📚قصص||روايات||منوعة📚

أما وطن فكان ماشي وعم يبعت مسجات لديما وانتبه إنو هوي وليلاس بنفس الطريق .. بقي يسرق منها نظرات لحتى وصل لباب البناية وانتبه إنها فاتت من باب البناية يلي مقابيلهن .. وقفت ليلاس والتفتت ...
وطن : طلعنا جيران هه
ليلاس : ههه ما كنت بعرف
وطن : شو هالصدفة مبسوط كتير لأنو كل يوم رح شوفك
ليلاس رفعت حاجبها اليمين بتعجب
وطن ابتسم ابتسامة عريضة بعديها ضحك وبانت غمازتو يلي متل النجمة على خدو .. دخل بسرعة من باب البناية ..
ليلاس لساتها واقفة هزت براسها : مجنون
ودخلت للبناية وطلعت ركد على الدرج لأنها كانت متأخرة ..
فتحت الباب بالمفتاح وكانت أمها قاعدة وعندها مرة غريبة
ليلاس : مسالخير
أمها : مسالنور يا روحي
سمية : ماشالله هي بنتك الصغيرة
ليلاس بقلبها :صغيرة !!!
أم مراد : ههه تسلمي إيه هي ليلاس
سمية : الله يخليلك اياها
أم مراد : أربي ليلاس و سلمي على خالتك أم محمد
قربت ليلاس ومدت إيدها وابتسمت ابتسامة مجاملة أصلا هي ما بتعرف مين هالمرة
ليلاس : كيفك خالتو
أم محمد : تمام يروحي يسلملي هالحجاب ما أحلاه
ليلاس : شكرا هيدا من زوئك
ليلاس موجهة كلامها لأمها وبصوت خفيف : ماما انا تعبانة وبدي نام
أم مراد : ما بدك تستني مراد على العشا
ليلاس : ما إلي نفس
سحبت ودخلت على غرفتها ...
بدلت تيابها ولبست بجامة باللون الرمادي .. فردت شعرا يلي بيوصل لخصرها
اتمددت على التخت و فجأة رن جوالها
ليلاس : ايه جوري
جوري : كيفك شو صار معك
ليلاس : تمام تمام أنا بالبيت
جوري : ليلاس احكيلي شو صار معك قلقتيني
ليلاس : لمن تركتيني ...(وحكتلها كل القصة)
جوري : الحمدلله على سلامتك
ليلاس : الله يسلمك
جوري : يلا سلام لازم سكر.. باااي

سكرت الخط ورجعت تمددت بتختها ومسكت صورة أبوها ..
ليلاس بقلبها : آآآآآآخ يا بابا شو اشتئتلك .. كان ضروري تتركني من بكير وتروح .. استعجلت كتير يا أبو مراد .. يا ريت فيني آجي لعندك .. بس بخاف كتير .. بابا اشتئتلك واشتئت لحنانك .. خدني لعندك منشان الله
غفيت وهيي عم تحكي مع حالها .. هي حالتها كل يوم قبل ما تنام

_______

مراد من فوق راسها : ليلاس .. ليلاااااس .. ليلاسو لك يلاا كافي نوم
ليلاس : شووووو
مراد : يلا حاج نوم يا دبة النوم انتي
ليلاس : الله يخليك خليني نام بس شوي
مراد : يلا يلا بدنا نفطر ولو (وحمل عنها الغطا)
ليلاس : يح يح لك غطيني .. اووووف يا ربي
قامت من فراشها
ليلاس : تضرب حتى يوم الجمعة الواحد ما فيو ينام ساعة زيادة
مراد : أنا هيك حلك تتعودي يا حلوة بحب الغطور من بكير ونعمل كل شي على بكير

رفعت شعرها ولحقت أخوها على الصالون .. قعدو مع أمهم على طاولة السفرة وبلشو فطور
مراد : شوفيلي هالنمرة قال بتغفى وهيي عم تاكل
ليلاس : لا تحكي عليي
مراد : لك كلي جننتيني
ليلاس : وانتا ليش معصب
مراد : آخر رواق يا حلوة
ليلاس : دايمة
مراد : زودي
ليلاس : شبعت
مراد : أي دخيل الغنج أنا
بعد مرور وقت .....

فاردة كتبها على التخت وعم تحفظ وتكتي ومعجوقة ...
كانت عم تحكي بسرعة : أنواع العضلات .. عضلات ملساء و عضلات مخططة وعضلة القلب .. بطيئة .. سريعة .. منتظمة .. لا إرادية .. إرادية .. لا إرادية .. أبض شاحب .. أحمر . أحمر .. أووووف ياربي يا ربي رح موت شو هاض كتير صعب

أم مراد كانت عم بتابع المسلسل .. دخل لعندها مراد
مراد : مسالخير ماما
أم مراد : أهلين ماما مسالنور
مراد : شو وينها ليلاس
أم مراد : بغرفتها عم تدرس
مراد : هي الإنسانة ما بتمل من الدراسة ههه قايم شوفها
فتح الباب وفات لعندها .. سند ضهرو على الحيط بس شاف منضرها فرط من الضحك
مراد : هههه ليش هيك شكلك
ليلاس مكتفة إديها و مكشرة ...
مراد : لك ليش مكشرة ؟؟
ليلاس : شفت قلمي الأزرق شي ؟
مراد : ههه
ليلاس : ليش عم بتضحك ؟
مراد : ليكو ورا إدنك
مدت إيدها على إدنها ومسكتو
مراد : هههه
صارت تضحك معو ...
قرب وقعد عندها على التخت
مراد : ما اشتئتيلي مو معئول من لما بدت الدرسة وانتي بغرفتك حتى ما عم شوفك
ليلاس : حقك علي بس ..
مراد : بس شو ؟؟
ابتسمت ورمت حالها بحضنو
مراد : يا إميي شو اشتئتلك
ليلاس : وأنا كتيييير كمان
مراد : شو رأيك بما أنو اليوم عطلة نطلع شي مشوار
ليلاس : موافقة بس بعد المغرب
مراد : طييييب يا ستي متل ما بدك بعد المغرب
ليلاس : ههههه
مراد : انا شو ي و نازل عند رفيقي بدي آخدلو غراض بس أرجع بعد المغرب مننزل اتفقنا
ليلاس : اتفقنا
باسها وطلع وهيي كملت دراسة ...

بعد شوي دخلت أم مراد وجابتلها كاسة عصير
ليلاس : ايه يا عمي ع الدلاااااال
أم مراد : يلي ييدرس بدنا ندللو غصب عنا
ليلاس : يسلمو إديكي
أم مراد : كافي دراسة مشي معي لننزل عند أم محمد

ليلاس : أخي مراد ملازم أول
وطن : اه اخوكي اسمو مراد !!
ليلاس : ايه ليش بتعرفو ؟
وطن : لا بس معناتو إم مراد يلي من الضيعة هيي نفسها إمك
ليلاس : ايه إمي من الضيعة بس انتا بتعرفها
وطن : لا بس حكتلنا إمي إنو الوالدة من نفس ضيعتنا
ليلاس : ليش انتا مانك من الشام
وطن : لأ الصراحة من الريف بس من زمان عايش هون
ليلاس : اه تشرفت
وطن : فيكي
وكملو مشي على الرصيف لحتى وصلو لبداية الحي وكانو عم يحكو ويمزحو بس في شب نده لوطن
... : صاااااايع
التفت وطن ورد عليه
وطن : شبك ولا
... : تعا الشباب بدهن اياك
وطن : طب ماشي بوصل اختي (وغمزو) وبرجع
... : يا زلمة خلصنا مستعجلين
ليلاس : انا صرت قر يبة ما في داعي تكمل منشاني روح عند رفقاتك
وطن : ما كنت بدي اتركك بس بدي روح شوفهن بتحبي تنطريني
ليلاس : ولا يهمك بكمل لحالي بس سؤال فضولي قبل ما امشي
وطن : ايه اكيد تفضلي
ليلاس :ليش لما نده صايع انتا التفتت شو عرفك إنو كان قاصدك
وطن : لأنو انا بندهولي صايع ههه
ليلاس : الاسم غريب صح
وطن : هههه ما عم بمزح عنجد الكل هيك بندهلي
ليلاس : ههه فرصة سعيد صايع
وطن : رح نرجع نلتقي صح
ليلاس مع ابتسامة : أكيد .. يلا اتأخرت عليك بااي
وطن : بااي
مشيت وهوي بقي واقف عم يتطلع فيها ويراقب خطواتها .. اجى شب من خلفو وفتلو من كنزتو وحكاه
الشب : قلتلي اختك ما هيك
وطن : هههه
الشب : مشي مشي
___

وصلت ليلاس للبيت وكانت أمها هنيك ..
ليلاس : مرحبا مامي
أم مراد : هلا يا عمري
قربت باستها وفتحت الطنجرة ..
ليلاس : ياااااالله شو الريحة طيبة
أم مراد : يلا بدلي أواعيكي ليكون وصل أخوكي
ليلاس : بتصدقي إنو ريحة اليبرق واصلة لنهاية الحارة وماشي وعم بدعي يا رب تكون إمي يلي طابختها ههه
أم مراد : هههه لك يلا من وشي هلأ بيوصل مراد وما بستناكي ها
ليلاس : رايح رايح ههههه
ركدت لغرفتها وبدلت أواعيها وغسلت بعديها طلعت وقعدت على طاولة السفرة وعم تنطر مراد ليوصل واما لتجهز الأكل ...
خطر ببالها الشي يلي صار معها اليوم
ليلاس بقلبها : يا ربي والله عم خاف أمشي لوحدي بالشارع شو هيدا .. دخيل اسمك يا ربي يلي بعتلي وطن بهالوقت .. مو معقول شو إنو شب مهضوم وحباب .. بس إنو لقب ال"الصايع" ليش ! ههه .. مو باين عليه .. بس أنا من وين جبت الجرأة ومشيت معو .. ايه أنا ما بعملها بس هوي أحرجني .. بس بأنو صف كان .. مممم ايه حادي عشر صح صح .. كل يوم رح شوفو يعني .. ههه يمكن

مراد كان واقف وعم يتطلع عليها ويضحك بعدين مرر إيدو قدام عيونها ...
ليلاس : ييي انتا جيت
مراد : وين شارة ولي
وقفت وضمتو وما رضيت تجاوبو على السؤال
مراد : اشتقتلك ولو زعرة
ليلاس : شو جايبلي معك
طالع كيس صغير من جيبتو وفيو سميري
(لا تقولو ما عرفتو شو السميري هيدا الشوكولا يلي ملبسة وملونة بألوان فاقعة كلنا أكلنا منها ونحنا صغار)
ليلاس : يسلمو
مراد : خبيهن بعد الغدا ليلاس
ليلاس : حاااااضر سيدي ال..
مراد كان ماشي بس رجع والتفتت الها .. ضحك وحكى
مراد : سيدي ال ؟؟
ليلاس : سيدي ال...
مراد : سيدي شو !
ليلاس : سيدي العصفور
مراد : ههههه الله يصبرني
فات وصار يحمل الصحون مع إمو وجهزو السفرة واجتمعو عليها ...
ليلاس : عجبوك ؟
مراد : بشهو
ليلاس : أنا لفيت ورق مع ماما صح إمي
أم مراد : إيه لفت عشر حبات وتعبت
مراد : معلش إمي لساتها صغيرة
ليلاس : ييي ماني صغيرة بس كان عندي دراسة
أم مراد : هيك بسيطة
مراد : ليكو أنا ....
التفتولو ليلاس وأمها ليكمل باقي كلامو
ليلاس : ايه
مراد : خلص بعدين
أم مراد : شبك إمي صاير معك شي
تبدلت ملامح وجهو و كمل أكل
ليلاس وهيي عم تاكل : شبك مراد ؟
مراد : في موضوع بدي أحكيكن فيو بس لتشبعو
ليلاس : الحمدلله أنا شبعت
مراد فرط عليها ضحك .. رغم همو إلا إنها قدرت ترسم البسمة على وشو بكلمة صغيرة منها
طبعا هيي ما كانت شبعانة بس عملت هيك منشان مراد يحكي
مراد : كملي أكلك مجنونتي
أم مراد : ابني والله قلقتني شو صاير يا إمي
مراد ترك الملعقة من إيدو وشبك اصابعو مع بعض والتفت لأمو وحكى ...
مراد : ماما انتي بتعرفي أديش غلاتك انتي وليلاس عندي
ليلاس : مراد بلاهن المقدمات
مراد ما رد عليها وكمل .. : إمي مو عارف شو بدي إلك بس والله مجبور
أم مراد : شو في ؟
مراد وبدون تردد : إمي خدمتي انتقلت لمحافظة ثانية و .. وماما انا مو حابب أترك شغلي .. القصة بدها سنتين أو تلاتة لحتى أقدر أرجع الخدمة لهون للشام بس هلأ ما فيني متضرين على هالشي
أم مراد : والمطلوب مراد
مراد : بدي تروحي معي انتي وليلاس ونسكن هنيك لحتى ينتهي شغلي



أم مراد : لأ أكيد ما رح نترك البيت ونطلع نستأجر

مراد : إمي على حب النبي افهميني أنا متضر بس كمان ما بدي أبعد عنك انتي وليلاس .. ماما ما فيني عيش من دونكن
أم مراد : شغلك ما رح خليك تتركو بس إنو أنا وليلاس نترك البيت ونجي معك هي صعبة
مراد : ليش إمي ليش
أم مراد : هيدا بيت أبوك أنا مستحيل أطلع و عيش براتو وما بطلع منو إلا عالقبر فاهم
سكت لأكم ثانية بعدين حكى : إمي لا تزعلي مني بس ما بدي أتركن
أم مراد : انتا روح ونحنا مندبر حالنا هون .. شغلي ما بقدر أتركو واختك مرتبطة بمدرستها و..
مراد : وأنا وأنا إمي ما بقدر اتركن لحالكن .. كمان ما فيني أنزل اجازات إلا كل شهر متخيلة أديشا مدة طويلة
أم مراد : توكل على الله إمي وكمل بشغلك .. وأنا وإختك منعيش هون ما فيني أطلع من البيت يلي أبوك عمرو وعاش معنا فيو
سكت مراد وما عرف شو بدو يحكي .. إمو مستحيل تقتنع إنها تترك البيت وتروح معو لمكان شغلو .. وخلال هالحديث يلي صار بينهم ما كانو منتبهين للدموع يلي بلشت تتجمع بعيون ليلاس .. تركت الأكل وركدت لغرفتها ...
مراد : ليلاس .. ليلااااس
خبطت ال باب وقفلتو وارتمت على التخت
مراد من برا الغرفة عم يدق على الباب ...
مراد : ليلااس .. ليلاس .. يا عمري ردي علي
أم مراد : تركها على راحتها

ليلاس من جوا الغرفة كانت مرمية على التخت وشهقاتها املاية الغرفة
ليلاس بداخلها : والله تعبت والله تعبت .. ليش كلكن بدكن تتركوني لييييش .. أبي وهلأ أخي أنا شو عملت ليصير فيني هيك .. ليش مكتوب عليي أبقى وحيدة .. والله مليت و تعبت ما فيي .. ما فيي .. بابااا يا بابااا اشتئلك يا روحيييي
بكيت كتير وتنفخو عيونها وغفيت وهيي عم تبكي ...
فتحت عيونها وكانت الدنيا مسا والجو كتير حلو .. حست البيت هدوووء كتير .. لبست بنطال جنز وقميص وردي وبوط من نفس اللون ولفت شالتها .. حملت شنتة على كتفها وطلعت للصالة ما لقت حدا .. انتبهت إنو أمها نايمة و مراد نايم بغرفتو .. مسكت ورقة وكتبت عليها
"أنا دايقة خلاقي ونازلة على الجنينة لا تلحقوني بعرف الطريق"
حطت الورقة على الطاولة وطلعت من البيت .. كانت عم تتمشى على الرصيف لوصلت للجنينة .. دخلت وصارت تتمشى بين الشجر والورد وعم تحكي مع نفسها وكتير مدايقة ...

ليلاس : ماعاد في داعي يلحقوني أو يطلعو معي .. رح أتعود على المشي بالطريق لوحدي .. لوحدي
وغصت بقلبها وحست حدا مسكها من رقبتها .. حتى ريقها ما عاد فيها تبلعو و الدنيا عم بتدور فيها .. قعدت على كرسي الجنينة وحطت راسها بين إديها وصارت تبكي .. دموع لا إرادية ومتل الشلال عم تنهمر من عيونا

وطن كان نازل على الجنينة لوحدو ومعو طابة ملونة بالأبيض و الأسود وعم يلعب فيها .. انتبه لليلاس يلي مغطية وشها وعم تبكي .. مشي لناحها ...
وطن : ليلاس هي انتي
رفعت نظرها لإلو .. وصارت تمسح بدموعها بشكل عشوائي
وطن : ليلاس عم تبكي
ليلاس : هئ لا أبدا هه لا
وطن : بتسمحيلي أقعد معك
زاحت على طرف الكرسي وحكتلو : ايه أكيد
وطن قعد بجنبها وبقي متطلع فيها : ليلاس شو صاير معك
هزت راسها بالنفي ولفت للجهة التانية ونزلو دموعها بس ما كانت حابة يشوفها وهيي عم تبكي
وطن : اتطلعي فيني حدا أزاكي .. ليلاس شو صاير معك
ليلاس : ما صاير شي بعدين انتا شو دخلك فيني أنا هيك جاي على بالي أبكي لا حدا يدخل
حملت شنتتها وراحت للكرسي يلي مقابيلو وقعدت لوحدها ودموعها على خدها

وطن ركز قعدتو على الكرسي ولف رجليه على بعض
وطن : آسف إزا دايقتك ما كان قصدي
ما ردت عليه وبقيت لافة وشها ...
وطن : اوك تمام
وقف ورما طابتو وصار يلعب فيها لوحدو .. يضربها على الشجرة يلي قبالو وهيي ترجعلو .. كان مبتسم وعم يلعب فيها وما حسس ليلاس انو مدايق .. عم يلعب ويسرق منها نظرات على الخفيف وانتبه إنو ليلاس وقفت بكي وعم تراقب حركاتو وبلش يحكي بقلبو ...
وطن بقلبو : حتى وانتي معصبة حلوة شو أعمل بحالي أنا

حمل طابتو ومشي لعند رجال كان عم يبيع عصير متلج .. اشترى تنين واتقدم عند ليلاس
وطن : تفضلي
ليلاس : شكرا ما بدي
وطن : لا تخجليني وخديها
ليلاس : عنجد مو قادرة ميرسي
وطن : خديها باردة وبتبرد على القلب
ما حبت تخجلو وأخدت الكاسة منو .. بقي ماسك كاسو واقف مقابيلها
وطن : هلأ فيني أقعد بجنبك
ابتسمت وبعديها ضحكت من غير إرادتها : تفضل
قعد بجنبها وبلش يشرب بالعصير وهوي ساكت
وطن : بقدر أعرف ليش كنتي عم تبكي
ليلاس : ...
هزت براسها ولسا عم تشرب عصير وساكتة .. دمعو عيونها لما بلشت تتذكر إنو أخوها رح يتركها ...
وطن : مو كل شي بينحل بالبكي
ليلاس : بس أحيانا ما بتقدر تعمل شي إلا إنو تبكي هيدا بكون أريح شي لإلك
وطن : في مية طريقة غير البكي .. احكي لحدا بركي بترتاحي

مراد : بلا مسخرتك منو هي
ليلاس : هي شام بنت الخالة ام محمد
مراد : الخالة التيلي
ليلاس : إيه الخالة
مراد : هههههههههه
ليلاس : ليش بتتضحك
مراد : مين ام محمد
ليلاس : بتعرف محمد
مراد : مين محمد
ليلاس : طب وطن ؟
مراد : ايه وطن بعرفو
ليلاس : هيدي اختو لمحمد أصدي وطن
مراد : لك ايه ايه تزكرتن وطن و محمد بس ما بعرف انو عندن اخت حلوة
ليلاس : وانتا شو بدك فيها
مراد : شبك عم بعطي رأيي
ليلاس : تفضل على غرفتك
مراد : أمرك معلم
فات مراد ع الغرفة ولساتو مصدوم بشام
وليلاس اتقدمت وقعدت معهن
ليلاس : كيفك شامو شام :تمام مشتألك وين غاطة يا بنت لا حس ولا خبر
ليلاس : وين بدي كون والله بهالبيت
شام : إيه رح تخلص العطلة وما كنتي تزورينا
ليلاس : لك والله يعني هيك .. بستحي
شام : لا ولو من شو بتستحي بعدين اخواتي ما بكونو بالبيت بخليلك اياه
ليلاس : هههه دخيل ألبك .. شو وينا نور ؟؟
شام : والله بالبيت
ليلاس : ليش ما اجت معكن ؟
شام : وطن من الصبح طلع من البيت على أساس نص ساعة لعند رفيئو ولسا ما رجع وتارك مفتاحو بالبيت
ليلاس : ايه؟
شام :ايه هلاأ ازا رجع وما لأى حدا بالبيت بيرجع بفل من حديد هههه
ليلاس : يعني بدكن ناطور لوطن
شام : لكن ههه
ليلاس : صحي ما سألتك شو رح تسجلي بالجامعة
شام : حابة أدرس رياضيات بحب هالفرع
ليلاس : إيه والله وانا كتير بحبو وكتير حلو
شام : إيه نشالله بهالأكم يوم رح روح و سجل
ليلاس : موفئة
..................♡................... ..................♡....................
وطن : تعو شباب هيدا المحل حلو
فات وطن ع المطعم مع صحابو طلبو أكل و مللو الطاولة ....
وطن قبل ما يبلشو أكل صور الطاولة و رجع وققف و تصور سلفي معها
قعد ع الكرسي و حط صورتو مع الطاولة ع الحالة

ليلاس شافت الحالة تبعوتو وبعتتلو تعليق عليها ....
ليلاس : ‏كأنَّك الكُل وكأنَّهم لا أحد ♥️
وطن وصلو المسج و شافو .... بعتلها مسج تاني
وطن : ‏وكيف أخبرك بأنك الشي الوحيد الذي أحمله بداخلي ولا أريد أن ينتهـي🖤!
ليلاس : بحبك
وطن : بحبك
جاد : خلصنا صايع سكر هالجوال و كول
وطن : يلا يلا
سكر الجوال و بلش أكل معهم __

جوري قاعدة مع أهلها بالصالون
احسان : امسكي
جوري : شو هاض
احسان : جوالك افتحي واعزمي رفيئآتك ازا بتحبي
جوري اتطلعت عليه ببرودة حملت حالها و دخلت لغرفتها و ارتمت ع التخت من الفرحة
فتحت الجوال وكان جاييها كتير رسائل اتجاهلتن و اتصلت على ليلاس
ليلاس كانت قاعدة مع أمها و أخوها لما اتصلت فيها جوري
اتطلعت بالجوال و استغربت فكرت يكون أخوها لجوري وما قبلت ترد رجعت اتصلت أكتر من مرة
مراد : منو هاض ؟؟
ليلاس : رفيئتي
مراد : ليش ما عم بتردي ؟؟
ليلاس : رح رد
دخلت على غرفتها و فتحت الخط
ليلاس : الوو
جوري : هاااااااااااااي
ليلاس : هي انتي جوري
جوري : كيفك يروحي
ليلاس : تمام انتي كيفك شو صار معك من لما روحتي من عندي ومشغول بالي عليكي كيف رضي يعطيكي الجوال ؟؟
جوري : شوي شوي عليي رح احكيلك كل شي
جوري : ..................

ليلاس : وانتي وافئتي
جوري : ليش بئدر ما وافئ يا ليلاس
ليلاس : يا عمري انتي
جوري : ليلاس لا تبكي منشان الله لازم تنبسطي لرفيئتك يلا لشوف ضحكي
ليلاس : هه جوري
جوري : خلص يعمري رامي بحبني ورح كون مبسوطة معو وكمان رح نسافر بالنهاية بيبقى أحسن من ظلم أخي
ليلاس : ازا انتي فرحانة أنا فراحان كمان
جوري : يروحي ...
ضلو يحكو مع بعض و يضحكو
______
. ليلاس # بالنسبة لألي ولوطن نحنا صرنا متل الروح الوحدة نحنا كتير منحب بعض منتخانق على شغلات تافهة بس سرعان ما منتراضى وما بهون علي زعلو .. وطن شخص كتير حباب وحلو و مهضوم ولما نجتمع بتمنى يوقف الزمان بس لحتى نبقى مع بعض .. حياتي معو حليت أكتر و أكتر نفسيتي تحسنت .. وطن عم يعوضني عن جزأ كبير من اشيا كنت فاقدها بحياتي .. وطن بالنسبة لإلي كل شي حلو بالدنيا .. مراد أخي عيوني وروحي بحبو كتير كتير بيكفي انو السند .. مراد لما شاف شام إخت وطن أخدتلو ألبو و عألو طلب مني أعطيه رقمها بالأول رفضت بس بعدين أعطيتو اياه بس شررط عليي ما تعرف ماما .. شكلا البنت عجبتو بس حابب يتعرف عليها بالأول ويشوف مشاعرها تجاهو .. وحكا معا تاني يوم وعلاقتهم مستمرة لهلأ .. جوري رفيقة طفولتي وإختي الحنونة تزوجت وسافرت بعد ليلة زفافها بيوم مع عاريسها .. رحت وحضرت سهرتها وزفتها يلي عملتن بصالة كبيرة .. كانت طالعة كتير حلوة .. هالبنت ملامحها جذابة وناعمة .. رجعت المدرسة من جديد ورجعت الفيئة بكير و الروحة ع المدرسة و الدراسة .. بس شي واحد مفرحني السنة وغير عن كل السنين هوي إنو أنا و وطن بنفس المدرسة .. مدرستنا تلت طوابئ .. الطابئ الأول للبكلوريات .. التاني للحادي عشر .. والتالت للعاشر .. يعني أنا بأعلى طابئ ... عم ضل بالمدرسة عيوني ما يفارقو وطن و حركاتو .. و غار عليه من أي بنت تحاكيه .. وطن عم يدرس وحملان مسؤلية إنو السنة بكلوريا ..

ليلاس : وطن شبك ورحمة بابا عم إلك إنو رفيقي من لما طلعت ع الإعدادية وكان دائما يسألني إزا استعصب عليه شي .. شبك انتا
وطن : .....
ليلاس : بتشك ؟؟
وطن : هه إيه طبعا بس ماتكوني قالبة مريم العدرا يعني لحتى ما شك
ليلاس : وطن واعي شو عم تحكي
وطن : نحنا من أولها اتفئنا ما في وئفة مع شباب
ليلاس : نحنا اتفئنا ما في طلعة من الصف
وطن بعصبية : نحنا اتفئنا مافي مسخرة
ليلاس : إيه روء
وطن : لا إله إلا الله
ليلاس : محمد رسول الله
وطن : لك حاج حاج مسخرة
ليلاس : وطن ما بتمسخر .. مابدك تجاوبني ليش طالع من الصف
وطن : ما إلك علاقة
ليلاس : والله سيد وطن من إيمت بكون ما إلي دخل ؟
وطن : من لما انا ما صرلي دخل
ليلاس : وطن اتطلع فيني
وطن : .....
ليلاس : وطن اتطلع فيني عم إلك
وطن : ......
ليلاس : واطن ازا انتا متدايئ من إنو طردوك من الحصة مو معناها تتفشش فيني
وطن : لا بالله ... لا ارتاحي انا ما معصب لأنو طردوني بس انا معصب من أسلوب هيدا يلي عم بتجاكري مجاكرة
ليلاس : أنا بجاكر يا وطن
وطن : ايه بتجاكري
ليلاس : هي جزاتي لأني خيفانة عليك وخيفانة تروح عليك دروس يا وطن
وطن : كلا بتتفهمن على سمايي
ليلاس : اتطلع فيني .. وطن ازا عاجبتك شي بنت غير يعني و حاببا يعني عادي احكيلي وطن رح اتفهم الموضوع و رح آخدو بروح رياضية حبيبي
وطن اتطلع فيها بعصبية وعيونو حمر يمكن اول مرة بتشوفو هيك و معصب لهالدرجة
وطن : أنا بحبك أنا شو ؟؟ بحبك بعشئك أنا ماعم بئدر اتخيل حياتي بلاكي .. أنا عندي اياكي ولا كل بنات الدنيا فهمانة وحطي هالكلمتين حلئة بدانك أنا بحبك
كان معصب وعم يشد ع الأحرف تركها وراح لمكانو الأول

جاد : كأنك كنت وائف عم تحكي مع هديك البنت؟
اتطلع فيو وطن بعصبية
جاد : شبك يا زلمة رواء ولو
وطن مسكو من رقبتو : اسماع عليي هلأ بس نفوت ع الدرس يا ويلك ازا بتبقى قاعد بجنبي يا جاد فهمان
جاد : طب ليش ؟؟
وطن : هيك يا أخي حابب أقعد لحالي بالمقعد فهمان عليي
جاد : لك إيه إيه فهمت عليك بس تركني
وطن : يلا درمل من هون
راح جاد وبقي وطن واقف وبارم بوزو وعم يزور بليلاس يلي كانت قاعدة على الدرج وعم تزور فيو كمان سحبت وطلعت ع الدرج وفاتت لجوا المدرسة
... خلصت الحصة ودخلو وطن وجاد على شعبتهن وكملو دوامهم وهنن متزاعلين
روحت من المدرسة كان ماشي وراها تماما بس باين عليه معصب وما بيتحاكا ... ما رضيت تحاكيه وتراضيه أبدا ...
وصل للبيت فات وخبط الباب وراه كان الكل مجتمعين وناطرينو ع الغدا ..
سمية : يلا يا وطن غسل وتعا الغدا جاهز
وطن : ما بدي اتسمم
وفات ع الغرفة وخبط الباب وراه
سمية : شبو هاض مجحش
محمد : مجحش إمي هههه
نور وشام : هههههه
.................
قاعد بالغرفة فارد الكتب وعم يدرس
فات محمد ع الغرفة وطلع
محمد : شكلو مروح ومتحمس ع الدراسة
سمية : الله يهديه
وطن : وبعدييييين ما عم ركز بشي ولا شي عم ينحفظ معي لأيمت
رمى الكتاب من إيدو وركا راسو على حفة التخت
وطن : أنا كل مرة عم بنكسر لليلاس و عم استسمح منها .. وهيي ما جربت ولا مرة تراضيني اذا زعلت ليش يعني هيي عندا كرامة وانا يلعن ابو كرامتي ... بس المرة غير رح ضل ناطر لحتى هيي تيجي وتستسمح مني وتحكيلي بحبك إيه أنا بجن والله بجن إزا بعرف إنو في علاقة حب بينو لهالحقير وبين ليلاس والله بجن بحبا أنا
المسا طلع من الغرفة لابس بجامة رياضية لابس جاكيت وبوط وطلع
سمية : لوين يا وطن
وطن :ع الملعب
سمية : فوت ادرس احسن لإلك وانسالي قصة الملعب
ما رد عليها ضل ساحب وطالع برا البيت
نزل ع الدرج ركد وطلع من باب البناية كانت ليلاس واقفة ع البلكون اتطلعت فيو بس ما ضحكلا او ابتسملا ابدا سحب و كمل بطريقو و هيي فاتت عالغرفة وقعدت تبكي
ليلاس : حتى انتا .. حتى انتا يا وطن

وصل على الملعب والكل كان عم يرحب فيو وحيوه ... شب من الحاضرين : يا هلا بوطن نور الملعب
وطن : تسلم
شب تاني : اشتئنالك يا صايع وين هالغيبة ؟
وطن : تسلم غرئان بالدراسة ههه
شب : صايع رح تلعب معنا اليوم
شب تاني : إيه ما أحلاه ومو لاعب أكيد رح يلعب
وطن : لا ما رح ألعب شباب اعزروني اليوم
شب من الحاضرين : وطن لا تقولا الفريق مو حلو من دونك
وطن : تسلم يا مؤيد بس تعبان وما إلي نفس على شي خلص العبو انتو رح راقبكن
ضرب بخفة ع ضهر رفيئو وراح قعد عجنب يتفرج عليهن
بلشو الشباب لعب و وطن شارد بلعبن بس ذهنو أبدا مو بالملعب ذهنو وكل تفكيرو عند ليلاس
تقدم شب وقعد بجنبو
الشب : كيفك صايع ؟
وطن : تمام منيح ... انتا كيفك ؟
الشب : تمام .. شبك صايع شو صاير معك
وطن : لا أبدا ما في شي
الشب : كيف ما في شي باين مو ع بعضك
وطن : لا تهكل هم مافي شي
الشب : وطن إزا في شي احكيلي
وطن : لاا تخاف ما في شي روح كمل لعبك
الشب : اوك
راح الشب وبقي وطن غرقان بدوامة أفكارو
خلصت المبارة رجع وطن ع البيت وكان الدنيا غروب فات على غرفتو وما طلع منها
وهيك مضى اليوم ...............

ومشيت ...
مشا بجنبها
وطن : ليلاس حاج متل الولاد لصغار اسمعيني
ليلاس : روح وطن وتركني
وطن : مستحل ليلاس إما منبقى سوا او منروح سوا انا بحبك
ليلاس : لو عنجدد بتحبني وطن ما كنت عملت كل يلي عملتو
وطن : عملت كل هالشي منشانك
ليلاس اتطلعت بوشو : منشاني وطن منشاني ما عم تحكي معي لك أنا بتنفس صوتك وطن انا بعشئك انا كنت خلال هالأكم يوم عايشة من دون روح وطن
وطن : أناا آسف يا روح وطن ليلاس أنا كمان من حئي غار لك أنا بغار عليكي من نسمة الهوا
ليلاس : هي مو إسما غيرة انتا كنت عم بتشك فيني
وطن : والله العضيم كنت معصب جن جنوني ماعاد وعيت ع حالي شو عم أحكي
ليلاس : انتا دائما بتبرر لحالك وطن .. وطن اتصلت مليون مرة وانتا قصدا تفصل الخط بوشي وما ترد عليي
وطن : احكي من هلأ لبكرى اعملي يلي بدك إياها بس لا تزعلي مني
ولف وشو
سكتو تنيناتهم للحظات ...
ليلاس : وطن
وطن : ....
ليلاس : وطن انا بحبك كل هالشي لأني بحبك
التفت عليها : ليلاس انتي خربطتيني ليلاس ماعم بحسن شيلك من تفكيري افهمي
نزلت راسها ...
وطن : اتطلعي فينب ليلاس أنا أكل ماعم باكل ودراسة ما عن بحسن أدرس مو ادران من دونك ليلاس
ليلاس : أنا بحبك وبعشئك بس كمان انتا افهمني بس انتا لأ شكيت فيني وصرت تحكي علي شي بينفهم وشي ما بينفهم
وطن : منشان الله انا آسف بس لا تبقي زعلانة مني
ليلاس : احكيلك ؟ احكيلك إنو ما عم بأدر انسى يلي صار
وطن : ليلاس منشانو الله خلينا سوا ما نفترء انسي كل شي صار ونبدا من جديد الله يخليكي
وقفت ليلاس وتطلعو ببعض نزلت دمعة من عيونها مسحلا اياها
وطن : بتسدئيني انتي أول بنت غيرتني وما غيرتا ليلاس
ليلاس : وطن للحظة حسيت إنك ما بتحبني
وطن : انا ما بس بحبك انا بعشئك
ليلاس مشيت ونزلت راسها .. ركز شعراتو ومشي بجنبها وصار يحكو ويضحكو
ليلاس : شكلا رح تمطر أسرع بمشيك
وطن : خلينا تحت الشتا ليلاس
ليلاس : بينبلو أوعينا مي
وطن : ما مشكلة منشاني
ليلاس : بتشتريلي سحلب
وطن : تكرمي
مسك طائية جاكبتها وحطلا إياها على راسها وهوي حط طائية الجاكيت على راسو ومشي بجنبها وروسن بالأرض
وطن : لو سمحت تنين سحلب
..... : تكرم
اعطاهم تنين سحلب مشيو تحت الشتا عم ياكلو سحلب ويحكو ويضحكو
وطن : ليلاسو
ليلاس : مم
وطن : اعطيني إيدك
ليلاس : لشو ؟؟
وطن : اعطيتي
مدت إيدها لبسها سنسالة معلئ فيها شي متل الكرة الصغير وبجواتها في مغناطيس ولون الاسوارة فضي .. لبس وحدة متلا ومد إيدو لجنب إيدا وتجادبو المغناطيسين رجع بصعوبة بعد عنها و أددم إيدو و رجعو تجادبو
وطن : حلوين
كانت كتير خجلانة : بجننو وشكرا
وطن : وعديني لا تبعدي هالاسوارة من إيدك
ليلاس : بوعدك وهلأ بدي روح مو حابة حدا يشوفنا اوك
وطن : ماشي ديري بالك على حالك
ليلاس : باي
وطن : بحبك
مشيت وهوي مشا وراها لوصلت للبناية ابتسمتلو وطلعت
ليلاس : مامي .. ماما انتي جيتي
ام مراد : ليكني يا ليلاس
كانت أمها بالغرفة آعدة ع التخت و بإبدها شي
رمت ليلاس الشنتة من إيدا ومشيت لعند امها ضمتها وقعدت بجنبها
ليلاس : شو بتعملي
اتطلعت منيح كانت أمها ماسكة ألبوم صور وعم تتفرج عليهن ودموعا ع عيونا
مسكت الألبوم وقلبت فيو كان صور لأبوها ولمراد ولإلها
ليلاس دمعو عيونا لما شافت صور أبوها واتطلعت ع إما كانت عم تبكي
ليلاس من بين دموعا : ما حلك تنسي
أم مراد : أبوكي ما بينتسى يا ليلاس
نزلو دموع ليلاس أكتر
ليلاس : تركنا من بكير ماما
أم مراد : مو بإيدو يا روحي
ليلاس : إمي اشتأتلو والله اشتأتلو
أم مراد : خلص يا روحي
و ضمتها .......

🌸🌸
دخل وطن ع البيت عم يضحك ومبسوط ويغني
سمية : ليش متأخر يا وطن
وطن : الطريق عجقة
نور : شو سر هالسعادة من الصبح
وطن عم يفك ربطات البوط
وطن : شو حرام الواحد ينبسط ؟
شام : لااااا ابدا مو حرام
تغامزو شام ونور وضحكو ...
وطن : لسا ما رجع محمد
شام : غيير اوعيك بكون وصل
فات ع الغرفة وهوي عم يغني وسكر الباب
سمية : هيدا نفسو وطن تبع مبارح
نور : هوي بزاتو ماما
هههههههههههههههههههههههههه
وصل محمد ع البيت غيير اوعيه وقعد بالصالون وقعد بجنبو وطن
محمد : مشي الحال
وطن : مشي هه
شام : شو ببتهامسو انتا واياه
وطن : إلك دخل
نور : ايه إلا دخل
وطن : مين عينك محامي دفاع حضرتك
نور وقفت تهز بكتافها و بخصرها : ما إلك علاقة
وطن : انا ما إلي علاقة ؟
نور : إيييييييييه نعم
مسكها من شعرها وتخانقو
محمد : يا وطن بعد عنها والله ما تشوفك ماما
وطن : أم لسان
نور : أيييي شعري يا حمار
وطن : لسانك بدو أص
نور مسكتو من شعرو
وطن : آآآآآخ يا دبة شعري

درس كتير و وقت خلص امتحان ليلاس نزل وطن من البيت بدون ماحدا ينتبه عليه .. وقف باب البناية وعم يمرر أصابعو ما بين خصل شعرو .. ليلاس كانت ماشية ومبتسمة وصلت لباب بنايتها و هوي انتبهلا ركد لعندها وهوي عم يلهث
وطن : ليلاس
ليلاس تلبكت كتير والشارع كان كلو ناس
ليلاس من بين سنانها و بتوتر : انتا شو جابك
وطن : ليلاس اسمعيني أنا والله اشتأتلك
تركتو وفاتت من باب البناية وهوي لحقها
وطن : استني
ليلاس : انتا مجنون شو عم تعمل هون ؟؟
وطن : انا اشتأتلك وجيت إلك إنو خلينا نلغي الوغد بترجاكي
ليلاس طلعت على الدرج ..
ليلاس : وطن روح من هون أبل ما حدا يشوفك
ومشيت على الدرج
مسك إيدها و وقفها
وطن : ليلاس اسمعيني منشان الله والله ما بئدر من دونك
ليلاس : ما فيني ما فيني خلص جرب
وطن : ماني أدران ليلاس
تركتو وركدت على الدرج ... وصلت لباب شقتها واتطلعت عليه كان لسا واقف على الدرج وعم يتطلع عليها
ليلاس وقلبها عم يرجف اتطلعت فيو و ابتسمتلو
ليلاس : بحبك وطن
وفتحت الباب وفاتت ركض ع البيت .. سندت راسا ع الباب وصارت تلهث لأنو نشفلا دمها خافت حدا من أهل البناية يشوفن ...
أم مراد : يا ليلاس
ليلاس : أنا جيت ماما

وطن كان واقف على الدرج وراكي ضهرو ع الحيط وشارد بباب الشقة
نزل على الدرج على مهلو .. كمل الطريق ودخل للبناية .. طلع للشقة ودخل لغرفتو و بدا دراسة ...

اجا الليل وليلاس قاعدة مع أمها بغرفة القعدة وشاردة
عم تتذكر كل الأيام يلي مضتها مع وطن و تبتسم
أم مراد : ليلاس .. ليلاس .. هي ليلاس
ليلاس : إيه إمي
أم مراد : وين شاردة
ليلاس : لا إمي مافي شي
أم مراد : اتصلي على مراد خلينا نحكي معو
ليلاس : اوك

وطن حاطط إيدو على جبهتو وماسك القلم عم يدرس
دخلت لعندو سمية ..
سمية : عملتلك كاسة عصير
وطن : يسلمو
سمية : اذا بدك ترتاخ تعا اقعد عند إخواتك شوي
وطن : لسا علي شوي وبنهي هي المادة
سمية : طيب على راحتك
طلعت أمو وهوي كمل دراسة ...
وهيك مضى عطلة الامتحانات ....
______

وطن رايح جاي بالغرفة ..
دخل عليه محمد : لك شبك
وطن : لك بكرا الامتحان يا محمد
محمد : إيه وشو فيها
وطن : رح موت من الخوف والله بعمري ما حسيت حالي خيفان لهالدرجة
محمد : شي طبيعي يا وطن اهدا وخود نفس انتا درست وتعبت ومركزها للمادة
وطن : بس حاسس إنو ناسي كل شي
محمد : لا تخاف هي لانك متوتر وهلأ إلي شو بدك لتروء ؟؟
وطن ضحك : هههه
محمد : خود موبايلي
وطن أخد جوال محمد ومحمد طلع لغرفة القعدة
كبس على لوحة المفاتيح وكتب رقم ليلاس واتصل فيها بس كانت قافلة جوالها حاول أكتر من مرة بس ما كانت ترد
طلع لعند أهلو ...
وأعطى الموبايل لمحمد بيأس
محمد : شو ؟
وطن : ما مشي الحال
محمد :طب اوك جرب من الهاتف الأرضي إمك و إخواتك مانن هون اتصل
وطن : بلكي إما يلي ردت
محمد : لك على أساس إنك مخربط بالرقم
وطن : وازا هيي ردت
محمد : خلص انتا لا ترد ولا تحكي شي بس اسماع صوتا
وطن : طيب
كتب وطن الرقم واتصل على ليلاس
أم مراد : ليلاس شوفي مين على الهاتف
ليلاس : ماشي
ركدت لعند الهاتف ورفعت السماعة من دون ما تنتبه مين الرقم
ليلاس : ألو
وطن أول ما سمع صوتا رجف قلبو كان إلو شهر ما حكاها
ليلاس : ألوو
ليلاس : لو سمحت مين معي
وطن كان عم يبتسم ويضحك من دون صوت
ليلاس : بدك تحكي ولا سكر الخط
سكرت الخط وهوي فرط من الضحك
محمد : شو
وطن : عصبت ههههه
محمد : هههه
قام محمد لعند إمو وإخواتو ووطن رجع اتصل
ليلاس : ألوووو ...
وطن : ....
ليلاس : مين ؟؟
وطن : ليلاس
عرفت صوتو وحطت إيدها على تمها من الفرح ودمعو عيونا
وطن : بحبك
ليلاس كان قلبا عم يرجف وفرحانة لانو سمعت صوتو
ليلاس : بعشئك
وسكرت الخط ...
وطن بقلبو : دخيل ألبك شو اشتأتلك
أم مراد : مين على الهاتف يا ليلاس
ليلاس : إمي وحدة مخربطة بالرقم
ليلاس : الله يوفئك يا وطن وينور بصيرتك يا عمري انتا

رجع محمد لعند وطن
محمد : شو مشي الحال ؟
وطن : مشي
محمد : يلا على دراستك
وطن وهوي طاير من الفرحة : دخيلو الله أنا رايح رايح
"وهز براسو "
دخل وطن لغرفتو وبقي يدرس بعدين اتأخر الوقت نزل بفراشو ونام لتاتي يوم الصبح ...
قام وعم يفرك بعيونو من النعس .. عمل دوش سريع ولبس قميص كورايات فيو الألوان أسود و أبيض مع بنطال أسود وبوط ابيض ولبس كمان طائية شمسية و وخلاها دايرة لورا .. حمل كتابو وطلع من البيت وكان الوقت لسا بكير
وقف باب البناية وعم يمرر نظرو بين الطريق وبين غرفة ليلاس
وطن : يالله لو بس شوفك يا ليلاس وبعديها شوما يصير يصير
اجو رفقاتو ومشى معهم ....
وطن قدم كل امتحاناتو وكان عم يدرس وحامل المسؤولية ولأول مرة طبعا هههه

ليلاس : ههههه أنو فصل منهن ؟؟؟
وطن : يعني بتعترفي إنو في أكتر من فصل
ليلاس كانت فارطة ضحك : هههههه
وطن : إنو معئولة انتي كل هالمدة ما بتحكي معي ولا بتسمعيني صوتك لك أنا والله اشتأتلك
ليلاس : وأنا كمان اشتئتلك
وطن : بدي شوفك
ليلاس : شو رأيك بكرا منلتئى بالجنينة
وطن : بدي شوفك هلأ
ليلاس : مجنون انتا وين بدك تشوفني هلأ
وطن : انزلي لتحت البناية ناطرك أنا
ليلاس : وطن مستحيل بتعرف شو يعني
وطن : عم إلك ضروري بدي شوفك
ليلاس : وأنا عم إلك ما بئدر هلأ أولا الوئت متأخر وتانيا ما بئدر وطن اعزرني
وطن : ليلاس انزلي ما رح يصير شي بسرعة
ليلاس : وطن افهام علي بتعرف إزا حدا شافنا بتصير فضيحة و
وطن : نحنا ماعم نعمل شي عم إلك نزلي ليلاس اشتأتلك وبدي شوفك ضروري
ليلاس : وهالضروري ما بينحكى ع الموبايل
وطن : لأ ما بينحكى
ليلاس : وشو بدي أوول لماما
وطن : نازلة تجيبي اي غرض من عند أبو علي
ليلاس : و مجهز الكزبة عني
وطن : بعرفك غبية ما بتعرفي تكزبي
ليلاس : انتا الغبي
وطن : رح تنزلي ولا لأ
ليلاس : ماما فاتت لتنام يعني مستحيل تخليني أنزل مافي حدا بالشوارع
وطن : طيب متل ما بدك وانتي كمان روحي نامي باي
ليلاس : وطن استنا
وطن : شو بدك
ليلاس : الله يوفئك لا تزعل مني
وطن : ماني زعلان وروحي يلا
ليلاس : ما رح روح أبل ما ترضى يا عمري انتا
وطن : لو انك مشتهية تنزلي كنتي عملتي المستحيل لحتى تجي بس لأنك مو مشتهية ومو حابة تشوفيني
ليلاس : يا وطن والله انا كتير حابة شوفك بس والله بخاف
وطن : ميت مرة إلتلك ما بتخافي وانتي معي
ليلاس : هلأ انتا عنجد رح تشوفني باب البناية
وطن : لك إيه عنجد
ليلاس : انتا في بعقلك شي
وطن : بعقلي لأ بس بقلبي في انتي
ليلاس : طيب كيف رح تجي
وطن : على رجليي
ليلاس : غليييييظ
وطن : بس بتحبيني
ليلاس : رح حاول أنزل
وطن : ناطرك

ليلاس : ماما
ام مراد : نعم
ليلاس : بدي انزل جيب كم غرض من عند أبو علي
أم مراد : غراض شو ؟
ليلاس : إمي كم شغلة بكرا جاية لعندي ماري الله يوفئك الله يوفئك
أم مراد : بكرا الصبح بتنزلي وبتجيبيهن
ليلاس : منشان الله
ام مراد : بخاف عليكي الدنيا ليل والوئت متأخر
ليلاس : منشااان الله يا عمري انتي
أم مراد : يا ليلاس افهمي بخاف عليكي
ليلاس : ما رح يصير شي والوئت لسا بكير وأنا كبيرة امانة امانة
ام مراد : ....
ليلاس : رح تخليني انزل
ام مراد : بس لا تتأخري
ليلاس : الله يخليلي اياكي يا احلى إم بالدنيا يلا تصبحي على خير
أم مراد : وانتي من اهلو يا روحي بتقفلي الباب بس ترجعي
ليلاس : حاااضر
طلعت وسكرت الباب وراها وكانت لابسة بجامة سودا ولابسة شال على راسها ...
نزلت من ع الدرج شوي شوي وعم تتطلع حوليها متل الحرامي ههه و طلعت من باب البناية .. صارت تتطلع حوليها وتدور بعيونها على وطن ..
ليلاس : وينك يا وطن
وطن طلع من وراها : ليكني جيت
ليلاس : ههه كيفك وطن
وطن : لك دخيل عيونك لك انا من شهرين هلأ لصرت منيح
ليلاس : وطن احكي بسرعة شو يلي صاير ليش مصر تشوفني هلأ يعني مو لبكرا
وطن تغيرو ملامح وشو : ليلاس نحنا بكرا طالعين على دبي منشان هيك حبيت شوفك هلأ لانو ماعاد إحسن لشهر
ليلاس : عم تمزح وطن
بيسحيا وبوقفو بخلف سيارة ..
بتركي ليلاس ضهرا على السيارة ووطن بيوقف بجنبها
وطن : لا ما عم بمزح والله لو الامر بإيدي ما بدي كل هالروحة
ليلاس : اوك
وطن : اصلا ماما والله من ساعتين لخبرتنا إنو طيارتنا بكرا
ليلاس مسكتو من خدو : وليش عم بتبرر أهم شي انتا تكون مبسوط وئتا أنا أكيد بكون مبسوطة
وطن : دخيل ألبك يا ليلاس شو شتئتلك
ليلاس : مو أدي يا وطن
كانو واقفين وعم يتطلعو بالسما
وطن : إيه صحي نسيت
ليلاس اتطلعت فيو : شو ؟؟
وطن مسكها من إدنها من فوق الشالة
ليلاس : لك أيي وجعتني يا أهبل
وطن : يعني فاكرتيني ناسي
ليلاس : لك أييي شو ناسي
وطن : أولا يا شاطرة شو هالامتحان هيدا طول عطلة الفحص ما تحكي معي وانا متل الأهبل أوقف ع البلكون لشوفك وانتي تهربي وتصير تركدي
ليلاس : ههه والله كنت بدي حس أديشك بتحبني
وطن : ثانيا
ليلاس : لك لسا في ثانيا والله وجعتني
وطن : هيدا اللبس الأصير أنتي من إيمت بتلبسيه
ليلاس : انو لبس وطن
وطن : أكيد متزكرة ليلاس شو اتفئنا نحنا ولا فاكرة ماني شايفك متلا
ليلاس : هههه يعني ما عجبك
وطن : مليون مرة إلتلك هاللبس ما بينطلع فيو بتعرفي أنا بموت لما شوف حدا عم يتطلع فيكي
ليلاس : يعني كنت طالعة حلوة فيهن
وطن : كنتي طالعة بتجنني بس آخر مرة بتلبسي هيك وبتعملي فيني هيك لأني كنت رح موت
ليلاس : حاااااضر .. تركني
وطن : ههههه ما بدي
ليلاس : تضرب انتا ومنطقك

اتصل وطن وفورا ردت ماري
ماري : ألو
وطن : عفوا يعني مخربط بالرقم
ماري : لا أبدا أنا بنت خالها
وطن : طب ليلاس عندك
ليلاس عم ترفع بحواجبها وتقلها إنو مو موجودة
ماري : إيه ليكا خود احكي معا
ورمت الموبايل على ليلاس وقامت
وطن :كيفك يا حب
ليلاس : نعم وطن
وطن : كيفك يعمري
ليلاس : منيحة
وطن : شوفي كم مرة صرت متصل
ليلاس : واحد وعشرين مرة
وطن : يعني شايفة اتصالاتي مو راضية تردي
ليلاس : إيه وطن : إيه والله كتر خيرك
ليلاس : في شي ضروري
وطن : ليش نحنا من ايمت منحكي بس عند الضرورة
ليلاس : من لما صرت ما تشوفني غير عند الضرورة
وطن : ليلاس انسي يلي صار
ليلاس : عم حاول وطن مو أدران
وطن : سامحيني و أنا آسف هالشي صار لأني بحبك والله يا ليلاس
ليلاس : ...
وطن : افرديها والله حرام تعملي فيني هيك
ليلاس : ...
وطن : بهون عليك ؟
ليلاس : وطن ..
وطن : قبل ما تحكي شي لازم تسمعيني أنا ما بئدر من دونك أنا بحبك بحببببك ليلاس استوعبيها والله العظيم عندي اياكي بهالدنيا كلا بحبك أنا
ليلاس : بحبك
وطن : إيه هيك ها
ليلاس : هههه
وطن : دخيل هالضحكة مشتألك ومشتاء لحكياتك
ليلاس : و إزا إلتلك نعسانة ومو قدرانة
وطن : رح قلك إنو ما في نوم الليلة هههههه
ليلاس : ههههههه الحمدلله على سلامتك
وطن : إيه طبعا هلأ لتذكرتي ست ليلاس
ليلاس : كنت زعلانة منك
وطن : آآآه يعني هلأ سامحتيني
ليلاس : لأ رضيت عليك ههههه
وطن : ولعية
ليلاس : مبسوط بدبي
وطن : لأ لأنو عم حس ببعد عنك
ليلاس : كل هالقد وطن ؟
وطن : ياريت يا ليلاس تقدري تشوفي حبك بقلبي
ليلاس : يا أحلى صدفة بحياتي
وطن : آآآآآآآخخ ياااا ناس ما أحلااااها
ليلاس : ههههههه لك خفف صوتك

طبعا حكيو لوقت متأخر وبعديها سكرت ...
دخل وطن لعند محمد
وطن : انتا شو قصتك مع الموبايل
محمد : ولا شي
وطن : انو عم تكتب و تضحك
محمد : وانتا شو مضايقك ؟
وطن : تصرب انتا والقعدة معك شو نكدية
محمد : ومين ضربك على ايدك وخلاك تجي تقعد معي
وطن : آه يعني شو رأيك روح نام بالمطبخ أنا
محمد : فيها وجهة نظر
وطن : انا رايح لعند نور وشام احسن منك لا تلحقني
محمد : ههههه
وطن وقف على باب الغرفة
وطن : شامو .. نور فايقين
شام من جوا الغرفة : فوت وطن
كانت شام قاعدة ع التخت و بإيدها محاضرة و نور متمددة على التخت الثاني
وطن : هلو
شام : اهلا صايع
وطن : شو لسا فايئين
نور : لا نمنا و فئنا
وطن : هاهاها بايخة
كان في تختين وطن قعد بين التختين
فات محمد : مساؤو
وطن : أنا مو قلتلك لا تلحقني
محمد : بس متكون الغرفة مسجلة بإسمك وماني عرفان
وطن : 😏
محمد قعد على تخت نور من الجهة الثانية و ارتكا على الوسادة و وطن قاعد بين التختين على البلاط ورافع رجليه على تخت نور وعم يحكو
نور : يا الله وطن بلا بياخة نزل رجليك
وطن : ماني مقربهن عليكي
محمد : يا الله ما ازنخك ولو شيلن من وشها
شال رجليه من قدام نور وحطهن قدام محمد
وطن : هيك أحسن ؟؟
محمد : انتا من وين بتستورد الزناخة
وطن : ما بدلك ع المصدر هيدا سر
شام : آآآه يا أبو الأسرار انتا
نور : ههههههه
وطن : طالع نام بالصالون
شام : لك تعا تعا والله منمزح ولو هههه
نور : لك ارجاع
رجع وطن و تمدد بين التختين ورفع رجليه على الكمدينة
شام : صايع وين رحت انتا و رفئاتك مبارح
وطن : مشوار
نور : هاهاها مانحنا منعرف إنو مشوار بس أصدها وين هالمشوار
وطن : هاهاها ما بطيء بياختك أنا
محمد : هاهاها تضرب منك إلا انقبرو اسكتو ولا تسمعوني صوتكم
وطن : اما شو يا شمشومة اكلنا وجبة بمطعم لك بتشههييييي
شام : شو اكلتو
وطن : عملولنا ع السفرة بيتزا ومعجنات و فراريج و شاورما و أكلات كتييير كتيييييير كلو طيب
محمد : إيه و آكولة
وطن : أما راحت عليك يا أبو حميد
محمد : إيه الحق عليي بس أطلع بعزمك ماشي يا صايع
وطن : يعني والله لو على حسابي كنت عزمتك بس مو حلوة الشباب يلي دفعو و انا أعزم أخي هههه
شام : يعني انتا ما اشتركت معن
وطن : لك لا أصلا ولا كنت شايفهن طلعت من المركز لأيتهن ناطرني و أخدوني
محمد بمسخرة : وقتها انتا نحرجت و قبلت عزيمتهم
وطن : لك أنا وربي كنت بدي أطلع مع ليل.. ( واتطلع على إخواتو كانو متطلعين فيو وناطين يكفي الاسم )
شام : مع مين ؟؟
وطن : ما مع حدا
نور : كزاب كنت بدك تحكي اسم حدا و سكتت
وطن مرر أصابعو بين خصل شعرو
وطن : انسو .. "وقام ليطلع من الغرفة"
نور : صحي انتا كأنك ندهتلي ليلاس اليوم على الغدا
وطن : أنا لا أبدا ندهتلك باسمك
شام : امبلا ندهتلا ليلاس كلنا سمعناك
وطن : .... 😏
نور : شكلا ماخدتلو عئلو
محمد : اخرسي نور ماشي ما في داعي يتحون هلأ أخوكي و بتعرفيه

ليلاس _ لا وربي عم بحكي جد
وطن _ ....
ليلاس _ شبك روحي ما حكيتلك منشان تدايق
وطن _ أول مرة بحس حالي هكلان هم شغلة
ليلاس _ يمكن لأنك تعبت ودرست يا وطن
وطن _ بتعرفي يمكن جن إزا ما جبت علامات منيحة
ليلاس _ لساتك مصر تدخل هي الكلية يلي حكيتلي عنها
وطن _ إيه لساتني حبيت هالفرع وحابب أدرسو أنا ما رح أنجح إلا فيو
ليلاس _ رح تكمل بعد ما تخلص دراسة
وطن _ أكيد ليلاس رح أبقى متابع بهالطريق
ليلاس _ خبرتك أهلك
وطن_ أكيد لأ ما رح أحكي إلا ليطلعو النتائج لأنو ماما صعب توافئ
ليلاس _ بس انتا بتعرف إنو هالشي فيو خطر عليك
وطن _ خطر شو انتي التانية الفرع كتير حلو وأنا ما بقدر أدرس كتير ليلاس بموت من شي اسمو دراسة و هالفرع دراستو خفيفة و ممتعة وأنا هي رغبتي وما رح أقدر كمل بفرع أنا ما بحبو
ليلاس _ يعني انتا شايف ما فيو خطر ؟

وطن _ شو أصدك بخطر ؟؟ .. خطر إني موت ؟ .. ليلاس ما حدا بموت ناقص عمر والموت قضاء وقدر
ليلاس _ لا تحكي هيك انتا ما رح تموت
وطن _ هههه انتي بتحكيلي خطر
ليلاس _ تضرب أنا ما أصدي هيك بس إنو بخاف عليك
وطن _ ههههه دخيل قلبك
ليلاس _ و قصة الموت لا عاد تجبلي اياها أنا بتعقد منها
وطن _ تكرمي
ليلاس _ وقصة إنو نحنا رح نضل لبعض ؟؟؟؟
وطن _ نحنا رح نضل لبعض فهمانة عليي أنا مستحيل أتركك
ليلاس _ بتخوني ؟؟
وطن ضحك
ليلاس بنفرزة _ يعني رح تخوني
وطن _ هههه مجنونة انتي
ليلاس _ جاوبني وطن
وطن_ بخون حالي وما بخونك
ليلاس احمرو خدودها
ليلاس _ بتحكي جد
وطن _ أحيانا بتشككيني بحالي ليلاس
ليلاس _ ههههه
وطن _ شو بدك أعمل لأثبتلك
ليلاس _ ما بعرف أي شي
وطن _ بدك أجي و أخطبك
فتحت عيونها على مليهن
ليلاس _ لا
وطن_ ليش ؟
ليلاس_ وطن لسا بكير
وطن غمزها وحكى _ خليني أجي و أخطبك
ليلاس _ حاج ولو بلا غلاظة
وطن _ هههههه ( وفرط ضحك عليها )

____
دخل وطن و كمل السهرة مع أهلو ومضاها ضحك و غلاظة على إمو و أبوه و إخواتو
محمد : يا أخي ما أغلظك
وطن: ها ههها ها
نور : وطن احزار شو
وطن: شو ههههه
نور: بلا غلاظة ماما عم بتقول إنو بعد بكرا رح نرجع على الشام
وطن بفرحة : بصلاة محمد عم تحكي جد بس قالتلي إنو الاسبوع الجاي
محمد : إيه الأسبوع الجاي يعني الأحد يعني لسا يومين ههههه
وطن : دخيل قلبك عل هالخبرية
أبوه : شكلك مبسوط كتير ما عجبتك القعدة هون
وطن: امبلا بس إنو
سمية : والله وطن مستحيل يقدر يقعد بالبيت ساعات متواصة مستحيييل .. لازم كل ربع ساعة ينزل يهمل بالحارة شوي ويطلع
محمد : بخاف يروح عليه شي مشهد من مشاهد الطريء وما يحضرو ههههه
شام : أو شي مخانقة لأنو ما بيحسن ما يشارك فيها
وطن: إيه طلعو شو عندكن بعد طلعو كل شي بقلبكم
أبوه : ههههه
وطن : حمودة عم تقلي ليل .. ( وسكت )
سمية : مين عم يقلك
وطن : وائل .. جاد .. إيه جاد عم يقلي بكرا النتائج
محمد من بين سنانو : انتا فضيحة وربي
سمية : إيه بكرا بدوب التلج و ببان المرج
نور : هههههههه
وطن : اخرسي نور
نور : بكرا ببان يلي كان بدرس من يلي كان يمضي الليل على الموبايل " ورفعت حواجبها "
وطن زورها : مين قصدك
شام : مو إنتا
محمد : ههههههه بكرا ببان
وطن : ارتاح يا مهندس
أبوه : أنو فرع حابب تدخل يا وطن
نور : بابا مو قبلان يحكيلنا
وطن : خلص لما تطلع المفاضلة بحكيلكم
نور بإنفعال : كزاب قلت لما يطلعو النتائج رح تحكي
وطن بهمس لمحمد : إختك بتموت إزا ما عرفت كل شي
محمد : وما بتنبل تحت لسانا حمصة
وضحكو ثنيناتهم ...
نور : بابا احكيهم عم يتمسخرو عليي
وطن غمزها : مزح مزح
محمد : ههههههههه
كملو سهرتهم ضحك وهضامة و بعديها نامو ......
_____.
《صباح جديد》......
وطن : صباحو
نور : صباح الفل شو فايق بكير
وطن : لك طول الليل قلقان
نور : ليش
وطن : ما بعرف بس إزا في شي بابونج اعمليلي
نور : تكرم
وطن : شو بتعملي انتي
نور : بدي حضر لفطور
قعد مع نور بالمطبخ وبلشو يحكو ....
_______
أم مراد : يلا أنا نازلة ع الشركة بدك شي
ليلاس : السلامة
أم مراد : انتبهي على حالك واقفلي الباب ورايي
ليلاس : ماشي
طلعت أمها من البيت وهيي قامت بحملة تنظيف ورجعت عملت دوش سريع ولبست بجامة لون أخضر وتركت شعرها مفرود على ضهرها
ليلاس : كيفك مرادوو
مراد : مشتائلك يا حلوة شو بتعملي
ليلاس : كنت عم نضف البيت
مراد : يعطيكي العافية يا قلب
ليلاس : الله يعافيك
مراد : وين الماما
ليلاس : نزلت ع الشغل
مراد : ممم
ليلاس : شو بتعمل
مراد : قمت أكلت و لبست عندي بعد نص ساعة تدريب
ليلاس : خبرت إنو ماما حكت لخالتو إم محمد منشان شام
مراد : ايه خبرتني شامو بس هنن لسا بدبي

وطن : خلصيني فيقي يا بكلوريا يلااا
ليلاس : والله لسا بكير بعد شوي
وطن : لك قومي راجعي المادة يلا
ليلاس : طيب طيب قايمة
وطن : رح أتصل بعد عشر دقايق يا ويلك إزا ما بتردي
ليلاس : ههه طيب روح كمل نومم
وطن : ما رح نام باقي ناطرك لتطلعي ع الفحص
ليلاس : جد رح شوفك
وطن : روحي هلأ ادرسي خلصيني ولي
ليلاس : دخيل قلبك باي
وهيك بقيو طول هالمدة .. يصحيها بوقت دراستها .. يساعدها بأي شي تحتاجو .. بدو اياها تتخطى هالمرحلة لحتى يبدى معها مرحلة جديدة .. مرحلة تأسيس حياتهم .. بدو يخطبها و يكمل حياتو معها .. رفضت و حكتلو إنو ليخلص هوي الجامعة رح تكون الخطبة .. طبعا هلأ وطن باقي عليه سنة و بينهي جامعتو ومن بعديها رح يتطوع بالجيش و رح يطلب إيد ليلاس من أهلها و بتزوجها بأقرب وقت .... خلونا نكمل قصتنا ونشوف شو رح يواجهو ليلاس و وطن من صعوبات هالحياة ؟! .. ويا ترى رح يقدر حبهن يتجاوز هالصعوبات ويحققو حلمهن مع بعض ؟! ..
_____
بعد مرور وقت .......💙
ليلاس : صباحو يا حلو
وطن : هلا روحي كيفك
ليلاس : مشتقلك شو وينك انتا حوليك في ضجة ؟؟
وطن : بالنادي
ليلاس : لك انتا خلقان بالنادي شي ؟؟
وطن : هههه لك ليش
ليلاس : إنو كل ما بسألك وين انتا بتحكيلي بالنادي
وطن : ايه قولي اشتقتيلي و بدك تشوفيني
ليلاس : يعني انتا مو مشتقلي وما بدك تشوفني
وطن : ههه انتي بس أعطيني ال اوك وما بتشوفيني غير عندك
ليلاس : مو وقت هالحكي هلأ اتصلت لخبرك شي
وطن : طيب غيري الموضوع يا ليلاس ماااشي
ليلاس : بربك بلا بياخة
وطن : أتحفينا
ليلاس : أعطيني البشارة
وطن : بشارة شو
ليلاس : بشارة إنو شام طلعت حامل وانتا رح تصير خال تؤبر ألبي
وطن : بجد عم تحكي ألف مبروك
ليلاس : الله يبارك فيك يا أحلى خال بالدنيا
وطن : يا سلام هيك بصير خال و عم
ليلاس : شو كان اسمو ابن أخوك ؟
وطن : مؤيد
ليلاس : دخيلو ما أحلاه
وطن : ايه منشوف بكرا مين أحلا ابن أخي ولا ابن أخوكي
ليلاس : وطن حبيبي ما في غير احتمالين إنو انتا عم بتدور على مشكلة و التاني انو انتا عم بتدور على مشكلة
وطن : في احتمال ثالث
لبلاس : شو هوي
وطن : إني عم بدور على مشكلة ههههههههه
ليلاس : غليييييييييييظ
وطن : بدي شوفك
ليلاس : ....
وطن : بكرا جاي آخدك من الجامعة
ليلاس : بس انو .....
وطن : ولا إنو شي جاي آخدك يعني جاي آخدك موافقة ولا موافقة ؟؟
ليلاس : موافقة
وطن : ههههههه
ليلاس : يلا ارجاع على تدريبك ازعجناك
وطن : يعني بتعترفي إنك مزعجة
ليلاس : يا إلاهي من وين بتستورد زناختك
وطن : روحي ما بدي قلك
ليلاس : بالناقص
وطن : منك
ليلاس : بعرف إنها مو من قلبك
وطن : بما إنك بتعرفي قحطي قبل ما أطلعلك من الموبايل
ليلاس : هههه رايحة
سكرت الخط وطلعت لعند أهلها قعدت معهن
ليلاس : دخيلو أنا .. يعني ايمت رح تولدي
مراد : لا إلاه إلا للله شو عم بصير معك انتي
ليلاس : ههههه وانتا ليش معصب
مراد : لا أبدا آخر رواق هههه
ليلاس : بدل ما تقوم تجيب لأختك الصغيرة حلوان
مراد : لك تكرمي أحلى حلوان
ليلاس : مراد لا تقول بكرا نازل كمان الله يوفئك خليك بعد يومين
مراد : يعمري النزلة هي آخر نزلة لإلي في دورة وبدي درب فيها ومدتها شهرين أنا رح خلصها و أرجع ع الشام و دوامي صار هون
ليلاس : جد و أخيرا رجعوك
مراد : ايه و أخيرا
ليلاس : الحمد لله يا ربي
مراد : ماما شو صار بالغدا
أم مراد : يلا شوي وبكون جاهز
مراد : يعني اتصل على الشب
أم مراد : ايه يلا
ليلاس : منو الشب ؟؟
مراد : رفيقي باسل جاي يتغدى عندنا
ليلاس : طب ليش أنا ما بعرف بحس حالي عايش بكوكب تاني
مراد : هههه جد ما قالولك
ليلاس : لا والله ما بعرف
مراد : ايه هلأ صرتي بتعرفي شرفي البسي
ليلاس : حاضر
دخلت بدلت أواعيها و طلعت كان واصل باسل
باسل : كيفك ليلاس
ليلاس : تمام انتا كيفك
باسل : الحمد لله منيح
وقعد مع مراد وهيي دخلت للمطبخ تحضر السفرة مع شام و أم مراد ...
تغدو وكتير انبسطو .. باسل بكون رفيق مراد من زمان وهوي شب وحيد وكتير حباب و مهضوم
ليلاس & بعد الغدا نزل مراد و باسل مشوار و بقينا بالبيت .. درست شوي بعدين نعست و نمت .. فقت الصبح على صوت المنبه .. غسلت و لبست أواعيي و طلعت من البيت مع مراد .. هوي راح على شغلو بالمحافظة الثانية و أنا كملت للجامعة ....
حضرت محاضراتي وبعد ما انتهيت اطلعت و لقيت وطن واقف وعم ينطرني .. حبيبي هلا سنة ثالثة بالجامعة يعني بقي عليه سنة و بخلص أما أنا فلسى بالسنة الأولى مشينا مع بعض و رحنا للجنينة
وطن : كيف دراستك
ليلاس : متل دراستك هههههه
وطن : هههه وبتتمسخري كمان

..... : نفذي بسرعة ما معنا وقت
..... : الكلام يلي قلتلك اياه بتنفذي حرفيا فهمانة
ليلاس : منشان الله احذف الصور
..... : مو قبل ما تنفذي يا حلوة .. باي
سكر الخط و هيي انهمرت بالبكي
حاطة راسها على التخت و عم تبكي و تبكي من كل قلبها ..ليش الحياة ظالمة لهالدرجة .. ليش عم تاخد منها كل يلي بتحبهم .. متضرة تنفذ لأنو هيك ناس ما بتخاف من ربها وعندها هالشي متل شربة المي
بعد ساعة ......
مسحت دموعها واتصلت بوطن
وطن : إيه حبي شبك
ليلاس : خليني شوفك بمطعم ال****
وطن : بس انتي ما كنتي ترضي تروحي على هالمطعم لأنو كتير مكشوف بتخافي حدا يشوفنا هنيك
ليلاس : يا ريت تقبل وطن أمانة
وطن : طيب يعمري متل ما بدك ناطرك هنيك أنا
ليلاس : ماشي
سكرت الخط و انهمرت بالبكي .. مو مصدقة شو يلي عم يصير .. مين إلو مصلحة يفرق بينها و بين وطن .. مستحيل تقدر تنطق وتقول لوطن هالكلام يلي بيجرح .. بس متضرة .. رجعت تبكي و تبكي وما طلعت من غرفتها ....
حالة صراع ما بين ليلاس والزمن والوجع و القهر
قلب صغير متل قلبها ما فيو يجرح أو يئذي ..
ليلاس : أنا شو لازم أعمل .. يا ربي دخيلك وقف معي يا ربي 😭😭😭😭

وطن قاعد وعم يفكر ..
وطن : ليش ليلاس طلبت تشوفني بهالمحل حصرا .. هيي كانت دائما ما تقبل تفوت عليه وتقول إنو مكشوف وتخاف حدا يشوفنا فيو .. شو تغيير هلأ .. هالمحل نفسو يلي تركنا فيو بعض أنا وديما .. ليش ليلاس بدها تشوفني هنيك .. ههههه شبك وطن شيل هالأفكار السودا من راسك .. اليوم انتا رح تخطب ليلاس ومن بعدا ما في شي بالدنيا رح يقدر يفرقكم ...
اتطلع بالمحبس وضحك ..
وطن : رح تكون أحلى على إيد ليلاس يا روحي
_______

الساعة أربعة المسا واقفة ليلاس مقابيل المرايا .. عم تعمل شي بوجها لتخفي آثار البكي و السواد تحت عيونها .. يا ريت كان في حدا تقدر تحكيلو كلشي بقلبها .. حدا يسمع صريخ قلبها .. يسمع من دون ما يتكلم .. هيي كتير محتاجة لهالشخص هاض بهالوقت .. لبست كنزة طويلة لتحت للركبة لون أزرق و بنطال أبيض و شالة بيضا و بوط أزرق وبتكون طالعة كتيير حلوة رغم التعب يلي باين عليها
طلعت من غرفتها ..
أم مراد : لوين يا ليلاس
ليلاس : ماما إلتلك نازلة على المكتبة
شام : لكن شو رأيك تنطريني مننزل سوا كمان أنا بدي روح على الدكتورة
ليلاس : بدي روح لحالي
طلعتو خبطت الباب وراها ..
أم مراد : شبها هي
شام : معلش مرت عمي يمكن متضايقة من شي اتركيها على راحتها هلأ بتصل بنور و بتنزل معي
أم مراد : لا روحي البسي انا بنزل معك
شام : ماشي يخليلي اياكي يا ربي
قربت باستها و راحت تلبس ...
______
قاعد وطن بالمطعم ولابس بنطال جينز و جاكيت خفيفة لون أبيض و تحتيها كنزة بلون أبيض عليها كتابات و بوط أبيض ورافع شعراتو بطريقة ساحرة .. ماسك موبايلو وعم يكبس فيو ..
وصلت ليلاس
بابتسامة مصطنعة : مرحبا وطن
وطن : اهلين روحي كيفك
ليلاس : تمام
قعدت مقابيلو ع الكرسي وشبكت إديها ببعض
وطن : شبك مو على بعضك صاير معك شي
ليلاس عم تتهرب من نظرات وطن ومو قدرانا تتطلع فيو
وطن مسكها من إديها وكان رح يحكيها بس انصدم وقت شافها لابسة محبس ..
انصدم وبعد إديه شوي شوي عنها ودقات قلبو عليت وعم ياخد نفس بصعوبة
ليلاس : نحنا لازم نترك
وطن عم يتطلع فيها ونظرات سؤال
ليلاس : أنا بدي نبعد فترة أنا بصراحة ما واثقة من علاقتنا
وطن لسا ساكت وتاركها تكمل حكيها او بالأحرى الكلمات ماعاد طلعت معو ...
ليلاس : أنا نخطبت لرفيق أخي وطن انتا بتعرف ما فيني قول لأخي لأ
وطن : و أنا ؟؟؟
ليلاس : انتا شوف وحدة غيري تحبك وطن ميت بنت بتتمناك بس أنا انساني
وطن : قولي انك عم تمزحي
ليلاس : وطن هيك موضيع انتا أكتر واحد بتعرف ما فيها مزح
ليلاس قلبها عم ينزف عم يتقطع من نظرات وطن المكسورة وكأنها خيبت ظنو هيي والله بتحبو وبتعشقو وما بتقدر تكون إلا لإلو بس مجبورة تحكي هيك ومجبورة تبعد عنو و تنساه لأنو صارت شبه مستحيلة علاقتهم تكمل ...
وطن مسك إديها الثنتين وعيون متل الجمر
وطن : احكي .. احكي ليش ساكتة .. احكي أي شي
ليلاس : وطن خليني روح
وطن : لك قولي انك ما بتحبيه .. قولي إنك مجبورة عليه .. أنا بحارب الدنيا كرمالك احكي ليلاس .. منشان الله يا ليلاس احكي
ليلاس دمعو عيونها و حكت : بحبووو بحبو وطن بحبو .. اتركني روح
وطن : بتحبيه ؟؟؟
ليلاس : ايه بحبو وبعشقو وانتا ما بدي اياك و بكرهك وطن بكرهك
بعد إديه عنها وقعد على الكرسي واتطلع فيها .. بلع ريقو و حكى
وطن : عيديها
ليلاس : بحبببو
لفت وطلعت من المحل ركد قبل ما يخونوها دموعها و ينزلو
حط راسو على الطاولة .. مو مستوعب شي .. ما عم يسمع إلا صوت ليلاس بإذنو

.......... وطن حكالو كل القصة وهوي كان مصدوم
محمد : وشو هلأ
وطن : رح روح وأحكي مراد
محمد : انتا مجنون بدك اختك تتطلق من تحت راسك
وطن : ليش شو علاقة اختي
محمد : لك ما هيي مرتو لمراد
وطن: هههه اه تزكرت .. ايه شو دخلها
محمد : يا وطن والله رفعتلي ضغطي احكي خلصني
وطن بجدية : بدي احكيه أنا ما بتم هالجازة إلا على جذتي
محمد : اذا ما رضي
وطن : .....
محمد : اوعا تكون عم تفكر تاخدها ..؟؟
وطن :ايه ايه رح آخدها خطيفة وشو يعني .. أنا بحبها وهيي بتحبني ورح نكتب كتابنا بالمحكمة و وقتها خلي مراد يخر***
محمد : وطن مجنون انتا
وطن : ايه هنن كانو ذرة عقل فيني واليوم طارو .. الله وكيلك طيرتهن هالحقيرة ديما .. ما بكون اسمي وطن إزا ما بخليها تتجرجر بالحبوس
محمد : وطن عم تمزح صح .. انتا ما رح تاخد ليلاس من دون موافقة أهلها
وطن : عم بحكي جد وكل الجد كمان .. بحارب كل الدنيا كرمالا
محمد : ليش ما كان حكيك هيك من المرة الماضية
وطن : الشي اختلف كتير .. المرة الماضية هيي تركتني ومن دون سبب ولما عرفت إنو السبب ه وي باسل جنيت و وقتها حسيت حالي كرهتها .. بس وربي ليلاس ما فارقت تفكيري ثانية وحدة وربي وربي
محمد عم يسمع وساكت ..
محمد : ما بعرف عنك
وطن : ...
محمد : هيي موافقة
وطن : ايه
محمد : ليش انتو هيك .. على اساس متعلمين ومتثقفين .. وبتجو بالأخير تعملو هالعملة
وطن : أنو عملة محمد .. أنا ما رح قرب عليها لتكتب كتابها عليي وبوجود شيخ فاهم انتا .. بعدين نحنا منحب بعض مستحيل أتخيلها مع باسل
محمد : ....
وطن : انتا قول انشالله مراد يوافق ويتقبل الفكرة
محمد : مو عارف شو بدي قلك .. الصراحة سكرتها عليي من كل الجهات
وطن : جبناك يا عبد المعين لحتى تعين طلع لدك مين يعينك
محمد : ع فكرة مو وقت هضامتك
وطن : ما عم بتهاضم بس اتذكرت مثل بيبقى خالك يزن يقولو
محمد : استغفر الله ههه
وطن : أنا رايح بدك شي
محمد : وين استنى ؟
وطن : على الفرع
محمد : طب استنى وصلني بطريقك جيت مشي وسيارتي عطلانة
وطن : دبر حالك يا زلمة
محمد : لك وطن .. وطننن
كان وطن طالع من الكفتريا ... هههه
محمد : يا الله مجنون كيف رح روح هلأ
أخد تكسي وطلع ليوصل بالوقت للشركة ...
❤#

هلأ شو بتتوقعو مراد رح يقبل يفسخ خطبة ليلاس من باسل .. أم لأ ..
وليلاس كانت عم تحكي جد لما قالت رح تروح مع وطن إزا أهلها ما قبلو
وباسل كيف رح تكون صدمتو إزا عرف إنو ليلاس ما بدها اياه
مفاجئات كتيرة ناطريتكن بالجزأ الجاي انطروني ...❤
.
.بعد ما طلع وطن من الكفتريا .. ركب سيارتو ومشي للفرع ...
دخل لمكتبو ولحقو جاد وسكر الباب ،،،،،
جاد : احكيلي شو صار معك
وطن : شفتها وحكيتها وأنا اليوم رح شوف مراد
جاد : .....
وطن : صحي مراد هون شي
جاد : لأ .. روح للبيت
وطن : ماشي .. انقلع من وجهي مش طايقك
جاد : يا أخي بلا بياخة انتا رايق مع الكل وهون بتجي تفش خلقك فيني
وطن : جاد مو ناقص ندواتك .. انقلع من وجعي
جاد : منقلع ..
________

ليلاس قاعدة بغرفتها ومتوترة كتير ...
مراد : ليلاسو
ليلاس نقزت لما ندهلا : .. اي ايه أخي
مراد : يلا تعالي الغدا صار جاهز
ليلاس : أخي ماني جوعانة
مراد : شو يعني مو جوعانة .. خلصيني قومي
ليلاس : أخي والله مو بنفسي
مراد : لك يلاا
ليلاس : طب ماشي
طلعت لعند أهلها وتغدت معهن ...
أم مراد : بنتي شبك زعلانة
ليلاس : مافي شي ماما
شام : ليلاس شكلك مو مزبوطة صاير معك شي
مراد : ليكون باسل مزعلك
ليلاس : لا اخي بس تعبانة شوي
تركتهم وقامت .. لغرفتها ..
شام : مراد حبيبي خلينا نروح لعند ماما الله يوفئك
مراد : أجليها لغير يوم
شام : أمانة أمانة يا مراد بكرى عرس ليلاس ورح ننعجق كتير وما رح نقدر نطلع امانةة
أم مراد : إمي خدها وروحو سهرو عند بيت حماك خطي ما بتطلع
شام : مرت عمي انتي وليلاس كمان تعو معنا
أم مراد: لا روحو انتو واتسلو
شام : والله ماما عم تستفقدك كتير تعو معنا
مراد : ايه إمي
أم مراد : لا بلكي باسل اجى وسهر عندنا
مراد : إمي عندو شغل اليوم ومارح يجي يلا قومو البسو
شام : ليلااااس .. يا ليلااااس
طلعت ليلاس من الغرفة وحكت : نعم شو بدكن
شام : البسي خلينا نروح لبيت أهلي يلا حبابة انتي
ليلاس : روحو انتو أنا تعبانة شوي
مراد : ليلاس ماما كمان رايحة يعني تبقي لحالك
ليلاس : أخي والله ماني حسنانة
ام مراد : طيب براحتك خلص لا تضغطو عليها
تركتهم ورجعت لغرفتها وهنن لبسو وبعد المغرب طلعو من البيت ...

كانت كتير متوترة وخايفة .. حست اشقد وطن أشجع منها و قرر يحاكي مراد .. اتصلت فيو أكتر من مرة بس كان مسكر جوالو

_____
وطن قاعد بالسيارة .. عم يمشي فيها بس مو عارف وين رايح تحديدا .. مرر أصابعو ما بين خصل شعرو وزفر بضيق وحكى من بين شفافو
وطن : بحبك وما بسمحلو يلمس شعرة منك .. انتي الي وبس ليلاس ...
فتح جوالو وصار يكبس فيو .. واتصل عليها
ليلاس : ألو ..
وطن : كيفك يا عمري
ليلاس : تمام .. وطن انتا وين شو صاير معك شفتك طلعت من البيت معجوق
وطن : ...
ليلاس : وطن عم تسمعني .. انتا وين ؟
وطن : أنا ؟ .. بتسدقي إزا إلتلك ما بعرف
ليلاس : وطن الله يخليك احكيلي صار معك شي .. حكيتو لمراد
وطن : حكيتو بس أخوكي ما عم يستوعب ..
ليلاس : شو يعني
حب يلعب بأعصابها وحكى ...
وطن : خلص كل واحد من طريق
ليلاس بصدمة : لأ .. ما بتخلى عنك مجنون انتا .. هيك بهالسهولة رح تتركني
وطن : أنو سهولة ما خليت وسيلة إلا وحاول أقنع أخوكي فيها .. بس .. لا حياة لمن تنادي
ليلاس : انا وعدتك إنو إزا ما وافق أهرب معك شو غيرت رأيك
وطن بحماس : لهالدرجة بتحبيني
ليلاس : ....
وطن : شو ؟
ليلاس : بحببببك
وطن : يااا إمي صرلي زمان ما سمعتها منك عيدها بعد مرة
ليلاس : لك شبك ولو بحبك بحبك
وطن : يا ويييييل قلبي
ليلاس : وهلأ شو
وطن : بتجهزي حالك ومع طلوع الضو أنا بكون ناطرك تحت البناية بتنزلي
ليلاس : بلكي أخي حس عليي
وطن : ما رح يحس ولا شي كلها دقيقة لتوصلي لعندي
ليلاس : طيب ماشي
وطن : بحبك
ليلاس : بااي
سكر الخط وحط راسو على الدركسيون واتنهد بتعب .. حس قديشو مرهق وتعبان .. كان فارط من النعس ..ما نام طول الليل بسبب ديما .. أما بالنهار فلساتو عم يركد من مكان لتاني ليحل مشاكلو .. هوي جسد وما عاد بيتحمل ....
_______

مراد ومحمد بقيو يتناقشو ليوصلو لحل ..
مراد رجع للبيت وأبدا ما حكى ليلاس لأنو كان كتير مقهور منها .. اتصل بباسل وفهمو القصة من أولها ..
باسل : ليش يا مراد هيك عملت اختك
مراد : منشان الله يا باسل افهمني
باسل : لا تهكل هم مراد .. أنا بكرا بمرق لعندكن وبطلقها
مراد : ما إلي عين شوفك يت صاحبي
باسل : ....
مراد : بعرف إنك متضايق بس الله يخليك لا تزعل
باسل : يا ريتها رفضتني من الأول وما علقتني فيها يا مراد
.......... كملو حديث

وطن راح لبيتو وجهز مصاري و وراقو ليكون الصبح جاهز .. ما كان بيعرف إنو مراد وافق يعطيه ليلاس
وليلاس كمان ما كانت بتعرف .. جهزت غراضها واتمددت بالتخت

محمد طول الوقت عم يتصل بوطن ليخبرو منشان ما يتهور ويعمل شي ...
محمد : بربك رد يا وطن
سمية : شو إمي ما عم يرد
محمد : ايه .. هالكلب سكر جوالو أنا وين بدي لاقيه هلأ
نور : هلأ يعني عنجد وطن طلق ديما والله ما عم سدء
سلام : ايه جد منيح يلي كشفها
نور : طب ليش ما حكالنا من الصبح
محمد : ليش هوي إيمت دخل للبيت .. ما وصل غير بعد المغرب حكى مع مراد وسحب حالو وطلع
سلام : الله يهدي بالو
محمد : أنا اخايف يتهور ويعمل شي إبنك
سمية : شي متل شو
محمد سكت شوي وحكى : هدد مراد إزا ما بوافق يزوجو ليلاي رح يفيق ما يلاقيها بالبيت يعني بدو ياخدها خطيفة
سمية : شوووو
محمد : ايه والله يا إمي إبنك حمار وبيعملها
نور : بس هيي مستحيل توافق
محمد : ما في شي مستحيل .. هوي حكاها و وافقت ..
سلام : مو معقول كل هيدا حب
محمد : هيدا جنان مو حب
نور : لا يا سيدي حب وطن بعشق الأرض يلي بتمشي عليها ليلاس ..كلنا كنا ملاحظين إنو بحبها بس هوي ما حكالنا منشان ما ناخد فكرة سيئة عن البنت
سلام : بتزكر بالفترة يلي خطبت فيها ليلاس س و وطن تخرج .. بيومها عزمتوهن هون .. وكانت ليلاس وخطيبها .. وطن طول القعدة ما زاح عيونو عنها .. وبعد العشا طلب مني إني أندهلا وحكى معها بس أنا ما كنت بعرف يعني فكرت شي تاني ..
نور : ما سمعتي شو حكو
سلام : لأ ندهتلا وطلعت للبلكون لتشوف مؤيد وكان وطن هنيك .. بس انتبهت لما طلعت كانت تبكي وغسلت وشها على المغسلة .. و وطن كمان فات لغرفتو وما عاد طلع
سمية : برضاي عليك يا محمد اتصل بأخوك ما بدي نعمل مشكلة إلها أول ما إلها تالي أخوك إزا بحط براسو شي لازم ينفذو
محمد : قولو انشالله يرد
نور : انشالله
_____
بهالوقت كان وطن بشقتو و متمدد على التخت .. فتح جوالو ليحكي ليلاس قبل ما تنام ..
ومحمد كان عم يتصل عليه وعلق الخط ...
محمد : ليكو فاتح جوالو انشالله يرد
وطن : ألو
محمد : ليش مسكر جوالك
وطن : هيك .. شو إلك دخل
محمد : وينك انتا
وطن : بالخ***
محمد : اتأدب يا ولد
وطن : شو بدك
محمد : تعا إمك بدها اياك
وطن : بدي نام
محمد قوم وتعا يا زلمة الكل ناطرك
وطن : ليك قرفان جلدة وجهي انقلع واتركني بحالي اقسم بالله مو طايق أحكي حدا

جاد : صباح الخير شريك
كان وطن قاعد على ضفة النهر وعم يدخن
وطن : صباح النور
اتقدم جاد وقعد على صخرة بجنب وطن وربت على كتفو
جاد : شبك
وطن : ...
جاد : مدخن كل هالسيكارات لوحدك
وطن : ايه
جاد : مليون مرة قلتلك بضرك وما بيسوالك .. شي مرة بدي أقطعك وما جييلك لشوف شورح يصير فيك
وطن : كيفا ليلاس
جاد سكت شوي وحكى : ليلاس منيحة لا تخاف
وطن : الحمدلله
جاد : ايمت تنفيذ المهمة
وطن : بكرا بتجيب معك الشباب لهون وكلشي معدات ضروري كتير جاد ما حدا يعرف
جاد : خلص اتفقنا .. مراد رح يكون ؟
وطن : لأ .. أنا ما خليتو .. إزا أنا صار شي ليلاس ما إلها حدا غير مراد
جاد : يا زلمة انتا ليش متشائم
وطن : ههههههههه
جاد : لك دخيل الله زمان ما شفتك عم تضحك
وطن : هه
جاد : متزكر أديش كنت تجنن الأساتذة بالمدرسة و لما تغيب يكيفو ويحتفلو
وطن : هنن كانو حاطين حطاطهن عليي
جاد : ايه انتا كنت كتير مشاغب ما خليت بنت ما عشقتها
وطن : ههه .. ايه هنن حلوين شو أعمل بحالي
جاد : اعشاق كل عشرة سوا
وطن : يلعن أبو ديبك نسيتني اني حاطط القهوة على الغاز هلأ بكون احترء البيت
قام يركض للبيت و لحقو جاد
جاد : 😂😂😂يا إمي لك وطن جبلك بشكير خليني نفض الدخان
وطن : ايه اضحاك يا جاد بس لحتى خلص بفرجيك
كان وطن ماسك بشكير وعم ينفض الدخان منشان يطلع من المطبخ .. نشفت القهوة واحترقت الدولة و وطن مو داري عن شي
جاد : هلأ أنا بس بدي أفهم كيف بتشغل تحت الدولة وبتطلع .. إزا القهزة كل مدتها خمس دقايق لحتى تغلي
وطن : كافي عم تعطينا نصايح وحكم الله يرحم لما حرقت المطبخ لإمك
جاد : لا تزكرني .. غرتني لحلب نبع الحنان😂
وطن : يحرء حريشك شو طويل لسان
جاد : يلعن طحطح يا زلمة ايمت بدي آجى ولاقي هالبيت نظيف
وطن : شي يوم هههه
جاد : قلي وين موعدك مع الأمرط
وطن : بصالة قمار تخيل
جاد : الله الله .. وبلكي كشفك
وطن : رح فوت شخص غيري وخلال العملية رح نحاصر المكان
جاد : ايه بس فبها كتير خطورة
وطن : مستعد ادفع حياتي كرمال أمسكو .. انتا مو متخيل اديش في شباب عم يموتو بسببو .. أديش في ناس عم ينذلو .. وأديش في بنات عم يتعذبو .. هيدا وحش مو إنسان .. بعدين لا تنسى انو وصلت لكتير مجرمين عن طريقو وصارو كلهن صحابي ههههه
جاد : هههههههه
وطن : بعد ما خلص من مهمتي رح صير لقطهن واحد واحد
جاد : طيب الوقت تأخر ..بدي روح وجهز الشباب ايمت الموعد بس
وطن : بكرا الساعة تلاتة بعد نص الليل
جاد : طيب اوك .. بكرا انشالله الساعة 12 بكونو الشباب عندك
وطن : ميسرة
جاد : سلام
طلع جاد من البيت وركب سيارتو وانصرف .. أما وطن فكان متحمس إنو رح يقدر يمسك بالأمرط ورح يشوف ليلاس .. غفي وهوي على الكنبة من دون ما يحس
______

كانت ليلاس قاعدة مع أمها و حماتها ونور وشام وسلام
رن جرس البيت وكان مراد .. فتحولو وفات لعندن
مراد : مسالخير يا جماعة
الكل .. : مسالنور
شام : ليش تأخرت
مراد : شوية شغل
شام : وشو هالشغل يلي أهم منا
مراد : حبيبتي شبك فورا بتعصبي قلتلك شوية شغل
سمية : أي روقو مو وقت خناقكن انتا واياها
مراد : كيفك ليلاسو
ليلاس : ... تمام أخي
مراد : كيف استعدادك للعملية
ليلاس : كتير خايفة
مراد : لا تخافي يعمري كلنا معك
ليلاس بهمس : وطن رح يجي
مراد ابتسم وما رد عليها وعمل حالو مو سامعها .. قام وقعد بجنب إمو وحماتو وصارو يضحكو بس عيونو كانن على ليلاس يلي بلش الدمع يتجمع بعيونها .. قامت بتثاقل ومشيت
نور : ليلاس وين رايحة أنا بجبلك يلي بدك اياه
ليلاس : ما في مشكلة
مشيت للمطبخ .. شربت كاسة مي و سندت ضهرا على المجلى وبلشت تبكي .. دخل مراد عليها ومشي لناحها
مراد : ليلاس ..ليلاس اتطلعي فيني
ليلاس : ايه
مراد : ليش عم تبكي يا روحي
ليلاس : ما في شي مراد
مراد : امسحيلي هالدموع هلأ البيبي بيزعل
ليلاس ببكي : وطن ليش هيك عم يعمل
مراد : يعمري قلنالك عندو تدريب
ليلاس بانفعال : كزاااابين .. كلكن كزابين .. وطن هون بالبلد هوي حكالي .. ليش مصر كل ما نقرب من بعض يبعد أكتر
مراد : ليلاس افهمي وطن عندو شغل
ليلاس : شغلو مو أهم مني .. أنا بعرف إنو هوي متورط بمهمة ومو عارف كيف يطلع منها .. وطن طايش ومو هكلان همو ولا همي ولا سائل عن هالدنيا .. بس خبرو إنو في روح متعلقة فيو إزا هوي صرلو شي أنا بموت من بعدو
مسحلا دموعا وضمها وصار يمسح على شعرا : يا عمري لا تبكي منشان الله ..
ليلاس : اشتئتلو
مراد : وهوي اشتئلك كتير كمان
ليلاس : برحمة أبوك يا مراد شو عم يصير معو
مراد : وطن بمهمة وكل أمة محمد ما قدرت تقنعو بإنو يتركها ويسلمها لحدا غيرو .. جوزك عنيد وراسو يابس بس لا تخافي هوي منيح

الوضع كان كتير بشع .. ليلاس امددة بتختها و غميانة .. الطفلة الصغيرة عم تبكي .. نور وشام عم يبكو بحضن أمهن .. و مراد ضام أمو ومربطة إديه ومو عارف شو صاير .. من مبارح عم يتصل بوطن وجاد بس ما حدا عم يرد عليه

انفتح الباب ومن دون ازن و دخل شخص والكل عم يتطلع فيو ليعرف مين هاد
نور و شام : وطااااااااااااااااااااانننن
ركدو عليه وضمو كل وحدة من جهة
(الكاتبة : شو عم يصير يا جماعة مصدومين متلي؟ 😲😂)
وطن : اشتئتلكن يا روحي
الكل حكى وقال بصدمة كبيرة : وطن
اتطلع فيهن ومو فاهم ش و عم يصير
وطن : شو في
ركد على إمو وضمتو وصارت تبكي وتبكي ومو قادرة تنطق ولو بكلمة
قرب وسلم على مراد وحماتو
مراد : انتا جني والعياذ بالله
وطن : ليلاس وينها
اتطلع وكانت ليلاس بالتخت وحوليها الممرضات .. ركد عليها ونزل لمستواها
وطن بعيون مدمية مو فاهم شو صاير .. ليش ليلاس مرمية بالتخت متل القتيلة .. كان المفروض يجي يلاقيها جاهزة وياخدها معو للبيت
وطن : ليلاس .. ليلاس يا روحي شو في .. ليلاس ردي علي منشان الله
وطن للمرضة : بربك شبها .. لكك شبهااااا حدا يفهمني
الممرضة : الصبية متعرضة لصدمة كبيرة بس لا تخاف صارت تمام شوي و بتصحى .. عن ازنكن
مراد : ازنك معك
اتقدم وطن لعند مراد وحكاه : لك حدا يفهمني شبها ليلاس .. مراد شو صاير
قرب على أمو يلي كانت ملاحقيتو بعيونها : امي شو صاير منشان الله
وطن : لك حدا يحكي لييييييييش انخرستو
دخل جاد وسلم عليهن : صباح الخير يا جماعة
الكل : صباح النور
وطن صرخ : لككككك احكووووو
جاد بهمس لمراد : شبو ؟
نور ببكي : في واحد اتصل وحكى انو رفيقك وانو انتا .. انتا
وطن : أنا شبنيييييي
نور : انو انتا متت
وركدت عليه و ضمتو .. مسح على راسها ومصدوم من حكيها
وطن : اتطلعي فيني نور حاج بكي .. نور أنا هون ما رحت .. اتطلعي فيني
مراد : أهم شي الحمدلله على سلامتك
شام : الحمدلله على سلامتك أخي
وطن : الله يسلمكن
مراد : يعطيك العافية جاد ما قصرت
جاد : ولو واجبنا كلنا
مراد : قولولي شو صار معكن
وطن غمزو وحكى : بعدين بخبرك
اتطلع على ليلاس يلي بلشت تتحرك .. ركد وقعد بجنبها على التخت ومسح وشها بإيدو وابتسم .. فرحتو قد الدنيا لأنو أخيرا رجعلا ..
وطن بهمس : ليلاس .. يعمري انتي سامعتيني
ليلاس عم تحكي من دون وعيا وأحرف مقطعة : وط ن ب حب ك ك
وطن : وأنا بعشقو لقلبك
وطن : فتحي عيونك .. اتطلعي فيني انا جيت .. يا عمري انتي

فتحت عيونها وفكرت حالها عم تحلم وقت شافتو .. خافت كتير .. شعورا بهالحظة صعبة نوصفو لأنو نحنا ما عشناه ولا حتى جربناه ..بس يلي عاشو وحس فيو هوي الوحيد يلي قادر يوصفو .. يلي منقدر نقولو انو شعور كتير صعب .. بوجع من جوا القلب

ليلاس : وطن
وطن : أنا وعدتك اجي وأنا بوفي بوعدي يا ليلاس
ليلاس : وطااااان
وطن : بحبك بحبك
ضمها وشد عليها .. ما بدو أي شي يفرقو عنها ..
ليلاس : بحبك
حضن وشها بين إديها وصار يمسح دموعا
وطن : هششش بلا بكي خلص .. أنا هون يا مجنونة .. لك ما بموت جني بسبع رواح
ليلاس رجعت تبكي أما الباقين فرطو ضحك على وطن
وطن : ههههه لك يا هبلة بس .. بس أنا هون
جاد بس واقف وعم يتفرج وعم يسرق نظرات من نور
نور : لك قرصها لتصحا البنت فاكرة حالها بتحلم
وطن باسها وهيي ضحكت
وطن : شفتو كيف بتصحا
ليلاس : ههههه
مراد : لكن يا عمي الضحكة لناس وناس
شام : هيك شايفلك .. من ايمت ما شفنا سنوناتها لليلاس
نور : من تسع شهور هههه
سمية : ايه امسكو ريقهن هلأ انتو التلاتة .. لسا واحد بدو يفتح تمو بدي قصو للسانو
مراد : اشتغل المقص
وهون الكل ضحك 😂😂😂
حكيو شوي بعديها جاد استأزن منهن
جاد : يلا يا جماعة أنا بالازن والحمدلله على سلامتك ليلاس والحمدلله على سلامة البنوتة بدكن تسمحولي
وطن : وين أبو الجود لسا بكير
جاد : تسلم
مراد : نازل للفرع
جاد : ايه .. انتا مداوم
مراد : ايه هلأ بوصلهن على البيت وبلحقك اوك
جاد : ماشي .. صايع رح خليلك سيارتي وأنزل مع الشباب ايمت ما فضيت مررلي اياها
وطن : ماشي
رمالو المفتيح ومشي بس قبل ما يطلع التفت بوطن وحكى
جاد : شو منشان الموبايل ما بدك اياها
وطن : يلعن أبو يومك نسيتني هاتو هاتو
جاد : هههه يلا سلام
طلع جاد و وطن اتطلع بليلاس يلي كانت ماسكة بإيدو
وطن : خلي إيدك بإيدي منشان نطمن الحاسدين انو نحنا سوا و مكملين
ليلاس ابتسمتلو ...
مراد : رح أنده للممرضات يجو يفكو السيروم منشان ننزل للبيت سلام ناطريتنا والفطور جاهز ...

وصلو الممرضات و شالولها السيروم .. جهزو حالهن وطلعو .. وطن ماسك بإيد ليلاس وعم يمشيها على مهلها لوصلو للأصنصير .. طلعو برا المشفى مع إمو و حماتو وشام و مراد ونور يلي لسا عم تفكر مين يلي اتصل

وأخطر المجرمين الملقب بالأمرط يلي أمضا وقت طويل وكان منا و فينا وشغل منصب كبير بالدولة ولم أذكر اسم الوزير السابق لأنه شخص كان يسبب عار لهذا المنصب ولهذا الاسم .. اليوم وبهذا الاحتفال يسعدني ويسعد كل شخص في هذي الجلسة .. أن نرفع القبعة لهذا الشخص المناضل والشريف .. ونقدم له هذا الوسام .. الرائد وطن الخالد
وقف وطن من بين الناس يلي كانت قاعدة على الكراسي واتقدم ناح المنصة .. وطن : أنا بتشكركن كتير على هالتكريم العظيم وبتشكر كل شخص من كبار المسؤولين يلي ساعدني ودعمني لحتى فوت بهالمهمة إن كان دعم نفسي ودعم مادي .. أنا كتير فرحان بهاليوم العظيم و بوجودي بهالمكان .. أنا كلشي عملتو لمصلحة هالبلد وهي الوقفة أنا بعتبرا فخر كتير الي .. وبصراحة أنا متلبك كتير وكتير حكي كنت مجهزو وحابب أحكيه بس نسيتو كلو هههه
الكل صار يضحك ...
الوزير : يا حضرة الضابط ما في داعي تحكي لانو أفعالك هية يلي حكت عنك وعرفتنا مين بكون هوي المقدم وطن
وطن : المقدم !!
الوزير : طبعا مقدم ومنها للرتب الأعلى انشالله
اجى عسكري وأعطى الوزير علبة فيها نجوم ونسرين .. قرب الوزير من وطن وشال الرتب القديمة من على كتافو وحط الرتب الجديدة
ولما خلص .. وطن ضرب تحية للوزير
نزل الوزير و وطلعت طفلة صغيرة لابسة فستان عروس أبيض و ولد لابس عسكري و قدمولو باقة ورد و هوي باسهن .. وبعد شوي اجى لواء من الموجودين وسلم وطن جائزتو ..
طبعا الصحافة موجودة وعم تصور
خلص وطن ونزل .. وطلعو على المنصة مجموعة عساكر كمان عم يكرموهن

جاد عم يحكي لمراد : انتا مين قلك بدهن يكرموني أو يرفعولي رتبتي
مراد : أن فكرت بدهن يكرموك لما بعتولنا دعوات
جاد : ها .. وبعدين ع شو بدهن يكرموني ليش شو عملت .. انت ممكن الك انجازات كتير
فجأة حدا نده على اسم مراد وطلع على المنصة و ضرب تحية وضافولو نسر ورفعولو رتبتو
ونده على أسماء كتيرة كان الهن انجازات تانية ..
خلص الحفل ونزل الكل من على المنصة

طلع مراد والتقى برا بوطن ..
مراد : لك شفت جاد
وطن : لأ فكرتو معك
مراد : لك فجأة اختفى .. معقول زعل لأنهن ما كرموه
وطن : انتا مصدق جاد بيزعل على هيك شي بايخ
مراد : مو معقول انتا كل شي عندك بايخ
وطن : لا بس يمكن راح عند قبر أخوه تركو على راحتو
مراد طلع بالسيارة بجنب وطن وحكى...
مراد : قبر أخوه ! .. بفهم من حكيك أخوه ميت
وطن : إيه أخوه كان عقيد وزمان مات
مراد : بتعرف هي أول مرة بسمع فيها
وطن : لك ايه يمكن كان بوقتا حادي عشر او بكلوريا لما توفى أخوه منشان هيك هوي دخل باللكلية الحربية معي ههه
مراد : ايوا .. منشان هيك من أول الحفل قالب خلقتو
وطن : هيدا أبو الجود خمس دقايق و بروق لا تخاف عليه
مراد :ههه طب يلا اسرع ناطرينا بالبيت
وطن : يلااا

وصل مراد و وطن على البيت وأول ما دخل وطن من الباب ركدت عليه ليلاس وضمتو
ليلاس : مبروووووك
وطن بهدوء : دخيل قلبك ايه
قدمت وضمت أخوها وباركتلو والكل صار يباركلهن ويهنيهن
محمد : ايه مليون مبروك يا صايع
وطن : الله يبارك فيك أبو حميد
قعدو كلهن بالصالة وعلى ضحك ومزح ...
وطن ماسك بنتو وعم يلاعبها ويرفعها بإيدو ويزتها ويرجع يمسكها
سمية : يا إمي لا توقع هالبنت
ما رد عليها وبقي يلاعب فيها
وطن : لك دخيلو ما أحلااه .. يباباااا يا شغوفة .. لك يسعدو أنا
ليلاس : وطن بربك هات البنت لتروح توقع
وطن : خلص ليلاس ما بتوقع
ليلاس : والله خيفانة عليها خلص كافي عم تزتها
وطن : شو يباباا لك دخيلو
ليلاس : شبك وطن عم حاكيك
ضحك من قلبو وحط إيدو على كتافها وشدها لناحو
ليلاس : لك أخخخ ولو وجعتني
وطن : وهيك
ليلاس : لك اخ وطن والله عم توجعني .. مراد عندك اياه
مراد : بربك مو وقت تتزانخ تروك البنت
اجت نور وقعدت على رجل وطن ..
وطن : ثقلانة ولو نور هيك وعاملة دايت على أساس
نور : ييي وطن ليش دائما بتحطم آمالي أنا والله نحيفا
ليلاس : حرام اجبور بخاطرها وقلها انها نحفانة
وطن : نحفانة هههههه
نور : بدل مو جاي افزعلك أم شبر ونص
ليلاس : هههه
وطن : نور قومي عن رجلي دابحتني
نور : ييي وطن ماني قايم
وطن : يا إلاهي ما أتقل دمك زيحي رجلي بتوجعني
نور : هلأ لو ليلاس بدها تقعد على رجلك بتخليها بس أنا اختك حبيبتك ما بدك تقعدني
وطن اتطلع بليلاس وضحك : لك ليلاس بقعدها بقلبي اذا بدها .. ليكي لساتني عم بقنعها بس قال مستحية قدام الكل ههههه
ليلاس : كزاب عم يضحك عليكي
وطن : رح أعمل حالي أطرش هالمرة ولا كأني سمعت
نور : طب رد علي اماااااانة
وطن : شو بدك
نور : ليش ما عم بتخلي ليلاس تنزل على الجامعة .. والله حرام عليك
وطن : مرتي وبغار عليها ما بدي ياها تطلع وحقي .. وازا بدكن تحكو عن عقلي انو صعب احكو للصبح