-بمكتب العقيد عادل قاعد ركان بكل راحة وحاط اجر فوق التانية وساند دقنه بايده وبطلع ب نغم الي منفعلة وبتحكي بصوت عالي ومش معطية مجال لحدا غيرها يحكي
نغم..لك بدي افهم انتو كيف بتجيبوه هيك بناءا ع حكي واحد ازعر مش معروف مين هو!! مجرد واحد
العقيد .. حضرة المحامية فيه مجال تهدي ونعرف نحككيي
نغم.. شو بدك تحكي بالله!! انا موكلي ينجاب من نص بيتو بهاي الطريقة لييه!!
العقيد .. تمام صار سوء تفاهم وانا بعتذر نيابة عن المحقق طارق
ماكان لازم يوخد بحكي واحد اتهم الاستاز ركان
نغم ... بس هو...
قطع عليها صوت ركان الي وقف
ركان... تمااام شكرا كتير حضرة العقيد مش مشكلة حصل خيير
ووجه نظرو للي لسه واقفة ومعصبة
... نغم!! نمشي!!
نغم.. تماام يلا .. بس بتمنى الشي الي صار اليوم مايتكررر
العقيد .. تمام ولايهمك
وسحبت شنطتها ب عصبية وطلعت مع ركان ل برا
...
كان ماشي ركان مع نغم الي لسه بتحكي ومبين انها منفعلة بس شاف اشي خلاه يوقف..
نغم .. شبك ركان!! ليه وقفت!! على شو عم تطلع!! لك رك...
ندرات للجهة الي بطلع عليها كان واقف بكل هيبة باللباس المدني قميص زيتي مفتوح اول زرين من فوق مع بنطلون اسود حاطط ايديه بجيابو وابتسامة مايلة ع وجههو
طارق .. الحمدلله ع السلامة ركان .. بيك
ضل ركان واقف قدامو مااعطى اي ردة فعل ونظراتو باردة تماما
ضل التنين واقفين قبال يتزاور ..الحقد و الكره الي بعيونهم كان واضح كتييير .. ولوو النظرات بتقتل كان بهديك اللحظة قتلو بعض
قطع عليهم وقفتهم صوت نغم الي تعدت ركان ووقفت قبال طارق .. رفعت راسها لفوق باتجاهه بما انو اطول منها بشوية زيادة ونظرات العصبية واضحة بعيونها ونبرة صووتهها حكت وهي بتكز ع سنانها
نغم .. ازا بعد مرة بتكرر الي صار اليوم .. صدقني ما رح اتساهل معكك ورح ارفع عليك قضية اطيرك من البلد كلها مو بس منصبكك واعتبره تهديد مني
ضل لثواني صافنيين بعيون بعض بعد ما مشا ركان وتعداهم وندى ع نغم
ركان..يلا نغم خلينا نمشي
كملت مشي وهي لسه بتزورو وهو بعدو صافن فيها غرقان بعيونها
-سبحاان من خلق هالعيون .. مو طبيعي شو شرسة عجبتني
ضحك ضحكة جنابية وكمل مشي ل مكتب العقيد
اما برا طلع ركان مع نغم بالسيارة
نغم .. وصلك ع مكان ولابدك ترو...
ركان.. ع البيت .. موجاي ع بالي اطلع
نغم .. اووك ( ردت عليه وهي تشغل السيارة )
....
اما جوا بالمكتب
دق الباب
العقيد .. تفضل
ضرب تحيه طارق ووقف .. احترامي سيدي
العقيد.. اقعود طارق
طارق.. حكولي انك طلبتني
العقيد .. شو هاد الي عملتو اليوم!!
قلب شفتو ع جنب وهي يحكي .. مجرد حركشة
العقيد.. حركشة!! هو صاحبك بالحارة تتحركشو لك ابني
انت مابتعرف مين ركان الأحمد لحتى تجيبو بهاي الطريقة للفرع
لمعو عيونو بالكره وهو يكز ع سنانو
طارق .. وحياتك بعرفو وبعرفو كتييير منيح .. ومش رح ارتاح الا لما اشوفو بالسجن ورا القضبان وادفعو تمن الي عملو
العقيد.. الموضوع القديم ماهيك!! يعني متى بدك تقتنع انو كانت حادثة وركان مادخلو
ركان .. كيف مادخلو فهمني!! لك الي سبب الانفجار كان من رجالو .. وكان واصلنا اخبارية انو فيه شحنة بدهم يستقبلوها بنفس اليوم!! معقول كل الي صار صدفة
ما تقنعني انو ماكان قاصد قصي يموت
العقيد.. الي صار ل قصي قدرو من هالحياة .. ونحنا منعرف انو الواحد فينا بكون طالع ع مهمة وحاطط روحو بين ايديه
طارق .. اييه بعرف هالشي ودم صاحبي ما رح يروح هدر
وقف وطلع بعد مااستأذن
العقيد .. الله يهديك طارق بس
...
اما برا طلع وهو لسه عيونو بقدحو من العصبية
مع رنة جوالو .. اخد نفس وزفرو وهو شايف اسم (جوليا) الشاشة طفاه ومشط شعرو بايده وطلع بالسيارة ومشا بأقصى سرعة
انا عند جوليا
نزلت الجوال عن اذنها وهي مستغربة انو طارق مالو بالعادة يفصلها قلبت شفايفها بانزعاج مع صوت جاد الي بنادي عليها
-يلا جولي يلاا الاكل حيبرد
رجعت ع السفرة وقعدت حد جاد قبال المقعد الفاضي لطارق حد نور الي كانت تتناقر هي وجاد ع شي اكلة ع الطاولة
جاد.. لك اتركي ولليي ام بطن
نور.. اايييه بس هاي الي ماما جمانة عملتها خصوصي الي
جاد.. شوو هي ماما جمانة الك لحالك وانا كمان الي حصصةة وو...
--هششش لك بكففييي انتي واياه .. فيه كمية بتكفي للكل.. وجاد شيل ايدك ممنوع حدا ياكل قبل ماييجي طارق
ضحكت جوليا.. اييه وازا ماشبعت جاد باشا بعطيك حصتي كمان
"جمانة ... او زي مابحكولها الشباب ماما جمانة.. ست بالخمسينيات من عمرها كانت مديرة الميتم لفترة طويلة وهاي السنة بتتقاعد ورح تترك منصبها لحدا تاني وهالاشي كتير مزعلها بس الي مطمنها انو نور هنيك الي لما وصلت 18 رفضت تطلع منو متل البقية وفضلت اضل وتهتم بالصغار الي صار تعتبرهم كل حياتها "
ضحكو التلاتة ع جاد الي كان لسه ماسك الشوكة وبدها يغرزها بالأكل ...بس صوت قطع ضحكتهم
طارق.. مسالخير ي جماعة
جاد.. ها وهاي شرف حبيب الشعب
رد الكل عليه التحية
وراحت جمانة تستقبل طارق وتحضنو
بينما استغل جاد إنشغال نور الي لفت لحتى تشوف مين اجا وسحب الصح