📚قصص||روايات||منوعة📚

rwayate

مجدي : كيفك وينك ما عم تبيني وعم دقلك ما بتردي

قمر : انشغلت شووي

مجدي : فيني احكي معك بموضوع

قمر : مجدي انا مشغولة وبدي ادرس

مجدي باصرار : ضروري لو سمحتي خلينا نحكي بس مو هون ما بدنا نشوش ع الطلاب باصواتنا

قمر : مااشي بس ما فيني اتاخر بتحكي شو بدك بسرعة

مجدي : ماشي ولا يهمكك ..

طلعت قمر من المكتبة مع مجدي وراحو قعدو تحت شجرة بالجامعة محل ما كانو متعودين يقعدو دايما ...

قمر وهي عم تتلفت حواليها : احكي مجدي

مجدي : تمام ، بدون لف ودوران انا مو قادر انساكي وبعد عنك وبدي تعطيني فرصة تانية لنكون سواا ..

قمر : ما فيني اعطيك هي الفرصة لانو هلا وضعي اختلف ..

مجدي : شوو قصدك ؟

قمر : انا بحبه لرامي ورح نتجوز عن قريب

مجدي حاول يتماسك وما يبين قهره : واناا شو رح يصير فيني ... قرب منها ومسكلا ايدا : قمرر انا بحبك كتيير وما فيني بعد عنكك وقرب منها لحتى يبوسها ..

قمر انصدمت بحركته ودفشتو بعيد عنها : شووو عم تعمل انت جنييت من وين جيت بكل هالجرأة لتتصرف معي بهالطريقة عنجد مو الحق عليك الحق عليي اللي طاوعتك وجيت لاسمعك صداقتنا انتهت هوون .. وتركتوو ومشيت ..

مجدي جن جنونه وصار يحاكي بحاله : انتي الي ووبس وما رح تكوني لغيري

بالوقت اللي بيكون عم يحاكي بحاله بتطلع دعاء بوجهه وهي عم تبتسم بخبث : شبك عم تحاكي بحالك

مجدي بنرفزة : قدرتي تاخدي الصور ؟

دعاء بابتسامة : ولووو هي شغلتي مع شوية تعديلات الووضع رح يكون تمام التمام .. وانت حطيت **** بشنتايتها ..

مجدي : ايه حطيتو بس انتي لازم تتصرفي قبل ما تنتبه عليه ..

دعاء : ما رح ضيع وقت ، انا رايحة هلا رح كون معك ع اتصال واخبرك شو بيصير

مجدي : ناطر اخبار حلووة منكك ..

......... ...... ......

دعاء طلعت من الجامعة ودغري راحت لعند رامي ع الشركة ، اللي كان يا دوبو مخلص اجتماعه وقاعد بمكتبه ساند ظهره ع الكرسي وعم يرتاح ..

بتدق دعاء ع الباب وبتدخل قبل ما يسمحلا ..

دعاء بدلع : انا جييييت

رامي بينزعج بس يشوفها بس بيحاول ما يبينلها : اهلين دعاء ..

بتسلم عليه وبتقعد مقابيلو ع الكرسي وبتصير تحكي وتدلع : شووو تئلااان علينااا وينك ما عم تسأل ولا بترد ع مكالماتي ..

رامي : والله مشغول شوي هالفترة وما عم افضى حك راسي ..

دعاء : يعطيك العافية بس والله ما الك حق عم بشتئلك

رامي : والله هيك الظروف شو بتشربي ؟

دعاء : ما بدي شي لا تغلب حالك ، شو بدي اسالك بتشوفها ل قمر شي ؟

رامي : لييش عم تسألي ؟

دعاء : اساسا ما بتوقع انك عم تشوفها البنت واقعة لشوشتها بالحب

رامي : ما فهمت ..

دعاء : قمر ومجدي عم يحبو بعضهن قدام كل الجامعة وعلاقتهن صارت بالعلن وبدون ما يخجلو من حداا ..

رامي بلع ريقه : كيف يعني

دعاء : اووف رامي شو صايرلك ما عم تستوعب شي من اللي عم بحكيه ، هالبنت كل مين بشوفها بحكي عنها ملاك وهي مخباية بتيابها بتعرف ربنا بحبك كتير انو بعدك عنها وكشفها ع حقيقتها قدامك ، لكك حتى بتعررف شوو انصدمت لما شفتها عم تتعاطى

رامي كان مصدوم من كل كلمة عم تحكيها دعاء ومو مسدقها ، عصب عليها وصار يصرخ عليها : لككك انتي شوو عم تحكي وعيانة ع حالكك انك عم تخبصي كيف بتجيبي سيرة قمر بهالطريقة وبتتهميها بهيك اتهامات انا ما بسمحلك بهالشي ..

دعاء بنبرة صوت عالية : بعدك عم تسدقها وتوثق فيها بعد كل شي عملتو معك وفييك ..

رامي : اايه انا بعرف قمر منيح صحيح هيي غلطت معي بس انتي عم تتهمي فيها باشياء كبيرة ومو مقبوولة ..

دعاء : وازا اثبتلك انو كل حكيي صحيح ؟

رامي : ما في داعي تثبتيلي شي ماني مسدق ولا كلمة عم تحكيها ..

دعاء : ايه تفضل هي الدليل قدامك .. فتحت ع الصور ورمت التلفون قدامه

رامي مسك التلفون وصار يتفرج ع الصور ، بكل صورة كان عم بيشوفها كان نفسه عم بيديق وحاسس انو روحه عم تطلع ومو مسدق عيونه ..

رامي بخنقة : مستحييل مستحييل اكيد في شي غلط

دعاء بابتسامة : فووق ع حالكك ما في شي غلط ، هالبنت رجعت لعبت فيك واضحكت عليك مرة تانية وانت رجعت سدقتها ووثقت فيها عن جديد ..

رامي قام عن مكتبه وصار يفتل بالمكتب وحاسس راسه رح ينفجر من التفكير : انااا لازم شووفها ل قمرر هلأ لازم تشرحلي وتفهمني كل شي مستحيل كل شي صار بيناتنا وحسينا فيه كززززبة ..

دعاء : ايه حقك ورح تتاكد انو كلشي كان كزبة من البداية وانو اضحكت عليك مرة تانية وانا شفتها بعيوني عم تتعاطى ما كنت مسدقة عيوني بس هيك صار ..

رامي بصراااخ : اخرررسي ولا حررف زيادة .. وتركها وهو جانن ومعصب ع الاخر وطلع من المكتب ..

دعاء وهي عم تبتسم بخباثة ومكر : هههههه ايه عصب وكسر الدنياااا قد ما تلف وتدور بالنهاية مرجووعك لعنددي اناااا ..

يتبع .....

📚قصص||روايات||منوعة📚

rwayate

📚قصص||روايات||منوعة📚

rwayate

غرام مختلف ❤
الجزء الساابع

طلع رامي من الشركة وعيونه عم تقدح شرار ومو شايف قدامه ، ركب بسيارته وساقها بسرعة البرق ودق ل قمر ..
اول ما فتحت الخط بعصبية : وووينك قمر

قمر : شبك معصب هلا خلصت محاضراتي وكنت رح مر عليك ..

رامي : انطريني قدام الباب ثواني وبكون عندك .. وقفل الخط قبل ما ترد عليه ..

قمر كانت مستغربة من تصرفات رامي وطريقة حكيه معها : ياا ربي شوو صرلوو هاد ليش هيك عم يحكي بعصبية ومن روس مناخيرو الله يستر ..

طلعت قمر من الجامعة ونطرتو وبعد وقت قليل وصل لعندها ، اول ما ركبت بالسيارة ساقها بسرعة كبيرة ..

قمر بخوف : رااامي خفف السرعة شوي رح نروح فيهاا شو صايرلكك ..

كفى سواقتو بنفس الطريقة وما اطلع فيها ولا حكى كلمة لحد ما ركن السيارة بمكان ونزل من السيارة وخبط الباب بقوة وصار يروح ويجي قدام السيارة وعيونه عم تقدح شرار على قمر وعم يزور فيها ..

قمر كانت مرعوبة من تصرفاته وقلبها صار يغلى وكل ما سكت خوفها يزداد ، اخدت نفس عميق واستجمعت قوتها ونزلت من السيارة ..

قمر بقلق : راامي شوو صاير بلشت خاف منك شو صاير

رامي اتمالك نفسه وقرب منها ومسكلا وجهها وصار يحكي معها وهو مخنوق : قمرر اطلعي بعيوني واحكيلي انك بتحبيني عنجد وما كزبتي عليي ...

قمر : لييش بدي كزب علييك معقول شاكك بحبي لالك

رامي تنهد واخد نفس : طيب احكيلي قطعتي علاقتك بمجدي متل ما اتفقنا

قمر تكركبت وتغيرت ملامح وجهها خصوصا بعد ما حكى اسمه تزكرت كلشي صار معها الصبح وحكت بتأتأة : اي.ه ايه

رامي : شوو ايه ..

قمر : قطعت كل علاقتي فيه ..

رامي : متاكدة ؟؟

قمر هزت براسها وهي متوترة ...

رامي دفشها دفشة خفيفة لورا ومسك براسه وشد شعراته وصار يحكي ويتمتم مع حاله : لييش عم تكزبي لييش لييش

قمر بصوت مبحوح : شوو صاير رامي

وقتها رامي انفجر فيها وباعلى صوته صرخ فيها : صاااير انكك عم تكزبييي عليييي ، شفتكك بعيووني قمررر كنتي قاعدة معوو بمكان معزوول كان ماسكك ايدك وقريب منك لدرجة انوو ... واطلع فيها نظرة استحقار

قمر قربت لعنده وهي دمعتها ع خدها مسكتو من كتافه : لااء لااء لا تسددق انا ما خبرتكك لحتى ما تجن كل اللي صار انو كان بده يحكيني وانا قبلت وحاول يقرب مني بس انا صديتو وبعدت عنه .. اووعك تسدق شي تاني غلطتي الوحييدة اني خبيت عنك بس والله لحتى ما دايقك اوعك تطلع فيني هييك ..

رامي بحددة : بعددي عني وروحي من قدامي احسن ما اعمل جريمة وابتلي فيكي هلأ

قمر مسكتلو وجهو لتهديه ، نترلا ايدا بقوة وصرخ فيها : بعددي عنني ماني طاايق شووفك كييف رجعت سدقتكك ووثقت فيكي انتي وعدتيني ما بقى تشوفيه وتحاكيه ما وفيتي بوعددك وفوق هيك اختليتي فيه وسمحتيله يلمسك ويقرب منك كيييف بدي ارجععع سدقكك واوثق فيككي انااا كنت لسة عم حاول واتعلم عن جديد سدقكك رجعتي كسرتي ثقتي عن جديد ...
اخد شناتيتها عن كتافها وفتحها وكب كل الاغراض منها ع الارض ..

قمر كانت مصدومة وعم تبكي ...

رامي نزل ع ركبه للارض وصار يفتش باغراضها ، وقع نظره ع كيس نايلون صغير ابيض فيه مادة بيضا انتفض جسمه لما اخده لايده واتزكر كلام دعاء ...

قمر وهي مو فهمانة شو عم بيصير حواليها : شووو هاد اللي بايدككك

رامي كان حاطط ايده ع تمه من الصدمة : عم تتعاطي مخدرات قمر ؟

قمر اوسعو عيونها : انت شوو عم تخببص

رامي وقف مقابيلها وصرخ فيها : انااا اللي شوو عم خبصص ولا انتي ، لككك انتي شوو عم تعملي بحالكك لووين وصلتي بحالكك

قمر : والله ماا الي علااقة انااا اول مرة بشووف هالشي

رامي : خلصنااا حاجتككك كزب ، لك كييف فيككي تكووني هييك شوو ناقصك بحياتك لتكوون كلها كزب وخداااع اركبي بالسياارة انا سكتلك عن كلشي بس ما رح اسكتلك عن هاالشي هاد وهلا بدك تمشي معي رح خبر اهلك بكل شي

قمر كانت عم تبكي ومو مستوعبة اي شي من اللي عم بيصير معها وكانها بكابوس ، وكانها فقدت طاقتها للحكي والدفاع عن حالها كان عم يحكي معها وفجاة وقعت ع الارض واغمى عليها ..

رامي وقف قلبه من الخوف عليها وركض لعندها : قمررر شووو صارلك ... رفعها بين ايديه وصار يضرب بوجهها ع اساس يفيقها : يااا ربي بشوو عم تختبرني شوو صرلاااا

حملها بين ايديه وركبها بالسيارة وبسرعة البرق شغل السيارة واخدها ع المشفى ودغري دخلها لعند الدكتور لحتى يفحصها ...
الطبيب بعد ما فحصها طمنلو قلبه انو ما فيها شي واللي صار معها شوية تعب وارهاق وضغطها كان نازل ..
مرقت اكتر من ساعة وقمر ما وعيت ع حالها ورامي كان رح يجن من قلقه وخوفه عليها وناطرها لتصحى وتوعى ع حالها ..

دخل لعندها ع الغرفة كانت نايمة ع السرير ، قعد حدها ورفع ايده وصار يمسدلا بخصلات شعرها الناعمة ويحاكي فيها : قلبي من جواتو رافض يسدق كل اللي صار ، ما بعرف ازا فيني اوثق فيكي بعد اللي صار رح كزب عليكي ازا بئلك انو فيني انسى كل اللي صار واعتبرو ما كان ...

قمر بلشت تتحرك وتستعيد وعيها لما فتحت عيونها سعل وبعد عنها ، اول ما شافتو قمر د

📚قصص||روايات||منوعة📚

rwayate

ارت وجهها عنو ..

رامي : الحمد لله ع سلامتك قمر

قمر بصوت متعب : ما بدي شوفك روح من هون

رامي بغضة : ما رح روح ع محل بلا ما اتطمن عليكي ووصلك للبيت ..

قمر صارت تصرخ : بكررهك رووح من هووون

رامي وجعتلو قلبه هالكلمة : اهدي قمر

ما سمعتلو واستجمعت قوتها وقامت عن التخت بدها تمشي ، راح رامي لعندها ليسندها ويساعدها ..

قمر : اوعك تفكر تقرب مني بعد اليوم ما بدي شوفك

رامي : قمر خلينا نحكي بعدين بالموضوع

قمر بصراخ : لا بعدين ولا هلا اللي صاار بينلي انو الحب مانو كافي لحتى تنجح اي علاقة العلاقة اساسها الثقة وانت بحياتك ما رح توثق فيني وبحياتك ما رح تسدقني وتسدق حبي رح يضل الشك بقلبك ويدخل بيناتنا بكل موقف بنتعرضلو ، اييه انا ممكن كون مدللة وممكن كون سيئة احيانا بس انا ماني مدمنننة وماني وحدة بتتعاطى شي كييف فيك تسدق هالشي عنني ما فكررت انو ممكن في حد بده يخرب علاقتنا ويدخل بيناتنا ، الشخص اللي حط هالشي بشنتايتي هو نفسه الشخص اللي خبرك وهو نفسه الشخص اللي اله مصلحة انو نفترق ونترك بعض رح اتركك مع حالك تعيد حساباتك ووقتها رح تتاكد انك ظلمتني بس رح يكون الوقت اتاخر ع هالشي ...

قمر بعد ما حكت هالكلمات تركتو ل رامي ومشيت ، كلماتها ل قمر ذبحته وقهرته من جوا وبقي واقف مكانه عم يعيد حساباته ويتزكر كل شي صار وكيف تطورت الاحداث ووصلت لهون ، حس وقتها بتانيب الضمير وانو ممكن يكون ظلمها ل قمر ..

لحقها لبرا بس اتاخر لانو ركبت تاكسي ورجعت ع البيت ..

رامي عم يحاسب بحاله : شوو عملتت انا نززعت كل شي كل شي .. اخد تلفونه من جيبه ودق ل دعاء وطلب منها يشوفها وهي ما سدقت وكان طاير عقلها من الفرحة ...
بعد اقل من ساعة كانت دعاء قاعدة بالحديقة وناطرتو ، وصل رامي وبس شافها راح لعندها ..

دعاء : يا اهلااا

رامي كان عم يتطلع عليها بغضب وبنبرة حادة : دعاء انتي شو مشكلتك مع قمر

دعاء انصدمت وتلبكت من السؤال : شوو قصدكك

رامي بصراخ : انتي فهمانة عليي وفهمانة قصدي منيح احكي لييش هيك عملتي

دعاء بلعت ريقها وبلشت تتوتر : اكيد انكرت وانت سدقتها وجاي لتحط الحق عليي

رامي جن جنونه ومسكها من رقبتها وصار يضغط عليها : احكي رح عد للثلاثة ازا ما حكيتي كلشي عندك رح خلص عليكي .. رح تحكي ولا شووو

دعاء ما كانت قدرانة تحكي لانو رامي كابس ع نفسها وعم يخنق فيها ، صارت تهز براسها انها رح تحكي بس يبعد عنها ..

رخى ايده عنها ورجع لورا وهي صارت تاخد بنفس سريع ..

رامي بصراخ : يلاااا احكككي

دعاء بخوف : كنت رح تموتني

رامي رجع قرب عليها ودعاء ارتعبت : ماشي ماشي رح احكي بس انت لا تقرب

رامي : عم اسمعك

دعاء وهي عم ترجف : كلشي حكيتو كان كزب انا ومجدي خططنا لكل شي لحتى نفرقكم ونبعدكم عن بعض

رامي بووجع : ليييييش لييييييش

دعاء : لاني بحبككك وبدي يااااااك

رامي : اخررسي انتي ما بتعرفي تحبي حدااا ، بسببك انااا شكيت بالبنت اللي بعشقهاا وخسرتهاا وخسرت ثقتها وحبهااا

دعاء قامت وقفت مقابيلو ومسكتلو دقنه : اطلع فيني رح تشوف بعيوني اني عنجد بحبك ما عملت هالشي الا لانو ما بدي اخسرررك

رامي دفشها لورا : ما بدي ابتلي فيكي لهيك اخرسي وما بدي اسمع منك ولا حرف وحسابك ع الشي اللي عملتيه بعدين ما رح انسالك ياه ولا لهالواطي اللي اسمه مجدي بس هلا عندي شي اهم اعملوو ... حكى هالكلمات ومشي

دعاء ضلت واقفة مقهورة وجانة ع الاخر لانها تاكدت انها خسرت رامي ع الاخر وشو ما عملت ما عاد يفيد .....

........ ....... ........

قمر رجعت ع البيت شبه منهارة بس ما بينت هالشي قدام اهلها وبقيت قوية ومتماسكة ، لحد ما دخلت على غرفتها وانفجرت بالبكى ، رامي كان عم بيدقلها طول الوقت بس ما كانت ترد عليه وبقيت تفصل بوجهه وبالاخير قفلت تلفونها ...
بعد ما عرف رامي ان دعاء ومجدي وقعوها بالفخ ل قمر ، ما عرف يهدى والندم اكلو من جواته وبقي يفكر بطريقة ليكسب قلب قمر عن جديد وتقدر تسامحه ...

طلع الضوو ورامي بعدو صاحي ، لانو ما قدر ينام وهو عارف انو قمر هلا بتكون مجروحة وموجوعة من اللي عملو معها كتير ، الافكار كانت بتاخده وبتجيبه طول الليل ..
بدل تيابه ع السريع وطلع من البيت قبل ما يفيقو اهله ، قعد بسيارته عم يستنى ب قمر لتطلع من البيت ...

مرقو ساعتين وهو ناطرها بس ما كانت تطلع ، بلش قلبه يغلى ويفقد اعصابه نزل من السيارة بهالوقت لمح سيارتها طلعت من البيت دغري ركب بسيارته ولحقها ...

لما وصلت قمر ع الجامعة بعد ما ركنت سيارتها ، اتفاجات بوجود رامي واقف قبالها ، عملت حالها مانها شايفته وكفت طريقها ، قام لحقها ووقفها ..

رامي : قمرر وقفي لازم نحكي

ما سمعتلو وضلت عم تمشي ..

مسكلا ايدا من زندها ووقفها : عم قلك لازم نحكي

قمر بعصبية : بشووو بدنا نحكي ما ضل شي نحكي فيه

رامي : خلينا نقعد ونروق

قمر : لااء ماني فاضيتلكك

رامي بحدة : قمرر

قمر بصوت عالي : شوو قمررر شو قمرر اتركها ل قمر بحالها ما عاد بدها تش

📚قصص||روايات||منوعة📚

rwayate

📚قصص||روايات||منوعة📚

rwayate

وفك وتحاكيك

ما سمعلها وسحبها من ايدها ودخلو سوا ع الجامعة ..

قمر : لووين اخدني

رامي : هلأ بتعرفي ...

ضلو يسحب فيها لحد ما وصلو ل كافتيريا الجامعة ..

رامي : انتي اوقفي هون ولا تدخلي ل جواا

قمر : لكك شو عم يصيير ليش جيناا لهوون

رامي ما جاوبها ودخل لجوا وصار يدور بعيونه على دعاء ، لمحها قاعدة مع مجدي ..
وقف بنص الكافتيريا وصار يصفق ويطلب من الكل ينتبه عليه : لووو سمحتوو فيكم تنتبهوولي شووي عندي شوية حكي لازم الكل يسمعو ..

قمر جمدت مكانها وانصدمت بتصرف رامي لانها مو فهمانة عليه شو عم بيحاول يعمل ..

مجدي ودعاء كانو بحالة ذهول ومستغربين من وجود رامي بالجامعة ، كانو تنيناتهن عم يحاولو يتخبو منه ويبعدو عن قدام عيونه خصوصا بعد ما عرف مجدي ان دعاء بضغط من رامي خبرتو كل شي صار ...

رامي وقف مقابيل دعاء ومجدي وصار يحكي بصوت عالي : كلاااامي هاد موجه ل مجدي الصياد ودعاء الاحمد وبدي كلكن تكونو شاهدين عليه لتعرفو وساخة هدول التنين ..

هدول التنين اللي شايفينهم قدامكم عملو عملة وسخة كتير مع اقرب رفيقة لالهم ، اتامرو عليهم وحاولو يوقعوها ويورطوها بنجاستهم واللي بسبب عملتهم هيي كان فيني اخسر البنت الوحيدة اللي حبيتها .. هلأ انتو عم تسالو بحالكم ليش عم يحكيلنا هالحكي انا عم قلكم هالحكي لحتى ما حد فيكم يوقع بهالغلطة ويأمن لمتل هيك اشخاص لانهم ما بيستاهلو يكون عندهن اي رفقااات ..

دعاء كانت عم تبكي ومخباية وجهها من خجلتها لانو الكل عم يطلع فيها نظرات استحقار ، اما مجدي عيونه كانت تقدح شرار وقف من مكانه وصرخ : بكفففي لهووون ما رح اسمحلك تحكي ولا حرف زيادة ..

رامي شاورلو بايدو : ايه ايه تعا لاحكيلك

قمر كانت عم بتشاهدهم ومصدومة من اللي عم بيصير ومو مسدقة انو مجدي رفيقها واللي بتوثق فيه عمل هالشي معها ..

مجدي قرب لعند رامي واول ما وصل قبالو ، رامي مسكو من ياقته ورماه ع الارض وقعد فوقه وصار يضرب فيه ع وجهه : ما رح تسمحلي احكي ولا حرف زيادة ااه هلا خلصنا حكي هلا وقت الفعل .. وكفى ضررب ..
ومسكلو ذراعه : هاي الايد الي لمست قمر ما هيك .. ولواها
مجدي بوجع : آآآآآآخ صار يتوجع والدم عم ينزف من انفو ، التمو الطلاب وبعدوهم عن بعض ..

رامي بتهديد : هالمررة خلصت هوون وبتمنى تكون اخدت درسك انت وغيرك .. حكاها وهو عم يتطلع على دعاء ..

قمر ما قدرت تستحمل اللي عم بيصير وطلعت لبرة ركض وهي عم تبكي ، شافها رامي ولحقها وصار ينده عليها ..

رامي بصوت عالي : قمرر وقفي

قمر وقفت واول ما وصل لعندها رامي فاجئتو لما ضربتو كف ع وجهه ..

وقف مصدووم عم يستوعب الشي اللي عملته قمر ..

يتبع ........

📚قصص||روايات||منوعة📚

rwayate

غرام مختلف ❤

النهااية

رامي عصب كتير بعد ما قمر ضربتو ووجهو صار احمر ، مسكلا زندها وصرخ فيها وصب كل غضبو عليها : اناا فيني امرقلك كلشي بس هي كتيير كبيرة كييف بتمدي ايدك عليي قمرر .. جاااوبيني

قمر ارتعبت من نبرتو : ايييه لانك بتستاااهل

رامي بغضب : اووعك ثم اووعك تفكري تعيدي هالشي هاد

قمر : انت شو مفكر حالك عم تعمل فضحتني قدام كل الجامعة

رامي : هالشي كان لازم ينعمل وهدول التنين كان لازم حد يوقفهم عند حدهم والا رح يتمادو اكتر

قمر بابتسامة كلها وجع : هههه يعني انت مفكر ان مشكلتي معك بسبب الشي اللي عملوه وبس ، انا ما همني ولا فرق معي اللي عملوه اللي كسرني وجرحني هو شكك فيي وتصديقك انو انا ممكن اعمل هيك شي لكك كيف قدرت كيف طاوعك قلبك .. وفلتت بالبكى

رامي وهو موجوع وحاسس بتانيب الضمير : مشاان الله لا تبكي انااا غبي حماار ما بفهم لما الموضوع يتعلق فيكي مخي بسكر وما عاد بيستقبل اي شي ، لما شفت الصور انحرق قلبي انو حد غيري لمسك حتى لو غصب عنك ما قدرت اتحمل هالشي ..

قمر : خلصنا ما في داعي نضل نحكي بالموضوع اللي صار صار والموضوع اتسكر وعلاقتنا انتهت ..

رامي : مو بمزاجك لا تنسي انو عرضت عليكي الزواج وانتي وافقتي يعني انتي هلا ع اسمي ولالي واللي بيناتنا ما بينتهي لو بدو ينتهي انتهينا لبعض من زمان ..

قمر بغصة : سعادتك ما رح تكون معي انا ما فيني اسعدك وانت رح تضلك تشك فيني وما تسدق حبي ، فالاحسن لالنا ننهي هي العلاقة هون الحب مو كل شي ...

رامي مسكلا وجهها بين ايديه : اطلعي بعيوني واحكيلي انك عنجد بدك ننتهي خلص ..

اتفاجات بسؤالو وحاولت تخترع حكي لحتى تنفذ حالها من الجواب ، كان مسيطر علة قلبها بنظراتو الساحرة اللي ضيعتها وهي بعدا واقفة مكانها ، حاولت تتركو وتمشي وما تسمع صوت قلبها بس هو فاجأها لما حضنها وضمها لصدرو : لا تجااوبي انا بعرف اني جرحتك وكسرتك كتير ومن الصعب انك تسامحيني خدي وقت قد ما بدك بس اوعك تحكيلي اتركني وروح او بدي ابعد عنك انا سامع دقات قلبك اللي عم بتناديني وعرفت جوالك من عيونك اللي حاولتي تهربيهم مني لحتى ما يفضحوكي ..

قمر كان قلبها عم يخفئ ويرجف بشدة ومتخدرة من لمساتو ، كان نفسها تغفى ع صدرو اللي كانت بامس الحاجة لالو واللي كانت عم تحس بالانجذاب ناحيتو من غير ارادتها ..

رامي : بحبك كتيير قمر وما رح اتركك واتخلى عنك لو شو ما عملتي وشو ما حكيتي ، رح صلح كل غلطي ورح تسامحيني وننسى اللي صار سوا ما رح اضغط عليكي ورح انطرك لحتى تقليلي سامحتك وفينا نبدا كلشي عن جديد وقتها رح ترجعلي روحي ...

قمر بعدت عنه بدون ما تحكي ولا حرف واطلعت فيه بحزن وركبت سيارتها ومشيت ..

رامي مع نفسه بعد ما مشيت قمر : ما رح استسلم رح اكسب حبك عن جديد ..

مرق اسبووع ورامي كان عم يحاول يراضي قمر بس ما كانت ترضى وكانت عم تتجاهل مكالماته ورسائله طول الوقت ولما تشوفه تتخبى وتغير طريقها ، رامي كان رح يجن من اشتياقه لالها وهي كانت عم تشتئلو كتير بس كانت تكابر وغروروها ما كان يسمحلا تعترف بهالشي لاله ..

رامي قاعد بمكتبو ساند ظهرو ع الكرسي وعم يفكر بقمر ويفكر بطريقة يراضيها فيها ويكسبها عن جديد ..

بهالوقت بيندق الباب عليه ..

رامي : تفضل

بينفتح الباب وبتكون قمر وعلامات العصبية ع وجهها ..

رامي بس يشوفها بفرح كتير وبوقف عن كرسيه : قمرر تعيي ليش واقفة عندك ؟

قمر بجدية : ما رح طول بدي احكي معك بموضوع

رامي بقلق : تعي اقعدي

قمر راحت لعنده وقعدت ع الكرسي ورامي سحب كرسي وقعد مقابيلها ..

كان باين على قمر ملامح التوتر والقلق ..

رامي ليلين الوضع : اشتئتلك قمر

قمر اتجاهلتو : انا جيت لاحكي معك بموضوع ..

رامي : شوو في قمر ؟

قمر : بالفترة اللي مرقت انا قعدت وفكرت منيح باللي صار ، علاقتنا بعد اللي صار ما ممكن ترجع متل قبل لانو اللي انكسر ما بيتصلح وكان غلط انو نبدا بهي العلاقة ، انا بعرف انك بتحبني بس الحب مو كلشي ويمكن لو كنت بحبك بنفس مقدار الحب اللي بتحبني اياه كان ممكن كلشي يكون غير بس انا ما بحبك لدررجة انو فيني حارب واتنازل كرمال هالعلاقة ، انا من اسبوع اتقدملي شب وانا كنت عم فكر بالموضوع ولاقيت انو انا وياه مناسبين لبعض اكتر جيت خبرك بهالشي لحتى قلك ما عاد تدايقني وتطلع بوجهي انا رح ابدا حياة جديدة وبدي اترك كلشي صار ورا ظهري بتمنى تفهمني ...

رامي كان عم يسمع هالكلمات وكانو شي سكين عم تغز بقلبه مع كل كلمة بتحكيها قمر ، نفسه صار يديق وبلش يحلل بكرافتوو وعم يحكي بخنقة : لاااء قمرر مستحيل تكوني عم تحكي جد مستحييل

قمر : بتمنى تفهم عليي بشي يوم وتتاكد انو اللي عملتو واللي فكرت فيه لمصلحتنا تنيناتنا ... ووقفت من مكانها

رامي جن جنونه وطار عقله ودفش الكرسي اللي كانت قاعدة عليه لورا بقوة ووقف مسكلا ذراعها وصار يضغط عليه ويصرخ فيها : شوووو بدكك افهمممم شووو عم تحككي انتي ، مستحيييل تكووني بوعييك مستحييل تعملي فيني هيييك شي اايييه

📚قصص||روايات||منوعة📚

rwayate

انا بستاااهل عقااب وبعترف بهالشي بس حراام عليكي يكوون هالعقاب كبيير هييك انا ما فيني اتحمل قمرر سدقيني ما فيني اتحمل هالعقاب مررة تانية لانو رح تخسري شي اسمو رامي للابد هالمررة ..

قمر بعدتو عنها : مااا بهمني انا طول عمري ما بفكر الا بحاالي ورح ابقى هييك ، انساني رامي ويا ريت لا بقى تعترض طريقي وتعيش حيااتك ... حكت هالكلماات وتركتوو وطلعت من المكتب ..

رامي بعد ما طلعت قمر حس كانو الدنيا عم تفتل فيه والارض انهارت تحت رجليه ، لهلا ما عم يستوعب اللي حكتو قمر وكيف تركتو بهي الحالة ومشيت ..

قعد ع الكرسي وكان ووجهو احمر مسك راسه وكان وحاسس ان رح ينفجر من الوجع : يااا ربي شو اللي عم بيصير بشوو عم تختبرني ...

بهالوقت بيندق الباب عليه بقوم بصرخ : مااا بدي شووف حدا روحووو من هووون .. وبيصير يرمي كلشي بيجي نظره عليه ع الارض

بينفتح الباب واول ما يشوف قمر بصرخ بووجع : شووو ضل شي ما حكتيييه

قمر ببرود : ضل قلك انوو بحبببك واشتقتلكك كتيير

رامي صفن فيها ومش عم يستوعب اللي حكتوو ..

قمر قفلت الباب وهرولت لعنده وقفت مقابيلو وصارت تحس بوجهه : ياا قلبي لييش هيك وجهك ع شوي رح تنجلطط اسفة حبيبي ثقلت عيار المزح شووي بس كانت لازمتك ... قعدت بحضنوو وضمتووو

رامي بحدة وجنوون بعدها وقام من مكانه وصار يصرخ عليها : شوو مفكرة حالكك عم تعملي بتعرفي انو قلبي كان رح يوقف من ورا مزحاتكك شو هالمزح السخييييف هيك الواحد بيمزح

قمر عم تبتسم وحكت بدلع : ااسفة حبيبي ما بعيد هيك مزح

رامي اخد نفس عمييق وطويل حس فيه عم يجري بكل جسموو : رح تجلطيني انتي ما بدك تكبري وتعقلي

قمر قربت منه وشبكت دياتا ع رقبتو : بدي اكبر معك بس ما بوعدك انو اعقل انت حبيتني وانا هيك ولازم ترضى بكل شي فيني

رامي ضغط ع اسنانه : لكك شو بدي اعمل فيكي شوو بدي اعمل فيكي .. وقعتيلي قلبي تعي لهوون نيمها ع صدرو وصار يمسدلا ع شعراتها : انتي نقطة ضعفي بهالحيااة لا بقى تختبريني بحبي لالك ما فيني اتحمل هالشي ..

قمر : بحبكك رامي كتيير ما بقى بدي نتخانق ونزعل من بعض ، الاسبوع هاد مرق عليي كانو سنين ما كنت عم بقدر اتنفس وانت بعيد عني

رامي : ااااه بس كان فيكي تعملي خطط ومزحات بتوقف القلب

قمر دقتو ع صدرو وهي عم تضحك : اايه بس بدك تتعود ع مزحاتي

رامي : انا فيني اتعود ع كلشي منك بس مزحات من هاد النوع ما بدي

قمر : حاااضر حااضر فهمت خلصنااا

رامي مسكلا اذنها : لازم تتعلمي تسمعي كلمة زوجك

قمر : زوجي !!

رامي : اييه زووجك هلا وفورا رح نطلع من هون ماسكين بايدين بعض وفورا لعند اهلك رح نوقف قبالهن ونعترفلهن انو بنحب بعض وباسرع وقت ممكن نتجوز لانو ما فيني انطر ضل بعيد عنك اكتر من هيك

قمر : مووافقة وبوعدك اصير اسمع هالكلمة او ما بوعدك رح حاول هههه

رامي طبعلا بوسة ع خدها : لكك دخيل الزكاووة والله بتتاكلي اكل شو اعمل حد بيكون عنده القمر بحد ذاته وبيكون فيه يضل بعيد عنه ..

قمر رجعت طبعتلو بوسة ع خده وصارت ترجع بخطواتها لورا لحد ما وصلت لعند الباب وقفت : بعد ما نطلع من هون رح تكون النا حياة جديدة بدي توعدني انو نحافظ على بعض طول العمر وشو ما يصير بيناتنا ما نترك بعض ونواجه كلشي سوا وبحبنا الكبير رح نتغلب على كل شي ازا قد هالوعد فيك تيجي تمسك ايدي ونطلع من هون ونخطي اول خطوة لالنا ..

رامي بدون تردد راح لعندا ومسكلا ايدا وباسها : انتي بتعرفي قديش حلمت واستنيت هيي اللحظة ، انا هلا اسعد انسان بالدنيا وبقدر احكيلك انو حلمي بهالحياة تحقق وما عاد بدي شي تاني الا انك تضلي حدي ومعي لاخر يوم بهالحياة ع المرة قبل الحلووة ..

قمر : وانا رح كون معك بكل ثانية وكل دقيقة وكل ساعة وكل العمر وبوعدك قصة غرامنا وحبنا رح تكون مختلفة عن الكل

رامي : غراامي لالك رح يبقى مختلف ومستحيل حد يحب ويعشق وينغرم بحدا بهالطريقة هيي

قمر شدتلو ع ايدو وهو قربها منه وحط ايده ع كتفها ومشيو سوا بهالطريق وهنن عم يطلعو ببعضهن ويبتسمو وقلوبهن طايرة من الفرحة والدنيا مو واسعتهن ....

بعد مرور ٦ اشهر ...

قمر بالمطبخ عم تعمل بفنجان قهوة ل رامي ، رامي كان قاعد ع الكنبة بالصالة وعم يحضر بالمباراة ..

قعدت حده قمر بعد ما تركت فنجان القهوة ع الطاولة وصارت تتحركش فيه وتلعبلو بإذنو : حبيبي

رامي : اه يا روحي

قمر بدلع : بتحبني

رامي : شو هالسؤال قمر مع هيك رح سايرك وقلك اني بعشقك مو بس بحبك ..

قمر : اديه يعني

رامي : كتيييير كتيييير

قمر : امممممم اثبتلي لشووف

رامي ترك الريموت حده وقرب على قمر بده يبوسها ، قاام سحبت الريمووت من تحته وزاحت عنه وقعدت تقلب بالتلفزيوون

رامي ضغط ع اسنانه بعد ما كشف لعبتها : وبعددين معك قمرر كل مرة بتسلبيلي عقلي بدلعك وحكيكك وبتعملي نفس الحركاات

قمر وهي عم تضحك : اييه وانت عم بتسدق شوو اعملكك

رامي : بس شي مرة خليتك تنفذي منها هييك ؟؟

قمر عرفت قصد راامي ودغري فزت عن الكنبة وهربت منه ..

رام

📚قصص||روايات||منوعة📚

rwayate

ي وهو عم يضحك ع هبلها وصار يحاكي بحاله : هالبنت عم بتخليني ارجع راهق عن اول وجديد .. ولحقهااا

قمر : راامي خلص خد الريمووت والله ما بعيدهااا

رامي : ههههه اتاخرتي كتير كنتي فكرري قبل

قمر رمتلو الريمووت : خلصص والله استسلمت

رامي رجع رماه ع الكنبة : ما عاد يهمني .. وجري لعندها مسكها وحاوطها من خصرهاا : مسكتك ما بتعرفي تقعدي عاقلة لازم ضل لاحقك متل توم وجيري

قمر : هههه بحب ادلل عليك

رامي : وانا بحب شقاوتك وبحب دلالك وكلشي فيكي

النهاااية
كل الحب مني لالكم ( نور جمعة )

📚قصص||روايات||منوعة📚

rwayate