📚قصص||روايات||منوعة📚

الجزء التاني:

قمر:و كل يوم؟

ام قمر:ايه

قمر:و عمو رجب ،ليش ما عم ينزل على شغلو ؟

ام قمر :ما عم يشتغل هالفترة بس عم يدور على شغل بس ما تجيبي هيك سيرة لابوكي

قمر:طيب

فكرة انو ابقى انا و اياه بالبيت فترة الصبح كل يوم كانت عاملتلي رعب ،تاني يوم قفلت الباب علي ،و فقت على صوت دقات باب غرقتي

رجب:قمر ...قمر افتحي الباب

قمر :خير ،بدك شي ؟

رجب:كان بدي تعمليلي قهوة

قمر:هلأ لتجي الماما هي بتعملك

رجب :قمر ما قلتلك اعتبريني رفيقك

قمر :عمو رجب انت متل ابي ما متل رفيقي

رجب:اممم طيب اعتبريني متل ابوكي

قمر:عندي اب

توقعت انو رجب بدو يكمل من محل ما وصل مبارح ،بقيت مقفلة الباب على حالي ،جعت و عطشت و انحصرت و هو كل شوي يجي على الباب و يدق علي و يطلب مني افتحلو حتى سمعت صوت امي ،فتحت الباب و طلعت استقبلتا و ما بينت على حالي ،فاتت على المطبخ لتطبخ و انا لحقتا

قمر:انا بدي ارجع عند ابي

ام قمر:ليش ماما ؟ما مبسوطة هون ،هلأ العصر منروح مشوار انا و اياكي

قمر:لا مبسوطة بس بدي ارجع حضر للبكالوريا ، حسيت انو ما معي وقت كتير و رح اطلب من ابي يسجلني معاهد بالصيفية احسن ما ضيع وقتي

ام قمر: انا ما لحقت شوفك منيح

قمر:برجع انشالله بس لاقطع مرحلة منيحة من الدراسة

ام قمر:طيب كملي الاسبوع على الاقل

قمر:خلص الاسبوع بكرا الخميس ،و انا حابة ارجع الخميس احسن من الجمعة

ام قمر:طيب ما رح اضغط عليكي

فتت ضبيت تيابي و تاني يوم الصبح عال 7نزلت انا و امي ،وصلتني على محطة القطار و راحت على وظيفتا و انا طلعت و رجعت لبيت ابي،كانت امي بينزعل عليا ،عايشة مع انسان استغلالي ،عايش على اكتافا ،هي بتنزل من الصبح للضهر على وظيفتا كرمال تصرف على البيت و هو بكون بهالوقت نايم ،بس كانت تعاسة امي من ايدا و من اختياراتا الخاطئة هيك كانت تقول ستي (ام امي)الله يرحما ،يمكن نقضي عمر كامل عم ندفع تمن قرار غلط اخدناه بساعة

رنيت الجرس ،فتحتلي ميساء،اول ما شافتني قلبت وجها

ميساء:شو جابك انت ،ما على اساس بدك تريحينا منك شهر

قمر:اي ما قدرت على فراقكن اكتر من اسبوع

سارة:اميييي اجت قمر ،اجت بالوقت المناسب ههههه

اجت مرة ابي نوال من المطبخ

نوال:ليش جاي بكير ؟

قمر:هيك

فوتت شنتايتي على غرفتي انا و غاصة ،بعد شوي لحقتني مرة ابي

نوال:اسمعي غيري تيابك و قومي معي عالمطبخ تساعديني ، جاينا اليوم خطابة

قمر:طيب

غيرت تيابي و قمت لساعد مرة ابي كالعادة ،اما ميساءو سارة ما تحركو من قدام المراية و هن عم يزبطو شعرن و مكياجن و يشوفو شو بدن يلبسو لهل المناسبة ،صارت الساعة 6انرن الجرس و راحت مرة ابي تفتح الباب بعد ما نبهت علي انو ما اطلع ابدا وانو موقعي المناسب هو المطبخ ،كرمال ما حدا يلمحني و يقلب عن خطبة بناتا ،اجو الجماعة و راحو ،اجاا ابي المسا و شافني و انبسط بشوفتي ،سألني عن سبب جيتي بكير و خبرتو انو كرمال بلش تحضير للبكالوريا و ما جبتلو سيرة عن تحرش زوج امي فيني ،راحو الجماعة يلي كانو جاين يشوفو ميساء و سارة و ما بقا رجعو ابدا ،سجلت معاهد بالصيفية لقوب حالي و بعد ما خلصت الصيفية انا رجعت لمدرستي و اخواتي رجعو على جامعاتن ،بعد شهر دخلت ميساء و سارة على غرفتي

ميساء:قمر تروحي معنا ؟

قمر:انا ؟لوين؟

ميساء:معزومين على حفلة عند رفيقتنا ببيتا

قمر:لا ما بدي ،بدي ادرس

ميساء: ما منطول ،ساعتين زمن بس

سارة:اذا ما رحتي معنا ،بابا ما رح يخلينا نروح

قمر:اها ،عم قول ما بالعادة بتعزموني

ميساء : بكرا الساعة 6كوني جاهزة ،ليكي هاي الحفلة كتير كلاس

قمر:شو يعني كلاس؟

ميساء:يعني كلها ناس من طبقات اجتماعية رفع كتير

قمر:ما رح روح معناها ،ما بحب هيك اجواء،عالم مختلفين عننا و انا ما بعرف حدا من رفقاتكن

ميساء: منعرفك علين بكرا ،مننبسط كتير

سارة:اذا بتريدي قمر ،ما رح ننسالك هالمعروف،بساعدك بحل وظائف مادة الانكليزي شو قلتي ؟

قمر:طيب

تاني يوم لبست بنطلون جينز و بلوزة عادية و حطيت مكياج ناعم ،فاتو الاتنين متل رية و سكينة اطلعو علي و بلعو ضحكتن

سارة:يلا رح نتأخر

نزلت انا و اياهن ،وقفنا تكسي و طلعنا ،اعطتو ميساء العنوان للشوفير ،بعد ساعة وصلنا على باب كبير خشبي مفتوح ،و شباب و بنات عم يطلعو و يفوتو من هالباب

ميساء:يلا انزلو

قمر:هاي الفيلا هو بيت رفيقتك

ميساء:يس يس

قمر:ليكي في شباب

سارة:الحفلة مختلط

فتنا على الفيلا و كان في بنات و شباب كتير و شي عم يرقص و شي عم يشرب و شي قاعد

قمر:شو هيدا ؟خلونا نرجع ،ما عجبني الجو ابدا و ما مرتاحة

مسكتني سارة من ايدي و فوتتني

سارة:فوتي قعدي هون ،هلأ منجي

قمر:وين رايحين؟

ميساء:على الحمام نزبط مكياجنا ما منتأخر

قمر:طيب ما طولو ما بعرف حدا هون

رجعو بعد ربع ساعة ،اطلعت فين

قمر:شو هيدا يلي لابسينو ؟ كتير قصار ،ولله ابوكن ليموتكن اذا شافكن بهالمنظر

ميساء: و مين رح يخبرو ،اكيد انت ما رح تخبريه و اوعى تقليلو انو الحفلة كانت مختلطة

قربت سارة على ميساء و همستلا بأدنا ،بعدين اطلعت فيني ميساء

ميساء:صحي قمر بدنا نعرفك على حدا كرمال ما ضلي لحالك و تتسلي ،مشي معنا

مشيت قدامي سارة و ميساء و انا لحقتن ،انا و عم اطلع بديكور الفيلا و بالبنات و الشباب يلي بالحفلة ،كان عالم تاني منشوفو بالافلام بس ،طلعو على الدرج

قمر:لوين طالعين؟

سارة:مشي هلأ

لحقتن انا و ما متململة ،فاتو على غرفة كان قاعدين فيا شباب و بنات و عم يشربو ،قربو ميساء و سارة لجنب شاب طويل و نحيف ،لون عيونو عسلي فاتح و بشرتو حنطية و لون شعرو بني فاتح ، كان قاعد ماسك بايدو كاس و بالايد التانية لافف صبية

ميساء:هاي امير

امير:هايات

ميساء:بدي عرفك على اختي

امير:هههههه بدا تعرفني على اختا ،ليش انا بعرفك الك انت بالاول

صار الكل يضحك حتى ميساء صارت تضحك بدل ما تنحرج من جوابو ،اطلع امير بسارة

امير:هاي هي اختك ؟

ميساء:لا ،هاي سارة .......قمر ،قربي تعي

اطلعت فيا لميساء و زورتا و قربت لعندا و همست بادنا

قمر:شو هالمسخرة مين طلب منك تعرفيني على شاب

ميساء:اسكتي

امير:هاي هي لكن

ميساء:ايه اسما قمر

امير:ما شايفا من قبل معنا بالجامعة

ميساء:ما بتدرس بالجامعة ،هالسنة بكالوريا

امير:اي و ليش جايبتيا على الحفلة ما قلت ممنوع اصطحاب الاطفال ،هاي لازم تكون نايمة بهالوقت هههههههه الصغار بنامو بكير

فتلت ضهري و بدي انزل ،وقفت بوجهي سارة

سارة:لوين رايحة ،طولي بالك

قمر:بعدي من طريقي بدي انزل

مسكتني من ايدي و قربتني لعند ميساء ،ميساء مسكتني من ايدي و دفشتني لعند امير

امير:بس ما مشكلة منغير شكل ،قومي ريتا من هون و خليا تقعد محلك

قامت البنت من جنبو ،مسكني من ايدي و شدني قعدني جنبو على الكنباية ،التفتت لوراي ،فجأة اختفو سارة و ميساء من قدامي ،دورت علين بنظري بالغرفة ما لقيتن ،جيت لقوم رجع شدني من ايدي و لفني و ريحة المشروب طالعة منو و قرب علي يبوسني ،دفشتو بعيد عني ،رجع قرب اكتر،ضربتو كف

قمر:العمى بقلبك ما اوقحك ، واحد غبي

عو من البيت ب لبس و بس تصيرو هنيك تغيرو لبسكن ،و الا رح خبر ابوكن

سارة :لك انت..

ميساء: اوك اوك ، معناها بكرا انا بسجل لتلاتتنا

كانت سارة بدا تنبحت علي بس مسكتا ميساء من ايدا و سحبتا برا غرفتي ،اجا نهار الجمعة و فقنا بكير الساعة 6الصبح ،حضرنا حالنا و طلعنا على نقطة التجمع ،طلعنا بالباص و طول الباص نحن و عم نغني و نزقف ،تعرفت على غيداء و هبة و مرام رفقات ميساء و سارة و كان في الن رفقات شباب بس ما خالطن ابدا،صف الباص و نزلنا على مطعم بالطريق العام بطل على وادي ،على الساعة 2 الضهر ،كنت قاعدة مع رفقات ميساء و كانو سارة و ميساء عم يرقصو على الطبلة اجت سيارة حمراء حاطة اغاني بصوت عالي ، شحطت و صفت ورا باص الجامعة

غيداء:شوفو مين شرف؟

مرام:امير!

انا وقت سمعت اسمو ،هبط قلبي ،التفتت لورا ،شفتو عم يسلم على بنات و شباب،غيرت محلي و تخبيت ورا مرام

هبة:ما بينطاق

قمر:شو مشكلتو ؟

مرام:هههههه كل المشاكل فيه ،شغل بنات و شرب و مدلل زيادة و بتاع كلو

قمر:عنجد

هبة:ايه ،و ما حدا برافقو الا على مصرياتو بس

قمر:و ميساء و سارة بيعرفو هالشي ؟

هبة:طبعا كل بنات الجامعة بيعرفوه لامير و شلتو ،صيتو العاطل سابقو

قمر:اممم

صفنت بالارض انا و عم فكر بميساء و سارة و حقارتن انو عرفوني على هيك شاب بهيك مستوى ،بقيت متخبية ورا مرام ،اجت صبية بعد شوي لعنا و حاملة معا علب كولا

مجهولة :تفضلو هيدول الكن

هبة:بس نحن ما طلبنا كولا

مجهولة:هدول ضيافة على حساب امير

مرام: ،عم يوزع للكل يعني،شو المناسبة؟

مجهولة:لا ما للكل بس الكن

اطلعنا عليه لامير ،اشرلنا بأيدو هو و مبتسم،انا درت وجهي فورا و عرفت انو شافني

هبة:طيب ،خدي قمر

قمر:لا انا ما بدي ،ما بحب الكولا

هبة:شبك قاعدة هيك

قمر :ولاشي ولاشي ،بدي روح على الحمامات

هبة:بتعرفي محلن

قمر:لا بسأل و بدور

قمت عن الكرسي و مشيت بعيد عن الطاولة و عن امير و شلتو يلي كان صوت ضحكن عالي و ملفت للنظر ،شفت صبية و سألتا عن الحمام ،دلتني و تابعت طريقي،كان الحمام منفصل عن المطعم و بعيد عنو مسافة 50 متر ، فتت غسلت وجهي مرتين و فتت على التواليت ،انا و طالعة شفت امير بوجهي

امير: قمر ،اهلين ولله ،ما طولتي الغيبة ابدا

تجاهلتو و قربت على المغسلة لغسل ايدي

قمر:هيدا تواليت للبنات ،كيف بتفوت لهون الا اذا حاسب حالك علينا!!

امير:بفوت لمحل ما بدي ،و بعمل يلي بدي اياه

مسكني من ايدي و لزقني بالحيط

قمر:بعد عني احسن ما ارجع اضربك كف تاني ،لانو شكلك نسيتو للاول

امير:جربي و شوفي

قمر:بعد من طريقي احسنلك

امير:لا ما حذرتي ،هادا الكف يلي ضربتيني اياه بنص بيتي رح تندمي عليه كتير و حسابو عسير

قمر:طيب..اسمع ... انا...بعتذر بس انت يلي حجتني اعمل هيك

امير: هادا الاعتذار وين بصرفو ؟

قمر:اصرفو محل ما بدك و بعد هيك من طريقي

رحت لافتح باب الحمام ما انفتح معي

قمر:انت مقفلو ؟

امير :ايه

قمر:اذا بتريد افتحو

امير:ما حابب افتحو هلأ

كان عم يحكي ببرودة اعصاب و انا كانت اعصابي عم تنهار شوي شوي،صرت خبط على الباب و نادي ميساء و سارة

امير:ما حدا رح يسمعك

قمر:اذا بتريد افتحو ......افتح الباب هلأ

امير:بفتحو بس بشرط

قمر:شو هو؟

امير:تعي اعتذري مني

قمر:اعتذرت

امير:لا هيدا ما اعتذار

قمر:لكن ؟

امير:قربي لعندي و بوسيني هون

.قمر:عنجد انك واحد بلا اخلاق متل ما بيحكو عنك ،و لو بدي ابقى مزروبة هون بقية النهار مستحيل اعمل يلي بدك اياه

قرب لعندي لناحية الباب

امير :و مين انت لتحكي معي بهالطريقة،مين مفكرة حالك انت عارفة حالك مع مين عم تحكي

قمر:اي عارفة ، عم احكي مع ولد صغير مدلل و من كتر الدلال منزوع و مفكر اي شي بدو اياه بيحصل عليه .انت..

رجعت سكتت و بلعت باقي الحكي انا

قمر:افتح الباب ..اذا بتريد

سمعت صوت برا حدا جاي على الحمام ،بعدين صارت مسكة الباب تتحرك

ميساء:قمر انت هون ؟

قمر:اي هون ،و معي امير ،امير حابسني

امير:روحي ميساء،هلأ بعد شوي منطلع

قمر:ميساء ما تروحي حكي حدا يجي يفتح الباب


ميساء:امير ،نحن ضبينا اغراضنا و باص الجامعة بدو يمشي

امير:اي ساعة رح ترجعو عالبلد ؟

ميساء:عالسبعة

امير:اي خلص ،انا برجعا لاختك معي ،بتصل فيكن و بلاقيلكن

قمر:ميساء وينك ما تردي عليه هادا واحد مجنون ..ميسسساء ....وين رحتي ....ميساء ارجعي لهون ...ولله لقول لابوكي ....ميسسساء ...ما تتركيني

راحت ميساء و تركتني مع امير محبوسة بالحمام ،قعدت على الارض و سندت ضهري على الباب ،كانت ريحة الحمام بتدوخ و بتلعي النفس

قمر:مبسوط انت يعني بهالريحة ؟

امير:ما شامم شي

الجزء التامن:
بقيت المرة عم تحكي و تعطينا مواعظ نحن عم نهز راسنا ،بالاخير ادارك الموقف امير حتى يسكتا و مسك كل التياب عن العليقة و اخدن و راح على الكاشير ،جيت لاشلح الفستان و ارجع البس تيابي ،ما شفتن ،شقيت الباب شوي

قمر:اميرررر...اميررر..تبا لك رجعلي تيابي ...امير وينك

طلعت من غرفة المقاس انا و حافية ،شفتو عم يحاسب ،نادتلو بصوت واطي ،التفت علي

قمر:اميررر اخدتلي تيابي

امير:اه يلا.. ليكن

مسكن و اجا لعندي

امير:تفضلي ،كيف طالعة حافية القدمين هيك ، احترمي حرمة المكان على الاقل هههههه

قمر:هات لهون ،كانو حدا اعطاها ميكرفون و قلا اعملي خطبة بالاخلاق

لفيت و ضهري و مشيت

امير: يا ربي دخيلك ..قمر قمر

قمر:ايه

امير:كنت عارف انو هالفستان رح يطلع بجنن عليكي كأنو اتفصل الك

حطيت ايدي على خصري

قمر:انت جايبني لاشتري لاهلك الا لتبصبص علي بهيك فستان

امير:ههههههههه اكتر شي بيعجبني فيكي صراحتك الدج ،ما في كنترول على لسانك

لبست تيابي و طلعنا من المحل ،فتح باب سيارتو لاطلع فيا

قمر:انا برجع لحالي

امير:طيب ماشي ،صرت حافظك منيح و ما رح جادلك ،رح وقفلك تكسي كرمال ما ترجعي بالباص

وقفلي تكسي و حاسبو و طلعت و رجعت على البيت ،تاني يوم اجت ميساء من الجامعةو فاتت عندي

و حاملة معا كيس

ميساء:هيدا من امير الك

قمر:الي انا

فتحت الكيس ،كان فيه الفستان الاسود يلي اشتريناه لبنت عمتو

ميساء:واو حلو كتير ،ولله عم تعرفي دبري حالك معو و تقشطيه منيح ،بس هو امير هيك بيسخى كتير على البنت يلي حابب يتسلى معا

قمر:بالله ،اي خديه من وجهي و رجعيلو اياه و قليلو هديتك مرفوضة

ميساء:انا باخدو ،ما بيلبقلك النعمة

قمر:لا رجعيلو اياه،بخاف يفكر اني قبلتو و هو بيعطيكي اياه لحالو و بعدين اذا كل هالقد شايفة امير نعمة ليش ما بترافقيه انت

ميساء:هههههه انا و امير ،يا روحي انا بدي شاب غني بس يكون راكز ما متل امير صايع و بيشرب و كلو مشاكل ،و كل يوم مع بنت شكل و ما بتهدى البنت معو شهر و بغير عنا ، و الو 6سنين بالجامعة لهلأ ما عرف يتخرج ،ايييه و انت كمان ما تنخدعي فيه كتير و يصير فيكي متل ما صار بغيرك ، بيقعد معك شهر زمان و بعدين بقلك الله معك

قمر:بفهم من حكيك انو صار معك هيك انت كمان

ميساء(مرتبكة):انا ...لا ...ابدا

قمر:اممم ،طيب معناها رجعيلو الفستان و اذا اتصل فيكي ليحكي معي قليلو ما بدا تحكيك

ميساء:ما دخلني انا ،انت قليلو هالحكي

قمر:ليش؟بتخافي منو مثلا

ميساء:لا ليش لخاف

قمر:كيفا سارة مع ابن عمتو؟

ميساء:منيحة ،ما شكلو كتير بيفرق عنو كتير يلا انا طالعة و انت ادرسي

طلعت ميساء من غرفتي بعد ما رمت كل هالحكي قدامي و تركتني بصراع مع افكاري حتى ما بقا عرفت ادرس ابدا بهديك الليلة ، نمت انا و عم فكر بأمير و شخصيتو غير المتزنة و اخدت قرار انو ابعد عنو و ابعد عن اي مناسبة او فرصة ممكن تجمعني فيه لانو هيك شاب بضل ورا االبنت ليحس حالو انو ملكا و بعدين بيتركا و بدور على غيرا ،بعد يومين فاتت ميساء لعندي هي و حاملة موبايلا

ميساء:امير على الخط

اخدت الموبايل منا و سكرت الخط بوجهو

ميساء:شو عملتي يا هبلة

قمر:ما بقا بدي احكي معو و ما بدي اياه يسمع صوتي ابدا ،هيك خبريه

رجع رن موبايلا ،اعطيتاه و طلعت من غرفتي ،تاني يوم انا و طالعة من المدرسة ،شفتو واقف قبال الباب ،بعدت نظري عنو و تجاهلت وجودو ،مشيت انا و رفيقتي ،هي طلعت على بيتا و انا تابعت لحالي ،لحقني بالسيارة و صار يناديلي ،عملت حالي ما شايفتو و رجعت على البيت ،تاني يوم انا و رايحة على المدرسة الصبح الساعة 7،كنت ماشية بالشارع ،حدا مسكني من ايدي و دخلني على شارع ضيق

قمر:رعبتني هيدا انت ،شو فايق بكير اليوم

امير:شو قصتك ؟ مغيرة التردد هالفترة و ما عم تردي على اتصالاتي

قمر:بصفتك شو بدي رد عليك

امير:.....

قمر:لتكون مفكر عنجد انو انا صاحبتك ،اطلع من حياتي و ما بقا تتعرضلي بهالطريقة ،انا مستحيل رافق انسان هامل فاشل متلك ، غير مسؤول و ولد صايع من بنت لبنت ،اصلا البنات هن يلي بتسلو فيك ما انت و مرافقينك على مصرياتك ما على اخلاقك و هضامتك

امير:كل هدول انا ؟

قمر:و...كسلان كمان ،الك 6سنين بالجامعة و ما تعرف تتخرج ،بكرا بفوت انا عالجامعة و بتخرج قبلك و انت بعدك عم ترسب او تنجح شحط

مسكني من ايدي

قمر:مرحبا

امير:اهلين

قمر؛يلا فاتن ما بدك ترجعي عالبيت

فاتن:يلا هلأ شوي تانية ،ارجعي لحالك اذا مستعجلة

قمر:لا ما مستعجلة

زتيت كتبي على الطاولة و سحبت الكرسي و قعدت

قمر:ايه شو كنتو عم تحكو ؟

امير: كنا عم نحكي على الجامعة بشكل عام

قمر:اييه ؟

فاتن:كان امير عم يعرض علي مساعدتو اذا لقينا صعوبة بشي مادة

قمر:ايوا و حضرتك بتساعد الكل الا حسب المستويات ؟

امير:..لا ما الكل و لا حسب المستويات ،يعني بما انك اخت رفيقتي يعني و فاتن رفيقة اخت رفيقتي ،قلت يعني اعمل معروف هيك لوجه الله

قمر:انت اخر واحد ممكن يساعدنا ،روح اتخرج بالاول

امير:و مين قال اني ما اتخرجت ،اصلا انا اليوم جيت على الجامعة لاشتغل باوراق التخرج

قمر:اي منيح و اكيد معدلك شحط

امير:ماشي انسة فاتن تشرفت بمعرفتك و رقمي صار معك ،منحكي يلا سلام

قام عن الطاولة و هو عم يزورني و دفش الكرسي بعصبية و راح

فاتن :ليش حكيتي هيك معو ؟

قمر:هيك ،هالشب ما تعطيه عين ابدا ،صيتو ما كويس بالجامعة ابدا،من بنت لبنت

فاتن:ما شكلو هالشكل

رجعت على البيت اانا و مدايقة ،فتت لعند ميساء لاسالا عن امير و اذا فعلا تخرج

ميساء:امير ؟وين شفتيه؟

قمر:عنا بالكلية

ميساء:ولله !اي سمعت تخرج الفصل الماضي

قمر:سمعتي؟ليش ما بعدكن رفقات و على تواصل

ميساء:لا ،هو مدري شو صرلو ،الو سنة ما بقا حكى او وقف مع اي بنت من الجامعة ،صار شايف حالو كتير و بحالو ،ما كتير بخالط حدا حتى مرة نادتلو ،عمل حالو ما سامعني

قمر:غريب ،شفتو قاعد مع رفيقتي فاتن اليوم و عرض عليا يساعدا بالمواد

ميساء:عنجد

تاني يوم نزلت على الجامعة و وقت طلعت شفت ميساء بكليتي ،اجت سلمت علي و قربت على ادني

ميساء:دليني على رفيقتك فاتن

قمر:ليكيا هاي ام البلوزة الموف

ميساء:هاي هي ،ما حلوة ابدا ،شو عجبو فيا

قمر:قصدك على امير و اعطاها رقمو كمان

ميساء:عنجد ،رقمو القديم غيرو من زمان ،جيبيلي رقمو منا

قمر:ما دخلني ،حلي عني،قليلا لسارة تجبلك اياه من ابن عمتو

ميساء :سارة و وفيق تركو من زمان ،اذا بتريدي قمر

قمر:ما دخلني

تركتا و رحت لعند رفيقتي فاتن ييلي كانت واقفة مع بنات من دفعتنا ،وققنا شوي و دخلنا على الكافتريا

فاتن:لحظة جاي انت سبقيني و قعدي بشي طاولة

قمر:وين رايحة؟

فاتن:فايتة زبط حالي شوي ،جاي امير يشوفني

قمر:ولله،طيب

فاتت فاتن على الحمام و انا سحبت كرسي و قعدت و انا عم هز رجلي

امير:هلوووو ،انشالله كون ما طولت

قمر:لا جاي بكير ،هلأ شوي تانية و بتجي

امير:مين ؟

قمر:فاتن

امير:اه ..فاتن ..،ايه كيفك انت ؟

قمر:تمام لحمدلله ما كان ناقص نهاري الا شوفتك بس و هاي شفتك هلأ (مبتسمة)

امير:اي منيح و انا بلش نهاري هلأ ،شو بتشربي؟

قمر:امير بعد عن رفيقتي ،فاتن بنت طيوبة و بتصدق بسرعة ،شفلك بنت تانية تتسلى معا

امير:انا ما عم اتسلى و بعدين ما تحكي نيابة عن رفيقتك ، هي ادرى بمصلحتا

قمر:اممم بس هي لو بتعرفك شو انت ما كانت اخدت و اعطت معك

امير:ايه و مين انا ليش !!،الناس بتتغير الا انت من سنة لهلأ ما تغير فيكي شي الا لسانك باقي و يتمدد مشالله

قمر:اي و مبسوطة بحالي هيك

امير: طيب

رجع ضهرو على الكرسي و انا فتحت موبايلي و صرت العب فيه

امير:ايمت جبتي موبايل ؟

قمر:اول ما فتت على الجامعة ،ها اجت فتونة ،بتحبو اتركن لحالكن

امير:متل ما بدك

قمر:طيب انا قايمة

قمت وقفت و اطلع فيني امير

قمر:بس راجعة (مبتسمة)..بدي جيب كولا و سندويشة بطاطا

امير:اقعدي انا بجبلك

اخدت جزداني و بقيت متابعة ،شفت فاتن بوجهي ،ابتسمتلا و تابعت طريقي ،وقفت على الدور ،كان في شاب واقف قبلي ،دار وجهو و اطلع علي

الشاب:تفضلي

قمر:لا ما في مشكلة بنطر على الدور

الشاب:انت رفيقتو لامير ،شفتك قاعدة معو مبارح

قمر:ايه تقريبا هو رفيق اختي يعني ،انت رفيقو ؟

الشاب:لا انا ابن عمو ؟اسمي باسل

قمر:تشرفنا و انا اسمي قمر

اجا دورو لباسل ،فتل وجهو لعندي

باسل:اكام وحدة بدك ؟

قمر:وحدة ،انا بجيب اذا بتريد

باسل:خلص خليا علي هالمرة و المرة الجاية دورك ،انت اي سنة بتدرسي تجارة و اقتصاد ؟

قمر:اولى

باسل:انا تالتة بس كنت ادرس بغير محافظة و هالسنة نقلت لهون ،تفضلي

قمر:يسلم ايديك بس خلي الكولا علي

باسل : طيب ماشي

سبقتو لباسل و فتحت البرا

الجزء العاشر:

باسل :من ربع ساعة ،التقينا على دور السندويش و قلتلا انو انا ابن عمك

قمر:شايف على هالصدفة الحلوة

امير:ايه شايف ،مسحي تمك من المايونيز ،كرهتوني سندويش البطاطا

اكلنا السندويش انا و باسل ، و امير و فاتن قاعدين عم يحكو مع بعض ،قمت غسلت ايدي و رجعت ،ضبيت كتبي على بعضن

قمر:يلا عن اذنكن انا بدي امشي

باسل:ما بقي عندك محاضرات اليوم ؟

قمر:لا خلصت

باسل:كنا اطلعنا سوا بس انا لسا عندي محاضرة

قمر:ما في مشكلة يسلمو عالسندويشة يلا سلام

تركتن و رجعت على البيت ،المسا اجتني مسج

مسج:انا ما كنت بعرف انك بتتعرفي على الشباب بدور السندويش ،ما حلوة هالحركة لبنت متلك عاملة حالا ما بتغلط ابدا او يمكن لانو عرفتي انو ابن عمي لهيك تمسكتي فيه ،اسلوب رخيص

عرفت انو هالرسالة من امير ،رجعت اتصلت فيه

قمر:انت من وين جبت رقمي ؟

امير:جبتو من ابن عمي

قمر:بس انا ما اعطيتو اياه لابن عمك

امير:اه بالله توقعتك عاطتيه اياه ،ما بستغرب يعني

قمر:التزم حدودك و عن اي اسلوب رخيص عم تحكي !مين يلي استغل معرفتنا ببعض ليتقرب من رفيقتي ،ما بقا ترجع تتصل فيني ...

امير:انت المتصلة ما انا هههههه

قمر:اووووف طيب

سكرت الخط بوجهو انا و متوترة و عم قرمط بأظافيري ،تاني يوم ما رحت على الجامعة بس خبرتا لميساء انو امير عم يروح يشوف فاتن تقريبا كل يوم حتى تروح و تقعد على قلبن ،بقيت ناطرة كل النهار لترجع ميساء و اسمع منا شو صار

ميساء:ما قعد معنا عشر دقايق و رايح

قمر:اوف ليش؟

ميساء:عندو شغل ،بس متغير كتير ،مقلوب 180درجة متل ما قالو ، كأنو انسان تاني ،بتعرفي اانا عم حس انو امير صار فارس احلامي

قمر:نعم .....يلا تصبحي على خير

فتت على غرفتي انا و عم احكي مع حاالي

قمر:هلأ الكل صار حاببو و بدو اياه

بعد يومين رحت على الجامعة انا و طالعة من المدرج شفت امير واقف مع ابن عمو باسل ،اشرتلو بأيدي من بعيد ،انتبه علي امير و مشيو لعندي

امير:وين فاتن ؟

قمر:جوا

امير:جاي اعزمكن على حفلة تخرجي

قمر: اي هلأ بتطلع فاتن و اعزما

امير:العزيمة الكن انتو الاتنين و عزمت اخواتك سارة و ميساء

قمر:انا ما بروح على حفلاتك

امير:الحفلة هادية و منظمة ما متل حفلة هديك السنة ورح يكون فيا قرايبيني

باسل:و رح كون انا كمان موجود

قمر:اممم مبروك التخرج على كل حال ،يلا انا رح امشي

تركتن و مشيت ،سمعت صوت امير وراي

امير:قمر لحظة شوي

قمر:ايه

امير:اوعى تكوني عم تفكري انك ما رح تجي

قمر:المهم فاتن جاي

امير:اذا بتريدي ،تفضلي هاي كرت الدعوة و ناطرك ،ما بتكمل الحفلة بلاكي و بدي عرفك على عيلتي و اذا ما جيتي بوعدك ما بقا تشوفي وجهي بحياتك

قمر:...

اخدت الكرت منو و طلعت من الكلية ،رجعت على البيت انا و عم حط العشا،فاتو ميساء و سارة لعندي

ميساء:شو انعزمتي على حفلة امير؟

قمر:ايه

ميساء:قال ابوه بدو يكون بالحفلة و ما رح تخلص الحفلة قبل ما يكون امير مختار شريكة حياتو

سارة:بدك تروحي؟

قمر:اي هيك عم فكر

ميساء:و فاتن؟

قمر:اكيد رايحة

طلعو الاتنين من المطبخ هن و عم يتهامسو،بعد يومين اتفقنا انا و فاتن انو نروح على الحفلة و اتفقنا نلتقي هنيك ،نفس ليلة الحفلة ابي و مرة ابي راحو يسهرو عند اهليتا لمرة ابي و نحن بقينا نتجهز للحفلة ،انا و عم حط اللمسات الاخيرة على شكلي،سمعت باب غرفتي عم يتقفل و صوت ميساء و سارة عم يضحكو ،ركضت على الباب لافتحو ،شفتو مقفل ،خبطت على الباب

قمر:افتحي الباب انت و اياها

ميساء:الحفلة للكبار و انت صغيرة ،روحي اشربي حليب و نامي

قمر:ليرجع ابوكي بدي قلو انو قفلتو الباب و ما اخدوني ،ما بيرضا تروحو لمحل من دوني

سارة: ههههه اطمني خبرتو امي انو راسك عم يجعك و ما بدك تروحي و اكيد ما رح تكذبي امي ،يلا سلام

قمر:افتحو الباب ...ميساء...سارة

.طلعو من البيت و انا بقيت مقفل علي بالغرفة ،مسكت موبايلي و اتصلت بميساء و سارة،ما ردو علي ، بعد.تردد اتصلت بأمير

امير:ما رح تجي؟

قمر:لا انا كنت ناوية اجي بس انا بعدني بالبيت

امير:ايه؟

قمر:بغرفتي .....ومقفل الباب علي

امير:مقفل؟

قمر:هاي سارة و ميساء قفلو الباب علي و راحو

امير:ههههههههههه

قمر:انا ما دقتلك كرمال تضحك علي ،دقتلك كرمال قلك سبب عدم جيتي

امير: وينن اهلك ؟

قمر:سهرانين عند اهلا لمرة ابي

امير :طيب المفتاح وينو ؟ مع اخواتك الا بالباب؟

قمر:لحظة لشوف

رحت اطلعت من فتحت الباب ،كان المفتاح بالقفل

قمر:المفتاح با

لقفل

امير:اوووه ،طيب رح حكي ميساء هلأ بس تصل و قلا ترجع تفتحلك الباب

قمر:لا ما تقلا لانو ما رح ترجع ،رح غير تيابي و نام ،و انشالله تكون حفلتك حلوة و مبروك مرة تانية التخرج

امير:الله يبارك فيكي ،يلا انا بدي سكر لاستقبل ضيوفي

الجزء الحادي عشر:

سكر الخط ،قعدت على التخت و حطيت ايدي على خدي و بعدين قمت غيرت تيابي و لبست بجامتي و فتحت موبايلي و بلشت العب بالالعاب ،كنت رح اغفى و نام بس سمعت صوت حركة بالبيت ،قمت مرعوبة

قمر:ميساء ؟

نزل قاطع البيت و صارت الغرفة عتمتة و انا خفت كتير

قمر:مين هون ؟..سارة ..بلا غلاظة ،انا بخاف كتير من العتمة

قربت على الباب و سلطت ضو موبايلي على ازاز الباب ،شفت خيال واحد طويل ،صار يفتح الباب بس ما انفتح معو بعدين بلش يدق بأصابع ايديه على الباب،انا رجعت لورا و صارو رجلي يطرقو ببعضن من الخوف

قمر:مين واقف برا الباب ! ياا امي

دورت بالموبايل على سجل المكالمات و حطيت على رقم ميساء لاتصل فيا انا و عم ارجف،طلع خالص رصيدي ،رجع يخبط على الباب انا فرطت اعصابي

قمر:ميساء بلا هالسخافة و شغلي الضو و افتحي الباب بعرف انو انت

مجهول :انا الغووووول جاي ياكلك

قمر:......امير

امير:ههههههه لكن مين

بعد عن الباب و راح رفع قاطع الكهربا و رجع

قمر:موتتني رعبة ..مجنون...كيف فتت لهون ...اذا ابي رجع و شافك شو بدو يفكر

امير: قلبت من مطلع الدرج على برندتكن بس ما بعرف افتحلك الباب الا اتركك محبوسة جوا

قمر:لكن ليش تركت حفلتك و جيت لهون اذا متردد اطلعني

امير:جيت رعبك شوي بس رح افتحلك الباب بس بشرط

قمر:انت ما بتعمل عمل خير لله الا كلو بمقابل ؟

امير:اي صح ،قولي انك بتحبيني

قمر:....ما رح قول و ما تفتحلي الباب اصلا ،ما رايحة على حفلتك ،غيرت تيابي

امير:معناها خليكي محبوسة جوا

قمر:اي بضل و انت اطلع من بيتنا هلأ

فتح الباب و هو عم يقلي منعمل خير و منكب بالبحر ، اطلع فيني انا و لابسة بجامة

امير:هههههه شو هالمنظر يا عمو ،كتير شكلك ناعم و صغيرة بالبجامة ،هاي غرفتك ،صغيرة كتير ..يلا رح انطر برا بتكوني رجعتي لبستي تيابك

قمر:ما رح روح

امير:معناها انا بقيان هون عندك و هاي قعدة

قمر:طيب ماشي ،اطلع

امير:لوين؟

قمر:لبرا،كرمال غير تيابي

امير:اه ،خلص غيرين قدامي ،ما نحن اخدين وجه على بعض و هيكا ههههه

قمر:اطلع اطلع

سكرت الباب و لبست بنطلوني الجلد ال و طلعت

قمر:يلا

امير:تيابك هدول حلوين كتير

قام امير و راح على الباب الخارجي يفتح الباب ،قام سمعنا صوت الجيران واقفين على الدرج عم يحكو و يقولو في حرامي فات على بيت ابو البن نجيب ،مسكت الباب و سكرتو بسرعة

قمر:الارامل التلاتة شافوك و انت عم تقلب على البرندا و فكروك حرامي

امير:الارامل التلاتة !

قمر:ههههه اي هيك اسمن ،3نسوان اعمارن بال 65سنة بضلو مع بعض و عم يراقبو الناس

امير :يييي على هالورطة ،كيف بدنا نطلع من هون،افتحي الباب و انزلي قبلي و انا بلحقك

قمر:و كيف بدك تنزل وراي ،رح يشوفوك

امير:اطلعي انت و احكي معن و ،بكون انا قلبت من البرندا

قمر:ما بعرف اذا بتزبط

فتحت االباب و شفتن واقفين على مطلع درجنا و حاملين عصايات القشاطة و مستنفرين ،كانو طالعين متل الساحرات الشريرات

قمر:مسالخير

ام توفيق:قمر في حرامي عنكن بالبيت

قمر:حرامي!!!

ام نبيل:انا شفتو بعيوني

قمر:لا خالة ما في حدا

ام سعد:وينا نوال ؟

قمر:عند اهلا

فتلت وجها ام نبيل لعند ام سعد

ام نبيل:ام سعد خليكي هون و انا و ام توفيق منطلع نتفقد البيت

ام سعد:انت خليكي هون و انا بطلع مع ام توفيق

ام نبيل :لا انت خليكي هون

ام توفيق:خلث يووووو،اطلعو انتو الاتنين و انا ببقى هون

طلعت ام نبيل و ام سعد على الدرج هن و عم يعكزو على عصاية القشاطة ليفوتو على البيت و يتفقدوه،قبل ما يوصلو على باب البيت ،نط امير من برندة البيت على برندة مطلع الدرج ،طلعت بوجهو ام توفيق ،مسكتو ام توفيق من قميصو و امير عم يحاول يفلت من ايدا ،ترجع تسحبو

ام توفيق:ليكو...هيو ...لقطتو...نزلو

امير:خالتي انت فهمانة الموضوع غلط

ام توفيق:لخلي االعثا تعلم على جنابك

ام نبيل:هادا هو ،انا بقلكن شفت حرامي ،نظري بعدو صاغ سليم

بلشت ام توفيق تضربو لامير بعصاية القشاطة على قفاه و نزلت ام سعد و ام نبيل كملو عليه بعصايات القشاطة هن و عم يسبوه و انا عم حاول فك بيناتن ،فلت منن و نزل ركض على الدرج هو و عم ياخد من رجلو و متبهدل على الاخر و نزلو وراه الارامل التلاتة ليكملو عليه و انا لحقتن ،طلعنا على الشارع ما شفناه لامير ابدا

ام توفيق: هادا احد......لو ابو توفيق بعدو عايش كان طلعو محمل من البناية

ام نبيل:خخخخخخ قال ابو توفيق ،زوزي ابو نبيل كان اكلو بسنانو

تركتن عم يحكو عن بطولات ازواجن يلي جلطن و موتن و رحت دور على امير ،وقفت على الشارع الرئيسي ،شفت سيارتو ،رحت لعندو ،دقيت على ازاز الشباك ،ارتعب

قمر:ه

الجزء الثاني عشر:

قمر:بدك اعادة صيانة قبل ما تفوت على الحفلة

امير:اكيد ،العمى على الحظ انا اكل قتلة بهيك يوم ،كلو بسببك،عملت فيا بطل و جيت لانقذك

قمر:بستاهل انا

رحنا على الحفلة و عرفني امير على ابوه و عماتو و اولادن ،شفت ميساء و سارة بالحفلة ،شافوني و تغير لونن ،انا ابتسمت بوجهن و درت وجهي ،بعد شوي اجت فاتن و ميساء

فاتن:امير وينك لهلأ ؟

ميساء: رح شك انو الحفلة الك

امير:ليش الحفلة الي هههه

فاتن:كيفك قمر؟

قمر:لحمدلله

قرب علي امير

امير:شو رأيك نهرب من هون ؟

قمر:لوين؟

امير:انا رح اسبقك و اطلع على الدرج و انت الحقيني بعد شوي ،عن اذنكن؟

ميساء:لوين؟

امير: دقايق و برجع

غمزني امير و سبقني لفوق و انا لحقتو بعد شوي،طلعت على الدرج ،شفتو ناطرني على راس الدرج

امير:صاير ما عم حب هالضجة

مسكلي ايدي

قمر:لوين !

امير:على القمر

طلعت انا و امير على البرندا ،كان القمر مكتمل

امير:انطري هون شوي بدي فرجيكي شغلة

قمر:طيب

راح و رجع بعد 5دقايق و ماسك بايدو صندوق

امير:احذري شوفيه؟

قمر:ما بعرف ،افتحو

فتح الصندوق و طلع فيه فردة سكربينتي يلي فلتت من رجلي من سنة انا و طالعة من بيت امير

قمر:هههههه لهلأ محتفظ فيا

امير:بس ما تكوني كبيتي الفردة التانية

قمر:لا ،هلأ باخدا انا و رايحة

امير:لا هاي بدا اضل هون

طلعنا ببعض نحن و ساكتين

امير:انت حلوة كتير متل هيدا القمر يلي فوق ،فتي على حياتي و ضويتيلي اياها

قمر:.....

امير:قمر انا ...انا ..

ميساء:قمررررر .

سارة:قمرررر

قمر:هدول اخواتي

مسك ايدي امير و شدني لورا الباب و حط اصبعو على تمو

امير:هس

وقفنا ورا الباب حاطين ايدينا على تمنا و عم نطلع بعيون بعض ،حسيت نظراتو لامير متل السهم و غرزو بقلبي لاول مرة

رجعو نزلو ميساء و سارة و نحن بقينا ورا الباب ،قرب امير ليبوسني ،بعدتو عني و نزلت ركض لتحت ،التقيت بميساء و قمر على الطريق

ميساء:وينك انت؟ امي اتصلت فينا كرمال نرجع

قمر:كنت بالحمام ،يلا خلينا نروح

طلعنا من بيت امير و وقفنا تكسي و رجعنا على البيت ،و طول الطريق انا و بعالم تاني ،كانت ميساء و قمر عم يحكو على الحفلة و انا كل تفكيري بأمير و علاقتنا يلي عم تاخد اتجاه الحب الحقيقي ،فتنا على البيت شفنا الارامل التلاتة قاعدين عنا و عم يحكو لابي و مرتو عن بطولاتن بانو لقطو الحرامي و شبعو قتل ،انا فتت فورا على غرفتي حتى ما شارك بالحديث معن

نجيب : ليش رحت لحالك عالحفلة،؟

قمر :كان راسي عم يجعني و وقت تحسنت غيرت رايي و لبست و رحت

نجيب:تاني مرة ما بتطلعي لحالك من البيت بهالوقت

قمر:امم طيب بابا

اطلعت بميساء و زورتا و فتت على غرفتي ، يوم الاحد نزلت على الجامعة انا و طالعة مع فاتن من المدرج و عم نحكي مع بعض،ما شفتا الا تركتني عم احكي مع حالي و راحت ،اطلعت حوالي شفتا واقفة مع امير ،وقفت من بعيد اطلع علين و امير عم يطلع علي شوي و يطلع بفاتن ،بعدين تركا و راح ،مر من جنبي و غمزني ،رجعت فاتن لعندي و وصلتني رسالة على موبايلي من امير

مسج:شو هالدبقة هاي ،ما بعرف كيف خلصت منا ،لاقيني على باب الجامعة بدي اخدك مشوار ضروري

مسحت الرسالة و التفتت على فاتن

قمر:فاتن انا رايحة مشوار صغير و راجعة ما بطول

تركتا و طلعت على باب الجامعة و انا عم رتب الحكي يلي بدي قلو اياه لامير ،زمرلي امير بسيارتو و اشرلي بأيدو ،قطعت الشارع و رحت لعندو ،وطيت راسي على الشباك

قمر:شو هالمشوار الضروري؟

امير:اطلعي

قمر:ما بحب اطلع بالسيارة معك ما بحس بالراحة

امير:اطلعي بقا ما رح اكل منك قطعة

قمر:طيب

فتحت باب السيارة و طلعت ،دور السيارة

قمر:لحظة ،انا حابة وضح اكام شغلة ...بيناتنا ،يمكن انت فهمتا غلط

امير:تفضلي

قمر:امير انت مفكرني صاحبتك ،بطلع و بفوت معك عادي هيك بلا رقيب،يعني صح في انجذاب مني اتجاهك بس هالشي ما بيعني انو روح معك وين ما بدك و ايمت ما بدك ،انا هالشي ما بناسبني ،يمكن تلاقي بنات كتير الموضوع عادي بالنسبة الن ،بس انا غير ،و صرت مفهمتك هالموضوع من قبل ،انا ما بدي تكون هيك العلاقة بيناتنا بالسر و من ورا فاتن و ميساء

امير:انا ما عندي مشكلة ،بتحبي منحكي للكل

قمر:شو بدنا نحكي ؟انو انا و انت شو !!ما في صفة لعلاقتنا ،انا بدي صفة ...و رسمية كمان،انا ما بحب اللف و الدوران ،انسانة صريحة و بحب اوقف على ارض صلبة

امير:شو المطلوب مني؟

قمر:امير اذا حابب نكون سوا و نيتك صافية اتجاهي ،بيت اهلي صرت بتعرفو و اذا حاسس حالك ما واثق من هيك خطوة و ما متاكد من مشاعرك اتجاهي ،ابعد من طريقي و اعطي فرصة لغيرك ليثبت حالو بحياتي ،و ما ضيع وقتك و وقتي و فكر على راحتك ،قرار علاقتنا ب

يتصل فيني ....الو ...اي حياتي ....انا جوا بالكافتريا ...اي..ضلك متابع على طول بتشوفيني ...تعا شفتك

قامت وقفت فاتن و اشرت بايدا لباسل

باسل :قمرررر..كيفك ؟

قمر:لحمدلله

باسل:سمعت انك سافرتي لغير محافظة و ما بقا راجعة لهون

قمر:اي صح بس بعدين صارت شوية ظروف و رجعت انا و امي و استقرينا هون

باسل:حلو ،كيفا سنفورتي اليوم؟

فاتن:مشتاقتلك

اطلعت فين و صرت اضحك ،كانت العلاقة بين فاتن و باسل مطورة كتير بغيابي

باسل:عن اذنكن شوي،رايح جيب قهوة ،سادة قمر انت مو هيك

قمر:ايه

رجع بعد شوي باسل و معو قهوة ،قعدت معن نص ساعة و حسيت حالي حاجزة حريتن ،حملت جزداني و قمت

قمر:يلا انا رايحة بشوفكن بكرا

باسل:لحظة خليكي شوي بس شوي صغيرة

قمر: ما بقدر اتأخر اكتر من هيك ،بدي مر على السوق و جيب كام غرض ،بشوفكن بعدين يلا سلام

حطيت جزداني على كتفي و مشيت ،طلعت من باب الجامعة و ركبت بالباص ،قعدت بأخر مقعد ،فتحت موبايلي و بلشت قلب بالصور ،اجا صوت غريب من جنبي

مجهول:هاي طالعة فيا احلى

رفعت راسي و ما بقا طلع معي الحكي ،اطلعنا ببعض و سكتنا بعدين انا تذكرت فورا خبر خطبتو

قمر:مبروك الخطبة

امير: الله يبارك فيكي ،عقبالك

قمر:تسلم ،شو مقعدك جنبي؟

امير: ليكون الباص لابوكي و ما معي خبر

قمر:ما تجيب سيرة ابي على لسانك ،ما كلفت خاطرك و اتصلت فيني و قلتلي الله يرحمو

امير:وين بدي اتصل فيكي و انت غيرتي رقمك و سافرتي فورا و حاولت اخدو من سارة و ميساء ما معن اياه

قمر:يعني ما كان فيك تتصل بميساء و سارة و تحكي معي من مو...

امير:اتصلت بس قالولي ما حابة تسمعي صوتي و رحت على تعزية الرجال كمان

قمر: ما حجة ،قبل ما سافر قعدت شهر هون ، ما سمعت صوتك او شفت وجهك فين ابدا ،هربت فورا اول ما خبرتك تحط اطار لعلاقتنا

امير:ما هربت

قمر: صدق من قال الحب للشجعان و الجبناء تزوجهم امهاتهم

امير:و انا امي ميتة ،و انا ما جبان و ما هربت ،انا بس كان بدي شوية وقت لاوقف على رجلي ،كنت متخرج جديد و ما عم اشتغل شي ،على اي اساس بدي روح اخطبك من ابوكي و انا بعدني عم اخد مصروفي من ابي ،ما كنت بقدر اخد هيك خطوة قبل ما ابني عامود اساس بمستقبلي

قمر:كان فيك تقلي هالحكي حتى افهم و استوعب غيابك

امير:لا ما كنت رح تستوعبي ،كنت رح تفكريني عم ماطل و اتهرب ،لهيك حبيت ارجع وانا مخلص اموري و ما نطرك اكتر

قمر:اييييه و ليش جاي هلأ بعد ما خطبت؟

امير:ههههه لك ما خطبت ولو بس انا طلعت اشاعة على حالي حتى اصرف البنات من حولي

قمر:اها

امير:صراحة كرمال يصلك الخبر و استفزك و حاولت كتير اوصلك و اعرف عنوان امك بس ما عرفت ولله

قمر:ايييه ،شو يعني هلأ؟

امير:ما بعرف بتحبي سندويش البطاطا بدبل كريم توم الا كيف ؟

قمر:هههههههه

امير:يالله شو اشتقت لهل الضحكة بس انت تغديتي فيني قبل ما اتعشى فيكي ،ليش غيرتي رقمك؟

قمر:لانو موبايلي ما كان ينزل من ايدي و انا ناطرة اتصالك ،مليت من الانتظار لهيك غيرتو ...كنا لازم ننزل على موقف الباص يلي قبل

امير:خلينا بالباص هيك ،شو وراكي ؟

قمر:ولاشي،باسل يلي خبرك

امير:ايه و تركت شغلي و جيت ركض لامسك فيكي بأيدي و سناني بس دقلي و قلي طلعت ،صدفتك انت و طالعة من باب الجامعة ،لحقتك بالسيارة ،صفيتا و طلعا بالباص

قمر:اممم بس حليان انت ها

امير:انا حلو من طول عمري ههههه اصلا ما حدا حلو و انت موجودة ...احمرو خدودك

قمر(مبتسمة):...

بعد اسبوع اجا امير و ابوه و عمتو لعنا على البيت و طلبوني رسمي من امي و خبرناهن بعد يومين انو موافقين ،انخطبت انا و امير و وصل الخبر لاخواتي ميساء و سارة يلي كان الن دور كبير بتفريقي عن امير كل هالمدة،اتصلو فيني فورا ليتأكدو من صحة الخبرية

قمر:اي صح عقبالكن و عرسنا ما مطول

ميساء:ولللله و اكيد نحن معزومين

قمر:اكيد ولو ،انتو على راس القائمة

بعد 3شهور خطبة انا و امير ،كانت من احلى ايام حياتي ،تزوجنا و عملنا عرس كبير و عزمت اخواتي ميساء و سارة و امن و اجو بس قضو طول العرس عم يتلوو متل الافاعي و يستعرضو حالن قدام اهليتو لامير كرمال يلقطو شي عريس بس ما اثرو على فرحتنا انا و امير ببعض و خلص العرس هو و حاملني و عم يلف فيني

__________بعد 6شهور ____

امير:قمرررررر...قمرررررر

قمر:ايه ايه
ن
امير:يلا تعي بلشت المباراة

جيت انا و حاملة صحن البوشار و قعدت جنبو لامير

قمر:ايه !قبل ما بلش احضر ،نحن مع مين ؟مع الريال ولا مع مدريد؟

امير:ههههههه حششت ضحك ريال مدريد فريق واحد ،هلأ عم يلعبو الكلاسيكو ريال مدريد و برشلونة

قمر:اممم نحن مع يلي لابسين الابيض ولا الازرق؟

امير:نحن مع برشلونة ،يلي لابسين ازرق و احمر

قمر:انا حبيت تياب هدلاك اكتر،هيدا شو اسمو يلي بلوزتو رقم 10 بضلو بسلطو الكاميرا عليه و هادا كمان

امير:هيدا ميسي اقوى واحد و التاني كريستيانو

قمر: هيدا فيسي بتحسو حاطط كريم اساس على وجهو او كانو عامل كونتور

امير:ميسي

قمر:ايه ميسي بس ما حلو ،هداك عدوه احلى منو يلي عامل حواجبو شو كان اسمو امير ؟

امير:قمر اطلعي من راسي

شليتي عرضن للاعبين ،اتفرجي على الساكت و خلينا اعرف ركز

قمر:اي ولو عم نتساير يعني ......هييييي كووووول

امير:العمى على الحظ ...لك ما تنبسطي..هيدا ما النا

قمر:لا النا ،انا مع يلي لابسين ابيض

امير:يعني انت ضد زوجك ؟

قمر:اي طبعا

امير:فيكي خير كتير!

قمر: يا ربي رجع فتل راسي و نزل ضغطي ،عم تلعي نفسي

اامير :تسطحي و ارفعي رجليكي

قمر:ايمت بقا بدي اخلص من الوحام ،صرت بالشهر الرابع

امير:هانت يا روحي

حطيت راسي على رجلين امير

امير:جبلك شي؟

قمر:اي جبلي كاسة عصير برتقان بلكي بصحصح

امير:تكرمي ،انا راجع ما تقلبي عالقناة

نزل امير على المطبخ و انا مسكت الكونترول و حطيت على الاغاني ،رجع بعد تلت ساعة

قمر:طولت كتير

امير:احذري شو؟

قمر:شو

امير:و انا داخل على المطبخ سمعت صوت ابي عم يحكي على الموبايل و سمعت اسم امك

قمر:امي انا !!!!شو كانو عم يحكو؟

امير:كان عم يقلا انو نحن صرنا كبار و ما حدا الو عنا و شو بدنا بحكي الناس ،ابي عم يرسم على امك

حطيت ايد على الصوفا والايد التانية على بطني و قمت وقفت

امير:لوين؟

قمر: لعند ابوك ،افهم منو شو بدو من امي

مسكني من ايدي و قعدني

امير:ما كان ضغطك نازل من شوي و دايخة ،اقعدي ما النا دخل،هن اكبر من انو نقلن شو لازم يعملو

قمر:ابوك بحبا لامك لهلأ و ما ناوي يتزوج بعدا ،معناها عم يضيع وقت مع امي

امير:الحمل مأثر عليكي كتير،مرتي هاي امك ما بنتك ،اتركيا تتصرف لحالا

قمر:امي ما بتعرف تتصرف ابدا ،تزوجت 3مرات و اطلقت لانو ما عرفت تختار الشخص المناسب و ما بدي ترجع تغلط هلأ مرة تانية

امير:ليش شبو ابي !!! هلأ صار ما مناسب

قمر :ابوك عم يضيع وقت مع امي و لو بدو يتزوج كان تزوج من زمان بس عم يتسلى

امير:انت على طول بتحكمي على الشخص فورا

قمر :لا ما غلط ،ليش يعني انت ما كنت ناوي تتسلى معي لو ما انا حاصرتك و قلتلك تعا خطبني

امير:اااااااخ بس اااااخ على هديك الايام ،كنت عصفور طيار ،فيق بالوقت يلي بدي اياه و نام على راحتي ،لك كان كل التخت الي لحالي اما هلأ حتى بالنومة ما عم ارتاح ،طول الليل بضلي ادفشي فيني و تسحبي الحرام ،لك حتى اذا بدي اتفرج على مباراة كاملة متل الخلق ما عم يصحلي متل قبل ،بضلي فوق راسي و بكل لعبة بترجعي تسأليني نحن مع مين ؟؟بس بعد شو ،ما بقا بينفع الند...

قمر:شووووو !يعني انت ندمان انك تزوجتني ،ما مشكلة رح رجعك متل ما كنت يا امير

رجعت قمت وقفت

امير:قمر خلص ولو اقعدي عم امزح معك

قمر:لا ابدا ما كان مزح

امير:شو عم تعملي؟

قمر:بدي ضب اغراضي و ارجع عند امي

امير :ياللله بقلك الحمل مأثر على هرموناتك

قمر:و انا شو الله جابرني احمل ابنك ببطني 9شهور

امير:😯😯

قمر:ما تطلع فيني هيك ،و انا كمان ما عم اكل و لا حتى نام متل الخلق ،هيدا بعملي حموضة و هيدا بلعي نفسي و على جنبي هيك ما بقدر نام ،و اذا مشيت كتير بتعب و بدوخ ،حتى تيابي ما بقا دخلو فيني (تبكي )....كلن كلن صارو ضيقين ..و عم اكل كتير و نصحانة

امير:ههههههه

قمر:عم تضحك؟!

امير:جد بعتذر

قرب علي و لفني

امير:كنت عم استفزك بس ،ما توقعت تنفعلي كل هالدرجة ،اصلا انا احسن شي عملتو بحياتي كلها اني تزوجتك و رح خلف منك

قمر:انا يلي رح خلف منك مو انت

امير:ههههههه ما بتفرق ،انت خلفي هيدا الولد و البطن التاني اتركيه علي

قمر:ما اغلظك

بعدت عنو و رحت جبت الموبايل

امير:بمين بدك تتصلي؟

قمر:بأمي

امير:خلص بقا قمر قلتلك عم امزح

قمر :بعرف ياروحي انك عم تمزح و ما فيك بلاي و اني قاعدة على قلبك قصدي بقلبك و متربعة بس لازم افهم من امي اكتر

امير:ندمت اني حكتلك

سارة : بس صعب كتير , انت متزوج و انا كنت رح كون خطيبة اخوك و رح توقع بمشاكل كتير مع اهلك و فوق كل هيدا اانا ما بناسبك , صح , هيدا يلي بدك تقولو
فادي: لا لا ما هيدا يلي كنت بدي قولو مع انو فكرت فيه بس ما اخد من تفكيري كتير انا كبير و واعي و بعرف شو بدي و كيف اخد يلي بدي اياه بدون ما اسال على راي حدا , بس كنت بدي قول انو كان يلي موقفني عن أي خطوة هو انت و انو ما تكوني عم تبادليني نفس الشعور
سارة : .........
فادي : ما عندك تعليق على هالحكي ؟
سارة : عندي ايه تزوجني
.........................................

يوصلي ابدا لانو يلي بيني و بينو انكسر و وعدو خلف فيه
جمال : بشو وعدك ؟
سارة : وعدني وعود كتيرة و اولا انو ما يتركني او يهتني بامي و يلي بخلف بوعودو ما بيلزمني لانو انا بنت بكون على قد كلامي ,و انت ما رح تشوف وجهي هون مرة تانية لاعرف اذا خبرتو اولا بكفي انك تعطيني وعد رجال و رح اطلع مطمنة من عندك
جمال :....
سكت انا و عم اطلع فيه ناطرة علامات القبول , طول بصمتو , قمت وقفت
سارة : ماشي انا رح امشي هلا و بعتذر على الضجة يلي عملتا برا بس كنت مضطرة
مشيت افتح الباب و اطلع من المكتب
جمال : لحظة
فتلت وجهي لعندو
جمال : اتركي رقمك عند السكرتيرة بحال احتجتو لاتواصل معك
سارة : رح غيرو لرقمي
قام وقف و اجا لعندي
جمال : طيب ماشي , هاي كرتي و عليه رقمي , اتصل فيني بحال رجع تواصل معك فادي
اخدتو بعد تردد و طلعت مشيت بالشارع انا و عم ابكي على الساكت و عم احكي مع حالي و حتى لو عرف فادي الحقيقة و رجع يعتذر مني مستحيل سامحو لانو ما وثق فيني و تركني باول امتحان لحبنا , غيرت رقمي و طلبت من امي انو نغير عنوان بيتنا
ام سارة : انا رح انتقل على بيت ابو سليم و هيدا البيت رح اتركو الك , بتحبي تبقي فيه او تبيعي و تنتقلي على محل تاني و معي شوية مصاري رح ساعدك فين
امي تزوجت ابو سليم يلي شفتو مرة او مرتين و تابت عن شغلتا بعد ما حرقتلي قلبي و دمرتلي حياتي , بعت البيت و اشتريت واحد تاني بمساعدة سعيد يلي ترددت بانو اعتمد عليه بس كان قد الحمل و اجت رغد ساعدتني بالبيت و تعزيلو و ترتيبو و عفشتو عفش مستعمل و بعد ما استقريت بالبيت بشهر اتصل فيني سعيد
سعيد: اسمعي اليوم اجا عالمول ابو عضل و طلب مني رقم موبايلك و عنوانك و سال عليكي بالسكن و بيت امك بس ما لقاكي
سارة : أي منيح و لا بحياتو رح يلاقيني , قد ما اصر عليك ما تعطيه رقمي و ما تعطيه وجه و قلو انك ما بقا عم تشوفني
سعيد: طيب , شو عاملة اليوم المسا ؟
سارة : متل كل مسا
سعيد :رح اجي انا و رغد نتعشى عندك و رح نجيب بيتزا معنا
سارة : ماشي
اجو المسا رغد و سعيد , بعد ما فاتو بعشر دقايق و عم نرتب الطاولة كرمال نتعشى ,رن جرس البيت , قام سعيد فتح الباب و سمعت صوتو عم يحكي مع حدا , لحقتو لشوف مين على الباب , كان فادي , بس متغير شوي و نحفان و مربي دقنو و سعيد واقف عم يتجادل معو
سعيد: ما حلوة منك تلحقني كرمال توصلا و هي ما بدا تشوفك
سارة : خلص سعيد فوت انت تعشا مع رغد , هلا بلحقك
فات سعيد لجوا و هو عم يزاورو قربت على الباب
سارة : شو بدك ؟
فادي:انا ......انا بعتذر كتير , الشيطان سيطر على عقلي و تهيالي انو انت
سارة : ما في مشكلة حصل خير
فادي: الي اسبوع عم دور عليكي
سارة : ليش معذب حالك , كرمال تشوفني و تقلي انا انا اسف
فادي:سارة انا بحبك كتير , من وقت ما تركنا و حاسس حالي ميت عم اكل و اشرب و اتنفس بس ميت , انا شكيت فيكي و غلطت بحقك و خبصت بالحكي و ضربتك بس لازم تعرفي انو ما ذنبي ابدا
سارة : و انا و ذنبي تقلعني بهالطريقة من البيت انت و عم تسبني و تتهمني بشرفي , على كل حال كل هالحكي ما بقا مهم , ارجع لعيلتك ....
فادي : انت عيلتي و انا عيلتك
سارة : كنت ..كنت يا فادي بس هلا انت ولاشي , شكرا على الايام الحلوة يلي قضيتا معك مع انو كنت حابة تخلص قصتنا بطريقة محترمة
فادي : ما خلصت , كل يلي صار سوء فهم و بصير كتي ر بين أي اتنين متزوجين و بترجع المي لمجاريها و بالنسبة لنتالي انا رح طلقا
سارة : لا ما طلقا هاي ام اولادك و يلي صار بيناتنا ما سوء فهم , يلي صار اكبر من هيك , شعوري اتجاهك تغير و ما بقا انت فادي يلي كنت شوفو بعيني , انت صغرت كتير بنظري , و هلا عن اذنك بدي روح لضيوفي الله معك
سكرت الباب بوجهو و حطيت ايدي على قلبي و فتت على غرفة النوم ابكي لحالي , دقت الباب علي رغد بس الحقا سعيد و قلا اتركيا لتهدى لحالا و هي بتطلع و بعد ربع ساعة مسحت دموعي و زبطت حالي و اطلعت تعشيت مع رغد و سعيد و حاولت اخلق الضحكة على وجهي , بقي فادي يلاحقني يجي لعندي و يرن الجرس و انا ما افتحلو الباب , دورت ساعة على رقم جمال بين جزاديني للقيتو و اتصلت فيه
سارة : انا سارة , تذكرتني ؟
جمال أي تذكرتك انت كنتي عشيقتو لفادي
سارة : كنت مرتو ما كنت عشيقتو , المهم انا عم اتصل فيك لاتشكرك انك وفيت بوعدك الي و قلك انو زوج بنت اختك عم يلاحقني
جمال : اخخخ طيب ماشي كيف عرف عنوانك ما على اساس رح تغيريه ؟
سارة : غيرتو بس جاب العنوان الجديد من رفيقي بشغلي القديم , لحقو هو و طالع من شغلو و الشاب كان جاي لعندي هو و خطيبتو
جمال : وينو هلا ؟
سارة : راح بس من شوي كان واقف على الباب
جمال : طيب انا بحكي معو هلا و انت ضلي على موقفك , بكرا بمل و بيبعد
سارة : طيب
جمال : وين عنوان بيتك ؟
سارة : رح ابعتلك اياه بمسج
جمال : طيب بس يرجع يجي مرة تانية حكيني فورا
سارة : طيب

جمال : رح اتركك تفكري براحتك و ناطر جوابك و اذا قبلتي رح عيشك بالجنة و اذا رفضتي رح نبقى متل ما نحنا

طلع من عندي جمال و انا اتصلت بسعيد كنت متوترة و ضايعة

سارة : الو سعيد جمال بدو اياني اتزوجو

سعيد:.......

سارة : الو سعيد سامعني

سعيد: ...ايه ....سامعك ...شو قلتيلو ؟

سارة : ما قلتلو شي , تركني فكر و رد عليه

سعيد : و انت شو رح تردي عليه ؟

سارة : ما بعرف ما بعرف لهيك دقتلك محتارة كتير , جمال شخص ما بتفوت و بنفس الوقت ما عم حس باي شي اتجاهو يعني عقلي بقلي ايه و قلبي بقلي لا

سعيد: اممم طيب ماشي انا ...انا عندي شغل قريب من حارتك بس خلصو رح مر عليكي و نحكي

سارة : ايه ماشي

بعد نص ساعة رن الجرس , فتحت لسعيد , فات هو و ساكت , قعد على الصوفاية و حط ايدو على دقنو

سعيد: ايه شو قررتي ؟اكيد رح توافقي , هيدا جمال الباشا ما بينرفض ابدا

سارة : شو قصدك يعني؟

سعيد: مال و جاه و حسب و نسب

سارة : انا ما بفكر بهالطريقة , انت بتعرف انا كيف بفكر

سعيد: انتو كلكن بتفكرو نفس الشي و بتركضو ورا يلي معو اكتر , تركتي فادي و هلا بدك تاخدي الاغنى

سارة : سعيد انت عم تحكي معي هيك , شبك انا سارة

سعيد: شو بدك بهالعيلة ؟ انت ما قلتي بدك تخلصي منن , شايفك انت يلي عم تلزقي فين , هدول ما من طينتك ما من بيئتك ايمت رح تفهمي هالشي, خدي يلي من توبك , خدي يلي بحبك و ما شايف غيرك قلتلك مية مرة ليش لتكوني خيار تاني و انت بيطلعلك تكوني خيار اول بحياة الشخص يلي بتحبيه و خدي يلي شايف فيكي روحك قبل جسمك و جمالك , يلي بوعد حالو يسعدك رغم انو ما معو شي يقدملك اياه غير انو يحافظ على ضحكتك

سارة : وينو هيدا ؟ اول ما رح يعرف رح يهرب و اذا اخدني رح يصير يهتني؟

سعيد: انت ما شايفة قدامك لانك معلية راسك لفوق كتير , نزلي نظرك شوي , ما عم اطلب منك تنزليه كتير , عالاقل اطلعي قدامك و بتلاقيه

اطلعت بسعيد و سكتت و درت وجهي

سارة : سعيد انت شايف كيف وضعي بطلع من الصبح و ما برجع لاي ساعة تعبانة و هلكانة و ما عم لحق بين دراستي و بين شغلي , يا دوب عم اقدر اصرف على حالي و قيم بمصروف جامعة

هجم سعيد على جارنا على ابو ايمن و بدو يضربو , فتحت الباب بسرعة و حاولت بعدن عن بعض, بعد ما شافني سعيد بعد عن ابو اييمن و مسكني من ايدي و جرني لجوا البيت و سكر الباب و فات متل التور الهايج , من غرفة لغرفة , فتح كل الخزانات , نزل تحت التخت , طلع على السقيفة و انا عم امشي وراه

سارة : على شو عم دور ؟

سعيد: على الضيف يلي لابستيلو و مزينتيلو حالك

رحت قعدت ببرودة اعصاب على الكنباية و حطيت رجل على رجل , و فتحت التلفزيون قلب بالقنوات , وهو بعدو عم يدور , بعد ما فقد الامل اجا قعد قبالي و هو عم يلهت

سعيد: سارة هيدا الاسلوب وسخ كتير و ما بيتحمل مزح و تسلاية و لعب بالاعصاب

سارة : امممم صح معك حق , وسخ كتير , حتى ما العب باعصابك طلقني , انت عندك مرة و هلا جاي ولد على الطريق يعني عيلة و اهلك جنبك و عم يدعموك بالمصاري , شو بقا بدك فيني ؟

سعيد: انا بحبك , بحبك الك

سارة :بتحبني و هيك عملت فيني ,لو ما بتحبني مثلا متل نظيرة شو كنت عملت , لا ما كنت عملت ، انت بتاذي يلي بتحبو

سعيد: قليلي شو بدك هلا ؟ رح طلقا لنظيرة و نرجع متل ما كنا

سارة :مستحيل

سعيد:اوقت تزوجتي فادي , ليش نتالي ما طلبت الطلاق منو متل ما هلا انت عم تعملي

سارة : انا سارة ما نتالي ,بحب انزل على ضرة بس ما تنزل ضرة علي في فرق كبير و ما كنت بعرف الفرق الا بعد ما جربتو و ما عندي طاقة اتحمل هالشي ,ولله ما طالبة كتير من هالدنيا بدي رجال ,رجال بافعالو , بس ما بقا في رجال هلا

سعيد:........

سارة :ما بدك اطلقني , ما طلق انا ما رح اركض وراك و فوت بمحاكم متل ما قلتلك لانو بكل الاحوال ما بقا رح انزل على ذمة رجال لانو خلص اكتفيت بس ما الك عندي شي و ما بقا بدي ارجع شوف وجهك مرة تانية بعد ما تطلع من هون , بس انت مجبور تصرف علي و على ....الولد يلي جاي على الطريق

رفع عيونو و اطلع فيني

سعيد: انت حامل

سارة : ايه للاسف و ابعتلي راتب شهري مع حدا من اخواتك لانو ما رح اقدر اشتغل وادرس و اهتم بالولد

سعيد:بس هيدا الولد انا ابوه و من حقي سوفو و ربيه

سارة : روح ربي ابنك ولا بنتك يلا جاين من مرتك التانية, و اذا رفضت قول من هلا لنفوت بالمحاكم يلي رح تعطي حضانة الولد الي و رح تجبرك بنفقة

سعيد: و رح تحكملي شوفو بالمحكمة يومين بالاسبوع

سارة : ايه اكيد بس بدك طلقني بالاول

سعيد: يعني عم تخيريني يا بطلقني يا بحرمك من ابنك ؟

سارة : ايه
قام وقف بعصبية

سعيد: لا ما على كيفك وما رح امشي متل ما بدك

سارة :شبك قويت بعدما عرفت انو انا حامل , على فكرة بحبتين دوا بنزلو و خلص متل ما نزل اول ولد

رجع قعد و عم يحاول يضبط اعصابو و يحسبا ,تنهد , و رن موبايلو , كانت المتصلة اميرة , فصل الخط بوجها

سعيد: طيب ماشي , اتفقنا

قام وقف و بدو يطلع , انا بقيت قاعدة ,اطلع فيني, انا بقيت عم اطلع بالتلفزيون

سعيد:سارة , ولله انا بحبك وعملت كل هالشي كرمالك بس انت خلص سكر مخك و ما بقا عم تستوعبي و بالاخير هيك بتكافيني , تحرميني منك و من الولد ....طيب رح اتركك تروقي هلا و النا حكي تاني , سلام هلا

نزل من لبيت على هالاتفاق , كنت رح ابكي بس قمت غسلت وجهي و قويت حالي,بعد ما طلع سعيد من عندي بايام , حاول يتواصل معي بس انا صديتو و ذكرتو باتفاقنا و وطدت علاقتي بامي يلي صارت تزورني بالبيت و تخفف عني وحامي , يمكن هاي اول مرة بحس بانو علاقتي بين و بين امي هي علاقة ام ببنتا , رحت 3 زيارات عندا تعرفت على زوجا ابو سليم يلي كان واضح انو بحب امي متناسي شو كانت , اول الشهر اجت اختو اميرة عندي و اعطتني ظرف فيه مصاري , حكيت معا بنفسية و الكلمة اللازمة بس , كان سعيد ناطرا تحت

اميرة :اخي كتير تعبانة نفسيتو

سارة :شو بعملو , هو اختار هالشي

اميرة : انت ما بتعرفي ابي هيدا ازا حط شي براسو خلص

سارة : يلاكلو خير ,صار يلي لازم يصير من الاول ,زواجي من سعيد كان غلطة و تصلحت

كانت اميرة كل سهر تجي تعطيني ظرف و تكون حاملة اكياس فيها تياب للبيبي , كانت طول القعدة تحننلي قلبي يلي كان اسود متل الفحم على سعيد , بعد فترة زارتني اميرة و خبرتني اني ولدت نظيرة و جابت صبي وسمتو على اسم عما رافت, , اخر زيارة اجت فيا اميرة قبل ولادتي بشهرين يوم ,كنت بالشهر التاسع , سالتني عن موعد الولادة , و خبرتني انو رافت ابن نظيرة ما سليم و الواضح انو عندو مشاكل بالاستيعاب و الادراك و حتى النطق , انا رجحت هالشي لتزواج الاقارب بعيلة سعيد , كلن اخدين من بعض , اخواتو و اولاد عمو حتى ابو سعيد و اخواتو اخدين اولاد عمن لانو ممنوع حدا ياخد من برا العيلة كرمال الارض و الورتة ما يروحو لغريب حتى اميرة الها متزوجة 3 سنين بس ما عندا اولاد من ابن عما ,و اخواتا الباقين بهية و ناديا في منن عندا ولد ما بيمشي , اعطتني تكاليف الولادة و حاولت تسحب مني حكي بس ما اعطيتا لا حق و لا باطل

سارة : اكيد بس اولد بخبرك كرمال تقليلو لسعيد يسجل الولد باسمو

هون و اخدك معي
سارة:انا ما بدي روح لمحل معك و مع امك ،كل المحلات رح تكون قبر بالنسبة الي
رأفت:سارة ما تحكي هيك انت بتعرفي انو انا تحسنت معاملتي الك و ما بقا ضربتك
سارة:بس ما بنسى شو عملت فيني ،انا بدي منك اطلعني من هون بس و بكون ممنونتك اذا فعلا بتعزني
رأفت:انا بحبك و ما فيني بلاكي ،بعد ما دخلتي حياتي صرت حبا
اندق الباب و فاتت اميمة و جاايبة الغدا لرأفت ،بعد ما تغدا ،اجت اميمة و معا ازدهار ،اخدت اميمة الصنية و انا نزلت مع اميمة على المطبخ و بقيت ازدهار مع رأفت
الجزء السادس عشر:
اميمة:شو صار معك ؟
سارة:ما صار شي ،لنشوف هلأ شو بدو يصير بينو و بين امو
اميمة:رغم كل هالشي انا مبسوطة كتير ،خطتي مشيت على المدى البعيد
سارة:يعني رح نطلع من هون ؟
اميمة:ما عندي شك ابدا
مر باقي النهار هادي كتير للساعة 8 بالليل كنت نايمة وقت حسيت على حركة جنبي ،فقت لشوف وجه رأفت قبالي
سارة:رعبتني ....شو عم تعمل هون
رأفت: جيت لنام جنبك اشتأتلك كتير
سارة:قوم من هون و ارجع على غرفتك
رأفت:اذا مفكرتيني خايف من امي ،انا ما بقا خاف منا
سارة:ما بهمني انا ما بدي اياك بقا تلمسني ،و كل هالشي كنت عم اعملو كرمال اطلعني من هون بس هلأ ما بقا تفرق معي ،تعودت
رأفت:سارة انا بعرف غلطت معك كتير بس وعد مني ما رح زعلك او دايقك و ما رح اسمح لحدا يدايقك بكلمة
سارة:هههههه رأفت صار رجال و اخيرا و وقت امك زتتني ليلة كاملة بالحظيرة شو عملت انت حتى سؤال ما سألتني ، يلا انا نعسانة و بدي كمل نومتي اذا بتريد اتركني و اطلع
رأفت:انت بتعرفي انو انا فيني اخد كل شي منك غصب عنك بس انا ما بدي ،انا بدي نفتح صفحة جديدة و انت ما الك غيري بكل هالدنيا ،شوفي عمتك شو عملت فيكي ،سارة اوثقي فيني ولو لمرة وحدة ،انا بحبك هلأ بس من قبل ما كنت بحبك و لهيك عاملتك بهالطريقة كنت ضعيف و عم حس حالي قوي شوي وقت كنت هينك بس هلا الموضوع اختلف
سارة:رأفت انا ...ما...بحبك
رأفت: لا بتحبيني ،بس انت زعلانة مني هلأ ،رح انطرك حتى تروقي ماشي
فتح الباب و بدو يطلع رأفت من الباب بس قبل ما يطلع ناديتو
سارة:رأفت
رأفت : يا روحو لرأفت
رجع فورا
سارة:انا بدي اطلب منك طلب، يعني اعتبرو اختبار لصدقك معي
رأفت:موافق
سارة:اعرف شو هو بالاول؟
رأفت: شو ما كان انا موافق
سارة:انا بدي ارجع على الفيلا و ارفع دعوى على عمتي و طلعا من فيلا ابي
رأفت : ترجعي لا ،انا وين بكون انت بتكوني ، و انت محلك ببيتي
سارة: بدنا ننضل هون
رأفت :لا بكرا رايحين انا و امي نشوف بيت ننقل عليه و اول ما نخلص من النقل بس بساعدك بموضوع عمتك
سارة :طيب
رأفت :اطلعي نامي بغرفتي ادفى لسا من هون
سارة : لا ما بدي انا مرتاحة هون
طلع رأفت من عندي و تاني يوم نزلت ازدهار على الفطور هي و مخطوف لونا و معا ابنا رأفت ،انا ما طلعت ابدا ، فطرو و طلعو الاتنين من البيت لاول مرة الساعة 9الصبح ،رجعت ازدهار لحالا بدون رأفت ،اول ما فاتت نادتني
سارة :ايه
ازدهار:ضبي اغراضك بدي رجعك لعند عمتك
سارة :يلا
فتت بسرعة لضب اغراضي انا و مبسوطة بس لحقتني اميمة
اميمة:لوين رايحة يا هبلة ؟
سارة :فرجت و اخيرا ،طالعة من هون
اميمة:لوين ؟لعند عمتك ؟شبك ركزي شوي ،ما الك مصلحة ترجعي عند عمتك هلأ بتخافي التانية تحبسك او تلاقيلك تصريفة تانية ،ابقي هون جنب زوجك افضل
سارة:...ما فكرت هيك ابدا
اميمة:اطلعي قليلا انا ما رح روح قبل ما يجي زوجي و يسمحلي روح
سارة:ههههه هيك بدي قلا
اميمة:ايه ما رأفت وعدك يساعدك
سارة:اي بس ما كتير باخد كلامو على محمل الجد
اميمة :لا هالمرة خديه ،هلأ بضهرك في رجال ،لحالك ما بتقدري توقفي قبال عمتك و زوجا المحامي النصاب
طلعت قلتلا لازدهار
سارة:انا غيرت رأيي ما رح روح قبل مايجي زوجي و يأذنلي بالطلعة
ازدهار:نععععم ..زوجك ؟؟!!!
سارة:ايه زوجي رأفت ،ابنك رأفت
ازدهار :اميمة ...اميمة ....
اميمة:اي ست ازدهار
.
ازدهار: اطلعي جيبيلي حبة الضغط من فوق بسرعة
قعدت على الكنبة و حاطة ايدا على راسا
ازدهار :روحي من وجهي ما قادرة شوفك
رجعت على غرفتي انا و عم اضحك على ازدهار ،بعد ساعة رجع رأفت ،اول ما فات على البيت ،فات على المطبخ فورا
رأفت:سارة الحقيني على غرفتي
طلعت وراه لاعرف شو صار معو بموضوع عمتي ،فتت على غرفتو لقيتو عم يغير تيابو
رأفت :اليوم شفت محامي و شرحتلو عن وضعك وقلي فيكي تنقلي الوصاية من عمتك لشخص تاني بقربك ...
سارة :ما عندي حدا ،باقي عيلتي متغربين
رأفت:قلي المحامي تنقليا الي
سارة :الك
رأفت:اي بصفتي زوجك ..
سارة:بس نحن ما مثبتين زواجنا قانونيا و انا تحت السن القانوني
رأفت:اي بعرف لهيك بكرا مننزل منثبت زواجنا و قلي المحامي انو منقدم طلب للقاضي و بوافق عليه
سارة:....
رأفت:شبك...ما بدك نثبت زواجنا؟
سارة :اااانا ...بدي فكر
رأفت:ما عندك خيار تاني او بتتركي الوصاية لعمتك
سارة:لا مستحيل ...طيب بفكر و بخبرك ..بالمناسبة امك قلتلي ضب اغراضي لترجعني عند عمتي بس انا ما قبلت
رأفت: ترجعك ؟ هلأ بفوت بحكيا
نزلت عن