معانا سورة جديدة ❤
قول الله تعالي ﴿كانوا قَليلًا مِنَ اللَّيلِ ما يَهجَعونَوَبِالأَسحارِ هُم يَستَغفِرونَوَفي أَموالِهِم حَقٌّ لِلسّائِلِ وَالمَحرومِ﴾ بنسمعها كتير جدا ك فيديوهات للتشجيع ع قيام الليل والاستغفار وهي في سورة الذاريات «بجيب سور صغننة اهو عشان وقتنا ، فجأة هتلاقوني نزلت بسورة البقرة😂»
اتسمي الجزء الرابع من تحت «من الناس» باسم السورة (جزء الذاريات) وهو من اسهل الاجزاء علي الإطلاق ف القرآن الكريم ففيه سور الواقعة والرحمن والنجم والقمر وغيرهم من السور الي آياتها صغيرة وكثيرة ومع ذلك السورة لا تتخطي الـ 3 صفحات ، وهي السورة الي ورد فيها قول الله تعالي ﴿فَفِرّوا إِلَى اللَّهِ إِنّي لَكُم مِنهُ نَذيرٌ مُبينٌ﴾ 💜 [الذاريات: ٥٠]
وقوله تعالي: ﴿وَما خَلَقتُ الجِنَّ وَالإِنسَ إِلّا لِيَعبُدونِما أُريدُ مِنهُم مِن رِزقٍ وَما أُريدُ أَن يُطعِمونِإِنَّ اللَّهَ هُوَ الرَّزّاقُ ذُو القُوَّةِ المَتينُ﴾[الذاريات: ٥٦-٥٨] وغيرهم من الآيات ، ما تعتمدش ع الايات الي بنطلعها فقط انت لازم يكون ليك قصة مع سور القرآن ، سورة جبرت قلبك بفضل الله هنا ، وسورة غلبتك ف الحفظ هناك ، وسورة سهلة عليك وفاكرها دايما وسورة مهما عملت بتنساها وسورة قمت بيها الليل وسورة سمعتها ف مسابقة ولا علي شيخ بتخاف منه ، يعني البوستات دي اخرها تمسك الآيات الي بنسمعها وندردش شوية عن السور بتاعتها لكن إنتي لازم تجربي بنفسك 💛
تبدأ السورة بقسم من الله عز وجل إن يوم القيامة والبعث حق وهيحصل ، ودة زي قلم علي وش اي غافل ، مرطب علي قلب كل مظلوم ان ربنا هيردله حقه ف اليوم دة ، شاحن لهمة المؤمنين إنهم يعدوا لليوم دة وزي ما قولنا ان من اول سورة ق لسورة الناس في ذكر للدار الآخرة كتير جدا ، ف الي بيبحث عن همة وعن حاجة تفوقه من غفلته يدخل ف عالم تفسير السور دي وتدبراتهم
ونلقي الضوء ع إن السورة مش مكملة 3 صفحات ب60 آية! يعني لو صليت بيها قيام مع سورة النبأ مثلا مش هتكمل 5 صفحات وتبقي قمت الليل بمئة آية ،
فيديو فيه مقاصد السورة قال رسول الله صلى الله عليه وسلم «مَن قامَ بعشرِ آياتٍ لم يُكتَبْ منَ الغافلينَ، ومن قامَ بمائةِ آيةٍ كُتِبَ منَ القانتينَ، ومن قرأ بألفِ آيةٍ كُتِبَ منَ المقنطِرينَ» تخيل تبات ليلتك وانت مش مكتوب من الغافلين باقل من 5 صفحات!
فيديو فيه مقاصد السورة
https://youtu.be/favd9QYUrOY
تفسيرها للقرطبي
http://quran.ksu.edu.sa/tafseer/qortobi/sura51-aya1.html
منقول
وَالَّذِينَ جَاهَدُوا فِينَا 💜 🏃