الست جهيرة: والله وضع هالبنت مو عاجبني بالمرة حاس انو مخبيه علي شي وما بدها تحكيلي ياه… وفوق هاد كلوا عم تعب حالها بالشغل كتير ماعم ترحم نفسها أبدا…
مروان: ستي سحر قوية قد حالها مو بنت طايشة مو عارفة مصلحتها وين.. هي قدها وقدود وفيها تستلم أدارة عشر شركات ما راح تشوفيها غير عم تنجح بشغلها…
الست جهيرة: انا هاد يلي خايفة منو انو قوة الارادة يلي عندها والصبر يلي عم تصبروا… اخر شي يطيروا بلحظة ضعف… انت مابتعرف سحر قدي ياما مر عليها لحظات بتخلي الحجر يبكي عليها وهي ما هزلها شعرة… بس لما يتسكر باب غرفتها عليها هون بتصير وحدة تانية...
مروان: كيف بتصير وحدة تانية..
الست جهيرة: يعني بتصير تبكي وبكاها احيانا بوصل علي على غرفتي… كانت تخفي ضعفها ورا قوتها ولما تنفرد لحالها كان ضعفها ينتصر عليها… وكانت تحاول تخفف شي بسيط من حرقة يلي بقلبها…
مروان: كلو مني انا السبب كلشي يلي بصير مع سحر هلق انا سبب فيو… بس هي كمان ماعم تتقبل مني اي عذر…وما عم تنسى ابدا يلي صار
الست جهيرة: هالشي لا ذنبك ولا ذنبها كلو نصيب يا ستي وما تكونوا لبعض هي حكمة رب العالمين…كلشي مكتوب ومقدر…
مروان: لا راح احاول كل جهدي انو ترجعلي سحر لألي ولو كلفني حياتي كلها…..
الست جهيرة: لا تعذب حالك وتحط وعود...سحر ولا يمكن تتنازل يوم من الايام لأنسان جرحها او أذاها…
مروان: ليش هيك عم تسكريها بوجهي يا ستي… انا كنت ولازلت بحبها لسحر وما بتخلى عنها ستي ما بتخلى…
الست جهيرة: الله يهدي بالكن يارب انا والله مابكره ابدا انوا تكونوا لبعض بالعكس أمنيه حياتي اني افرح فيكنً… بس...
مروان: بس شو…
الست جهيرة: بس مشكلةِ…سحر مخطوبة وعماد سحر بحبوا بعض كتير ويمكن بأي وقت يجوزوا ..
مروان: بس هي مو مشكلة مو مشكلة أبداً…ان شالله راح اصلح كلشي وبأسرع وقت…وبكرا بتشوفي ستي…
الست جهيرة: ان شالله يارب الله يسمع منك…
يتبع….