📚قصص||روايات||منوعة📚

rwayate

حس بالذنب وقلي انو نرجع نحكي وراح
نادى راكان لأمو ولأيهم
ايناس : شكلو راكان اجى
ايهم : عالدقيقة ابدا ، الله انقذو
شفتن فاتو وانا فتت فورا وراسي تقييل ، فتت عالغرفة شافوني البنات واستغربو
سمية : ايناس !!
سهر : ايناس ولك وين كنتي

_______________♡__________________

📚قصص||روايات||منوعة📚

rwayate

📚قصص||روايات||منوعة📚

rwayate

البارت السادس:

نهالوا عليي بالأسئلة وأنا ولا قادرة رد على حدى
كلن كانوا بيعرفوا إني كنت مع راكان وشافوا الوردة الحمرا ولاحظو إني دايخة فاتهيئتلن أمور تانية واتجمعوا مع بعضن وصاروا يتوتوا عليي ،اتجلست

إيناس :اي بكفي بقا .. طلعت معو اي ودايخة وهي وردة حمرا بس حاجتكن ظنون ،رح نام هلق وبكرى رح أحكيلكن كلكن دون استثناء ﻷن ما عندي شي خبيه

ضلوا عم يطلعوا فيني وساكتين لحد ما قمت غير ونام و رجعوا يتوتوا .. عصلاة الصبح فقت كالعادة كنت رح موت من الرعبة لما شفته وأنا طالعة من الغرفة ،لفيت شال على راسي وطلعت ،حط أصبعو عتمو ومسكلي إيدي

راكان :هشش امشي

ملامحه ما كانت بتدعي للخوف أبدا لهيك مشيت معه ،طلعنا عالمطبخ أخد من البراد كرواسان وخيار ورجع مسكلي إيدي وطلعنا على غرفته فتنا وسكر الباب

راكان :آسف بس بدي احكيلك

فتح الكرواسان وبلش ياكل مع خيار

إيناس :شو بدك تحكي احكي بسرعة بدي لحق صلي

راكان :طيب مو شايفتيني عم آكل ؟!

وأنا متفاجئة ببروده :امبلا !

راكان :طيب استني لخلص بدك اتشردق يعني

إيناس :هففف راكااان عنجد غليظ

جيت ﻷطلع مسكني وهو يبلع اللقمة

راكان :لك استني استني

اتشردق وصار يسعل لحد ما طلع معه النفس كأنه رح يختنق ،قلتله يضغط على بطنه ما استفاد لحد ما دحيته عظهره وراحت الشردقة بس سعل سعلة قوية ،سمعنا صوت باب غرفة انفتح

راكان :اتخبي اتخبي

اتخبيت ورى الخزانة ما كان في وقت أبدا ،فاتت أمه

الست إيناس :شبك شبك بسم الله عليك يا عمري

راكان :ولا شي وأنا عم آكل اتشردقت ،فيقتك

سمعت صوت أدهم اللي قصفلي ركبي بزيادة

أدهم :لك ما بتبطل هالعادة أنت ،ما بتعرف تشبع حالك عالعشا

راكان :هههه والله متعود شو أعمل

الست إيناس :ألف صحة حبيبي يلا خلص وارجع نام

فكرتن طلعوا بس سمعت كمان صوت أدهم

أدهم :شبو وشك مصفر

راكان :أنا !! هههه شبعرفني من الشردقة

اتشكرت ربي أنو قادر يمسك أعصابه مو متلي أبدا اللي بلشت أرجف وما عاد قدرت وقف ، لحد ما سمعت صوت تسكير الباب لالتحشت عالأرض وأخدت نفس

راكان :طلعوا تعالي

لف لعندي

راكان :شبك قومي

وقفت بصعوبة :كرهتك راكان بعد خليني أطلع

هداني وضل ماسكني لقعدت وبلش يحكي

راكان :بس كان بدي نبهك ما تحكي لوين رحنا ﻷي بنت

إيناس :ليش

راكان :اتخيلي أنو وصلني خبر شو قلتيلن لما رجعنا امبارح

إيناس :كيف يعني وما حكيت شي

راكان :...شفتي ليش جبتك ضروري ،حبيبتي هي سم

قطعته :هيي راكان

راكان :شو

إيناس :... ولا شي كمل بس حافظ عملافظك

زورني وكمل :سمية جاسوسة ﻷبي بذات نفسه وبتوصل أخبارا عن طريق عبدالله ولو مو عبدالله صحبة أنا واياه وخايف عليي كمان كان وصل الخبر ﻷبي فهمتي

هيك كانت الخلاصة بس هو طول بشرحه ،لحتى اتململت وأنا قله اي وتمام وفهمت بس هو يرجع يعيد ويزيد لحد ما حسيته عم يحاول يضيع وقت وخصوصا نظراته اتغيرت بقلب الحديث لحد ما صار كأنه عم يتأملني ،وقفت واتجهت عالباب وقف يضحك

راكان :وربي بتجنني ..خلص روحي

ضليت مبتسمة وطلعت ، نزلت على مهلي خايفة يشوفني حدى ،وصلت والحمدلله بأمان لصليت ونمت ، أما لما صار الليل وصار وقت الدرس كان حديثنا غير كليا ،انصدمت فيه لما فتح موضوع البنت اللي عشقته اللي حكتلي عنها لينا وأبوه فصلهن عن بعض

إيناس :يعني لساتك بتحبا

طلع فيني :..ما عندي جواب

إيناس :ليش

راكان :..حاسس قلبي عم يدق ..ما وقف عغيابا ، فمعناها ؟

ابتسمت :ما بتحبا

راكان :مبسوطة

إيناس :ﻷ أبدا ليش انبسط بس خلص احكي بوضوح

راكان :بوضوح ؟

إيناس :اي

قرب نقرة مني واستند عرجليه وطلع فييي وكأن بدو يقلي بحبك
راكان :مو بيقولوا الحب بيذل ؟
إيناس :اي
اتحمست
راكان :اي انا ماانذليت بحبها
وفرط ضحك
إيناس :هههه لك تضرب مأغلظك أصلا أنت عقد مو غليظ ما انذليت عرفت بقا لك الذل ما عم يقدر يخترق هلام الغلاظة المحيط فيك
عم أحكي أنا وهو عم يضحك ببرود
رن جواله وقف وحكى اندار لعندي
راكان :حطيت كتم معليش إيناس منكمل بكرى المكالمة ضرورية
إيناس :يوو
قمت لأطلع مرقت من وراه ،اتقصد وأنا ماشية يلمس إيدي ،انزعجت اتجاهلت وطلعت ،ومقررة ماعاد يلمسني وكأني ناسية أنو حرام ،بعد أسبوع كانت امتحاناته مبلشة وما كان عم يفضى من أساتذة ودروس مكثفة ،ماعاد شفته إلا أوقات الغدا والعشا بس نتصرف وكأن ما منعرف بعض ،بس ما يقدر يتحكم بنظراته لحد ما انتبه عليه أدهم ومن بعدا ماعاد نادتلي درة لأدخل عالمطبخ أبدا ، هيك أنا كتير انضغطت لحتى سبب وانفجرت ،فتت على مكتب أدهم بعد ما دقيت دقتين عالباب ،اتفاجئ من دخولي بس مبين عليي قديش متدايقة ومعصبة
إيناس :سيد أدهم ،أنا مو خادمة ولا عاد أقبل أخدم ولو مهما كانت النتائج
ترك الورق من إيدو وضل متفاجئ فيي

إيناس :ايه ..أنا غلطت وقت وقفتك يعني وطلعت بطريقي لحتى أقعد عيش خادمة لمدى الحياة يعني ،شو المانع من رجعتي شو المانع من شوفة أبي ،بدي أبي بدي شوفه ،سيد أدهم اتخيل أنو ريان مكاني ،اتخيلا يعني بدا تشوفك ومو قادرة وممنوع بدون سبب

استغ

📚قصص||روايات||منوعة📚

rwayate

ربت كيف ضل يسمعلي وعلى نفس هيئته ما اتغيرت ،قلت خلص أكيد عم يصبر ليصب غضبه عليي فرد مرة لهيك ضليت أحكي لحتى تعبت

إيناس :بدك تحصني طيب وأبي ينباع بالعزا يعني ، لك بيتنا مراقب طيب قعدني انا وهو إن شاءالله بزريبة المهم كون معه مشان الله والله هو أعمى أعمى ما بيقدر بدوني ،..... يلا قوم قوصني يلا ناديلن ياخدوني يسكتوني

ضحك ،وقف ولف من ورى مكتبه وقرب لعندي وهو ضحكان فكرته رح يضربني فورا ،اتجاوزني ومشي لورايي ،سكر الباب ،كانوا واقفين مدامته ودرة وراكان عم يسمعوني ويتفرجوا عليي ومتفاجئين ومو منتبهة وأنا عم انفجر

أدهم : امممم إيناس ، إيناس إيناس

قلت بقلبي عم يفكر يختارلي نوع عذاب يفش قلبه على هالسلوك اللي أديته بس ولا فارق معي ﻷن خلص كنت مضغوطة لحد اللامبالاة ،لحتى فاجئني

أدهم :بتعرفي معك حق ... بس هلق حكيتي وفشيتي قلبك وتمام أمورك ،صحيح

هزيت راسي بالموافقة وأنا بلشت خاف

أدهم :أنا هلق رح أعفي عنك ورح أعطيكي راحتك .... أسبوع أو اتنين باقي ورح يتغير مصيرك لهيك اعقلي وتمك

أشرلي أنو سكرو ،هزيت راسي بالموافقة تابع

:و مشكلتك عم أشتغل عليها هي تالت مرة بقلك اياها ، يمكن سمعتي إني لما بقول الكلمة لرابع مرة بتكون بطريقة تانية ،صحيح ؟

نظراته وطريقة كلامه صارت تخوف بلعت ريقي وهزيت راسي ،فكرته خلص كلامه جيت لأطلع وقفني صرخته

أدهم :لويييين

اندرت وأنا خايفة ،مالقيت إلا فات راكان ،طلع فيه بعبوس
أدهم :ناديتلك ؟

راكان :لكن لمين

أدهم :عم تستغبيني ولاك ،تعى تعى فوت

فات راكان شفته معصب ولا كأن هو ،حسيته خايف عليي ،طلع فيي أدهم

أدهم :قلتلك اطلعي ؟

إيناس :فكرت خلصت

أدهم :لا عاد تفكري مشان تضلي عم تقدري تفكري

سكتت وكان نفسي حينقطع

أدهم لراكان :افتحلا الباب

كان لازم أطلع

أدهم :ما تطلعي !

إيناس :ما قلتلي أطلع

ضل عم يطلع فيني و زاورني وبعدا قلي اطلعي ،اندرت شفت راكان متوتر ،طلعت واتسكر الباب وما سمعت إلا صوت أدهم عم يلعلع على راكان ،استلمتني درة فورا وسحبتني عند الست إيناس ،اللي حققت معي وقلتلا على كل شي وما بقا من بعدا اشتغلت أبدا بالتخديم وصارت كل يوم تشربني معها قهوة عالصبح وقهوة المسا ،لحتى الكل غار مني عدا عن إني ما بقا اتعاطيت مع حدى من الخدم ، وأنا وقاعدة بغرفتي عم قلب بالتلفزيون ،فاتت درة نادتلي اتغدى مافهمت عليها بالأول

إيناس :بدي اتغدى معن !

درة :اي اي يلا قومي السيد أدهم بعتني

قمت لبست وزبطت حالي وطلعت لعندن ،قبل ما وصل للمطبخ ما كان مسموع غير صوت الصحون والملاعق ،فتت وأنا خايفة

الست إيناس :قربي قربي يلا قبل ما يبرد الأكل

شفت راكان منتعش ومبسوط وأدهم ولا عاطيني
اهتمام

ريان :تعالي اقعدي قدامي

قربت وقعدت جنبا مقابل راكان تماما ،ابتسملي

ريان :الله يسامحك بابا كنت قلنا من أول إنها ضيفة والله حرام كانت ببن الخدم ،ههههيالله شو بتنحبي

كانت عم تطلع فيي من دون ما انتبه

إيناس :هههه شكرا ريان

سكبتلي الست إيناس وأعطتني الصحن

أدهم :تكرم عينك بابا رح خليلك اياها كمان

ضحكوا ،غمزني راكان

راكان :إنتي دارسة ؟

ابتسمت :اي

راكان :حلو شو بتدرسي

ضحكت :أدب عربي

أدهم :شو عم يضحكك

إيناس :ولا شي بس ءءهو هيك ءطبيعتي

تابعنا أكل بدون ما يرجع راكان يحاكيني عرفني ما رح أقدر قاوم الضحك ،هيك مرق أسبوع وكان أسبوع حلو كتير بالنسبة للي قبلن ،اتعرفت على ريان أكتر بأكثر لصارت صديقتي وحتى حكتلي إنها مطلقة وقصة طلاقها ،والست إيناس ضلت حنونة معي كتير واخدتني معها عالمول اشترتلي أواعي وعلى طلبي ، شاركتن بالسهرات والقعدات العائلية بس لما يجوا قرايبينن ما ضل ،بلش الأسبوع التاني وأنا عم استناه ينتهى لحظة بلحظة بس ،ما بعرف كيف أيهم خبر أمه أنو حابب وحدة وبدو يخطبا وهي خبرت أبوه ووافق كونها بنت صديقه وقرروا يعملوا حفلة كتب الكتاب يوم الثلاثا وبلشت التجهيزات وبشكل سريع ،وانشغل أدهم بابنه واتباطئ بشغلتي
قبل بيوم عالصبح ونحنا عم نشرب القهوة

ريان :يييه صحيح شو رح تلبس إيناس

اطلعت فيي أمها

إيناس :ولا شي رح ضل بهدول

ريان :لا طبعا يا عمري ما بتقدري

إيناس :ليش

ريان :الحفلة هون رح تصير شلون بدك تضلي هيك شو بدك تتخبي يعني ،رح يجوا ناس مهمين بدن يشوفوكي بهدول شو ماما مو صحيح

الست إيناس :صحيح .. قولي ﻷبوكي وانزلي اشتريلا

إيناس :بس بقدر ضل بغرفة الخدم بلا ما تتلبكي فيي بلكي ما قبل

راكان :هههه لا اطمني ريان هي طلباتا أوامر

ضحكت ،واتصلت ﻷدهم ووافق وقال لراكان يروح معنا ،خلصنا وقمنا نجهز حالنا لنطلع ،بقلب المولات احترت شو جيب مافي شي ناسبني

إيناس : خلص ريان تعبت خلينا نرجع

راكان :شوفي شوفي هداك عنجد اييه كارثة

أشرلنا على فستان مكشوف نيلي اطلعنا فيه بملل

:راكاان

ضحك ،إجاها ريان اتصال بعدت عنا شوي ،قرب مني

راكان :لك بتتذكري لما طلعنا انا ورفقاتي واشتريتلك هداك الكيوي

هزيت راسي

راكان :تعالي نروح عليه بتذكر فيه كل شي بناسبك بلا ما نضل نمشي ورى أختي ه

📚قصص||روايات||منوعة📚

rwayate

ي عم تجيبك عاللي هي بتشتري منن

إيناس :هففف اي والله يلا قلها معناها ﻷن طلعت روحي

راكان بحب :سلامة روحك

اتجاهلت ،بعد ساعة ،طلعت من غرفة القياس واندهشوا ريان وراكان من جمالي اللي اتعودت على أنه يدهش ،كملنا اغراضنا ورجعنا عالبيت ،طول الطريق ضل راكان مركز فيي ،عرفت أنو خلص مال إلي ،ما كنت متفاجئة أبدا بس حسيت في شي مانعني من إني أفتح صدري للحب بهيك وقت ، صارت الحفلة تاني يوم وبلشنا نتجهز ،أجو ناس من طبقة مترفة كتير ، وصار متل ما بيصير بحفلات كتب كتابنا بس على أترف ،استغربت من غلاء المهر اللي كتبوه وفوق منها حطوا شروط على أملاك لتنكتب باسم خطيبة أيهم عند الطلاق لا سمح الله ،حبيتا لخطيبته كانت سمرا وطويلة وغمازاتا بياخدوا العقل وخريجة هندسة معلوماتية ،فكرتني من قرايبينن ،وهنن قاعدين عم يستنوا لتزبط الإذاعة

الست إيناس :ءءضيفة ريان .. رفيقتا

فلك سلفتا :ايوا ..ما شاالله عنك حبيبتي مين أبوكي يعني

قلت بدون تردد :أحمد سلطان

فلك :ههه يعني ما عرفت شو مستلم

كنت رح أحكي قطعتني ريان :تاجر حبوب وكنسروة بحلب

فلك وباقي النسوان :امم

خطيبة أيهم منى :شو اسم شركته

طلعت بريان ومعصبة ما كان بدي خبي أبدا

ريان :هههه ليش بتعرفي الشركات

منى :اي أغلبن حسب دراستي

قمت طلعت وناديت لريان

إيناس :ريان مافي داعي تخبي أنا ما بستحي بأبي أبدا ولا بحب انتحل هيك شخصية

قطعتني برواق :لا حبيبتي ما تعصبي عادي جدا ، خلص بعتذرلك لو أزعجتك بس هنن بدن هيك اجوبة وهلق بتعرفي مو وقت نقاش وجدال يا عمري ما تزعلي

كان مارق راكان شافنا إجى لعنا لاحظ إني مخفوقة ،عصب قال واحمر وجهه

راكان :شوفي مين زاعجك ريان احكي شوفي

ريان :لك ولا شي

سمعت أمها عم تناديلا فاتت لعندا

راكان :شبك إيناس بربك احكي

اتفاجئت فيه عهاللهفة ،حكيتله

راكان :طيب يا حبيبتي ما بدا هالعصبية

إيناس :راكان ..ما بقى تحكي حبيبتي

زورني وضل ساكت

درت وجهي عاللي عم يركبوا البفل فوق الحيط

راكان :ليش إنتي شو متوقعة قلك يعني

إيناس :مافهمت

كرامته ما سمحتله يتحمل لؤمي بهيك شغلة

راكان :فوتي لكن ليخلصوا هدول شغلن

ضحكت إيناس :راكان شوفي كأنك متغير

راكان :فووتي حكينا بعدين

انقلبت معالم وجهه لحتى حسيت أنو مو هو نفسه اللي بيضل يتمسخر ويتغالظ ، رجعت فتت لعندن لحتى خلصوا وبلشت الحفلة ،وراكان كان مراقبني تماما ،الموجودين من رجال ونساء وشباب وصبايا صاروا كتار كتير وكلن قرايب حتى صار عجقة بالقصر كله ،وإجى وقت يفوت أيهم ،وقفوا كلن عملوا ممر ليفوت هو ومنى اللي نطرته ورى الباب ،زلغطوا بس بهدوء ،ورشوا عليهن ورد ومصاري ،لحتى فاتوا ورقصوا وكذا ،وقام الكل يرقص وانا واقفة جنب ريان ما لقيت إلا حدى عم يشدني

إيناس :كيف ماسكلي إيدي هيك

مجد :تعالي ارقصي ليش واقفة

فلتت إيدي منه بعصبية واندرت ﻷرجع عند ريان
رجع شدني من إيدي التانية وهو عم يضحك

إيناس :أنت شو مفكر حالك بعد عني

هون هبط قلبي كتير ،شلون بيشدني وكل عيلته حواليه بس ما كان حدى منتبه صوت الموسيقى غالب وعجقة

مجد :أنتي ليش هيك ملتئمة مجد أنا شو غريب

شديت إيدي منه وجيت لأحكي لقيت راكان ورايي حط إيدو عكتافي وبعدني وقرب من مجد

راكان :شو بدك منا

مجد :شو ابن العم لك بدنا نرقص بس شبعرفني إنها ما بتعرف ترقص

راكان :وما لقيت غيرا تشدا

مجد :شب

قطعه :قالتلك ما بدا ولا ماقالت

مجد :اي بس قل

قطعه :ﻷ قالتلك ليش ترجع تشدا شو مفكر حالك بديسكو

ما قدرت ضل تابع مجادلتن اللي حاسستا رح توصل لخناقة ،ورحت عند ريان شوي وإجى راكان ،شدني عجنب

إيناس :إنتو شو قصتكن كل واحد بيمسك إيدي شكل شو مفكري

قطعني :بس بس اسمعي

إيناس :... شو

راكان :شكلي رح عصب

استند التقط نفس

راكان :مشان ما تتوتري هاد ابن عمي ، وقت بيجي أبي فيكي تقوليله بس هلق خليكي بعيدة عنه خليكي لازقة بريان فهمتي

إيناس :... شو كمان بتأمرني ..ها قلي ﻷعرف حافظ عحالي بلكي مو عارفة ضب حالي يعني

راكان :إيناس أنا ما قصدت هيك فافهمي واسكتي

وراح ، كتير اتخربطت بهديك اللحظات ،طلبت مني ريان صورن ،رحت وبلشوا يعملوا وضعيات الكل مع بعض وبينن كان مجد اللي صار يطلع فيي بحقارة وهو وراكان كل شوي يتأوروا بعض لحتى طلع راكان بالصور عابس ومعصب ،نزلت الكاميرا وطلعت فيه وابتسمت

إيناس :اضحك للكاميرا راكان

ابتسم بسمة عريضة فورا ، وكملت تصوير بعدا
استمرينا هيك لخلصت الحفلة بكامل أجواءا ولحتى طلعوا أيهم ومنى يتعشوا وراحوا معن أبوهن وأمهن وماضل بالبيت إلا أنا وريان وراكان

ريان :تعالي نشرب قهوة اووف والله راسي رح ينفجر

فتنا عالمطبخ ،قعدت ،فات راكان ،قعد ،ضلينا ساكتين ،ضل يطلع فيي بزورة لحد ما التفتت ريان وحطت القهوة انتبهت عليه أنا انخفقت أنو خلص قيم عينك شوي

ريان :اييه بشو صافن

طلع فيها :باللي قدامك

ريان :ههههه امم وشو عم تفكر يعني

راكان :مزعوج

ريان :ليش في شي بينكن !

إيناس :ﻷ أبدا شو اللي زاعجك مني

راكان :أنو أنا عم قلك ضلك لازقة

📚قصص||روايات||منوعة📚

rwayate

بريان أنتي بتقولي تعال علمني حافظ عحالي ؟ إنتي هون محسوبة علينا كلنا ، متلك متل ريان ممنوع حدى يلمسك ،فهمتي ولا لسى عقلك ما عم يشتغل

ريان :ليش مين لمسك إيناس

ضليت زاورة راكان وهو زاورني

ريان :طيب طولو بالكن ،احكيلي إيناس حدى لامسك يعني من الشباب اليوم

راكان :اي ال.. مجد

ريان :ييييه راكان شو صرلك ،قوم قوم من هون هدي حالك وتعال

نفخ ،أخد فنجانه وشرب منه وأنا ما بقى طلعت فيه ،ما اتوقعته هالقد محبس عصبية ،ضلت ريان تهدينا وتروقنا ،خلصت الفنجان وقلت تصبحوا عخير ورحت صليت ونمت وانا تعبانة جدا ، تاني يوم عالفطور كلو كان موجود ومروق كتير إلا راكان ،صبحت عليهن وفتت قعدت ما حط عينه بعيني أبدا

الست إيناس :طولتي بالنومة اليوم مافقتي شربتي قهوة

إيناس :ء اي والله كنت تعبانة

أيهم :الله يعطيكن العافية تعبتو معي والله

راكان :خزيت عيني عنك شو تعبت حالك ما أنت من الحمام للحلاق لانصمدت

ضحكوا

أدهم :صار شي مشاكل امبارح

الست إيناس :لاا أبدا كتير روقنا بس احزر شو

أدهم :شو

الست إيناس :فلك لاقت بنت لمجد قال وبدا تطلبا عاجلا جدا

أدهم :اي ووين الحزيرة

الست إيناس طلعت فيني وهي مبتسمة ،بعدا الكل طلعوا فيني ،ما طولت لاستوعبت

إيناس :ههههه شوفي

أدهم أشر عليي قامت هزت راسا إيناس وضحكوا كلن ما عدا راكان اللي طلع بصحنه وهو خلص اتعكر كتير

أدهم :اي وصلت خلص عطينا

ضحكت واحمريت بطلت آكل

ريان :ههههه يا عمرييي لك كلي مستحيل طبعا إلا من أبوكي الكلمة الأخيرة

إيناس :ﻷ طبعا ما أنا لسى صغيرة عالزواج لسى الجامعة ما خلصتا

أدهم :كلو هلق وإنتي خبري فلك تدور منيح ،بعدين مجد بدو وحدة هو يختارا مو هي تخطبله

الست إيناس :ما هو اللي شافا وطار عقله وراح قلا كنت واقفة جنبا

وقفت وحطيت الصحن عالمجلى

إيناس :دايمة

أدهم :صحا وهنا

طلعت عالتراس ﻷن مستحيل كنت ضل أسمع هيك شي ،ما بعرف راكان قديش اتعكر ويمكن أدهم انتبهله بس ما بعرف شو صار جوى وقتا ،صرت أبكي ،جواتي كان عم يقولي أبي أبي وكل شي حواليي حب حب ،كيف بدي حب وأنا مضطربة ، الحب بدو رواق مو اضطراب ،وبعدين كلو كان مهووس بجمالي بس اللي هو أصلا صنع الله مو صنعي ولا صنع حدى ،يحبو الله لا يحبوني ، وشو راكان حبني اي بس ليش هالغيرة وهالعصبية شو اتعلق فيي أكيد أكيد ﻷ ، على أي أساس بدو يتعلق لساه معجب بجمالي ، معجب وبس ،، هيك كنت عم حاكي حالي بهداك الوقت ، مرق يومين وأدهم ما عم يخلص زيارات ومباركين ،حتى قلي عالعشا

أدهم :والله يا إيناس هالأسبوع راح كب ،معليش رح تضلي أسبوع تاني ... شو بدك تعملي بدك تتحملي ثقلنا

اصطنعت الضحكة :لأ مبسوطة معكن وكأنكن أهلي أنا بس قلقانة على أبي ومشتاقتله

ريان :اي بابا جيبه خليا تشوفه ومنتعرف عليه

زورها وكان من النادر جدا يزورها

أدهم :من إيمتى بدخلك بشغلي

ريان :....

زعلت وانقهرت كتير وقامت عن الأكل وراحت بس ﻷنو زورها وحكى هالجملة

أدهم :رح تضلك باستضافتنا في مشكلة ؟

إيناس :... ﻷ

أدهم :خلص لكن وكملي صحنك

تابعت أكل وأنا عم غص وأنا غصبا عني عم آكل
ضل راكان عم ياكل وعم يطلع فيي بدون ما يشلئ أبوه

رن جوال أدهم كان مجد

أدهم :أهلين مجد أهلين عمي .... أهلا وسهلا بس اسمع
طلع فيي وتابع
هاد الموال انسالي ياه عمي ... موضروري ...الله معك

سكر المكالمة طلع بزوجته :كأنك مو قايلة لفلك اللي قلتلك اياه

الست إيناس :والله قلتلا حبيبي بس ءء شكله حاببا وبدو إياها وبدو يحاكيك يعني

طلع فيني وضل ساكت وتابع أكله ،أما راكان اللي رح ينفجر

راكان :شو ما خلصنا من هالسيرة ،علق سمانا هلق ما بكفي بالحفلة سحبا مشان ترقص معه قال تفي عليه ترباية ألمانيا

طلعوا فيه وفيني مستغرببن ،تركت الأكل وحكيت اللي صار عصب أدهم

أدهم :خلص خلص مالازم تطولي عنا أسبوع وخالصين بإذن الله مافي داعي اعلق أنا وبيت أخي

حسيت إني مشكلة بيناتن ،ما بعرف أبدا كيف بكيت قدامن وطلعت فورا عالحديقة لحقتني الست إيناس وصارت تحاكيني ﻷهدى وبعدا راحت ضليت قاعدة لحالي ما بعرف قديش بس كنت مبسوطة بالجو والنجوم والقمر ،استغربت ليش ما أجت ريان و بالعادة بتلحقني وين ما كون ، بس اللي إجى وقطع عليي صفاء أفكاري هو راكان ،قعد جنبي وضل ساكت مدة

راكان :آسف

إيناس :هه

راكان :اشتقتلك

إيناس :خلصت امتحانات

راكان :عم قلك اشتقتلك

إيناس :اي وأنا عم قلك خلصت امتحانات

ضلينا عم نطلع ببعض بعدا درت وجهي

راكان :إنتي ليش هيك ... مفكرة إذا اتجاهلتيني ببطل حبك

غمضت عيوني وكزيت عليهن وقلتله :ما تجبلي سيرة الحب أبدا

راكان :ليش

إيناس :أنا مو خرج حب هلق واللي جابني لهون هي مصيبتي اللي بدو يحلا أبوك وأنا كتير متوترة لبينما تنحل وأرجع لحياتي الطبيعية اللي لا عاد دخلني فيكن ولا دخلكن فيني متى ما انحلت ، تمام ؟

ضحك :إنتي مفكرة إنو إذا رحتي يعني ورجعتي ببطل حبك كمان ... لك نحنا لما بدنا مافي شي بيوقف بطريقنا وأنا حبيتك يعني خلص صرتي إلي ولو كل شي بيمنع

انصدمت منه أول مرة ح

📚قصص||روايات||منوعة📚

rwayate

دى بيصارحني هيك

إيناس :راكان ...إنت لساتك شاب بأول عمرك ءيعني عم تبالغ بردود أفعالك ومشاعرك

راكان :اسكتي ،هس لا تكملي

إيناس :ههههه شو ما كمل اتركني وضحلك شو عم يصير معك

راكان :انا بعرف شو عم يصير معي فلا تكملي ، إذا بدك تحكي فبدك تقولي اي وانا بحبك وبس

لقطت نفس
إيناس :راكان طول بالك إنت طالع من حب جديد بدك تلاقي أي شي ترجع تسد مكانا

نفخ وحكى بمنتهى العصبية :أنا بحبك بحبك لا عاد تخبصي لك أنا لو مزودا مجد معك يوم الحفلة كان بدي اقبره بمكانه ولك اتمنيته يرجع يلمسك بس ياريت ياريت لو راجع ...وهلق بدو يتزوجك اي والله لقوصه ولو بدي خلي أبي يعلق مع أهل الله كلن

إيناس :استغفرك ربي

ما عرفت شو بدي قله شو رد عليه وخاصة معصب ،معقول حبني بعنفوانيته هي ، كلنا منعرف كيف بيكون الشب بهالعمر كيف لو حب كمان ،قرب مني ومسكلي إيدي حاولت شدن بس ضل شادد عليهن

راكان بهدوء :شو بدك أثبتلك إني بحبك مشان ما عاد تخبصي وتشككي فيني

ضحكت :اتركلي إيديي بالاول

هز راسو يمين وشمال وعيونه عليي كان بيجنن

إيناس :... طيب ، خليني وصلك فكرتي بس

راكان :رح ترجعي تشككي فيني

هزيت راسي يمين وشمال : لا والله بس اتركلي إيديي ﻷنو حرام وﻷنو بدي أعرف احكي

تركهن ببطء ،لقطت نفس

إيناس :أنا هلق مو بالحب -نفخ- انا مخطوفة وأبي أعمى ووحيد قلتلي إيدو مكسورة وهلق ما بعرف كيف وضعه ،أبوك قلي البيت مراقب طيب أنت متخيل حجم الشتات اللي أنا فيه

راكان :وبعدين

إيناس :بعدين شو شلون أنا هيك وبدي روق للحب

راكان :....يعني إذا .. يعني إذا رجعتي رح تروقي ورح توافقي نضل مع بعض

إيناس :ما بعرف ما رح أوعدك لحتى ما تحقد عليي إذا صار شي معي وما قدرت كون عند وعدي

اتدايق راكان : طيب رح سهلا عليكي ، أنا هلق عاجبك ؟

إيناس :شوو شو هالسؤال

احمريت ودرت وجهي ،ضحك

راكان :خلصيني يعني حلو ولا مو حلو

ضحكت وضليت دايرة وجهي

راكان بصوت ناعم :تسبيلة عيوني ،رموشي ،غمازتي

إيناس :ههههه لك راكااان بكفي غلااظة

سمعنا صوت أدهم عم يناديله قام لعنده ركد ،ضليت لحالي عم طلع بالنجوم والقمر ومرقت هيك الأيام المتبقية برواق أكتر بيني وبين الكل ،أدهم سكر بتاتا على موضوع مجد ،لحدما إجى آخر يوم بالأسبوع وفيقوني بنص الليل

أيهم :يلا عالسريع جهزي حالك لنمشي

يتبع⏪
شو بتتوقعوا يصير ؟؟

📚قصص||روايات||منوعة📚

rwayate

📚قصص||روايات||منوعة📚

rwayate

البارت السابع:

أيهم :يلا جهزي حالك لنطلع بسرعة

خفت :أيهم لا تخوفني لوين رايحين

أيهم :.. رح ترجعي عالبيت استني لا تفرحي

إيناس :ليش

سمعنا صوت أدهم عم يستعجله

أيهم :لك خلينا نمشي والله رح نقلك عالطريق وبدك تسمعي منيح وتركزي ها يلا البسي كيف ما كان

فتت وبسرعة لبست مدري كيف، حسوا عليي كم بنت ما قدرت غير طلع فيهن وودعن بنظرة ،طلعت ورى أيهم وطلعنا بالسيارة فورا ركبنا ومشينا ،خطر ببالي راكان اللي ما ودعته حسيت إنو قلبي دقله كتير بهديك اللحظات اتمنيت شوفه حتى ،بس انقطعت أفكاري وقت بلش أدهم يحاكيني

أدهم :رح ترجعي على بيتك بس بتديري بالك كل البيت فيه كاميرات مراقبة ،كمين إيناس منلقط الكلاب وبترجعي لحياتك الطبيعية فهمتي لهون
مع إني ما فهمت بس هزيت براسي تابع كلامه :أخوكي هالحيوان مغتصب بنت معلمه ،بتعرفي مين معلمه
إيناس :ﻷ
تابع :تاجر مخدرات وعلى مستوى هيروين هففف ،والله ما بعرف شو قلك ..بدن ياخدوكي يعملوا فيكي اللي عمله بسام ببنته ، بس لا تخافي أنا بضهرك ورح ضل محاوطك لهيك ولا يكون لك فكر أو تخافي غير أنو تساعدينا لنوصل للحمار تبعن
أيهم :يعني المعلم إيناس ..روق أبي

أبي :شلون بدي روق لك والله بس ﻷمسكه لفظع فيه بس الله يطعمني وأمسكه
حسيت في غل بينه وبينه ،اتوترت لما قربنا لنوصل

إيناس :طيب ليش راجعين بهيك وقت

أيهم :مراقبين بيتكن لهيك شلشناهن هلق لبينما نفوتك قبل ما يشوفوكي
إيناس :ليش تلهوهن عني وهنن بدن اياني
طلع فيني أدهم بعصبية

أيهم :روق روق أبي رح أشرحلا
ضل أيهم يشرحلي ويوضحلي الصورة لحد ما فهمت وقلي شو قول لما انمسك ،وضيع وقت مع أبو مصعب لحد ما يكونوا متتبعين مكاني عن طريق أداو تنصت رح يعطوني اياها ،، ما بعرف كيف حسيت بقوة جواتي عم تسندني ﻷقدر اتقبل هيك شي ،وقفوا ونزلنا وكملنا مشي أنا وأدهم بس
إيناس :ءء الطريق مو من هون سيد أدهم

أدهم :بعرف خليكي ساكتة
اتقصد يلف من حارة تانية ديقة ،ضل يتلفت وعيونه عكل النواحي وبإيدو مسدسو جاهز ،ما بعرف ليش وقف فجأة ،مسكلي إيدي وقلي :خليكي ورايي
هزيت راسي ،كتير حسيت بالأمان وراه كان أطول مني الضعف ،رجعنا مشينا لشفت البيت بكيت وأنا عم حاول اتخيل إني معانقة أبي من بعد كل هالشوق ، وصلنا طالع مفتاح من جيبته فتح الباب
أدهم :فوتي فوتي بسرعة
فتت وفات ورايي

إيناس :الكاميرات بتصورك سيد أدهم

أدهم :ﻷ بيكون غبشهن هلق أيهم فوتي وقلتلك خليكي ساكتة
فتت لغرفة أبي لقيته نايم

أدهم :فيقيه لشوفه
كتير فرحت بشوفته ،ما قدرت شغل الضو طبعا وما قدرت ميزه منيح كان عتمة جدا بس انصدمت بمنظرو !! إيدو ورجلوا كانوا مجبرين ،قربت فيقته مافاق ،رجفوا إيديي ورجليي
إيناس :أبي ... أبي ...أبيي إجيييت

ما قدرت أتخيل أنو مات ،قرب أدهم رجه وحاول يفيقه انصدم وطلع فيي ،اختنقت الصرخة جواتي
ما سمعنا إلا صوت كسر الباب وفاتوا رجال ،صوبوا أسلحتن علينا هي الصورة اللي اتذكرتا وبعدا وقعت على أبي وما عاد حسيت عشي ، لحتى فقت ،شفت إني بغرفتي ،بغرفتي اللي بالقصر فاتت ريان

ريان :فقتي !! ييي بابا بابا فااقت

طلعت تناديلن وهي فرحانة غيري أنا اللي اتذكرت منظر أبي وبلشت أبكي وأبكي بدون وعي بكيت بقهر وبصوت عالي أجو وصاروا يهدوني ما طلعت بولا واحد فين ما طلعت أبدا ما كان بدي شوف شي ولا اسمع شي بكيت بصوت عالي وغمضت عيوني ونادي ﻷبي بدي اياه يجي بدي حاكيه بدي شوفه بدي احكيله شو مشكلتي ليحللي اياها بكم كلمة بس بدي أشكيله تخبطي وألمي ليبدلي كل هدول براحة بكلمة أو كلمتين بس بدي ضمه بدي يقلي قومي سمعيلي قرآن ويضل يقرأ ويقرأ ويخربط حاله وما أنتبه ويرجع ينبهني ونضحك من قلبنا ... بدي اياه بدي شوفه وهو قاعد مع رفقاته وعم يعلمن كيف يتصرفوا وهنن البصيرين والمعافايين ..هي أبي هيك عظيم ما بدي فارقه مستحيل لاقي متله مستحيل ..

فاتت ريان بهدوء :راكان بدو يفوت

حطتلي شال على راسي وأنا متسطحة وصافنة بالشباك ومتغطية ،فات ،حطلي ورد زنبق جنبي وقعد

راكان :ﻷيمتى رح تضلي هيك إيناس ... ساكتة ،صافنة ،عم تبكي -بكيت- عالتخت أسبوعين صرلك ،ما عم تاكلي قديش بدك لسى تنحفي يعني ،وينا صلاتك ، قرآن ، ليش ما عم تقرأي ما بدك اياه يرتاح بقبره ، مو بكفي تعذبيه ، كل دمعة عم تحرقيه فيها و.... تحرقيني

اندرت لعندو شفت الورد ،سحل الشال عن راسي ،اتجلست وزبطته وحملت وردة ،غمز ريان قامت طلعت

راكان :اتركيها إذا ما بدك تردي عليي

طلعت فيه ،سحبها من إيدي

راكان :قطفتلك اياهن من الطريق ، أكلت بهدلة من أبي ، بس فداكي صح ضربني بس ما بكيت

ابتسمت

قرب وجهه علي ودقق بعيوني ومبتسم

راكان :لك ااه قلبي اااه

ضليت مبتسمة

راكان :ما بدك تقوليلي سلامتك ... نسيت قلك أنو ءء ولا قلك لأ مو قبل ما تقومي تقوليلي سلامتك وتبوسيني

إيناس :راكاان

ضحك :بعرفك بتخجلي لهيك أنا رح بوسك

قرب مني بعدت

إيناس :راكاان بنادي ﻷبوك

راكان :ناديله شو رح خاف يعني هي بوسة

قرب كمان وضحك :يلا نادي

إيناس :راكان ما بدي اياك تعلق م

📚قصص||روايات||منوعة📚

rwayate

عه بعد عني

دمعت عيوني عحسب ما حكيت

راكان :لااء خلص بعدت ها قعدت

قعد مكانه وانا غبيت دموعي

راكان :خدي الوردة خلص ..خديهن كلهن
[٢٥/‏٣ ١٠:٥١ ص] بنفسجية: حطن على وجهي وقعوا ورجع حطن على وجهي ،ضحكت ،ضحكت ، العفوية عندو مبالغ فيها ،ما بعرف ليش وأنا عم أضحك حس البكي جواتي أقوى لحد ما بكيت

راكان :... خلص إيناس بدك تبكي خليكي عم تبكي بس استوعبي إنك عم تعذبيه عم تعذبيه

فعلا صرت أكتم البكي بس حس قلبي حيوقف

إيناس :طيب .. راكان بدي أطلب منك

راكان :اطلبي يا روحي

إيناس :أنا مو متأكدة أن أبي مات

راكان :!! بإيدينا دفناه وقلتلك من قبل وانتهت هالقصة مافي داعي تضل هالفكرة تحاوطك

إيناس :طيب اتركني بدي نام

هز راسه يمين وشمال

راكان :مافي نوم بدي احكيلك

إيناس :خلصني شو بدك تحكي وما كنت تحكي

راكان :... ما رح أحكي وهيك طريقتك بالحكي معي شو بدك اقلبلك مهرج يعني لتحاكيني برواق

إيناس :عم اسمعك

راكان :امبارح خلصت القصة

إيناس اتنهدت :اي قصة

راكان :... انحكم أبو مصعب إعدام ..معلم أخوكي

إيناس :... يعني مات

راكان :إعدامه اليوم رح يتم ..خلص أبي بدو يخلص منه ..ضوع ناس كتير وشباب كتير وهلق انتهى

إيناس :وبسام

نزل راسه

وأنا قلبي حيوقف :مات !!

راكان :لك شو ماات يا لطيف شو متشائمة ،بالسجن ليكو ما بعرف ايمت بينحكم بس إذا بدك بساعده

إيناس :ليش ما رح يساعده ابوك

راكان :... ﻷ

إيناس :ليش

راكان :خلص أنا رح ساعده

إيناس :راكان احكيلي ليش ما بدو يساعده

راكان :.... ما حب سلوكه ،أخوكي .. خلص إيناس إنتي شو بدك غير أنو يكون بخير وعايش

إيناس :مشان الله قلي شبو أخي مشان الله احكي

راكان :...هفف... متورط بالإدمان والسرقة والقتل منيح هيك

إيناس :يعني ما عاد شوفو

راكان :ﻷ رح ساعدو كرمال عيونك بس بدا وقت

إيناس :قديش يعني

راكان :ما بعرف ،بس حكيي بجد ؟

إيناس :اي

راكان :طول ما أنتي هيك ما رح بلش بمساعدته أبدا

سكتت شوي :شو بدك يعني

راكان :تقومي ترجعي متل ما كنتي وأحسن ..تتجاوزي هالحالة ، تتجاوزي ضعفك ،من شو خايفة رح نضل معك وخصوصا أنا قومي بس اتجاوزي هالحالة واتجوزيني ههههه

ابتسمت :.... طيب هلق عنجد اتركني بدي نام

فاتت ريان

ريان :اممم يلا صرلي ناطرة كتير يا بدي انزل يا بدي ادخل

طبعا مافيها تنزل ﻷن رح يعرفوا أنو لحالنا انا واياه

راكان :ههههه ﻷ فوتي يلا خلصنا

وقف وطلع فيي :بشوفك قمتي ببلش يا أما ولا كأنه بينا اتفاق ها

هزيت راسي ،ضحك وطلع هو وريان ،وضليت أنا فكر باللي قاله ،كانت حالتي كتير تعبانة ماقدرت فكر منيح حتى ، بس صارت تخطرلي فكرة وحدة وبس ضليت لتاني يوم وأنا وأدرسها وأتأكد إني رح كون قدا ، نزلت عالغدا وفاجئتن فرحوا فيي كتير ،قربت لآكل معن ،شفت راكان كتير فرحان فيي بعدما خلصنا أكل

أدهم : وهي خلااص انتهينا من الحمار وقطعنا راسه انبسطي هلق ... شو بدك لسى أحسن من هيك

إيناس :شكرا كتير سيد أدهم .. يعني هلق فيني أرجع عالبيت بدون خطر

طلعوا كلن ببعضن مستغربين واتجاهلت طلع براكان لأني مو قد نظراته

أدهم :بدك ترجعي عالبيت ! لحالك بدك تعيشي

هزيت راسي

أدهم لزوجته :الدكتور شو قال

الست إيناس :قال بدك رعاية لشهرين تلاتة

إيناس :ﻷ أنا منيحة كتير بدي أرجع عبيتي اليوم قبل بكرى

راكان :إيناس

طلعت فيه كان مهزوز كتير :شلون بدك ترجعي تعيشي لحالك بين مجتمع وسخ

إيناس :ﻷ عنا بيت جيران كتير مناح

أدهم :إنتي قد قرارك ؟

إيناس :اي

أدهم :خلص لكن يلا خلصي وقومي ضبي اغراضك ووصلا حضرتك أبو الركن

وقام راح

قمت أنا ،قام راكان وسكر الباب ومعصب

راكان :مالي موصلك

اتفاجئت منه أمه :راكان أنت شو بدك

راكان :إمي مالي موصلا ومالا طلعة من هون

خبيت وجهي منن من نظراتن

راكان :اقعدي إيناس شو زعجك شوو زعجك

وقف أيهم وقرب لعندو :شبك راكان خبرنا أخي شوفي ، إيناس شو

ضل عم يطلع فيي وانا متحيرة شو بدي اتصرف

راكان :ارجعي قولي ﻷبي أنك غيرتي رأيك وبس عم تفهمي

إيناس :ﻷ ما فهمت ،أنا عندي بيت بدي أرجع عليه عيش فيه ﻷن بيتي هاد بيتي راكان

راكان :وليش ما قلتيلي أنو هيك مقررة ليش خبيتي

الست إيناس :لك راكان حاج تدايقا شو ألك عندا

راكان وهو رح يجن :إلي عندا إني بدي إياها ،اي بحبا وبدي اياها يلا منيح

ما عاد قدرت فرجي وجهي لحدى اتجاوزته وفتحت الباب وطلعت سمعت صوت ضربة ،كملت طريقي ضبيت أواعيي بشنتة صغيرة وطلعت مشيت لوقفت عالباب الرئيسي لحتى قلي الحارس
الحارس :ناطرة حدى آنسة

إيناس :اي .. ناديلي ﻷيهم

طلع أيهم بعد شوي ،ضلينا ساكتين طول الطريق وصلني لباب البيت ،فتت وفات وراي ،الابواب كانت مخزقة

أيهم :من إطلاق النار اللي صار ...الكاميرات كلا انقامت مشان ترتاحي ، البيت بدو ترميم

إيناس :ﻷ هو هيك معليش أيهم لا تتلبك أكتر

أيهم :هههه ماشي مقبولة هالتقليعة

طلع من جيبته جوال وحطه عالطاولة مع مبلغ مصاري

أيهم :هاد مسيفلك عليه رقمي لما بتحتاجيني لا تترددي

شكرته ووصلته للباب وراح ،سكرت وف