ماشين بطريق هي عم تطلع من شباك السيارة وعم تزكر حياتها كيف كانت معو كيف هيك الدنيا جارت عليها ما صفي ألها حدا غير ستها...وكيف دخل عماد على حياتها فجأة وخطبها وهي عقلها وقلبها مع شخص تاني...بلحظات كان السيارة واقفة قدام الباب الرئيسي دخلوا ع الڤيلا ونزلت من السيارة وحملت كل أغراضها.. أنتبهت انو سيارتها مصفوفة تجاهلتها وكملت طريقها ع الڤيلا..ومروان وراها...دخلت ع الڤيلا وطلعت ع الطابق الثاني ألتقت فيها ستها وحضنتها بلهفة..
الست جهيرة: والله شغلتيلي بالي شو صاير معك...
Telegram @rwayate
سحر: ستي ما في شي بس...
بتنتبه بأنوا مروان وراها بوقف وبسلم على ستوا...
مروان: كيفك ستي ان شالله امورك وصحتك بخير...
الست جهيرة: بخير الحمدلله...انت كيف امورك ليش ما بتجي حتى اشوفك ستي..
مروان: والله الحمدلله...والله الشغل ماخد كل وقتي ما بيجي المسا مابعرف كيف بحط راسي وبنام ...
الست جهيرة: الله يعطيكن الف عافية....سحر كانت معك..
طلعت سحر عليه وحاولت ما تخليلوا مجال انو يحكي...
سحر: ستي كان عنا ضغط شغل كتير لهيك تأخرنا...وسيارتي تعطلت لهيك بعثتها ع البيت وجيت مع مروان لانوا حاب انوا يشوفك...
الست جهيرة: ليش عماد ما كان معك بشغل...اتصل علي لهون اكتر من مرة عم يسأل عنك قال موبايلك بيطلع خارج التغطية...
سحر: ليش عماد أتصل لهون...
الست جهيرة: اي اتصل اكتر من مرة ...ولهيك نشغل بالي عليكي...روحي اتصلي عليه وطمنيه عنك...
سحر: ماشي ستي..عن أذنكن..
طلعت سحر ع غرفتها رمت شنتتها ورمت حالها ع تختها وتفجرت من البكي..
سحر: واحد حقير تافه ولك فوق ما دمرتني ودعست على قلبي وتركتني جاي هلق ندمان...وقومي سحر قومي ومسحي دموعك ولا تخلي واحد متل مروان يرجعك ضعيفة...
Telegram @rwayate
مسحت سحر دموعها وسرحت شعراتها ودخلت ع الحمام غسلت وشها وتطلع ع حالها بالمرايا وتذكر الحكي يلي حكيوا مروان...ودموعها يلي أختلطت فيهن الكحلة تنزل ع خدودها متل الشلال...رجعت غسلت وجها ومسحت المكياج ورجعت عدلت المكياج من اول وجديد وغيرت تيابها لبست بنطلون جينز مع كنزة صوف..وسرحت شعراتها واخدت نفس ورجعت طلعت...كان مروان والست جهيرة لساتهن عم يحكوا...
سحر: شو مابدكن تتعشوا...
الست جهيرة: اي ستي قلت لزمردة تحظر العشا ألا ما تكون خلصت...
طلعت الست جهيرة على سحر وأستغربت من شكل عيونها حست انو مو طبيعية...
سحر: شبك ستي ليش هيك عم تطلعي علي...
الست جهيرة: أنتي متخانقة مع عماد شي..
سحر: لا أبدا مافي بينا شي...ليش ستي ليش عم تسألي...
الست جهيرة: لا ابدا ما في شي..بس أستغربت من عيونك كأنك كنتي بكيانة...
سحر: لا ستي شو بكيانة لا مافي شي من هاد...انا راح اشوف أذا جهز العشا ولا لأ
Telegram @rwayate
سحبت سحر حالها وطلعت مابدها ستها تلاحظ عليها اكتر من هيك ...مروان عم يحكي هو ستوا بالصالون...
الست جهيرة: شو ستي مابدي هيك اجوزك افرح فيك...لأيمت بدك تضل عزابي..صار عمرك 35سنة مو بقى لازم ألاقيلك عروس تناسبك...
مروان: أن شالله ستي ان شالله..عن قريب...
الست جهيرة: يعني في وحدة بالك ستي...
مروان: لحد الان لأ بس ان شالله بس يصير انتي اول وحدة راح يكون عندك علم...
الست جهيرة: ان شالله يا ستي ان شالله الله يبعثلك بنت الحلال...
بترجع سحر لعند ستها ومروان بتخبرهن ان العشا صار جاهز..
سحر: تفضلوا صار العشا جاهز..
الست جهيرة: يالله يا ستي قوم خلينا نتعشى...
بقوم مروان والست جهيرة ع الطاولة العشا..قعدوا الكل تعشوا سوا...كانتةنظرات حسام طول الوقت ع السحر..يلي حاولت ما تيجي عينها بعينوا...خلص مروان اول شي...
Telegram @rwayate
مروان: ان شالله دايما ستي..
الست جهيرة:ما أكلت منيح...
مروان: لا الحمدلله شو انا خجلان..
الست جهيرة: صحا وألف هنا يا ستي...
بقوم مروان بيدخل ع الحمام وبيغسل أديه وبيطلع بيرجع بيقعد بالصالون...وتلحقوا الست جهيرة وسحر...وبيطلبوا الشاي وبقعدوا الكل بيشربوا سوا...سحر قاعدة بجنب ستها وشاردة
الست جهيرة: اي ستي شو رأيك أجيب أغراضك وتجي تسكن عنا هاد البيت كبير وفيو كتير غرف مافي غير انا وسحر بصير كل يوم الصبح بتطلع انت وسحر ع الشركة..والله مننبسط فيك كتير...
مروان: ياريت ستي يا ريت بس بتعرفي انا مافيني انام برا بيتي هيك متعود...
الست جهيرة: اي بتتعود عنا مافيها الشي الشغلة...
مروان:لا ستي مابدي ياها هالشغلة...خايف تنزعج سحر من وجودي عندكم...
الست جهيرة: قال تنزعج قال....اسمعي سحر قال مروان خايف تنزعجي أذا سكن معنا بالبيت...
Telegram @rwayate
سحر:......
الست جهيرة: سحر...ستي سحر وين شاردة حبيبتي...
سحر: اي ستي عم تحكي معي...
الست جهيرة: اي كنت عم احكي معك..وين كنتي شاردة حبيبتي...
سحر: وين بدي أكون شاردة ستي ليكني عم اسمعكن...شو كنتي عم تقليلي ستي...
الست جهيرة: كنت عم اقنع مروان انوا يجيب أغراصوا يجي يسكن عنا...احسن مو ساكن لحالوا مافي حدا بيخدمو