ﻭﺗﺎﻧﻲ ﺷﻲ ﻃﻠﻌﺖ ﻣﻦ ﻏﻴﺮ ﺍﺫﻥ ﻭﻫﻲ ﺍﺩﻥ ﺍﻟﻤﻐﺮﺏ ﻭﻟﻬﻸ ﻣﺎ ﺷﺮﻓﺖ
ﺍﻡ ﻣﺮﺍﺩ : ﺑﺎﻟﺮﻭﺍﻕ ﺍﻣﻲ ﻭﺍﻟﻤﺴﺎﻳﺮﺓ ﺑﺘﻘﺪﺭ ﺗﺎﺧﺪ ﻣﻨﻬﺎ ﺍﻟﻠﻲ ﺑﺪﻙ ﻳﺎﻩ
ﺑﺲ ﺍﺫﺍ ﺍﻧﺖ ﺑﺪﻙ ﺗﻌﻴﻂ ﻭﻫﻴﺔ ﺗﻌﻴﻂ ﻟﺢ ﺗﺨﺘﻠﻔﻮ
ﻭﻣﺎ ﺗﻮﺻﻠﻮ ﻟﻨﺘﻴﺠﺔ ﻟﻬﻴﻚ ﺍﺫﺍ ﺍﺟﺖ ﺧﺪﻫﺎ ﺑﺎﻟﺮﻭﺍﻕ
ﻭﺻﻠﺖ ﻫﺒﺔ ﻋﺎﻟﺒﻴﺖ
ﻫﺒﺔ : ﻣﺴﺎ ﺍﻟﺨﻴﺮ
ﻣﺮﺍﺩ : ﻣﺴﺎ ﺍﻟﻨﻮﺭ ﻳﺎ ﻣﺪﺍﻡ ﻭﻳﻨﻚ ﻟﻬﻸ
ﺍﻡ ﻣﺮﺍﺩ : ﺍﻣﻲ ﺍﻫﺪﻯ ﺷﻮﻱ ﺷﻮ ﺣﻜﻴﻨﺎ
ﻣﺮﺍﺩ : ﺍﻣﻲ ﻻ ﺣﺪﺍ ﻳﺘﺪﺧﻞ ﺑﻴﻨﺎ
ﺍﻡ ﻣﺮﺍﺩ : ﻋﻠﻰ ﻃﻮﻝ ﻣﺘﺴﺮﻉ ﺍﻟﻠﻪ ﻳﻬﺪﻳﻪ
ﺳﺤﺒﻨﻲ ﻣﻦ ﺍﻳﺪﻱ ﻭﻃﺎﻟﻌﻨﻲ ﻋﺎﻟﻐﺮﻓﺔ ﺩﻓﺸﻨﻲ ﻟﺠﻮﺍﺍﺍ
ﺑﻠﻌﺖ ﺭﻳﻘﻲ ﻭﻗﺖ ﺷﻔﺖ ﻇﺮﻑ ﺍﻟﺤﺐ ﻋﺎﻟﺘﺨﺖ
ﻣﺮﺍﺩ : ﻋﻢ ﺍﺳﻤﻌﻚ ﺷﻮ ﻓﻲ ﻋﻨﺪﻙ ﺷﻲ ﺗﺤﻜﻲ
ﺍﻭ ﻣﻦ ﻭﻳﻦ ﺑﺘﺤﺒﻲ ﻧﺒﻠﺶ
ﻫﺒﺔ : ﻣﺮﺍﺩ ﺍﻫﺪﻯ ﻻ ﺗﻌﺼﺐ
ﻣﺮﺍﺩ : ﻭﻳﻦ ﻛﻨﺘﻲ ؟؟؟
ﻫﺒﺔ : ﺭﺣﺖ ﻟﻌﻨﺪ ﺍﻫﻠﻲ
ﻣﺮﺍﺩ : ﻛﺬﺍﺍﺍﺑﺔ
ﻣﺴﻜﻨﻲ ﻣﻦ ﺍﻳﺪﻱ ﻭﺷﺪ ﻋﻠﻴﻬﺎ ﻟﻴﺶ ﻋﻢ ﺗﻜﺬﺑﻲ
ﺩﻗﻴﺖ ﻻﺑﻮﻛﻲ ﻣﺎ ﻛﻨﺘﻲ ﻋﻨﺪﻫﻦ
ﻫﺒﺔ ﻋﻢ ﺗﺒﻜﻲ ﻣﻦ ﻭﺟﻊ ﺍﻳﺪﻫﺎ
ﺭﺣﺖ ﺗﻤﺸﻴﺖ ﺷﻮﻱ ﺑﺎﻟﺤﺪﻳﻘﺔ
ﻣﺮﺍﺩ : ﻣﺎ ﺷﺎﺀ ﺍﻟﻠﻪ ﻟﻬﻸ ﻟﻬﺎﺩ ﺍﻟﻮﻗﺖ ﺑﺮﺍ ﻟﺤﺎﻟﻚ
ﻫﺒﺔ : ﻣﺮﺍﺩ ﺷﻮ ﺑﻚ ﺍﻟﺪﻧﻴﺎ ﻟﺴﻰ ﺍﻟﻤﻐﺮﺏ
ﻭﺍﻧﺎ ﻣﺎ ﻛﻨﺖ ﻟﺤﺎﻟﻲ ﻛﺎﻧﺖ ﺑﻴﺴﺎﻥ ﻣﻌﻲ
ﻫﺪﻱ ﺷﻮﻱ ﻭﺑﻌﺪ ﺍﻳﺪﻩ
ﺍﻧﺎ ﺻﺮﺕ ﺍﻓﺮﻙ ﺍﻳﺪﻱ ﻣﺤﻞ ﺍﻟﻮﺟﻊ
ﻣﺮﺍﺩ : ﻭﻫﺎﺩ ﺷﻮ ﺍﺍﺍﻩ ﻫﺎﺩ ﺷﻮ ﻟﻚ ﻣﻦ ﺍﻳﻤﺘﻰ ﺑﺘﺎﺧﺪﻱ ﺣﺒﻮﺏ ﻭﺣﺘﻰ ﻣﻦ ﻏﻴﺮ ﺍﺫﻧﻲ
ﻫﺒﺔ : ﺍﺧﺪﺗﻬﻦ ﻗﺒﻞ ﻣﺎ ﻧﺘﺰﻭﺝ ﺑﻴﻮﻣﻴﻦ ﺧﻔﺖ
ﻳﺼﻴﺮ ﺣﻤﻞ ﺑﻬﻴﻚ ﺟﻮ ﻛﻨﺖ ﺑﻌﺮﻑ ﺣﺎﻟﻲ ﻣﻮ ﺟﺎﻫﺰﺓ ﻟﻬﻴﻚ ﺧﻄﻮﺓ
ﻣﺮﺍﺩ : ﻟﻚ ﺑﺘﺠﻲ ﺑﺘﻘﻠﻴﻠﻲ ﻣﻮ ﺑﺘﺘﺼﺮﻓﻲ ﻣﻦ ﻋﻨﺪﻙ
ﻫﺪﺍ ﺷﻲ ﺧﺎﺹ ﻓﻴﻨﺎ ﻧﺤﻨﺎ ﺍﻟﺘﻨﻴﻦ
ﻧﺤﻨﺎ ﻣﻨﺎﺧﺪ ﻗﺮﺍﺭ ﻣﻮ ﻟﺤﺎﻟﻚ ﺗﻘﺮﺭﻱ
ﻫﺒﺔ : ﺧﻔﺖ ﻣﺎ ﺗﻮﺍﻓﻖ ﻭﺍﻧﺎ ﺣﺎﺑﺔ ﻛﻤﻞ ﺩﺭﺍﺳﺘﻲ
ﻣﺮﺍﺩ : ﺩﺭﺍﺳﺔ ﻣﺎ ﻓﻲ ﻭﺑﺪﻙ ﺗﻘﻌﺪﻱ ﺑﺎﻟﺒﻴﺖ ﻫﻮﻥ ﻻ ﻃﻠﻌﺔ ﻭﻻ ﻓﻮﺗﺔ
ﻭﺍﻧﺎ ﺑﺪﻱ ﻭﻟﺪ ﻓﻮﺭﺍ
ﺑﺘﻮﻗﻔﻲ ﻫﺎﺩ ﺍﻟﺴﻢ ﺍﺣﺴﻦ ﻣﺎ ﺍﻋﻤﻞ ﺷﻲ ﻳﺨﻠﻴﻜﻲ ﺗﻨﺪﻣﻲ ﻋﻢ ﺗﻔﻬﻤﻲ
ﻫﺒﺔ ﻗﻌﺪﺕ ﻋﺎﻻﺭﺽ ﻭﺻﺎﺭﺕ ﺗﺒﻜﻲ
ﻟﻚ ﺷﻮ ﺻﺮﻟﻪ ﻓﺠﺄﺓ ﻭﺍﻟﻠﻪ ﻣﺎ ﻛﺎﻥ ﻫﻴﻚ
ﺩﺧﻠﺖ ﺍﻡ ﻣﺮﺍﺩ ﻟﻌﻨﺪﻱ ﻭﻗﻌﺪﺗﻨﻲ ﻋﺎﻟﺘﺨﺖ
ﺟﺎﺑﺘﻠﻲ ﻣﻲ
ﻋﻢ ﺍﺷﺮﺏ ﻭﻏﺺ ﺑﻜﻞ ﻧﻘﻄﺔ
ﺍﻡ ﻣﺮﺍﺩ : ﺍﻟﻠﻪ ﻳﻬﺪﻳﻜﻲ ﻳﺎ ﺑﻨﺘﻲ ﻛﻴﻒ ﻫﻴﻚ ﺑﺘﺎﺧﺪﻱ ﺣﺐ ﺑﺪﻭﻥ ﻋﻠﻤﻪ
ﻫﺒﺔ : ﺍﻧﺘﻲ ﺑﺘﻌﺮﻓﻲ ﻋﻼﻗﺘﻨﺎ ﻛﻴﻒ ﻛﺎﻧﺖ ﻣﻦ ﻗﺒﻞ
ﻛﻴﻒ ﺑﺪﻱ ﺟﻴﺐ ﻭﻟﺪ ﻋﻠﻰ ﻫﻴﻚ ﺟﻮ ﺧﻔﺖ ﻳﺼﻴﺮ ﺣﻤﻞ ﻭﺍﻧﺎ ﻣﻮ ﻗﺪ ﻫﺎﻟﻤﺴﺆﻭﻟﻴﺔ ﻭﻣﺎﻟﻲ ﺟﺎﻫﺰﺓ ﺣﺎﻟﻴﺎ
ﻋﺎﻟﻘﻠﻴﻠﺔ ﺳﻨﺔ ﺯﻣﺎﻥ ﻧﻘﻀﻲ ﻛﻢ ﻳﻮﻡ ﺣﻠﻮﻳﻦ
ﺍﻡ ﻣﺮﺍﺩ : ﻃﻴﺐ ﺑﺘﺠﻲ ﺑﺘﺤﻜﻲ ﻣﻌﻪ ﺑﺘﺘﻔﺎﻫﻤﻮ ﻣﻮ ﺗﻌﻤﻠﻲ ﺷﻲ ﻣﻦ ﻭﺭﺍﻩ
ﺍﻫﺪﻱ ﻫﻸ ﻻ ﻋﺪ ﺗﺒﻜﻲ ﺑﺲ ﻳﺮﺟﻊ ﺣﺎﻭﻟﻲ ﺗﺼﺎﻟﺤﻴﻪ
ﻭﺍﺑﺪﺍ ﻣﺎ ﺗﻨﺎﻣﻲ ﻳﻮﻡ ﻭﻫﻮﺓ ﺯﻋﻼﻥ ﻣﻨﻚ ﻣﺸﺎﻥ ﻣﺎ ﻳﺘﻌﻮﺩ
ﻫﺒﺔ : ﺑﺮﻛﻲ ﻣﺎ ﻗﺒﻞ
ﺍﻡ ﻣﺮﺍﺩ : ﺣﺘﻰ ﻟﻮ ﺍﻟﻤﻬﻢ ﺍﻧﻚ ﺗﺒﺎﺩﺭﻱ
ﺍﻧﺎ ﺑﺲ ﻳﻬﺪﻯ ﺑﺤﻜﻲ ﻣﻌﻪ ﻣﺸﺎﻥ ﺟﺎﻣﻌﺘﻚ
ﻋﺎﻧﻘﺘﻬﺎ ﻭﺑﻮﺳﺘﻬﺎ ﺍﻟﻠﻪ ﻳﺨﻠﻴﻠﻲ ﻳﺎﻛﻲ
ﻣﺎﻫﺮ ﻭﻳﺎﺭﺍ ﺑﻴﺸﺘﻐﻠﻮ ﺳﻮﺍ ﺑﺮﻭﺣﻮ ﺳﻮﺍ ﻋﺎﻟﺪﻭﺍﻡ ﻭﺑﻴﺮﺟﻌﻮ ﺳﻮﺍ ﻫﻴﺔ ﺩﺍﺭﺳﺔ ﻣﻌﻬﺪ ﺗﻤﺮﻳﺾ
ﺣﺘﻰ ﻫﻨﺔ ﻣﺄﺟﻠﻴﻦ ﻓﻜﺮﺓ ﺍﻟﻮﻻﺩ
ﺍﻧﺘﻈﺮﻧﺎ ﻣﺮﺍﺩ ﻋﺎﻟﻌﺸﺎ ﻣﺎ ﺍﺟﻰ
ﺍﻛﻠﺖ ﻟﻘﻤﺘﻴﻦ ﻣﻦ ﺩﻭﻥ ﻧﻔﺲ
ﻃﻠﻌﺖ ﻋﻠﻰ ﻏﺮﻓﺘﻲ
ﺟﻬﺰﺕ ﺣﺎﻟﻲ ﻟﺒﺴﺖ ﻗﻤﻴﺺ ﻧﻮﻡ ﺳﺎﺗﺎﻥ ﻟﻮﻥ ﺯﻫﺮ ﻓﺎﺗﺢ ﻇﻬﺮﻩ ﺷﺒﻚ ﻣﻦ ﻭﺭﺍ ﻗﺼﻴﺮ ﻟﻔﻮﻕ ﺍﻟﺮﻛﺒﺔ
ﺣﻄﻴﺖ ﻣﻜﻴﺎﺝ ﺷﻮﻱ ﻭﺷﻐﻠﺖ ﺷﻤﻮﻭﻉ ﻭﻗﻠﺖ ﺑﺼﺎﻟﺤﻪ ﺍﻟﻠﻴﻠﺔ ﻣﺘﻞ ﻣﺎ ﺣﻜﺖ ﻣﺮﺕ ﻋﻤﻮ
ﺷﻮﻱ ﺣﺴﻴﺖ ﺍﻟﺒﺎﺏ ﻋﻢ ﻳﻨﻔﺘﺢ
ﻛﺎﻥ ﻋﻢ ﻳﻔﺘﺤﻪ ﺷﻮﻱ ﺷﻮﻱ ﻣﻔﻜﺮﻧﻲ ﻧﺎﻳﻤﺔ
ﺗﻔﺎﺟﺊ ﺑﺎﻟﺸﻤﻮﻉ ﺑﺲ ﻣﺎ ﻋﻄﻰ ﺭﺩﺓ ﻓﻌﻞ
ﺭﻛﻀﺖ ﻋﻠﻴﻪ ﻭﺣﻀﻨﺘﻪ ﺻﺮﺕ ﺍﺑﻜﻲ
ﻣﺮﺍﺩ ﺍﻧﺎ ﺍﺳﻔﺔ ﻭﺍﻟﻠﻪ ﻣﺎ ﻛﺎﻥ ﻗﺼﺪﻱ ﺯﻋﻠﻚ
ﻣﺮﺍﺩ : ﻣﺴﺤﻠﻲ ﺩﻣﻮﻋﻲ ﻫﺸﺸﺶ ﺧﻠﺺ ﻣﺎ ﺑﺪﻱ ﺷﻮﻓﻚ ﻋﻢ ﺗﺒﻜﻲ ﺩﻣﻮﻋﻚ ﻏﺎﻟﻴﻴﻦ ﺑﺤﺮﻕ ﺍﻟﺪﻧﻴﺎ ﻛﺮﻣﺎﻟﻬﻦ
ﺍﻧﺎ ﻛﻤﺎﻥ ﺍﺳﻒ ﻻﻧﻲ ﻋﺼﺒﺖ ﻋﻠﻴﻜﻲ
ﻓﺎﻳﺖ ﺍﺗﺤﻤﻢ ﻭﺍﻃﻠﻊ ﻋﺪﻟﻴﻠﻲ ﻣﻜﻴﺎﺟﻚ ﻟﻨﻜﻤﻞ ﺳﻬﺮﺗﻨﺎ ﺧﺮﺑﺘﻴﻪ ﺑﺎﻟﺒﻜﺎ ﻭﻏﻤﺰﻧﻲ ..
ﻫﺰﻳﺖ ﺑﺮﺍﺳﻲ ﻭﺭﺟﻌﺖ ﻇﺒﻄﺖ ﺣﺎﻟﻲ
ﻭﻋﺸﻨﺎ ﻟﻴﻠﺔ ﺍﺣﻠﻰ ﻣﻦ ﻛﻞ ﺍﻟﻠﻴﺎﻟﻲ ﺣﺴﻴﺖ ﻣﺮﺍﺩ
ﻧﺪﻣﺎﻥ ﻋﺎﻟﻠﻲ ﻋﻤﻠﻪ
ﻣﺮﺍﺩ : ﺑﺪﻱ ﻗﻠﻚ ﺷﻐﻠﺔ ﺣﺎﺑﺐ ﺗﻜﻮﻧﻲ ﺍﻭﻝ ﺣﺪﺍ ﺑﻴﻌﺮﻑ
ﻫﺒﺔ : ﺧﻴﺮ ﺣﺒﻴﺒﻲ ﺷﻮﻓﻲ
ﻣﺮﺍﺩ : ﺭﻓﻴﻘﻲ ﻋﻠﻲ ﻃﻠﺐ ﺍﻳﺪ ﺟﻨﻰ ﻣﻨﻲ
ﺑﺼﺮﺍﺣﺔ ﻓﺮﺣﺖ ﻛﺘﻴﺮ
ﻛﻨﺖ ﻛﺘﻴﺮ ﺍﺗﻤﻨﻰ ﺯﻭﺟﻪ ﺣﺪﺍ ﻣﻦ ﺍﺧﻮﺍﺗﻲ
ﻋﻠﻲ ﺷﺐ ﺍﺑﻀﺎﻱ ﻭﺷﻬﻢ ﻭﺑﻴﻨﺸﺪ ﺍﻟﻀﻬﺮ ﻓﻴﻪ
ﻫﺒﺔ : ﺍﻟﻒ ﺍﻟﺤﻤﺪ ﻟﻠﻪ ﺍﻟﻠﻪ ﻳﺘﻤﻢ ﻋﻠﻰ ﺧﻴﺮ
ﺍﻳﻤﺘﻰ ﻟﺢ ﺗﺤﻜﻲ ﻣﻊ ﺍﻫﻠﻚ
ﻣﺮﺍﺩ : ﺑﻜﺮﺍ ﺍﻟﺼﺒﺢ ﻓﻲ ﺧﺒﺮﻳﻦ ﻟﺢ ﻗﻠﻬﻦ ﻳﺎﻫﻦ
ﻫﺒﺔ : ﺷﻮ ﺍﻟﺨﺒﺮ ﺍﻟﺘﺎﻧﻲ
ﻣﺮﺍﺩ : ﻫﺎﺩ ﻣﺎ ﺍﻟﻚ ﻋﻼﻗﺔ ﻓﻴﻪ ﻳﻼ ﻧﺎﻣﻲ
ﻓﻘﺖ ﺍﻟﺼﺒﺢ ﻗﺒﻞ ﻣﺮﺍﺩ ﺗﺤﻤﻤﺖ ﻭﻃﻠﻌﺖ
ﻛﺎﻥ ﻧﻬﺎﺭ ﺟﻤﻌﺔ ﻣﺮﺍﺩ ﻋﻨﺪﻩ ﻋﻄﻠﺔ
ﺣﺒﻴﺒﻲ ﻗﻮﻡ ﻧﻔﻄﺮ ﻳﻼ
ﻗﺎﻡ ﺗﺤﻤﻢ ﻭﻟﺒﺲ ﻭﻧﺰﻟﻨﺎ ﻛﺎﻥ ﺍﻟﻜﻞ ﻓﺎﻳﻖ
ﺻﺒﺤﻨﺎ ﻋﻠﻴﻬﻦ ﻭﻗﻌﺪﻧﺎ ﻧﻔﻄﺮ
ﻣﺮﺍﺩ : ﻳﺎ ﺟﻤﺎﻋﺔ ﻓﻲ ﺍﻟﻜﻦ ﻋﻨﺪﻱ ﺧﺒﺮﻳﻦ
ﺍﻻﻭﻝ ﺍﻧﺎ ﻭﺍﻓﻘﺖ ﺍﻥ ﻫﺒﺔ ﺗﻜﻤﻞ ﺩﺭﺍﺳﺘﻬﺎ
ﻟﺢ ﺗﺒﻠﺶ ﻉ ﺑﺪﺍﻳﺔ ﺍﻟﺴﻨﺔ
ﺍﻡ ﻣﺮﺍﺩ : ﺍﻟﻠﻪ ﻳﺮﺿﻰ ﻋﻠﻴﻚ ﺣﺒﻴﺒﻲ ﺍﻱ ﻫﻴﻚ ﻫﺎ ﻣﻦ ﺍﻻﻭﻝ
ﻫﺒﺔ ﺣﻀﻨﺘﻪ ﻭﺑﺎﺳﺘﻪ ﻣﻦ ﺧﺪﻩ ﺍﻟﻠﻪ ﻻ ﻳﺤﺮﻣﻨﻲ ﻣﻨﻚ
ﺷﻐﻠﺔ ﺗﺎﻧﻴﺔ ﻣﻬﻤﺔ ﻛﺘﻴﺮ
ﻋﻠﻲ ﺭﻓﻴﻘﻲ ﺍﻟﻜﻞ ﺑﻴﻌﺮﻓﻪ ﻃﻠﺐ ﺍﻳﺪ ﺟﻨﻰ ﻣﻨﻲ
ﺗﺸﺮﺩﻗﺖ ﺟﻨﻰ ﺑﺎﻟﻤﻲ ﻛﻴﻴﻒ
ﻣﺮﺍﺩ : ﻓﻜﺮﻱ ﺑﺎﻟﻤﻮﺿﻮﻉ ﻋﻠﻲ ﺷﺐ ﺍﺩﻣﻲ ﻭﺍﻧﺎ ﺍﺫﺍ ﺑﻠﻒ ﺍﻟﻜﻮﻥ ﻛﻠﻪ ﻣﺎ ﺑﻼﻗﻲ ﻭﺍﺣﺪ ﻣﺘﻞ ﻋﻠﻲ
ﺟﻨﻰ ﺧﺠﻠﺖ ﻛﺘﻴﺮ ﻭﻗﺎﻣﺖ ﻋﻠﻰ ﻏﺮﻓﺘﻬﺎ
ﻛﻤﻠﻨﺎ ﻓﻄﻮﺭ ﻭﻃﻠﻌﺖ ﻟﻌﻨﺪﻫﺎ
ﺩﻗﻴﺖ ﺍﻟﺒﺎﺏ ﻭﺩﺧﻠﺖ
ﻫﺒﺔ : ﻓﻴﻨﻲ ﻓﻮﻭﺕ
ﺟﻨﻰ : ﺍﻛﻴﺪ ﺗﻔﻀﻠﻲ
ﻫﺒﺔ : ﺷﻮ ﺭﺃﻳﻚ ﺑﺎﻟﻠﻲ ﺣﻜﺎﻩ ﻣﺮﺍﺩ ﻣﺸﺎﻥ ﻋﻠﻲ
ﺟﻨﻰ : ﻣﺎ ﺑﻌﺮﻑ ﻭﺍﻟﻠﻪ ﻫﻮﺓ ﺷﺐ ﺣﻠﻴﻮﺓ ﻭﺩﺍﺭﺱ
ﺑﺲ ﺍﻳﻤﺘﻰ ﺷﺎﻓﻨﻲ ﺣﺘﻰ ﻗﺮﺭ ﻳﺨﻄﺒﻨﻲ
ﻫﺒﺔ : ﺑﻜﻮﻥ ﺷﺎﻓﻚ ﺑﺤﻔﻠﺔ ﺍﻟﻌﺮﺱ ﻭﺍﻧﺘﻲ ﻣﻬﻀﻮﻣﺔ ﻭﺑﺘﺪﺧﻠﻲ ﺍﻟﻘﻠﺐ ﺑﺴﺮﻋﺔ ﺍﻛﻴﺪ ﻣﻦ ﻭﻗﺘﺎ ﺍﻧﺘﻲ ﺑﺒﺎﻟﻪ
ﻓﻜﺮﻱ ﻣﻨﻴﺢ ﻗﺒﻞ ﻣﺎ ﺗﻌﻄﻲ ﻗﺮﺍﺭﻙ ﻫﻮﺓ ﻛﺘﻴﺮ ﻣﻨﻴﺢ
ﻭﺍﻫﻢ ﺷﻲ ﺭﻓﻴﻖ ﺍﺧﻮﻛﻲ ﺍﻻﻧﺘﻴﻢ
ﺗﺮﻛﺘﻬﺎ ﻭﻃﻠﻌﺖ
ﺭﺣﺖ ﺩﻭﺭ ﻋﻠﻰ ﻣﺮﺍﺩ ﺳﺄﻟﺖ ﻋﻨﻪ ﻟﻘﻴﺘﻪ ﺑﺎﻟﻤﻜﺘﺐ ﻣﻊ ﺍﺑﻮﻩ ﻣﺎ ﺣﺒﻴﺖ ﺍﺯﻋﺠﻬﻦ
ﻗﻌﺪﺕ ﻣﻊ ﻣﺮﺕ ﻋﻤﻮ ﻭﺣﻜﻴﺘﻼ ﺷﻮ ﺻﺎﺭ ﻣﺒﺎﺭﺡ
ﻣﺮﺕ ﻋﻤﻮ : ﻣﻮ ﺍﻟﺘﻠﻚ ﻣﺮﺍﺩ ﺑﻴﺠﻲ ﺑﺎﻟﻤﺴﺎﻳﺮﺓ ﻣﺎ ﺑﻴﺘﻌﺎﻧﺪ
ﻧﻔﺲ ﻃﺒﻊ ﺍﺑﻮﻭﻩ ﻣﻦ ﻭﻗﺖ ﻛﺎﻥ ﺻﻐﻴﺮ
ﺷﻮﻱ ﺍﺟﺖ ﺍﻟﺨﺪﺍﻣﺔ
ﻳﺎ ﺧﺎﻧﻢ ﺍﻟﺸﺮﻃﺔ ﻋﺎﻟﺒﺎﺏ ﻭﻃﺎﻟﺒﻴﻦ ﺍﻟﺴﻴﺪ ﻣﺮﺍﺩ
ﺍﻡ ﻣﺮﺍﺩ : ﻛﻴﻒ ﻭﻟﻲ ﻋﻠﻰ ﻗﻠﺒﻲ ﺷﻮ ﺍﻟﻘﺼﺔ
ﺭﺣﺖ ﺑﺴﺮﻋﺔ
ﻣﺮﺍﺩ ﺍﻟﺸﺮﻃﺔ ﺑﺮ