليل اصل...

مروان: يالله هلق متأخر ع الستي وبعدين بتقلق عليكي...

بتطلع سحر مع مروان بعد اقناع وبقيت طول الطريق وهي ساكتة رغم كل محولات مروان انو خليها تحكي...

مروان: شو بدك ضلي هيك ساكتة لا كلمة ولا كلمتين...

سحر: اطلع قدامك احسن ما تعملك شي حادث...

مروان: اطمني انا منتبه قدامي بس انتي ليش هيك قلبك قاسي ما عم تتحملي انك تشوفيني. او حتى تسمعيني...

سحر:....

مروان: شو بدك ياني اعمل حتى تسامحيني...

سحر: انك تسكت وطلع قدامك هاد احسن شي بتعملوا...

مروان: لا ستي ما راح اسكت حتى تقبلي تسمعيني اول شي...
Telegram @rwayate
سحر: وانا مابدي اسمعك شوهي بالغصب الشغلة..

مروان أستغل نقطة ضعفها لسحر..هي بتخاف من السرعة الزايدة من بعد ما توفى ابوها بحادث سيارة...زاد سرعتوا حتى يحط سحر تحت الامر الواقع وتخضع لطلبوا...

سحر: ليش هيك زدت سرعة...وقف عم قلك السيارة ...

مروان: يا ستي ما راح وقف حتى تقبلي انك تسمعيني...

سحر: مروان وقف السارة عم قلك والله أذا ما وقفت لزت حالي من هالشباك...

مروان: أذا بيطلع بأيدك لا تقصري...

سحر: لا تجنني عم اقلك وقف السيارة وانت بدك تروحنا...

مروان: ما راح اوقف لحتى تسمعيني...

سحر: راح اسمعك بس وقف السيارة...

مروان: ها هلق انتي عيني...

سحر: يالله خلصني شو بدك تحكي...

مروان: ماراح احكي قبل ما نمشي...

سحر: انت وين رايح هاد مو طريق يلي بروح ع الڤيلا...

مروان: بعرف بدي اخدك على مكان نحكي فيه على رواق من دون ما حدا يسمعنا...

سحر: مروان رجعني ع البيت...هلق

مروان : ما راح ارجعك قبل ما تسمعيني...

كمل مروان طريقوا برغم أصرار سحر على انو يوقف..وتجاهل حكيها كمل طريقوا...طلع ع طريق جبلي..

سحر: انت لوين رايح...ليش رايح بهاد الطريق...
Telegram @rwayate
مروان: بطلتي تحبي هاد الطريق...ما بتزكري قديش كنا نمشي فيو بسيارة..

سحر: انا مابدي اذكر شي يرتبطني فيك..

مروان: طيب متل مابدك...

وصلوا ع منطقة جبلية بطل على وادي كان مروان وسحر يجوا على هاي المنطقة لما بدهن يبعدوا عن العالم بقضوا وقت فيه بهدوء...

مروان: وهي وصلنا يالله أنزلي..

سحر: رجعني ع البيت...

مروان: شو ماعاد بدك تسمعيني...انزلي خلينا نحكي كلمتين ع رواق..

سحر: انت ليش جايبني ع هالمكان بضبط..انت شو بدك أعطيني من الاخر...

مروان: تعي شوفي ...محلا هالمكان أخ بس والله أشتقتلوا كتير واشتقت لقعداتنا هون ضحكنا زعلنا كلشي هون أشتقتلوا...

سحر: .........

مروان: لك بتذكري لما اجيت انا وأنتي لهون مرة ..وأجيت انا مزحت معك وعملت حالي اني وقعدت من على هديك الصخرة...وصرتي متل مجنونة مو عرفانة شو تعملي..ولما فقت وصرت ضحكت عليكي رحتي ابقيتي حردانة مني شهر كامل وانا رايح جاي بس بدي رضاكي...

سحر: هلق شو بدك...

مروان: اطلعي من سيارة حتى تعرفي شو بدي...

سحر: انا مابدي اطلع انا بدي ارجع ع البيت رجعني لو سمحت...

مروان: والله ما فكرتك لهدرجة عنيدة ما عم تتقبلي اي عذر مني...سحر انا مروان مروان شو نسيتي شو كنتي بنسبة لألي...

راح مروان بأتجاه سحر ومسكها من ايدها وطالعها غصب عنها من السيارة...

سحر: عم قلك تروك أيدي عم توجعني..

مروان: طلعي فيني...عم قلك طلعي فيني..

سحر: هاي طلعت شو بدك تحكي...

مروان: سحر انا بحبك وحبك لساتو بقلبي لأخر نفس...

سحر: ههههههههههه...عنجد ضحكتني وانا مو جاي عبالي اضحك...عم تقول بتحبني..
Telegram @rwayate
مروان: اي بحبك...مافيني اعيش من دونك افهميني سحر...

سحر: ليش انت شو بتعرف عن الحب لتحب اصلا...ليك انا برمي حالي من فوق هالجبل أهون علي انو ارجع أحبك عم تفهم مو انا يلي بنعمل فيني هيك مو انا...ولا تنسى اني مخطوبة وبحب خطيبي ولا يمكن ان احب غيروا...

مروان: انتي عم تضحكي على حالك...انتي ما حبيتي عماد ولا راح تحبيه...

سحر: غلطان يا عيني..عماد هو الشخص الوحيد يلي حسيت معوا بالامان هو كان سند قوي وقت ضعفي يلي بوقت ما كان في حدا بجنبي...

مروان: بس ما بتحبي متل ما كنتي تحبيني...

سحر: لك مروان انت انسان خلص بح طالعتك من حياتي نهائيا مالك رجعى لا بالمنيح ولا بالعاطل..يبدوا انو نقاشنا أنتهى وهي انا سمعتك وسمعتني لهيك رجعني ع البيت...

مروان: هاد اخر كلام عندك...

سحر: اي والله اخر كلام ما راح تراجع عنو...

مروان: طيب متل مابدك خلينا نرجع لكان...

يتبع..

📚قصص||روايات||منوعة📚

rwayate