بقلم_ميوس
الحزء_الرابع
بهالوقت الكل بكون نايم الا ليلاس فتحت جوالها وصارت تحاكي وطن ..
بالصباح الجديد ...🌸
ماري بنت خالها كانت عم تصحيها على الفطور ...
ماري : يا ليلاس ... يا عمري أومي ... لك خلصيني ولو
ليلاس : تركيني
ماري : يلا يا ليلاس الكل صحي إلا انتي
ليلاس : أووووف
ماري : يلا ناطرينك ع الفطور
ليلاس : جاي
ماري : بلا بياخة شو شايفتيني صغيرة امشي إدامي
قامت ليلاس و النوم على عيونها غسلت و استاولت شالتها ردتها على راسها و نزلت
بابتسامة صغيرة : صباح الخير
خالها : يا صباح الفل ليلاسو
مراد : شو شمستك عالية يا بنت
تقدمت و ارتمت بحضنو
ليلاس : يسعد صباحك
مراد : و صباحك يا عمري
مراد : كيفك يا قلبي
ليلاس : ما بتسدء شو مشتألك ... حابب ضل مرتمية بحضنك مراد
بقي ضاممها وعم يمسح على راسها
كانت عم تنزل دمعة من عيونها عم تحاول تخفيها عن الكل عم تعلق بأواعي مراد ما بدها حدا يشوفها مكسورة بتحس بحنان حضن مراد هوي كتير بحبها و كتير متعلقة فيو و ما عم تقدر تشوفو بالشهر مرة وحدة عم تحس إنها وحيدة
أمها : ما شبعتو من بعض
مراد : هههه وانتي ليش غيران ليكو أخوكي خليه يضمك
ليلاس : هههه
أمها : يلا أدمو على لفطور
اتقدمو وفطرو وبعد يومين كان لازم يرجعو للضيعة ..
ليلاس : يعني شو كان صار لو بقينا لسا يومين ماما
أم مراد : خلص منرجع مرة تانية
ليلاس : والله دائما هيك بتحكي بس شكلو لا مرة تانية ولا تالتة
مراد : خلص ولو اسمعي كلمة إمك ويلا
ليلاس : وانتا ما رح تجي معنا على الشام
مراد : والله تأخرت كتير صارو متصلين عليي مية مرة مافيني أتأخر أكتر من هيك .. بس بوعدك ما رح طول
ليلاس صارت تبكي وحضنتو وهو صار يبكي على بكاها .. ضم أمو وباسها وطلع بسيارتو متوجه لشغلو أما ليلاس فركبت مع أمها ليرجعو على الشام وكانت كتير متضايقة
_______
بعد ما وصلت على الشام بكم يوم مع أمها ما شافت وطن بس كانت عم بتحاكيه على الجوال
كانت سهرانة مع أمها بالصالة وعم يتابعو مسلسلهن ...
ليلاس : ماما
أم مراد : نعم حبيبتي
ليلاس : كتير جوعانة بدي أووم اطبخ
أم مراد : أنا بطبخلك
ليلاس : أمانةة أمانةة والله صرت كبيرة بطبخ لحالي
أم مراد : روحي بس يا ويلك إزا بيحترؤو الطبخات
ليلاس : مااااشي
و دخلت ركض ع المطبخ و سكرت الباب
وقفت بنص المطبخ ...
ليلاس : ممممم شو بدي أعمل ... معكرونة ... لا ما بحبا ... اووف شو يا ربيي ... بطاطا طيب ممم والله مو عرفانة بدي أكلة سريعة لأيتا رح أعمل صحن ملوخية مع الرز كتير طيبة إيه وما رح كتر ...
بلشت بالملوخية ركبتها ع الغاز و بلشت بالرز كمان و ركبتهن ع الغاز و وقفت بجنبهن حتى يستوو
مسكت جوالها وكان مراد عم يتصل عليها .....
ليلاس : ألو
مراد : مسالخير يروحي
ليلاس : يا هلا مسالنور مراد كيفك
مراد : مشتائلك انتي كيفك
ليلاس : كتير منيح نائصني شوفتك
مراد : يا قلبي انتي كيفا ماما
ليلاس : تمام آعدة بالصالون عم تتفرج ع التلفزيون
مراد : تاركيتا لحالا يا دبة
ليلاس : لك لااا من شوي كنت معها بس قمت لأطبخ ملوخية و رز شو طبخة يا مراد اشتهيتك معي الريحة بتشهي وليييي
مراد : الله يسامحك طيب بتعرفيني بحبا و ما حدا هون بيطبخلي اياها ليش لتغوريني يعني
ليلاس : شو أعملك ليش شو نائصك حتى ما تعملها ولو
مراد : لك ما بعرف كيف بتنطبخ بعدين ما معي وئت من دئيئة دخلت ع البيت بتسدئي و ما معي وئت لحتى أطبخ لأني هلكاااان والله هلأ باكل شي ع السريع و بنام بتسدئي
ليلاس : لك لسا الوئت بكير
مراد : والله كتير تعبان من الصبح و أنا بالفرع ما هديت
ليلاس : معناتو أوول لباسل هوي يطبخلك اياها بعرفو شاطر بهيك شي 😂😂
مراد : لك هيدا بيطبخن و بياكلن لحالو و بنساني 😂
ليلاس : يلا بدك شي مراد احترئت الطبخة بكرا الصبح حاكيني وتس باين عندك كتير حكي ههههه
مراد : باي يعمري و سلميلي على الماما
ليلاس : مع السلامة الله معك ❤
رجعت للطبخة و حركتها و لحتى صارت شبه جاهزة
وطن بعتلها مسج : إنو ما بعرف بس شامم ريحة أكل
ليلاس : يا ربيي وطن كيف بتعرف
وطن : آهاااا يعني في أكل و شكوكي بمطرو
ليلاس : إيه عم بعمل ملوخية حول
وطن : يا ريت فيني حول لعندك لضلني عندك و ما أرجع
ليلاس ههههه دخيل قلبك بحبك
وطن : بعرف بس أنا أكتر
ليلاس : وانتا شو عرفك آعد بألبي
وطن : إيه بس المهم انا أكتر
ليلاس : بلا بياخة أنا أكتر يعني أنا
وطن : إيه ما حزرتي انا أكتر
ليلاس : يا الله وطااااان لا تجاكر
وطن : 😉أنا اكتر
ليلاس : أنا اكتر
وطن : لا لا لا 😂
ليلاس : ماشي يا وطن روح احترئت الطبخة
وطن : بتشارطي إني يحبك أكتر